རིགས་ལ་ནི་མོན་སྲན་གྲེའུའི་སྲེག་བླུགས་ཀྱི་སྦྱིན་སྲེག་གིས་བྱའོ། །སེམས་ཅན་ཐམས་ཅད་ལ་ནི་མར་དང་ཏིལ་སྦྱར་བས་བྱ་སྟེ། ཐམས་ཅད་ལ་ཡང་སྦྱིན་སྲེག་ལན་བརྒྱད་བརྒྱའི་བར་བྱའོ། །ཉི་མ་ལ་ཕྱོགས་དེ་ལན་འབུམ་བཟླས་བརྗོད་བྱས་ན་སྡིག་པ་ཐམས་ཅད་ལས་གྲོལ་བར་འགྱུར་ཏེ། ཟས་སུ་བའི་གཅིན་དང་བྱེའི་འདག་གུ་ཟ་ཞིང་ལས་བྱའོ། །རིག་སྔགས་འཆང་ཐམས་ཅད…

ཕྱག་རྒྱ་ཆེན་པོ་གང་ཡིན་པ་རྣམས་ཀྱི་སོ་སོའི་ཆོ་ག་ཤིན་ཏུ་མྱུར་བར་བྱེད་ཅིང་གཞན་གྱིས་མི་ཚུགས་ཤིང་མྱུར་དུ་འགྲུབ་པར་འགྱུར་རོ། །གྲོག་མཁར་གྱིས་དང་ཡུངས་ཀར་བསྲེས་པ་ལས་རྡོ་རྗེ་བྱས་ཏེ་ཙནྡན་དམར་པོས་བྱུགས་ལ་བླངས་ན་ལམ་མི་གཟུར་བ་དང་། མི་སྨྲ་བར་ལན་འབུམ་བཟླས་བརྗོད་བྱས་ནས་བཟླས་བརྗོད་བྱས་པའི་མཇུག་ཏུ་ཟླ་བ་སྤྱང་ཀིས་ཟིན་པའི…

འཁོར་དེའི་ནང་ནས་ལངས་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་པ་མཆོག་གི་ཆོ་ག་ཆེན་པོ་ལས་བདག་གིས་ལྷ་རྣམས་བཤད་པ་གང་ལགས་པ་དེ་དག་ཐམས་ཅད་ཀྱིས་སྒྲུབ་པ་པོ་གཙང་སྦྲ་དང་ཆོ་ག་དང་སྤྱོད་ཡུལ་དང་ལྡན་པ་གང་ལགས་པ་བསྲུང་བ་དང་། བསྐྱབ་པ་དང་། སྦ་བར་བགྱིད་ཅིང་དངོས་གྲུབ་ཀ…

ལམ་དུ་འཇུག་གམ། བཤང་བ་དང་གཅི་བ་ལ་སོགས་པ་བྱེད་ན་ཐོག་མར་ལན་ཅིག་བརྗོད་ན་བསྲུང་བར་བྱས་པར་འགྱུར་རོ། །ལམ་དུ་འཇུག་ན་ལན་གསུམ་བརྗོད་ནས་སོང་ན་ཆོམ་རྐུན་ལ་སོགས་པའི་འཇིགས་པ་འབྱུང་བར་མི་འགྱུར་རོ། །དེ་བཞིན་དུ་ཆུ་ཀླུང་རྒལ་བ་ན་ཡང་ཆུ་སྲིན་ན་ཀྲ་ལ་སོགས་པའི་འཇིགས་པ་འབྱུང་བར་མི་འགྱུར་རོ། །དེ་ནས་བསྒྲུབ་པར་འདོད་ན་ཚེས་གྲངས་ད…

དགྲ་དབང་དུ་བྱ་ན་གི་ཝང་ངམ། ལྡོང་རོས་ལ་ལན་བརྒྱ་སྟོང་བསྔགས་ཏེ་བདག་ཉིད་ཀྱི་ལུས་བསྐུས་ན་དགྲའི་ནང་དུ་འཇིགས་པར་མི་འགྱུར་རོ། །ལིག་བུ་མིག་བླངས་ཏེ་ཨ་ཤྭཏྠའི་ལོ་མའི་སྟེང་དུ་བཞག་ལ་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ལན་བརྒྱ་སྟོང་བཟླས་བརྗོད་བྱས་པས་མིག་ལ་བསྐུས་ན་སྐྱེ་བོ་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །…

བརྗོད་བྱས་ན་དེ་མ་ཐག་ཏུ་དགྲ་མེད་པར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་སེ་གོལ་གཏོགས་ཤིང་གསང་སྔགས་བཟླས་བརྗོད་བྱས་ན་དེ་མ་ཐག་ཏུ་དགྲ་འཆི་བར་འགྱུར་རོ། །ཆོ་ག་ཇི་ལྟར་བྱས་ཀྱང་རུང་སྟེ། ཁྲོས་བཞིན་དུ་བཟླས་བརྗོད་བྱས་ན་ཆོ་ག་དེས་དེ་མ་ཐག་ཏུ་དགྲ་འཇིགས་པ་དང་འཆི་བར་འགྱུར་རོ། །ཞི་བར་བྱ་བ་དང་ཕྱིར་གསོ་བ་ཐམས་ཅད་ལ་ནི་…

ཚོན་རྩི་སྦྱིན་མེད་པས་ཁྲོ་བོའི་གཟུགས་མི་སྡུག་ཅིང་མཆེ་བ་གཙིགས་ལ་ལུས་ཀྱི་མདོག་གནག་ཅིང་མེ་ལྕེ་འབར་བས་བསྐོར་ཏེ་སྐྲ་ཁམ་པ་གྱེན་དུ་བརྫེས་ཤིང་ཁྲོས་པའི་མིག་གིས་བལྟས་ལ་ལག་པ་གཡོན་པ་རྡོ་རྗེ་ཐོགས། ལག་པ་གཡས་པ་ན་དབྱུག་པ་ཐོགས་པ་འདྲིར་གཞུག་གོ། །འོག་ལོགས་སུ་ནི་སྒྲུབ་པ་པོ་ལག་ན་པོག་ཕོར་ཐོགས་པ་བྲིས་ལ་མར་གྱི་ངོ་ཞག་བརྒྱད་ད…

ཁུང་རྡོ་རྗེའི་དབྱིབས་འདྲ་བར་བྱ་སྟེ། གུ་གུལ་གྱི་རིལ་བུ་བརྒྱད་སྟོང་སྦྱིན་སྲེག་བྱས་ན་བགེགས་ཐམས་ཅད་ཞི་བར་འགྱུར་རོ། །ཡར་གྱི་ངོ་ཚེས་གཅིག་ལ་བརྩམས་ཏེ་དུས་གསུམ་དུ་གུ་གུལ་གྱི་རིལ་བུ་མར་གྱི་ནང་དུ་སྨྱུགས་པ་བརྒྱ་སྟོང་སྦྱིན་སྲེག་བྱས་པའི་མཇུག་ཏུ་ཞག་གསུམ་སྨྱུང་བ་བྱས་ལ་དེའི་མདུན་དུ་མཆོད་པ་ཆེན་པོ་བྱས་ཏེ། རྡོ་རྗེ་ཁྲོ་…

ཀྱིས་ཀྱང་མཆོད་དེ། ལག་ན་རྡོ་རྗེ་དང་འགྲན་པ་དང་བསྐལ་པར་གནས་པར་འགྱུར་རོ། །སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ལིག་བུ་མིག་ལ་ལན་འབུམ་བཟླས་བརྗོད་བྱས་ཏེ། དེ་ནས་ཡར་གྱི་ངོ་ཚེས་བཅྭ་ལྔ་ལ་ཟླ་བ་སྤྱང་ཀིས་ཟིན་པའི་ཚེ་ཁར་བཅུག་སྟེ་ཟླ་བ་མ་བཏང་གི་བར་དུ་བཟླས་བརྗོད་བྱས་ཏེ་དེས་མིག་ལ་བསྐུས་པས་ལུས་མི་སྣང་བར་འགྱུར་རོ། །…

བར་འགྱུར་རོ། །མིའི་གཙོ་བོའམ་མི་ཆེན་པོ་དབང་དུ་བྱ་བར་འདོད་ན་ཐབ་ཁུང་རྡོ་རྗེའི་དབྱིབས་འདྲ་བར་བྱས་ལ་ལུང་ཏང་གི་བུད་ཤིང་གིས་མེ་སྦར་ཏེ། རྒྱ་སྐྱེགས་ཀྱིས་སྲེག་བླུགས་ལན་བརྒྱ་སྟོང་སྦྱིན་སྲེག་བྱས་ན་དེ་དེའི་བྲན་བཞིན་དུ་འོང་བར་འགྱུར་རོ། །ཡང་ན་གྲོག་མཁར་གྱི་ས་ལས་གཟུགས་བྱས་ཏེ་དེའི་མདུན་དུ་བ་ལང་གི་ཤས་ལན་བརྒྱ་སྟོང་སྦྱི…

གྱི་སྒོ་བཞིའི་ས་བླངས་པས་རྔ་མོའི་གཟུགས་བྱས་ཏེ། དེས་དེ་མ་ཡིན་པའི་མིའི་གཟུགས་བྱས་པའི་མགོ་བོ་ལ་འཛིན་པར་བྱས་ལ་སྙིང་ག་དང་སྟ་ཟུར་དུ་ལྕགས་ཞུན་མའི་ཕུར་བུས་བཏབ་སྟེ། རྐང་པ་གཡོན་པས་མནན་ལ་མཚན་རངས་པར་བཟླས་བརྗོད་བྱས་ན་གདོན་དྲག་པོས་ཟིན་པར་འགྱུར་ཏེ་ཅིས་ཀྱང་མི་སློངས་པར་ཞག་བདུན་གྱིས་འཆི་བར་འགྱུར་རོ། །སྦྲུལ་གྱིས་འཛིན་ད…

གྱི་ནང་དུ་སྨྱུགས་པས་ལན་བརྒྱ་སྟོང་སྦྱིན་སྲེག་བྱས་ན་ཞི་བར་འགྱུར་རོ། །ཕ་རོལ་གྱི་དམག་གཞོམ་པར་འདོད་ན། བ་རུ་རའི་ཤིང་གིས་མེ་སྦར་བའི་ནང་དུ་མཚོན་ཆ་ཕྱེ་མར་བྱས་པ་ཁྲག་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ལ་དེའི་ཐལ་བས་བདག་གི་དམག་དང་དམག་དཔོན་རྣམས་ལ་ཐིག་ལེ་བྱས་ནས། རྒྱལ་མཚན་གྱི་རྩེ་མོ་ལ་ཡང་བྱུགས་ཏེ་བསྟན་ན་མཐོང་བ་…

ཏི་ན་ར་དེ་དག་ཀྱང་བླང་བར་མི་བྱའོ། །དེ་ནས་ནམ་ལངས་པ་དང་སའི་འོག་ནས་གཏེར་ཆེན་པོ་མཐོང་བར་འགྱུར་ལ་དེ་ཡང་ཟད་པར་མི་འགྱུར་ཏེ། ཐོག་མར་དཀོན་མཆོག་གསུམ་གྱི་ཕྱིར་སྤྱད་པར་བྱའོ། །འབྲུ་མ་རུངས་པར་བྱ་བ་དང་འཕེལ་བར་བྱ་འདོད་ན། ཞིང་གི་དབུས་སུ་བཟླས་བརྗོད་བྱས་ན་རྒྱས་པར་བྱ་བའམ། མ་རུངས་པར་བྱ་བའི་བསམ་པ་ཇི་ལྟ་བུས་བཟླས་བརྗོད་བྱས་…

བྱས་ན་ཞག་གཅིག་གིས་རིག་སྔགས་བཅད་པར་འགྱུར་རོ། །བོང་བུའི་རྟུག་པའམ། གླང་པོ་ཆེའི་རྟུག་པས་དུས་གསུམ་དུ་ལན་སྟོང་རྩ་བརྒྱད་སྦྱིན་སྲེག་བྱས་ན་ཞག་བདུན་གྱིས་རིག་སྔགས་ཐམས་ཅད་བཅིངས་པར་འགྱུར་རོ། །ཕྱིར་གསོ་བར་འདོད་ན་དེ་ཉིད་དུ་དེ་ཉིད་ཀྱི་སྦྱིན་སྲེག་བྱས་ན་གཏོང་བར་འགྱུར་རོ། །བདག་དང་གཞན་གྱི་ཕྱིར་ལོག་འདྲེན་གཞིག་པར་འདོད་ན།…

བཅྭ་ལྔ་ལ་ཞག་གཅིག་སྨྱུང་བ་བྱས་ནས་ལན་བརྒྱད་སྟོང་བཟླས་བརྗོད་བྱས་ལ། སྦྱིན་པའི་ཚེ་ལན་བདུན་བསྔགས་ནས་སྦྱིན་པར་བྱ་སྟེ། གསོན་པོ་ཞིག་ན་ནི་བླུད་པར་བྱའོ། །ཤི་ཟིན་པ་ཞིག་ན་ནི་སྣར་བླུགས་ཤིང་མིག་ལ་བསྐུས་ན་འཇོག་པོས་ཟིན་པ་ཡང་འཚོ་བར་འགྱུར་རོ། །སྦྲུལ་གྱིས་ཟིན་ཏེ་ཤི་ནས་བསྲེགས་ཟིན་པ་ཡང་ཐལ་བས་གཟུགས་བྱས་ལ་རྡོ་རྗེ་ཁྲོ་བོའི་…

ངོ་། །དེ་ནས་སྐྱབས་མ་རྙེད་པའི་གནོད་སྦྱིན་དེ་དག་ལག་ན་རྡོ་རྗེ་ལ་སྐྱབས་སུ་སོང་སྟེ། རྡོ་རྗེ་འཛིན་ཆེན་པོ་ལྷ་མ་ཡིན་མཆོག་ཏུ་འཇིགས་པ་ལས་སྐྱོབས་ཤིག་ཅེས་སྨྲས་སོ། །དེ་ནས་བཅོམ་ལྡན་འདས་ལག་ན་རྡོ་རྗེས་གནོད་སྦྱིན་ཆེན་པོ་རྨུགས་བྱེད་དེ་དག་ལ་བཟོད་ལྡན་དག་ཁྱེད་ནི་སྡིག་པ་མེད་པ་ཡིན་ཏེ། དཔལ་ཐམས་ཅད་མངོན་པར་འབྱུང་བར་བྱེད་པའི་…

གསང་བདག་བློ་དང་ལྡན་པ་ཡིས། །གསང་སྔགས་བཤད་པ་ཙམ་གྱིས་ནི། །དཀྱིལ་འཁོར་དེ་ན་སྡང་བ་གང་། །དེ་དག་ཡོངས་སུ་ཚིག་གྱུར་ནས། །སྟོབས་ཆེན་ཕ་རོལ་གནོན་པ་ཡིས། །རྡོ་རྗེ་ཁུ་ཚུར་རབ་འཇིགས་ལས། །བདག་ཅག་བསྐྱབ་པ་གྱིས་ཤིག་ཅེས། །ལག་ན་རྡོ་རྗེའི་སྐྱབས་སུ་སོང་། །དེ་ནས་དཀོན་མཆོག་གསུམ་པོ་ཡིས། །བརྒྱན་པར་སེམས་ནི་བསྐྱེད་པར་གྱིས། །འོན་ཏ་…

བཅོམ་ལྡན་འདས་ལག་ན་རྡོ་རྗེའི་མགོ་ལོགས་སུ་ནི་གཙུག་ནས་བྱུང་གཞོན་ནུའི་གཟུགས་ལ་རྒྱན་ཐམས་ཅད་ཀྱིས་བརྒྱན་པ་གསེར་གྱི་ཁ་དོག་ཅན། བཅོམ་ལྡན་འདས་ལ་ཕྱག་འཚལ་ཞིང་འདུག་པར་བྲིའོ། །བཅོམ་ལྡན་འདས་ཀྱི་གཡས་ལོགས་སུ་ནི་རྡོ་རྗེ་ཁུ་ཚུར་མ་གཞོན་ནུའི་གཟུགས་འཛིན་པ་རྒྱན་ཐམས་ཅད་ཀྱིས་བརྒྱན་ཅིང་དཔུང་རྒྱན་དང་། གདུ་བུའི་རྒྱན་གྱིས་བརྒྱན་…

བ་རུ་རའི་ཡམ་སྲེག་ཤིང་སྐེ་ཚེས་བྱའོ། །ལོ་ཏོག་རྒྱས་པར་བྱ་ན་ནས་དང་ཨུ་དུམ་བཱ་རའི་ཡམ་སྲེག་ཤིང་གིས་བྱའོ། །དགྲ་གཞིག་པར་བྱ་ན་སྐེ་ཚེའི་འབྲུ་བཏགས་ཏེ་ཏིལ་དང་སྦྱར་བ་དང་། མད་ནའི་ཚེར་མའི་ཡམ་སྲེག་ཤིང་གིས་བྱའོ། །གཏན་དུ་བསྐྲད་པར་བྱ་ན་ནི་བིལ་བའི་འབྲས་བུ་ཡུངས་མར་གྱི་ནང་དུ་སྨྱུགས་པ་དང་། བིལ་བའི་ཡམ་སྲེག་ཤིང་དང་། བིལ་བའི་…

ངོ་ཚེས་གཅིག་ལ་བརྩམས་ཏེ་ཀར་བཱི་ར་དམར་པོ་ཡུངས་མར་གྱི་ནང་དུ་སྨྱུགས་པ་དང་། ཨརྐའི་ཡམ་སྲེག་ཤིང་གིས་སྦྱིན་སྲེག་བྱ་སྟེ་ཆོ་ག་འདི་ནི་སྔ་མ་བཞིན་ནོ། །མེ་ཏོག་དཀར་པོས་བྱ་ནའང་ཡམ་སྲེག་ཤིང་ནི་སྔ་མ་ཉིད་དེ། མར་གྱི་ནང་དུ་སྨྱུགས་པར་བྱའོ། །ལས་འདི་རྣམས་གཉིས་ཏེ་དགྲ་སྡིག་ཅན་ལ་བྱའོ། །རྩོད་པའི་སའམ་གྲོང་གི་ལོགས་སུ་རླུང་ཕྱོགས་ག…