བྱ་བའི་རྒྱུད་རིམ་པར་ཕྱེ་བ་སྟེ་བཅུ་གཅིག་པའོ། །དེ་ནས་བཅོམ་ལྡན་འདས་སྐྱེས་བུ་ཆེན་པོའི་དམ་ཚིག་རྡོ་རྗེ་སེམས་དཔའི་ངོ་བོ་ཙརྩི་ཀཱའི་རྣམ་པའི་ཏིང་ངེ་འཛིན་ལ་ཡང་སྙོམས་པར་ཞུགས་ཤིང་། ཕག་མོའི་རྣམ་པའི་ཏིང་ངེ་འཛིན་ལ་ཡང་སྙོམས་པར་ཞུགས་སོ། །དབྱངས་ཅན་གྱི་རྣམ་པའི་ཏིང་ངེ་འཛིན་ལ་ཡང་སྙོམས་པར་ཞུགས་སོ། །གཽ་རི་མའི་རྣམ་པའི་ཏིང་ང…

ལས་ཀུན་བྱེད་པ་ཡིན། །བྱ་བ་བཟླས་ནས་དངོས་གྲུབ་སྟེར། །བྱེ་བ་ལྔ་བཟླས་སྨོས་ཅི་དགོས། །ཉིན་རེའམ་ཡང་ན་ཟླ་རེ་འམ། །དེ་བཞིན་ལོ་ནི་རེ་རེ་ལ། །གཏོར་མ་དྲུག་ཅུ་རྩ་བཞི་སྦྱིན། །དབྱུག་གུ་དྲུག་ཅུ་རྩ་བཞིར་ཤེས། །རྟག་ཏུ་ཅུང་ཟད་ཅི་ཟ་དང་། །དེ་བཞིན་ཅུང་ཟད་འཐུང་བ་དང་། །གཞན་ཡང་བཟའ་བ་ཐམས་ཅད་ཀྱི། །ཕུད་ནི་གཤིན་རྗེའི་གཤེད་ལ་དབུལ། །…

པདྨའི་མཁའ་འགྲོ་མ། །ཕྱག་དྲུག་པདྨ་འཛིན་པའོ། །བྱང་དུ་ལས་ཀྱི་མཁའ་འགྲོ་མ། །རལ་གྲི་འཛིན་པའི་དཀྱིལ་འཁོར་རིམ་པའོ། །མེ་ལ་སོགས་པ་མཚམས་བཞི་རུ། །ལྷ་མོ་བསྒོམ་བྱ་བརྟུལ་ཞུགས་ཅན། །ལཱ་སྱེ་མཱ་ལེ་དེ་བཞིན་གར། །གླུ་མ་ཡི་ནི་ཁྱད་པར་རོ། །ལས་ཀྱི་ཆོ་ག་མཐོང་བ་ཡིས། །དེར་ནི་སྒོ་སྐྱོང་བསྒོམ་པར་བྱ། །ཐོ་བ་དབྱིག་པ་དང་པདྨ། །དེ་བཞིན་…

སྔགས་འདི་ནི་མཁས་པས་བཟླ། །རྟ་ཡི་མཆོག་ཏུ་གྱུར་པར་གྲགས། །ཤར་དུ་བ་ཌ་བིཾ་བསྒོམ་བྱ། །ལྷོ་ཕྱོགས་སུ་ནི་རིམ་གྲོ་མ། །ནུབ་ཏུ་བདུན་པའི་རྒྱལ་པོ་སྟེ། །རྟ་མཆོག་མ་ནི་བྱང་ཕྱོགས་དགོད། །བདག་པོའི་ཞལ་ཕྱག་ཇི་ལྟ་བར། །ཐམས་ཅད་དེ་དང་འདྲ་བར་བསྒོམ། །སྔགས་འདི་ཡིས་ནི་ཐམས་ཅད་དུ། །གཤེགས་སུ་གསོལ་བར་རབ་ཏུ་གྲགས། །སྨྱུག་མའི་གླིང་བུ་པི…

དང་། །ས་དང་ཕ་རོལ་ཕྱིན་པ་ལའོ། །སྒོ་ནི་དཀྱིལ་འཁོར་ཆ་བརྒྱད་དེ། །ཁྱམས་ཆེན་དག་ནི་བོར་བ་ལ། །བདག་ཉིད་ཆེན་པོས་ཤེས་པར་བྱ། །ཡིད་དུ་འོང་ཞིང་ལེགས་སྤྲས་པའི། །མུ་ཁྱུད་སྒོ་ཙམ་ཤེས་པར་བྲི། །ལྷ་ཡི་སྣམ་བུའང་དེ་ཙམ་མོ། །རྡོ་རྗེ་ལྷ་མོ་ལྡན་པ་ཡིས། །གླུ་དང་རོལ་མོ་གར་ཡང་དགོད། །མཆོད་སྣམ་སྒོ་ཡི་ཕྱེད་ཉིད་དེ། །འགྲམ་དང་ངོས་ཀྱང་དེ…

གཞོལ་ན། །ནག་པོའི་ཚིག་ནི་ཇི་ལྟ་བར། །གྲུབ་པར་འདི་ལ་ཐེ་ཚོམ་མེད། །དེ་ནས་བྱམས་པ་ལ་སོགས་ཀྱིས། །རྡོ་རྗེ་ངེས་པ་འདི་མཐོང་ནས། །རྡོ་རྗེ་བྱང་ཆུབ་སེམས་དཔའ་ཀུན། །མི་སྨྲ་བར་ནི་སྡོད་པར་གྱུར། །དེ་ལ་འདི་ནི་རྡོ་རྗེ་དབབ་པའི་ཆོ་གའོ། །འབྱུང་བཞིའི་ས་བོན་ཆེན་པོ་ཡིས། །འཁོར་ལོ་བཞི་ནི་རབ་བསྒྲུབ་བྱ། །གནས་བཞིར་རབ་ཏུ་སྦྱོར་བ་བསམ…

མཚལ་གྱིས་སོ། །དེ་ལ་བིལ་བའི་སྙིང་པོ་བཞག །ཧ་ཅང་ཉུང་དང་མང་བ་མིན། །མང་ན་ནག་པོར་འགྱུར་བ་སྟེ། །ཉུང་ན་དེ་བཞིན་འཐུལ་བར་འགྱུར། །གཟུགས་ནི་ཁྲོ་དང་ཞི་བའོ། །མཚན་ཉིད་དག་ནི་བཤད་པར་བྱ། །རོལ་བ་ཞི་བར་གསུངས་པ་སྟེ། །ཁྲོ་བོ་སྦོམ་ལ་ཐུང་བར་བཤད། །སྣ་ནི་སོར་བཞི་བྱ་བ་སྟེ། །དཔྲལ་བ་ཀོས་ཀོ་མཆུ་དེ་བཞིན། །མགྲིན་པ་འགྲམ་པ་དེ་བཞིན་མ…

ཞགས་པ་ཐོ་བ་མདའ་དག་དང་། །བརྟུལ་ཞུགས་ཅན་གྱིས་གཞུ་བཅས་བསྒོམ། །ཨོཾ་པུཀྐ་སཱི་ཨཾ་ཞེས་སྔགས་བརྗོད་དོ། །འཇམ་པའི་རྡོ་རྗེའི་དཀྱིལ་འཁོར་ནི། །དེ་ནས་ཡང་དག་བཤད་བྱ་བ། །དེ་ཡི་མོད་ལ་མི་སྣང་བར། །འཇམ་པའི་རྡོ་རྗེ་གྲགས་འགྱུར་བ། །འབར་བའི་གསེར་འོད་འདྲ་བ་ཡི། །སེར་པོ་ཞལ་གསུམ་ཕྱག་དྲུག་པ། །གཞོན་ནུའི་གཟུགས་ནི་འཛིན་པའི་མགོན། །མི…

སྒྲོག་མ། །དེ་དག་རྣམ་པར་བསྒོམ་པར་བྱ། །སེར་དང་དམར་དང་དེ་བཞིན་ལྗང་། །ཁ་དོག་སྔོན་པོ་དབྱེ་བ་ཉིད། །མཁས་པས་འདི་ལྟར་བསྒོམ་པར་བྱ། །དེ་བཞིན་སྔགས་འདི་དག་ཀྱང་བཟླས། །ཨོཾ་ཕུཿཛཿ། ཐོ་བ་ལ་སོགས་སྒོ་རུ་དགོད། །མེ་ཏོག་ལ་སོགས་མཚམས་སུ་དགོད། །ཛྃ་གུ་ལི་ཡི་སྦྱོར་བ་ཡིས། །ཆུ་ཡི་སྟེང་ནས་རྟག་ཏུ་འགྲོ། །ཀུ་རུ་ཀུལླེ་རབ་སྒྲུབ་ཐབས། །…

ནས་བདེ་བའི་འདོད་ཡིད་ཀྱིས། །དམར་པོའི་གོས་ཀྱིས་ཡོངས་དཀྲིས་ཏེ། །རྐང་པའི་དྲུང་དུ་ལྷུང་བར་འགྱུར། །དེར་ནི་སྔགས་ཀྱང་བཟླས་པར་བྱ། །ཡི་གེ་ཨོཾ་ནི་རིང་པོར་དྲང་། །ཡི་གེ་སྭཱ་ཧཱ་མཐའ་མར་སྦྱིན། །ཡི་གེ་སི་ཏིའི་སྔགས་བཟླས་བྱ། །ཆེ་གེ་མོ་ཞིག་བདག་དབང་འགྱུར། །ཐམས་ཅད་དུ་ནི་བསྒོམས་བྱས་ན། །ནག་པོའི་ཚིག་ནི་ཇི་བཞིན་གྱིས། །རྣལ་འབ…

པར་བྱ། །འཁོར་ལོ་ཡི་ནི་སྒོ་སྲུངས་ཏེ། །ཆོ་གའི་ལས་ནི་མཐོང་བས་སོ། །གཤིན་རྗེའི་གཤེད་ནག་པོའི་རྒྱུད་ལས་ཧེ་རུ་ཀ་བསྒྲུབ་པའི་རིམ་པར་ཕྱེ་བ་སྟེ་བཅུ་དྲུག་པའོ།། །།རྣམ་པ་ལྔ་ནི་བསྒོམས་བྱས་ལ། །སངས་རྒྱས་གཟུགས་ནི་བསྒོམ་པར་བྱ། །སངས་རྒྱས་གཟུགས་ནི་བསྒོམ་པ་ཡིས། །མཁས་པས་འཁོར་ལོ་བསྒོམ་པར་བྱ། །གྲུ་བཞི་ཡི་ནི་སྦྱོར་བ་ཡིས། །འཁོ…

བ་དག་ནི་བསྟན་མི་བྱ། །བདག་སོགས་ཕུང་པོ་བརྙས་མི་བྱ། །གྲོང་པའི་ཆོས་ནི་སུན་མི་གདོན། །གདུག་ལ་བྱམས་པ་རྟག་ཏུ་སྤང་། །ཆོས་ལ་ཚད་གཞལ་བར་མི་བྱ། །སེམས་ཅན་དད་པ་ཅན་མི་བསླུ། །རྟག་ཏུ་དམ་ཚིག་བསྟེན་པར་བྱ། །བུད་མེད་ཤེས་རབ་རང་བཞིན་ལ། །སྨོད་པ་ཉེས་པ་དེ་བཞིན་ནོ། །རྣལ་འབྱོར་སློང་མོས་རྒྱུ་མི་བྱ། །རྣལ་འབྱོར་སྤང་བར་མི་བྱ་སྟེ། །…

བདེ་བ་ཆེན་པོ་སྟེ། །ས་ཡང་མ་ཡིན་ཆུ་མིན་ཏེ། །མེ་མིན་རླུང་མིན་ནམ་མཁའ་མིན། །རྡོ་རྗེ་སེམས་དཔའི་སྦྱོར་བ་ཡིས། །བསྐྱེད་པ་ཡང་ནི་རབ་གནས་ནས། །དངོས་པོ་ཐམས་ཅད་དངོས་མེད་བཤད། །དངོས་པོ་མེད་ཅེས་མ་བསྒྲགས་པ། །རྣལ་འབྱོར་སྦྱོར་བ་དང་འབྲེལ་ཕྱིར། །ཆད་པ་མ་ཡིན་རྟག་པ་མིན། །ཡན་ལག་མེད་ཅིང་ཁ་དོག་མེད། །ཐོག་མ་བར་དང་མཐའ་སྤངས་པ། །དངོ…

ཇི་ལྟར་བདག་གིས་བཅོམ་ལྡན་འདས་ཀྱིས་གསུངས་པ་ཐོས་ཏེ། སྐད་ཅིག་ལ་བཟུང་ཞིང་དོན་བཟུང་སྟེ་བསྡུས་ནས་རབ་ཏུ་ཡིད་ལ་བྱས་སོ། །ཞེས་གསང་བ་ཆེན་པོའི་བདག་པོ་ཆེན་པོ་རྡོ་རྗེ་རིགས་ཀྱི་གཙོ་བོ་ནཱ་ད་ཀུ་བེ་རའི་ཡབ་ཀྱིས་དེ་སྐད་ཅེས་གསུངས་སོ། །ཨཽཌྱན་གྱི་ཡུལ་ནས་ཡང་དག་པར་བྱུང་བ་དངོས་གྲུབ་ཐམས་ཅད་སྐྱེད་པར་བྱེད་པ་རྒྱུད་ཀྱི་རྒྱལ་པོ་འབུ…

མིག་སྨན་དང་།ས་འོག་དང་།རིལ་བུ་དང་། གསེར་འགྱུར་དང་། བཅུད་ཀྱིས་ལེན་པ་དང་། ནོར་དང་། འབྱུང་པོ་དང་། རོ་ལངས་དང་། ཤ་ཟ་དང་། གནོད་སྦྱིན་དང་། གནོད་སྦྱིན་མོ་དང་། ཀླུ་ལ་སོགས་པ་ཆོ་ག་འདིས་བསྒྲུབ་པར་བྱའོ། །དེ་ལ་ཆོ་ག་ནི་དང་པོར་རེ་ཞིག་སྔགས་པས་རོ་བསྲེགས་པའི་ཐལ་ཆེན་གྱིས་ལུས་བྱུགས་ཏེ། མཚན་ཕྱེད་ན་གཅེར་བུ་སྐྲ་བསིལ་བུ་བྱས་…

འདོད་ན་མར་ཁུ་ཆེན་པོའི་མར་མེ་དབུལ་ལོ། །མི་དང་།བོང་བུ་དང་། རྔ་མོ་དང་། ཁྱི་དང་། ཝ་དང་། མ་ཧེ་དང་། གླང་པོ་ཆེ་དང་། བ་ལང་དང་། བ་མེན་དང་། ལུག་དང་། རི་དགས་དང་། ཕག་པ་ལ་སོགས་པའི་ཤ་རྣམས་དབུལ་བར་བྱའོ། །གཞན་ཡང་བྱ་རྒོད་དང་། འུག་པ་དང་། བྱ་རོག་དང་། ཁྲ་དང་། ཆུ་སྐྱར་དང་། མཐིང་རིལ་དང་། བཞད་དང་། རྨ་བྱ་དང་། ཁྱིམ་བྱ་དང་། …

ས་འོག་དང་། མིག་སྨན་དང་། གསེར་འགྱུར་དང་། བཅུད་ཀྱིས་ལེན་པའམ། དེ་ལས་གཞན་ཡང་ཡིད་ལ་འདོད་པའི་དངོས་གྲུབ་ངེས་པར་བདག་ལ་སྩོལ་ལོ། །བརྒྱ་ཞིག་ལ་སྔགས་པས་དེ་དག་མ་གྲུབ་ན་ཡང་དེའི་ཕྲ་མོའི་ལས་ཐམས་ཅད་ངེས་པར་འགྲུབ་བོ། འདི་ནི་འཇམ་དཔལ་ཞེས་བྱ་བའི་མིང་དཔལ་རྡོ་རྗེ་འཇིགས་བྱེད་ཆེན་པོའི་འཁོར་ལོའི་རྣལ་འབྱོར་རྒྱུད་ལས་དཀྱིལ་འཁོར་བ…

དེ་ལ་ལེ་ཚེ་བཅུ་དྲུག་པའི་རབ་ཏུ་སྦྱོར་བ་འདི་གསུངས་ཏེ། འོན་ཀྱང་འདིའི་ཁྱད་པར་ནི་ཡི་གེ་སུམ་ཅུ་རྩ་གཉིས་པའི་སྔགས་དང་ལྡན་པ་ཡི་གེ་བཅུ་པའི་སྔགས་བསྒྲུབ་བྱའི་མིང་དང་ལྷན་ཅིག་ཏུ་ཡི་གེ་དང་སྔགས་སྤེལ་ལོ། །སྔོན་དུ་གསུངས་པའི་རྫས་དང་ལྷན་ཅིག་ཏུ་བྱ་རོག་གིས་བཏོགས་པའི་ལྷག་མ་མི་གཙང་བ་དང་། རྣམ་པར་སྣང་མཛད་དང་ལྷན་ཅིག་ཏུ་དུར་ཁྲ…

ན་ཐར་བར་འགྱུར་རོ། །དེ་ནས་རེངས་པའི་རབ་ཏུ་སྦྱོར་བ་གསུངས་ཏེ། ཏེའུ་ལོའི་པགས་པ་ལ་དུག་ལ་སོགས་པའི་རྫས་ཀྱིས་ཡི་གེ་བཅུ་པའི་སྔགས་བྲིས་ལ། པགས་པ་དེ་བསྒྲུབ་བྱའི་རྐང་རྗེས་ཀྱི་རྡུལ་དང་། གཅིན་བཏང་བའི་ཤུལ་གྱི་སས་བཀང་ལ་དེའི་སྐྲས་བཅིང་བར་བྱའོ། །ཕྱི་ནས་བོང་བུའི་གཅིན་དང་། རྣམ་པར་སྣང་མཛད་དང་ལྷན་ཅིག་ཏུ་བརྫིས་ལ་ཁམ་ཕོར་དགང་…

ཕྱིས་ཀྱིས་བཞར་ལ་དེར་གནས་པར་གཟུང་ངོ་། །མར་ཁུ་དེ་བླངས་ནས་ལྷ་ཆེན་པོའི་རྒྱལ་མཚན་གྱི་རས་བླངས་ལ་དེ་བསྲེགས་པའི་བར་གྱི་དུ་བའི་དྲེག་པ་དེ་དང་མར་ཁུ་དེ་གཅིག་ཏུ་བྱས་ལ་བསྐྲད་པར་འདོད་པ་དེའི་མཆིལ་ལྷམ་ལ་དེ་བསྐུའོ། །དེའི་ལག་པ་དང་རྐང་པ་གཉིས་ལ་ཡང་བྱུགས་ན་སྐད་ཅིག་གིས་དེ་སྐྲོད་དོ། །དེ་ནས་གཞན་ཡང་རབ་ཏུ་སྦྱོར་བ་གསུངས་པ་ནི་ད…