ཕུང་སོགས་ལ་བརྟེན་ལྷ་རྣམས་ལ། །སྒོ་གསུམ་ངོ་བོ་མ་སྤངས་པ། །ཐ་མལ་པ་དང་བསྐྱེད་རིམ་གཉིས། །གོང་འོག་ཁྱད་པར་ཤེས་བྱ་སྟེ། །སྒྱུ་མས་གཉེན་པོ་མ་སྤངས་པའོ། །བདུན་པོ་རྣམ་དག་ལ་སོགས་པ། །སྔོན་དུ་འགྲོ་བ་མ་སྤངས་པའོ། །ཕུང་སོགས་རྟོག་པ་ལས་ལོག་ནས། །ཕྲ་བའི་གནས་སུ་གནས་བྱེད་པ། །གནས་ཀྱི་ཁྱད་པར་མ་སྤངས་པའོ། །ལྷ་ཡི་རྣམ་པར་འཇུག་པ་དང་…

བསྲེགས་པ་ལས་མ་སྤངས་པ་ཡིན། །གོང་འོག་རིམ་པས་དབྱེ་མ་སྤངས། །ཨ་བདྷཱུ་ཏཱི་ལོག་མིན་གནས། །གནས་དང་གནས་ཆེན་མ་སྤངས་པ། །དེ་ཉིད་ཕྱི་དང་ནང་དུ་ངེས། །ཕྱི་ནང་དབྱེ་བ་མ་སྤངས་པའོ། །སྟོང་པ་དང་ནི་གཟུང་འཛིན་ཆར། །འཕོ་བ་མ་སྤངས་ཨ་དང་ཧྃ། །རྟེན་མ་སྤངས་ཏེ་རྟོག་པ་ལ། །སེམས་འཕྲོས་དེ་ཉིད་རང་རིག་སྒོམ། །ཤོར་བ་མ་སྤངས་པར་རིག་ལ། །དབང་པོ…

པ་ནི། །འབྲས་བུ་མེད་ཅིང་བརླག་པར་འགྱུར། །དེ་བས་འབད་དེ་ནན་ཏན་བྱ། །དཔལ་ཉི་མའི་འཁོར་ལོའི་རྒྱུད་ཀྱི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷ་ར་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། རྒྱ་གར་སྐད་དུ། ཤྲཱི་ཛྙཱ་ན་རཱ་ཛ་ཏནྟྲ་རཱ་ཛ། བོད་སྐད་དུ། དཔལ་ཡེ་ཤེས་རྒྱལ་པོའི་རྒྱུད་ཀྱི་རྒྱལ…

པའི་གཞི། །འདོད་ཆགས་འདོད་ཆགས་ཆེན་པོ་སྟེ། །འཁྲུལ་གཞི་འཁྲུལ་པ་ལས་འདས་ན། །འདོད་ཆགས་ཆེན་པོ་བཅོམ་ལྡན་འདས། །ཞེ་སྡང་ཞེ་སྡང་ཆེན་པོ་དང་། །དེ་བཞིན་ཞེ་སྡང་བཅོམ་ལྡན་འདས། །གཏི་མུག་གཏི་མུག་ཆེན་པོ་སྟེ། །དེ་བཞིན་གཏི་མུག་བཅོམ་ལྡན་འདས། །འདི་ཡིས་ངེས་པར་གྲོལ་འགྱུར་གྱིས། །འདི་སྤངས་གཞན་གྱིས་གྲོལ་བ་མིན། །བདག་པོ་ལྷ་དང་བླ་མ་…

པ་དང་ནི་འཁྲུལ་གཞི་ལས། །སད་པར་བྱེད་པའི་ཆོ་ག་བླང་། །དེའི་ཚེ་རྒྱུད་ཀྱི་དོན་ལ་དགའ་ཞིང་རྗེས་སུ་ཡི་རངས་པར་གྱུར་ཏོ། དཔལ་ཡེ་ཤེས་རྒྱལ་པོ་ཞེས་བྱ་བའི་རྒྱུད་ཀྱི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷར་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། རྒྱ་གར་སྐད་དུ། ཤྲཱི་བཛྲ་ཌཱ་ཀི་གུ་ཧྱ་ཏནྟྲ་རཱ་ཛ། བོད་སྐ…

རས་དང་ཚོན་ལ་སོགས་པ་ཡི། །གཟུགས་བརྙན་ཡོངས་སུ་རྫོགས་པ་ལ། །བྱིན་བརླབས་ཡེ་ཤེས་དབབ་བྱས་ནས། །ལྷ་ཡིན་ཟེར་ནས་མཆོད་སོགས་ཏེ། །བཅོས་མ་ལ་སོགས་དེ་ལྟར་ན། །ཕུང་སོགས་ཡེ་ནས་སངས་རྒྱས་ལ། །ཅི་ཡི་ཕྱིར་ན་མཆོད་མི་བྱེད། །དེ་ནས་གཞན་ཡང་དབྱེ་བ་དག །འཁྲུལ་པ་དང་ནི་འཁྲུལ་པའི་གཞི། །བཅོས་མ་ཉེ་བར་བཅོས་མ་དང་། །འདྲ་བ་ཡིན་པ་ལྟ་བུ་ཡི། །ད…

སྒྱུར་བའི་རྒྱལ་པོ་དང་། །བྲལ་བའི་རིན་ཆེན་བདུན་པོ་དེ་དག་གིས། །འཁོར་ལོས་སྒྱུར་བའི་མིང་ནི་མི་ཐོབ་བཞིན། །བླ་མའི་ཞལ་ནས་ཐམས་ཅད་ཤེས་པར་བྱ། །དེ་ནས་སངས་རྒྱས་སེམས་ཅན་ཡང་། །རྡུལ་ཙམ་ཁྱད་པར་མེད་མོད་ཀྱང་། །རང་རིག་གཞན་རིག་རྐྱེན་དག་དང་། །རང་སེམས་ལས་སུ་རུང་བ་དང་། །མ་རུང་པ་དང་ལས་ཀྱི་མཐའ། །ལོག་པ་དང་ནི་མ་ལོག་པ། །དོན་བྱེ…

ཟླ་བ་བདུན་དང་གསུམ་དག་ནི། །འབྲིང་དུ་གསུངས་ཏེ་ཞག་བདུན་སོགས། །རྒྱུན་གཞག་མེ་ནི་ཆུང་ངུར་གསུངས། །རྒྱས་པ་ལ་སོགས་དེ་བཞིན་ཏེ། །རང་བཞིན་གདོད་ནས་གནས་པ་ཡི། །གཏུམ་མོ་ཡེ་ཤེས་མེ་རང་བཞིན། །འདི་ནི་རྒྱུན་གཞག་ཆེན་པོའི་མེ། །ཐོག་མཐའ་མེད་པར་གནས་པའི་ཕྱིར། །དམ་ཚིག་ཉམས་པའི་བུད་ཤིང་སོགས། །ཡེ་ཤེས་མེ་ཡི་བུད་ཤིང་ཡིན། །མན་ངག་ཅན་…

རྩོལ་བ་ལ་ཐིམ་སྟེ། །རྩོལ་བ་རྣམ་ཤེས་ལ་ཐིམ་པའི། །སྐད་ཅིག་དང་པོ་འཆི་བ་སྟེ། །རྡོ་རྗེ་ཅན་སོགས་རིགས་བཞི་དང་། །རྣམ་སྣང་ཐ་དད་བྲལ་བ་ཡི། །སྐད་ཅིག་དང་པོ་ཤི་བ་སྟེ། །དེ་ནས་ཞག་བདུན་བར་དུ་གཞག །ལུས་ཀྱི་མཁའ་འགྲོ་མྱ་ངན་འདས། །དེ་ནི་ཤི་བ་ཆེན་པོར་གྲགས། །ལུས་ནི་ཏ་ལའི་མགོ་བོ་འདྲ། །འདི་ཉིད་རོ་ཞེས་གསུངས་པ་སྟེ། །ཡེ་ཤེས་དབབ་དང…

བཞིན་སྤྱན་དྲངས་བཞུགས་སུ་གསོལ། །མེ་མཆོད་སྡིག་པ་བསྲེག་པ་ཡི། །སྔགས་དང་རྫས་སོགས་གཞན་དང་འདྲ། །མེ་དང་དུ་བ་རླུང་སོགས་ཀྱི། །མཚན་མ་མཁས་པས་བརྟག་བྱ་སྟེ། །བཀྲ་ཤིས་རྟགས་རྣམས་བྱུང་ན་ལེགས། །མེད་ན་སྡིག་པ་བསྲེག་པར་བྱ། །དུང་ལ་སོགས་པ་བྱུང་ན་རབ། །མ་བྱུང་ན་ཡང་ཆོ་ག་རྣམས། །རྫོགས་པ་ལས་བྱུང་རུས་པ་རྣམས། །འདི་ནི་ཐལ་བ་ཆེན་པོ་ས…

གིས་ཞི་བྱས་ཏེ། །གཅིག་གམ་ལྔའམ་བདུན་ནམ་ནི། །ཉི་ཤུ་རྩ་གཅིག་བརྒྱ་རྩ་བརྒྱད། །ཅི་ནུས་པར་ནི་གདབ་པར་བྱ། །དུས་ནི་མཚན་མོ་ཤེས་པ་སྟེ། །དང་པོ་ལ་ནི་དཀྱིལ་འཁོར་གྱིས། །ཕྱག་རྒྱ་ཆེན་པོ་རྫོགས་པ་སྟེ། །གསུམ་པ་བཞི་པ་གཉིས་པ་དག །ཆོས་ཀྱི་སྐུ་ཡི་གཟུགས་བརྙན་གདབ། །བུམ་དབང་ས་ལ་གདབ་པ་སྟེ། །གསང་དབང་ས་དང་ཆུ་ལ་གདབ། །གསུམ་པ་མེ་དང་རླ…

འཁོར་རོ། །གསང་བར་བྷ་གའི་དཀྱིལ་འཁོར་ཏེ། །བཞི་པ་རང་རིག་བྱང་ཆུབ་སེམས། །དེ་རྣམས་ལྷ་ཡི་མཚན་ཉིད་ཀྱང་། །སྐུ་མདོག་ཕྱག་མཚན་རགས་པའི་ལམ། །ཁྲོ་ཚུལ་དྲུག་ཅུ་རྩ་བཞི་དང་། །འབར་བའི་གར་དགུ་ཕྱག་རྒྱ་དྲུག །མཚན་ཉིད་སྒྱུ་མ་ལྟ་བུ་ཡིས། །ཐ་མལ་པ་ཡི་རྣམ་རྟོག་སྤོང་། །ལུས་ཀྱི་དྲི་འཁྲུ་ཞེ་སྡང་དག །ལོངས་སྤྱོད་རྫོགས་པའི་སྐུར་གྱུར་པའ…

པའི་རང་བཞིན་གཏུམ་མོ་སྟེ། །ནང་གི་ལྷ་ཡི་ངོ་བོ་སྟེ། །གསང་བའི་ལྷ་ཡི་རིང་བའི་རྒྱུ། །དེ་ནས་གསང་བའི་དཀྱིལ་འཁོར་ཡང་། །དབང་པོ་གཉིས་སྦྱོར་ཀུན་དུ་རུ། །དེ་ཡི་ཕྱིར་ན་བྷ་ག་ཡིན། །དགའ་བ་ལ་སོགས་སྒྱུ་མ་ཡི། །ཕྲ་བའི་ལམ་སྤོང་ལས་ཡིན་ཏེ། །སེམས་ཀྱི་དྲི་འཁྲུད་འདོད་ཆགས་དག །རང་རིག་སེམས་ཀྱི་རྒྱལ་པོའི་རྒྱུ། །དེ་ནས་བཞི་བའི་དཀྱིལ…

ཚིག་གམ་ཅི། །སྲེག་རྫས་རྟོག་པ་སྲེག་བྱེད་མེ། །དབང་པོས་སྤྱོད་ཡུལ་མ་ཡིན་ཏེ། །དེ་ཕྱིར་ལས་ཀྱི་མེ་ཉིད་ལ། །ཏིལ་སོགས་བསྲེགས་པའི་ལས་བྱས་ཀྱང་། །ངེས་པར་སྡིག་པ་ཚིག་མི་འགྱུར། །མཆོད་པ་ལ་སོགས་དེ་བཞིན་ནོ། །བསྟན་པ་ཙམ་དུ་ངེས་པ་སྟེ། །རྒྱུད་ནི་དོན་དམ་མ་ཡིན་ཏེ། །དོན་དམ་རྟོགས་པས་བསྟན་པ་མེད། །དགང་གཟར་བླུགས་གཟར་ལ་སོགས་པ། །བླ…

ན་གཏོར་མ་སྟེ། །འབྲས་སོགས་ཕྱི་ཡི་གཏོར་མ་ཡིས། །གདོན་སོགས་ཞི་བར་མི་འགྱུར་ཏེ། །རང་གི་སྒོ་གསུམ་རྣམ་རྟོག་དག །གདོན་ལ་སོགས་པར་སྣང་བ་སྟེ། །འཁྲུལ་པའི་རྣམ་རྟོག་མ་སྤངས་པར། །གདོན་སོགས་ཞི་བར་མི་འགྱུར་ཕྱིར། །སྒོ་གསུམ་རྣམ་རྟོག་འཇོམས་པ་ཡི། །སེམས་ཀྱི་གཏོར་མ་གཏོར་མའི་མཆོག །གདོན་དང་གནོད་པ་ཞི་བ་དང་། །དམ་ཚིག་གསོ་དང་ལྷ་རྣ…

པ་སྟེ། །སྣོད་ཀྱི་ཞེན་པ་བཟློག་པ་ཡང་། །ལྕགས་རི་ནག་པོ་ཚུན་ཆད་དེ། །རྡོ་རྗེ་ར་བས་དེ་ཉིད་དོ། །ཆེན་པོ་ཁྲུ་ནི་ཉི་ཤུ་སྟེ། །ཆུང་བ་ཁྲུ་གང་ཚུན་ཆད་དོ། །དེ་ལས་གཞན་པའི་དཀྱིལ་འཁོར་ནི། །ཚད་ལས་ངེས་པར་འདས་པའོ། །རྣམ་ཤེས་ཚོགས་བརྒྱད་རྣམ་རྟོག་བརྒྱད། །མི་མངའི་རྟགས་སུ་དུར་ཁྲོད་བརྒྱད། །ཕྱོགས་དང་ཕྱོགས་བྲལ་དག་ཏུ་དགོད། །ཚོགས་བར…

ནུབ་བྱང་མཚམས་སུ་རླུང་དགོད་དེ། །བྱང་ཤར་མཚམས་སུ་དབང་ལྡན་དགོད། །ཉི་ཟླ་ཤར་ལ་ས་བདག་ནུབ། །ཇི་ལྟར་གྲགས་པའི་གཟུགས་སུ་དགོད། །ཤར་དུ་ནོར་རྒྱས་གནས་པ་སྟེ། །འཇོག་པོ་ལྷོ་སྟེ་སྟོབས་རྒྱུ་ནུབ། །པདྨ་བྱང་ལ་པད་ཆེན་མེ། །ཧུ་ལུ་ཧུ་ལུ་སྲིན་པོར་དགོད། །རིགས་ལྡན་རླུང་མཚམས་དགོད་པ་སྟེ། །དུང་སྐྱོང་དབང་ལྡན་མཚམས་སུའོ། །གདུག་པ་སྤྲུལ…

ཁྲོད་ཀྱང་། །སྣ་རྩེར་རྩ་བརྒྱད་དུར་ཁྲོད་བརྒྱད། །ལྟེ་བར་རྩ་བརྒྱད་ཤིང་བརྒྱད་དོ། །སྙིང་གར་རྩ་བརྒྱད་ཕྱོགས་སྐྱོང་བརྒྱད། །མགྲིན་པར་རྩ་བརྒྱད་ཀླུ་བརྒྱད་དེ། །སྤྱི་བོར་རྩ་བརྒྱད་ཆར་སྤྲིན་བརྒྱད། །གསང་བར་རྣམ་རྟོག་མི་མངའི་རྟགས། །དུར་ཁྲོད་བརྒྱད་ནི་གསང་བར་གནས། །ཐམས་ཅད་བདེ་བར་སྣང་བའི་ཕྱིར། །གསང་བར་ཤིང་བརྒྱད་ཡང་དག་གནས།…

སྔགས་ཀྱི་ལྟ་སྤྱོད་གང་སྤྱོད་པ། །རང་ཡང་ཕུང་ལ་གཞན་ཡང་ཕུང་། །མཐོང་བའི་ཆོས་ལ་དམྱལ་སོགས་འཚེད། །དེ་བས་དངོས་གྲུབ་འདོད་པ་ཡིས། །བླ་མ་དམ་པ་མཉེས་བྱས་ཏེ། །མན་ངག་དམ་པ་བླང་བར་བྱ། །ངེས་པའི་ལྟ་སྤྱོད་མ་རྙེད་པར། །གསང་བའི་ལྷ་དང་སྤྱོད་པ་དང་། །མོས་པའི་རྗེས་སུ་གང་བྱེད་དང་། །ཉོན་མོངས་ཟིལ་ནོན་ལ་སོགས་དག །གསང་སྔགས་ལྟ་བུར་སྤྱད…

རྒྱལ་པོ་གང་། །བཅོམ་ལྡན་འདས་ཀྱིས་བཀའ་སྩལ་པ། །དོན་གྱི་རྡོ་རྗེ་རྣམ་པ་བཞི། །དབང་བཞིའི་གྲངས་སུ་ཤེས་པར་བྱ། །རྣམ་རྟོག་འཇོམས་ཕྱིར་རྡོ་རྗེ་སྟེ། །དེ་ལ་རྣམ་པ་བཞི་ཡིན་ཏེ། །ཕྱི་ནང་གསང་བ་རབ་གསང་གཉིས། །རྩེ་གསུམ་རྩེ་གཅིག་རྩེ་ལྔ་པ། །རྩེ་དགུ་པ་ནི་ཉིད་ཡིན་ནོ། །བཅུ་གཉིས་དེ་ཉིད་རྡོ་རྗེ་སྟེ། །རྟགས་ཀྱི་རྡོ་རྗེ་བཞི་ཡིན་ནོ།…