ཁྱོད་ན་གླང་པོ་དེ་ཁྱད་པར་དུ་འཕགས་པ་ཡོད་དེ། ཁྱོད་ན་ས་སྲུང་གི་བུ་གཟུགས་བཟང་ཞིང་མཛེས་པ། དཀར་བ། ཡན་ལག་བདུན་ལེགས་པར་གནས་པ། མགོ་དམར་བ། མཆེ་བ་དྲུག་པ། སྲིད་དུ་དཔག་ཚད་གཅིག་དང་། ཁོར་ཡུག་ཏུ་བདུན་ཡོད་པ། འཁོར་གླང་པོ་ཆེ་བརྒྱད་སྟོང་དང་ལྡན་པ། མགོ་སུམ་ཅུ་རྩ་གསུམ་དུ་སྤྲུལ་ཞིང་མགོ་རེ་ལ་མཆེ་བ་དྲུག་དྲུག་དང་། མཆེ་བ་རེ་ལ་ར…

གསུམ། དང་པོ་ནི། ཤེས་བྱ་ཆོས་ཅན། ལྷ་རྣམས་འདོད་པ་ལ་སྤྱོད་ཚུལ་དྲུག་ཡོད་དེ། རིམ་པ་བཞིན་འོག་མ་གཉིས་ནི། མི་ལྟར་དབང་པོ་གཉིས་སྤྲད་ནས་འཁྲིག་པ་བསྟེན་པར་བྱེད། གསུམ་པ་འཁྱུད་པ་དང་། བཞི་པ་ལག་པ་བཅངས་པ་དང་། ལྔ་པ་རྒོད་པ་དང་། དྲུག་པ་བལྟས་པ་ཙམ་གྱིས་འཁྲིག་པའི་བདེ་བ་མྱོང་བར་བྱེད་པའི་ཕྱིར། །གཉིས་པ་ནི། ཤེས་བྱ་ཆོས་ཅན། འདོད་…

བདུན་པ་འགྲོ་བ་རྣམས་ཀྱི་ལུས་ཚེའི་ཚད་བཤད་པ་ལ། ལུས་ཚད་བཤད་པ་དང་། ཚེ་ཚད་བཤད་པ་གཉིས། དང་པོ་ལ། མིའི་ལུས་ཚད་དང་། ལྷའི་ལུས་ཚད་གཉིས། དང་པོ་ནི། གླིང་བཞིའི་མི་རྣམས་ཀྱི་ལུས་ཚད་ཡོད་དེ། འཛམ་བུ་གླིང་པ་རྣམས་ཀྱི་ཚད་ནི། ཁ་ཅིག་ཁྲུ་བཞི་དང་། ཕལ་ཆེར་ཁྲུ་ཕྱེད་དང་བཞི་ཡིན་ལ། ཤར་ཁྲུ་བརྒྱད། བ་གླང་སྤྱོད་པ་བཅུ་དྲུག །སྒྲ་མི་སྙན་…

དེ་ཡོད་དེ། གཟུགས་ཅན་དང་པོ་ཚངས་རིགས་པ་ལ་དཔག་ཚད་ཕྱེད་དང་། དེའི་གོང་མ་ཕྱེད་ཕྱེད་བསྐྱེད་ཅིང་། འོད་ཆུང་བ་རྣམས་ཀྱི་ལུས་ཚད་དཔག་ཚད་གཉིས། དེའི་ལྟག་ཚད་མེད་འོད་ཡན་ཆད་ཀྱི་ལུས་ནི། འོག་མ་བས་གོང་མ་ཉིས་འགྱུར་ཉིས་འགྱུར་གྱི་ཆེ་བ་ལ། སྤྲིན་མེད་བས་དཔག་ཚད་གསུམ་དོར་བས་བརྒྱ་ཉེར་ལྔ། འོག་མིན་པ་ཁྲི་དྲུག་སྟོང་གི་བར་ཡོད་པའི་ཕྱི…

ཆོས་ཅན། ཡོད་དེ། དུང་ཕྱུར་ལྔ། བྱེ་བ་བདུན། ས་ཡ་དྲུག་ཡོད་པའི་ཕྱིར། འཕྲུལ་དགའ་བ་ཆོས་ཅན། ཡོད་དེ། ཐེར་འབུམ་གཉིས། དུང་ཕྱུར་གསུམ། ས་ཡ་བཞི་ཡོད་པའི་ཕྱིར། གཞན་འཁྲུལ་དབང་བྱེད་པ་ཆོས་ཅན། ཡོད་དེ། ཐེར་འབུམ་དགུ །དུང་ཕྱུར་གཉིས། བྱེ་བ་གཅིག །ས་ཡ་དྲུག་ཡོད་པའི་ཕྱིར། གཉིས་པ་ནི། གཟུགས་ཀྱི་ལྷ་ཆོས་ཅན། ཁྱོད་རྣམས་ལ་ཉིན་མཚན་གྱི…

གཅིག་དང་། ཁྲག་ཁྲིག་ཆེན་པོ་གཉིས། ཁྲག་ཁྲིག་དགུ །ཐེར་འབུམ་ཆེན་པོ་དྲུག་ཡོད་པའི་ཕྱིར། བསྡུས་འཇོམས་ཆོས་ཅན། དེ་ཡོད་དེ། དེ་རབ་བཀྲམ་ཆེན་པོ་གཅིག་དང་། ཁྲག་ཁྲིག་ཆེན་པོ་གསུམ། ཁྲག་ཁྲིག་དྲུག །ཐེར་འབུམ་ཆེན་པོ་བརྒྱད་ཡོད་པའི་ཕྱིར། ངུ་འབོད་ཆོས་ཅན། དེ་ཡོད་དེ། དེ་རབ་བཀྲམ་ཆེན་པོ་བརྒྱད། རབ་བཀྲམ་གཉིས། ཁྲག་ཁྲིག་ཆེན་པོ་དགུ །…

བརྒྱད་པ་ཚད་དེ་གཞལ་ཐབས་ལ། འཇོག་གཞི་ངོས་གཟུང་བ་དང་། བསྐལ་པ་ངོས་གཟུང་བ་གཉིས། དང་པོ་ལ། དཔག་ཚད་རྒྱང་གྲགས་ངོས་གཟུང་བ་དང་། ལོ་ངོས་གཟུང་བ་གཉིས། དང་པོ་ནི། ཤེས་བྱ་ཆོས་ཅན། གཟུགས་དང་། མིང་དང་། དུས་ཀྱི་ཆུང་ཐ་

ཡོད་དེ། རྡུལ་ཕྲ་རབ་དེ་གཟུགས་ཀྱི་ཆུང་ཐ། ཡི་གེ་ལྟ་བུ་མིང་གི་ཐུང་ཐ། དུས་མཐའི་སྐད་ཅིག་མ་དེ་དུས་ཀྱི་ཐུང་ཐ་ཡིན་པའི་ཕྱིར། གཉིས་པ་ནི། ཤེས་བྱ་ཆོས་ཅན། ལུས་ཚད་གཞལ་བྱའི་རྒྱང་གྲགས་དང་། དཔག་ཚད་ངོས་གཟུང་དུ་ཡོད་དེ། ཕྲ་རབ་ཀྱི་རྡུལ་དང་། རྡུལ་ཕྲན་དང་། དེ་བཞིན་དུ་ལྕགས་རྡུལ་དང་། ཆུ་རྡུལ་དང་། རི་བོང་གི་རྡུལ་དང་། ལུག་རྡུལ…

གནས་བསྐལ། བསྐལ་པ་ཆེན་པོ་སོགས་བཤད་པའི་ཕྱིར། གཉིས་པ་ལ། འཇིག་བསྐལ། འཆགས་བསྐལ། གནས་བསྐལ། ཞིག་ནས་འདུག་པའི་བསྐལ་པ། བསྐལ་པ་ཆེན་པོ་དང་ལྔ། དང་པོ་ནི། ཤེས་བྱ་ཆོས་ཅན། དེ་ཡོད་དེ། འཇིག་པའི་བསྐལ་པ་ནི་དམྱལ་བའི་སྲིད་པ་མེད་པ་སྟེ་དེར་སེམས་ཅན་གསར་སྐྱེ་མེད་པ་ནས། སྣོད་ཟད་པའི་བར་ལ་འཇོག་པའི་ཕྱིར། །གཉིས་པ་ནི། ཤེས་བྱ་ཆོས་ཅན།…

འཇིག །ཉི་ཤུར་སྟོངས་ནས་འདུག་པའི་ཕྱིར། ལྔ་པ་ལ་གཉིས། དངོས་དང་། ཞར་ལ་གང་ཟག་གསུམ་གྱི་འབྱུང་ཚུལ་ལོ། །དང་པོ་ནི། ཤེས་བྱ་ཆོས་ཅན། བསྐལ་ཆེན་གྱི་ཚད་ཡོད་དེ། བར་བསྐལ་དེ་དག་བརྒྱད་ཅུ་ལ་དེར་འཇོག་པའི་ཕྱིར། གཉིས་པ་ལ་སངས་རྒྱས། རང་སངས་རྒྱས། འཁོར་ལོས་སྒྱུར་རྒྱལ་འབྱུང་ཚུལ་དང་གསུམ། དང་པོ་ནི། ཤེས་བྱ་ཆོས་ཅན། སངས་རྒྱས་འབྱུང་ཚ…

སྒྱུར་བའི་རྒྱལ་པོ་འབྱུང་ཚུལ་ལ། ཚིག་དོན་དང་། སྤྱི་དོན་གཉིས། དང་པོ་ལ། འབྱུང་བའི་དུས། ཇི་ལྟར་འཁོར་ལོས་སྒྱུར་ཚུལ། སངས་རྒྱས་ཀྱི་མཚན་གྱི་ཁྱད་པར་དང་གསུམ། དང་པོ་ནི། ཤེས་བྱ་ཆོས་ཅན། འཁོར་ལོས་རྒྱལ་སྲིད་ལ་དབང་སྒྱུར་བའི་ངང་ཚུལ་ཅན་འབྱུང་དུས་ནི་ཡོད་དེ། དེ་ཚེ་ལོ་དཔག་མེད་ནས་སྟོང་ཕྲག་བརྒྱད་ཅུ་ཡན་ལ་འབྱུང་གི་དེ་མན་ཆད་ལ…

ཇི་ལྟར་འབྱུང་ཚུལ། ཡོན་ཏན་གྱི་ཁྱད་པར་གང་དང་ལྡན་ཚུལ། དགོས་པ་ཅིའི་དོན་དུ་འཇིག་རྟེན་དུ་འབྱུང་བ་དང་ལྔ། དང་པོ་ནི། ཚོགས་གཉིས་ཀྱི་མཐུ་དཔག་ཏུ་མེད་པ་ལས་རྒྱལ་བའི་སྲས་པོ་རྣམས་སེམས་ཅན་གྱི་དོན་དུ་འཁོར་ལོས་སྒྱུར་བའི་རྒྱལ་པོའི་སྲིད་འཛིན་པ་ཡིན་ཏེ། ལུགས་གཞན་ལ་མདོ་སྡེ་རྒྱན་ལས། བྱང་ཆུབ་སེམས་དཔའ་རྟག་ཏུ་ནི། ཁྱིམ་པ་འཁོར་ལ…

ཆོས་རྒྱལ་མྱ་ངན་མེད། རྒྱ་ནག་པོའི་ཡུལ་དུ་ཇིང་གིར། གཞན་གངས་རིས་བསྐོར་བའི་ལྗོངས་འདིར་ཆོས་རྒྱལ་མེས་དབོན་གསུམ་དང་། དཔལ་ཕག་མོ་གྲུ་པའི་སྡེ་སྲིད་ལྟ་བུ་བསོད་ནམས་ཀྱི་འཁོར་ལོ་ཡོངས་སུ་འབར་བའི་བདག་ཉིད་ཅན་དག་ཡོད་པའི་ཕྱིར། གསུམ་པ་ནི། ས་ཐམས་ཅད་ལ་དབང་སྒྱུར་བར་བྱེད་པའི་འཁོར་ལོ་དེ་ནི། མགར་བ་སོགས་བཟོ་བོས་ཆེད་དུ་མ་བྱས་པར…

རིན་པོ་ཆེ་དང་། བློན་པོ་རིན་པོ་ཆེ་དང་བདུན་ནོ། །ཞེས་འབྱུང་བ་འདིར་ཡང་མཚུངས་པའི་ཕྱིར། རིན་པོ་ཆེ་བདུན་པོ་དེ་ལ་ཡོན་ཏན་ཁྱད་པར་ཅན་མང་དུ་ཡོད་དེ། འཁོར་ལོ་ལ་ཡོན་ཏན་ལྔ། ནོར་བུ་ལ་ཡོན་ཏན་བརྒྱད། བུད་མེད་ལ་ཡོན་ཏན་ལྔ། ཁྱིམ་བདག་ལ་ཡོན་ཏན་བཞི། གླང་པོ་ལ་ཡོན་ཏན་བརྒྱད། རྟ་མཆོག་ལ་ཡོན་ཏན་བརྒྱད། བློན་པོ་ལ་ཡོན་ཏན་བརྒྱད་ཡོད་པའ…

གསུམ་བསྐོར་ནུས་པ། ལུས་ལ་ནད་མེད་པ། རྫུ་འཕྲུལ་དང་ལྡན་པ། ནམ་མཁའ་ལ་འགྲོ་བ། ཞོན་ན་གུས་པར་བྱེད་པ། རྣམ་པར་འཕྲུལ་བའི་ཆོས་ཅན་རྣམས་ཡོད་པའི་ཕྱིར། བདུན་པ་ཡོད་དེ། ཤིན་ཏུ་རྫོགས་པ་དང་། དེ་བསགས་པ་དང་། མ་ཆགས་པ་དང་། ཆོས་མ་ཡིན་པ་རྣམ་པར་སྤངས་པ་དང་། ཤིན་ཏུ་རིགས་པར་བརྩོམ་པ་དང་། ཡུལ་དང་དུས་ལྡན་པ་དང་། ཉོན་མོངས་མེད་པ་དང་། ས…

དགུ་པ་སྣོད་བཅུད་ཀྱི་ཁྱད་ཆོས་ལ། དངོས་དང་། འཇིག་བསྐལ་བྱེ་བྲག་ཏུ་བཤད་པ་གཉིས། དང་པོ་ལ། བསྐལ་པ་དང་པོའི་ཁྱད་པར། དེ་ལས་ཇི་ལྟར་འགྲིབ་ཚུལ། འགྲིབས་པའི་མཐར་ཇི་ལྟར་འབྱུང་ཚུལ་དང་གསུམ། དང་པོ་ནི། ཤེས་བྱ་ཆོས་ཅན། སྔར་བསྐལ་པ་དང་པོར་བྱུང་བའི་སེམས་ཅན་རྣམས་ལ་རྗེ་འབངས་ཀྱི་ཐ་སྙད་མེད་དེ། གཟུགས་ཅན་གྱི་ལྷ་བཞིན་དུ་རྫུ་འཕྲུལ་ག…

གང་གིས་འཇིག་པའི་རྐྱེན། གང་འཇིག་པའི་ངོ་བོ། འཇིག་པའི་རྒྱུ་མཚན། འཇིག་ཚུལ་དང་བཞི། དང་པོ་ནི། ཤེས་བྱ་ཆོས་ཅན། དེ་ཡོད་དེ། དེ་ཉི་མ་བདུན་གྱི་མེ་དང་། ཆར་པའི་ཆུ་དང་། རླུང་གིས་རབ་ཏུ་འཇིག་པ་དག་ནི་ཡིན་པའི་ཕྱིར་རོ། །གཉིས་པ་ནི། ཤེས་བྱ་ཆོས་ཅན་དེ་ཡོད་དེ། བསམ་གཏན་གཉིས་པ་དང་སོགས་པས་གསུམ་པ་དང་། བཞི་པ་སྟེ། གསུམ་པོ་དེ་དག་ག…

རྒྱལ་བ་ཀུན་གྱི་གསང་གསུམ་མ་ལུས་པ། །རྒྱལ་སྲས་གཞོན་ནུའི་གར་གྱིས་རྣམ་རོལ་བའི། །རྒྱལ་བའི་ཡབ་གཅིག་རྗེ་བཙུན་འཇམ་པའི་དབྱངས། །རྒྱལ་བའི་བསྟན་པ་སྤེལ་ཕྱིར་ངུར་སྨྲིག་གར། །རྣམ་མང་མཁྱེན་དང་བརྩེ་བས་རོལ་མཛད་པའི། །རྣམ་འདྲེན་རྒྱལ་བའི་དབང་པོ་ཙོང་ཁ་པར། །རྣམ་དཀར་ལས་ཀྱི་ས་བོན་བསྐྲུན་པ་ནས། །རྣམ་འདྲེན་མ་ཐོབ་བར་དུ་ཕྱག་བཙལ་ཏེ…

ཕྱིར། འདོད་མི་ནུས་སོ། ཁ་ཅིག །རྣམ་གསུམ་དྲི་མེད་གཟུགས་གསུངས་དང་། །འཕེལ་དང་མ་བྱས་ལམ་སོགས་ཕྱིར། །ཞེས་པའི་སྐབས་ནས་དངོས་སུ་བསྟན་པའི་གཟུགས་ཡིན་ན། རྣམ་པར་རིག་བྱེད་མ་ཡིན་པའི་གཟུགས་ཡིན་པས་ཁྱབ་ཟེར་ན། ལུས་ཀྱི་རྣམ་པར་རིག་བྱེད་ཀྱི་ལས་ཆོས་ཅན། དེར་ཐལ། དེའི་ཕྱིར། དེར་ཐལ། རྣམ་གསུམ་ཞེས་པའི་སྐབས་ནས་དངོས་སུ་བསྟན་པའི་གཟུ…

གསུམ་དུ་འཇོག་ཚུལ་ལོ། །དང་པོ་ནི། ལས་དེ་ཆོས་ཅན། གཉིས་སུ་ཡོད་དེ། སེམས་པའི་ལས་དང་། དེས་བྱས་པའི་ལས་གཉིས་སུ་ཡོད་པའི་ཕྱིར། སེམས་པའི་ལས་ཆོས་ཅན། ཡིད་ཀྱི་ལས་ཡིན་ཏེ། དེས་གཙོ་བོར་བསྒྲུབས་པའི་ལས་ཡིན་པའི་ཕྱིར། དེས་བསྐྱེད་པའི་ལས་ཆོས་ཅན། ལུས་ངག་གི་ལས་ཡིན་ཏེ། དེ་གཉིས་ཀྱིས་གཙོ་བོར་གྲུབ་པའི་ལས་ཡིན་པའི་ཕྱིར། གཉིས་པ་ལ། …