ལྡོང་རོས་དང་ལིག་བུ་མིག་དང་གི་ཝང་ལ་སོགས་པ་བསྒྲུབ་པར་འདོད་ན་སྔར་བཤད་པའི་བསྙེན་པ་བྱས་ལ། ཟངས་དང་ལྕགས་དང་ར་གན་ལ་སོགས་པས་ཡམ་སྲེག་ཤིང་གིས་མིག་སྨན་བྱ་སྟེ། ལིག་བུ་མིག་དང་ལྡོང་རོས་དང་གི་ཝང་ལ་སོགས་པ་ལས་གང་ཡང་རུང་བ་བླངས་ལ་བུ་མོ་གཞོན་ནུ་གསོ་སྦྱོང་དང་ལྡན་ཞིང་གོས་དཀར་པོ་གྱོན་པས་སྤོས་ཆུ་དང་སྦྱར་ཏེ་བཏགས་ནས། སྐུ་གདུང…

གཞག་པར་བྱ་སྟེ། གཡོན་ཕྱོགས་སུ་ཡང་གཅིག །གཡས་ཕྱོགས་སུ་ཡང་གཅིག་གཞག་གོ། །ཕྱོགས་བསྲུང་བ་ཡང་བཞིར་མི་བཞི་བཞག་སྟེ། དཀྱིལ་འཁོར་གཉིས་པ་ལ་གཞག་གོ། །དེ་ནས་རིག་སྔགས་འཆང་གིས་བརྩོན་འགྲུས་བརྟུན་ལ་ནམ་ཤར་ཕྱོགས་སུ་ཅེ་སྤྱང་གི་སྐད་འབྱིན་གྱི་བར་དུ་བཟླས་བརྗོད་བྱ་སྟེ། རིག་སྔགས་འཆང་གིས་འགྲུབ་པར་ཤེས་པར་བྱའོ། །བུད་མེད་ཀྱི་ཁ་ནས་…

བྱའོ། །མར་གྱི་ངོ་ཟླ་བ་ཕྱེད་ཀྱི་བར་དུ་བཟླས་བརྗོད་ལན་བརྒྱད་སྟོང་བརྒྱད་སྟོང་བྱས་ལ། ཡར་གྱི་ངོ་ཚེས་གཅིག་ནས་བརྩམས་ཏེ་ཞག་གསུམ་སྨྱུང་བར་བྱས་ལ་བསྒྲུབ་པར་བྱ་སྟེ། མར་གྱི་ངོ་ལ་ནི་སྔར་བསྟན་པ་ཡིན་ནོ། །ཡར་གྱི་ངོ་ཚེས་གཅིག་ལ་ཨ་པ་མརྒའི་ཡམ་སྲེག་ཤིང་མར་དང་སྦྲང་རྩིའི་ནང་དུ་སྨྱུགས་པ་ལན་བརྒྱ་སྟོང་བཟླས་བརྗོད་བྱས་པས་སྦྱིན་ས…

རོ། །དམངས་རིགས་ནི་ཞག་གཅིག་གིས་དབང་དུ་འགྱུར་རོ། །ལས་བྱེད་པའི་ཚེ་ཅི་སྟེ་ལ་ལ་ཞིག་འོངས་ཏེ་ནོར་གྱིས་འདྲིད་པར་བྱེད་ན་ཡང་ལས་ཡོངས་སུ་མ་རྫོགས་ཀྱི་བར་དུ་ནོར་དེ་བླང་བར་མི་བྱའོ། །གཡོག་བྱེད་པ་མ་གཏོགས་པར་གཞན་དང་ལྷན་ཅིག་ཏུ་གཏམ་ཡང་མི་བྱའོ། །ཅི་སྟེ་རྨི་ལམ་དུ་ལྷ་མོ་ལས་འོད་ཟེར་འབྱུང་བར་རྨིས་ན་དེ་ཡང་དེའི་དངོས་གྲུབ་ཀྱི་…

དྲག་ཏུ་བསྐུལ་བའི་རིག་སྔགས་དྲན་པ་ཙམ་གྱིས་མདུན་དུ་གནས་པར་འགྱུར་བ་ཡང་ངས་བཤད་པར་བྱའོ། །ན་མོ་བཛྲ་པཱ་ཎི་སྱ། རུ་ཏུ་རུ་ཏུ་མ་ཏ་སྭཱ་ཧཱ།དེ་ནས་ལྷ་དེ་དག་འཇིགས་པའི་སེམས་ཀྱིས་ལག་ན་རྡོ་རྗེའི་ཞལ་དུ་ལྟ་ཞིང་ཚིག་འདི་སྐད་དུ་རིག་སྔགས་འཆང་གི་རྒྱལ་པོ་ཆེན་པོ་རིག་སྔགས་ཀྱི་རྒྱལ་མོ་ཆེན་མོ་རྡོ་རྗེ་ཁུ་ཚུར་མའི་སྙིང་པོའི་ལས་རྣམས་ཤ…

དབང་དུ་འགུགས་པར་བྱེད། འཆིང་བར་བྱེད་དོ། །འགྲོལ་བར་བྱེད་དོ། །ཁུ་ཚུར་བཅངས་པས་གང་ལ་བསྡིགས་པ་དེ་སྲོག་དང་འབྲལ་བར་འགྱུར་རོ། །ཀླུ་རྣམས་ཀྱང་རེངས་པར་བྱེད། འཁྲུལ་འཁོར་རྣམས་ཀྱང་སྒྱེལ་བར་བྱེད་དོ། །གདོན་རྣམས་ཀྱང་རེངས་པར་བྱེད་ཅིང་སྒྱེལ་བར་བྱེད་དོ། །དེ་བཞིན་གདོན་དང་ཡི་དགས་ཐམས་ཅད་བརླག་པར་བྱེད་དོ། །ནམ་མཁའ་ལ་གྱེན་དུ་བ…

ན་མིའི་གཙོ་བོ་དང་བུད་མེད་ཀྱི་གཙོ་མོར་ཡང་དབང་དུ་ཁུགས་པར་འགྱུར་རོ། །ལན་འབུམ་སྦྱིན་སྲེག་བྱས་ན་བྲམ་ཟེ་དང་རྒྱལ་རིགས་དབང་དུ་ཁུགས་པར་འགྱུར་རོ། །དེའི་འོག་ཏུ་ལན་བརྒྱད་སྟོང་སྦྱིན་སྲེག་བྱས་ན་མི་ཆེན་པོ་རྣམས་དབང་དུ་ཁུགས་པར་འགྱུར་རོ། །ལན་ཅིག་བརྗོད་པས་གསང་སྔགས་རེངས་པར་བྱེད་ཅིང་བཅིངས་པ་གྲོལ་བར་བྱེད་དོ། །ལན་གསུམ་པས་…

ལྟ་ཞིང་། ལག་ན་རྡོ་རྗེ་སྟོབས་པོ་ཆེ་ལ་བསྐུལ་བ། རིག་སྔགས་ཀྱི་རྒྱལ་པོ་ཆེན་པོ་སྤྱན་གྱི་ལས་རྣམས་ཤོད་ཅིག་ཤོད་ཅིག །དེ་ནས་བཅོམ་ལྡན་འདས་ལག་ན་རྡོ་རྗེས་སྤྱན་གྱི་ལས་གང་དག་མཐོང་བས་ལག་ན་རྡོ་རྗེས་བཤད་པ་བཞིན་དུ་དངོས་གྲུབ་དམ་པ་ཐོབ་པར་འགྱུར་བ་བཤད་དེ། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ལ་ལག་ན་རྡོ་རྗེའི་མདུན་དུ་ཏ་…

དེ་འགྲུབ་པ་ཡིན་ཏེ། འདོད་དགུར་སྒྱུར་བའི་གཟུགས་ཅན་དུ་འགྱུར་ཞིང་ལུས་མི་སྣང་བར་འགྱུར་ལ། ཚེ་ལོ་དགུ་སྟོང་ཐུབ་པར་འགྱུར་རོ། །གང་གི་ཚེ་བུད་མེད་ཀྱི་གཟུགས་སྤྲུལ་པར་བྱ་ན་དེའི་ཚེ་མོའི་མིང་དང་ལྡན་པའི་ས་བོན་རྣམས་བླངས་ལ། ལག་ན་རྡོ་རྗེའི་མདུན་དུ་ཆུའི་བུམ་པ་བཞག་པ་དེའི་ནང་དུ་བླུགས་ཏེ། དེ་ནས་རིག་སྔགས་བརྗོད་ན་དེ་དེས་བུད་…

བྱས་ན་གྲོལ་བར་འགྱུར་རོ། །ཆོ་ག་རྒྱས་པར་མ་རུང་བར་བྱེད་པར་བཤད་པར་བྱ་སྟེ། མ་རུང་བར་བྱེད་པ་ལག་ན་རྡོ་རྗེས་རྣམ་པར་བསྒྱིངས་པའི་ལས་དམ་པ་འདིས་ཕྱོགས་གཙང་མར་ཆོ་ག་རྒྱས་པའི་ལྷ་བྲིས་ལ། རིག་སྔགས་ཀྱི་ལྷའི་བ་སྤུ་རྣམས་སུ་ཡང་རྡོ་རྗེ་ཕྱེད་ནུབ་པ་རྣམས་བྲི་སྟེ། རིག་སྔགས་ཀྱང་ལན་བརྒྱད་སྟོང་བཟླས་བརྗོད་བྱས་ན་རིག་སྔགས་ཀྱི་ལྷ་ཐམ…

ལྷ་རྣམས་ཉོན་ཅིག །རིག་སྔགས་འཆང་གང་བཅོམ་ལྡན་འདས་མ་མཆོག་ལ་དྲག་ཏུ་བསྐུལ་བའི་སྙིང་པོ་དམ་པ་འཆང་བ་དེ་ལ་ཁྱོད་ཀྱིས་དངོས་གྲུབ་དམ་པ་བྱིན་ཅིག །ཅི་སྟེ་མ་བྱིན་ན་ངས་རྡོ་རྗེ་ཀུན་ཏུ་འབར་བས་སྤྱི་བོར་གཞག་གོ། །དེ་ནས་ལྷ་དེ་དག་རྟབ་རྟབ་པོར་གྱུར་ཏེ་ལག་ན་རྡོ་རྗེའི་རྐང་པ་ལ་གཏུགས་ནས་བཅོམ་ལྡན་འདས་དྲག་ཏུ་བསྐུལ་བའི་བཅོམ་ལྡན་འདས་…

ནས་བེེ་ཀངྐ་ཏའི་འབྲས་བུ་མར་གྱི་ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན་རིག་སྔགས་ཀྱི་ལྷ་ཐམས་ཅད་དམ་པ་སྦྱིན་པར་བྱེད་དོ། །ཡར་གྱི་ངོ་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ། འཕགས་པ་ལག་ན་རྡོ་རྗེའི་མདུན་དུ་ས་གཞི་བ་ཀོ་ཙམ་སྐྱོང་ནུལ་གྱིས་བྱུགས་ནས་དྲི་དང་། མེ་ཏོག་དང་བདུག་པས་བརྒྱན་ཏེ་ལྷ་བཤོས་ཀྱང་རྒྱས་པར་ཕུལ་ལ་ལས་ཐམས་…

ཟས་ལ་ལོངས་སྤྱོད་ཅིང་ཚེ་ལོ་དགུ་སྟོང་ཐུབ་པར་འགྱུར་རོ། །བསྲུང་བ་ནི་ལན་བདུན་བཟླས་བརྗོད་བྱས་པའི་སྐུད་པས་བྱའོ། །གནས་བསྲུང་བ་ནི་ལན་གསུམ་བཟླས་བརྗོད་བྱས་པའི་ཆུས་བྱ་སྟེ། བཅོམ་ལྡན་འདས་མ་སྤྱན་གྱི་སྙིང་པོ་ངས་བཤད་པའི་བཅོམ་ལྡན་འདས་མ་གང་ཡིན་པ་དང་ལྡན་པ་རྟག་ཏུ་སྦྱར་བར་བྱའོ། །དེ་དང་མ་སྦྱར་བ་ཤས་ཆེར་རྨོངས་པར་འགྱུར་རོ། །…

འཕགས་པ་ལག་ན་རྡོ་རྗེའི་མདུན་དུ་དྲི་དང་མེ་ཏོག་དང་བདུག་པ་ཕུལ་ནས་དེའི་མདུན་དུ་བཅོམ་ལྡན་འདས་མ་ཨུཏྤལ་དང་ལྡན་པ་སྨན་ཆེན་མོ་སྟོབས་པོ་ཆེ་ངས་བཤད་པ་གང་ཡིན་པ་དེས་དཀྱིལ་འཁོར་བྱའོ། །དེ་ནས་རྡོ་རྗེ་ཕྲེང་བ་མ་ལན་བརྒྱད་སྟོང་བཟླས་བརྗོད་བྱས་ན་བཅོམ་ལྡན་འདས་མ་རྣམས་འགྲུབ་པར་འགྱུར་རོ། །རྡོ་རྗེ་ཕྲེང་བ་མ་ཆོ་ག་རྒྱས་པ་ལ་དྲག་ཏུ་བ…

སྟོང་བཟླས་བརྗོད་བྱས་ན་འཇིག་རྟེན་གྱི་མ་མོ་རྣམས་དམ་པ་སྦྱིན་པར་འགྱུར་རོ། །འཇིག་རྟེན་གྱི་མ་མོ་རྣམས་ཀྱི་ཆོ་ག་རྫོགས་སོ།། །།ལྷ་རྣམས་འཇིག་རྟེན་གྱི་མ་མོ་རྣམས་ཀྱི་ལས་རྣམས་ངས་བཤད་དོ། །རྡོ་རྗེ་ཁྲོ་བོ་ཆེན་པོ་བདུད་རྩི་ཐབ་སྦྱོར་སྟོབས་དང་ཕ་རོལ་གནོན་པ་དཔག་ཏུ་མེད་པ་ལས་ཕྱི་མ་ཡང་བཤད་པར་བྱའོ། །མར་གྱི་ངོ་ཞག་བཅུ་བཞི་ལ་ཞག་…

པའི་ནང་དུ་བཞག་སྟེ་ལྷ་ཆེན་པོའི་གནས་སུ་སོང་ལ་གཟུགས་ཀྱི་གཡས་ལོགས་སུ་དུར་ཁྲོད་ཀྱི་ཤིང་གིས་མེ་སྦར་ཏེ། ལི་ཁྲི་བཙོ་བར་བྱ་ཞིང་རིག་སྔགས་ཀྱི་རྒྱལ་པོས་བསྲུང་བར་བྱའོ། །དེ་ནས་རིག་སྔགས་འཆང་གིས་ལི་ཁྲི་བླངས་ཏེ་ཁྱིམ་དུ་ཁྱེར་ལ་དྲི་དང་། མེ་ཏོག་དང་བདུག་པས་བརྒྱན་ནས་མར་གྱི་ངོ་ཞག་བརྒྱད་ཀྱི་བར་དུ་དུས་གསུམ་དུ་བཟླས་བརྗོད་ལན་…

སྡད་བར་སེམས་གང་ཡིན་པ་དེ་དག་ཐམས་ཅད་བསམས་པ་ཙམ་གྱིས་ཆོམས་པར་འགྱུར་ཏེ་ཚེ་ལོ་ཁྲི་སུམ་སྟོང་ཐུབ་པར་འགྱུར་རོ། །ལྷ་རྣམས་རྡོ་རྗེ་ཁྲོ་བོ་ཆེན་པོ་བདུད་རྩི་ཐབ་སྦྱོར་སྟོབས་དང་ཕ་རོལ་གནོན་པ་དཔག་ཏུ་མེད་པའི་ལས་རྣམས་ངས་བཤད་ཟིན་ཏོ། །འདི་ལ་དྲག་ཏུ་བསྐུལ་བའི་སྙིང་པོ་མཆོག་གི་རིག་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། ཧཱུ…

པའི་ལས་གང་ཡིན་པ་དེས་རྐང་རྗེས་ཀྱི་རྡུལ་གྱིས་ཞག་བདུན་གྱི་བར་དུ་སྦྱིན་སྲེག་བྱའོ། །ལྷ་རྣམས་ཚངས་པའི་སྙིང་པོ་ལ་དྲག་ཏུ་བསྐུལ་བའི་གསང་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། ནམཿཔི་ཏམ་ཧཱ་སྱ། ཨོྃ་སྭ་ཡམྦྷུ་བེ་ཛྭ་ལ་ཕཊ་སྭཱ་ཧཱ། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་དྲི་དང་མེ་…

ཨ་པ་ར་ཛི་ཏེ་དཀར་པོའི་མེ་ཏོག་གི་ལན་བརྒྱད་སྟོང་སྦྱིན་སྲེག་བྱས་ན་དགའ་བྱེད་གདོང་གིས་དམ་པ་བྱིན་པར་འགྱུར་རོ། །གདོན་གྱིས་ཟིན་པ་རྣམས་ལ་ཨ་པ་ར་ཛི་ཏའི་མེ་ཏོག་ལན་བདུན་བཟླས་བརྗོད་བྱས་ཏེ་གདོན་གྱི་ཁ་ཟས་ཀྱི་ནང་དུ་བྱིན་ན་གདོན་ལག་པ་ཕན་ཚུན་འཆིང་བར་བྱེད་ཅིང་ཀུན་ཏུ་རྒྱུགས་ཏེ་ཅི་བསྒོ་བ་བཞིན་བྱེད་པར་འགྱུར་རོ། །ཆོ་ག་རྒྱས་པ…

ཆོ་ག་རྒྱས་པ་ཆེན་པོ་རིག་པ་མཆོག་གི་རྒྱུད་ཕྱི་མ་དང་བཅས་གསང་བ་དང་བཅས་པར་བཤད་ན་བདག་གིས་ཀྱང་སེམས་ཅན་རྣམས་ཀྱི་དོན་གྱི་ཕྱིར་དད་གདོན་དང་དྲག་ཤུལ་ཅན་མི་རྣམས་ལ་གང་འཚེ་བ་ཡིན་པའི་གདོན་དེ་དག་ངེས་པར་གཞིག་པའི་ཕྱིར་བཅོམ་ལྡན་འདས་ལ་འདྲི་བར་བགྱིས། །བཅོམ་ལྡན་འདས་སྙིང་རྗེའི་སེམས་ཀྱིས་གདོན་རྣམས་ཀྱི་རུས་དང་རིགས་མིང་དེ་དག་ཁ་…