ཆེ། །ཁྱོད་དང་བཅས་པ་བདག་གི་གནས། །གང་ཞིག་ཉི་ཤུ་རྩ་བརྒྱད་གནས། །དེ་ནི་ཚོགས་ཀྱི་གནས་སུ་དྲན། །རྡོར་དྲིལ་རིན་ཆེན་འཁོར་ལོ་དང་། །རལ་གྲི་རྩེ་གསུམ་མདའ་ཉི་མ། །ཟླ་བ་དགྲ་སྟ་ཌ་མ་རུ། །གཞུ་དང་ཐོ་བ་ཀ་པཱ་ལ། །བྷཱུ་ཏིའི་པགས་པ་གྱེན་དུ་འཕྱར། །གཤིན་རྗེའི་པགས་པ་རྐེད་ལ་དཀྲིས། །ཞལ་གཅིག་པ་ལ་ཕྱག་གཉིས་ཏེ། །ཁྱོད་ཀྱང་བདག་གི་མདོག་ཡ…

གཉིས། །དད་པས་ཉོན་ཅིག་བདག་གིས་བཤད། །སྣང་བ་རེག་བྱ་སྦྱོར་བ་དང་། །འགྲོ་བ་དེ་ནི་བཞི་པའོ། །རིམ་པ་ཡིས་ནི་ཤེས་པར་བྱ། །བསྐྱེད་པའི་རིམ་པའི་ཕྱོགས་ཀྱི་ནི། །ཤེས་རབ་མ་ཡི་ལྟ་བ་ཡིས། །གཉིས་ཀའི་འདོད་ཆགས་འབྱུང་བར་འགྱུར། །དེ་ཚེ་དགའ་བ་འབྱུང་བ་སྟེ། །རྣམ་པ་སྣ་ཚོགས་སྐད་ཅིག་ལྡན། །གང་ཚེ་དེ་དང་ལྷན་ཅིག་ཏུ། །དད་པས་རེག་བྱ་ཡོད་གྱ…

དགའ་བའི་དོན་ཡིན་ནོ། །ཨུ་ཏ་དང་ནི་ཚུལ་དང་གཉིད། །ལྷན་ཅིག་སྐྱེས་དགའ་བཞི་པའོ། །དེ་ནི་སྦྱོར་བ་བཞི་པ་ཡིན། །དགའ་བའི་བྱེ་བྲག་བཅུ་དྲུག་གོ། །བཞི་རྣམས་གཞན་མིན་འདི་རུ་ནི། །རབ་ཀྱི་དོན་ནི་འདི་ལྟར་འགྱུར། །འདོད་པ་འདུན་པ་ཡིན་པར་བཤད། །དཔལ་ལྡན་ཤེས་རབ་མས་སྤྲུལ་ལོ། །དེ་ནི་འདུན་པ་ལས་ནི་དཀྲུག། རང་གི་ཡིད་ཀྱིས་བྱེད་པའོ། །འདོ…

བྱ་བའི་ལེའུ་སྟེ་བཅུ་དྲུག་པའོ།། །།ཡེ་ཤེས་མཁའ་འགྲོ་བཅོམ་ལྡན་འདས། །བདག་ནི་ཐེ་ཚོམ་ཅུང་ཟད་སྐྱེས། །ཆར་ཡང་དང་ནི་ཐིག་ལེའི་ཚུལ། །ཡེ་ཤེས་གང་ནས་ཤེས་པར་བྱ། །བཅོམ་ལྡན་འདས་ཀྱིས་བཀའ་སྩལ་པ། །ཚུལ་ནི་དཔྲལ་བའི་གནས་སུ་སྟེ། །ཐིག་ལེ་མགྲིན་པའི་གནས་སུ་བཞུགས། །ཆར་ཡང་སྙིང་གའི་གནས་སུ་ཤེས། །ཡེ་ཤེས་ལྟེ་བའི་གནས་སུ་བཞུགས། །རྟོག་པ…

ཡིན་པར་འགྱུར། །དེ་ཡི་ཚེ་ན་སྲོག་གི་རླུང་། །གྱེན་དུ་ལམ་དུ་འགྲོ་བའོ། །གསོ་རླུང་ལྟེ་བའི་གནས་སུ་ནི། །ངེས་པ་ཡི་ནི་གནས་བྱེད་དོ། །ཡང་ན་གང་ཚེ་སྲོག་གི་རླུང་། །གཙུག་ཏོར་ལས་ནི་ཕྱིར་འགྲོ་ན། །དེ་ཚེ་གསོ་བའི་རླུང་དེ་ནི། །རང་གི་གནས་སུ་འགྲོ་བའོ། །དེ་ནི་སྲོག་གི་རླུང་ཡིན་ཏེ། །ལྟེ་བའི་གནས་སུ་འདུག་ས་བྱེད། །དཔལ་ཕྱག་རྒྱ་ཆེ…

འདོད་པ་བྱ། །རིམ་པ་ཡིས་ནི་བསྐྱོད་པར་བྱ། །ཁུ་བ་ཇི་ལྟར་འབྱུང་འགྱུར་བ། །ཐམས་ཅད་འབྱུང་བར་གྱུར་པ་ན། །པདྨའི་ནང་དུ་སྤང་བར་བྱ། །ལེགས་དགྱེས་ཀྱི་ནི་དབང་ཕྱུག་མ། །འདི་ནི་སློབ་དཔོན་དབང་གི་རབ། །ཡང་ནི་གསང་བའི་དབང་འདི་ནི། །དད་པས་ཉོན་ཅིག་བདག་གིས་བཤད། །གང་ཚེ་གསང་གནས་ན་སེམས་ཡོད། །དེ་ནི་གསང་བར་རབ་ཏུ་གྲགས། །གསང་བ་པདྨའི་ཁ…

བྱ། །འཁོར་ལོ་བཞི་ཡི་རིམ་པས་སོ། །ཚངས་པ་ཡི་ནི་ཞལ་དང་བྲལ། །རོ་དང་བཅས་པ་བདག་གི་ཞལ། །བཅུ་གཉིས་དེ་ནི་ཉི་ཞེས་ཤེས། །ཀཱ་ལི་ཐིག་ལེར་རབ་ཏུ་གྲགས། །བཅུ་གཉིས་ཕྱེད་ནི་བདེ་ཐིག་ལེ། །དགའ་དང་མཆོག་གི་དགའ་བར་དྲན། །དགའ་བྲལ་དགའ་བའི་ཐིག་ལེ་གསུམ། །རང་བཞིན་གསུམ་དང་བྲལ་བའོ། །ཡང་ནི་ཐམས་ཅད་བདག་ཉིད་ཉིད། །བཞི་པོའི་དོན་ནི་བདག་གིས་…

རོ་དྷ་ན་ལ་མ་ཏྟ་ཙི་ཀོ་ར་དྷ་ཏ་མྲེ་དེ་ནས་མཁའ་ལ་རྣལ་འབྱོར་མ། །འདུས་ནས་བཀའ་སྩལ་སྦྱིན་པར་བྱ། །བུ་ཀྱེ་བུ་མོ་འདི་ཁྱོད་ཁྱེར། །སྤྱོད་པ་རབ་ནི་ཁྱོད་ཀྱིས་གྱིས། །བུ་མོ་བཅུ་དྲུག་ལོན་པ་དང་། །སིཧླ་ག་བུར་ཡོད་པ་དང་། །ཨུཏྤལ་སྔོན་པོའི་མདོག་འདྲ་བ། །ཙནྡན་སར་པའི་དྲི་ཡོད་ཅིང་། །སྒེག་པ་ཡི་ནི་རྒྱན་དང་ལྡན། །ལས་རྣམས་ཀུན་ལ་མཁས་པ…

ལར་བརྗོད་དུ་མེད་པ་དང་། །ལ་ལར་ཡང་དག་གཟུགས་ཅན་སྟོན། །དེ་ལྟར་རྣལ་འབྱོར་དབང་ཕྱུག་ནི། །རང་དབང་གིས་ནི་ཀུན་ཏུ་སྤྱོད། །དཔལ་ཕྱག་རྒྱ་ཆེན་པོའི་ཐིག་ལེ་ལས། རྣལ་འབྱོར་གྱི་དབང་ཕྱུག་ཆེན་པོའི་སྤྱོད་པ་ཞེས་བྱ་བའི་ལེའུ་སྟེ་ཉི་ཤུ་པའོ།། །།བཅོམ་ལྡན་ཡེ་ཤེས་རྒྱ་མཚོ་ཁྱེད། །བདག་ལ་ཐེ་ཚོམ་སྐྱེས་པ་མཆིས། །སྔར་གསུངས་པ་ཡི་འཁོར་ལོ་ད…

བྱ། །སློབ་མ་དེ་ཡི་ཐིག་ལེ་བྱ། །བུ་མོ་ལ་ཡང་དེ་ལྟར་རོ། །ཤ་ཆེན་ལ་སོགས་ཀྱིས་གང་བའི། །གཏོར་མ་ཕྱོགས་བཞིར་གཏང་བར་བྱ། །ཚོགས་ལ་འབད་དེ་མཆོད་པ་བྱ། །མེད་ན་ཡང་ནི་འབད་པས་སོ། །སྔགས་བཏུ་བ་ཡི་དུས་སུ་ནི། །འབད་དེ་བླ་མ་མཆོད་པར་བྱ། །བླ་མ་དགྱེས་ན་སྔགས་རྒྱལ་ནི། །ཐེ་ཚོམ་མེད་པར་ཐོབ་པར་འགྱུར། །དེ་ལྟར་མིན་ན་སྐྱོན་ཡོད་དེ། །སྔགས…

གཟུགས་ཆེན་ཆེ། །ཨུཥྨ་ཡི་ནི་གསུམ་པ་དང་། །བཞི་པ་ཡི་ནི་ལྔ་པ་དང་། །དེ་ཉིད་འོག་ཏུ་ལྡན་པར་བྱ། །དབྱངས་ཡིག་གསུམ་པས་བརྒྱན་པ་སྟེ། །ལྷ་རྣམས་ཀུན་གྱི་བྱེད་པའོ། །ལྔ་པ་ཡི་ནི་བཞི་པ་དང་། །དབྱངས་ཡིག་གཉིས་པས་བརྒྱན་པའོ། །བརྒྱད་པ་ཡི་ནི་དང་པོ་དང་། །ཐམས་ཅད་ཀུན་གྱི་ཕ་ཡིན་ནོ། །ཨུཥྨ་ཡི་ནི་བཞི་པ་དང་། །དབྱངས་ཡིག་དྲུག་པས་བརྒྱན་པ…

པས་བརྒྱན་པའོ། །ཨུཥྨ་ཡི་ནི་བཞི་པ་དང་། །དབྱངས་ཡིག་དྲུག་པ་དང་ལྡན་པ། །ཟླ་ཚེས་ཐིག་ལེས་བརྒྱན་པའོ། །ཡང་ན་དེ་ཉིད་བྲིས་པ་ནི། །གཞན་གྱི་སྔགས་ནི་འཇོམས་པའོ། །ལྔ་པ་ཡི་ནི་གཉིས་པ་དང་། །དེ་ནས་གསུམ་པའི་དང་པོ་དང་། །ཨུཥྨ་ཡི་ནི་གསུམ་པ་དང་། །ཨནྟསྠ་ཡི་བཞི་པར་ལྡན། །དབྱངས་ཡིག་གཉིས་པར་ལྡན་པ་ནི། །སྡུག་བསྔལ་ཐམས་ཅད་མེད་བྱེད་པ། …

ཏྲཱྃ་ཧྲཱྀཿཁྃ་གི་སྔགས་རྒྱལ་གྱིས། །བདུད་རྩི་ལྔ་ནི་སྤྱད་པར་བྱ། །ས་ཆུ་མེ་རླུང་རྣམས་ཀྱི་ནི། །ས་བོན་གྱིས་ནི་བཟའ་བར་བྱ། །དཔལ་ཕྱག་རྒྱ་ཆེན་པོའི་ཐིག་ལེ་ལས་འཁོར་ལོ་དྲུག་གི་ས་བོན་དང་། སྔགས་བཏུ་བ་དང་། བདུད་རྩི་ལྔ་བཟའ་བ་དང་། སྤྱད་པ་ཞེས་བྱ་བའི་ལེའུ་སྟེ་ཉི་ཤུ་རྩ་གཅིག་པའོ།། །།འབྱུང་པོ་རྣམས་ནི་བསྲུང་དོན་དུ། །ཉོན་ཅིག་…

མ་སྦྱིན། །རྐང་པ་མནན་ཅིང་སྟེང་དུ་བལྟ། །ཧ་ཧའི་སྒྲ་ནི་སྒྲོགས་བྱེད་ཅིང་། །རུས་པའི་རྒྱན་དང་ལྡན་པ་ཡི། །ཧེ་རུ་ཀར་ནི་བདག་ཉིད་བསམ། །བརྒྱ་བྱིན་འདྲ་བའི་ལྷ་མ་ཡིན། །མདུན་དུ་བྱུང་བར་གྱུར་ན་ཡང་། །དེ་ལ་འཇིགས་པར་མི་བྱ་སྟེ། །གཞན་རྣམས་སྨོས་ཀྱང་ཅི་ཞིག་དགོས། །དཔལ་ཕྱག་རྒྱ་ཆེན་པོའི་ཐིག་ལེ་ལས་གཏོར་མའི་ལས་ཞེས་བྱ་བའི་ལེའུ་སྟ…

ཡང་ཚོགས་ཀྱིས་མི་བྱའོ། །དུམ་བུ་གཅིག་པའི་མཚན་ལྡན་སྣོད། །བླ་མའི་མདུན་དུ་གཞག་པར་བྱ། །ཡང་ན་དུམ་བུ་གསུམ་པ་ནི། །ལྷ་ཡི་ཆང་གིས་བཀང་བར་བྱ། །སྣ་ཚོགས་མཆོད་པའི་མཆོད་སྦྱིན་གྱིས། །སྣོད་དེ་ལ་ནི་མཆོད་པར་བྱ། །ཚོགས་ཀྱི་འཁོར་ལོར་སྣོད་གཞན་ནི། །མེ་ཏོག་རྒྱན་གྱིས་བརྒྱན་པའོ། །བཟའ་བ་སྣ་ཚོགས་དང་ལྡན་པའི། །དང་པོར་གཏོར་མ་ཆེན་པོ་…

པ་ལ་ལར་བྱེད་པ་ན། །དེ་ལ་ཆད་པ་རབ་རྟོགས་བྱ། །ཡང་དག་དགའ་བ་བྱུང་གྱུར་ན། །ཐར་པའི་རྒྱུ་ཕྱིར་གར་བྱའོ། །འོན་ཀྱང་རྡོ་རྗེ་རྐང་པའི་གར། །ཇི་ལྟར་རྣལ་འབྱོར་མ་མཉེས་འོད། །མ་འམ་སྲིང་མོ་ཆུང་མ་དང་། །སྒྱུག་མོ་དང་ནི་མནའ་མ་ལ། །ཤེས་རབ་ཐབས་ཀྱི་ཆོ་ག་ཡིས། །འབད་དེ་དེ་ལ་མཆོད་པར་བྱ། །དེ་རྣམས་མཆོད་པས་དངོས་གྲུབ་ནི། །གང་ཞིག་སེམས་ལ་…

དམར་སེར་ལག་པ་དམར། །མིག་ནི་ལྗང་སེར་དག་ཏུ་སྣང་། །སྐྲ་ནི་དེ་བཞིན་འཁྱིལ་པ་དང་། །མགོ་ལ་དར་ནི་བཅིངས་པ་དང་། །དཔྲལ་བ་ལ་ནི་གསལ་བར་ནི། །གཞུ་ཡི་དངོས་པོར་རབ་ཏུ་གནས། །དེ་བཞིན་མགྲིན་རིང་སྣ་རིང་བ། །རྟག་ཏུ་གོས་དམར་ལ་དགའ་ཞིང་། །རྒོད་ཅིང་གླུ་ནི་ལེན་པ་དང་། །ལན་འགའ་ཞིག་ནི་ཁྲོ་བ་དང་། །སེམས་ནི་རྣམ་པར་གཡོ་བ་དང་། །རྩོད་པ་ལ…

ནི་རབ་ཡིན་ཏེ། །གང་ཞིག་བསྟེན་པ་ཙམ་གྱིས་ནི། །མྱུར་དུ་དངོས་གྲུབ་ལ་འཇུག་པ། །ཡན་ལག་དྲི་ཞིམ་ཤིན་ཏུ་འཇམ། །རྡུལ་ནི་དྲི་ཞིམ་གྱུར་པ་དང་། །ངོ་ཚ་ཆེ་ཞིང་བདེན་པར་སྨྲ། །ཡུན་རིང་མིག་ནི་མི་འཛུམས་པ། །ཁྲོ་བ་མེད་ཅིང་སྙིང་རྗེ་ཆེ། །སྐད་ཅིག་འཇམ་པར་སྨྲ་བ་དང་། །སྐྱེ་བ་བདུན་ནམ་ཡང་ན་གསུམ། །འབད་པ་ཡིས་ནི་བཙལ་བར་བྱ། །བསོད་ནམས་དང…

མོའི་གཟུགས་སུ་གྲགས། །རྣམ་པ་དང་བྲལ་བདེ་སྦྱིན་མ། །རེག་བྱ་མེད་པའི་རེག་སྐྱེད་མ། །དེ་ལྟའི་ཤེས་རབ་དང་ལྷན་ཅིག། རྡོ་རྗེ་སྐྱིལ་ཀྲུང་སེམས་ཀྱིས་ནི། །སེམས་ནི་གཡོ་བ་མེད་པར་བྱ། །ཐིག་ཚུལ་ཆར་ཡང་དང་བྲལ་བ། །ཐིག་ཚུལ་ཆར་ཡང་དག་ཉིད་དང་། །ཐིག་ལེ་ཚུལ་དང་ཆར་ཡང་ནང་། །རྣལ་འབྱོར་གྱིས་ནི་དེར་སེམས་བྱ། །ཆར་ཡང་གི་ནི་ནང་དུ་སེམས། །ཡ…

མདུད་པ་མེད་པ་གཅིག་པུའོ། །དེ་འོག་མདུད་པ་དང་ལྡན་པ། །རླུང་གི་འཁོར་ལོ་ཡན་ཆད་དོ། །སྤྱི་བོ་ནས་ནི་མགྲིན་ཡན་ཆད། །དེ་ཙམ་སྦྱོར་བ་བཞི་ཡིན་ནོ། །མགྲིན་པའི་འོག་ནས་སྙིང་གའི་གནས། །དེ་ཙམ་གཞན་ནི་བཞི་ཡིན་ནོ། །སྙིང་གའི་གནས་ནས་ལྟེ་བའི་བར། །དེ་ཙམ་གཞན་ཡང་བཞི་ཡིན་ནོ། །ལྟེ་བ་ནས་ནི་ནོར་བུའི་མགྲིན། །དེ་ཙམ་གཞན་ནི་བཞི་ཡིན་ནོ། །…