ཞལ་ཐམས་ཅད་ཞལ་ལ་ཐིམ་ཞིང་ཕྱག་ཐམས་ཅད་ཕྱག་ལ་ཐིམ་ནས། ཞལ་གཅིག་ཕྱག་གཉིས་པར་གྱུར་ཏེ། །ཧཱུྃ་ཧཱུྃ་ཧཱུྃ་ཞེས་པའི་གླུ་བླངས་སོ། །འདི་ལ་ཅི་ལྟར་དམིགས་བྱས་བཞིན། །ལྷ་རྣམས་ཀུན་ལ་དམིགས་པར་འགྱུར། །གསང་སྔགས་འབུམ་དུ་བརྗོད་བྱས་ནས། །བསྙེན་པའི་དམ་པ་འདི་འགྲུབ་བོ། །འདས་དང་མ་འདས་འོངས་གྱུར་པའི། །སངས་རྒྱས་རྣམས་ཀྱིས་སྔགས་འདི་བཤད། …

པ་ཉིད་ཀྱི་ཐུགས་དང་། སོ་སོར་ཀུན་རྟོག་གི་ཐུགས་དང་། བྱ་བ་གྲུབ་པའི་ཐུགས་ཀྱིས་འགྲོ་བའི་དོན་མཛད་དོ། །གནས་དང་། གདན་ཁྲི་དང་། འཁོར་དང་། འདུལ་བའི་ཞིང་དང་། སྐུ་འོད་ཟེར་བསམ་གྱིས་མི་ཁྱབ་པས་འགྲོ་བའི་དོན་མཛད་དོ། །ཞི་བ་དང་། རྒྱས་པ་དང་། དབང་དང་། དྲག་པོ་དང་། ལྷུན་གྱིས་གྲུབ་པའི་ཕྲིན་ལས་ཀྱིས་འགྲོ་བའི་དོན་མཛད་དོ། །དེའི་…

བཀའ་བསྒོ་བ་སྟེ། ཀྱེ་གསང་སྔགས་དང་རིག་སྔགས་དང་གཟུངས་སྔགས་ཀུན་གྱི་བདག་པོ་ཞི་བས་མི་འདུལ་བའི་སེམས་ཅན་ལ་ཐམས་ཅད་ཁྲོས་པའི་ཚུལ་གྱིས་གདུལ་བར་གྱིས་ཤིག་ཅེས་བཀའ་སྩལ་ཏོ། །ཨོཾ་བཛྲ་པཱ་ཎི་ཀྲོ་དྷ་ཀྲོ་དྷ་ཧཱུྃ་ཧཱུྃ་ཞེས་ཆེད་དུ་བརྗོད་པ་ལན་གསུམ་ཆེད་དུ་བརྗོད་པ་ལས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་མ…

ནཱ་ག་བི་དཱ་ར་ཎཱ་ཡ་ཕཊ། ནཱ་གོ་ཏ་སཱ་ད་ནཱ་ཡ་ཕཊ། ནཱི་ལཱམ་བ་ས་ནཱ་ཡ་ཕཊ། ཨ་བྲ་ཏི་ཧ་ཧ་བ་ལ་པ་རཀྲ་མཱ་ཡ་ཕཊ། ཀྲྀ་ཏཱན་ཏཱ་ཡ་ཕཊ། ཀྲྀ་ཏཱན་ཏ་རཱུ་པཱ་ཡ་ཕཊ། རོཥ་ཎཱ་ཡ་ཕཊ། ཏྭཱ་ས་ནཱ་ཡ་ཕཊ། ཀུ་སྨཱཾ་ཌོཏྶཱ་ད་ནཱ་ཡ་ཕཊ། པྲེ་ཏ་པི་ཤཱ་ཙ་བི་ནཱ་ཤ་ཀ་རཱ་ཡ་ཕཊ། ཡཀྵ་ཨ་བསྨཱ་ར་བིནཱ་ཤ་ཀ་རཱ་ཡ་ཕཊ། ཧ་ས་ཧ་ས། དཱ་ར་དཱ་ར། མཱ་ར་ཡ་མཱ་ར་ཡ། ནཱ་ཤ་ཡ་ནཱ་ཤ་…

ཐམས་ཅད་ཀྱི་ཐབས་ཀྱིས་དྲེགས་པ་ཉོན་མོངས་པ་གདུལ་བར་བྱའོ་ཞེས་བཀའ་སྩལ་ཏོ། །དུས་གསུམ་གྱི་སངས་རྒྱས་ཐམས་ཅད་ཀྱང་གསང་བའི་བདག་པོ་ལ་འདི་སྐད་ཅེས་གསུངས་སོ། །འཇིག་རྟེན་གྱི་དྲེགས་པ་འདི་དག་འདོད་ཆགས་ལ་གནས་པས་སེམས་ཅན་ལ་རྣམ་པར་འཚེའི། ཀུན་གྱི་ལུས་དང་སྲོག་མ་རུངས་པར་བྱེད་པས་ཁྱོད་ཀྱིས་ཐམས་ཅད་ཁྲོས་པའི་ཚུལ་གྱིས་ཐུལ་ཅིག་ཅེས་བས…

མཐིང་ནག་དང་། ཡྃ་སྔོ་སྐྱ་དང་། རྃ་ཁྃ་དམར་ནག་དང་། སུྃ་སེར་ནག་དང་། རྃ་དམར་ནག་དང་། ཀེྃ་དཀར་སྐྱ་དང་། སྣ་ཚོགས་པའི་བྷྲཱུྃ་འཕྲོས་པར་གྱུར་ཏོ། །དེ་དག་གི་འཕྲོ་འདུ་ལས་གྲུ་གསུམ་མཐིང་ནག་ནམ་མཁའ་དང་། སྔོ་སྐྱ་རླུང་ཟླ་གམ་དང་། དམར་ནག་རཀ་ཏའི་རྒྱ་མཚོ་དང་། སེར་ནག་ཞིང་ཆེན་ས་གཞི་དང་། དཀར་སྐྱ་ཀེང་རུས་རི་རབ་དང་། སྣ་ཚོགས་རིན་པ…

པོ་གསུམ་གཡོས། རབ་ཏུ་གཡོས། ཀུན་ཏུ་གཡོས། ཀུན་ཏུ་རབ་ཏུ་གཡོས་པར་གྱུར་ཏོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་འབར་བའི་ཁྲོ་བོ་ཁྲོས་པའི་ཚུལ་དུ་བསྐྱེད་པའི་ལེའུ་སྟེ་ལྔ་པའོ།། །།དེའི་ཚེ་དེའི་དུས་ན། དུས་གསུམ་གྱི་ཐེག་པའི་བདག་པོ་ཐམས་ཅད་འདུས་ཏེ། ཡེ་ཤེས་ཀྱི་མཁའ་གསང་བའི་བུམ་པས་འབར་བའི་ཁྲོ་བོ་དེའི་ལུས་ཀུན་བཀྲུ…

དབུའི་ལྟག་ཁུང་ལ་སོགས་པར་གནས་སོ། །རིགས་སོ་སོ་ཕྱག་མཚན་སོ་སོས་དབང་བསྐུར་ཏེ། དེ་བཞིན་གཤེགས་པའི་རིགས་ཀྱི་བདག་པོས་འཁོར་ལོ་སྤྱི་གཙུག་ཏུ་བྱིན་ཏེ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧྃ་ཞེས་གསུང་ཞིང་འཁོར་ལོ་བྱིན་ནོ། །གསུང་རིགས་ཀྱི་བདག་པོས་ཀྱང་ཨཱཿསརྦ་ཏ་ཐཱ་ག་ཏ་བཱག་བཛྲ་སྭ་བྷཱ་བ་ཨཱཏྨ་ཀོ྅ཧྃ་ཞེས་གསུང་ཞིང་ཆོ…

འཇོམས་པར་བྱེད་པའི་གླང་པོ་ཆེའི་ཀོ་རློན་གསོལ་པ། ཉོན་མོངས་པའི་ཞེ་སྡང་འདུལ་བའི་རྟགས་སུ། གཅན་གཟན་གྱི་རྒྱལ་པོ་སྟག་གི་ཤམ་ཐབས་བགོས་པ། ཉོན་མོངས་པ་ཕྲག་དོག་འདུལ་བར་བྱེད་པའི་གཟིག་གི་མགོ་བོས་བརྒྱན་པ། ཉོན་མོངས་པའི་འཁོར་བ་མ་སྤངས་པས་ཞིང་ཆེན་གྱི་གཡང་གཞི་གསོལ་བ། སྦྲུལ་དཀར་ཁྲས་དབུ་བརྒྱན་པ། སེར་ཁྲས་མགུར་ཆུ་བྱས་པ། དམར་ཁ…

ཏུ་བལྟས་ཏེ། སྤྱན་ནི་བཟློག །ཞལ་ནི་བགྲད་ནས་ཞལ་ནས་རྔམ་པའི་སྒྲ་སྐད་ནི་ཧ་ཧ། ཧཱུྃ་ཧཱུྃ། ཨ་ལ་ལ། ཨྃ་ཨྃ། དྷི་དྷི། ཧོ་ཧོ། ཞེས་པའི་བྱིན་རླབས་ལས་ཕྲག་པ་གཉིས་རབ་ཏུ་འབར་ཏེ། རྡོ་རྗེ་ཁྲོ་བོ་དཀར་བ། རྣམ་པར་དཀར་བ་དག་མཐའ་ཡས་པ་འཐོན་ཏོ། །དཔྲལ་བ་རྣམ་པར་འབར་བ་ལས་ཁྲོ་བོ་མཐིང་ག་སྣ་ཚོགས་པ་འཐོན་ཏོ། །མགྲིན་པ་རབ་ཏུ་འབར་བ་ལས་ཁྲོ་བ…

ཧཱ་ནཱ་ག་ཏེ་ཛ་བ་རེ་སྭཱ་ཧཱ། ཞེས་པས་དེ་དག་ཐམས་ཅད་ཡུར་ཡུར་པོར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་པར་གྱུར་ཏོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་དབང་དུ་བསྡུས་པའི་ལེའུ་སྟེ་བདུན་པའོ།། །།དེ་ནས་དྲེགས་པ་ཅན་དེ་དག་ཟིལ་གྱིས་གནོན་པའི་ཕ…

ཐུགས་གསང་བའི་རྒྱུད་ལས་དྲེགས་པ་ཅན་ཟིལ་གྱིས་གནོན་པའི་ལེའུ་སྟེ་བརྒྱད་པའོ།། །།དེ་ནས་སུམ་ཅུ་རྩ་གསུམ་གྱི་ལྷའི་སྡེ་དཔོན་ཆེན་པོ་བརྒྱ་བྱིན་ཞེས་བྱ་བ་ག་ལ་བ་དེར་འོངས་ཏེ་མཆོད་པའི་ཡོ་བྱད་རྣམ་པ་སྣ་ཚོགས་པས་མཆོད་ནས་རྡོ་རྗེ་ཁྲོ་བོ་དེ་ལ་འདི་སྐད་ཅེས་གསོལ་ཏོ། །ཀྱེ་ཁྲོ་བོའི་བདག་པོ་ཆེན་པོ་དྲེགས་པ་གདུག་པ་ཅན་འདི་དག་ནི་ཤིན་ཏ…

དུམ་བུར་གས་ནས་རུལ་བར་ཤོག །ཏདྱ་ཐཱ། ཨོཾ་ཙ་ཊཱ་ཙ་ཊཱ། བི་ཙི་ཊུ། ཤ་ཐ་ཤ་ཐ། སྭ་ཙ་ཏེ་སྭཱ་ཧཱ་ཞེས་གསོལ་ཏོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་གདུག་པ་ཅན་བཀའ་ལ་བཏགས་པའི་ལེའུ་སྟེ་དགུ་པའོ།། །།དེ་ནས་ཡང་དབང་པོ་ཆེན་པོས་གསོལ་བ། ཀྱེ་རྡོ་རྗེ་ཁྲོ་བོ་དག་དྲེགས་པ་ཅན་འདི་དག་ཤིན་ཏུ་མ་རུངས་པར་གྱུར་ན། ལ་ལ་ནི་རུས་པ་ཆག་ཅི…

འཇིགས་པ་ལས་སྐྱོབ་པར་བྱེད་དོ། །མེ་ཚན་དང་། བྱེ་ཚན་དང་། གཅེར་བུ་དང་། རྒྱལ་པོའི་ཆད་པ་དང་། ས་གཡོ་བ་དང་། གཞན་གྱི་རིག་སྔགས་ཀྱིས་གནས་འགུལ་བ་དང་ཕུར་བུས་འདེབས་པ་ལས་ཐར་བར་བྱེད་དོ། །མཚལ་གྱིས་ཁྲག་བསྐམས་པ་སོས་པར་བྱེད་དོ། །དུང་གིས་རུས་པ་ཆག་པ་སོས་པར་བྱེད་དོ། །རས་སྐུད་དམར་པོས་ནི་སྲོག་འགགས་པ་ཚངས་པའི་ཚེ་དང་ལྡན་པར་བྱེད…

བཤག །བྲག་ནག་སྐྱེས་པའི་ཚེ་ནག་ཤུག །སོར་ནི་བདུན་བདུན་ཚད་དུ་བྱ། །མ་དུ་ཟུར་གསུམ་སོར་གསུམ་ཚད། །འབྲུ་ཆན་ནག་པོ་རཀྟར་སྦྱར། །མིང་བྱ་སྦྱིན་སྲེག་རབ་ཏུ་སྦར། །བརྒྱ་རྩ་བརྒྱད་དེ་ཉི་ཤུ་གཅིག །དམིགས་པ་ཆེ་གེའི་ལིང་ག་ནི། །དྲི་མ་ཁུ་ཆུ་ཁྲག་དག་དང་། །སྐྲ་དང་རྐང་རྗེས་གོས་ལ་སོགས། །ཚོགས་པར་བསོགས་ལ་ཨ་མུ་ཀྃ། །དེ་ལ་ཛཿཧཱུྃ་བྃ་ཧོཿས…

བཟའ་ལྡན། །དེར་གཞུག་བདུད་དང་ཉོན་མོངས་གནོན། །ང་ཉིད་དུ་ཡང་འགྱུར་བར་བསམ། །ཙཎ་ཌ་པུཥྤ་ཡེ་སྭཱ་ཧཱ། །མཚན་དང་དཔེ་བྱད་རྒྱུན་མི་འཆད། །དང་པོར་སྦྱོར་བས་མཆོད་པར་བྱ། །བ་ཡིས་བཀྲུ་བྱ་སྤོས་ཀྱིས་བྱུག །ཤིན་ཏུ་གཙང་བ་དག་གིས་འཕྱི། །ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་དྲེགས་པ་ཅན་ཚར་གཅོད་པའི་ལེའུ་སྟེ་བཅུ…

དཀར་དམར་མདངས་དང་ལྡན། །ཡམས་དང་མི་གཙང་དངོས་པོ་སེལ། །དྲི་ཡི་ཆུ་ཡི་ཡོན་ཏན་ནི། །ཀླད་རྐང་ཕོ་ལོག་གྲང་བ་སེལ། །ཤིན་ཏུ་ཟབ་སྟེ་གསང་བའི་མཆོག །སྐལ་ལྡན་རྟོགས་པ་རྣམས་ཀྱིས་སྤྱད་པ་ལས། །སྐལ་མེད་བློ་དམན་རྣམས་ཀྱིས་ག་ལ་ཡིན། །ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་བསྲུང་བའི་འཁོར་ལོའི་ལེའུ་སྟེ་བཅུ་གཉིས་པ…

དཀའ་བའོ། །བཅུད་ལ་ཞུགས་པ་ལ་བཞི་སྟེ། །ས་བོན་མི་འབྱུང་མཚན་མི་ལྡང་། །ཁུ་བ་སྐྱོ་མའི་མདོག་ཏུ་འོང་། །ཁུ་བ་དངས་སྙིགས་ཕྱེ་ནས་འོང་། །ཆུ་ལ་ཞུགས་པ་ནི་གསུམ་སྟེ། །སྦུགས་ཆུ་རྒྱ་སྐྱེགས་ཁུ་ལྟར་འོང་། །སྣ་ཆུ་རྟག་ཏུ་སྐྱ་བོར་འོང་། །མིག་གི་ཆུ་ཡང་རྟག་པར་འཛག །དུ་བ་སེར་བུ་བྱུང་ཙམ་གྱི། །གཞན་པས་རབ་ཏུ་མྱུར་བར་འཛག །ལུས་ཀྱི་སྟོབ…

ཀྱང་འབྱུང་། །འགའ་ནི་ཀླུ་ཡི་གདོན་མ་ཡིན། །ལས་ལས་འབྱུང་བ་དག་ཀྱང་ཡོད། །དེ་དག་གི་ནི་མཚན་ཉིད་ནི། །མཁས་པས་སོ་སོར་ཤེས་པར་བྱའོ། །ནད་གཞི་ལས་བྱུང་སྨན་སོགས་དང་། །འཕྲོད་པའི་ཟས་ནི་ཕན་པ་ཡིན། །ནད་རྣམས་གཞན་མ་ཡུན་མི་རྟག །འདི་འདྲའི་མཚན་ཉིད་ཤེས་པར་བྱ། །ཤེས་ནས་མྱུར་དུ་བརྩོན་འགྲུས་ཀྱིས། །སྣ་ཚོགས་ཐབས་ལ་མ་རྨོངས་པས། །བཟློག་…

དོག་སེར། །རིན་ཆེན་འབར་བ་ལག་ནའོ། །ཆུ་ལྷ་མགོ་ལྔ་ཁ་དོག་དམར། །ལག་ན་པད་མ་འབར་བའོ། །ཀླུ་རྒྱལ་ཤིང་ལ་པུ་ར་ཀ། །ལག་ན་སྤྲིན་ཕུང་ཁ་དོག་ལྗང་། །རྒྱལ་དང་རྗེ་དང་བྲམ་ཟེ་དམངས། །སོ་སོའི་རིགས་ཀྱི་རྒྱལ་པོ་སྟེ། །སྤྲ་ཚིལ་ཞ་ཉེ་བག་ཟན་ལ། །གཟུགས་སུ་ཡང་ནི་མཛེས་པར་བྱ། །སེམས་ཅན་འཁོར་གྱིས་བསྐོར་བར་བྱ། །ཀླུ་སྨན་སྣ་ཚོགས་དཀར་དང་མངར།…