ཐོར། །མོ་ཆེན་གངས་རི་ཉིལ་བ་ལ། །ཁམས་ཆེན་དང་ནི་རྒྱལ་ཡུམ་འདོན། །བྲག་ནག་མུན་པ་གཏིབས་པ་ལ། །གཡག་ནག་བཤས་ལ་གཟུགས་ཡས་བོད། །ཡང་ན་གཡག་མགོ་ཤ་ཟ་རུས་བོར་བྱེད། །ཤེར་སྙིང་བདུད་ཟློག་བརྒྱ་བཞི་བྱ། །ཅང་སེ་རླུང་ལྟར་འཚུབ་པ་ལ། །རྟ་དཀར་རྒྱུག་ལ་ཡག་ཁ་བརྗོད། །ཉི་ཁྲི་བརྒྱད་སྟོང་སྡུད་པ་འདོན། །ཝེར་མ་སེང་ལྟར་རྔམ་པ་ལ། །ཝེར་མའི་སྐུ་…

ས་སེལ་རྡོ་སེལ་སྡོང་བརྒྱན་འདོན། །ཏྲོང་རིགས་གཤིན་རྗེ་ཆས་པ་ལ། །འཇམ་དཔལ་ཞི་ཁྲོ་མཆོད་ཅིང་བརྟེན། །རྣམ་འཇོམས་འབར་མ་འཆར་ཀ་བྱ། །སད་ཁམས་སྐར་ལྟར་འཁྲུག་པ་ལ། །འབུམ་རྒྱུན་བྱ་ཞིང་ལྷ་མཆོད་བྱ། །བྱ་རལ་ཁྱི་ལྟར་ངུ་བ་ལ། །དུར་ཁ་ཚེ་ཟློག་གདུགས་དཀར་བྱ། །སོ་ཡོན་མུན་ཁང་གཏིབ་པ་ལ། །མར་མེ་སྟོང་རྩ་མདོ་སྡེ་འདོན། །སྤོ་བར་སྡོང་རྒན་འ…

ཞིང་བཟང་སྤྱོད་འདོན། །ཙེ་ར་རྣོ་མཚོན་བརྡར་བ་ལ། །ཏིང་རྒྱལ་བཀླག་ཅིང་ལང་གཤེགས་འདོན། །བྱོད་ཕུར་བྱེའུ་ཆུང་འཕུར་བ་ལ། །ཆུང་གླུད་བྱ་ཞིང་གྲ་ལྔ་འདོན། །ལྡི་བུར་རུ་རྩེ་བདར་བ་ལ། །སྣང་བརྒྱད་འདོན་ཅིང་གཟེར་མིག་བཀླག །ཡར་དིང་སྟག་མོ་ངར་བ་ལ། །ཤ་བརྒྱ་ཟན་བརྒྱ་མདོ་སྣ་བྱ། །སྲང་ཟེ་གཡུ་འབྲུག་ལྡིར་བ་ལ། །དྲག་པོ་མདོ་བཞི་གསེར་སྐྱེ…

གཉེན་པོའི་ལྷ། །ཞི་དྲག་གང་ལ་གང་དགོས་སྦྱར། །བྱད་དང་ཐན་དང་དུར་ངོ་སོགས། །གང་བབ་དེ་དེའི་གཉེན་པོ་བརྟེན། །གཞན་ཡང་གཏོ་ཐིག་རྣོ་དཔྱད་དང་། །མོ་བ་བརྟེན་འབྲེལ་མཁྱུད་སྤྱད་རིགས། །བྱ་སླ་དོན་ཆེ་མང་མཆིས་པ། །འདི་རུ་མ་སྤྲོས་གཞན་ནས་ལོང་། །རལ་བ་ཐམས་ཅད་འབུམ་གྱིས་བསྲུབ། །ཆད་པ་ཐམས་ཅད་རྒྱུན་གྱིས་མཐུད། །བུག་པ་ཐམས་ཅད་གཏོ་ཡིས་བ…

རྒྱུག་པ་ལ། །གྲོང་གསེབ་བོང་བུས་འགྲན་དུ་མེད། །སྟག་མོ་ནགས་ཁུང་འགྲིམ་པ་ལ། །སྡེར་མགྱོགས་ཝ་མོས་འགྲན་དུ་མེད། །མཚོ་ལ་ཉ་ཆེན་རྐྱལ་བ་ལ། །འདམ་གྱི་ལྕོང་མོས་འགྲན་དུ་མེད། །བཅོ་ལྔའི་ཉ་ཆེན་རྒྱས་པ་ལ། །ཏིལ་གྱི་སྒྲོན་མེས་འགྲན་དུ་མེད། །མཁའ་ལ་ཁྲི་གདུགས་ཤར་བ་ལ། །སྲིན་བུ་མེ་ཁྱེར་འགྲན་དུ་མེད། །བརྒྱ་བྱིན་ལྷ་ཡི་ལོངས་སྤྱོད་ལ། …

ཅད་གསལ། །གང་གིས་གཞུང་འདི་མི་ཤེས་པ། །མུན་པ་ནག་པོའི་གཏིང་རུམ་དུ། །རྫས་འདོད་ལག་པས་ཉུལ་བ་བཞིན། །ཞེས་གསུངས་འདྲ་དཔེ་བཤད་པ་ལ། །དཔྱད་དོན་སྒྱུ་མ་གསེར་འབུམ་ལས། །མུ་མེད་པ་ནམ་མཁའི་མཐའ་དང་འདྲ། །གཏིང་མེད་པ་རྒྱ་མཚོའི་གཏིང་དང་འདྲ། །ཕུག་རིང་ཚད་ཆུ་བོ་གངྒཱ་འདྲ། །མཐའ་རིང་ཚད་དགུ་ཐིག་སྐྱ་མོ་འདྲ། །གྲངས་མེད་པ་གངྒཱའི་བྱེ་མ་…

ཞིག་དགོས། །དྲི་ཟ་བཞིན་དུ་གསུར་ཞིག་དགོས། །སྨས་མ་བཞིན་དུ་ཁྲུས་ཞིག་དགོས། །རྒྱལ་བུ་ཡིན་པས་རྒྱན་ཅིག་དགོས། །རྒན་རྒོན་འདྲ་བས་གོས་ཞིག་དགོས། །མོ་བཙུན་ཡིན་པས་གླུ་ཞིག་དགོས། །སྲིད་པ་ཡིན་པས་སྨྲེང་ཅིག་དགོས། །འཕྲུལ་ཆ་ཡིན་པས་གཡུ་གཅིག་དགོས། །ཞེས་དང་ཁྱད་པའི་ཚུལ་དག་ཀྱང་། །བྲམ་ཟེ་ཀླུ་ཡི་བེར་ནག་ལས། །ལར་མོ་ཁོག་ནམ་མཁའ་ལྟ་…

པའི་ཐེ་ཚོམ་དེ། །མང་པོ་ཟུང་ལ་ངེ་རེས་ཁྲོལ། །བཀྲོལ་རྒྱུ་མེད་པ་ཐབས་ཀྱིས་ཞོག །གསང་ཚིག་མ་བྱེད་ཉམས་དང་བསྟུན། །རྩོད་པ་འོང་བའི་ཉེས་སྐྱོན་ཡོད། །བཟུང་བའི་མན་ངག་ཟེར་ཙ་ན། །གཞུང་ཆེན་ཁ་ནས་ཤོད་ཀྱིས་ལ། །འགག་ཆེན་ཡིད་ལ་བཟུང་བར་གྱིས། །དྲི་མི་བྱུང་ན་ཐབས་ཀྱིས་སྨྲོས། །གདམས་ངག་འཆོར་བའི་ཉེས་སྐྱོན་ཡོད། །སྦས་པའི་མན་ངག་ཟེར་ཙ་ན…

དགུ། །མི་དབང་ཡས་དང་ཐོད་མི་བཀྱེ། །མ་མཐོང་ལྷ་དང་འདྲེ་མི་བཟུང་། །སེམས་ཅན་སྲོག་ལ་གཟན་མི་བསྐུར། །ཕུ་ཝེར་གཤེན་གྱི་ལྷ་མི་སྤང་། །ལྟ་བས་དམིགས་པའི་རྟེན་མི་བཅའ། །སྤྱོད་པས་གཞན་གྱི་ཡས་མི་བསྐྱེལ། །མི་འགྲོ་ཡས་དང་གླུད་མི་བསྟན། །ཚོད་ཡོད་སྨན་དང་ཟས་མི་སྦྱར། །ཐེ་ཚོམ་མེ་དང་གཏར་མི་བྱ། །ཞེས་དང་། གཡུང་དྲུང་བོན་ལ་རྒྱ་ཆེན་གྲ…

དོན་གཉིས་གྲུབ་པར་འགྱུར། །ཞེས་གསུངས་བཞིན་དུ་ཤེས་པར་བྱ། འདིར་སྨྲས་པ། འགྲོ་ལ་ཕན་པའི་ཐབས་ནི་སྣ་ཚོགས་ཞིག །དྲང་སྲོང་ཆེན་པོའི་དུ་མའི་འཕྲུལ་གྱིས་སྟོན། །བློ་ལྡན་སྙིང་རྗེ་ཅན་རྣམས་དེ་བསླབ་ནས། །རྣམ་མང་འགྲོ་བའི་ཕན་བདེ་སྒྲུབ་པར་བྱེད། །ལེགས་བྱས་མཐུ་ཡིས་ལྷ་ལ་ལྷ་མིག་བཞིན། །ལེགས་སྤེལ་ཉེས་ཚོགས་བསུབ་པའི་སྣང་བྱེད་དུ། །ར…

ལྕགས་ཀྱུ། །མི་མངོན་བཞིན་དུ་བརྐྱང་བ་དེ་དག་ཀྱང་། །མི་ལ་སྦྲོན་པར་བྱེད་པར་འདི་ཡིས་ནུས། །འཆི་སློང་ནད་གསོ་བྱེད་པའི་བདུད་རྩི་དང་། །དབུལ་ཕྱུག་རྨང་པོ་འཕེལ་བའི་ནོར་བུ་དང་། །ཁས་ཞན་བཙན་པོར་བྱེད་པའི་ལས་ཐམ་གསུམ། །འདི་ལ་བརྟེན་ན་དཀའ་བ་མེད་པར་རྙེད། །རྒྱུས་མེད་ལམ་དུ་ནོར་མང་མགྲོན་པོ་བཞིན། །སྲིད་པར་སྲེད་པས་རྒྱུ་བ་དོན་མ…

མཐོང་ལ་སུ་ཡིས་བསྙོན། །དེ་ཕྱིར་རྒྱ་ཆེ་རབ་ཟབ་ཕྱྭ་གཤེན་ལུང་། །སྣ་ཚོགས་ཐོར་བུར་གནས་པ་གྲངས་མང་བས། །ཕྱོགས་གཅིག་བསྡུ་བ་དཀའ་ཚེགས་ཆེ་མོད་ཀྱི། །སེམས་ཁྲལ་བསྐྱུངས་ཏེ་འབད་པས་བྲིས་པ་ཡིན། །ནོར་འཁྲུལ་བསལ་ཕྱིར་གཞན་ལ་བརྩེ་བའི་ཕྱིར། །བླང་དོར་མཐོང་ཕྱིར་གཤེན་ལ་དད་པའི་ཕྱིར། །ཝེར་མ་དགྱེས་ཕྱིར་འཇིག་རྟེན་བདེ་བའི་ཕྱིར། །འབད་…

ཕྱ་གཤེན་ཐེག་པའི་ཕྱོགས་གཅིག་པྲ་ལྟས་མོ། །དེ་ཡི་དང་པོ་ཡེ་སྲིད་ཇུ་ཐིག་ལུགས། །ཕྱོགས་ཙམ་རྣམ་དཀར་བསམ་པས་བཏུས་པ་ལས། །ལེགས་བྱས་སྣང་བས་འགྲོ་འདི་གསལ་གྱུར་ཅིག །མི་མཐུན་གནོད་པའི་ཕྱོགས་ལས་རིང་དུ་བསྣོལ། །ཕུན་ཚོགས་ལེགས་དགུའི་རྟེན་འབྲེལ་ངང་གིས་འགྲིག །དགྲ་བླ་ཝེར་མ་དགྱེས་པའི་བརྡ་རྟགས་ཀྱིས། །སྙན་གྲགས་བཟང་དགུའི་རྒྱལ་ཁ་བ…

མཛད་པའི་རྐྱེན་བྱས་ནས། དཔྱད་དོན་སྒྱུ་མ་གསེར་འབུམ། གཏེར་མོ་རིག་པའི་ཁོག་པ་སྡོང་། བྲམ་ཟེ་གོང་རུམ། བྲམ་ཟེ་ཀླུ་ཡི་བེར་ནག །མ་སང་འཁོར་ལོ་མདོ་ཆེན། འཁྲུག་པའི་སྟོང་ཐུན་དམར་མོ། །ནད་མོ་རིག་པའི་མདོ་བདུན། །ཏི་ཚང་གཡུ་སྒྲོན་གྱི་མན་ངག །ཇུ་ཐིག་སྲིད་པའི་རྒྱུད་འབུམ། ཁོག་ཆེན་འཕྲུལ་གྱི་རྒྱལ་པོ། གླིང་བཞི་ཉི་མ་འཁོར་རྩིས། སྙ…

སྦྱར་བ་པོ་ནི་མི་ཕམ་འཇམ་དབྱངས་རྣམ་རྒྱལ་ཞེས་བྱ་བ་མདོ་མེད་རྣམ་གཡེང་མཁན་དེས་བཀྲ་ཤིས་ལྷ་རྩེའི་གནས་སུ་རབ་ཚེས་ས་སྐྱོང་ཤིང་བྱ་ལོའི་སྟོན་ཕྱོགས་སུ་ཅི་རིགས་རེ་བྲིས་ཤིང་། ལོ་དེའི་སྨིན་དྲུག་ཟླ་བའི་ཉ་ལ་རྫོགས་པར་གྲུབ་པར་བགྱིས་པ་འདིས་འགྲོ་བ་ཀུན་ལ་བླང་དོར་གྱི་སྣང་བ་མཆོག་ཏུ་གསལ་བར་གྱུར་ཅིག །།འདིར་དེ་སྔ་མ་རྙེད་པའི་ཡིག…

བརྡའ་ཆད་ཀྱི་རིགས་ནི། བསྐལ་སྲིད་ཆགས་དགུ་འཇིག་བཅུ་ཐིག་པ་ལ་བཅུ་ཐིག་ཅེས་གཞུང་དུ་བཤད་པ་ལྟ་བུ་ལ། ཟུར་ཆག་སྟེ་ཇུ་ཐིག་སོགས་སུ་འབོད་པ་ལྟ་བུ་དང་། ཡང་བྱོད་ཕུར་ལ། སྤྱོད་ཕུར་བྱོན་འཕུར་སོགས་ཀྱི་ངེས་ཚིག་གི་བཤད་པ་དང་། སྐྱམ་མམ་ལྕམ་དང་། སྲང་ཟེ་ལྷང་ཟེ་ཧྲང་ཟེ་ལྟ་བུ་དང་། སྤོ་ཚེའམ་སྐྱོ་ཚེ་ལྟ་བུ་སོགས་ཡུལ་སྐད་དང་བརྡའ་ཆད་མི་…

འཛམ་བུའི་གླིང་ན་འབབ་པའི་ཆུ་ཀླུང་ཀུན། །མ་དྲོས་ཀླུ་ཡི་དབང་པོ་ལས་བྱུང་བཞིན། ༢། སྣང་དང་མུན་བཞིན་བླང་དོར་མ་ནོར་དང་། །ལོག་པའི་མཐུ་ལས་འདི་དང་གཞན་དག་གི ། བདེ་དང་སྡུག་བསྔལ་མ་ལུས་འབྱུང་ན་ཡང་། །ཚུལ་དེ་སྐྱེ་བོ་རྣམས་ལ་ལྐོག་ཏུ་གྱུར། ༣ ། འདི་ན་ལྐོག་གྱུར་གནས་ལ་མངོན་སུམ་བཞིན། །མ་ནོར་གསལ་བར་འཆར་བའི་འཕྲུལ་གྱི་སྒོ། །འད…

ཐུགས་བསྐྱེད་ལས། །ཀུན་ཕན་འོད་སྣང་འབུམ་ཕྲག་སྤྲོ་བ་ཡི། །གླེགས་བམ་ཟླ་བ་གཞོན་ནུའི་འཁྲི་ཤིང་གྲུབ། ༡༡ ། དེ་ལས་བྱུང་བའི་དགེ་བས་འགྲོ་བའི་ཁམས། །ནམ་མཁའ་མུ་ཁྱུད་ཡངས་པོས་བསྐོར་བ་ན། །ལས་དང་ཉོན་མོངས་རྐང་པས་རྒྱུ་བ་ཀུན། །ཕྱིན་ཅི་ལོག་པའི་གཡང་ལས་ཐར་བར་ཤོག ༡༢ ། ཆོས་ཀུན་མཐོང་བའི་མིག་དཀྱུས་རིང་པོ་ལེགས་བཤད་ཐུར་མས་སླར་ཡང་ད…

རྣོ་མཐོང་མོ་ལྷའི་རྒྱལ་པོ་བཞུགས། །