མོ་ཧེ་བཛྲ་ཡེ། ཀྱེ་ཡི་རྡོ་རྗེའི་རྒྱ་གཞུང་འདི་དག་ནི། །རྒྱ་བོད་མཁས་གྲུབ་ཀུན་གྱི་ཐུགས་ཀྱི་བཅུད། །བཤད་རྒྱུད་རྡོ་རྗེ་གུར་ནས་གསུངས་པ་ཡི། །མཚན་ནི་པདྨ་མཁའ་འགྲོ་ཞེས་བྱ་བའི། །སངས་རྒྱས་འོད་དཔག་མེད་ཀྱི་སྒོམ་བཟླས་ནི། །དགྱེས་རྡོར་རྒྱུད་ལ་འབྲེལ་བ་བཞག་ནས་ཀྱང་། །བདེ་བ་ཅན་དུ་སྐྱེ་བའི་གདམས་པ་ཟབ། །འདི་ལ་གཙོ་རྐྱང་དཀྱིལ་འ…

ཧཱུཾ་ཡིག་ལས། །དམ་ཡེ་དབྱེར་མེད་སྐད་ཅིག་དྲན་རྫོགས་སུ། །པདྨ་མཁའ་འགྲོ་དམར་ནག་དཀར་བའི་ཞལ། །རྒྱབ་ཞལ་ཁམས་ནག་སྟེང་ཞལ་དུ་བའི་མདོག །བཅུ་དྲུག་ཕྱག་གིས་ཐོད་པ་འཛིན་པའི་ནང་། །དོམ་དང་བྱ་རྒོད་བསེ་དང་བ་མེན་དང་། །སྟག་སྤྲེའུ་ཆུ་སྲིན་ནཱ་ཀྲ་ཅེ་སྤྱང་གཡས། །ཁྭ་དང་འུག་པ་བྱ་དཀར་སེང་གེ་དང་། །ས་ར་ས་ར་ཀྲིཥྛ་ཕག་རྣམས་གཡོན། །རྩ་ཞལ་…

སྱ། ལ་སྱ། གཱིརྟི། ནི་ཏེ། པུ། དྷུ་པེ། དཱི་པེ། གནྡྷེ། རཱུ་པ། རཱ་ས། སྤུནྟེ། དྷམཱདྷ་ཏུ་པྲ་ཏིཙྪ་སྭཱ་ཧཱ། འགྲོ་ལ་ཆགས་པ་གཟིགས་གཟིགས་ནས། །ཆགས་པ་ཐམས་ཅད་ཟད་མཛད་པ། །རྟ་མགྲིན་རྒྱལ་པོ་ཆེན་པོ་སྟེ། །རྡོ་རྗེ་ཆགས་ལ་ཕྱག་འཚལ་བསྟོད། །འདི་ལྟར་སྒོམ་བཟླས་བྱས་པ་ཡི། །བསོད་ནམས་དགེ་བ་གང་ཐོབ་དེས། །འདི་ནས་ཚེ་འཕོས་གྱུར་མ་ཐག་། བདེ…

བཟོད། །མཐོ་རིས་བདེ་སྐྱིད་རྨི་ལམ་ཙམ། །རིགས་དྲུག་སྡུག་བསྔལ་འཁོར་ལོ་འཁོར། །འཁོར་བའི་རྒྱ་མཚོ་གཏིང་རེ་ཟབ། །ཐར་དུས་མེད་པ་ཡ་རེ་ང་། །སྐྱེ་རྒ་ན་འཆིའི་རྦ་རླབས་འཁྲུགས། །ལན་གྲངས་བྱེ་བ་དུང་ཕྱུར་དུ། །ཡང་ཡང་སྐྱེ་ཞིང་ཡང་ཡང་འཆི། །འདི་ལས་ཇི་ལྟར་ཐར་ན་བསམ། །བདེ་ཆེན་ཞིང་དུ་སྐྱེས་པ་ན། །དེ་ལས་ཐར་ཞིང་རྟག་ཏུ་བདེ། །ཐེག་དམན་མ…

ཆེན་མང་པོའི་ཐུགས་བཅུད་དེ། །རྒྱུད་སྡེ་ཀུན་གྱི་སྙིང་པོའི་བཅུད། །ཡང་སྙིང་འཁོར་ལོ་སྡོམ་པར་གྲགས། །དེ་ལ་འབྲེལ་པ་བཞག་ནས་ཀྱང་། །བདེ་བ་ཅན་དུ་སྐྱེ་བའི་ཐབས། །ཟབ་ལ་རྒྱ་ཆེ་མཚུངས་པ་མེད། །འདི་ཉིད་ཨ་བྱཱ་ཀ་ར་ཡི། །དགོངས་པ་ཇི་བཞིན་རྡོར་ཕྲེང་ནས། །ཁོལ་དུ་ཕྱུངས་ཏེ་བཀོད་པ་ནི། །པདྨ་མཁའ་འགྲོ་ཞེས་བྱ་བ། །བདེ་མཆོག་སྣང་བ་མཐའ་ཡས…

ཕྱག་རྒྱ་དྲུག་གིས་སྤྲས། །རྡོ་རྗེ་སྐྱིལ་ཀྲུང་དར་དང་རིན་ཆེན་བརྒྱན། །ཡུམ་མཆོག་པདྨ་ཌཱཀི་སྐུ་མདོག་དམར། །པདྨ་ཐོད་ཁྲག་འཛིན་ཅིང་ཡབ་ལ་འཁྱུད། །གཅེར་བུ་སྐུ་གྲོལ་ཕྱག་རྒྱ་ལྔ་ཡིས་བརྒྱན། །ཡབ་ཡུམ་སྐུ་ལས་ཡེ་ཤེས་མེ་དཔུང་འབར། །གཉིས་ཀ་སྤྱན་གསུམ་ཅུང་ཟད་ཞི་མ་ཁྲོ། །རིགས་བདག་འོད་དཔག་མེད་ཀྱིས་དབུ་བརྒྱན་ཞིང་། །ཐུགས་ཀར་རང་འདྲའ…

ཀྱང་། །ཐབས་ཀྱིས་ཁྲོ་བོའི་སྐུར་སྟོན་གདུག་པ་འདུལ། །ཆེ་བའི་ཆེ་མཆོག་ལྷ་ཡི་ལྷར་གྱུར་པ། །སྣང་མཐའ་ཧེ་རུ་ཀ་ལ་ཕྱག་འཚལ་བསྟོད། །འདི་ལྟར་སྒོམ་བཟླས་བྱས་པའི་བསོད་ནམས་ཀྱིས། །མི་གཙང་ལུས་འདི་བོར་བར་གྱུར་མ་ཐག །བདེ་བ་ཅན་དུ་བརྫུས་ཏེ་སྐྱེ་བར་ཤོག །སྐྱེས་མ་ཐག་ཏུ་ས་བཅུ་རབ་བགྲོད་ནས། །སྤྲུལ་པས་ཕྱོགས་བཅུར་གཞན་དོན་བྱེད་པར་ཤོག …

ཕྱིན་གྱིས། །རང་དང་གཞན་ལ་ཕན་པའི་སེམས་བསྐྱེད་ཀྱིས། །མེ་ཕོ་རྟ་ལོ་ས་ག་ཟླ་བ་ཡི། །དམར་པོའི་ཚེས་དྲུག་འགྲུབ་སྦྱོར་ལྡན་པ་ཡི། །དགོང་མོ་དབང་གི་དུས་ཀྱི་ཐུན་སྐབས་བྲིས། །འདི་ལ་མ་དག་འགལ་འཁྲུལ་ཉེས་པའི་ཚོགས། །མཆིས་ན་ཡུལ་ཆེན་ཉི་ཤུ་རྩ་བཞི་ཡི། །དཔའ་བོ་མཁའ་འགྲོ་རྣམས་ཀྱི་དྲུང་དུ་བཤགས། །དགེ་བས་མཐོང་ཐོས་དྲན་རེག་འགྲོ་བ་ཀུན།…

ཡིད་བཞིན་ནོར་བུ་ལྟ་བུའི་གདམས་པ་བསྟན། །ཨ། ཆོས་རྣམས་འོད་གསལ་སྣང་སྟོང་ཟུང་དུ་འཇུག །དེ་ཡི་རང་མདངས་དམ་ཡེ་དབྱེར་མེད་པའི། །རང་ཉིད་གསང་བ་འདུས་པ་འོད་དཔག་མེད། །པདྨ་རཱ་གའི་མདོག་ཅན་མཚན་དཔེ་རྫོགས། །དམར་ནག་དཀར་བའི་ཞལ་གསུམ་ཕྱག་དྲུག་པ། །དབུ་སྐྲ་ཐོར་ཚུགས་རིགས་བདག་འོད་དཔག་མེད། །ཕྱག་གཡོན་དང་པོས་དྲིལ་བུ་དང་བཅས་པའི། །པད…

ཐུགས་ཀར་ཡེ་ཤེས་སེམས་དཔའ་རང་འདྲ་བའི། ཐུགས་ཀར་ཟླ་བའི་དཀྱིལ་འཁོར་ཉ་གང་བའི། །ཏིང་འཛིན་སེམས་དཔའ་ཨ་ཡིག་སྔགས་གཡས་བསྐོར། །དེ་ལས་འོད་ཟེར་ཕྱོགས་བཅུར་འཕྲོས་པ་ཡིས། །རང་འདྲའི་སྤྲུལ་པ་དཔག་མེད་འཇིག་རྟེན་གང་། །སངས་རྒྱས་རྣམས་མཆོད་འགྲོ་ཀུན་སྨིན་གྲོལ་མཛད། །ཐམས་ཅད་ཚུར་འདུས་རང་གི་ཐུགས་ཀར་ཐིམ། །སླར་ཡང་ཐུགས་ལས་རིག་མ་བཅུ་ད…

དུ། །ལུང་བསྟན་པ་ཡང་བདག་གཞན་དེར་ཐོབ་ཤོག །བདག་ལ་ཕྱི་མ་ཕན་ཆད་ཀྱིས། །རེ་ལྟོས་བཅས་པའི་མི་ཁྱོད་ཉོན། །སངས་རྒྱས་ཀུན་ཀྱང་སེམས་ཅན་གྱི། །སྡུག་བསྔལ་ཕྱག་གིས་མི་སེལ་ཞིང་། །སྡིག་སྒྲིབ་ཆུ་ཡིས་མི་བཀྲུ་སྟེ། །ཐབས་ནི་ཟབ་མོ་བསྟན་པ་ཡིས། །སེམས་ཅན་སྒྲོལ་བར་མཛད་ཅིང་གསུངས། །གང་ཕན་བཤད་པ་བླ་མ་ཡིན། །གང་སྨྲས་ཉན་པ་སློབ་མ་ཡིན། །བཤ…

དུ། །འབྲེལ་པ་སྣ་རེ་བཞག་པ་ན། །བདེ་བ་ཅན་དུ་སྐྱེ་བའི་ཐབས། །དགེ་བའི་རྩ་བ་བཟང་པོ་ཡིན། །ངན་ངོན་ཙམ་ནི་མ་ཡིན་ནོ། །ཁྱད་པར་ཕ་རྒྱུད་གསང་འདུས་འདི། །ཀུན་གྱིས་སྤྱི་བོར་བཀུར་བ་ལ། །སུས་ཀྱང་ཐེ་ཚོམ་སྨྲས་པ་མེད། །དེ་ཕྱིར་བསླད་མེད་གསེར་བས་འཕངས། །ཞིང་ཁམས་དེ་རུ་སྐྱེ་འདོད་ན། །རབ་ཏུ་རྒྱུན་ཁྱེར་བྱ་བའམ། །མིན་ཀྱང་འབྲེལ་བ་སྣ་རེ…

ནི། །ཚེ་དང་བསོད་ནམས་འཕེལ་ཞིང་རྒྱས་པ་དང་། །ཕྱི་མ་བདེ་བ་ཅན་གྱི་ཞིང་དུ་སྐྱེ། །འདི་ཡི་ཕན་ཡོན་ཡོངས་སུ་རྫོགས་པ་ནི། །སངས་རྒྱས་ཀུན་གྱིས་བཤད་ཀྱང་མི་རྫོགས་གསུངས། །འདི་ཉིད་ཉམས་སུ་བླངས་བའི་བསོད་ནམས་ནི། །སངས་རྒྱས་ཀུན་གྱི་བསོད་ནམས་དང་མཉམ་གསུངས། །འདི་ནི་རྣལ་འབྱོར་རྒྱུད་ནི་ཡིན་ན་ཡང་། །བླ་མེད་རྒྱུད་ལྟར་དྲན་རྫོགས་བསྒ…

ཞི་འཛུམ་ཕྱག་གཉིས་མཉམ་གཞག་གིས། །འཆི་མེད་བདུད་རྩིས་གང་བའི་བུམ་པ་བསྣམས། །མཚན་དང་དཔེ་བྱད་དར་དང་རིན་ཆེན་བརྒྱན། །རྡོ་རྗེའི་སྐྱིལ་མོ་ཀྲུང་གིས་བཞུགས་པ་ཡི། །འོད་སྐོར་ནང་དུ་པུཎྱའི་སྔགས་ཕྲེང་དང་། །ཐུགས་ཀར་ཟླ་སྟེང་ཧཱུྃཡིག་དམར་པོའི་མཐར། །སྔགས་ཕྲེང་གཡས་སུ་འཁོར་བའི་འོད་ཟེར་གྱིས། །རྒྱལ་བ་ཀུན་མཆོད་འགྲོ་དྲུག་སྒྲིབ་པ་…

ཞིང་མཆོག་དེ་རུ་སྐྱེ་བར་ཤོག །རྩ་རིག་འདི་ཉིད་བདུན་ནམ་གསུམ། །དེ་ནས་སྙིང་པོ་འབྲུ་བཞི་ལ། །རྒྱུན་དུ་བསྙེན་པ་ཅི་ནུས་འབད། །རྩ་རིག་ནི། ཨོཾ་པུཎེ་པུཎྱེ་མ་ཧཱ་པུཎྱེ་ཨ་པ་རི་མི་ཏ་པུཎྱེ་ཛྙཱ་ན་སཾ་བྷཱ་རོ་པ་ཙི་ཏེ་སྭཱ་ཧཱ། སྙིང་པོ་ནི། ཨོཾ་ཧཱུཾ་སྭཱ་ཧཱ། དེ་ནས་ཉམས་ལེན་སེམས་ངོའི་ངང་ལ་བཞག །སེམས་ངོའི་ངང་ནས་བཟླས་ཀྱང་ཤིན་ཏུ་ལེག…

དགེ་བས་མཐོང་ཐོས་དྲན་རེག་འགྲོ་བ་ཀུན། །བདེ་བ་ཅན་དུ་བརྫུས་ཏེ་སྐྱེ་བར་ཤོག །མངྒ་ལཾ། ༼ཏ༽༈ །།གསུང་རྡོ་རྗེ་འཇམ་དབྱངས་དམར་པོ་འོད་དཔག་མེད་ཀྱི་སྒོམ་བཟླས་བདེ་ཆེན་ཞིང་གི་ལམ་སྒྲོན་མ་རིག་མུན་སེལ་བཞུགས་སོ། །༄༅། །ན་མོ་ཨ་མི་ཏ་བྷ་ཡ། བཅོམ་ལྡན་རྒྱལ་བ་འོད་དཔག་མེད་པ་འདི། །གསར་རྙིང་མདོ་རྒྱུད་ཀུན་ནས་རྒྱ་ཆེར་གསུངས། །འོན་ཀྱང་…

ཡིག་ལས་བྱུང་བའི། །རྡོ་རྗེ་སྔོན་པོ་རྩེ་ལྔའི་རྭ་རྩེ་ལ། །ཨཡིག་དམར་པོ་ལྗགས་རྩེར་ཧཱུྃཡིག་མཚན། །འོད་ཟེར་འཕྲོས་པས་ཕྱོགས་བཅུའི་རྒྱལ་བ་རྣམས། །མཆོད་པས་མཉེས་ནས་དེ་དག་ཐམས་ཅད་ཀྱང་། །རང་འདྲའི་འོད་དཔག་མེད་ཀྱི་སྐུར་གྱུར་ནས། །བུ་ཡུག་འཚུབ་བཞིན་བྱོན་ནས་རང་ལ་ཐིམ། །འོད་ཟེར་འཕྲོས་པས་འགྲོ་དྲུག་སྒྲིབ་པ་སྦྱངས། །འོད་དཔག་མེད་…

ཚྭ། ཉེ་སྙིང་ནི། ཨོ་དྷིསྭཱ་ཧཱ། དེ་ནས་དམིགས་མེད་སྟོང་པའི་ངང་ལ་བཞག །སེམས་ངོ་སྐྱོང་བའི་ངང་ནས་བཟླས་ཀྱང་ལེགས། །ཁྱེད་ཅག་བན་ཆུང་ན་སོ་གཞོན་པ་རྣམས། །ཤེས་རབ་ཆེ་ཞིང་ཡོན་ཏན་མཁས་འདོད་ན། །འཇམ་དབྱངས་དམར་པོ་འདི་ཉིད་ཉམས་སུ་ལོངས། །འཆི་བདག་གཤིན་རྗེ་ཨ་ཉོག་ཐེབས་མེད་ཅེས། །གཅེས་སྤྲས་བྱེད་ནས་བསྒྱུར་ངེས་མི་གདའ་བས། །གལ་ཏེ་གཞོ…

འགྲོ་ལྷ་མ་ཡིན། །གནོད་སྦྱིན་འབྱུང་པོ་སྲིན་པོ་ཤ་ཟ་དང་། །ལུས་སྲུལ་པོ་དང་བརྗེད་བྱེད་སྦལ་སྤྲུལ་དང་། །ཁྱི་དང་ཝ་དང་སྤྲེའུ་བྱ་རྒོད་དང་། །གཅན་གཟན་འབུ་སྲིན་སྐྱེ་བའི་སྐྱེ་སྒོ་ཆོད། །ཚེ་འདིར་ཚེ་དང་བསོད་ནམས་ཡོན་ཏན་འཕེལ། །སྨན་པས་བོར་བའི་ནད་ཀྱང་སོས་གྱུར་ནས། །ནད་རྣམས་ཀུན་ཞི་བཀྲ་ཤིས་བདེ་ལེགས་འཕེལ། །གཤིན་རྗེའི་རྒྱལ་པོ…

དཔག་མེད་པ་འཛིན། །གསུམ་པས་མདའ་དང་བཞི་པས་མཆོག་སྦྱིན་མཛད། །གཡོན་གྱི་དང་པོས་སྡིགས་མཛུབ་ཞགས་པ་འཛིན། །གཉིས་པས་གཞུ་དང་གསུམ་པས་སྐྱབས་སྦྱིན་མཛད། །ཐ་མས་བུམ་པ་པང་དུ་འཛིན་པའོ། །དར་དང་རིན་ཆེན་རྒྱན་ཆ་དུ་མས་བརྒྱན། །པད་ཟླའི་སྟེང་ན་རྡོ་རྗེའི་སྐྱིལ་ཀྲུང་གིས། །མཆོད་རྟེན་ནང་བཞུགས་འོད་ཟེར་དཀར་པོ་འཕྲོ། །རྣམ་སྣང་དབུ་རྒྱུན…