༄༅། །ཞི་ཁྲོའི་ཀློང་བཤགས་བརྗོད་པ་རང་གྲོལ་གྱི་འབྲུ་ནོན་གྱི་འགྲེལ་བཤད་ཉམས་ཆག་དྲི་མ་དག་བྱེད་ཡེ་ཤེས་བདུད་རྩིའི་ཆུ་རྒྱུན་ཞེས་བྱ་བ་བཞུགས་སོ།། ༄༅།། ན་མོ་གུ་རུ་བཛྲ་དྷ་ར་ཡ། སྐྱེ་མེད་རང་བྱུང་གདོད་ནས་སྟོང་པ་ཆོས་ཁམས་རྣམ་དག་ཀུན་ཏུ་བཟང་མོ་ཡུམ། །འགགས་མེད་འོད་གསལ་ལྷུན་གྲུབ་སྣང་བ་ཡིད་ཆོས་རྣམ་དག་ཀུན་ཏུ་བཟང་པོ་ཡབ། །གཉི…

བཞི་བ་གཞུང་གི་ས་བཅད་བསྟན་པ་ནི། འདི་ལ་དྲུག་སྟེ་བརྗོད་མེད་དོན་བཤགས་དང་༔ ཞི་བའི་ཀློང་བཤགས་ཁྲོ་བོའི་ཀློང་བཤགས་དང་༔ ལྟ་བའི་ཀློང་བཤགས་རུ་དྲའི་སྨེ་བཤགས་དང་༔ བདེ་གཤེགས་སྤྱི་བཤགས་རྣམ་པ་དྲུག་གིས་བསྟན༔ ཅེས་པ་སྟེ། གཞུང་འདིར་དེ་ལྟ་བུའི་ས་བཅད་རྣམ་པ་དྲུག་ཏུ་ཕྱེས་པའི་སྒོའི་བསྟན་ལ། དོན་གོ་སླའོ།། དེ་ཡང་དང་པོ་བརྗོད་མེ…

རྩ་བའི་ས་བཅད་གསུམ་པ་མཇུག་གི་དོན་ལ་ནི་གཉིས་ཏེ། ཆོས་འདི་ལ་ཕྱི་རབས་ཀྱི་གང་ཟག་གིས་བརྩོན་པ་བསྐྱེད་པར་བསྐུལ་ཞིང་དེ་ལ་འཕྲད་པར་སྨོན་ལམ་བཏབ་པ་དང་། མཇུག་བྱང་དངོས་སོ། །དང་པོ་ནི། བསྐང་བཤགས་ཉམས་ཆག་རང་གྲོལ་ཆ་རྐྱེན་དུ༔ ཞི་ཁྲོའི་ཀློང་བཤགས་བརྗོད་པ་རང་གྲོལ་བསྟན༔ འདི་ལ་བརྩོན་པར་གྱིས་ཤིག་ཕྱི་རབས་བུ༔ མ་འོངས་ལས་འཕྲོ་ཅན་ད…

བར་དོའི་ངོ་སྤྲོད་མདོ་ཙམ་བརྗོད་པ་བཞུགས་སོ། །

ན་མོ་གུ་རུ། བར་དོའི་ངོ་སྤྲོད་མདོ་ཙམ་ནི། འདི་སྐད་ཅེས་བྱ་སྟེ། འཇིག་རྟེན་ཕ་རོལ་དུ་དུས་ལས་འདས་པ་ཆེ་གེ་མོ་ཞེས་བྱ་བ་ཉོན་ཅིག །སྤྱིར་སྐྱེས་པའི་ཐ་མ་ནི་འཆི། འདུས་པའི་ཐ་མ་ནི་འབྲལ། འདུས་བྱས་མི་རྟག་པའི་རང་བཞིན་ཡིན་ཞིང༌། ཁྱད་པར་དུ་འདི་ཞེས་བྱ་བ་ཁྱོད་ཀྱང༌། སྔོན་གྱི་ལས་ཟད་པའམ་འཕྲལ་གྱི་རྐྱེན་དྲག་པོ་ལ་བརྟེན་ནས་མདང་ཞག་…

ནས་ཀྱང་དགེ་བ་ལ་འདུན་པ་བསྒྱུར་བ་གལ་ཆེ། འདུན་པ་དེ་ཡང་གནས་ལུགས་ངང་:མུ་[དུ]་འབྱོར་བ་གལ་ཆེའོ། །འདིར་བར་དོའི་གདམས་ངག་བསྟན་པ་ལ། བར་དོའི་མཚན་ཉིད། བར་དོའི་རྟགས། བར་དོའི་སྣང་བ། དེར་གདམས་ངག་ཇི་ལྟར་སྒོམ་པའི་ཚུལ། དེ་ལས་གནས་ལུགས་ངོ་འཕྲོས་ནས་གྲོལ་བའི་ཚུལ་ཏེ་ལྔའོ། །དང་པོ་བར་དོའི་མཚན་ཉིད་ནི། ཆོས་མངོན་པ་མཛོད་ལས། སྔོན…

ཟིན་ལ་མི་ཟེར། རྒྱ་སྐད་དུ་པུརྦ་ཞེས་བྱ་བ་སྔོན་དང་ཤར་དང་མདུན་གསུམ་ལ་འཇུག་པ་ལས། འདིར་ལོ་ཙཱ་བས་སྔོན་ཞེས་པར་བསྒྱུར་ཡང༌། དོན་ལ་མདུན་ཡིན་པས་ད་ཕྱིན་ཆད་ཡོང་རྒྱུའི་དོན་ཡིན་ལ། དེ་ཡང་གནས་སྐབས་གཞན་དུ་བར་མ་ཆོད་པར་འཕྲལ་དུ་འབྱུང་རྒྱུ་ལ་ཟེར་བ་ཡིན་ནོ། །དེ་ལ་ལུས་ཀྱི་རྣམ་པ་དབྱིབས་ཀྱི་ཁྱད་པར་ནི། གང་དུ་སྐྱེ་བ་ལེན་པར་འགྱུར…

དང་རིགས་མཐུན་པའི་བར་དོ་ནང་ཕན་ཚུན་གྱིས་མཐོང༌། གནས་རིགས་མི་མཐུན་པའི་བར་དོ་དང༌། འགྲོ་བ་རིགས་དྲུག་གི་སེམས་ཅན་མངོན་ཤེས་མ་ཐོབ་པ་རྣམས་ཀྱིས་མི་མཐོང༌། ལྷའི་མིག་གི་མངོན་ཤེས་སྐྱོན་བཅུ་གཅིག་དང་བྲལ་བས་མཐོང་ལ། དེ་ལས་གཞན་པའི་མངོན་ཤེས་ཡོད་ཀྱང་མི་མཐོང་ངོ༌། །ཤུགས་ཀྱི་ཁྱད་པར་ནི། ལས་ཀྱི་རྫུ་འཕྲུལ་དང་ལྡན་ཞེས་བྱ་སྟེ། ཆོ་…

དབང་པོ་ཡིན་ནོ། །རག་པའི་ཁྱད་པར་ནི། གང་དུ་སྐྱེ་བ་ལེན་པར་འགྱུར་བའི་སྐྱེ་གནས་མ་གཏོགས། རི་ར་བ་སོགས་ཐོགས་བཅས་ཀྱི་དངོས་པོ་གང་ལ་ཡང་ཐོགས་པ་མེད་པར་འཇུག་སྟེ་ཤིན་ཏུ་དྭངས་བའི་ལུས་ཡིན་པས་སོ། །ཟས་ཀྱི་ཁྱད་པར་ནི། དྲི་ཟ་བ་སྟེ་དྲི་ཚོར་བས་ཚིམ་པ་དང༌། ཚེ་རྒྱས་པ་དང་འཚོ་བར་འགྱུར་བ་ཡིན་ནོ། །ཆོ་ག་ཇི་ལྟ་བས་བྱིན་གྱིས་བརླབས་ཤིང…

དེ་ལས་ལྷག་པ་མེད་པར་བཤད། ཞག་བདུན་ལོན་ནས་ཀྱང་སྐྱེ་བའི་ཚོགས་པ་མ་རྙེད་ན། བར་དོའི་ལུས་སྔ་མའི་ཚེ་ཟད་དེ་ཤི་ནས། ཡང་བར་དོའི་ལུས་ཕྱི་མ་ཞིག་འགྲུབ། ཚུལ་དེ་ལྟ་བུས་བདུན་ཕྲག་བདུན་གྱི་བར་དུ་སྐྱེ་སྲིད་ཀྱི་ཚོགས་པ་མ་རྙེད་པ་ཡང་སྲིད། དེ་ནས་ངེས་པར་རྙེད་པས་དེ་བས་ལྷག་པ་མེད་པར་གྲགས་ཏེ་ཤས་ཆེ་བའི་དབང་དུ་བྱས་པ་ཡིན་ནོ། །གཉིས་པ་…

དོའི་སྐབས་འདིར་འབྱུང་བ་ཕྲ་མོའི་ས་ཁམས་ལོག་པས་རི་ཞིག་པ་ལྟ་བུའི་སྒྲ་དང༌། ཆུ་ལོག་པས་རྒྱ་མཚོ་འཁྲུགས་པ་ལྟ་བུའི་སྒྲ་དང༌། མེ་ལོག་པས་ནགས་ཚལ་མེས་བསྲེགས་པ་ལྟ་བུའི་སྒྲ་དང༌། རླུང་ལོག་པས་ཡུལ་ཐམས་ཅད་གཡོ་བ་དང་ལྷན་ཅིག་ཏུ་འབྲུག་སྒྲ་ལྟ་བུའི་སྒྲ་འབྱུང༌། སྒྲ་དེ་དག་ལ་བརྟེན་ནས་འཇིགས་པ་དང་སྡུག་བསྔལ་སྣ་ཚོགས་པ་སྐྱེ་བའོ། །ངེས…

འགྱུར་ཞིང་འགྲོ་བ་དང༌། བྱ་སྤུ་རླུང་གིས་བསྐྱོད་པ་ལྟར་ཆོད་ཆོད་པ་ཡོད་དོ། །གཞན་ཡང་གཅན་གཟན་མ་རུངས་པས་བདས་པ་དང༌། ལས་ཀྱི་རྡེའུ་དཀར་ནག་འགྲེམས་པ་དང༌། ཁ་ཆར་བུ་ཡུག་ལ་སོགས་པས་བདས་ནས་སྐྱབས་འཚོལ་བ་དང༌། གཤིན་རྗེའི་སྐྱེས་བུས་འཁྲིད་པ་ལ་སོགས་པ་ཕལ་ཆེར་འཇིགས་སྐྲག་གི་སྣང་བ་ཤས་ཆེ་བའི་འཁྲུལ་སྣང་བརྗོད་ཀྱི་མི་ལང་བ་ཞིག་ཡོང་སྟ…

འཁྲུལ་པ་ཁོ་ན་ཡིན་པས། ཚ་བའི་སྣང་བ་ཤར་ཀྱང་འཇིགས་སྐྲག་མ་བྱེད། གྲང་བ་ལ་ཆགས་པ་དང་འདུན་པ་བྱེད་མི་ཉན། གྲང་བའི་སྣང་བ་ཤར་ཀྱང་དེ་ལ་འཇིགས་སྐྲག་དང་སྡུག་བསྔལ་མ་བྱེད། དྲོ་བ་ལ་སྨོན་པ་དང་ཆགས་སུ་མི་རུང༌། རང་བུད་མེད་ཀྱི་སྣང་བར་ཤར་ཏེ་སྐྱེས་པ་ལ་ཆགས་པ་དང༌། བུད་མེད་ལ་སྡང་བའི་སེམས་མ་བྱེད། དེ་བཞིན་དུ་རང་སྐྱེས་པའི་སྣང་བར་ཤར…

ཐེབས་ཏེ་ངན་སོང་གསུམ་དུ་སྐྱེ་བར་ཐེ་ཚོམ་མེད། དད་པ་དང་སྙིང་རྗེ་ལ་སོགས་པ་དགེ་བའི་སེམས་བསྐྱེད་ན། སྔར་གྱི་དགེ་བ་རྣམས་གསོས་ཐེབས་ནས་རབ་ཏུ་ད་ལྟ་གྲོལ་བར་འགྱུར་ཞིང༌། ཐ་མ་ཡང་མཐོ་རིས་སུ་འགྲོ་བར་ཐེ་ཚོམ་མེད་དོ། །དེས་ན་ཁྱེད་རང་རྫས་དང་ཡོ་བྱད་ཉེ་དུ་སོགས་གང་ལ་ཡང་མ་ཆགས་པ་སེར་སྣའི་བློ་མ་བྱེད། འདི་རྣམས་ལ་ཆགས་ཞེན་བྱས་ཀྱང་…

ཅིག །གཟུགས་སུ་སྣང་ཚད་བླ་མའི་སྐུ། སྒྲ་གྲག་ཚད་བླ་མའི་གསུང༌། དྲན་རིག་རྣམ་རྟོག་ཐམས་ཅད་བླ་མའི་ཐུགས་ཀྱི་བྱིན་བརླབས་ཡིན་སྙམ་པའི་སྒོ་ནས་མོས་གུས་དང་མ་བྲལ་བར་མཛོད། ཡང་དེ་བཞིན་དུ་གནས་སྐབས་འདི་བར་དོ་ཡིན་པས། དག་པའི་སྣང་བར་བསྒྱུར་དགོས་སྙམ་པ་གྱིས་ལ། ཁྱེད་རང་གི་ལུས་འཕགས་པ་སྤྱན་རས་གཟིགས་ལྟ་བུ་ཡི་དམ་གྱི་སྐུ་གསལ་དྭངས་…

ལིང་གིས་ཁོལ་ཞིག གཞན་ཡང་མངལ་སྒོ་འགེགས་པ་ཞེས་བྱ་བར་དགོས་པ་ཡིན་ཏེ། འགྲོ་བ་རིགས་དྲུག་ཕོ་མོ་ཐམས་ཅད་ལ་ཐ་མལ་གྱི་སྣང་བ་མི་བྱེད་པར་ཡི་དམ་ཡབ་ཡུམ་དུ་སྒོམ་པ་བསྐྱེད་རིམ་གྱི་མངལ་སྒོ་འགེགས་པ་ཡིན། ཕོ་མོ་དང་ཆགས་སྤྱོད་ཀྱི་སྣང་བ་གང་མཐོང་ཡང་གང་ཤར་དེ་ཉིད་སྒྱུ་མ་ལྟ་བུར་ཤེས་ནས་དབྱིངས་སུ་སྤྲོས་བྲལ་ལ་མཉམ་པར་འཇོག་པ་ནི། འོད་ག…

བདེ་བའམ་སྡུག་བསྔལ་དུ་སྣང་བ་སྣ་ཚོགས་པ་ཞིག་སྣང་བ་དེ་ཐམས་ཅད་རང་གི་སེམས་ཀྱི་བག་ཆགས་འཁྲུལ་བའི་སྣང་བ་མ་གཏོགས་ཕྱི་རོལ་ན་དོན་ལོགས་སུ་གྲུབ་པ་མེད། སེམས་ལ་དགའ་སྡུག་མཐོ་དམན་ཆགས་སྡང་སྣ་ཚོགས་པ་ཤར་བ་དེ་ཡང་རིག་པ་ཕྱིར་བལྟས་སུ་ཤར་ཙ་ན། བདེ་སྡུག་གི་སྣང་བ་སྣ་ཚོགས་བསྐྱེད་པ་དངོས་གནས་ལ་གྲུབ་པ་འདྲ་བ་ཞིག་བྱུང་ཡང་རྨི་ལམ་གྱི་ད…

ཡང་ཆོས་ཉིད་དོན་གྱི་རང་སྒྲ་གཞོམ་དུ་མེད་པའི་ནཱ་ད་བརྗོད་བྲལ་གྱི་དབྱངས་ཞེས་བྱ་བ་དེ་ཡིན། གཞན་ཡང་འཇིགས་སྐྲག་དགའ་སྡུག་སྣ་ཚོགས་ཤར་བའི་དུས་ཀྱི་ངོས་གཟུང་ཐམས་ཅད་དང་བྲལ་བའི་སེམས་གསལ་ལ་རིག་པ་མ་འགགས་པ་སྟེ། ཆོས་དབྱིངས་བརྗོད་བྲལ་སྟོང་ཉིད་ཐུགས་རྗེའི་ཡེ་ཤེས་ཡིན་ལ། ཆགས་ཐོགས་སྲེད་པའི་རང་བཞིན་དེ་ལ་རྣམ་པར་རྟོག་པའི་རབ་རིབ…

ཆོག་གོ །དེ་ལྟར་བཤད་པ་དེ་རྣམས་ཀྱི་ཚིག་དོན་གྱི་རྐང་རྣམས་བློ་ལ་ངེས་པར་བྱས་ནས་རྒྱས་པར་ཡོངས་སུ་རྫོགས་པ་འདི་བཤད་པར་བྱ་ལ། མདོར་བསྡུས་ཀྱི་ཚེ་ཅི་རིགས་པ་བླངས་ཏེ་བཤད་དོ། །ཞེས་པ་འདི་ཡང་དོན་གཉེར་འགས་བསྐུལ་བའི་ངོར་ཏཱ་ར་ནཱ་ཐས་སྨྲས་པའོ། །ཞུས་དག །མངྒ་ལཾ། །

ཤིང་ཚུལ་གི་དུ་ཡོད་པ། མར་སྣེ་ལྟེ་འོག་སོར་བཞི་ཙམ་ལ་ཟུག་པ། ཡར་སྣེ་སྤྱི་བོར་ཚངས་བུག་ཏུ་ཟུག་པའོ། །སྤྱི་བོར་ཧཾ་དཀར་པོ་མགོ་བོ་ཐུར་དུ་ལྟ་བ། དཔྲལ་བར་ཨོཾ་དཀར་བོ་མགོ་བོ་ཐུར་དུ་བལྟ་བ། མགྲིན་པར་ཨཱཿདམར་པོ་མགོ་བོ་ཐུར་དུ་བལྟ་བ། སྙིང་གར་ཧཱུཾ་སྔོན་པོ་མགོ་བོ་གྱེན་དུ་བལྟ་བ། ལྟེ་བར་སྭཱ་སེར་བོ་མགོ་བོ་གྱེན་དུ་བལྟ་བ། དབུ་མ…