ཨཱཛིདྡྷིདྷཱིཿཀརཔྲྀབཱབྷནུམཱནུཥཱུཎཱཾཤཱརཱིརཀུཎྜལིཀབྷདྲནིམིཏྟཀཱཡ། ཤྲཱིཨེམཀཎྛཏུརུཏིསྭརཀརྟཀཱིརྟེཿ ཙཱཏུཪྠསེནསཀལཱབྷབཨེཧིཨཱཤྲེ། པྲཛྙེནཁཌྒཨནུབྷཱབབལཱསདྷཱརེཀཱདཱཡབཤྴཏདལཱགྲཧསེབྷུརཱིཤ །རྒྱལ་ཀུན་བློ་གྲོས་དྷཱིཿཡིག་ཞུ་བའི་འོད། །མི་ཡི་ལུས་སུ་འཁྱིལ་བའི་མཚན་བཟང་སྐུ། །ངོ་མཚར་དཔལ་གྱི་མགུར་ནས་ཚངས་དབྱངས་སྒྲ། །གྲགས་པས་སྡེ་བཞ…

སྤྱོད་པའི་སྐལ་པ་འདི་ན་བཟང་། །རྒྱལ་བས་གང་གཟིགས་ཇི་ལྟ་ཇི་སྙེད་ཀྱི། གནས་ལུགས་མངོན་སུམ་མཁྱེན་པའི་སྤྱན་གྱི་དཀྱུས། །ཕ་མཐར་འཇལ་ལ་ཚངས་པ་རྒན་པོ་འདི། །ངལ་བས་བསྐལ་བརྒྱར་ཟག་བཅས་གཉིད་ལ་ཡུར། ཁ་བ་རི་པའི་ཤ་ལླི་ཀ་ཚལ་དུ། །བརླང་པོར་སྤྱོད་པའི་སྡོམ་བརྩོན་གཉིས་འཐུང་སྣར། །བག་ཡོད་ལྕགས་ཀྱུས་ཉེར་དུལ་ཚུལ་ཁྲིམས་ཀྱིས། །འགྲམ་ཆང་…

སྙིང་གི་དགའ་སྟོན་བཞད་ལ་ཆགས། །དཔྱོད་ལྡན་ཡིད་དབང་དབང་བྱེད་རྒྱུ་ཐབས་ཆེ། །ཤེས་བྱ་སྲིད་ཀུན་ཀུན་བཟང་འཁོར་ལོ་རུ། ཤར་བའི་སྒྱུ་འཕྲུལ་འཕྲུལ་གྱི་ལྟད་མོ་ཡིས། །གསེར་མངལ་ཅན་དེ་དེ་རིང་མཁའ་ལ་ལྷགས། །རྒྱུ་དང་མི་རྒྱུའི་ཡིད་ཅན་རྣམས་ཀྱི་བཤེས། །བཤེས་གཉེན་གདན་གསུམ་ཚང་བའི་འཁོར་ལོའི་མགོན། །ལེཊ ལྡན མཁྱེན བརྩེ ནུས པའི མངའ བདག…

གཏོང་བའི་སྙིང་སྟོབས་ཆ་ཤས་ཉ། །ཡོངས་གང་སྔོན་མེད་ཟླ་བ་རླབས་ཆེན་སྤྱོད་མཆོག་མཁར་བགྲོད་པའི། །རྒྱལ་སྲས་དམ་པའི་བཤུལ་རྗེས་སྙེག་འདོད་སྨོན་པ་འགྲུབ་གྱུར་ཅིག །སྒྲིབ་གཉིས་རྒྱ་གྲོལ་ཡེ་ཤེས་མཆོག་གི་འོད་སྟོང་འབར་བའི་གཟི་བྱིན་གྱིས། །སྲིད་ཞིར་རྗེས་ཆགས་མ་རིག་མུན་བཅོམ་སྨིན་གྲོལ་སྣང་མཛད་ངེས་གསང་ལམ། །འཇིག་རྟེན་གསུམ་གྱི་སྒྲ…

སུབྷཱགསདྷརྞརུཙཱིཨལངྐརེཥུསམྦབྷཱབཱདམགུཎྱཨཱམད། ཕྲབེདུཔཱཡོབྷཡབིཥྛཨཱིཤརཱཛྱབཛྲསཏྭཔྲབྷབཱཤིཥ། །སྐལ་བཟང་སྣང་བ་དམ་པའི་མཛེས་རྒྱན་དུ། །ཕུན་ཚོགས་སྲིད་ཞིའི་ཡོན་ཏན་ཀུན་གྱི་དཔྱིད། །ཐབས་ཤེས་ཟུང་འཇུག་དབང་གི་རྒྱལ་པོའི་མཛོད། ཁྱབ་བདག་རྡོ་རྗེ་སེམས་དཔའ་དངོས་ཀུན་ཤིས། །

ཏྱཱཔཱརམུདྲཱབིཤཨུཏྟམཛྙནཾནཱགཪྻམེཙིཏྟྱཙཧེརུཀཔྲབྷཱུ། ཧྲཾདྨདྷྱནོཔཏྱནཊོཏྠིཏསྱབརྟིསྶེཏྲསཿ མཽབྷསུནེརུཙཱཕལཾ། །སྒྲིབ་གསུམ་རྒྱ་བྲལ་ཡེ་ཤེས་མཆོག་གི་གྲོང་། །རང་སེམས་དག་པའི་ཁྱབ་བདག་ཧེ་རུ་ཀ །སྙིང་དབུས་འོག་མིན་ཞིང་དུ་བཞེངས་པའི་གར། །བསྒྱུར་དེ་སྨིན་གྲོལ་ཐེག་པའི་རྩེར་སོན་འབྲས། །(༩༩ན)

ནཻགུཔརྦྷུཀྵིཨུཥྞཱིཥཡུགྨཏྲནོཤུདྡྷཨཱདྷཱཔྲུཥཱདྷཱཏུམཱུརྡྷཡཏཱཿཨིནྡྲཙཱཔསྱརཱུཔཱམྲྀཏཱབཛྲཀཱཡཱབྷབཾསཱ དྷྱཀལྤེབིཛཻཀཱཡུརཾ། །ངེས་གསང་བརྒྱ་བྱིན་གཙུག་ཏོར་རེག་ཙམ་གྱིས། །མ་དག་སྦྱང་གཞིའི་ཕུང་ཁམས་སྐྱེ་མཆེད་རྣམས། །འཇའ་ལུས་རྡོ་རྗེའི་འཆི་མེད་སྐུར་གྱུར་ཚེ། །བསྐལ་པར་བསྒྲུབ་བྱའི་ས་བོན་ཚེ་གཅིག་སྨིན། །སྔོན་གོམ་གཟུང་འཛིན་དྭངས་ཤ…

ཆུང་གིས་ཐོབ་པའི། །གསང་ཆེན་ནཱ་དའི་དབྱར་རྔ་སྒྲ་བོ་ཆེས། །དབང་རྣོན་མདོངས་མཐའ་རབ་དགའི་མངལ་ཁུར་འཛིན། །ཞིང་ཁམས་རྒྱ་མཚོའི་རྡུལ་སྙེད་རྒྱལ་བ་ཀུན། །དཀྱིལ་འཁོར་གཅིག་གི་གཙོ་བོར་ཡོངས་ཤར་ཡང་། ཉིད་ལས་གཞན་མིན་བྱེ་བ་ཕྲག་བརྒྱའི་འཁོར། །གདན་གསུམ་ཚང་བའི་མགོན་དེ་རྟག་ཏུ་རྒྱལ། ཁ་སྦྱོར་བདུན་དང་ལྡན་པའི་ལོངས་སྤྱོད་རྫོགས། །ངོ་མ…

ཤེས་ལྡན་མཁས་མཁས་ཡིད་དབང་འདི་ན་འཕྲོག །ཕྱོགས་རེར་སྦྱངས་པའི་ཡོན་ཏན་ལ་བརྟེན་ནས། །ཕྱོགས་འཛིན་རང་འདྲའི་སློབ་མས་བསྟོད་མིན་པའི། །ཕྱོགས་མེད་ཤེས་བྱ་ཀུན་རིག་སྙན་པའི་སྒྲ། །ཕྱོགས་ཀྱི་སྒེག་མོས་ཉེར་སྒྲོགས་ཤོང་དཔང་རྗེ། །ལྔ་རིག་སྨྲ་ལ་འཇིགས་པ་མེད་པའི་བློ། །བློ་ལྡན་དགེ་དབང་སྙེམས་འཕྲོག་ཐམས་ཅད་མཁྱེན། །མཁྱེན་ཡངས་གང་གིས་མ…

པོའི་མཚོན་གྱིས་ཡིད་སྲུབས་སྡེ། །བཅོམ་ནས་བསྟན་པའི་རྒྱལ་རྔ་སྲིད་པའི་རྩེར་སྒྲོག་ཤོག །ཚེ་རིངས་གནམ་གྱི་ཤེ་མོང་དཔུང་པས་དུས་ཀྱི་བདག་པོ་རུ། དབང་སྐུར་ཅོད་པན་ཉེར་བཅིངས་རྩོད་དུས་འཁོར་ལོས་བསྒྱུར་བའི་ལྷ། །དགའ་བའི་དཔལ་ལྡན་མཆོད་ཡོན་ཉི་ཟླ་ཟུང་གི་ཆོས་སྲིད་ཁྲིམས། །གླིང་བཞིའི་དཔལ་ལ་འདོད་རྒུར་སྤྱིད་པའི་དབང་ཕྱུག་ཆེ་གྱུར་…

རྒྱ། །གྲོལ་བས་མཚོ་བྱུང་ངང་མོའི་མགྲིན་པའི་གླུ། །མདོ་རྒྱུད་དབྱངས་སུ་ལེན་ལ་གསོལ་བ་འདེབས། །རླབས་ཆེན་སྤྱོད་ལ་འཇིགས་མེད་ལྷག་བསམ་ཟླ། །བྱམས་དང་སྙིང་རྗེའི་ཆ་ཡིས་ཉེར་གང་བའི། །འཕྲིན་ལས་འོད་སྟོང་ཟེར་གྱིས་མཐའ་ཀླས་འགྲོའི། །ཕན་བདེའི་ཀུནྡ་བཞད་ལ་གསོལ་བ་འདེབས། །རྒྱལ་ཀུན་མཐུ་སྟོབས་ཕྱག་ན་འབར་བའི་མཚོན། །ས་འཁྲེགས་རྡོ་རྗེ…

གསོལ་བ་འདེབས། །དཔལ་ལྡན་བླ་མ་རྣམ་པ་ཐོད་འཕྲེང་རྩལ། །གསང་གོས་རྣམ་སྦྱར་ཟ་བེར་པད་ཞུ་ཅན། །རྡོ་རྗེ་ཐོད་པ་ཁ་ཊཱཾ་རྩེ་གསུམ་འཆང་། །སྲིད་གསུམ་ཟིལ་གནོན་སྐུ་ལ་གསོལ་བ་འདེབས། །མཆོག་དམན་བར་པའི་གདུལ་བྱ་མ་ལུས་པའི། ཁམས་དང་དབང་པོར་འཚམ་པ་དམ་པའི་ཆོས། །སྣ་ཚོགས་ཐེག་པ་ཀུན་སྟོན་ཚངས་པའི་གསུང་། །ཡན་ལག་དྲུག་ཅུའི་རྗེས་འགྲོར་གསོལ་…

དཔལ་ཨྱོན་གྱི་སློབ་དཔོན་ཆེན་པོ་དང་རྩ་བའི་བླ་མ་ཐ་མི་དད་པར་གསོལ་བ་གདབ་པའི་རིམ་པ་འདི་ལྟ་བུ་ཞིག་དགོས་ཞེས་ཐོན་ནོར་འཛིན་སྐྱོང་བ་ལེགས་ལྡན་དབང་པོར་བསྐུལ་བའི་ངོར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཇམ་དབྱངས་བསྟན་འཛིན་ནོ། །གསུང་ངག་དབང་གིས་བློ་ལྡན་སྐལ་བཟང་རྣམས། །སྟོང་གཟུགས་ཕྱག་རྒྱ་ཆེན་པོར་ཡོངས་སྨིན་པ། །དཀྱིལ་འ…

མཁས་བཙུན་བཟང་པོར་གསོལ་བ་འདེབས། །རབ་ཡངས་ཤེས་བྱའི་གནས་ལ་འབྱམས་ཀླས་པ། །རྣམ་དཔྱོད་དབྱིག་གཉེན་ཞབས་ཀྱི་རྗེས་འགྲོ་བའི། །མང་ཐོས་ཉིན་བྱེད་ཁྱོད་དྲུང་མཁས་པ་གཞན། །མེ་ཁྱེར་ལྟ་བུར་མཛད་ལ་གསོལ་བ་འདེབས། །རང་བདེ་ལྷུར་ལེན་དམན་ལམ་ངལ་གསོའི་སྟེགས། །རབ་སྤངས་མཐའ་འཁོབ་ཡངས་པའི་རྒྱལ་ཁམས་སུ། །བསྟན་འགྲོའི་བདེ་སྐྱིད་མེ་རོ་ཉེར་གས…

བཏབ་སྨོན་པ་ཇི་བཞིན་འགྲུབ་གྱུར་ཅིག །དཀར་ཕྱོགས་དགའ་བའི་ལྷ་དང་དྲང་སྲོང་སོགས། ཚིག་དང་དམོད་པ་ལ་དབང་བདེན་ཚིག་དང་། །བདག་སོགས་བཅོས་མིན་བསམ་པ་ཐག་པ་ཡིས། །གསོལ་བ་བཏབ་པས་འབྲས་བུ་ལྷུན་གྲུབ་ཤོག །དེང་ནས་བཟུང་སྟེ་མི་གནས་མྱང་འདས་ཀྱི། །ས་ཆེན་མངོན་དུ་མ་གྱུར་དེ་སྲིད་དུ། །ཡོངས་འཛིན་བླ་མས་རྗེས་སུ་ཉེར་བཟུང་སྟེ། །ཕན་བདེའི་…

བ་སྐོང་བའི་ཡོན་ཏན་གཏེར། །མཆོག་དམན་དབང་པོར་འཚམ་པའི་འཕྲིན་ལས་ཀྱི། །སྒོ་བརྒྱ་ཕྱོགས་བཅུར་འབྱེད་ལ་གསོལ་བ་འདེབས། །བློ་ལྡན་བཟང་པོའི་ལས་ཅན་ཚོགས་རྣམས་ལ། རྒྱ་ཆེན་སྤྱོད་དང་ཟབ་མོ་ལྟ་བའི་ལམ། །མར་མེ་མཛད་དཔལ་བཞེད་སྲོལ་ལྟར་བསྟན་པས། །དབྱར་མཚོ་ཇི་བཞིན་འཕེལ་ལ་གསོལ་བ་འདེབས། །སྲིད་པར་འཇིགས་མེད་བཟོད་པའི་གོ་ཆ་ཡིས། །ཐུབ་པའ…

ཆེན་པོར། །མྱུར་འགྲོད་རང་གཞན་དོན་ཀུན་འགྲུབ་པར་ཤོག །ཅེས་སྨོན་ལམ་གསོལ་འདེབས་དང་བཅས་པ་འདི་ནི་བཻ་རོ་ཙ་ནའི་ཁ་ཏོན་དུ་ཟ་ཧོར་གྱི་བནྡེས་བྲིས། ངག་དབང་ཚངས་སྲས་ལྷ་མོས་མགྲིན་འཁྱུད་པས། །སྨྲ་བའི་སྤོབས་པ་གཟེངས་མཐོའི་ལེགས་བཤད་ཀྱི། །བློ་གསལ་སྐལ་བཟང་རྒྱ་མཚོའི་འདོད་འཇོ་མཁན། །འཇམ་དབྱངས་དགའ་བའི་བཤེས་ལ་གསོལ་བ་འདེབས། །རྡོ་ར…

ཀྱིས་དུལ་བས་རྣམ་པར་འཇམ། །ལེགས་བཤད་སྨྲ་མཁས་དབྱངས་ཅན་མགྲིན་པར་ཆགས། །མཁས་བཙུན་བཟང་པོའི་གྲགས་སྙན་ཀུན་ཁྱབ་པའི། །དཔལ་ལྡན་བླ་མའི་ཞབས་ལ་གསོལ་བ་འདེབས། །སྐྱིད་ཤོད་ཉང་བྲན་ཕ་ཕོང་ཁའི་གདན་ས་པ་ཆོས་རྗེ་འཇམ་དབྱངས་གྲགས་པའི་གསོལ་འདེབས་འདི་ནི་དགེ་སློང་འཇམ་དབྱངས་དཔལ་བཟང་གིས་བསྐུལ་བའི་ངོར་ཟ་ཧོར་གྱི་བནྡེས་སྦྱར་བའི་ཡི་གེ་པ…

ཏན་གཟུགས་སུ་ཤར་བའི་གཏམ། །དྲ་མིག་སྣ་ཚོགས་ཀློག་ཚུལ་སྒྱུ་ཐབས་ཀྱིས། །ངོ་མཚར་ཡིད་ལ་བཀོད་པ་གངྒཱའི་རྡུལ། །དེ་སྙེད་གྲངས་ཀྱི་ཁྱད་པར་གྱིས་མཚོན་མིན། །ཚིག་གི་ཆུ་ཀླུང་གར་བཏུང་ལེགས་བཤད་གསེར། །འགྱུར་བའི་རྣམ་དཔྱོད་འཛམ་བུའི་སྙེ་མ་རྣམས། །སྐྱེས་ཐོབ་ཤེས་རབ་ཡལ་གའི་རྩེར་དུད་པར། །བརྩོན་པའི་ལོ་འདབ་གཡོ་བ་འདི་ན་མཚར། །སྣ་ཚོགས…

ཡོངས་འདུའི་ལྗོན། །འདབ་སྟོང་སྲིད་ཞིའི་ལེགས་བྱས་རྩ་ལག་ཅན། །གཅིག་ཏུ་རུ་བཞིའི་འཛིན་མའི་ཐིག་ལེ་འདིར། །རབ་འཁྱིལ་ཕན་བདེའི་གྲིབ་ཏུ་ཉེར་བསིལ་ཤོག །རྟག་ཏུ་སྙན་ངག་ལ་དགའི་བག་ཆགས་རིགས། །ཚེ་རབས་མང་པོར་སད་པའི་བཟང་པོའི་འབྲས། །མཁའ་མཉམ་སྐྱེ་རྒུ་ཀུན་གྱིས་ལོངས་སྤྱོད་ནས། །དུས་མཁྱེན་རྒྱལ་པོའི་ངང་ཚུལ་འཛིན་གྱུར་ཅིག །རྣམ་པར་…