གྱིས་བཙལ་བྱས་ཀྱང་། །མཚུངས་ཟླས་དབེན་པའི་ཡོན་ཏན་མཆོག་གཟིགས་ནས། །རབ་ཏུ་བསྔགས་པའི་མེ་ཏོག་འཐོར་ལ་ལྟོས། ༢༠ །དེ་ཕྱིར་སོ་སྐྱེའི་བློ་ལས་རིང་འདས་པའི། །རྨད་བྱུང་ཐུགས་རྗེའི་ཙིནྟཱ་ མ་ཎི་མཆོག །དད་གུས་གདུགས་དཀར་རྩེ་མོས་འཐོབ་པའི་མོད། །གྲངས་མེད་བསྐྲུན་འོས་འབྱོར་པས་ལྷག་ཅིག་བསྩལ། ༢༡ །གང་མཚན་དཔལ་གྱི་དུམ་བུ་སིམ་པ་ལས། །ར…

༈ བོད་ཀྱི་ཡང་དག་པའི་མཁས་པ་ཆེན་པོར་བསྟོད་པ་དད་གསུམ་ནོར་བུའི་རྒྱུད་མང་ཞེས་བྱ་བ་བཞུགས་སོ། །རྒྱ་གར་སྐད་དུ། སཾ་བྷོ་ཊ་མ་ཧཱ་པཎྜི་སཱུ་ཏི་ནཱ་མ། བོད་སྐད་དུ། བོད་ཀྱི་ཡང་དག་པའི་མཁས་པ་ཆེན་པོར་བསྟོད་པ། བཅོམ་ལྡན་འདས་གསུང་གི་རྡོ་རྗེ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཀ་ལིའི་ཕྲེང་མཛེས་རྡོ་རྗེའི་སྒྲ་དབྱངས་བརྗོད་པ…

ཐུགས། །མ་ལུས་ཡིད་ཀྱི་རྒུད་པ་སེལ་བའི་མཁྱེན་བརྩེ་ཟླ་མེད་མཆོག་ལ་འདུད། ༤ །ཙ་ར་ཀ་སོགས་ཐུན་མོང་རིག་པའི་གོས་བཟང་ལྷབ་ལྷུབ་རྣམ་པར་གཡོ། །ཚ་ཟེར་ཅན་བཞིན་གཞན་སྡེའི་མུན་འཇོམས་ཡོན་ཏན་ནོར་བུའི་རྒྱན་བཀོད་པས། །ཛ་ཡའི་བསྟན་ལ་བྱ་བ་ཆེར་མཛད་དོན་གྱི་ཤིང་རྟ་ཆེན་པོ་དངོས། །ཝ་ལེར་ཡིད་ལ་དྲན་པའི་མོད་ནས་ལག་པད་སྙིང་གར་ཟུམ་སྟེ་འདུད…

པས། །མཁའ་ཁྱབ་ཡིད་ཅན་རྒྱ་མཚོའི་རྡུལ་སྙེད་ཀུན་བཟང་སྤྱོད་པར་རོ་གཅིག་ཤོག ༨།ཅེས་པའང་གངས་རིའི་ལྗོངས་འདིར་བཀའ་དྲིན་སུས་ཀྱང་གཞལ་བར་དཀའ་བའི་ཤིང་རྟ་ཆེན་པོ་ཐུ་མིའི་རིགས་འཁྲུངས་སཾ་བྷོ་ཊའི་རྣམ་པར་ཐར་པ་ཡང་ནས་ཡང་དུ་ཡིད་ཀྱི་ནོར་བུའི་མེ་ལོང་དྭང་ཞིང་གཙང་མའི་ངོགས་སུ་བཀོད་པ་ན། ཐུགས་རྗེ་ཆེན་པོ་བཞི་དང་ལྡན་པས་མངོན་སུམ་བཞི…

༈ སྤྱན་རས་གཟིགས་དངོས་སྤྲུལ་པའི་རྒྱལ་པོ་སྲོང་བཙན་ཞབས་ཀྱི་རྣམ་ཐར་ལ་ཅུང་ཟད་བསྔགས་པའི་ཚིག་རྒྱན་མེ་ཏོག་གཞོན་ནུའི་མཆོད་སྤྲིན་ཅེས་བྱ་བ་བཞུགས་སོ། །ཨོཾ་སྭསྟི་པྲ་ཛེ་རབ་སྤེལ་གྱི་ཤིས་བརྗོད། ཕྱག་ན་པདྨོ་གཟུགས་གཞན་བསྒྱུར་བ་བྱང་ཆུབ་སྤྱོད་པའི་དྲང་སྲོང་ཆེ། གཞན་ཕན་སྨོན་ལམ་བཙན་པོའི་མཐུས་བསྐུལ་གངས་རིའི་ལྗོངས་འདིར་སྣང་བའ…

དང་ངེས་འབྱུང་སྤོབས་པ་ཕུན་ཚོགས་ཤིང་། །དགེ་ཆོས་ཡོངས་སུ་སྡུད་ལ་མཁས་པ་གང་། རྒྱལ་བའི་སྲས་མཆོག་རྣམས་ཀྱི་བསྔགས་འོས་ཉིད། ༢ །བྱ་བའི་རང་བཞིན་བརྗོད་པ། ལྷག་པར་བྱང་ཆུབ་སེམས་དང་་མི་ཕྱེད་པའི། །སྙིང་སྟོབས་གཞར་ཡང་ཉམས་པ་མེད་པ་ཡིས། །མཐའ་ཀླས་སེམས་ཅན་དོན་རབ་བགྱིད་པ་ལ། །སྤྲོ་བས་སྲིད་པའི་གནས་སུ་བདེ་བར་ཞུགས། ༣ །ཡོན་ཏན་གྱི་…

འབུམ་དུ་འགྱེད་པས་མཚོན། ༧ །བཟློག་པའི་དཔེ། ཁྱད་པར་ཁ་བ་ཅན་གྱི་སྨན་ལྗོངས་འདིར། །དགེ་བཅུའི་ཁྲིམས་ཀྱི་དུས་སྟོན་དར་བབས་བཞིན། །དཔྱིད་དཔལ་ཡོངས་སུ་རྒྱས་པའི་བརླན་དྲོད་ཀྱིས། །པུཎྜ་རཱི་ཀའི་ནགས་ཀླུང་ཅིར་ཡང་གཡོ། ༨ །ཕན་ཚུན་དཔེ། ཚད་མེད་སྙིང་རྗེས་གཞན་ལ་སྨན་མཛད་གང་། །པད་དཀར་འཆང་བའི་དབང་པོ་དང་མཚུངས་ཏེ། །མིག་མི་འཛུམ་པའི…

བྲག་ལས། །སྤངས་རྟོགས་ཕྲིན་ལས་ཁྱད་པར་དམིགས་སུ་མེད། ༡༣ །རབ་བརྟག་དཔེ། འདི་ཡི་གཏོང་ལ་གོམས་པའི་འདོད་དགུའི་མཛོད། །ང་ལ་ཡོད་ཅེས་ཡོངས་འདུའི་དབང་པོ་གང་། །སྙེམས་པར་མི་འཚལ་ཡིད་བཞིན་དཔལ་སྦྱིན་པའི། །ཁྱད་པར་ཆེ་ལྡན་ནོར་གྱི་བུ་ཡང་མཐོང་། ༡༤ །རྨད་བྱུང་དཔེ། འབིགས་བྱེད་རླུང་གི་རྒྱུ་བ་དལ་འབབས་པའི། །འཁོར་བའི་ཚ་གདུང་ལྟུག་པོ…

བའི། །ཤེས་རབ་གསུམ་གྱི་མཛེས་པ་ཅུང་ངོམས་པས། །ལེགས་བྲིས་བདུད་རྩིའི་སྐལ་བཟང་འཕྲོག་པར་བྱེད། ༡༩ །མཉམ་ཉིད་དཔེ། ཁྱད་པར་ཐབས་ལ་མཁས་པའི་འཇུག་པ་ནི། །ལང་ཚོ་མ་བཞིན་ཀུན་གྱི་ཡིད་འོང་ཡང་། །འགྲོ་འདིའི་སྲེད་པ་འཕེལ་བར་བྱེད་མ་ལགས། །དེ་སླད་རྣམ་གྲོལ་ལམ་གྱི་གཤེད་མ་ཡིན། ༢༠ །སྨད་དཔེ། ཁྱབ་འཇུག་གཡོ་སྒྱུའི་སྒྱུ་ཐབས་དང་འགྲོགས་ཤི…

པོ་དང་། ཡན་ལག་དྲུག་ཅུའི་ཉམས་འགྱུར་རྫོགས་མིན་ཕྱིར། །དྲི་ཟའི་རྒྱུད་མང་སྟོང་གིས་ཁྱོད་གསུང་ལ། །ནམ་ཡང་འགྲན་པའི་གོ་སྐབས་བསྐྲུན་མི་ནུས། ༢ །མཛེས་པའི་དཔེ། འཕགས་མཆོག་སྤྱན་སྟོང་འཇོ་སྒེག་རབ་གཡོ་ཞིང་། །གང་ཁྱོད་འདྲེན་བྱེད་ཟུང་ཞིག་མངའ་བས་ཀྱང་། །མཁའ་ཁྱབ་ཡིད་ཅན་རྒྱ་མཚོར་དུས་རྟག་ཏུ། །བརྩེ་བས་གཟིགས་པའི་ཚུལ་ལ་མཉམ་པ་ཉིད…

བ་ཅང་སྲིད་དམ། ༣༠ །མང་བའི་དཔེ། ལྷག་པར་ཁ་བ་དུང་དང་ཀུནྡ་ལྟར། །རབ་དཀར་སྣང་བ་རྫོགས་པའི་མཚར་སྡུག་ཅན། །རྒྱལ་བསྟན་རིན་ཆེན་ཐོག་མར་འདྲེན་མཛད་པའི། །བཀའ་དྲིན་བསམ་ཀྱིན་གཅིག་ཏུ་གུས་པས་འཕེལ། ༣༡ །རྣམ་འགྱུར་དཔེ། གང་ཕྱིར་མཐའ་གཉིས་དབུ་མར་བསྙིལ་བ་ཡི། །མཁྱེན་རབ་འཇམ་དཔལ་གཞོན་ནུའི་ཡེ་ཤེས་དང་། །བརྩེ་ཆེན་འཇིག་རྟེན་མགོན་པོའི…

པ་ཡོད་མིན་ཏེ། །མཁའ་ལ་རྒྱུ་བའི་སྣང་བྱེད་གྲངས་མང་ཡང་། །གདུང་སེལ་ཟླ་བ་ཉིད་ལས་གཉིས་པ་མེད། ༣༦ །མཚུངས་སྦྱོར་དཔེ། ཁ་སྦྱོར་བདུན་ལྡན་འོག་མིན་ཞིང་མཆོག་དང་། །ཁྱོད་ཀྱིས་། །བསིལ་ལྡན་ཡུལ་དབུས་ཆོས་འཁོར་བསྐོར། །དེས་ནི་ས་བཅུ་རྒྱུན་མཐའི་ཚོགས་རྣམས་དང་། །ཁྱོད་ཀྱིས་དབང་རྣོན་གདུལ་བྱ་སྨིན་གྲོལ་མཛད། ༣༧ །རྒྱུ་ཡི་དཔེ། མདོར་ན…

ཇོ་བོ་རྗེ་དཔལ་ལྡན་ཨ་ཏི་ཤ་ལ་ཅུང་ཟད་བསྔགས་པའི་ཚིག་གི་རྒྱུད་མང་དད་བརྒྱའི་མེ་ཏོག་ཅེས་བྱ་བ་བཞུགས་སོ། །ན་མཿཤྲཱི་མཱི་དཱི་པཾ་ཀ་རཱ་ཡ། དགེ་ལེགས་ཐུགས་རྗེའི་བདུད་རྩིའི་སྤྲིན་གྱིས་སྲིད་པའི་གདུང་བ་མཐའ་དག་འཕྲོག །དཔལ་ལྡན་ཡོན་ཏན་དམ་པའི་ལྗོན་ཤིང་ཞི་བསིལ་འདོད་པ་འཇོ་བའི་གཏེར། །རིག་དང་བརྩེ་བའི་མར་མེའི་སྣང་བས་མཐའ་གཉིས་མུ…

པ་མེད། ༥ །དེ་སླད་ཟླ་ཤེལ་གསར་པའི་འཛུམ་རླབས་དང་། །འཁྲུལ་པའི་རྣམ་ཐར་དཀར་པོས་མཛེས་པ་ཡང་། །ཕྱི་ནས་གྲུབ་པའི་དཔལ་གྱིས་མངོན་མཐོ་བའི། །ཚུལ་འདིས་སོམ་ཉིའི་དྲྭ་བ་འཇལ་ལ་དབང་། ༦ །སླར་ཡང་ཐམས་ཅད་གཟིགས་པས་རང་ཉིད་ཀྱི། །ཡོངས་རྫོགས་བསྟན་ལ་བྱ་བ་མཛད་པའི་སླད། །བག་མེད་འགོག་པའི་བདུད་རྩི་ཟུངས་ཤིག་ཅེས། །བསྐུལ་བའི་ངོ་མཚར་སྲིད་…

འདོད་པའི་ཆགས་བྲལ་ཞིང་། །འགྲོ་བའི་མིག་སྟེ་འཆར་ནུབ་གཞན་དབང་མིན། །སྣ་ཚོགས་གཟུགས་ཀྱིས་འཇིག་རྟེན་ཁྱབ་འཇུག་ཀྱང་། །གཞན་དག་བསླུ་བའི་བསམ་སྦྱོར་གཞར་ཡང་དབེན། ༡༢ ། ཁྱད་པར་བསིལ་ལྡན་ལྗོངས་སུ་ཐུབ་པའི་བསྟན། །སྙིགས་སྤྱོད་གདུང་བའི་མལ་དུ་ཉམ་ཐག་ཚེ། །རྗེ་བཙུན་འཕགས་མས་བསྐུལ་བའི་དེ་མ་ཐག །གང་ཁྱོད་ཁ་བའི་ཁྲོད་འདིར་དལ་གྱིས་གཤ…

གང་གི་བསྐལ་པར་གོམས་པའི་ཐུགས་བསྐྱེད་ཀྱིས། །བསྟན་འགྲོར་ཕན་བདེ་བསྒྲུབས་ལ་ངོ་མཚར་ཅི། །བསོད་ནམས་བྱེ་བའི་རང་གཟུགས་མཚན་དཔེའི་བྱིན། །འདེགས་བཟོད་བྷོ་ཊའི་ལྗོངས་འདི་ཨེ་མ་བརླིང་། ༡༨ །དེ་སླད་མཐོང་ན་མི་མཐུན་མེད་པའི་ཞལ། །མངོན་སུམ་བསྙེན་པའི་སྐལ་བཟང་བཏང་གྱུར་ཀྱང་། །ཡིད་བཞིན་འདོད་པ་འཇོ་བའི་ཞལ་སྐྱིན་མཆོག །མཇལ་བས་མོས་པ…

ངོ་མཚར་སྲིད་ན་མཚུངས་མེད་ཕུལ་བྱུང་ཞབས་ཀྱི་རྣམ་ཐར་དག །བདག་གཞན་ཡིད་ཅན་རྒྱ་མཚོའི་ཚོགས་རྣམས་སྤྱོད་ཡུལ་མཉམ་པ་ཉིད་གྱུར་ཅིག ༢༣ །དེ་ལྟར་ལྔ་བརྒྱ་པ་རྣམས་ཀྱི་གཙུག་གི་ནོར་བུ་དཔལ་ལྡན་ཨ་ཏི་ཤའི་རྣམ་ཐར་ལ་ཅུང་ཟད་བསྔགས་པའི་ཚིགས་སུ་བཅད་པ་འདིའང་། རྗེ་དེ་ཉིད་ཀྱིས་བྱིན་གྱིས་བརླབས་པའི་གནས་དཔལ་གྱི་སྙེ་ཐང་དུ་སྐུ་འདྲ་རིན་པོ་ཆ…

༈ མ་ཧཱ་པཎྜི་ཏ་ཤཱཀྱ་ཤྲཱི་ལ་བསྔགས་པ་དད་པའི་ཨུཏྤལ་ཞེས་བྱ་བ་བཞུགས་སོ། །ན་མཤཱཀྱ་ཤྲཱི་བྷ་དྲ་བཱ་དཱ་ཡ། རྒྱལ་ཀུན་སྙིང་རྗེ་ཆེན་པོའི་དཔྱིད་ཀ་ཡིས། །རབ་དྲངས་མཚན་དཔེའི་མེ་ཏོག་དགོད་པའི་མོད། །བསྔགས་འོས་ཡོན་ཏན་བདུད་རྩིའི་དོག་པ་ཡིས། །ལྷར་བཅས་འཇིག་རྟེན་གསུམ་གྱི་ཉེར་འཚོར་གྱུར། ༡ །དེ་ཚེ་ཤེས་བྱ་རྒྱ་མཚོར་གཟིགས་པའི་སྤྱན། །…

གཙུག་ན་ངལ་འཚོ་བའི། །བཀྲ་ཤིས་དཔལ་གྱི་འབྱོར་པ་བཟང་པོ་ཡིས། །ས་འདིར་ཆོས་ཀྱི་རྫོགས་ལྡན་གསར་དུ་ཤར། ༤ །ལག་ན་པདྨོའི་ཞལ་གྱི་ཆུ་སྐྱེས་ལས། །འཁྲུངས་པའི་མྱུར་མ་དཔའ་མོས་ཉིན་རེ་བཞིན། །ཟབ་རྒྱས་གསུང་གིས་དབུགས་དབྱུང་མཛད་པས་མཚོན། །ངོ་མཚར་རྟོགས་བརྗོད་ཚངས་པའི་བློ་ལས་འདས། ༥ །ཁྱད་པར་བསིལ་ལྗོངས་འགྲོ་བའི་བསོད་ནམས་མཁར། །ཞབས་…

རིག་པར་སྨྲ་བ་རྣམས་ཀྱི་གཙུག་གི་ནོར་བུ་རྔོག་ལོ་ཙཱ་བ་ཆེན་པོ་བློ་ལྡན་ཤེས་རབ་ལ་བསྔགས་པ་མོས་གུས་ཀྱི་རོལ་མོ་ཞེས་བྱ་བ་བཞུགས་སོ། །ན་མསརྦ་ཛྷ་དྷི་མཱི་པྲ་ཛྙཱ་པཱ་དཱ་ཡ། གཟོད་ནས་རྣམ་པ་ཐམས་ཅད་མཁྱེན་པའི་གོ་འཕང་ལ། །མངོན་སུམ་གཤེགས་ཀྱང་བློ་ལྡན་བྱེ་བའི་ངལ་འཚོའི་སླད། །ཤེས་རབ་གསུམ་གྱི་མཚར་སྡུག་རྫོགས་པའི་ལང་ཚོ་ཅན། །གྲུབ་པའ…