བསྒྱུར་བ་ནི། །མཚན་མོའི་ཆུ་ཚོད་དུ་ནི་བརྟག །བརྒྱད་དང་བཅུ་གཉིས་བསྒྱུར་བ་དག །ཉིན་མོ་རུ་ནི་བརྟག་པར་བྱ། །གཉིས་དང་བཅུ་ནི་གསུམ་བསྒྱུར་བ། །མཚན་མོའི་ཆུ་ཚོད་དུ་ནི་བརྟག །ཆུ་ཚོད་སུམ་ཅུ་ཐམ་པ་ནི། །དབུས་ཀྱི་པི་ཤུ་གཉི་གར་སྦྱར། །གཉིས་དང་བཅུ་ནི་གསུམ་པོ་དག །ཉིན་མོའི་ཆུ་ཚོད་ཤེས་བྱ་སྟེ། །བརྒྱད་དང་བཅུ་གཉིས་སྦྱོར་བ་དག །དེ་…

ཚོད་དོ། །དེ་ཡི་མཚན་མ་ལྡན་པ་ཡིས། །ཉིན་མཚན་གྱི་ནི་དབུགས་སུ་བརྩི། །ངག་གི་དབང་ཕྱུག་ཀུན་བཟུང་ནས། །དབྱངས་ཀྱི་མཚན་མར་མངོན་པར་བཞག །མ་ནིང་གཉིས་ནི་སྤངས་ནས་སུ། །ས་ཡི་དབང་ཕྱུག་ཀུན་དུ་བཞག །ཨ་ཡི་རིམ་པ་ལ་བབ་ན། །དཔལ་དང་མངོན་པར་མཉམ་འགྲོགས་ཤིང་། །ནོར་རྙེད་པར་ནི་སྣང་བ་སྟེ། །སྐལ་བ་བཟང་པོར་གདོན་མི་ཟ། །ཨ་ཡི་རེའུ་མིག་ལ་བབ…

ནས་སུ། །ས་བཞི་རུ་ནི་བཅད་ནས་སུ། །ཡི་གེ་ལྷག་མ་གཟུང་བྱས་ཏེ། །དགེ་དང་མི་དགེ་མཚོན་པར་བྱ། །ཡང་ན་རི་མོ་ཀྱག་ཀྱོག་བྲི། །དབྱངས་ཀྱི་དང་པོ་ལ་སོགས་བགྲང་། །ཡང་ན་མེ་ཏོག་གཏོར་ནས་ནི། །དེ་བཞིན་ས་ནི་མཚོན་པར་བྱ། །ཡང་ན་སྔ་དྲོ་རོ་ཧི་ཏཱའི། །དུས་སུ་རྩིབ་པོ་ཡིས་བལྟ། །རྣལ་འབྱོར་བསྟན་བཅོས་རབ་རྒྱས་པའོ། །བཅུ་གཉིས་ཀྱི་ནི་གནས་དག་…

བཟང་ཞིང་། །ཞི་དང་སྲུང་དང་བཀྲ་ཤིས་འགྱུར། །སྟན་དང་ནོར་དང་བཏུང་བ་རྙེད། །ཁྱུ་མཆོག་ལ་ནི་ལས་རྣམས་ལ། །རྒྱལ་པོའི་ཆད་པས་ངེས་པར་འཇིགས། །མྱ་ངན་དང་ནི་གནས་སུ་འགྲོ། །བྱེ་བྲལ་དག་ནི་མཐོང་བར་འགྱུར། །བཟང་པོ་ལ་ནི་ལོངས་སྤྱོད་དང་། །དོན་རྣམས་ཐམས་ཅད་ངེས་པར་འགྲུབ། །མཆོད་པའི་གནས་འགྱུར་གྲོགས་དང་ནི། །བཀྲ་ཤིས་དག་ནི་འབྱུང་བར་འག…

རས་ནི་མཛེས་པར་འགྱུར་རོ། །རུས་སྦལ་ནི་འགྲོན་པོ་འོང་ངོ། །བྲྀཥ་བྷས་ནི་བྱམས་སྡུག་ཏུ་འགྱུར་རོ། །བཟང་པོས་ནི་མཉེས་པར་འགྱུར་རོ། །གཏི་མུག་གིས་ནི་ཅིར་ཡང་མི་འགྱུར་རོ། །རོ་ཧི་ཏཱའི་ཉི་མ་ལ་རྣ་བ་གཡོན་པ་ངུ་ན། བཟའ་བ་དང་བཏུང་བ་འོང་བར་འགྱུར་རོ། །སའི་དབང་ཕྱུག་གིས་ནི་དགེ་བར་འགྱུར་རོ། །རྨི་ལམ་གྱིས་ནི་སྔོན་མ་མཐོང་བ་ཅུང་ཟད་མ…

མི་ཀི་རཱས་ཀྱང་འཐབ་རྩོད་དོ། །རཎྜཱས་ནི་འཐབ་རྩོད་དང་སྐྱོ་སྔོགས་སུ་འགྱུར་རོ། །མ་ཀ་རས་ཀྱང་དེ་བཞིན་ནོ། །ཀཱུརྨས་ནི་དེ་ཉིད་དུ་སུ་ཞིག་འཆི་བར་སྟོན་ཏོ། །བྲྀཥ་བྷས་ནི་གོས་རྙེད་དོ། །བྷ་དྲས་ནི་ནང་དང་ཕྲད་པར་འགྱུར་རོ། །མོ་ཧི་ཏཱས་ནི་མྱ་ངན་དང་ཕྲད་པར་འགྱུར་རོ། །འཕེལ་བ་ནོར་རྒྱས་བུ་ཡིན་ཏེ། །གཏི་མུག་དེ་བཞིན་འཇོག་པོ་ཡིན། །བ…

སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། །དབུགས་བརྩི་བའི་རིམ་པར་ཕྱེ་བ་ཞེས་བྱ་བ་སྟེ་བཅུ་པའོ།། །།དེ་ནས་ཡང་དག་བཤད་བྱ་བ། །དངོས་གྲུབ་མཆོག་གི་རིག་བ་ལ། །སྒྱུ་མ་ཆེན་མོ་ཞེས་བྱ་བ། །གསང་བ་ཆེན་པོའི་དབང་ཕྱུག་སྟེ། །སེམས་ཅན་ཐམས་ཅད་འདུལ་མཛད་གཉེན། །ད…

རབ་ཏུ་སྟེར། །དེ་ཡི་བརྟུལ་ཞུགས་མ་བཤད་དེ། །སྦྱིན་སྲེག་ལས་དང་སྔགས་རྣམས་དང་། །གཟུང་བ་དང་ནི་བགྲང་ཕྲེང་དང་། །གཅིག་ནས་གཅིག་ཏུ་ལྡོག་པར་འགྱུར། །སྔགས་ཀྱི་དཀྱིལ་འཁོར་དབྱིབས་ཆོས་དག །སྦྱོར་བ་རྣམ་གསུམ་ཞེས་བྱ་སྟེ། །དུག་མེད་བྱས་ནས་ནན་ཏན་དུ། །བསྟེན་བྱ་འདི་ནི་བསྟེན་བྱས་ནས། །སྲིད་པའི་ལོངས་སྤྱོད་དག་འགྱུར་ཞིང་། །སྲིད་པས…

ཡིན། །བྷ་ག་ཡི་ནི་དབུས་གྱུར་པ། །ཡེ་ཤེས་རྒྱ་མཚོ་བསྒོམ་བྱས་ལ། །ཡི་གེ་མི་འགྱུར་རྫོགས་པ་ལས། །སྐུ་མདོག་དཀར་པོ་ཞལ་བཞི་པ། །རྡོ་རྗེ་དང་ནི་ཁ་ཊྭཱཾ་བསྣམས། །དཔའ་བོ་སྦྱི་གཙུག་ཟླ་ཕྱེད་བརྒྱན། །གཤོར་དང་ཐོད་པའང་བསྣམས་པ་སྟེ། །དབུགས་མི་གཡོ་བར་བསྒོམ་པར་བྱ། །རླུང་དང་མེ་ནི་ཡང་དག་ལྡན། །ཆུ་དང་དབང་ཆེན་མནན་པ་སྟེ། །སྤྲོ་བའི་བད…

བྱས་ནས་ནི་འདི་སྐད་བརྗོད། །སངས་རྒྱས་བྱང་ཆུབ་སེམས་དཔའ་རྣམས། །ཀུན་ནས་བདག་ལ་དགོངས་གསོལ། །བདག་མིང་འདི་ཞེས་བགྱི་བ་ནི། །དུས་འདི་ནས་བཟུང་ཇི་སྲིད་དུ། །བྱང་ཆུབ་སྙིང་པོར་མཆིས་ཀྱི་བར། །ཇི་ལྟར་དུས་གསུམ་མགོན་པོ་རྣམས། །ཡང་དག་བྱང་ཆུབ་ངེས་མཛད་པ། །དེ་བཞིན་བླ་མེད་བྱང་ཆུབ་སེམས། །དམ་པ་བདག་གིས་བསྐྱེད་པར་བགྱི། །སངས་རྒྱས་ར…

པ་ཁ་ཊྭཱཾ་དང་། །དེ་བཞིན་གཞན་ཡང་གཞུ་དང་མདའ། །ཆོ་གའི་བྱ་བ་དེ་ཉིད་ཀྱིས། །ཡེ་ཤེས་རྒྱ་མཚོ་བསྒོམ་པར་བྱ། །ཤར་ནི་དཀར་ཞིང་འོད་སྔོ་སྟེ། །གཡོན་ན་ཁ་ཊྭཱཾ་དྲིལ་བུ་དང་། །གཞན་ན་རྡོ་རྗེ་ཐོད་པའོ། །བྱང་ཕྱོགས་མར་གད་སེར་སྐྱའི་འོད། །གཡོན་ན་ཁ་ཊཱཾ་ཞགས་པ་དང་། །གཡས་ན་རྡེའུ་ཆུང་ཐོད་པ་བསྣམས། །ནུབ་ཕྱོགས་དམར་ཞིང་སེར་སྐྱའི་འོད། །ག…

ཧཱུྃ་བསྒོམས་ལ། །བྱམས་པའི་སེམས་ནི་བསྐྱེད་ནས་སུ། །དེ་ནས་དཀྱིལ་འཁོར་བྲི་བར་བྱ། །གྲུ་བཞི་པ་ལ་སྒོ་བཞི་པ། །ཁ་ཁྱེར་དེ་བཞིན་རྡོ་རྗེས་མཚན། །སྐུད་པ་བཞི་དང་ཡང་དག་ལྡན། །དར་གྱི་ཕྲེང་བས་མཛེས་པར་བྱས། །དཀྱིལ་འཁོར་གྲྭ་རྣམས་ཐམས་ཅད་དང་། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་རྣམ་སྤྲས་པར། །ཕྱི་ཡི་དཀྱིལ་འཁོར་ཐི…

པ། །མཁའ་འགྲོ་མ་ནི་དེ་བཞིན་འཁོར། །གློག་ལྟ་བུར་ནི་གསལ་བའི་འོད། །ཡིད་ཤུགས་ཆེན་པོས་རིག་པ་ཆེ། །ལྷ་ཡི་རྣལ་འབྱོར་དུས་སུ་ནི། །ཕྱོགས་བཅུ་རྣམས་སུ་སྤྲོ་བར་བྱ། །ཤིན་ཏུ་ཕྲ་བའི་རྡུལ་ཚོགས་ནི། །ཤིན་ཏུ་ཕྲ་བའི་དངོས་པོར་བསྒོམ། །འགྱུར་བ་མེད་ཅིང་སྣང་བ་མེད། །ཀུན་མཁྱེན་འབྲས་བུ་སྟེར་བའོ། །མེ་ཏོག་ལ་ནི་གནས་བསམས་ཏེ། །གང་ལ་བྱི…

བསྒོམས་ནས་ནི། །ཕྱི་ནས་མཆོད་པ་བརྩམ་པར་བྱ། །བདག་ཉིད་ཧེ་རུ་ཀར་བྱས་ནས། །དཔལ་ལྡན་ཧེ་རུ་ཀར་དྲན་བྱ། །དམ་ཚིག་ཡེ་ཤེས་གཅིག་གྱུར་ལས། །དེས་འདི་རྡོ་རྗེ་ཅན་དུ་བརྗོད། །རྣལ་འབྱོར་འདི་ནི་མཆོད་ཆེན་དང་། །དེ་བཞིན་སྔགས་ཀྱི་དགོད་པ་སྟེ། །དེ་ནས་དཔའ་བོ་མཆོད་ཤེས་ནས། །ལས་ནི་འབད་པ་ཉིད་ཀྱིས་བྱ། །སྔགས་པས་རང་དགར་དབྱེ་བྱ་སྟེ། །ཕྱི…

ཁྱད་པར་ཚུལ་གྱིས་ནི། །ས་སྤྱོད་གསུང་གི་འཁོར་ལོར་གནས། །མཚན་ནི་ཡི་དགས་གནས་པ་སྟེ། །གྲྀ་ཧ་དེ་བ་བཤང་བའི་ལམ། །དེ་དག་འདུན་སར་བརྗོད་པ་སྟེ། །བརླ་ནི་སཽ་རཱཥྚ་ཞེས་བྱ། །བྱིན་པ་གཉིས་ནི་གསེར་གླིང་སྟེ། །ཉེ་བའི་འདུན་ས་ཉིད་ཡིན་ནོ། །སོར་མོ་རྣམས་ནི་ནཱ་གར། །རྐང་བའི་བོལ་ནི་སིན་དྷཱུ་སྟེ། །དུར་ཁྲོད་ཅེས་ནི་བྱ་བར་བརྗོད། །མཐེ་བ…

མིག་འབབ་པའོ། །ཨོ་ཊེར་ནི་རྡོ་རྗེ་རལ་བ་ཅན་དང་འཇིགས་བྱེད་ཆེན་མོ་སྟེ། །མཁྲིས་པ་འབབ་པར་གྲགས་པ་སྟེ་ཞིང་ངོ་། །ཏྲི་ཤ་ཀུ་ནི་ར་དཔའ་བོ་ཆེན་པོ་དང་རླུང་གི་ཤུགས་མ་སྟེ། གློ་བ་འབབ་པའོ། །ཀོ་ས་ལར་རྡོ་རྗེ་ཧཱུྃ་མཛད་དང་ཆང་འཐུང་མ་སྟེ། རྒྱུ་མའི་ཕྲེང་བ་འབབ་པའོ། །ཉེ་བའི་ཞིང་ངོ་། །ཀ་ལིང་གར་ནི་ཤིན་ཏུ་བཟང་པོ་དང་སྔོ་བསངས་ལྷ་མོ་…

པའོ།། །།དེ་ནས་ལས་ཀྱི་རབ་མཆོག་ནི། །སྦྱོར་བ་ཀུན་གྱི་དམ་པ་སྟེ། །གང་ཡང་གྲུབ་པར་བྱེད་པའི་སྔགས། །དེ་ཡི་དབྱེ་བ་རིམ་བཞིན་བཤད། །ཡི་གེ་ཕོ་ཉ་ལ་སོགས་སྔགས། །མདའ་ཡི་ཤུགས་ཀྱིས་ཡོངས་སུ་འཁོར། །སྤྲུལ་པའི་འཁོར་ལོའི་དབུས་སུ་ནི། །སྡེ་ཚན་བརྒྱད་ཀྱིས་ཤིན་ཏུ་བསྐོར། །སྔགས་རྣམས་ཐམས་ཅད་འབྱུང་བ་སྟེ། །གཞན་ཡང་ཅི་ཡང་རུང་བ་སྐྱེ། །ཆ…

ཡང་རྣམ་པར་གྲོལ་བའི་ལམ། །འབབ་པའི་ཚོགས་ནི་མཆོག་ཏུ་དགའ། །སྦྱོར་བ་ཁ་སྦྱར་ཉིད་དང་ནི། །རྡོ་རྗེ་ལུ་གུ་རྒྱུད་དུ་བཞེད། །རྡོ་རྗེ་པདྨ་དབྱེ་བ་དང་། །སྒྲོ་ཆུན་སྦྲང་རྩི་བྱེད་པར་བཤད། །སྐོར་བ་གང་ཕྱིར་བསྐྱོད་པ་སྟེ། །བདེ་དེའི་ཐབས་ཀྱིས་ཀུན་རིག་པའོ། །དགའ་དང་བདེ་བའི་རང་བཞིན་གྱིས། །ཞགས་པ་པདྨོར་བཅུག་པ་ཡིན། །ཆགས་པ་ལྕགས་ཀྱུ་…

བཅུ་རྣམས་སུ་སྤྲོས་ནས་ནི། །ལྷ་དང་ལྷ་མིན་ཀུན་བསྡིགས་ཏེ། །སྙིང་གའི་ཆོས་ཀྱི་འཁོར་ལོ་ནི། །བསྲེགས་ཏེ་ལོངས་སྤྱོད་འཁོར་ལོར་སོང་། །སྣ་བུག་གཡས་ནས་བྱུང་ནས་ནི། །སླར་ཡང་ཞུགས་ཏེ་སྨིན་མཚམས་ཀྱི། །མཛོད་སྤུའི་ཁུང་ནས་བྱུང་ནས་སུ། །ཕྱོགས་བཅུར་བཞུགས་པའི་སངས་རྒྱས་དང་། །བྱང་ཆུབ་སེམས་དཔའ་ཐམས་ཅད་ཀྱི། །སྣ་སྒོ་གཡོན་དུ་ཞུགས་ནས་…

ཐམས་ཅད་ཞུ་འདོད་པ། །ལེགས་སོ་ལེགས་སོ་ལྷ་མོ་ཆེ། །བློ་གྲོས་ཆེན་མོ་ལགས་སོ་ལེགས། །མཁའ་འགྲོ་མ་ནི་ཐམས་ཅད་ཀྱང་། །ཐེ་ཙོམ་སྐྱེ་ན་གཞན་ཅི་སྨོས། །སྒྱུ་མ་ཀུན་ཏུ་རྣམ་འཕྲུལ་བ། །ཉོན་ཅིག་ལྷ་མོ་སྒྱུ་མ་ཆེ། །གང་ཞིག་བྲིས་པ་ཙམ་གྱིས་ནི། །སྒྲུབ་པོས་དངོས་གྲུབ་འཐོབ་འགྱུར་བ། །མདོར་བསྡུས་ནས་ནི་བརྗོད་བྱ་སྟེ། །དེ་ནི་བདག་གིས་བཤད་ཀྱ…