ནས་དངོས་སུ་བསྟན་པའི་དེ་ཡིན་པའི་ཕྱིར། ཁ་ཅིག །རྒྱུན་ཞུགས་སྲིད་པ་ལན་བདུན་པ་བ་ཡིན་ན། འདོད་པར་རིགས་མཐུན་གྱི་སྐྱེ་སྲིད་བདུན་ལེན་པར་ངེས་པས་ཁྱབ་ཟེར་ན། མ་ངེས་པའི་རྒྱུན་ཞུགས་སྲིད་པ་ལན་བདུན་པ་བ་ཆོས་ཅན། དེར་ཐལ། དེའི་ཕྱིར། དེར་ཐལ། དེ་ལ་ངེས་མ་ངེས་གཉིས་ཡོད་པའི་ཕྱིར། དེར་ཐལ། དགེ་འདུན་ཉི་ཤུ་ཆེན་མོ་ལས། །ལན་བདུན་པ་ལ་ས…

ཕྱིར། དེར་ཐལ། ཆོས་ཅན་དེ་ཡིན་པའི་ཕྱིར། འདོད་ན། མ་ཡིན་པར་ཐལ། གཟུགས་མེད་ཀྱི་རྟེན་ལ་མྱང་འདས་མངོན་དུ་བྱེད་པའི་ཕྱིར། ཁ་ཅིག །དགྲ་བཅོམ་པ་ཡིན་ན། དགྲ་བཅོམ་དྲུག་འདོད་དེ་དག་ལ། །ཞེས་སོགས་ཀྱི་སྐབས་ནས་དངོས་སུ་བསྟན་པའི་དགྲ་བཅོམ་པ་ཡིན་པས་ཁྱབ་ཟེར་ན། ཐུབ་པ་སངས་རྒྱས་བཅོམ་ལྡན་འདས་ཆོས་ཅན། དེར་ཐལ། དེའི་ཕྱིར། དེར་ཐལ། སངས་ར…

པའི་ཚུལ་ཞེས་བཤད་པའི་རྒྱུ་མཚན་ཡོད་དེ། ཉོན་མོངས་སྤོང་པའི་ལམ་ཡིན་པའི་ཕྱིར། ཚངས་པ་ཡི་འཁོར་ལོ་ཆོས་ཅན། སྐོར་བ་པོ་ཡོད་དེ། ཚངས་པ་སངས་རྒྱས་བཅོམ་ལྡན་འདས་ཀྱིས་བསྐོར་བའི་ཕྱིར། མཐོང་ལམ་གྱི་ངོ་བོར་གྱུར་པའི་འཕགས་ལམ་ཡན་ལག་བརྒྱད་ཆོས་ཅན། ཆོས་ཀྱི་འཁོར་ལོ་ཞེས་བྱ་སྟེ། རྒྱལ་པོའི་འཁོར་ལོ་རིན་པོ་ཆེ་དང་ཆོས་མཚུངས་པའི་ཕྱིར། ད…

གསུམ་པ་དགྲ་བཅོམ་འབྲས་གནས་ཀྱི་དབྱེ་བ་ལ། མཚན་གཞིའི་སྒོ་ནས་དྲུག་ཏུ་དབྱེ། འབྲས་བུ་ཉམས་པ་ཡོད་མེད་ལ་དཔྱད། དབང་པོ་འཕོ་ཚུལ། དགྲ་བཅོམ་པ་དགུར་ཡོད་ཚུལ་དང་བཞི། དང་པོ་ནི། དགྲ་བཅོམ་པ་ལ་དྲུག་ཏུ་འདོད་དེ། ཡོངས་སུ་ཉམས་པའི་ཆོས་ཅན། བདག་གསོད་པའི་ཆོས་ཅན། གནས་པ་ལས་མི་བསྐྱོད་པའི་ཆོས་ཅན། རྟོགས་པའི་སྐལ་བ་ཅན་གྱི་ཆོས་ཅན། རྗེས་…

ཅན་ནས་མི་གཡོ་བའི་བར་གྱི་དེ་ལྡན་ཡོད་པའི་ཕྱིར། མཐོང་ལམ་ལ་གནས་པ་ལ་ནི་དེ་ལ་གནས་བཞིན་དུ་དབང་པོ་འཕོ་བ་མེད་དེ། དེ་ནི་ཤིན་ཏུ་ཡུན་ཐུང་བའི་ཕྱིར། ཡོན་ཏན་ལས་ཡོངས་སུ་ཉམས་པ་ལ་རྣམ་པ་གསུམ་དུ་ཤེས་པར་བྱ་སྟེ། ཡོན་ཏན་ཐོབ་པ་ལས་ཉམས་པ་དང་། མ་ཐོབ་པ་ལས་ཉམས་པ་དང་ཐོབ་བྱ་མངོན་དུ་མི་བྱེད་པས་ཉེར་སྤྱད་ལས་ཉམས་པ་རྣམས་སུ་ཡོད་པའི་ཕྱི…

བསམ་གཏན་ས་དྲུག་ལ་བརྟེན་དགོས་པའི་ཕྱིར། དབང་པོ་འཕོ་བའི་རྒྱུ་མཚན་ཡོད་དེ། གང་གི་ཕྱིར་ན་དབང་རྟུལ་གྱི་དབང་པོ་འཕེལ་བས་འབྲས་བུ་ཁྱད་པར་ཅན་བཏང་སྟེ། དབང་རྣོན་གྱི་འབྲས་བུ་ཕྱི་མ་ཐོབ་པར་འགྱུར་བའི་ཕྱིར། བཞི་པ་ནི། དགྲ་བཅོམ་པ་ལ་དབང་པོའི་སྒོ་ནས་དགུར་ཡོད་དེ། རང་སངས་རྒྱས་དང་ཡང་དག་པར་རྫོགས་པའི་སངས་རྒྱས་གཉིས་དང་། ཉན་ཐོས་…

གསུམ་པ་ལམ་གྱི་ཁྱད་ཆོས་གཞན་བཤད་པ་ལ། ལམ་གྱི་དབྱེ་བ་སྤྱིར་བསྟན། བྱང་ཆུབ་ཕྱོགས་མཐུན་བྱེ་བྲག་ཏུ་བཤད་པ། ལམ་གྱི་ཐོབ་པའི་རྣམ་གྲོལ་ལམ་ངོས་གཟུང་བ་དང་གསུམ། དང་པོ་ནི། ཤེས་བྱ་ཆོས་ཅན། མདོར་ན་འབྲས་བུ་ཐོབ་པར་བྱེད་པའི་ལམ་ནི་རྣམ་པ་བཞི་ཡོད་དེ། ཁྱད་པར་གྱི་ལམ་དང་། རྣམ་གྲོལ་གྱི་ལམ་དང་། བར་ཆད་མེད་པའི་ལམ་དང་། སྦྱོར་བའི་ལམ་…

བདུན་ཡོད་ཅིང་། རྗེས་སུ་ན་བཅུར་འདུས་ཏེ། དད་པ་དང་། བརྩོན་འགྲུས་དང་། དྲན་པ་དང་། ཤེས་རབ་དང་། ཏིང་ངེ་འཛིན་དང་། བཏང་སྙོམས་དང་། དགའ་བ་དང་། རྟོག་པ་དང་། ཚུལ་ཁྲིམས་དང་། ཤིན་ཏུ་སྦྱངས་པ་རྣམས་སུ་འདུས་པའི་ཕྱིར། དེ་ལྟར་འདུས་ཏེ། དྲན་པ་ཉེར་གཞག་བཞི་ནི་ཤེས་རབ་ཀྱིས་བསྡུས། ཡང་དག་སྤོང་བ་སྒོ་གསུམ། ཡང་དག་འཇོག་ཅེས་བྱ་བ་ནི་བ…

ཡོད་པའི་ཕྱིར། བསམ་གཏན་གཉིས་པ་ལ་སུམ་ཅུ་རྩ་དྲུག་ཡོད་དེ། ཡང་དག་པའི་རྟོག་པ་མ་གཏོགས་པ་ཡོད་པའི་ཕྱིར། བསམ་གཏན་གསུམ་པ་དང་བཞི་པ་ན་སུམ་ཅུ་རྩ་ལྔ་ཡོད་དེ། དགའ་བ་དང་རྟོག་པ་དེ་གཉིས་མ་གཏོགས་པ་གཞན་རྣམས་དེ་གཉིས་ན་ཡོད་པའི་ཕྱིར། བསམ་གཏན་གྱི་ཉེར་བསྡོགས་གཞན་རྣམས་དང་བསམ་གཏན་བར་ཁྱད་པར་ཅན་ལའང་སུམ་ཅུ་རྩ་ལྔ་ཡོད་དེ། སྔར་གྱི་དེ…

པའི་ཕྱིར། དེ་ཆོས་ཅན། རྣམ་པ་གཉིས་ཡོད་དེ། ཉོན་མོངས་བཅོམ་པ་འདུས་མ་བྱས་ཀྱི་རྣམ་གྲོལ་དང་། མོས་པ་འདུས་བྱས་ཀྱི་རྣམ་གྲོལ་ལམ་དང་གཉིས་ཡོད་པའི་ཕྱིར། འདུས་བྱས་རྣམ་གྲོལ་ལམ་དེ་ཆོས་ཅན། མི་སློབ་པའི་ཡན་ལག་ཡིན་ཏེ། དེའི་མངོན་རྟོགས་ཡིན་པའི་ཕྱིར། དེ་ཉིད་ཆོས་ཅན། རྣམ་གྲོལ་ལམ་གཉིས་ཡོད་དེ། སེམས་རྣམ་པར་གྲོལ་བ་དང་། ཤེས་རབ་རྣམ…

གྲངས་མེད་ཤེས་བྱའི་ཕུང་པོ་མ་ལུས་པ། །བློ་གྲོས་ཤིང་རྟ་གཅིག་གིས་འདྲེན་པ་ལ། །མ་སྨད་སྙིང་སྟོབས་བཟང་པོའི་གྱད་ཀྱི་རིགས། །གྲགས་པའི་དབང་ཕྱུག་འཇམ་དབྱངས་བླ་མ་རྗེ། །རྗེ་བཙུན་མཆོག་དེའི་བསྟན་པ་དྲི་མ་མེད། །བསྲེ་བསླད་མིང་བསྒྱུར་སྤངས་ཏེ་འཆད་རྩོད་ཀྱི། །དགའ་ལྡན་པ་ཞེས་འཁྲུལ་མེད་གྲུབ་པའི་

མཐའ། །འཛིན་མཁས་འཇམ་མགོན་དཀོན་མཆོག་ཆོས་འཕེལ་ཞེས། །དཀའ་གནད་རྒྱལ་བའི་གསུང་རབ་འཆད་པའི་ཚེ། །སྨྲ་མཁས་ངག་གི་དབང་པོར་འགྲན་བཟོད་དེའི། །དྲིན་ལས་སྙོམ་ལས་བདག་འདྲའི་སྤོབས་པས་ཀྱང་། །གཞུང་ལུགས་འདི་འདྲ་འཆད་པའི་ཁུར་ཆེན་བླངས། །མཁས་པར་བྱ་བའི་ཡོན་ཏན་མ་ལུས་པ། །གཅིག་ཏུ་གཏན་ལ་འབེབས་པའི་ཡེ་ཤེས་ཀྱི། །ཚུལ་རྣམས་འཕགས་ཡུལ་མཁས་པ…

ཤེས་པ་དེ་ལ་གཉིས་ཡོད་དེ། ཟག་བཅས་དང་། ཟག་པ་མེད་པ་གཉིས་ཡོད་པའི་ཕྱིར། གཉིས་པ་ལ། སྤྱི་བསྟན་པ་དང་། བྱེ་བྲག་ཏུ་བཤད་པ་གཉིས། དང་པོ་ནི། དེ་ཆོས་ཅན། ཀུན་རྫོབ་ཤེས་པ་ཞེས་བྱ་སྟེ། བུམ་སྣམ་སོགས་ཀུན་རྫོབ་ལ་དམིགས་པའི་བློ་ཡིན་པའི་ཕྱིར། ཤེས་པ་ཟག་མེད་ཆོས་ཅན། རྣམ་པ་གཉིས་ཡོད་དེ། ཆོས་ཤེས་པ་དང་ནི་རྗེས་སུ་ཤེས་པ་ཁོ་ནར་ཡོད་པ་དང…

མ་ཡིན་ཏེ། ས་དང་། དབང་པོ་དང་། གང་ཟག་དང་། ཞིག་པ་འདས་པ་དང་། མ་སྐྱེས་པ་མ་འོངས་པ་རྣམས་མི་རིག་པའི་ཕྱིར། ཤེས་བྱ་ཆོས་ཅན། ཆོས་ཤེས་རྗེས་ཤེས་ཀྱི་བློ་ཡི་ཕྱོགས་དང་མཐུན་པ་ནི་ཕན་ཚུན་གཅིག་གིས་གཅིག་སྤྱོད་ཡུལ་དུ་བྱེད་པ་མིན་ཏེ། སྔ་མ་ནི་འདོད་པ་དང་། ཕྱི་མ་ནི་ཁམས་གོང་ཁོ་ན་ལ་དམིགས་པའི་ཕྱིར། ཉན་ཐོས་ཀྱི་ཕ་རོལ་གྱི་སེམས་ཤེས་ཀ…

པའི་ཕྱིར། གཉིས་པ་ནི། སྒོམ་པའི་ལམ་ལ་འགོག་པ་འམ་ལམ་ལ་ཆོས་ཤེས་པ་གང་ཡིན་པ་ཆོས་ཅན། ཁམས་གོང་ཁོ་ན་ལ་མ་དམིགས་ཏེ། འདོད་པ་དང་། གཟུགས་གཟུགས་མེད་ཀྱི་གཉེན་པོ་ཡིན་པའི་ཕྱིར། རྗེས་ཤེས་ཆོས་ཅན། ཁྱོད་ཀྱིས་འདོད་ཁམས་ཀྱི་གཉེན་པོ་བྱེད་པ་ཡོད་པ་མ་ཡིན་ཏེ། དེ་ལ་ཆགས་པ་དང་བྲལ་བའི་རྗེས་སུ་སྐྱེས་པའི་ཕྱིར། གསུམ་པ་ལ། ཤེས་པ་སོ་སོའི་ར…

གྲངས་ངེས་ཏེ། གཞན་ཟག་མེད་ཀྱི་རྣམ་པ་མེད་པའི་ཕྱིར། དེ་ལས་གཞན་ཉི་འོག་པ་ན་རེ། རང་གི་མཚན་ཉིད་ཀྱི་རྣམ་པ་ཡོད་ཅེས་སྨྲ་སྟེ། བསྟན་བཅོས་ལས་རིགས་པས་སྐྱེ་བའི་སྒོ་ནས་མི་རྟག་པ་ལ་སོགས་པ་ཤེས་པ་འདི་ནི་གནས་ཡོད་དོ། འདི་ནི་གཞི་ཡོད་དོ། ཞེས་འབྱུང་བས། སྔ་མ་མཚན་ཉིད་དང་། ཕྱི་མ་རྒྱུ་སྟེ། དེ་ལྟ་བུའི་རྣམ་པ་ཡོད་པའི་ཕྱིར་ཟེར་རོ། །…

ཡོད་དེ། འདོད་པའི་རྟེན་ཅན་ཡིན་པའི་ཕྱིར། དེ་གཉིས་ལས། ཤེས་པ་གཞན་བརྒྱད་ཆོས་ཅན། ཡོད་དེ། ཁམས་གསུམ་པའི་རྟེན་ཅན་ཡིན་པའི་ཕྱིར། །གསུམ་པ་ནི། འགོག་པ་ཤེས་པའི་བློ་ཆོས་ཅན། དྲན་པ་ཉེར་གཞག་དང་བཅས་ཏེ། ཆོས་དྲན་པ་ཉེར་གཞག་གཅིག་པུ་ཡོད་པའི་ཕྱིར། ཕ་རོལ་སེམས་ཤེས་པའི་བློ་ནི་ཆོས་ཅན། དེ་ལྟར་བཅས་ཏེ། ལུས་མ་གཏོགས་པའི་དྲན་པ་ཉེར་གཞག…

གསུམ་པ་འཐོབ་ཚུལ་ལ། མཐོང་ལམ་འཐོབ་ཚུལ། ལམ་གཞན་འཐོབ་ཚུལ། ཤེས་པ་གཞན་འཐོབ་ཚུལ་དང་གསུམ། དང་པོ་ནི། ཤེས་བྱ་ཆོས་ཅན། འཐོབ་ཚུལ་ཡོད་དེ། མཐོང་ལམ་ལ་བཟོད་པ་བརྒྱད། ཤེས་པ་བདུན་ཇི་ལྟར་སྐྱེས་པ་རྣམས་དང་། རྣམ་པ་འདྲ་བའི་མ་འོངས་པ་ཁོ་ན་ཐོབ་པར་འགྱུར་བའི་ཕྱིར། དེར་མ་ཟད་མཐོང་ལམ་དེ་ཉིད་ལ་ལམ་མ་གཏོགས་པའི་རྗེས་ཤེས་གསུམ་ནི་ཀུན་རྫོ…

པའི་བདེན་པ་དེའི་རྣམ་པ་དང་དམིགས་པ་ཅན་ཡིན་པའི་ཕྱིར། དེ་ཆོས་ཅན། སྐྱེས་ཐོབ་མ་ཡིན་ཏེ། འབད་པའི་སྦྱོར་བ་ལས་བྱུང་བའི་ཕྱིར། གཉིས་པ་ནི། འདོད་པའི་ཆགས་པ་དང་བཅས་པའི་བཅུ་དྲུག་པ་ལམ་རྗེས་ཤེས་ཆོས་ཅན། ཤེས་པ་དྲུག་མ་འོངས་པ་འཐོབ་སྟེ། ཆོས་ཤེས་དང་། རྗེས་ཤེས། བདེན་བཞི་ཤེས་པ་མ་འོངས་པ་འཐོབ་པའི་ཕྱིར། འདོད་པ་ལ་ཆགས་པ་དང་བྲལ་བ་ད…

རྒྱལ་བའི་བར་ཆད་མེད་ལམ་ལའང་སྔར་ལྟར་འཐོབ་པའི་ཕྱིར། སྲིད་རྩེ་ལས་འདོད་ཆགས་དང་བྲལ་བ་རྣམ་གྲོལ་ལམ་དགུ་པ་ཟད་པ་ཤེས་པ་ལ་ཆོས་ཅན། ཤེས་པ་དགུ་འཐོབ་སྟེ། མི་སྐྱེ་བ་ཤེས་པ་མ་གཏོགས་འཐོབ་པའི་ཕྱིར། མི་གཡོ་བ་ཤེས་པས་ནི་ཆོས་ཅན། ཤེས་པ་ཐམས་ཅད་འཐོབ་སྟེ། ཤེས་པ་བཅུ་ག་འཐོབ་པའི་ཕྱིར། མི་གཡོ་བ་དེར་འཕོ་བའི་གྲོལ་བའི་ལམ་ཐ་མའང་ཆོས་ཅན།…