ལྔ་པ་དུས་གསུམ་ལ་ཕྲ་རྒྱས་ལྡན་ཚུལ་གྱི་སྒོ་ནས་དབྱེ་བ་ལ། །ཕྲ་རྒྱས་ཀྱི་དམིགས་ཡུལ། དུས་གསུམ་ལྡན་ཚུལ་ལ་དཔྱད་པ། དུས་གསུམ་གྱི་རྣམ་བཞག་སྤངས་ཀྱང་ལྡན་པའི་ཚུལ། །སེམས་ཀྱི་དམིགས་པ་བྱེ་བྲག་ཏུ་བཤད་པ་བཞི། དང་པོ་ལ། དམིགས་ཡུལ་ངེས་པ་ཅན་གྱི་ཉོན་མོངས་རང་མཚན་པ་དང་། དེ་ངེས་མེད་ཀྱི་ཉོན་མོངས་སྤྱི་མཚན་པ་གཉིས་ལས། དང་པོ་ནི། ཤེས་…

དང་ལྡན་ཚུལ་དཔྱད་པ་ལ། དུས་གསུམ་རྫས་ཡོད་དུ་གྲུབ་པ། དུས་གསུམ་གྱི་འཇོག་ཚུལ། དེ་ལ་མདོ་སྡེ་བའི་གནོད་བྱེད་བརྗོད་པ། བྱེ་བྲག་སྨྲ་བ་རང་གིས་ལན་བཏབ་པ་དང་བཞི། དང་པོ་ལ། ལུང་དང་། རིགས་པའི་སྒྲུབ་བྱེད་གཉིས་ལས། དང་པོ་ནི། དུས་གསུམ་པོ་རྣམ་པ་ཀུན་དུ་རྫས་སུ་ཡོད་དེ། བཅོམ་ལྡན་འདས་ཀྱིས། དགེ་སློང་དག །གལ་ཏེ་འདས་པའི་གཟུགས་ཤིག་ཡ…

ཤས་ཆེ་བའི་དབང་དུ་བྱས་ནས་དེ་དང་དེར་འཇོག་པའི་ཕྱིར། དཔེར་ན། སྲིད་སྒྲུབ་ནག་མོ་སྙན་སྒྲོག་མ་ལ་ལྷག་པར་ཆགས་པས། ཆགས་ཞེས་བརྗོད་ཀྱི། བུད་མེད་གཞན་ལ་ཆགས་པ་དང་བྲལ་བ་མ་ཡིན་པ་བཞིན་ནོ། །གསུམ་པ་ཡོད་དེ། བཙུན་པ་དབྱིག་བཤེས་ན་རེ། དུས་གསུམ་གནས་སྐབས་གཞན་འགྱུར་ཡིན་གྱི། རྫས་གཞན་འགྱུར་མ་ཡིན་ཏེ། མ་འོངས་པ་ནས་ད་ལྟར་བ་སོགས་སུ་འཇུ…

གསུམ་པ་དུས་གསུམ་གྱི་རྣམ་གཞག་སྤངས་ཀྱང་ལྡན་པའི་ཚུལ་ནི། སྡུག་བསྔལ་མཐོང་བས་སྤང་བར་བྱ་བ་མཐའ་དག་སྤངས་ཀྱང་ལྡན་པ་ཡོད་དེ། ཀུན་འགྲོ་ལྷག་མ་ཀུན་འབྱུང་མཐོང་སྤང་རྣམས་ཀྱི་དམིགས་པར་ལྡན་པ་ཡོད་པའི་ཕྱིར། ཕྱིར་མི་འོང་གི་འབྲས་བུ་ཐོབ་པའི་ཚེ་འདོད་པའི་སས་བསྡུས་ཀྱི་སྒོམ་སྤང་དང་པོའི་རྣམ་པ་སྟེ། ཆེན་པོ་སྤངས་ཀྱང་ལྡན་པ་ཡོད་དེ། ས…

གསུམ་པ་རྣམ་གྲངས་ལ། མདོ་ནས་གསུངས་པའི་རྣམ་གྲངས། བསྟན་བཅོས་ལས་བཤད་པའི་རྣམ་གྲངས། ཞར་བྱུང་མཚུངས་ལྡན་བཤད་པ། སྤང་བྱ་སྒྲིབ་པ་ལྔ་བཤད་པ་དང་བཞི། དང་པོ་ལ། སོ་སོར་བཤད་པ། ངེས་ཚིག་བསྡུས་ཏེ་བསྟན་པ་དང་གཉིས། དང་པོ་ལ། ཟག་པ་བཤད། ཆུ་སྦྱོར་བཤད། ཉེར་ལེན་བཤད་པའོ། །དང་པོ་ལ། འདོད་པའི་ཟག་པ། སྲིད་པའི་ཟག་པ། མ་རིག་པའི་ཟག་པ་དང་གས…

འཁོར་བར་ཟག་བྱེད་ཡིན་པའི་ཕྱིར། གཉིས་པ་ནི། གཟུགས་ཁམས་དང་གཟུགས་མེད་པའི་ཁམས་ན་མ་རིག་པ་མ་གཏོགས་པའི་ཕྲ་རྒྱས་ཁོ་ན་ལ་སྲིད་པའི་ཟག་པ་ཞེས་བྱ་སྟེ། དེ་དེ་རྣམས་ཁམས་གོང་མར་ཟག་བྱེད་ཡིན་པའི་ཕྱིར། ཁམས་གོང་མའི་མ་རིག་པ་མ་གཏོགས་པའི་ཉོན་མོངས་དེ་རྣམས་ཆོས་ཅན། སྲིད་པའི་ཟག་པ་ཞེས་གཅིག་ཏུ་འཆད་པའི་རྒྱུ་མཚན་ཡོད་དེ། ལུང་དུ་མ་བསྟན…

མཚུངས་ལྡན་རྣམ་པ་གཉིས་ཀྱིས་རྒྱས་པར་འགྱུར་བ་དང་། བཟློག་ཀྱང་ཡང་དང་ཡང་དུ་རྗེས་སུ་འབྲང་བས་དེ་ལྟར་བཤད་པ་དེའི་ཕྱིར། ཤེས་བྱ་ཆོས་ཅན། ཟག་པ་སོགས་ཀྱི་སྒྲ་དོན་ཡོད་དེ། ཕྲ་རྒྱས་དེ་དག་འཁོར་བར་འཇོག་པར་བྱེད་པ་དང་། ཟག་པར་བྱེད་པ་དང་། འཁོར་བར་འཁྱེར་བར་བྱེད་པ་དང་། འཁོར་བ་ལ་འབྱར་བར་བྱེད་པ་དང་། འཁོར་བ་ཉེ་བར་འཛིན་པའི་ཕྱིར་ན…

བྱེད་ལས་ཡོད་དེ། དང་པོ་གཉིས་ཀྱིས་ཁམས་མཐའ་མ་འདོད་པ་ལས་མི་འདའ་བར་བྱེད་ལ། ཕྱི་མ་གསུམ་པོ་ཡིས་ནི་ཁམས་གོང་མར་སྐྱེས་ཀྱང་། ཕྱིར་ཟློག་པར་བྱེད་པའི་ཕྱིར། གཉིས་པ་ནི། རྒྱུན་དུ་ཞུགས་པས་ཀུན་སྦྱོར་མཐའ་མ་གསུམ་སྤངས་ཞེས་བཤད་པ་ལ་རྒྱུ་མཚན་ཡོད་དེ། ཚུལ་ཁྲིམས་བརྟུལ་ཞུགས་མཆོག་འཛིན་དང་། ཐེ་ཚོམ་གསུམ་གྱིས་ཉོན་མོངས་པའི་སྒོ་བསྡུས…

ཁྲེལ་མེད་པ་དང་། ཕྲག་དོག །སེར་སྣ། རྒོད་པ་དང་། འགྱོད་པ་དང་། རྨུགས་པ་དང་། གཉིད་དང་བརྒྱད་ཡོད་པའི་ཕྱིར། གཉིས་པ་ནི། ཤེས་བྱ་ཆོས་ཅན། བཅུ་ཡོད་དེ། སྔར་བཤད་པའི་སྟེང་དུ་ཁྲོ་བ་དང་། འཆབ་པ་གཉིས་སུ་ཡོད་པའི་ཕྱིར། གཉིས་པ་ནི། ངོ་ཚ་མེད་པ་དང་། རྒོད་པ་དང་། སེར་སྣ་ཆོས་ཅན། ཁྱོད་ཀྱི་རྒྱུ་ཡོད་དེ། འདོད་ཆགས་ཀྱིས་བསླད་པ་ཡིན་པའི…

ཕྱིར། དེ་ཆོས་ཅན། ཉོན་མོངས་རང་དབང་ཅན་ཡིན་ཏེ། མ་རིག་པ་ཙམ་དང་མཚུངས་པར་ལྡན་པའི་ཕྱིར། དེ་བཞིན་དུ་ཉོན་མོངས་པའི་དྲི་མ་དྲུག་པོ་རྣམས་ཆོས་ཅན། སྒོམ་སྤང་ཡིན་ཏེ། རྟགས་སྔར་བཞིན་ཡིན་པའི་ཕྱིར། གཉིས་པ་ནི། ཉེ་བའི་ཉོན་མོངས་པ་བཅུ་དྲུག་པོ་དེ་རྣམས་ཕལ་ཆེར། མི་དགེ་བ་ཡིན་ཏེ། དེར་དེ་རྣམས་རྣམ་སྨིན་ཡིད་མི་འོང་འབྱིན་བྱེད་ཡིན་པའ…

པའི་ཕྱིར། ཞེ་སྡང་ཆོས་ཅན། བདེ་བ་ལས་བཟློག་པ་དང་། སྡུག་བསྔལ་དང་། ཡིད་མི་བདེ་དང་མཚུངས་པར་ལྡན་ཏེ། སྐྱོ་བའི་རྣམ་པས་འཇུག་པའི་ཕྱིར། མ་རིག་པ་ཆོས་ཅན། ཁྱོད་ཚོར་སོགས་དབང་པོ་ཐམས་ཅད་དང་མཚུངས་པར་ལྡན་ཏེ། ཉོན་མོངས་ཀུན་དང་མཚུངས་པར་ལྡན་པའི་ཕྱིར། མེད་ལྟ་ཆོས་ཅན། ཡིད་བདེ་བའི་དབང་པོ་དང་། སྡུག་བསྔལ་གྱི་དབང་པོ་གང་རུང་དང་མཚུ…

གཉིས་པ་སྤོང་བྱེད་གཉེན་པོ་བཤད་པ་ལ། གཉེན་པོ་གང་གིས་སྤང་བྱ་གང་སྤོང་བའི་ཚུལ། གཉེན་པོའི་དབྱེ་བ། ཐག་སྲིང་པའི་གཉེན་པོ་བྱེ་བྲག་ཏུ་བཤད་པ། རྟེན་གྱི་གཉན་པོ་བྱེ་བྲག་ཏུ་བཤད་པ་དང་བཞི། དང་པོ་ནི། ཤེས་བྱ་ཆོས་ཅན། ཕྲ་རྒྱས་སྤོང་ཚུལ་ཡོད་དེ། དམིགས་པ་ཡོངས་སུ་ཤེས་པས་སྤོང་བ་དང་། ཀུན་ འགྲོ་དེ་ལ་དམིགས་པས་བྱེད་པ་ཡང་དག་པར་ཟད་པས…

གསུམ་པ་སྤངས་པའི་འབྲས་བུ་ཡོངས་ཤེས་ཞེས་བྱ་བ་ལ། ཡོངས་ཤེས་ཀྱི་དབྱེ་བ། ས་ལམ་གང་ལས་སྐྱེ་བའི་ཚུལ། ཡོངས་ཤེས་སུ་འཇོག་པའི་རྒྱུ་མཚན། གང་ཟག་གང་ལ་ལྡན་པ། བྲལ་ཐོབ་ཀྱི་ཁྱད་པར་དང་ལྔ་ལས། དང་པོ་ལ། ཚིག་དོན་དང་། མཐའ་དཔྱད་པ་གཉིས་ལས། དང་པོ་ནི། ཤེས་བྱ་ཆོས་ཅན། ཡོངས་ཤེས་དགུ་ཡོད་དེ། འདོད་པའི་ཁམས་ན་དང་པོ་སྡུག་ཀུན་མཐོང་སྤང་རྣམ་…

ཤེས་དེ་གསུམ་ཉིད་དང་། མཐོང་སྤང་ལས་གཞན་སྒོམ་སྤང་སྤངས་པའི་ཡོངས་སུ་ཤེས་པ་གསུམ་རྣམས་སུ་ཡོད་པའི་ཕྱིར། སྒོམ་སྤང་སྤངས་པའི་ཡོངས་ཤེས་གསུམ་ཡོད་དེ། ཐ་མའི་ཆ་དང་མཐུན་པ་ལྔ་སྤངས་པའི་ཡོངས་ཤེས། གཟུགས་ཁམས་ཀྱི་ཟག་པ་ཟད་པའི་ཡོངས་ཤེས། ཁམས་གསུམ་གྱི་ཟག་པ་ཀུན་ཟད་པའི་ཡོངས་ཤེས་རྣམས་སུ་ཡོད་པའི་ཕྱིར། །གཉིས་པ་མཐའ་དཔྱད་པ་ལ། ཁ་ཅིག …

སྤངས་པའི་ཡོངས་ཤེས་ལ་འདོད་པའི་སས་བསྡུས་ཀྱི་སྡུག་བསྔལ་མཐོང་སྤང་སྤངས་པའི་ཡོངས་ཤེས་སོགས་དགུ་ཡོད་པ་དེ་གཞུང་འདིས་བསྟན་ཟེར་ན། སྤང་བྱ་ཕྲ་རྒྱས་སྤངས་པའི་ཡོངས་ཤེས་དེ་ལ་དེ་ལྟར་དབྱེ་རིགས་པར་ཐལ། འདོད་པའི་ཕྱིར། འདོད་ན། འདོད་པའི་སས་བསྡུས་ཀྱི་སྡུག་ཀུན་མཐོང་སྤང་སྤངས་པའི་ཡོངས་ཤེས་སོགས་དགུ་པོ་གང་རུང་ཡིན་ན། སྤང་བྱ་ཕྲ་རྒ…

བསྡུས་ཀྱི་འགོག་པ་མཐོང་སྤང་སྤངས་པའི་ཡོངས་ཤེས་ཡིན་དགོས་པར་ཐལ། འདོད་པའི་ཕྱིར། འདོད་ན། དེའི་སས་བསྡུས་ཀྱི་ལམ་མཐོང་སྤང་ལ་ཡང་དེ་ལྟར་ཁྱབ་པར་ཐལ། འདོད་པའི་ཕྱིར། འདོད་ན། ཁམས་གོང་གི་སས་བསྡུས་ཀྱི་སྡུག་ཀུན་མཐོང་སྤང་ལ་ཡང་དེ་ལྟར་ཁྱབ་པར་ཐལ། འདོད་པའི་ཕྱིར། འདོད་ན། འདོད་པ་ལ་འདོད་ཆགས་དང་བྲལ་བའི་ཕྱིར་མི་འོང་འབྲས་གནས་ཀྱི…

ཤེས་ལ་ལྔ་ཡོད་དེ། ཁམས་གོང་མའི་མཐོང་སྤང་སྤངས་པའི་ཡོངས་ཤེས་གསུམ། གཟུགས་ཀྱི་ཟག་པ་ཟད་པའི་ཡོངས་ཤེས། ཟག་པ་ཀུན་ཟད་པའི་ཡོངས་ཤེས་རྣམས་སུ་ཡོད་པའི་ཕྱིར། བཙུན་པ་དབྱངས་སྒྲོག་གི་ལུགས་ལ་བརྒྱད་ཡོད་དེ། གོང་མ་ལྔའི་སྟེང་དུ་འདོད་པའི་མཐོང་སྤང་སྤངས་པའི་ཡོངས་ཤེས་འབྲས་བུ་གསུམ་རྣམས་སུ་ཡོད་པའི་ཕྱིར། གཟུགས་མེད་ནམ་མཁའི་ཉེར་བསྡོ…

ཀུན་ཏུ་བཅོམ་པ་དང་། ཁམས་ལས་ཡང་དག་པར་འདས་པ་ལས་ཡོངས་ཤེས་ཀྱི་མིང་འཐོབ་པའི་ཕྱིར། །བཞི་པ་ནི། ཤེས་བྱ་ཆོས་ཅན། སོ་སོ་སྐྱེ་བོ་གཅིག་ནི་ཡོངས་ཤེས་དང་མི་ལྡན་ཏེ། དེས་ཟག་མེད་ཀྱི་ལམ་མ་ཐོབ་པའི་ཕྱིར། མཐོང་ལམ་ལ་གནས་པ་ནི་ཡོངས་ཤེས་གཅིག་ནས་ལྔའི་བར་དང་ཡང་དག་པར་ལྡན་ཏེ། ཀུན་འབྱུང་ཆོས་ཤེས་ཀྱི་ཚེ་གཅིག །རྗེས་ཤེས་ཀྱི་ཚེ་གཉིས། འག…

ཡོད་དེ། ལམ་རྗེས་བཟོད་ལ་གནས་པའི་ཕྱིར་མི་འོང་ཞུགས་པས་དེ་རྗེས་ཤེས་ཀྱི་རྟོགས་པ་ཐོབ་པའི་ཚེ། འདོད་པའི་སས་བསྡུས་ཀྱི་མཐོང་སྤང་སྤངས་པའི་འབྲས་བུ་གསུམ། ཁམས་གོང་མའི་སས་བསྡུས་ཀྱི་མཐོང་སྤང་སྤངས་པའི་འབྲས་བུ་གཉིས་ཏེ་ལྔ་བཏང་ནས། ཁམས་གོང་གི་སས་བསྡུས་ཀྱི་ལམ་མཐོང་སྤང་སྤངས་པའི་འབྲས་བུ་ཡོངས་ཤེས་གཅིག་དང་ལྡན་པའི་ཕྱིར། གཅིག་…

མཚན་དཔེའི་སྣང་བ་འགོག་མེད་གཞོན་ནུ་ལ། །ཐུན་མཚམས་ལུས་ཕྲ་ཆགས་པས་རབ་འཁྱུད་པ། །འཇམ་མགོན་མི་ཡི་རང་གཟུགས་ཙོང་ཁ་པ། །ཐུབ་བསྟན་ཡོངས་ཀྱི་གཙུག་ན་མངོན་པར་རྒྱལ། །རྒྱལ་བ་གང་དེའི་རིང་ལུགས་འཛིན་པ་ལ། །ལ་ལུང་ཀུན་དུ་བཙལ་ཡང་འགྲན་པའི་ཟླ། །ཟླ་མེད་སྨྲ་བའི་དབང་ཕྱུག་ཆོས་ཀྱི་རྗེ། །རྗེ་བཙུན་དཀོན་མཆོག་ཆོས་འཕེལ་གསུང་རྒྱུན་བཞིན། །…