ཅུ་བཞི། །རྒྱས་ལ་ཁྱད་པརབཅུ་དྲུག་སྟེ། །ཞི་བའི་ཚུལ་ནི་བཅུ་གཉིས་ཡིན། །སངས་རྒྱས་ཐམས་ཅད་ཀྱི་ནི་ཡང་། །གསང་བ་ཡོངས་སུ་རྫོགས་པ་ཉིད། །དཔལ་མཆོག་རྟེན་པ་བདུན་པ་སྟེ། །རྟོག་པ་དང་པོ་གླིང་སློང་བ། །གསང་བ་རྒྱས་པར་བསྟན་པ་ཡིན། །རྟོག་པ་གཉིས་པ་རྡོ་རྗེའི་རིགས། །མཆོག་ཏུ་བརྟག་པ་ཆེན་པོ་ལས། །བརྗོད་བྱ་རྗོད་བྱེད་ཚུལ་ལྡན་པ། །ཏིང་ང…

འཇིག་རྟེན་དུ། །ཕུན་སུམ་ཚོགས་པ་སྟོན་ཕྱིར་གསུངས། །རྣལ་འབྱོར་པ་འདི་ཅི་སྤྱོད་ཀྱང་། །ཐམས་ཅད་དུ་ནི་སྨད་མི་བྱ། །རྟོག་པ་ཀུན་ལས་རྣམ་གྲོལ་ཕྱིར། །ཇི་ལྟར་འདོད་པར་བྱ་བ་མེད། །དེ་ནི་དངོས་ཀུན་ངོ་བོ་སྟེ། །ཁྱབ་བདག་སངས་རྒྱས་ཀུན་རང་བཞིན། །རང་བྱུང་ཇི་ལྟར་འདོད་བ་སྤྱད། །སེམས་ཅན་ཀུན་གྱི་སྙིང་ལ་ཞུགས། །དེ་ཉིད་ཐམས་ཅད་བླ་ན་མེད…

བདུད་རྩིས་ལུས་གང་ཞིང་། །ནོར་བུ་རིན་ཆེན་སྟེན་པར་མཉམ། །ཡོན་ཏན་མཐའ་ཡས་འབྱུང་བའི་གཞི། །བདེ་བ་རྡོ་རྗེ་ཅན་གྱི་གནས། །ཉོན་མོངས་ཡེ་ཤེས་གནས་གྱུར་པས། །མྱུར་དུ་བགྲོད་པའི་གོ་འཕང་གིས། །རོ་མཉམ་མི་མཉམ་འཕེལ་བ་ལས། །བདེ་བས་མ་ལུས་ས་གསུམ་པོ། །ཐམས་ཅད་ཚིམ་པར་བྱེད་པ་པོ། །གཉིས་མེད་ཡེ་ཤེས་རྒྱ་མཚོ་ལས། །འགྲོ་བའི་ནོར་བུ་སྟེར་བྱ…

དངོས་གྲུབ་ཡེ་ཤེས་ཐོབ་བྱེད་ཡིན། །སྔ་མ་འཇིག་རྟེན་ལོག་རྟོག་དག །དགག་ཕྱིར་མི་རྟག་གཟུགས་སུ་བརྟན། །དེ་ཉིད་ཡོངས་སུ་དག་པ་ཡིས། །རྒྱུན་མི་འཆད་པར་གནས་བསྒྱུར་བས། །གཞོན་ནུའི་ཚུལ་དུ་བསྟན་པ་སྟེ། །འགྲོ་ཀུན་རང་དབང་མེད་པ་སྟེ། །ཐམས་ཅད་མཁྱེན་པའི་སྤྱོད་ཡུལ་ལོ། །དེ་ལྟར་ཡེ་ཤེས་གནས་ཐོབ་པས། །སྐད་ཅིག་གིས་ནི་སངས་རྒྱས་འགྱུར། །ད…

སེམས་འདི་གསུངས་སོ། །ཨོཾ་བཛྲ་ཨེ་ཀ་ཛ་ཊི་ཁུ་ལི་ནི་སྭཱ་ཧཱ། །རྡོ་རྗེ་རལ་པ་གཅིག་མ་ཡི། །གསང་བ་ཡེ་ཤེས་རང་བྱུང་བས། །ཞལ་གསུམ་པ་ལ་ཕྱག་དྲུག་མ། །ཁ་དོག་མཐིང་ནག་འབར་མ་ཆེ། །གཡས་གཡོན་དཀར་དང་དམར་བའི་མདངས། །གྲི་གུག་ཐོད་པ་འཛིན་པར་མཛད། །རྡོ་རྗེ་དང་ནི་ཐོད་དབྱུག་ནི། །གཡས་པའི་ཕྱག་ཏུ་བསྣམས་པར་བསྒོམ། །དྲིལ་བུ་རྡོ་རྗེའི་ཞགས་པ…

པ་འཛིན་པའི་རྒྱལ་པོ་ཀུན། །རབ་ཏུ་འདར་བར་གྱུར་ནས་ནི། །ཡེ་ཤེས་རྒྱལ་པོ་རྗེས་སུ་དྲན། །རིག་པ་འཛིན་པའི་ལྷ་མོ་མཆོག །གསེར་གྱི་རྣ་ཆ་གཡོན་པ་རྣམས། །སྔགས་ཀྱི་རིག་པ་འདི་དང་ནི། །དམ་ཚིག་ལ་སོགས་པས་བཀུག་བྱ། །གང་དུ་ཕྲིན་ལས་མ་ལུས་པ། །གསང་བ་མཆོག་ཏུ་བསྒྲུབ་པ་ནི། །འགོག་པའི་རྒྱལ་པོ་རྡོ་རྗེ་འཛིན། །ཡོངས་སུ་རྫོགས་པ་མཛེས་མཆོག་ག…

རྡོ་རྗེ་གསུམ་སྦྱོར་བ་ཡིས། །སྐྱེད་པ་འདི་ནི་རྣམ་པར་བསམ། །ཞལ་གསུམ་པ་ལ་ཕྱག་དྲུག་པ། །མ་རྒད་ཏ་དང་ཆ་དགུ་པ། །འཁོར་ལོ་ཨུཏྤལ་སྡོང་བུ་དང་། །རལ་གྲི་འབར་བ་བསྣམས་པར་བསམ། །རྒྱན་རྣམས་ཐམས་ཅད་ཡོངས་རྫོགས་པ། །ཅུང་ཟད་སེར་པོ་རྡོ་རྗེ་འགྱིང་། །ཞི་བ་ཐོར་ཚུགས་དབུ་རྒྱན་ཅན། །དེ་བསམས་རྒྱས་པའི་ལས་ཀུན་ལ། །མྱུར་བ་ཉིད་དུ་གྲུབ་པར་བྱ…

སྤྱོད་ཐོབ་བྱ་མི་གནས་ཚུལ། །འདི་ནི་དམ་ཚིག་དག་པར་བརྗོད། །འདིས་ནི་དམ་ཚིག་རྒྱ་མཚོ་ཡི། །སྔགས་ཀྱི་གསང་བ་བསྡུས་པའོ། །སེམས་ནི་རབ་ཏུ་དང་བས་རྩེ་གཅིག་རྡོ་རྗེ་ཉིད་དུ་གྱིས། །དམ་ཚིག་གསང་བ་མི་ཟད་རྒྱ་མཚོ་རབ་བསྟེན་ན། །དེ་རིང་ཚེགས་ཆུང་བདེ་བས་འགྲོ་བའི་རྡོ་རྗེ་སེམས་དཔའ་དང་། །རབ་ཏུ་མཉམ་ཉིད་རྟག་པ་ཉིད་དུ་མངོན་དུ་འགྱུར། །རྣ…

ཏུ་ཡྃ་ལས་བསྐྱེད་པའི་རླུང་གི་དཀྱིལ་འཁོར་ཟླ་གམ་རྒྱལ་མཚན་སྔོ་ལྗང་གིས་མཚན་པའོ། །དེའི་སྟེང་དུ་རྃ་དམར་པོ་ལས་བྱུང་བའི་མེའི་དཀྱིལ་འཁོར་གྲུ་གསུམ་པ་འབར་བ་དུ་མས་མཚན་པ་རྣམ་པར་བསམ་པར་བྱ་སྟེ། དཀྱིལ་འཁོར་བའི་ལྷ་རྣམས་ཐམས་ཅད་ཐུན་མོང་དུ་བདུད་རྩི་མྱང་བར་བྱ་སྟེ། དེར་ཀྃ་ལས་བྱུང་བའི་ཐོད་པ་སྐྱ་བོ་གསུམ་གྱི་སྟེང་གི་བར་སྣང་ག…

པ་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་འོད་ཟེར་གྱི་རྣམ་པར་བྱོན་ཏེ་དེ་དག་སྔ་མ་དང་ཚུལ་གཅིག་ཏུ་གྱུར་པར་བལྟའོ། །དེ་ནས་ཡང་བདག་གི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིག་མ་ལྷ་མོ་ཁྲོ་བོའི་ཚོགས་དུ་མའི་སྣང་བར་གྱུར་པ་བར་སྣང་…

ཞི་བ་དང་ནི་རྒྱས་པ་དང་། །དབང་དང་དགུག་པ་མངོན་སྤྱོད་ལ། །དྲག་པོ་འཆི་བྱེད་འཇོམས་པ་པོ། །ཡེ་ཤེས་མངོན་པར་གྲུབ་པ་སྟེ། །བཅོམ་ལྡན་དེ་ལ་ཞི་བ་གཅེས། །རང་རིག་དབྱིངས་སུ་དེ་བཞིན་གཤེགས། །མེ་ཏོག་དང་ནི་དྲི་བཞིན་དུ། །རྟེན་དང་བརྟེན་པར་དབྱེར་མེད་པ། །དངོས་མེད་ངོ་བོ་གཅིག་པའི་བདག །གཡོ་བ་མེད་པར་ཀུན་ཏུ་གནས། །དེ་ཉིད་འགྲོ་སྙིང་ར…

པ་དང་། །དམ་ཚིག་དག་གིས་བསྐུལ་བ་ན། །དེ་དག་ལས་བྱུང་འོད་ཀྱིས་ནི། །ནང་དུ་མ་ལུས་གང་བྱས་ཏེ། །དེས་ནི་ཀུན་དུ་མཐའ་ཡས་པར། །བ་སྤུའི་བུ་ག་ལས་བྱུང་བའི། །སྣང་བ་ཆེན་པོ་དཔག་མེད་པས། །འཇིག་རྟེན་ཁམས་ཀུན་ཁྱབ་གྱུར་ཏེ། །སླར་ལོག་དེ་ཉིད་ལ་ཞུགས་གྱུར། །གཉིས་སུ་མེད་པའི་ཡེ་ཤེས་ཀྱི། །བདག་ཉིད་ཉེ་བར་བསྡུ་བའོ། །དེ་ཡང་དེ་བཞིན་གཤེགས་…

པའོ། །གསང་བ་ཡེ་ཤེས་བསྡུས་པ་ལས། །ཡོངས་སུ་གསལ་བ་སྐྱོན་མེད་པ། །མྱུར་ཞིང་ཕན་ཚུན་མ་འདྲེས་ཕས། །སྒྲ་བཅས་ཕྲེང་སྔགས་བརྗོད་པར་བྱ། །འདི་ནི་གསང་བ་རྒྱལ་པོ་ཡི། །ལྷ་རྣམས་མཉེས་བྱེད་དངོས་གྲུབ་སྟེར་བའོ། །གསང་སྔགས་སྙིང་པོ་སྐུ་གསུམ་གྱི། །སྙིང་པོ་ཡི་གེའི་ཚུལ་གནས་པ། །ཨཱ་ལི་ཀཱ་ལི་ཕྲེང་བ་ལས། །སྔགས་རྣམས་དབྱངས་དང་གསལ་བྱེད་ལས…

འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་སྙིང་པོ་བླ་ན་མེད་པའི་དངོས་གྲུབ་ཇི་ལྟར་ཡང་དག་པར་འདུག གང་ན་གནས། དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཛིན་པས་བཀའ་སྩལ་པ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཐམས་ཅད་མཁྱེན་པ་དང་། ཁམས་གསུམ…

དང་། རྒྱལ་སྲིད་ཀྱི་དངོས་གྲུབ་དང་། རྒྱས་པའི་དངོས་གྲུབ་དང་། དབང་དུ་བྱ་བའི་དངོས་གྲུབ་དང་། མངོན་སྤྱོད་ཀྱི་དངོས་གྲུབ་ལ་སོགས་པ་རྣམ་མང་དོན་དུ་གཉེར་བར་མི་བྱ་སྟེ། དེ་ཅིའི་ཕྱིར་ཞེ་ན།་འདི་ལྟར་གསང་བ་ཆེན་པོ་བླ་ན་མེད་པའི་དོན་དུ་འཇིག་རྟེན་པའི་ལས་ཀྱི་དངོས་གྲུབ་ཕྲ་མོ་ལ་འདོད་པ་བསྐྱེད་པར་མི་བྱའོ། །རྣམ་པར་མི་རྟོག་པའི་ཡ…

ལ། །སྔགས་སློབ་པས་ནི་བསམ་གཏན་བྱ། །བསམ་གཏན་རྡོ་རྗེ་གསུམ་སྦྱོར་བའོ། །བཅོམ་ལྡན་འདས་ཀུན་དུ་མཛེས་དགའ་ཀུན་དུ་རྡོ་རྗེ་སེམས་དཔས་དེ་སྐད་ཅེས་བཀའ་སྩལ་ཏོ། །དེ་ནས་དེ་བཞིན་གཤེགས་པའི་ཚོགས་འདུས་པ་དེ་དག་ཐམས་ཅད་དང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ངོ་མཚར་དུ་གྱུར་རྨད་དུ་གྱུར་ནས། །ཨེ་མའོ་རྡོ་རྗེ་ཨེ་རྡོ་རྗེ། …

ཅད་ཀྱི་བརྗོད་དུ་མེད་པའི་ཡང་བརྗོད་དུ་མེད་པའི་མཚུངས་པ་མེད་ཅིང་ཀུན་ལས་གོལ་བའི་དོན་ཏེ། གསང་བ་ཆེན་པོའི་ཚུལ་འདི་བསྟན་པའི་ཚེ། །སྤྱོད་པ་བླ་ན་མེད་པ་འདི་ཐོས་པའོ། །ལྷ་དང་མི་དང་ལྷ་མིན་དབང་པོ་དང་། །ཚངས་བརྩེགས་རྣམ་གྲོལ་འབྲས་བུ་རབ་ཏུ་ཐོབ། །གཙང་མ་ལྷ་རྣམས་བྱ་བ་རབ་ཏུ་དགའ། །དབང་པོ་ཚངས་པ་བར་སྣང་མཁའ་ལ་གནས། །བདེ་བར་གཤེགས…

དབྱིངས་ལས་འབྱུང་བ་དུ་མ་ཡི། །ཏིང་འཛིན་སྒོ་ནི་ནམ་མཁའ་ཁྱབ་པར་འབྱུང་། །སངས་རྒྱས་སྐུས་ནི་ཞིང་ཁམས་ཁྲག་ཁྲིག་དག །ཡིད་འོང་སྣ་ཚོགས་ཁྱབ་པའི་ཡེ་ཤེས་སྐུ། །ཆོས་དབྱིངས་རྒྱ་ཆེན་ཡོངས་སུ་རྒྱས་བར་བཀང་། །བ་སྤུ་གཅིག་ལས་བདེ་ལྡན་འོད་བཀྱེ་བ། །འགྲོ་བའི་ཉོན་མོངས་ཡིད་འོང་ཞི་བར་སྤྲོ། །ཞིང་གི་རྡུལ་ཕྲན་ཟད་པར་ནུས་འགྱུར་གྱི། །འདི་…

མཚན་ཉིད་བྲལ། །ཆོས་ཉིད་རང་བྱུང་མཁའ་དང་མཚུངས་པ་ལས། །རྒྱལ་བས་དོན་དམ་རབ་ཏུ་མི་གནས་པ། །ཆོས་ཉིད་སྟོང་ཉིད་དེ་བཞིན་ཉིད་དུ་ནི། །རྟེན་ཅིང་འབྲེལ་བར་འབྱུང་བའི་ཆོས་རྣམས་ལ། །རྒྱུ་རྐྱེན་འབྲས་བུས་གྲུབ་པ་ཡང་དག་ལམ། ། ཀུན་རྫོབ་སྤྱོད་ཡུལ་ཡིན་པར་རབ་ཏུ་བསྟན། །ཞིང་མང་མཐའ་ཡས་ཀུན་དུ་དེ་ཉིད་སྟོན། །སྒྱུ་མའི་མཁན་པོ་མཁས་པས་གང་ད…

པར་གནས་པ་སྟེ། འདི་ཉིད་སངས་རྒྱས་རྣམས་ཀྱིས་བྱིན་བརླབས་པ། །བསོད་ནམས་ཡོངས་སུ་རྒྱས་པ་དག་པའི་ཞིང་། །སྣང་བའི་དཀྱིལ་འཁོར་དམ་པའི་འོད་ཟེར་ནི། །སྐྱེ་དགུ་ཀུན་གྱི་བློ་ཡི་འཆར་བྱེད་པ། །གང་དུ་སྐུ་གསུང་ཐུགས་ཀྱི་སྣང་བ་ནི། །རྣམ་པར་གསལ་བ་སྒྲིབ་པ་མེད་པ་ཉིད། །ཆོས་རྣམས་ཀུན་ལ་ཡང་དག་རབ་འཇུག་ཅིང་། །ཆོས་ཀྱི་དབྱིངས་ལས་ཡེ་ཤེས་འ…