གཟུགས་སྣ་ཚོགས་སུ་མཐོང་པར་འགྱུར་བ་དང་བསྡུ་བ་རྣམ་བཞིས་སེམས་ཅན་རྣམས་ཡོངས་སུ་འཛིན་པ་དང་། ས་བཅུ་ལ་གནས་པའི་བྱང་ཆུབ་སེམས་དཔར་འགྱུར་བ་དང་། དེ་བཞིན་གཤེགས་པ་ལ་བསྐུལ་བ་དང་། ཡོངས་སུ་བསྲུང་བར་བགྱི་བ་དང་། བདུད་བཞི་ལས་རྣམ་པར་རྒྱལ་བར་འགྱུར་རོ། །དེའི་ལས་རྣམས་འབྱུང་སྟེ། རིག་པ་མཆོག་བསྒྲུབ་པའི་རིག་སྔགས་འཆང་དམ་ཚིག་ཉམས་པ…

གནས་པར་འགྱུར་བའི་གསང་ཆེན་བསྡུས་པའི་ཆོ་ག་འབའ་ཞིག་བཤད་པར་གསོལ། །དེ་ནས་གསང་བའི་བདག་པོ་ལག་ན་རྡོ་རྗེས་གཞོན་ནུ་རྡོ་རྗེ་སྡེ་ལ་འདི་སྐད་ཅེས་སྨྲས་སོ། །གཞོན་ནུ་གང་ཁྱོད་སྒྲུབ་པ་པོ་རྣམས་ལ་ཕན་པའི་ཕྱིར་བརྩོན་པ་དང་། བྱང་ཆུབ་སེམས་དཔའི་སྤྱོད་པ་ལ་ཞུགས་པ་ལེགས་སོ་ལེགས་སོ། །དེ་ལེགས་པར་ཉོན་ལ་ཡིད་ལ་ཟུང་ཤིག་དང་བཤད་པར་བྱའོ། …

སྙིང་པོ་རབ་ཏུ་བཤད། །རིག་སྔགས་རྒྱལ་པོ་གནོད་མཛེས་ཀྱི། །ཕྱག་རྒྱ་ལས་ཀུན་བྱེད་པ་དང་། །རྡོ་རྗེ་ལྕགས་ཀྱུའི་ཕྱག་རྒྱ་ནི། །བཀུག་པའི་ལས་ལ་སྦྱོར་བར་བྱ། །དེ་བཞིན་ཕྱག་རྒྱ་ཆེན་པོ་བརྒྱད། །བརྩོན་འགྲུས་ཆེ་ཞིང་གཟི་བརྗིད་ཆེ། །རབ་ཏུ་གཏུམ་ཞིང་ལས་ཀུན་ལ། །ལག་ན་རྡོ་རྗེའི་མཐུ་དང་ལྡན། །རྒྱལ་བ་དང་ནི་རྣམ་པར་རྒྱལ། །མཱ་མ་ཀཱི་དང་ག…

མཛུབ་མོ་གདུ་བུ་ལྟར་བཀུག་སྟེ་བཞག་པ་ནི་སྙིང་པོའི་ཕྱག་རྒྱའོ། །ཚིགས་དབུ་མར་གཞར་བ་ནི་ཉེ་བའི་སྙིང་པོའི་ཕྱག་རྒྱའོ། །མཛུབ་མོའི་ཐོར་ཏོ་མཉམ་དུ་གཤིབས་པ་ནི་བློ་གྲོས་རྡོ་རྗེའི་ཕྱག་རྒྱའོ། །དེ་ཉིད་ལས་རྒྱབ་ཏུ་བསྙམས་ཏེ་གཞར་བ་ནི་དགའ་བྱེད་གདོང་གི་ཕྱག་རྒྱའོ། །རྩ་བའི་ཕྱག་རྒྱ་ལས་མཛུབ་མོ་གཉིས་ཀྱི་སེན་མོ་ཕན་ཚུན་སྤྲད་དེ་བཞག…

པོའི་ཕྱག་རྒྱ་ལས་མཐེ་བོང་གཉིས་ཡིད་ཙམ་ཕྱིར་བཀྱེད་པ་ནི་འཇིགས་བྱེད་ཆེན་པོའི་ཕྱག་རྒྱའོ། །རྒྱལ་བའི་བློ་གྲོས་ཀྱི་ཕྱག་རྒྱ་ལས་ཕྱེ་སྟེ་མཐེ་བོང་བསྒྲེང་བ་ནི་རྡོ་རྗེ་སེར་སྐྱའི་ཕྱག་རྒྱའོ། །དེ་བཞིན་དུ་རྡོ་རྗེ་འཇིགས་བྱེད་ཀྱི་སྤྱན་གྱི་ཕྱག་རྒྱ་ནི་ཤུགས་ལྡན་མ་ཡང་ཡིན་ནོ། །སྙིང་པོའི་ཕྱག་རྒྱ་ལས་མཛུབ་མོ་གཉིས་པ་ཀུག་པ་ནི་ལག་…

ཐམས་ཅད་ཀྱི་ཕྱག་རྒྱ་ལས་མཛུབ་མོ་ཕྱེ་སྟེ་གདུ་བུ་ལྟར་བྱས་ལ་གུང་མོ་གཤིབས་པའི་ཕྱི་རོལ་གྱི་ཚིགས་དང་པོར་བསྟན་པ་ནི་ཀླུ་ཆེན་པོའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་གྱིས་མདོར་བསྡུས་ཏེ་རིག་པ་མཆོག་གི་ཕྱག་རྒྱའི་ཁྱད་པར་ཕྱག་རྒྱ་གྲངས་མེད་པར་འབྱུང་ངོ་། །ཕྱག་འཚལ་བའི་ཐལ་མོ་སྦྱར་ལ་སྲིན་ལག་བསྣོལ་ཏེ་ནང་དུ་བཅུག་ནས་མཐེ་བོང་ག…

པ་ནི་འཕགས་པ་དོན་ཡོད་པའི་ཞགས་པའི་ཕྱག་རྒྱའོ། །དེ་ཉིད་ལས་ལག་པ་གཡོན་པའི་མཛུབ་མོ་བརྐྱང་བ་ནི་རྟ་མགྲིན་གྱི་ཕྱག་རྒྱའོ། །གཡས་པ་བརྐྱང་པ་ནི་རྡོ་རྗེ་སྙིང་པོའི་ཕྱག་རྒྱའོ། །མཱ་མ་ཀཱིའི་ཕྱག་རྒྱ་དེ་ཉིད་ལས་མཛུབ་མོ་གཉིས་ཀྱི་ཚིགས་གཅིག་བཀུག་པ་ནི་མཱ་མ་ཀཱི་སྤྱན་དྲང་བའི་ཕྱག་རྒྱའོ། །བརྐྱང་བ་ནི་སླར་བཏང་བའི་ཕྱག་རྒྱའོ། །ཁྲོ་བོ…

མའི་ཕྱག་རྒྱའོ། །མཐེ་བོང་གཤིབས་པ་བཅུམ་སྟེ་བཞག་པ་ནི་རྡོ་རྗེ་ལྟེ་བའི་ཕྱག་རྒྱའོ། །མཐེ་བོང་ནང་དུ་སྦས་ལ་མཐེའུ་ཆུང་གཤིབས་པ་ཕྱེ་བ་ནི་གདེང་དཀར་མའི་ཕྱག་རྒྱའོ། །དེ་ནས་འཕགས་པ་མཱ་མ་ཀཱིའི་ཕྱག་རྒྱ་ཐ་དད་པ་གདོན་ཐམས་ཅད་འཇིགས་པར་བྱེད་པ་འབྱུང་སྟེ། གཡས་བརྐྱང་ཚུལ་གྱིས་གནས་པར་བྱས་ལ་ལག་པ་གཡོན་པ་ནི་རྡོ་རྗེ་མཚན་མ་བལྟ་བའི་དམི…

དེ་ཉིད་ལས་ལག་པ་གཡོན་པའི་སྲིན་ལག་བརྐྱང་བ་ནི་རྡོ་རྗེ་སྡེའི་ཕྱག་རྒྱའོ། །དེ་ཉིད་ལས་གཡས་པའི་སྲིན་ལག་ཕྱིར་བརྐྱང་བ་ནི་ལག་བཟངས་ཀྱི་ཕྱག་རྒྱའོ། །དེ་ཉིད་ལས་སྙིམ་པ་ཕྱེ་སྟེ་གཉིས་ཀ་ཕན་ཚུན་འཁྱུད་ནས་མཐེའུ་ཆུང་གཉིས་སྲིན་ལག་དང་གུང་མོ་མནན་ལ་མཛུབ་མོ་གཉིས་ཀྱི་ཐོར་ཏོ་སྤྲད་དེ་མཐེ་བོང་གཉིས་ཀྱིས་སྲིན་ལག་དང་གུང་མོ་མནན་པ་ནི་ཁ…

རྒྱའོ། །རྩ་བའི་ཕྱག་རྒྱ་ལས་མཛུབ་མོ་དང་གུང་མོ་བཀུག་ལ་དེའི་ནང་དུ་མཐེ་བོང་གཞུག་པ་ནི་དེ་ཉིད་ཀྱི་སྤྱན་དྲང་བའི་ཕྱག་རྒྱའོ། །མཛུབ་མོ་བརྐྱང་བ་ནི་སླར་བཏང་བའི་ཕྱག་རྒྱའོ། །རྩ་བའི་ཕྱག་རྒྱ་ལས་གུང་མོ་ཅུང་ཟད་ཙམ་ཕྱེ་ལ་མཛུབ་མོའི་ཚིག་དང་པོའི་ངོས་ལ་བཞག་པ་འདི་ཡང་ཀླུ་མགོ་ཅན་གྱི་ཕྱག་རྒྱ་ཡིན་ནོ། །རྩ་བའི་ཕྱག་རྒྱ་ལས་མཛུབ་མོའི…

ཐོར་ཏོ་ལ་གཞར་བ་ནི་གནོད་སྦྱིན་མོ་ཐམས་ཅད་ཀྱི་སྙིང་པོའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་གྱིས་ཕྱག་རྒྱ་གྲངས་མེད་པ་འབྱུང་ངོ་། །ཕྱག་འཚལ་བའི་ཐལ་མོ་ལས་སྲིན་ལག་གཉིས་བསྣོལ་བ་མཐེ་བོང་དྲུང་དུ་བཞག་ལ་བར་དུ་མཐེ་བོང་གཉིས་བཞག་སྟེ་མཛུབ་མོ་གཉིས་ཀྱི་དབུས་བཀུག་ནས་གུང་མོ་གཤིབས་པའི་སྟེང་དུ་བཞག་ལ་མཐེའུ་ཆུང་གཉིས་གཤིབས་པའི་…

དུ་བཀུག་སྟེ་ཅུང་ཟད་སྦྱར་བ་ནི་མ་ཏང་མིག་གི་ཕྱག་རྒྱའོ། །མཐེ་བོང་གཉིས་གཤིབས་པའི་ཕྱི་རོལ་གྱི་ངོས་ལ་མཛུབ་མོ་གཉིས་བཞག་པ་ནི་གྲུབ་པའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་གྱིས་ཕྱག་རྒྱ་གྲངས་མེད་པར་འབྱུང་ངོ་། །ཕྱག་འཚལ་བའི་ཐལ་མོ་ལས་མཐེའུ་ཆུང་དང་སྲིན་ལག་གཉིས་བསྣོལ་ཏེ་མཐེ་བོའི་དྲུང་དུ་བཞག་ལ་གུང་མོ་གཉིས་ཀྱིས་མཛུབ་མོ་…

མཐེའུ་ཆུང་ཡང་གཤིབས་པ་ནི་རྡོ་རྗེ་གདོང་གི་ཕྱག་རྒྱའོ། །དེ་ཉིད་ལས་ཕྱེ་བ་ནི་རྡོ་རྗེ་སེལ་གྱི་ཕྱག་རྒྱའོ། །གུང་མོ་གཅིག་བསྒྲེང་བ་ནི་གཙུག་ཕུད་ཀྱི་ཕྱག་རྒྱའོ། །མཐེ་བོང་གཉིས་བསྒྲེང་བ་ནི་རྡོ་རྗེ་གདོང་གི་ཕྱག་རྒྱའོ། །དེ་ཉིད་ལས་ཐུར་དུ་བསྟན་ཏེ་མཐེའུ་ཆུང་དང་ལྷན་ཅིག་སྤྲད་པ་ནི་རྡོ་རྗེ་ནམ་མཁའ་ལྡིང་གི་ཕྱག་རྒྱའོ། །སྲིན་ལག་…

ཁྲོ་བོ་རབ་ཏུ་གཏུམ་པའི་ཕྱག་རྒྱའོ། །དེ་ཉིད་ལས་གཡོན་བརྐྱང་གི་ཚུལ་དུ་བྱས་པ་ནི་རྡོ་རྗེ་དབྱུག་སྔོན་གྱི་ཕྱག་རྒྱའོ། །ཁྲོ་བོ་ཐམས་ཅད་ཀྱི་སྤྱིའི་ཕྱག་རྒྱ་སྔ་མ་ལས་མཐེ་བོང་བརྐྱང་བ་ནི་ཞབས་ལས་བྱུང་བའི་ཕྱག་རྒྱའོ། །རྡོ་རྗེ་ཉིད་བསྟོད་དེ་བསྟན་པ་ནི་རྡོ་རྗེ་ཕོ་ཉ་མའི་ཚོགས་ཐམས་ཅད་ཀྱི་སྤྱིའི་ཕྱག་རྒྱའོ། །དེ་ཉིད་ལས་སྙིང་གར་རྡ…

ཞི་བར་བྱ་བའི་ཕྱག་རྒྱའོ། །མདུན་ལོགས་སུ་མཛུབ་མོ་གཅིག་གི་དབུས་བཀུག་སྟེ་བཞག་ལ་གུང་མོ་བརྐྱང་སྟེ་བསྟན་པ་ནི་རྡོ་རྗེ་གདན་གྱི་ཕྱག་རྒྱའོ། །གཡོན་པའི་སོར་མོ་གཉིས་ཀྱིས་དེ་བཞིན་དུ་བྱས་པ་ནི་ལྷའི་ཕྱག་རྒྱའོ། །མཛུབ་མོ་གཅིག་པུ་ནི་འཇམ་དཔལ་གྱི་ཕྱག་རྒྱའོ། །གུང་མོ་ནི་རྡོ་རྗེ་མཛེས་མའི་ཕྱག་རྒྱའོ། །གཡས་བརྐྱང་གི་ཚུལ་དུ་གནས་ལ་…

གཉིས་ཀྱི་མཐིལ་ལོགས་ཀྱི་སོར་མོ་ལ་བལྟས་ནས་མིག་གྱེན་ཁར་བསྒྱུར་ཏེ་བཏེག་ལ་གློག་སྒྱུར་བའི་ཕྱག་རྒྱ་ཡང་བཅིངས་ནས་གཡོན་པའི་སོར་མོའི་རྡོ་རྗེའི་ཆེན་པོ་བསྟོད་པ་བྱས་ན་དེས་ལྷ་དང་། གནོད་སྦྱིན་དང་། ལྷ་མ་ཡིན་དང་། ཀླུ་དང་། སྲིན་པོ་རྣམས་དང་། ལོག་འདྲེན་རྣམས་དང་། འགྲམ་ན་གནས་པ་ཐམས་ཅད་དང་། ཚངས་པ་དང་། སྐེམ་བྱེད་དང་། དབང་ཆེན…

བཟེད་ལ་མཛུབ་མོ་གཉིས་ཀྱི་སེན་མོ་གཅིག་གིས་གཅིག་བཀབ་པ་ནི་སྤྱན་དྲང་བ་ཡིན་ནོ། །དེ་ལས་བཟློག་པ་ནི་སླར་བཏང་བ་ཡིན་ནོ། །དེ་བཞིན་དུ་ལག་པ་གཡས་པའི་ཁུ་ཚུར་གྱི་རྡོ་རྗེ་ཐོ་བ་ཕྲག་པ་ལོགས་སུ་བཞག་སྟེ། །ལྟ་སྟངས་ཀྱིས་སྙིང་ལ་བསྡིགས་པ་ནི་ཁྲོ་བོའི་ཕྱག་རྒྱའོ། །ཡིག་འབྲུ་བཅུ་པའི་ཚུལ་དུ་བྱས་པ་ནི་རྡོ་རྗེ་དབྱུག་པའི་ཡིན་ནོ། །དེ་ཉི…

རྒྱའོ། །ལག་པ་གཉིས་ཀ་ཁུ་ཚུར་བཅངས་ལ་གུང་མོ་བརྐྱང་སྟེ་རྡོ་རྗེ་ལྟར་བྱས་ནས་གཡོན་པའི་མཛུབ་མོ་བརྐྱང་བ་ནི་རྡོ་རྗེ་དབྱུག་པའི་ཕྱག་རྒྱའོ། །སྒྲོལ་མའི་ཕྱག་རྒྱ་ཉིད་ལས་མཛུབ་མོ་གཉིས་ཀྱི་ཐོར་ཏོ་ནས་གང་ཙམ་གྱིས་ཕྱེ་བ་ནི་རྡོ་རྗེ་ཡངས་པའི་ཕྱག་རྒྱའོ། །ནས་གཉིས་ཙམ་གྱིས་ཕྱེ་བ་ནི་བདུད་རྩི་ཐབ་སྦྱོར་གྱི་ཕྱག་རྒྱའོ། །མཛུབ་མོ་གཉིས་…

གཞར་བ་ནི་མཚོན་ཆའི་ཤུགས་ཀྱི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་ཀྱི་ཐོར་ཏོ་གུང་མོའི་ཚིགས་དང་པོ་ནས་ཅུང་ཟད་བཀུག་སྟེ་གུང་མོ་གཉིས་ཀྱི་ཚིགས་དབུ་མར་སྦྱར་བ་ནི་མཚོན་ཆའི་སྙིང་པོ་ཡིན་ནོ། །མཚོན་ཆ་ཆེན་པོ་དེ་ཉིད་ལས་སྲིན་ལག་དང་མཐེ་བོང་ངོས་སྦྱར་བ་ནི་ཚོལ་བའི་མཚོན་ཆའོ། །ལག་པ་ཕྱག་རྒྱ་དྲང་ཐབས་སུ་བྱས་པ་ནི་དམ་ཚིག་ཆེན་པོའི…

ཁུ་ཚུར་ནམ་མཁའ་ལྟར། ཁོང་སྟོང་སྦྱར་ནས་དེ་བཞིན་དུ། །མཐེ་བོང་གཉིས་ཀྱང་བསྟོད་པ་ནི། །ཚངས་པ་ཞེས་ནི་བྱ་བར་བཤད། །མཐེ་བོང་གཉིས་ནི་བཏུད་ནས་ཀྱང་། །ཅུང་ཟད་བསྟོད་པ་ཁྱབ་འཇུག་གི། །གུང་མོ་གྱེན་དུ་བསྒྲེང་བྱས་ལ། །དེ་ཡི་སྟེང་དུ་མཛུབ་མོ་དང་། །མཐེ་བོང་ལྷན་ཅིག་བཞག་པ་ནི། །ཉི་མ་ཡི་ནི་ཡིན་པར་བཤད། །གཡོན་པའི་སོར་མོ་བཞི་པོ་རྣམས…