དྲིལ་བུ། གཡས་ན་རྡོ་རྗེ་དང་། ཐོད་པ་བསྣམས་པ་བསམ་མོ། །ལྷོ་ཕྱོགས་ཀྱི་ལྷ་མོའི་ཕྱག་ན་མདུང་རྩེ་གསུམ་པ་དང་། རིན་པོ་ཆེ་དང་། བ་དན་དང་། ཅེ་སྤྱང་བསྣམས་པའོ། །ནུབ་ཕྱོགས་ཀྱི་ལྷ་མོའི་ཕྱག་ན་གཞུ་དང་། མདའ་དང་། སྣ་ཚོགས་པདྨ་དང་། ཐོད་པ་བསྣམས་པའོ། །བྱང་ཕྱོགས་ཀྱི་ལྷ་མོའི་ཕྱག་ན་རལ་གྲི་དང་། ཞགས་པ་དང་། རྔེའུ་ཆུང་དང་། ཐོད་པ་བས…

ཡི་གེ་རྣམས་ཀྱི་མཐར་སྦྱོར་ལ། །ས་བོན་ལྔས་ནི་རབ་དགང་བྱ། །ཡི་གེ་ཡིས་ནི་རྣམ་བསྒོམས་ཏེ། །པདྨ་རབ་ཏུ་རྒྱས་པར་བྱ། །ཅི་སྟེ་རྡོ་རྗེ་ཅན་འགྲུབ་འདོད། །དེ་ལྟའི་སྦྱོར་བ་ཀུན་ཤེས་བྱ། །དེ་ནས་འདིར་རྡོ་རྗེ་རྣལ་འབྱོར་མ་རྣམས་ཀྱིས་དགོངས་པ་དཔལ་རྡོ་རྗེའི་གླུས་སྲིད་པ་ཤིན་ཏུ་སྒྲུབ་པ་བླངས་པ། ཀྱེ་གྲོགས་པོ་རྡོ་རྗེས་པདྨ་ཁ་འབྱེད་སད…

པའི་སྒྲུབ་ཐབས་ཏེ་ལེའུ་གསུམ་པའོ།། །།སྒྱུ་འཕྲུལ་ཆེན་མོའི་རྒྱུད་ཅེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཛི་ན་པ་ར་དང་། བོད་ཀྱི་ལོཙྪ་བ་ཆེན་པོ་འགོས་ལྷས་བཙས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།

རྒྱ་གར་སྐད་དུ། བཛྲ་ཨཱ་ར་ལི་མ་ཧཱ་ཏནྟྲ་རཱ་ཛ་ནཱ་མ། བོད་སྐད་དུ། རྡོ་རྗེ་ཨཱ་ར་ལི་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ། ཀྱེའི་རྡོ་རྗེ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པའི་བྷ་ག་ལ་བཞུགས་སོ། །བཅོམ་ལྡན་འདས་ཀྱིས་སངས་རྒྱས་དང་། བྱང་ཆ…

དེ་ནས་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་ཐམས་ཅད་དང་། མི་བསྐྱོད་པ་ལ་སོགས་པ་དེ་བཞིན་གཤེགས་པ་ཐམས་ཅད་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སོགས་པ་རྡོ་རྗེ་བཙུན་མོ་ཐམས་ཅད་དང་། ཛམ་བྷ་ལ་ལ་སོགས་པའི་རྡོ་རྗེ་གནོད་སྦྱིན་ཐམས་ཅད་དང་། དབང་ལྡན་ལ་སོགས་པའི་འབྱུང་པོ་ཐམས་ཅད་དང་། དབང་པོ་ལ་སོགས་པ་རྡོ་རྗེ་ནམ་མཁའ་ལ་གནས་པ་…

ཅི། །རང་གི་སེམས་ནི་བསྐུལ་བའི་ཕྱིར། །གླུ་ནི་སྣ་ཚོགས་ལེན་པ་དང་། །དེ་བཞིན་གར་ནི་སྣ་ཚོགས་ཉིད། །སྣ་ཚོགས་རིམ་གྲོ་བྱེད་པ་དང་། །ལུས་ལ་རྒྱན་ནི་སྣ་ཚོགས་དང་། །དེ་བཞིན་སྣ་ཚོགས་དགའ་བ་ཡི། །གཟུགས་སྒྲ་དེ་བཞིན་དྲི་དང་ནི། །རོ་དང་རེག་བྱ་ཡང་དག་བརྩམ། །དེ་ནས་ལས་རྒྱས་བཀའ་སྩལ་པ། །རེའུ་མིག་བརྒྱད་ནི་བྲིས་ནས་ནི། །རྒྱུད་ཀྱི་སྔ…

འདྲི་བར་བྱའོ། །དེ་ནས་རྡོ་རྗེའི་མཆོད་པ་བཀའ་སྩལ་པ། བས་མཐའ་དང་ནི་དབེན་པ་དང་། །བདག་གི་ཁྱིམ་གྱི་ནང་དུ་ཡང་། །ལོ་ནི་བཅུ་གསུམ་དེ་བཞིན་དུ། །ལོ་ནི་བཅུ་དྲུག་བུ་མོ་དང་། །ཉི་ཤུ་རྩ་ལྔ་མ་མཆོད་བྱ། །བ་དང་དེ་བཞིན་མ་ཧེ་དང་། །སྤྲེའུ་མོ་དང་ཁྱི་མོ་དང་། །བོང་མོ་དེ་བཞིན་རྔ་མོ་དང་། །ཤ་བ་དང་ནི་ར་མ་ཉིད། །ཕག་དང་བ་མན་ལས་བྱུང་བ།…

བར་བྱ། །གྲུབ་ཀྱང་ལྟ་བ་དམན་པ་ནི། །སེམས་ཅན་དོན་བྱེད་སྐྱེས་པ་ཉིད། །སྐལ་བ་ངན་པ་ཞེས་བྱར་བརྗོད། །བྲམ་ཟེ་དམ་ཚིག་རྣམ་པར་སྡང་། །དེ་ནས་སློབ་མའི་དམ་ཚིག་བཀའ་སྩལ་པ། དུལ་བྱེད་བློ་དང་ལྡན་པ་དང་། །བཟོད་ལྡན་དལ་བ་མི་བསླུ་བ། །བླ་མར་གུས་ཤིང་སྙིང་རྗེ་ལྡན། །རྒྱུད་ནི་འདིར་ནི་རབ་ཏུ་བསྔགས། །དེ་ནས་སློབ་དཔོན་གྱི་མཚན་ཉིད་བཀའ་སྩ…

ཡང་དག་བཤད། །ཡན་ལག་ཉེད་སོགས་ཕྱག་རྒྱ་སྟེ། །ལྷ་ཡི་རྣལ་འབྱོར་དམིགས་ནས་ནི། །གང་ཞིག་ཐམས་ཅད་དུ་ནི་གནས། །མང་དུ་བརྗོད་པ་ཅི་ཞིག་བྱ། །གང་ཞིག་འཇིག་རྟེན་བྱ་གནས་པ། །རྡོ་རྗེ་སེམས་དཔའི་གནས་ཐོབ་ཕྱིར། །རྣམ་པར་བཟློག་པས་བྱ་བ་ཉིད། །རི་དགས་ཤོར་སོགས་བྱ་བ་ནི། །འཇིག་རྟེན་དུ་ནི་མི་ཤེས་པས། །མཆོག་ཏུ་རབ་ཏུ་བསྔགས་འགྱུར་བ། །རྣམ་ད…

སྦྱིན་པར་བྱ། །ཤིན་ཏུ་མཛེས་ཤིང་གོས་མཛེས་པ། །བྲིས་སྐུར་གནས་པ་ལེགས་གྲུབ་ཕྱིར། །འདི་ཉིད་ཀྱི་ནི་ཆོ་ག་ཡིས། །གནོད་སྦྱིན་མོ་ནི་དགུག་པར་བྱ། །བྲིས་སྐུ་ཉིད་ནི་གནོད་སྦྱིན་མོ། །སྔ་བར་བྱིན་ནས་འགྲོ་བར་འགྱུར། །དེ་ཡི་རྒྱན་རྣམས་ཐམས་ཅད་ནི། །གང་ཞིག་ཅུང་ཟད་རྒྱན་རྣམས་ཀུན། །སྔ་བ་རུ་ནི་བླང་བར་བྱ། །གལ་ཏེ་འདོད་ན་མཚན་མོ་ལ། །མ…

བཙུན་མོ་བསྲུང་བ་ནི། །གཤིན་རྗེ་མཐར་བྱེད་དུ་ནི་འགྱུར། །ཤེས་རབ་མཐར་བྱེད་དཔུང་གི་མགོན། །པདྨ་མཐར་བྱེད་སྐུ་བསྲུང་བདག། དེ་ཡི་བགེགས་ཀྱི་མཐར་བྱེད་ནི། །དམག་དཔོན་དུ་ནི་བརྗོད་པ་ཡིན། །འདོད་པའི་རྒྱལ་པོ་ཞེས་བྱ་བ། །དེ་ཡི་གཤེད་མའི་བདག་པོ་ཉིད། །དཔལ་ལྡན་དབྱིག་པ་སྔོན་པོ་ནི། །སྒོ་སྲུང་བ་ཡི་བདག་པོ་ཉིད། །ཐམས་ཅད་ལ་ནི་དབང་བ…

འདུལ་བ་ལ་བལྟས་ནས། །སྙིང་རྗེའི་བསམ་པས་རོལ་པར་བྱ། །རྡོ་རྗེ་ཨཱ་ར་ལི་ལས་ཕན་ཡོན་གྱི་ལེའུ་སྟེ་བརྒྱད་པའོ།། །།དེ་ནས་དེ་བཞིན་གཤེགས་པ་ཐམས་ཅད་དང་། གང་ཡང་བྱང་ཆུབ་སེམས་དཔའ་དེ་དག་གིས་ལས་རྣམ་པར་འབྱེད་པ་བསྟན་པར་བྱའོ། །གང་ཞིག་རྒྱུད་གང་དུ་དམ་ཚིག་བྱེད་པ་དེས་ནི་འཇིག་རྟེན་གསུམ་པོ་ཀུན་གྱིས་བསྟོད་པར་འགྱུར་རོ། །གང་ཞིག་རྒྱུ…

སྦྱིན་པ་འདི་ནི་དཔེ་ཙམ་སྟེ། །ཚུལ་ཁྲིམས་ལ་སོགས་འདི་ལྟར་སྤྱད། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་ཨཱ་ར་ལི་ལས་དེ་སྐད་ཅེས་གསུངས་སོ། །རྡོ་རྗེ་ཨཱ་ར་ལི་ལས་རྣལ་འབྱོར་མའི་གོང་ན་མེད་པ་ཞེས་བྱ་བའི་ལེའུ་སྟེ་བཅུ་པ་རྫོགས་སོ།། །།རྒྱ་གར་གྱི་མཁན་པོ་ཀཱ་ཡསྠ་པ་ག་ཡ་དྷ་རའི་ཞལ་སྔ་ནས་དང་། བོད་ཀྱི་ལོཙྪ་བ་དགེ་སློང་ཤཱཀྱ་ཡེ་ཤེས་ཀྱ…

རྒྱ་གར་སྐད་དུ། རི་གི་ཨཱ་ར་ལི་ཏནྟྲ་རཱ་ཛ་ནཱ་མ། བོད་སྐད་དུ། རི་གི་ཨཱ་ར་ལིའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་གི་རྣམ་པའི་ཨེ་བྃ་སྡོམ་པ་ལ་བཞུགས་སོ། །གཉིས་མེད་གཉིས་ཀྱི་རྣལ་འབྱོར་གྱི། །ཨཱ་ར་ལི་དང་རི་གིར་བརྟགས། །རི་གི་རྣལ་འབྱོར་…

དང་། །དམར་མོ་རུ་ནི་ཡོངས་སུ་གྲགས། །ཞལ་གཅིག་མ་ནི་ཕྱག་གཉིས་དང་། །གཡས་ན་ཆུ་གྲི་འཛིན་མ་སྟེ། །གཡོན་ན་རྣལ་འབྱོར་ལྷུང་བཟེད་ཉིད། །གཅེར་བུ་མགོ་སྐྱེས་གྲོལ་བའོ། །ཨཱ་ར་ལི་ཡི་སྐུ་མདོག་གནག། སྤྱན་གསུམ་ཕྱག་དྲུག་ཨཱ་ར་ལི། །རི་གི་སྔོན་མོ་སྤྱན་གསུམ་མ། །ཕྱག་གཉིས་ཞགས་པ་ལྕགས་ཀྱུ་འཕྱར། །རྡོ་རྗེ་ར་ལིའི་ཕྱག་གཉིས་ཀྱིས། །རི་གི་…

སྟོང་པ་ཉིད་ནི་བསྒོམས་ནས་ནི། །ཧཱུྃ་ནི་སྙིང་གར་བསྒོམ་པར་བྱ། །ཧཱུྃ་ལས་སྣ་ཚོགས་རིགས་བདག་ཡིན། །རྡོ་རྗེ་ལས་ནི་ཨཱ་ར་ལི། །འབྱུང་བ་ཉིད་དུ་འགྱུར་བ་ཉིད། །མང་དུ་བརྗོད་པས་ཅི་ཞིག་བྱ། །ཨེ་བྃ་རྣམ་པ་ཆེས་གསང་བར། །སངས་རྒྱས་རིན་ཆེན་གབ་ཙེར་ནི། །རྫོགས་པའི་དཀྱིལ་འཁོར་དུ་ནི་འགྱུར། །ཨོཾ་ཨཱ་ར་ལི་རི་གི་བྷྲཱི་བྷྲཱི་བྷྲཱི་བྷྱོ་…

བྱ་སྟེ། དགྲ་བོའི་དྲི་མས་གཟུགས་བརྙན་བྱ། །དེ་ཡི་སྐྲ་ཡིས་དཀྲི་བར་བྱ། །ཚ་བ་གསུམ་གྱིས་ཁ་བཀང་ནས། །གཟུགས་བརྙན་ཁ་རུ་གཞག་པར་བྱ། །ཨོཾ་ཨཱ་ར་ལི་མ་མེ་ཨ་མུ་ཀྃ་ཀྃ་ཀྃ་ས་ར་ཡ་ཕཊ་ཕཊ་ཕཊ་སྭཱ་ཧཱ། དབང་དུ་བྱ་བ་ལ། བདག་གི་གཡོན་པའི་མིག་ཏུ་ནི། །ཨེ་བྃ་རྣམ་པར་བསྒོམ་པར་བྱ། །དེ་ཡི་གཡས་པའི་མིག་ཏུ་ནི། །རྡོ་རྗེ་འཕྲོ་བའི་རྣམ་པ་བསྒོམ། …

རི་གི་སྔགས་ཀྱི་གདོན་པ་ནི། །རིམ་པ་ཡིས་ནི་མཚོན་པར་བྱ། །རང་གི་སྙིང་ལས་འོད་ཟེར་བྱུང་། །ལྕགས་ཀྱུའི་ཕྱག་རྒྱར་རབ་སྦྱོར་བས། །ཕྱོགས་བཅུར་རྣམ་པར་བཞུགས་པ་ཡི། །རྫོགས་པའི་སངས་རྒྱས་དེས་བཀུག་ནས། །ཆོ་གས་འདོད་པས་མཆོད་ནས་ནི། །དབང་ནི་བློ་དང་ལྡན་པས་བླང་། །ཨོཾ་སརྦ་ཏ་ཐཱ་ག་ཏ་ཌཱ་ཀི་ནྱཱ་ནུ་ག་ཏ་མ་ཧཱ་ཨ་བྷི་ཥེ་ཀཱ་ནུ་དྷ་ནུ་ཞེས།…

བྱ། །རང་གི་མཚན་མ་རང་གིས་སྟོན། །རིལ་བུ་མིག་སྨན་ལ་སོགས་པ། །མཆོག་ནི་རབ་ཏུ་སྨིན་པར་འགྱུར། །ཨཱ་ར་ལི་ཡིས་ལྷ་མོར་ཞུས། །ཡེ་ཤེས་དམ་པ་ཇི་ལྟར་ལགས། །གང་གིས་རྣམ་པར་ཤེས་ཙམ་གྱིས། །སྒྲུབ་པོ་དངོས་གྲུབ་ཐོབ་འགྱུར་བ། །འབྲས་ཕྱིར་བྱང་ཆུབ་ཐོབ་འགྱུར་བའི། །ཏིང་འཛིན་ལྷ་མོ་རི་གི་སྟེ། །མཆོག་ཏུ་བདེ་བ་ཆེན་པོ་ཉིད། །སྲུབ་དང་སྲུབ་བ…

དེ་ནས་རྣལ་འབྱོར་པ་ཆེན་པོ། །ཨཱ་ར་ལི་ནི་ཉིད་ཀྱིས་ནི། དམ་དུ་འཁྱུད་པར་འོ་མཛད་པས། །རི་གི་ལ་ནི་གུས་པས་ཞུས། །ཨེ་བྃ་མ་ཡཱ་ཅི་ཞིག་བཤད། །ཨེ་ཡི་རྣམ་པས་ས་རུ་བཤད། །བྃ་གི་རྣམ་པ་དེ་བཞིན་ཆུ། །མ་ནི་མེ་ཞེས་བྱ་བར་བརྗོད། །ཡཱ་ཡི་རྣམ་པ་རླུང་དུ་གསུངས། །རི་གི་སྡོམ་པ་ཅི་ཞིག་བཤད། །རི་གིས་བཀའ་སྩལ་པ། རི་གི་མཁའ་འགྲོ་མར་ནི་གསུང་།…