མུག་བརྗོད། །ཡི་གེ་མ་ནི་ཕྲ་མར་གསུངས། །ཡི་གེ་མེ་ནི་འདོད་ཆགས་ཉིད། །ཡི་གེ་ད་ནི་ཕྲག་དོག་འགྱུར། །གཤིན་རྗེའི་གཤེད་སོགས་ལྔ་རུ་གྲགས། །ཡི་གེ་ཡ་ལས་ཐོ་བར་འགྱུར། །ཡི་གེ་ཙྪ་ལས་དབྱུག་པའི་གཙོ། །ལག་ན་པདྨ་ནི་ཡིག་ལས། །ལག་ན་རལ་གྲི་རཱ་ལས་ཡིན། །ཛ་ལས་ཙརྩི་ཀཱ་ཞེས་བརྗོད། །ཡི་གེ་ས་ལས་ཕག་གདོང་མ། །ཡི་གེ་དོ་ལས་དབྱངས་ཅན་བསྒྲགས། …

བདག་པོས་རྡོ་རྗེ་དབྱུག་པའི་སྔགས་གསུངས་པ། ཨོཾ་དཎྜ་དྷྲཱྀཀ །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་པདྨའི་སྔགས་གསུངས་པ། ཨོཾ་པདྨ་དྷྲཱྀཀ །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་རལ་གྲིའི་སྔགས་གསུངས་པ། ཨོཾ་ཁཌྒ་དྷྲཱྀཀ །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི…

བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེའི་གཤེད་ནག་པོའི་རྒྱུད་ལས་མངོན་པར་རྟོགས་པའི་རིམ་པར་ཕྱེ་བ་སྟེ་ལེའུ་དང་པོའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བཅོམ་ལྡན་འདས་རྡོ་རྗེ་སེམས་དཔའ་ཆེན་པོ་ལ་བསྟོད་པ། གཤིན་རྗེའི་གཤེད་པོ་རབ་འཇིགས་པ། །གཏི་མུག་རྡོ་རྗེའི་ངོ་བོ་ཁྱོད། །སྟོན་པ་སངས་…

བྲི། །འོད་ཀྱི་ཕྲེང་བ་མཉམ་འཕྲོ་བའི། །རིན་པོ་ཆེ་ནི་ལྷོ་རུ་བྲི། །པདྨ་རཱ་གའི་མདངས་འདྲའི་འོད། །པདྨ་ནུབ་ཀྱི་ཕྱོགས་སུ་བྲི། །འོད་ཟེར་ལྔ་དང་མཉམ་ལྡན་པའི། །ཤར་གྱི་མཚམས་སུ་འཁོར་ལོ་བྲི། །ལྷོ་རུ་རྡོ་རྗེ་བྲི་བར་བྱ། །ནུབ་ཏུ་པདྨའི་མེ་ཏོག་ནི། །ཡུ་བ་དང་བཅས་ཁ་བྱེ་གསལ། །འོད་ཀྱི་ཕྲེང་བ་མཉམ་འཕྲོ་བའི། །ཨུཏྤ་ལ་ནི་བྱང་ནུབ་བྲ…

བཞིན་ཕྲ་མ་ཡིན། །འདོད་ཆགས་རྡོ་རྗེ་དབང་དུ་བྱས། །རྡོ་རྗེ་ལས་ཀྱིས་ཐམས་ཅད་དུའོ། །རྡོ་རྗེ་ལས་ཀྱི་སྦྱོར་བ་ཡིས། །མི་ཚིལ་མི་ཡི་ཐོད་པར་བཞག །དེ་བཞིན་མི་སྐྲས་སྡོང་བུ་བྱ། །དུར་ཁྲོད་དག་ཏུ་དུ་བ་བསྒྲུབ། །མིག་སྨན་དག་ནི་དེ་བཞིན་དུ། །མིག་སྨན་ལས་ཀྱི་བསྒོམ་པ་དང་། །ལས་ཀྱི་བཟླས་པའི་སྦྱོར་བ་ཡིས། །མིག་སྨན་འདི་ནི་འགྲུབ་པར་འག…

ནི་མཉམ་བྲིས་ནས། །ན་མཿམིང་གིས་རྣམ་བསྟེན་ལ། །ནག་དང་ཡུ་ཅན་མ་ཡིན་པའི། །ཁམ་ཕོར་གཉིས་ནི་ཁ་སྦྱར་ཏེ། །མར་དང་སྦྲང་རྩིས་བཀང་བར་གཞུག །སྐུད་པ་དཀར་པོས་ཁམ་ཕོར་བཅིང་། །ཤར་དུ་མངོན་པར་ཕྱོགས་པ་ཡིས། །མེ་ཏོག་དཀར་པོས་དུས་གསུམ་གཏོར། །གཤིན་རྗེ་མཐར་བྱེད་ཆུ་ཤེལ་འདྲར། །བདག་ཉིད་བསྒོམས་ནས་མདུན་བཀོད་ལ། །ཟླ་བའི་དཀྱིལ་འཁོར་ལ་གནས་…

དམར་པོ་ལྕགས་ཀྱུ་ཡིས། །བསྒྲུབ་བྱ་དགུག་པར་བྱ་བར་བསམ། །སྔགས་ནི་སྤྲོ་ཞིང་ཁྲི་བཟླས་བྱ། །དེས་ནི་བསྒྲུབ་བྱ་ཉམས་གྱུར་ནས། །རྐང་པ་གཉིས་སུ་ལྷགས་གྱུར་ནས། །གོས་བྲལ་སྐྲ་ནི་བཤིག་གྱུར་པ། །རྣམ་པར་བསམས་ལ་བཟླས་པ་བརྩམ། །གལ་ཏེ་དབང་དུ་མ་གྱུར་ན། །མར་ལ་སོགས་པ་བྲལ་བྱས་ལ། །དུ་བ་མེད་པའི་སེང་ལྡེང་མེས། །འཁོར་ལོ་དེ་ནི་སྒྲུབ་པོས་…

བཞི། །མཉམ་པར་བཞག་པས་བྲི་བར་བྱ། །རི་རབ་ལྕོག་བརྒྱད་ཅེས་གྲགས་པ། །དེ་ཡི་སྟེང་དུ་མཉམ་པར་བྲི། །ཡི་གེ་ཧཱུྃ་དང་ཡི་གེ་བྃ། རི་རབ་དེ་ནི་བརྟན་པར་བྱ། །དེ་ཡི་སྟེང་དུ་ལྃ་ཡིག་ལས། །དབང་ཆེན་དཀྱིལ་འཁོར་དགོད་པར་བྱ། །སྣ་ཚོགས་རྡོ་རྗེས་མནན་པ་ལ། །སྐུད་པ་སེར་པོས་བཅིངས་ནས་ནི། །གཤིན་རྗེའི་གཤེད་པོ་མདོག་སེར་པོ། །དབང་ཆེན་དཀྱིལ་འ…

ཁ་བལྟས་ཏེ། །ཁྲོ་ཆེན་རབ་ཏུ་དྲག་པོའི་གཟུགས། །རུས་པས་མགོ་བོ་རྣམ་བརྒྱན་ལ། །མ་ཧེ་ལ་བཞུགས་ལྕེ་ཕྱུང་འདྲིལ། །གསུས་པ་ཆེ་ལ་རབ་འཇིགས་པ། །སྐྲག་བྱེད་སྐྲ་འབར་གྱེན་དུ་འགྲེང་། །སྨ་ར་སྨིན་མ་དེ་བཞིན་སེར། །གཡས་ན་རྡོ་རྗེ་ཆེན་པོ་དང་། །གཉིས་པ་ན་ནི་རལ་གྲི་དང་། །གསུམ་པའི་ཕྱག་ན་གྲི་གུག་གོ །ད་ནི་གཡོན་པའི་བྲི་བར་བྱ། །འཁོར་ལོ་…

དེ་ཡི་རྒྱུ་མའི་ཕྲེང་བ་སོགས། །བྱ་རྒོད་ཀྱིས་ཁྱེར་མཁའ་ལ་འགྲོ། །ས་ཡི་འོག་ནས་ཀླུ་དང་ནི། །ལྷ་མ་ཡིན་ལ་སོགས་པས་རྡེག །འདི་ལྟར་བསྒྲུབ་བྱ་ཉམས་བྱ་བ། །སྙིང་རྗེ་ལ་གནས་སེམས་ཀྱིས་ནི། །བྱེད་པས་འཁོར་བའི་གནས་བཏོན་ནས། །སངས་རྒྱས་ཞིང་དུ་འགྲོ་བར་བྱེད། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཁྱད་པར་ཅན་གྱི་ཐུགས་ཀྱིས་འདི་…

པའོ། །ཆོ་ག་དག་ནི་སྔ་མ་བཞིན། །འཁོར་ལོ་གཉིས་ནི་བྲི་བྱས་ལ། །ཡི་གེ་ཧཱུྃ་ཕཊ་ཀྱིས་བརྟེན་པ། །ཐོད་པ་ཁ་སྦྱར་ནང་དུ་གཞུག །སྐུད་པ་ནག་པོས་བཅིངས་བྱས་ལ། །ཤ་ཟའི་ཚུལ་དུ་སྦ་བར་བྱ། །གཤིན་རྗེའི་སྦྱོར་བ་ལ་གནས་པས། །མདུན་དུ་བསྒྲུབ་བྱ་བ་སྒོམ་པར་བྱ། །ཡྃ་བྱུང་གཞུ་ཡི་དབྱིབས་འདྲ་བའི། །རླུང་གི་དཀྱིལ་འཁོར་ནག་པོ་ལ། །དེ་སྟེང་མདོག་…

ལོ་འདི། །ཡི་གེར་བྲིས་ནས་གནས་པ་དང་། །འཁོར་ལོ་བྲིས་ནས་གནས་པ་ཡི། །ཁྱིམ་དེར་འཐབ་མོ་རྟག་ཏུ་འབྱུང་། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེའི་གཤེད་ནག་པོའི་རྒྱུད་ལས་འཁྲུལ་འཁོར་གྱི་གོ་རིམས་བྲི་བ་ཞེས་བྱ་སྟེ་རིམ་པར་ཕྱེ་བ་ལྔ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་བཅོམ་ལྡན་འདས་…

འཇིག་རྟེན་གསུམ། །མ་ལུས་ལུས་པ་མེད་པར་འགྲུབ། །ཡ་མ་རཱ་ཛཱ་ས་དོ་མེ་ཡ། ཡ་མེ་དོ་རུ།ཎ་ཡོད་ཡ། ཡ་ད་ཡོ་ནི། ར་ཡ་ཀྵེ་ཡ། ཡ་ཀྵེ་ཡཙྪ། ནི་རཱ་མ་ཡ། དཀྱིལ་དུ་ཡ་བྱས་ཤར་དུ་ཀྵེ། །ལྷོ་རུ་འཇམ་པའི་རྡོ་རྗེ་སྟེ། །ཡི་གེ་མེ་ནི་ནུབ་དུ་བྲི། །བྱང་དུ་ད་སྟེ་ད་མ་ནཱ། །བསྒྲུབ་བྱའི་མིང་ནི་སྦྱིན་བྱ་བ། །མཚམས་ཀྱི་སྟོད་པ་དག་ཏུའོ། །ཧཱུྃ་གཉིས་…

གསུངས་སོ། །ཨོཾ་ཙརྩི་ཀཱ་སིདྡྷེ་ན་དྲ་ནཱི་ལ་ཧཱ་རི་ཎི་རཏྣ་ཏྲ་ཡ་ཨ་པ་ཀཱ་རི་ཎོ་རུ་དི་ར་ཨཱ་ཀརྵ་ཡ་ཛཿ། སྔགས་འདི་དག་ནི་དྲན་བྱས་ན། །ཁ་གདངས་པ་དག་བྱས་པ་ཡིན། །འཇིག་རྟེན་གསུམ་གྱི་ཁྲག་ཆེན་པོ། །འགུགས་པ་འདི་ལ་ཐེ་ཚོམ་མེད། །དེ་ནས་བཅོམ་ལྡན་འདས་རྡོ་རྗེ་གཤིན་རྗེའི་གཤེད་ཆེན་པོ་ཆང་འགུགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུ…

རྗེའི་གཤེད་ཆེན་པོ། རྡོ་རྗེ་ནག་པོ་འཇིགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དབང་བསྐུར་བ་མཆོག་གི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་རྣམས་ལས་ཕྱུང་བར་མཛད་དོ། །ཨུ་དུམ་བཱ་ར་མ་ན་དཱ་ར། །པ་རི་ཛ་ཏ་ཀ་ཕྲེང་དང་། །ཀར་ཎི་ཀ་ཡི་ཕྲེང་བ་ནི། །བུ་ཁྱོད་ཟུང་ལ་བྱིན་གྱིས་རློབ། །རལ་གྲི་ཆེན་པོ་ཁམས་གསུམ་པའི། །སངས…

ཀྱང་མགོན་པོས་དབང་བསྐུར་ཞིང་། །མཆོག་ཀྱང་བདག་ལ་སྩལ་དུ་གསོལ། །དེ་བཞིན་གླུ་དང་རོལ་མོས་མཆོད། །དེ་བཞིན་ཁྲུས་དང་བྱུག་པས་ཀྱང་། །སློབ་མ་དང་བས་བླུག་པར་བྱ། །དེ་ལ་བསྟོད་པ་ཀུན་ཀྱང་བྱ། །དེ་ནས་རྡོ་རྗེ་འཆང་གི་རྒྱལ་པོས་སྟོང་པའི་སྔགས་གསུངས་པ། །ཨོྃ་ཤཱུ་ནྱཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧྃ། ཨོྃ་པཱུ་ཛ་བཛྲ་སྭབྷཱ་བ་ཨཱཏྨ་ཀོ྅…

ཞུགས་ཅན་གྱི་གཟུགས་སུ་བྲི། །སྨྱོན་པའི་ཁུ་བས་བསྐུ་བྱས་ལ། །སྔགས་ཁྲི་བཟླས་པས་མཛེས་ཐེབས་འགྱུར། །གྲུབ་པའི་ཡུངས་ཀར་བླངས་བྱས་ལ། །འབུམ་ཕྲག་བཞི་ནི་བཟླས་བྱས་ན། །སྦྲུལ་གྱིས་བཟུང་ནས་འགྱེལ་བ་ལ། །གཏོར་ན་འཚོ་བརཐེ་ཚོམ་མེད། །རི་གཤོང་ཆུ་ཡི་ས་བླངས་ལ། །སྔགས་ཀྱི་བཟླས་པ་འབུམ་བྱས་ནས། །མགོ་ལ་བསྐུས་པ་ཙམ་གྱིས་ནི། །མགོ་ཡི་ནད་ན…

ལམ་ནི་གང་འདོར་པ། །དེ་ཀུན་ཐམས་ཅད་སྟེར་བར་བྱེད། །སྟག་དང་དེ་ལས་གཞན་པ་དང་། །དོམ་དང་སྤྲེའུ་དག་ལ་ནི། །ཁྱི་དག་གི་ནི་ཁྱད་པར་དང་། །དུག་དག་སྐེ་ཚེ་ཚྭ་དང་ནི། །དེ་བཞིན་ཚྭ་གསུམ་སོ་པཉྫ། །འདི་དག་ལེགས་པར་སྦྱར་གཟུགས་བྱ། །གཤིན་རྗེའི་གཤེད་པོ་འཇིགས་པའི་གཟུགས། །དེ་ལ་རྣལ་འབྱོར་པས་གསོལ་གདབ། །ཧྲཱིཿཥྚྲཱིཿལ་སོགས་སྔགས་ཀྱིས་ནི།…

གཤེད་གཟུགས་སུ། །བཅོམ་ལྡན་གཤིན་རྗེའི་དབང་དུ་མཛད། །ཞེ་སྡང་ཐམས་ཅད་ཟད་པར་བྱེད། །གཏི་མུག་གིས་མནན་འགྲོ་མཐོང་ནས། །གཏི་མུག་གཤིན་རྗེའི་གཤེད་གཟུགས་སུ། །བཅོམ་ལྡན་གཤིན་རྗེའི་དབང་མཛད་ནས། །གཏི་མུག་ཐམས་ཅད་ཟད་པར་མཛད། །འགྲོ་བ་ཕྲ་མས་མནན་མཐོང་ནས། །ཕྲ་མ་གཤིན་རྗེའི་གཤེད་གཟུགས་སུ། །བཅོམ་ལྡན་སྙིང་རྗེ་ཅན་གྱིས་མཛད། །ཕྲ་མ་ཐམ…

བཙུན་མོ་ཀུན་ལ་འཁྱུད་པ་ཡིས། །དཔའ་མོ་སེང་གེ་བཞིན་དུ་སྤྱད། །འདོད་པའི་དོན་ཀུན་རབ་ཏུ་འགྲུབ། །དེ་ནས་ད་ནི་བཤད་བྱ་བ། །ཕྱག་རྒྱ་མ་ནི་རབ་སྒྲུབ་ཐབས། །གསང་སྔགས་ཆེན་པོ་ཡི་གེ་གཅིག །དེ་ཡི་བཟླས་པ་མངོན་པར་བཤད་བྱ། །ཡི་གེ་ཧྲཱིཿལས་བྱུང་བ་ཡི། །མ་ཧེ་ཡང་དག་བསྒོམ་བྱ་སྟེ། །རྡོ་རྗེ་དཀྱིལ་འཁོར་ལ་གནས་པ། །མ་ཧེ་སྟེང་དུ་བསྒོམ་པར་བ…