རང་བློ་རང་ལ་ལྐོག་ཏུ་མ་གྱུར་པས་རང་ངོས་ནས་བཞུགས་གྲལ་དུ་དོག་འཚངས་ཀྱིས་རློམ་སེམས་མེད་ནའང་མདོ་སྟོད་ཆོས་རྗེ། སོག་དགའ་ལྡན་འཕེལ་རྒྱས་གླིང་གི་བླ་མ་བློ་བཟང་བདུད་འཇོམས་གྱི་ངོ་མ་བཟློག་པར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་གནས་བརྟན་འཇམ་དབྱངས་གྲགས་པའོ། །ངག་དབང་བློ་བཟང་རྒྱ་མཚོ་དཔལ་བཟང་པོ། །མཆོག་གསུམ་འདུས་པའི་ངོ་བ…

འདེབས། །ཡངས་པའི་བློ་ལ་འཇམ་དབྱངས་ཉེར་དགའ་བའི། །རྣམ་དག་བརྗོད་མཁས་གཏམ་གྱིས་གདུལ་བྱའི་ཚོགས། མངོན་མཐོ་ངེས་ལེགས་སར་བཀྲི་བཤེས་གཉེན་མཆོག །མཚུངས་མེད་ཡོངས་འཛིན་དམ་པར་གསོལ་བ་འདེབས། །མགྲིན་མཚོར་ཚངས་སྲས་ངང་མོ་རབ་བཞད་པའི། །གླུ་དབྱངས་རྡོ་རྗེས་རྨོངས་བྲག་ཕྱེར་འཐག་ཚེ། །གདོང་དྲུག་རྣམ་དཔྱོད་ལ་བསྙེམས་རིག་པའི་འཕྲུལ། །ལང་…

ལ་ལོངས་སྤྱོད་བཀྲ་ཤིས་ཤོག །ཅེས་གསོལ་འདེབས་སྨོན་ལམ་དང་བཅས་པའི་ཚིགས་སུ་བཅད་པ་འདི་ནི་ཨུལ་ཇེའི་ཐུ་བཱ་དུར་ཐའི་ཇེའི་རྒྱུན་གྱི་ངག་འདོན་དུ་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ། །ལེགས་བྱས་ཕུན་ཚོགས་ཀྱིས་བསྐྲུན་དམ་ཆོས་དང་། །རབ་མཇལ་དལ་བའི་རྟེན་ལ་ཐོས་བསམ་གྱི། །དོ…

གསུམ་ཟླ་བྲལ་གནས་བརྟན་ཆོས་སྐྱོང་ཞབས། །སློབ་དཔོན་ཆེན་པོ་གུ་ཎ་པ་ཏི་ལ། །གསོལ་འདེབས་ཁྲིམས་ཀྱིས་རང་རྒྱུད་དུལ་བར་ཤོག རིག་གནས་ཀུན་གཟིགས་ཆོས་ཀྱི་ཕྲེང་བ་དང་། །མཁས་པའི་དབང་པོ་འབྱུང་གནས་སྦས་པའི་རྗེ། །བསྟན་པའི་རྩ་ལག་ཆེན་པོ་ཤཱཀྱའི་རྒྱལ། གསོལ་འདེབས་ཁྲིམས་ཀྱིས་རང་རྒྱུད་དུལ་བར་ཤོག །འཇམ་དཔལ་དབྱངས་དངོས་ས་སྐྱ་ལོ་ཙཱ་བ། …

མ་ལུས་སེལ་བར་ཤོག །ཡོན་ཏན་ཕུན་ཚོགས་མཁན་སློབ་དགེ་འདུན་དབུས། །འཁྲུལ་མེད་ལས་ཀྱི་ཆོ་ག་ལ་བརྟེན་ནས། །ཚེ་རབས་ཀུན་ཏུ་ཤཱཀྱའི་བསྟན་པ་ལ། །རབ་ཞུགས་ཡོངས་སུ་རྫོགས་པའི་དཔལ་ཐོབ་ཤོག །མངོན་པར་མཐོ་བའི་རིན་ཅེན་ཐེམ་སྐས་ལ། །འཛེགས་ནས་རང་བློ་རང་འཚམ་མྱང་འདས་ཀྱི། །རྣམ་གསུམ་ཁང་པར་ཞུགས་ནས་གཏན་འདུན་རྣམས། །ལྷུན་གྲུབ་དགའ་སྟོན་མཆོག…

གནོན་བཞད་པ་རྩལ། །ལྷུན་གྲུབ་རྡོ་རྗེ་འཛིན་ལ་གསོལ་བ་འདེབས། །སྙིང་དབུས་འདབ་བརྒྱའི་ཀེ་ས་ར་ཡི་རྩེར། །མགོན་ཁྱོད་འཆི་མེད་སྐུ་གསུམ་རིགས་འདུས་ལྷ། །ཚེ་མཐའ་ཡས་པའི་ངོ་བོར་རྟག་བཞུགས་ནས། །ཀུན་བཟང་རང་ངོ་འཕྲོད་མིན་རྗེས་འཛིན་ཤོག །ཅེས་པའང་སྔགས་བན་ངག་དབང་རྒྱ་མཚོའི་ཁ་ཏོན་ཏུ་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་…

རམས་པའོ། །ནོར་འཛིན་མ་འདི་མཚན་བཟང་འཁོར་ལོའི་ཞབས། །བཀོད་པའི་མོད་ལ་ཕུན་ཚོགས་འདོད་དོན་ཀུན། །ལྷུན་གྲུབ་གསེར་གྱི་མདོག་ཅན་ལྷ་ཡི་ལྷ། །མཉམ་མེད་ཟས་གཙང་སྲས་པོར་གསོལ་བ་འདེབས། །ཁྱོད་བསྟན་གངས་ལྡན་དཔལ་མོའི་བཞིན་རས་སུ། །ལེགས་བཤད་གནད་གསང་ལྟ་བའི་སྤྱན་གྱི་དཀྱུས། །རྣམ་དཔྱོད་སྨིན་མའི་ནགས་ཀླུང་རིང་པོ་ཡིས། །ཁྱབ་མཛད་ཨ་ཏི་ཤ…

བའི་གོ་ཆར་གསོལ་བ་འདེབས། །བདུད་བཞི་ཀུན་ཐུབ་ཤཱཀྱ་སེང་གེའི་བསྟན། །ཐོས་བསམ་སྒོམ་པའི་ལང་ཚོ་དར་དྲག་པས། །རིས་མེད་སྐྱེ་རྒུར་ཕན་བདེའི་སྒོ་འཕར་བརྒྱ། །འབྱེད་མཛད་མཆོག་གི་སྡེ་ལ་གསོལ་བ་འདེབས། །མི་བསྲུན་སྟོབས་རྣམས་འཕྲོག་བྱེད་གདོང་པ་ལྔས། །གྱེན་བཏེགས་རྡོ་རྗེས་མཚན་པའི་ཁྲི་ཆེན་པོར། །གཞོམ་མེད་གཡུང་དྲུང་ལྟ་བུར་རབ་བརྟན་པ…

སྒྲུབ་པོ་གཏན་གྱི་སྐྱབས། །འཆི་མེད་དྲང་སྲོང་བདེན་པའི་ཚིག་ལ་དབང་། །ཁྱད་པར་མྱུར་མཛད་མགོན་པོ་མ་ཧེའི་ཞལ། །འདོད་ཁམས་དབང་མོས་བསམ་དོན་ལྷུན་གྲུབ་མཛོད། །ཅེས་གསོལ་འདེབས་སྨོན་ལམ་གྱི་རིམ་པ་ཤློ་ཀ་ཁ་ཡར་ཡོད་པ་ཞིག་ཁམས་ཕྱོགས་ཀྱི་ཆོས་སྡེ་ཚོར་འཛུགས་རྩིས་ཡིན་པས་དགོས་ཚུལ་འབའ་ལྷུན་གྲུབ་རབ་བརྟན་གྱི་རྫོང་སྡོད་འབྲི་ལུང་ལེགས་ལ…

གསོལ་བ་འདེབས་སོ་ངན་སོང་སྦྱོང་བྱིན་རློབས། །རྣལ་འབྱོར་རྒྱུད་ཀྱི་བསྟན་པའི་སྲོག་ཤིང་ཆེ། །ཁྱབ་བདག་རིན་ཅེན་བསོད་ནམས་མཆོག་གྲུབ་དང་། །སྨིན་གྲོལ་ལམ་སྟོན་རྩ་བའི་བླ་མ་ལ། །གསོལ་བ་འདེབས་སོ་ངན་སོང་སྦྱོང་བྱིན་རློབས། །ངན་སོང་རྣམ་པར་སྦྱོང་བའི་རྒྱུད་ཆེན་པོར། །བསྒྲུབ་ཅིང་མཆོད་པའི་ག་བུར་ཟེགས་མ་ཡིས། །བརྣག་དཀའ་སྡུག་བསྔལ་…

ཐོས་བསམ་འབྲས་བུ་རབ་རྒྱས་དགའ་སྟོན་ཆེ། །སྤེལ་མཛད་ཡོངས་འཛིན་བླ་མར་གསོལ་བ་འདེབས། །ཞེས་ངེད་རང་དང་སྡེ་དྲུག་མཁན་པོ་བློ་བཟང་དར་རྒྱས་ཀྱི་གསོལ་འདེབས་བརྟན་བཞུགས་དགོས་ཚུལ་ཉི་ཐང་གཉལ་པའི་གྲ་རྒྱུན་རྣམས་ཀྱིས་བསྐུལ་བ་ལྟར་བརྟན་བཞུགས་བྱེད་ན་ཞབས་བརྟན་ཤོག་ལ་བསྒྱུར་ཆོག་རྩིས་ཀྱི་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དཔལ་གྲོ…

བླ་མའི་གདམས་ངག་དྲན་པའི་བདེ་བ་མཆོག །སྒྱུ་མ་སྤྲུལ་པར་ཤེས་པ་ལྷའི་རྒྱལ་པོ། །བས་མཐའ་དགོན་པར་གནས་པའི་དགེ་འདུན་འཕེལ། །ཡིད་བརྟན་སྲོ་ལོང་ཀུན་སྒྱུར་གསོལ་བ་འདེབས། །འཕགས་ནོར་བདུན་ལྡན་རྒྱལ་པོ་སྐྱབས་སྦྱིན་དང་། །བོད་ཡུལ་མི་རྗེའི་ཐོག་མ་གཉའ་ཁྲི་བཙན། །ཐུབ་བསྟན་དབུ་བརྙེས་ཐོ་རི་སྙན་ཤལ་ཞབས། །མངའ་བདག་སྲོང་བཙན་སྒམ་པོར་གསོ…

སྐུ་བརྙེས་ཤོག །དེང་ནས་བླ་མེད་བྱང་ཆུབ་མ་ཐོབ་བར། །དགེ་བའི་བཤེས་གཉེན་ཁྱོད་དང་མི་འབྲལ་ཞིང་། །གནས་སྐབས་ཚེ་དཔལ་སྟོབས་འབྱོར་དབང་ཐང་ཀུན། །དཀར་ཆའི་ཟླ་བ་ལྟ་བུར་འཕེལ་བར་ཤོག །སྤྱི་དང་ཁྱད་པར་མཉམ་མེད་བཙོང་ཁ་པའི། །ཆོས་སྲིད་ཟུང་འབྲེལ་བསྟན་པ་དབང་གི་རྒྱལ། །འཛམ་གླིང་ཡོངས་ཀྱི་རྒྱལ་མཚན་རྩེར་མཆོད་ནས། །བདེ་སྐྱིད་འདོད་དགུའ…

མེད་རྗེ་བཙུན་བླ་མར་གསོལ་བ་འདེབས། །མགོན་ཁྱོད་བདག་སོགས་གདུལ་བྱའི་བསོད་ནམས་ཞིང་། །རྡོ་རྗེའི་ཁྲི་ལ་མི་གཡོ་རྟག་བརྟན་ཅིང་། །ཟབ་དང་རྒྱ་ཆེའི་ཆོས་འཁོར་ལེགས་བསྐོར་ནས། །སྨིན་གྲོལ་ལམ་གྱི་འཇུག་པ་མཐར་ཕྱིན་ཤོག །ཅེས་སློབ་དཔོན་ངག་དབང་འཕྲིན་ལས་ལྷུན་གྲུབ་ཀྱི་གྲྭ་རིགས་རྣམས་ཀྱིས་འདི་ལྟ་བུ་ཞིག་དགོས་ཚུལ་ལྟར་ཟ་ཧོར་གྱི་བནྡེ…

རྒྱལ་ཀུན་ངོ་བོ་བློ་བཟང་གྲགས་སྙན་བསྟན། །འཛིན་པར་བསོད་ནམས་ས་བོན་དར་དྲག་ལས། །ཡེ་ཤེས་མཆོག་གི་ཡོངས་འདུ་ས་བརྟོལ་རྩེར། །སྤྲུལ་སྐུའི་འབྲས་བཟང་སྨིན་ལ་གསོལ་བ་འདེབས། །ས་ཆེན་རབ་འབྱོར་རིགས་ལྡན་འཇམ་དཔལ་གྲགས། །འཇིགས་མེད་འབྱུང་གནས་ས་སྐྱ་ལོ་ཙཱ་སོགས། །འཕགས་བོད་མཁས་གྲུབ་ཡང་སྲིད་མུ་ཐི་ལ། །ཐུགས་བསྐྱེད་སྲད་བུར་བརྒྱུས་ལ་ག…

བཟང་པོའི་གར། །སྐལ་ལྡན་འགྲོ་ངོར་བསྒྱུར་ལ་གསོལ་བ་འདེབས། །ལུས་ཅན་བསོད་ནམས་ནོར་འཛིན་ཡངས་པའི་ལྟོར། །ལུང་རྟོགས་ཤིང་རྟས་མངོན་མཐོ་ངེས་ལེགས་ནོར། །འདྲེན་ལ་སྲས་བཅས་རྒྱལ་བས་མགྲིན་གཅིག་ཏུ། །རབ་བསྔགས་མེ་ཏོག་འཐོར་ལ་གསོལ་བ་འདེབས། །གསང་གསུམ་རྒྱན་གྱི་འཁོར་ལོའི་མཛད་པའི་གཟུགས། །ཤོང་སྣོད་སྲིད་འདིར་མ་རྙེད་ནམ་མཁའི་མཐའ། །བ…

བཟང་པོའི་སྤྲུལ་པའི་སྐུ་བློ་བཟང་ཡེ་ཤེས་ལ་གསོལ་འདེབས་བརྟན་བཞུགས་སུ་ཟ་ཧོར་གྱི་བནྡེས་དང་བའི་ཡིད་གྱི་སྒོ་ནས་བགྱིས་པའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ། །སྣང་མཐའི་མགོན་ལ་བརྟེན་ནས་ཟབ་རྒྱས་ཀྱི། །ཆོས་ཕུང་རྒྱ་མཚོར་ཐོས་བསམ་རྩེར་སོན་ཏེ། །ཐུབ་བསྟན་ཡར་ངོའི་ཟླ་ལྟར་འཕེལ་མཛད་པ། །རྗེ་བཙུན་བླ་མའི་ཞབས་…

གཞུང་སྤྱི་དང་ཁྱད་པར་འཇམ་དཔལ་དབྱངས། །ངུར་སྨྲིག་ཟློས་གར་བློ་བཟང་གྲགས་པ་ཡི། །དགོངས་དོན་འགྲེལ་ལ་འཆད་བརྩོད་རྩོམ་མཁས་པ། །ངག་དབང་བློ་བཟང་རྒྱ་མཚོར་གསོལ་བ་འདེབས། །མ་དུལ་རང་རྒྱུད་གླང་པོའི་སྣ་ཞགས་ལ། །ཚུལ་ལྡན་ཁྲིམས་ཀྱི་ལྕགས་ཀྱུ་རྣོན་པོ་ཡིས། །ཉེར་བཏབ་བག་ཡོད་བཙུན་པའི་ངང་ཚུལ་ཅན། །ངག་དབང་བློ་བཟང་རྒྱ་མཚོར་གསོལ་བ་འདེ…

བགྱིས་པ་ཛ་ཡནྟུ། །ཀརྨི་ར་པའི་པཎ་ཆེན་སེང་གེའི་ཁྲིར། །བློ་གྲོས་རབ་ཡངས་མཁས་བཙུན་བཟང་པོ་ཡི། །ལུང་རྟོགས་བསྟན་པ་འཕེལ་མཛད་དགེ་བའི་བཤེས། །མཁན་ཆེན་རྣམས་ཀྱི་རྒྱལ་པོར་གསོལ་བ་འདེབས། །ཞེས་ཆུ་མིག་མཁན་ཆེན་བློ་བཟང་བསྟན་འཕེལ་གྱི་གསོལ་འདེབས་འདི་ནི་བློ་བཟང་བསྟན་དར་གྱིས་བསྐུལ་བ་ལྟར་ཟ་ཧོར་གྱི་བནྡེས་སྦྱར། ཨོ་རྒྱན་མཁན་པོས་…

བརྟན་ཤོག །སྒྲ་སྒྱུར་བཻ་རོའི་ཡང་སྲིད་རིན་ཅེན་འཕྲེང་། །སྤེལ་ལས་ཁྱད་པར་ལྔ་བདོའི་དཔུང་གཉེན་དུ། །ཉེར་བྱོན་རྔ་ཡབ་གླིང་པའི་བཀའ་གཏེར་བསྟན། །སྲོག་མཐུད་འགྱུར་མེད་རྡོ་རྗེར་གསོལ་བ་འདེབས། །མཚོ་སྐྱེས་རྡོ་རྗེའི་ཐུགས་བཅུད་ཟབ་གཏེར་གྱི། །བདག་པོར་ལུང་ཟིན་ཇི་བཞིན་འཛམ་གླིང་གི །སྒྲོན་མེར་སྔོན་བཞེངས་དབང་ཁྲིད་མན་ངག་ལུང་། །…