གཏི་མུག་ཐམས་ཅད་འོད་གསལ་བ། །མཁའ་འགྲོ་སངས་རྒྱས་ཆེན་པོ་སྟེ། །གཟུགས་སྣང་ཆོས་ནི་རྣམ་དག་པ། །བདེ་གཤེགས་མཁའ་འགྲོ་ཁྱོད་ཕྱག་འཚལ། །ང་རྒྱལ་ཐམས་ཅད་འོད་གསལ་བ། །མཁའ་འགྲོ་རེ་འདོད་སྐོང་བ་སྟེ། །སིམ་སོགས་ཆོས་ནི་རྣམ་དག་པ། ། རིན་ཆེན་མཁའ་འགྲོ་ཁྱོད་ཕྱག་འཚལ། །འདོད་ཆགས་ཐམས་ཅད་འོད་གསལ་བ། །སྐྱོན་གྱིས་གོས་མེད་མཁའ་འགྲོ་ཆེ། །མཚན…

བདེ་བར་གཅིག་ཏུ་བསྡུས་པར་གྱུར་ཏེ། རང་རང་གི་སྐུ་བུད་མེད་ཀྱི་ཚུལ་དུ་བསྐྱེད་ནས་བཅོམ་ལྡན་འདས་ཀྱི་ཐུགས་ཀ་ནས་མངོན་པར་བྱུང་བར་གྱུར་ཏོ། །དེ་ནས་མཁའ་འགྲོའི་ཚོགས་དེ་དག་ཐམས་ཅད་རབ་ཏུ་དགའ་ནས་ཅ་ཅོའི་སྒྲ་ཡང་དག་པར་འབྱིན་ཅིང་དབྱངས་ཆེན་པོ་བརྗོད་པར་གྱུར་ཏོ། །ཀྱེ་མའོ་རྡོ་རྗེ་སེམས་དཔའ་ཡི། །རྡོ་རྗེ་ཤིན་ཏུ་དགྱེས་ཆེན་པོ། །ཀྱ…

འབྱེད་པའི་ཆོ་ག་དང་། །གཏོར་མ་རྡོ་རྗེའི་བཟླས་པ་དང་། །དྲག་ཤུལ་སྒྲུབ་པའི་ཆོ་ག་དང་། །རབ་ཏུ་གནས་དང་དཀྱིལ་འཁོར་སྒྲུབ། །གསང་བའི་དེ་ཉིད་བཅུ་ཡིན་ནོ། །དཀྱིལ་འཁོར་ཏིང་འཛིན་ཕྱག་རྒྱ་དང་། །སྟང་སྟབས་འདུག་སྟངས་བཟླས་བརྗོད་དང་། །སྦྱིན་སྲེག་མཆོད་པ་ལས་སྦྱོར་དང་། །སླར་སྡུད་པ་ཡི་རྣམ་པ་ནི། །ཕྱི་ཡི་དེ་ཉིད་བཅུ་ཡིན་ནོ། །ཡང་དག…

ལེགས་སོ་ལེགས་སོ་སྣ་ཚོགས་ཆེ། །ལེགས་སོ་ལེགས་སོ་ཤེས་རབ་ཆེ། ལེགས་སོ་ལེགས་སོ་དགྱེས་པ་ཆེ། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས། ཐུགས་རྗེ་ཆེན་པོའི་ཐུགས་རང་གི་ཐུགས་ཡང་དག་པ་ལ་དམིགས་ནས་ཅང་མི་གསུང་བར་བཞུགས་སོ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་རྣལ་འབྱོར་ཆེན་པོའི་དེ་ཁོ་ན་ཉིད་ངེས་པ་ཞེས་བྱ་བ། དཔལ་ཨཽ་ཊྱཱན་…

རླབས་ཀྱིས་ལྷའི་རྒྱལ་པོའི་ཁང་བཟང་དེ་ནི། ནོར་བུ་རིན་པོ་ཆེའི་ཁང་བརྩེགས་དང་། ནོར་བུ་རིན་པོ་ཆེ་ཆེན་པོའི་ཏོག་དང་། ཁ་དོག་སྣ་ཚོགས་རྣམ་པར་བཀྲ་བའི་དར་དཕྱངས་དང་། འཕན་དང་། གདུགས་དང་། རྒྱལ་མཚན་དང་། བླ་བྲེས་དང་། རིན་པོ་ཆེ་སྣ་ཚོགས་ཀྱི་རྒྱན་ཕྲེང་དང་། དྲ་བ་དང་། དྲ་བ་ཕྱེད་པ་དང་། རྔ་ཡབ་དང་། མེ་ཏོག་གི་ཆུན་པོ་དང་། དྲིལ་…

གསང་བའི་ཆོས་ཀྱི་སྒོ་འདི་ཉིད་སྟོན་པར་མཛད་དོ། །ཡང་དེའི་ཚེ་ན་ལག་ན་རྡོ་རྗེ་རྡོ་རྗེ་འཆང་ཆེན་པོ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་ཐུགས་ལ་རབ་ཏུ་གནས་པ། དེ་བཞིན་གཤེགས་པ་ཐམས་ཅད་ཀྱི་སྤྱོད་པ་ཡང་དག་པར་སྒྲུབ་པར་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྐུའི་ཕྲིན་ལས་རྗེས་སུ་སྐྱོང་བ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱ…

པ་རྣམས་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་དེ་སྐད་མ་ཟེར་ཅིག །སྤྲོ་བ་མཆོག་གི་དེ་ཁོ་ན་ཉིད་ཀྱི་ཚུལ་ངེས་པར་བསྟན་པར་དེ་བཞིན་གཤེགས་པ་ཐམས་ཅད་ཀྱིས་རབ་ཏུ་གསུངས་སོ། །ཅིའི་རྒྱུས་རྡོ་རྗེ་འཛིན་རབ་ཏུ་གསུང་། བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་ཀྱིས་དགོངས། དེ་ཉིད་ཀྱི་ཚེ་འ…

པོ་ཞེས་བྱ་བའི་འཇིག་རྟེན་གྱི་ཁམས་རྣམས་མཁའ་སྣང་གི་འོད་ཟེར་གྱིས་གཡོགས་པར་གྱུར་ཏོ། །ཉི་མའི་དཀྱིལ་འཁོར་ཐམས་ཅད་ཀྱི་འོད་ཟེར་གྱིས་ལྷན་ཅིག་པ་དང་མཐུན་པ་ཙམ་དུའང་མི་བཟོད་པའི་འོད་ཟེར་དུ་བྱས་པ་དེ་ལྟ་ཁོ་ནར་དེ་བཞིན་གཤེགས་པ་ཐམས་ཅད་ཀྱི་འོད་རྡོ་རྗེ་སེམས་དཔའི་འོད་ཀྱིས་མོག་མོག་པོར་གྱུར་ནས་ཀུན་ཏུ་གནས་སོ། །དེ་ནས་བཅོམ་ལྡན་…

ལུས་ཤིན་ཏུ་བརྟན་བྱས་ནས། །འོད་ཀྱི་ཚུལ་གྱི་ཆོ་ག་རྣམས། །སངས་རྒྱས་གཟུགས་ནི་འདུས་པས་ནི། །མཚོན་པས་རྡོར་སེམས་བསྐྱེད་པས་སོ། །ཆོ་ག་ཤེས་པས་རབ་བརྩམས་ན། །དེ་ཡི་དངོས་གྲུབ་རྙེད་མི་དཀའ། །རང་གི་གཟུགས་ནི་མི་གཡོ་བར། །བྱས་ནས་རྡོར་སེམས་ཆོ་ག་རྣམས། །ཇི་སྲིད་ནམ་མཁའ་དགོངས་གྱུར་པ། །ཆོ་ག་ཤེས་པས་སྤྲོ་བར་བྱ། །སངས་རྒྱས་གཟུགས་དང…

གཟུགས། །ཡི་གེ་ཕྲ་མོ་རྣམ་པར་བསྒོམ། །ཡི་གེ་རྣམས་སུའང་ཐམས་ཅད་དུ། །སངས་རྒྱས་གཟུགས་ནི་རྣམ་བསྒོམ་བྱ། །དེ་རྣམས་དང་ནི་ཡི་གེ་གཉིས། །རང་གཟུགས་རྣམ་པར་མཉམ་བསྒོམ་ལ། །ཉི་མའི་དཀྱིལ་འཁོར་ཚུལ་གྱིས་ནི། །མཁས་པས་རང་གཟུགས་བསྒོམ་པར་བྱ། །ཇི་སྲིད་ནམ་མཁའ་འགོངས་གྱུར་པ། །ཞིང་འདི་ཁྱབ་པར་གཡོག་པར་བྱ། །ཉི་མའི་དཀྱིལ་འཁོར་ཚུལ་གྱིས་…

མཁའི་ཁམས་ཐམས་ཅད་བཀང་སྟེ། བྱང་ཆུབ་སེམས་དཔའ་ཐམས་ཅད་མཆོད་པའི་སྤྲིན་རྣམས་ཀྱིས་ཡང་དག་པར་མཆོད་དེ། བཅོམ་ལྡན་འདས་རྡོ་རྗེ་འཆང་ཆེན་པོ་ལ་འདུད་པ་དང་ལྡན་པར་ཀུན་ཏུ་གནས་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་སླར་ཡང་འདུས་པར་གྱུར་ནས་ཀུན་ཏུ་བཟང་པོ་བྱང་ཆུབ་སེམས་དཔའ་ཆེན་པོ་ལ། དེ་བཞིན་གཤེགས་པ་ཐམས་ཅད་མཆོད་པའི་སྤྲིན་ཆེ…

དབུས་གནས་པར། ཟླ་བའི་དཀྱིལ་འཁོར་སྒོམ་པའོ། །བདག་ཉིད་དེ་ལ་བསམ་པ་ནི། དགའ་བ་བསྐྱེད་པའི་ཆོ་ག་ལས། སྙིང་གི་དབུས་སོན་ཕྲ་མོ་ནི། །དྲི་མེད་ཟླ་བའི་དཀྱིལ་འཁོར་ལ། །སྔགས་ཡིག་ཕྲ་མོའི་གཟུགས་རྣམས་ཀྱིས། །དེ་དེ་སེམས་ལ་བསམ་པར་བྱ། །ཨོཾ་ཡིག་འོད་ཟེར་ཡང་དག་སྦྱོར། །འབར་བའི་ཕྲེང་བ་མཉམ་པའི་འོད། །སངས་རྒྱས་གཟུགས་སོགས་མཚན་ཉིད་ཀྱིས…

ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །རང་གཟུགས་ལ་སོགས་མཚུངས་པའི་འོད། །ལྷ་རུ་སྐད་ཅིག་དེ་འགྱུར་རོ། །ཡི་གེ་རྣམས་ཀྱི་ཚད་ཀྱིས་ནི། །ཝ་ཡི་གཟུགས་ནི་རྣམ་བསྒོམ་བྱ། །སྔགས་པས་དབུས་སུ་ཡི་གེ་ཉིད། བྱིན་ནས་ལས་ནི་ཀུན་ཏུ་བརྩམ། །སྔགས་པས་དཔྲལ་བའི་སྟེང་ནས་ནི། །ཇི་སྲིད་ལྟེ་བ་ཞེས་པར་དྲན། །གཉིས་སུ་མེད་པ་མཉམ་པ་ཉིད་…

སོགས་ཅན་བྱས་ནས། །སླར་ཡང་དེ་ཉིད་ལ་སྦྱར་བྱ། །ཁྲུ་གང་ཙམ་ལས་འདས་པར་ནི། །ཟླ་བའི་དཀྱིལ་འཁོར་བསྒོམ་པར་བྱ། །རྡོ་རྗེ་རལ་གྲི་ཡང་དག་བསྐྱེད། །འཇིག་རྟེན་ཁམས་ནི་ཡོངས་བགྲོད་བྱ། །པདྨ་དཀར་པོའི་འོད་འབར་ཏེ། །བྱང་ཆུབ་སེམས་ཀྱིས་རྣམ་པར་བརྒྱན། །དབུས་སུ་རང་གི་ལྷ་ཡི་གཟུགས། །གཞོགས་སུ་བཙུན་མོ་དགོད་པར་བྱ། །ཆོ་ག་ཤེས་པས་དེ་ལྟར་ག…

བསྒོམ། །མཐོ་གང་ཙམ་ལས་འདས་པར་ནི། །པདྨའི་ཚུལ་དུ་རྣམ་པར་བསྒོམ། །རང་ལུས་དྲི་མ་མེད་བྱས་ནས། །གསལ་བའི་དཀྱིལ་འཁོར་བསྒོམ་པའོ། །དེ་དབུས་ལེགས་པར་བརྟན་བྱས་ནས། །རང་གཟུགས་དང་ནས་དང་པོར་བསྒོམ། །འོད་དཀར་འབར་བའི་ཕྲེང་བ་སོགས། །པདྨ་ལྔ་པོ་རྣམ་བསྒོམ་བྱ། །དེ་ཡི་དབུས་སུ་རང་གཟུགས་དང་། །གཞོགས་སུ་བཙུན་མོ་དགོད་པར་བྱ། །རང་གི་ཁུ…

བསྒོམ་བྱ་བརྩོན་པ་གཞན་མིན་ནོ། །ཉི་མའི་དཀྱིལ་འཁོར་དབུས་སུ་ནི། རྡོ་རྗེ་སེམས་དཔར་ཡང་དག་བསྐྱེད། ལྕགས་ཀྱུའི་རྣམ་པ་ཞགས་པ་སོགས། བྱས་ནས་སློབ་མ་རབ་གཞུག་བྱ། །རྡོ་རྗེ་སེམས་དཔར་ཡང་དག་བསྐྱེད། རང་གཟུགས་སྙིང་གར་རྣམ་དགོད་བྱ། །དགོད་པ་བྱས་ནས་ལག་སོགས་ཀྱིས། །དེ་ནས་གྲངས་ནི་ཡང་དག་བརྩམ། །བཟླས་པ་སོགས་སམ་བཏུང་བྱ་བ། །བློ་ལྡན་…

དེ་ཕྱིར་སྔགས་པས་ཁྱད་པར་གྱི། །རིག་པའི་ཚུལ་ནི་མཆོག་ཏུ་འགྱུར། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་དེ་སྐད་ཅེས་གསུངས་སོ། །ཐམས་ཅད་དེ་ཉིད་བྱ་བ་ནི། །ཉི་མའི་དཀྱིལ་འཁོར་དབུས་སུ་ནི། ། གཟུགས་ནི་རྣམ་སྣང་མཛད་བསམས་ནས། །སྙིང་གར་སྔགས་ནི་རྣམ་བསྒོམ་བྱ། །དེ་ཉིད་སྔགས་སུ་རྗེས་སུ་དྲན། །རིག་པའི་ཚུལ་གྱ…

ལྡན་འདས་དམ་ཚིག་རྡོ་རྗེས་དེ་སྐད་ཅེས་གསུངས་སོ། །ཨོཾ་སརྦ་ཏ་ཐཱ་ག་ཏ་ཛྙཱ་ན་སྭ་བྷཱ་བ་ཨཱཏྨ་ཀོ྅་ཧྃ། གསང་སྔགས་རྒྱལ་པོ་འདི་ཡིས་ནི། །རང་གི་རྣམ་རྟོག་ཡོངས་དོར་བྱ། །རང་གཟུགས་ཧཱུྃ་ཡིག་ཅེས་བརྗོད་པ། །བྱས་ན་ཀུན་ཏུ་རྣམ་བསྒོམ་བྱ། །ཆོ་ག་ཤེས་པས་དེ་རྣམས་སུའང་། །ཧ་ཡིག་མཐར་ཐུག་རྣམ་བསམ་བྱ། །རང་གཟུགས་ལ་སོགས་མཚུངས་པའི་འོད། །ལྷ་…

གསུངས་སོ། །རང་གཟུགས་གཟུགས་ཀྱི་ཚུལ་གྱིས་ནི། །གསང་སྔགས་ཡི་གེ་རྣམ་པར་བསྒོམ། །རྡོ་རྗེ་སེམས་དཔའ་རྣམ་བསྒོམས་པས། །ཆོ་ག་ཤེས་པས་སྤྲོ་བར་བྱ། །བྱང་ཆུབ་སེམས་སུ་རང་གཟུགས་ནི། །དེ་ཉིད་སྒོམ་པས་བསྒོམ་པར་བྱ། །བགེགས་ནི་སྔགས་ལ་ཡང་དག་བསྐྱེད། །འཇིག་རྟེན་ཁམས་སུའང་སྤྲོ་བར་བྱ། །མི་སྡུག་གཙིགས་ཤིང་འཇིགས་པ་ནི། །བགེགས་ཀྱི་དགྲ་ད…

སུ་ཡང་དག་བསྐྱེད། །རང་གི་སྔགས་ཀྱི་ཡི་གེས་བརྒྱན། །སངས་རྒྱས་གཟུགས་སུ་རྣམ་བསྒོམ་བྱ། །ཆོ་ག་ཤེས་པས་འཁོར་ལོ་ལྷའི། །འོད་ཟེར་ཚུལ་དུ་རྣམ་བསྒོམ་བྱ། །བཅོམ་ལྡན་འདས་རྡོ་རྗེའི་རང་བཞིན་གྱིས་དེ་སྐད་ཅེས་གསུངས་སོ། །རང་གཟུགས་འཁོར་ལོའི་ཚུལ་གྱིས་ནི། །འབར་བའི་ཕྲེང་བས་རྣམ་པར་བརྒྱན། །རང་གཟུགས་སངས་རྒྱས་དང་མཚུངས་པ། །ཆོ་ག་ཤེས་…