བྱེད་པས་བཟླས་ནས་སུ། །བསང་གཏོར་དང་ནི་འཐོར་འཐུང་བྱ། །ཀུ་ཤ་རྩེ་མོ་རྣོན་པོ་ཡིས། །ཐབ་ཁུང་ཁོར་ཡུག་བསྐོར་བར་བྱ། །མེ་ནི་འབར་བར་ཤེས་པ་དང་། །གཡས་པ་མི་འཇིགས་ཐོབ་སྤྱོད་ཅིང་། །གསང་སྔགས་འདིས་ནི་ཆོ་ག་བཞིན། །མེ་ཡི་ལྷ་ནི་སྤྱན་དྲང་ངོ་། །ཚུར་སྤྱོན་ཚུར་སྤྱོན་འབྱུང་པོ་ཆེ། །ལྷ་ཡི་དྲང་སྲོང་བྲམ་ཟེ་མཆོག །སྲེག་བླུགས་ཞལ་ཟས་བཞ…

བསྲིང་བ་ནི། །བར་ཆད་མེད་པའི་དབྱངས་ཀྱིས་སྦྱར། །ཞི་བའི་སེམས་ནི་ཞི་བ་ལ། །འབྱོར་པས་རྒྱས་པ་མངོན་པར་སྤེལ། །དྲེགས་བདེ་སྟབས་ཚུལ་བཅས་པ་དང་། །དབང་དུ་གྱུར་པས་དབང་དུ་བྱའོ། །དྲག་ཤུལ་སྤྱོད་ཚུལ་ལ་གནས་པ། །ཧཱུྃ་ཞེས་པ་དང་ཕཊ་དང་བཅས། །ལུས་ནི་མེ་ལྕེ་འབར་བ་དང་། །འཇིག་རྟེན་གསུམ་པོ་བཟར་བསམས་ནས། །བསྐུལ་བའི་ཚིག་དང་སྤེལ་བ་ཡི། …

ཆོས་མིན་རྣམ་སྤངས་ནས། །བྱང་ཆུབ་བདེ་བ་ཐོབ་པ་ནི། །དེ་ཕྱིར་རྣམ་རྟོག་རྣམ་སྤངས་ལ། ཟབ་མོ་ཡི་ནི་ཆོས་སྤེལ་ཏེ། །དེ་བཞིན་གཤེགས་པས་གསུངས་རྣམས་ལ། །སྔགས་རིག་རྣམ་རྟོག་མ་བྱེད་ཅིག །རྣམ་རྟོག་རྨོངས་པ་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་པས། །ནམ་མཁའ་ལྟ་བུར་དྲི་མེད་པའི། །རྣམ་པར་མི་རྟོག་ཏིང་འཛིན་གནས། དབང་པོ་གཉིས་ནི་མ…

ཚིག་བརྟན་པར་བྱ་བ་སྟེ། །རྟག་ཏུ་བཟའ་ཞིང་སྦྱིན་པར་བྱ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་སྦྱིན་སྲེག་གི་ལེའུ་སྟེ་བདུན་པའོ།། །།དེ་ནས་གཞན་ཡང་བཤད་བྱ་བ། །འགྲོ་བ་མི་ཤེས་མུན་བསལ་ཕྱིར། །ཡེ་ཤེས་ཉི་མ་ཤར་བ་ལས། ། ཀེག་པུ་མུན་པ་བསལ་ཚུལ་གསུངས། །གཤིན་རྗེའི་གཤེད་ལ་སོགས་པ་ཡི། །མདོག་དང་ཕྱག་མཚན་ལ་སོགས་པ། །དེ་ཀུན་སྔོན་…

པ། །འཛིན་ཅིང་སྦྲུལ་གྱིས་ཡང་དག་བརྒྱན། །འོག་ཏུ་བགེགས་ཀྱི་གཙོ་མནན་ནས། །གད་མོའི་སྒྲས་ནི་འདེབས་པར་བྱེད། །རལ་པའི་གཙུག་ཏོར་གྱིས་བརྒྱན་པ། །ཁྲོ་བོ་འདི་འདྲ་སྒོམ་བྱེད་པའི། །རྣལ་འབྱོར་གང་ལ་སངས་རྒྱས་ཀྱི། ། སྤྲུལ་བའི་བགེགས་ཀྱང་རླག་བྱེད་ན། །གཞན་མ་རྣམས་ནི་སྨོས་ཅི་དགོས། །སྙིང་འགུགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏ…

སྒོམ་པར་བྱེད་པ་ལ། །བསྐལ་པ་བརྒྱད་ཅུའི་བར་དུ་ཡང་། །བགེགས་ཀྱི་གནོད་པ་ཡོང་མི་འོང་། །བགེགས་ཀྱི་སྟོང་པ་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ཡང་ནི་བྲུྃ་གྱི་ཡེ་ཤེས་ལས། །ཡང་དག་བྱུང་བའི་སྐབས་དཀར་པོ། །ཞལ་གསུམ་གསེར་ཞུན་ལྟ་བུར་གནས། །ཕྱག་དྲུག་གདུགས་ལ་སོགས་འཛིན་ཅིང་། །སྐྱབས་མེད་ཕོངས་པའི་སྐྱབས་མཛད་ཅིང་། །མ་ནི…

པོ་བདེ་བ་ཡིས། །ཚུལ་བཞིན་དུ་ནི་སྔགས་པས་བྱ། བསྐུལ་བའི་སྙིང་པོས་འདི་སྨྲ་སྟེ། ཛྫ་ཞེས་སྐད་ཅིག་སྐད་ཅིག་ཏུ། །རང་གི་གནས་ན་གནས་པ་ཡིན། །དེ་ཉིད་ལྷ་ཉིད་བསྐྱེད་པར་བྱ། །བཅུ་དྲུག་ཆ་དང་ཡང་དག་ལྡན། །ཟླ་བ་གསང་བའི་ཐིག་ལེ་ལ། །མེ་ཏོག་དང་ནི་འདྲ་བ་ཉིད། །རླུང་གིས་ཕུལ་བས་བསྐྱོད་པར་བྱ། །དེ་བཞིན་བསྐྱོད་པས་བསྒྲུབ་པར་བྱ། །དེ་བཞི…

གྲངས་སྙེད་ཀྱི། །མཚན་གྱི་དོན་ནི་འདི་དོན་དུ། །ཡང་དག་འདུས་པར་ངས་བཤད་དོ། །གཞན་དུ་དོན་ནི་མ་བསྒྲགས་པ། །བླ་མ་ལ་ནི་གུས་པ་ཡི། །སློབ་མ་ལ་ནི་མ་རྟོགས་པའི། །རྒྱུད་གཞན་དག་ཏུ་སྦས་པའོ། །དོན་འདི་ཡང་དག་མ་ཤེས་ན། ། ཇི་སྙེད་དོན་ནི་བསམ་ཡས་པ། །ཤེས་ཀྱང་དེ་ཡི་འབྲས་བུ་མེད། །དེ་འདོད་མཉེས་བྱས་ཡང་དག་བླང་། །དཔལ་རྡོ་རྗེ་སྙིང་པོ་ར…

རྣམས་ཡང་བསྡུས་ནས། །བཟའ་བ་རུ་ནི་རབ་ཏུ་བརྟག །རུས་པ་རྣམས་ཀྱང་འཚོས་བྱས་ནས། །ཤེས་པ་རྡོ་རྗེ་པདྨར་སྦྱར། །འདི་ནི་དོན་སྒྲུབ་རབ་བྱེད་པས། །ཟླ་བ་ཕྱེད་ནི་ཚུན་ཆད་ཀྱིས། །རྡོ་རྗེ་འཛིན་པ་ཆེན་པོ་ཡང་། །འཆི་བར་འགྱུར་བར་གདོན་མི་ཟ། །རྡོ་རྗེ་གསང་བ་འདི་ལྟ་བུ། །བསྒྲུབ་བྱ་ལེགས་པར་བསྒྲུབས་བྱས་ནས། །ལས་ངན་དག་གིས་དེ་མི་འཁོལ། །སང…

བདུན། །དམ་ཚིག་མངོན་རྒྱན་སྟོང་ཕྲག་གསུམ། །འཇམ་དཔལ་དཔའ་བོ་འབུམ་ཕྲག་གཅིག །གསང་ཆེན་འདུས་པ་བརྒྱ་ལྔ་བཅུ། །རིན་ཆེན་སྡོང་པོ་དགུ་བརྒྱ་བདུན། །དུས་ཀྱི་ཐིག་ལེ་བརྒྱ་བརྒྱད་ཅུ། །ལྷ་མོ་བསྟན་ཆོས་ལྔ་བརྒྱ་བདུན། །འདི་རྣམས་དགོངས་པའི་བྱེ་བྲག་གིས། །ང་ཡིས་ཡང་དག་བསྟན་པར་བྱ། །འདི་ནི་གཉིས་གཉིས་འཁྱུད་པ་ཡིས། །རྒྱུད་ཀྱི་དབྱེ་བ་བས…

ཡིད་གསུམ་རབ་བྱུང་བའི། །སྡོམ་པ་དེས་ཀྱང་མཁའ་འགྲོ་ཡི། །རྒྱུད་རྣམས་ཡང་དག་སྦྱོར་བར་བྱེད། །ཟླ་བ་སྨྱུང་དང་གཙང་སྦྲ་བསྡམ། །གྲོང་དང་གནག་ལྷས་ཐང་ལའམ། །ལུས་དང་ངག་དང་ཡིད་ཀྱིས་ནི། །གནོད་པ་དག་ནི་ཡོང་མི་བྱེད། །དེ་བཞིན་གཤེགས་པའི་སྡོམ་པ་མཆོག །བླ་ན་མེད་པའི་བྱང་ཆུབ་སེམས། །འགྲོ་བའི་དོན་བྱེད་བྱང་ཆུབ་སེམས། །བྱང་ཆུབ་སེམས་ནི…

པ་དང་། །བདེ་གཤེགས་བཀའ་ལས་འདའ་བྱེད་དང་། །ཞེ་སྡང་གིས་ནི་མཆེད་སུན་འབྱིན། །བྱམས་སེམས་མེད་པར་སེམས་ཅན་སྤངས། །བྱང་ཆུབ་སེམས་ཆེན་འདོར་བ་དང་། །བདག་གཞན་གྲུབ་པའི་མཐའ་སྨོད་བྱེད། །སྣོད་མི་རུང་ལ་གསང་བ་བསྟན། །རྒྱལ་བའི་བདག་ཉིད་ཕུང་པོ་སྨོད། །དག་པའི་ཆོས་ལ་སོམ་ཉི་བྱེད། །གསུམ་ལྡན་ཁྲོ་ལ་བྱམས་ལྡན་ཏེ། །སྟོང་པ་ཐལ་བྱུང་ལ་རྟོ…

རྟ་ཤ་དང་། །བ་ལང་ཁྱི་ཤ་ཤ་ཆེན་རྣམས། །ཡེ་ཤེས་ལྔ་ཡི་ངོ་བོའི་ཕྱིར། །དགའ་བའི་སེམས་ཀྱིས་བཟའ་བར་བྱ། །དེ་བཞིན་སེམས་ཅན་གསད་པར་བྱ། །མ་བྱིན་པར་ཡང་བླང་བར་བྱའོ། །བུད་མེད་ཐམས་ཅད་འདོད་པ་སྤྱོད། ། བརྫུན་ཚིག་དག་ཀྱང་སྨྲ་བར་བྱ། །དེ་ལྟར་བྱས་པས་སངས་རྒྱས་དང་། །བྱང་ཆུབ་སེམས་དཔའ་མཉེས་པར་འགྱུར། །སེམས་ཅན་རྣམས་ཀྱང་ཚིམ་ཞིང་དགའ། …

ཀུན་འགྲུབ་པར་བྱེད་པར་སྒྲུབ། །མདའ་མཁན་མ་དང་སྨེ་ཤ་ཅན། །གདོལ་བ་མོ་དང་གར་མཁན་སོགས། །མདུན་གྱི་སོ་ལ་ལྷག་ཡོད་པ། བྱད་དང་མདངས་ལྡན་རྨ་མེད་མ། །ལོ་ནི་སུམ་ཅུ་རྩ་གཉིས་བསྔགས། །ཡང་ན་ཉི་ཤུ་རྩ་ལྔའོ། །ཡང་ན་ཆུ་དང་དང་པོར་སྐྱེས། །སྦྱངས་ནས་ཤི་བ་མ་སྦགས་པ། །ཡང་དག་བླངས་ཏེ་ཕ་བོང་སྟེང་། །གཞན་ཡང་བུ་མོ་སྐྲ་བཟུང་སྟེ། །ལྷ་བཞད་དང་ན…

བ། །དེ་ནས་སྦྲུལ་ནག་ལྟ་བུ་རུ། །རོ་ཡི་ཁ་ནས་འབྱུང་བར་བྱེད། །དེ་དེ་སྒྲུབ་པོས་ཁ་ཡིས་བླང་། །བྱུང་སྟེ་གསེར་གྱི་རལ་གྲིར་འགྱུར། །དེ་ཐོགས་ཚངས་པའི་འཇིག་རྟེན་ཁམས། །སྟེང་དུ་ངེས་པར་འགྲོ་བར་བྱེད། །དེ་བཞིན་ཀུན་དུ་འགྲོ་བར་བྱེད། །དེ་བཞིན་རྫས་ཀུན་གང་ལ་བསྟན། །ཐམས་ཅད་གསེར་འགྱུར་རྩི་ལྟ་བུ། །དེ་བཞིན་ཐབས་སྒྲུབ་དེ་བྱ་ན། །རོ…

མ་དགའ་བ་དད་མོས་ཅན། །ཤིན་ཏུ་རྒྱན་གྱིས་རབ་བརྒྱན་པ། །དད་ལྡན་སྦྱོར་བ་ལ་གོམས་པ། །གཟུགས་བཟང་འདོད་ཆགས་ཀྱིས་མྱོས་བྱེད། །ཤིན་ཏུ་དུལ་བ་ཁྱད་པར་ཅན། །བཀུར་བའི་གནས་སུ་ཡང་དག་བླངས། །དགེ་དང་བསྒོམ་པ་ལ་དགའ་བ། །རྟག་ཏུ་བླ་མ་ལ་གུས་པའི། །སློབ་མས་བླ་མ་འདི་ལྟར་བལྟ། །བླ་མ་སངས་རྒྱས་ཀུན་དང་མཉམ། །དེ་ཉིད་རྟག་ཏུ་རྡོ་རྗེ་འཆང་། །དེ…

འགྲོ་བ་དང་རྐང་པ་བརྐྱང་། །ཡང་དག་ཉིད་དུ་མི་བྱའོ། །ལས་ནི་གང་དག་བྱེད་པའམ། །མཉན་པ་ལ་སོགས་འདོད་པ་ལ། །གཟུང་ཕྱིར་ཐལ་མོ་མ་བཤིག་པར། །གནས་ནས་ལངས་ཏེ་མཐོང་ཡུལ་དུ། །རྒྱབ་ཀྱིས་ཕྱོགས་པར་མི་བྱ་སྟེ། །མཚན་མོ་དང་ནི་ཆུ་བརྒལ་དང་། །གཅོང་རོང་དག་ཏུ་གནས་གྱུར་ན། །བཀའ་ལུང་གཉེར་དུ་དགུམ་པའི་ཕྱིར། །མདུན་དུ་འགྲོ་བ་ཉེས་མི་འགྱུར། །ད…

ཐུན་རུང་ཁྲོ་བག་དང་བཅས་པ། །ཆགས་མིན་ལྟ་བྱེད་ངོ་གནག་པ། །དཀར་འཆང་གཡས་གཡོན་དགྱེ་བ་སྟེ། །འདི་རྣམས་ཡང་དག་ཕྲད་གྱུར་ན། །སྒྲུབ་པ་པོ་ལ་ཚེ་འདི་རུ། །དངོས་གྲུབ་ཡང་དག་སྟེར་བ་སྟེ། །དེ་བས་འདི་རྣམས་འབད་པས་བཙལ། །ཡང་དག་རྙེད་ནས་གང་རུང་དུ། །བ་ལང་བཟའ་ནི་མདའ་ཡི་ནང་། །བཏུང་བས་ཤེལ་ཁམས་རྣམ་པར་འཕེལ། །དེ་ནི་ཐབས་ཀྱིས་སྟེར་བ་ཡིས།…

འདི་ནི་བདེ་གཤེགས་བདེ་མཛད་པ། །ཁྱོད་ནི་འདི་ལས་རབ་བྱུང་ངོ་། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་དམིགས་པ་དང་བཅས་པའི་ཤེས་རབ་ཀྱི་མཚན་ཉིད་བརྟག་པའི་ལེའུ་སྟེ་བཅྭ་ལྔ་པའོ།། །།དེ་ནས་ཡང་ནི་བཤད་བྱ་བ། །དངོས་ཀུན་ཆོ་ག་ཤེས་མེད་ན། །སྒྲུབ་པོ་དངོས་གྲུབ་འབྱུང་མི་འགྱུར། །དེ་ཕྱིར་འདིར་ནི་བརྟུལ་ཞུགས་བསྟན། །སྦྱོར་བའི་རྩོལ…

ལྡན་པ་དང་། །གཏི་མུག་སྒྲིབ་པ་རབ་གནས་པ། །སྨྱོན་པའི་རྣལ་འབྱོར་སྦྱོར་བ་ཡིས། །ཟླ་དྲུག་གིས་ནི་དོན་ཡོད་གྲུབ། །རང་ཉིད་སངས་རྒྱས་ཀུན་མཐོང་ཞིང་། །འདོད་པ་ཀུན་གྱིས་རབ་ཏུ་འགེངས། །ཟད་མེད་གཞོམ་དུ་མེད་པ་དང་། །དང་བའི་སྐུ་ཚེ་འབྱུང་བར་འགྱུར། །བླ་ན་མེད་པའི་བྱང་ཆུབ་མཆོག །འབད་པ་མེད་པར་ཡང་དག་འཐོབ། །འདོད་པ་ཀུན་གྱི་དགའ་མོས་ར…