འཆང་ཆེན་པོའི་ཞལ་དུ་ༀ་ཨཱཿཧཱུྃ། དེ་བཞིན་དུ། །རྣལ་འབྱོར་གྱི་དབང་ཕྱུག་ཏཻལླི་པའི་༴། །སློབ་དཔོན་ཆེན་པོ་ནཱ་རོ་པའི་༴ མངའ་བདག་མར་པ་ལོ་ཙའི་༴ རྔོག་སྟོན་ཆོས་ཀྱི་རྡོ་རྗེའི་༴ སྔོག་སྟོན་ཞེ་སྡང་རྡོ་རྗེའི་༴ རྔོག་སེང་གེ་སྒྲའི་༴ རྔོག་སྟོན་ཀུན་དག འི་༴ རྒྱ་སྒོམ་ཡེ་ཤེས་འོད་ཀྱི་༴ གྲུབ་ཆེན་ཀརྨ་པཀྴིའི་༴ གཉན་རས་དགེ་འདུན་འབུམ…

བདག་མེད་མ་ལ། ༀ་ཨཱཿཧཱུྃ་གིས་ཡུམ་དང་། ༀ་གཽ་རཱི་གཾ་ༀ་ཨཱཿཧཱུྃ། །སོགས་ཀྱིས་རྣལ་འབྱོར་མ་རྣམས་ལ་འབུལ་ཞིང་། ༀ་བཛྲ་མ་ཧཱ་ཀཱ་ལཱ་ཡ་རྡོ་རྗེ་ནག་པོ་ཆེན་པོ་ལ། །ཧཱུྃ་ཧཱུྃ་ཕཊ་ༀ་ཨཱཿཧཱུྃ། ༀ་རུ་རུ་རོ་རུ་ཙ་པ་ལ་ཨ་ཤུཀྨེ་མ་ཀྱེ་སྒྲ་སྒྲོགས་སྒྲ་དབྱངས། ནག་མོ་བདག་ལ་སྐྱོང་མ། ཧཱུྃ་མ་བྷྱོཿཛཿཛཿༀ་ཨཱཿཧཱུྃ། ༀ་ཧཱུྃ་ཤྲཱི་ཡ་དེ་ཝཱི་ཀཱ་ལི་མ…

སྲིན་སྦྱར་བས་ནང་མཆོད་དཀྲུག་ཅིང་འབུལ་བའི་ཁུངས་ཀྱང་གདན་བཞིར། མཐེ་འོང་སོ ར་མོ་ས་ཉིད་དེ། །སྲིན་ལག་དག་ནི་རི་རབ་བོ། །བསྲུབ་པའི་སྟོབས་ཀྱིས་བདུད་རྩི་ཡིས། །ཅེས་སོགས་གསུངས་སོ། །ལྔ་པ་མཆོད་པ་དོན་ཡོད་གྲུབ་པའི་ཡན་ལག་ལ། །མཆོད་རྫས་བཤམ་ཞིང་ཏིང་ངེ་འཛིན་གྱིས་སྤྲུལ་པ་དང་། འབུལ་བ་གཉིས་ཀྱི་དང་པོ་ནི། གུར་ལས་རིགས་ལྔ་བོ་གང་…

སྡུག་ཅིང་མཛེས་པ་དང་། དེ་དག་གི་རོལ་མོ་དང་གླུ་དབྱངས་ལ་སོགས་པའི་སྒྲ་སྙན་པ་དང་། སྦྱར་བ་དང་སོགས་ཡོངས་སུ་གྱུར་པའི་དྲི་མཆོག་རྣམས་དང་། རོ་བཟང་པོ་དང་། རེག་བྱ་ཕུལ་དུ་བྱུང་བ་ལ་སོགས་པ་དངོས་དང་ཡིད་ལས་བྱུང་བའི་འདོད་ཡོན་གྱི་རྣམ་པ་མཐའ་དག་བསྡུས་ཏེ་ཟག་མེད་ཀྱི་བདེ་བ་བསྐྱེད་པར་ནུས་པའི་མཆོད་རྫས་བསམ་གྱིས་མི་ཁྱབ་པར་གྱུར་པ…

པའི་མཐེབ་མཛུབ་ཀྱིས་བསང་གཏོར་འབུལ་ཞིང་། ༀ་ཤྲཱི་ཧེ་བཛྲ་ས་པ་རི་ཝཱར་སརྦ་སཾ་ཤོ་དྷ་ནི་དཔལ་དགྱེས་པ་རྡོ་རྗེ་འཁོར་དང་བཅས་པ་ཐམས་ཅད་ཡང་དག་པར་སྦྱོང་བ། ཧཱུྃ་ས་བོན་ཕཊ་མཆོད་པའི་མི་ཤེས་པ་འཇོམས་པའོ། །སྭཱ་ཧཱ། ཚིག་གཞན་སྔ་མ་ལྟར་ལ་བསང་གཏོར་གྱི་གནས་སུ་མཆོད་ཡོན་ཅེས་བཅུག་ནས་རྡོ་རྗེ་ཁུ་ཚུར་སྦྱར་བའི་གུང་མོ་གཉིས་རྩེ་སྤྲད་པ་ཨར…

མཐུན་པ་ནི་བཟང་པོ་ཡོངས་བཟུང་ལས། ཁུ་ཚུར་མཉམ་དུ་དམ་བཅིངས་ཏེ། །གུང་མོ་གཉིས་ཀྱང་རྩེ་མོ་སྦྱར། །ཨཱ རྒྷཾ་ཆེན་པོར་རབ་ཏུ་བསྟན། །ཅེས་དང་། ཡེ་ཤེས་དཀར་པོས་མེ་ཏོག་ནི། །བླངས་ནས་མཐའ་སོགས་རིམ་གྱིས་དབྱེ། །ཞབས་བསིལ་ལ་སོགས་པའི་རབ་ཏུ་བྱེད་པའོ། །ཞེས་པས་བསྟན་ཏོ། །དེ་ནས་ལག་པ་གཡོན་པས་དྲིལ་བུ་འཁྲོལ་ཞིང་། གཡས་པས་མཆོད་རྫས་གང་ཡ…

དྲི། །ཚིམ་བྱེད་དག་པའི་བདུད་རྩི་འདི། །གནྡྷེ། བཤོས་གཙང་བཟའ་བ་དང་བཅས་པའི། །ཁ་དོག་དྲི་དང་རོ་ལྡན་པ། །ནཻ་ཝི་དྱ། སྣ་ཚོགས་དྲིལ་བུའི་སྒྲ་རྣམས་དང་། །ཅང་ཏེའུ་ལ་སོགས་སྒྲ་ཡི་ཚོགས། །ཤབྡ། འདིར་ཉེར་སྤྱད་འབུལ་བ་ན་གཡས་རྡོ་རྗེ་བཟུང་བའི་ལག་པས་མཆོད་རྫས་དབུལ་ཞིང་གཡོན་དྲིལ་བུ་འཁྲོལ་བ་ནི་རྗེ་བཙུན་མར་རྔོག་གི་ཕྱག་བཞེས་ཡིན་ནོ…

མཐའ་འདྲ་བ་ལ་ཤབྡ་ཅེས་རོལ་མོ་བྱའོ། །དྲི་༴ ལྷ་༴ དེ་ཉིད་བཅོམ་ལྡན་སངས་རྒྱས་ནི། །རིན་ཆེན་ཕུང་པོར་རབ་ཏུ་གྲགས། །གཡོན་པ་ཁུ་ཚུར་ལས་འཛུབ་མོ་བརྐྱང་བ་བཀན་པ་ལས། གཡས་པའི་ཐལ་མོས་དྲི་བླངས་ནས་བྱུག་པའི་ཚུལ་གྱིས། །གནྡྷེ། རོ་༴ ལྷ་༴ དེ་ཉིད་བཅོམ་ལྡན་འདོད་ཆགས་ཆེ། །རྡོ་རྗེ་ཆོས་ཀྱིས་གཞེས་སུ་གསོལ། །ཐལ་མོ་གཉིས་བཀན་པ་ཞལ་ཟས་འབུལ…

བྱེད། །སངས་རྒྱས་རྣམས་ནི་མཆོད་པས་མཆོད། །འདོད་པའི་དངོས་གྲུབ་བྱེད་པར་འགྱུར། །ཅེས་པའིམ་རྒྱས་པར་ན་ཡོ་ག་ལས་འབྱུང་བ་ལྟར་ཡང་བྱའོ། །གཉིས་པ་ནང་མཆོད་ནི། སྔར་ཚོགས་ཞིང་གི་སྐབས་སུ་སྨོས་པའི། གཽ་རཱི་རི་དྭགས་མཚན་མ་འཛིན། །ཅེས་པ་ནས། །གཡུང་མོས་སྐུ་ལ་འཁྱུད་པ་ཉིད། །ཅེས་པའི་བར་རྣམས་ཏེ་ཚིག་རྐང་དེ་དག་རེ་རེའི་མཐར། ཕྱོགས་རྣམས…

རཱིའི་འོ། །མཆོད་ཡོན་གྱི་ཕྱག་རྒྱ་ནི་བེ་ཏ་ལཱིའི་འོ། །གཡོན་པའི་ཁུ་ཚུར་གྱི་སྟེང་དུ་གཡས་པའི་སོར་མོ་རྣམས་ཀྱི་རྩེ་མོ་བསྡུས་ཏེ་བཞག་པ་ནི་གྷསྨ་རཱིའི་འོ། །ཁུ་ཚུར་གཉིས་མཉམ་དུ་བཤིབས་ཏེ་ཁའི་དྲུང་དུ་འཇོག་པ་ནི་པུཀྐ་སཱིའི་འོ། །རྡོ་རྗེ་ཐལ་མོ་ཁ་ཕྱེ་བ་ནི་ཤཱ་ཝ་རཱིའི་འོ། །ལག་གཡོན་དཀུར་བཞག་ཅིང་། གཡས་པའི་ཁུ་ཚུར་གྱི་མཛུབ་མོ…

འགྱུར། ༀ་ཤྲཱི་ཧེ་བཛྲ་ས་པཱ་རི་ཝཱ་ར་ཨ་ནུ་རཱ་ག་ཎ་བཛྲ་པཱུ་ཛི་ཏེ་དཔལ་དགྱེས་པ་རྡོ་རྗེ་འཁོར་དང་བཅས་པ་ལ་རྗེས་སུ་ཆགས་པ་རྡོ་རྗེའི་མཆོད་པ། ཨཱཿཧཱུྃ་སྭཱ་ཧཱ། གཞི་ཚུགས། བཞི་པ་དེ་ཁོ་ན་ཉིད་ཀྱི་མཆོད་པ་ནི། གོང་གི་ཉམས་མྱོང་རྗེས་སུ་དྲན་པས། གང་གིས་རྣམ་རྟོག་རྣམ་སྤངས་ཏེ། །བྱང་ཆུབ་སེམས་ནི་རྣམ་སྒོམ་ཞིང་། །ལུས་དང་སེམས་ནི་རྣམ་…

ལ་བརྟེན་ཏེ། འདོད་ཡོན་ལྔ་སོགས་ལ་ལོངས་སྤྱོད་པ་ན་བག་མེད་པས་གཡེངས་ཤིང་། འཁྲུལ་པས་མྱོས་པ་སོགས་སྦྱོང་བ་ཡིན་ནོ། །དྲུག་པ་བསྟོད་པ་རིན་ཆེན་འབྱུང་ལྡན་གྱི་ཡན་ལག་ལ། དངོས་དང་། སྐབས་ཀྱི་དོན་གཞན་བརྗོད་པ་གཉིས་ཀྱི། །དང་པོ་ནི། སྦྱང་བྱ་རིགས་ངེས་པའི་མངལ་སྐྱེས་ཀྱི་འགྲོ་བ་དག་རྒན་པོར་གྱུར་པ་ན། ལུགས་ཀྱི་བསྟན་བཅོས་སོགས་འཇིག་…

བླངས་ནས་འཁྲོལ་ཞིང་ངག་ཏུ། ཁྱོད་ནི་རྣལ་འབྱོར་མ་ཡི་ཚོགས་ཀྱིས་ཡོངས་སུ་བསྐོར། །ཉིད་ནི་ཁྱོད་ཀྱི་ཐུགས་ཀྱི་ཁྱོད་དགོངས་འགྲུབ། །ཁྱོད་ནི་རྒྱུ་དང་མི་རྒྱུ་འཁོར་བ་ཀུན་སྒྲུབ་པ། །སྙིང་རྗེའི་ཐུགས་ཀྱིས་སེམས་ཅན་བྱང་ཆུབ་ཏུ། །ཀུན་རྫོབ་སྒྱུ་མ་བྱང་ཆུབ་སྒྲུབ་པའི་ཡིད། །དགྱེས་པ་རྡོ་རྗེ་དཔལ་གྱི་ཧེ་རུ་ཀ་ལ་བསྟོད། །ཅེས་པ་གུར་ལས་…

མོང་། །མི་ད ང་ཤ་ར་བྷ་བྱི་ལ། །གཡས་པའི་ཕྱག་བརྒྱད་ལ་གནས་པའི། །ཐོད་པ་འཛིན་ལ་བདག་ཕྱག་འཚལ། །ས་དང་ཆུ་དང་རླུང་དང་མེ། །ཟླ་ཉི་གཤིན་རྗེ་གསང་བ་པ། །གཡོན་པའི་ཕྱག་བརྒྱད་ལ་གནས་པའི། །ཐོད་པ་འཛིན་ལ་བདག་ཕྱག་འཚལ། །ཞབས་བཞི་ཡིས་ནི་བདུད་བཞི་པོ། །མཉམ་པར་མནན་ཅིང་གཅེར་བུ་ཉིད། །ཉི་མར་ཞབས་གཡས་བརྐྱང་དང་བསྐུམ། །གར་མཛད་དེ་ལ་བདག་ཕྱ…

ལྷོ་ཕྱོགས་སུ། །ཕྱག་ན་ཕག་དང་ཅང་ཏེའུ་བསྣམས། །དབང་པོ་མནན་ལ་བདག་ཕྱག་འཚལ། །བཾ་ལས་སྐྱེས་པའི་སེར་མོ་ནུབ། །རོ་ལངས་མ་ནི་ཉེ་དབང་མནན། །ཕྱག་གཡོན་ལྷུང་བཟེད་གཡས་པ་ཡིས། །རུས་སྦལ་འཛིན་ལ་བདག་ཕྱག་འཚལ། །གྷསྨ་རཱི་ནི་བྱང་གི་སྒོར། །ལྗང་གུ་གྷཾ་ལས་བྱུང་བ་ཡི། །ཕྱག་ན་སྦྲུལ་དང་ཐོད་པས་འབྲེལ། །དྲག་པོ་མནན་ལ་བདག་ཕྱག་འཚལ། །གཤིན་རྗ…

མཛུབ་གཡས་རྡོ་རྗེ། །སྣ་ཚོགས་མདོག་ལ་བདག་ཕྱག་འཚལ། །སྐྱིལ་དཀྲུང་ཕྱེད་པའི་གར་གྱིས་གནས། །ཕྱག་རྒྱ་ལྔ་ཡིས་རྣམ་པར་བརྒྱན། །གཅེར་བུ་སྤྱན་གསུམ་ཐམས་ཅད་ལ། །བདག་ནི་གུས་པས་ཕྱག་འཚལ་ལོ། །ཕུང་པོ་ཁམས་རྣམས་རྣམ་དག་པ། །བྱང་ཆུབ་སེམས་ལས་བྱུང་བ་ཡི། །བདེ་རབ་སྟེར་འདི་ཐམས་ཅད་ལ། །དངོས་པོ་ཀུན་གྱིས་ཕྱག་འཚལ་ལོ། །ཉིད་ཀྱི་གཡས་པའི་ཕྱག…

རྡོ་རྗེ། །ལྷ་མོ་འཁོར་ལོ་བཅས་བསྟོད་པས། །བདག་གིས་བསོད་ནམས་གང་ཐོབ་པ། །དེས་ནི་འཇིག་རྟེན་དེ་མཚུངས་ཤོག །ཅེས་པས་བསྟོད་པའི་མཐར། ༀ་སརྦ་ཏ་ཐཱ་ག་ཏ་སྟུ་ཏི་བཛྲ་སྭ་བྷཱ་ཝ་ཨཱཏྨ་ཀོ྅ཧཾ་དེ་བཞིན་གཤེགས་པ་ཐམས་ཅད་བསྟོད་པ་རྡོ་རྗེའི་རང་བཞིན་གྱི་བདག་ཉིད་ངའོ། །གིས་རྒྱས་གདབ་པ་ནི། བསྟོད་པ་རིན་ཆེན་འབྱུང་ལྡན་གྱི་ཡན་ལག་སྟེ། གུར་ལས།…

སྐྱེ་བ་མ་ཡིན་པའི། །རྟག་པ་རྣམ་པར་སྣང་མཛད་ཉིད། །སེམས་ནི་རིན་ཆེན་ཞེས་བྱ་སྟེ། །རིན་ཆེན་གྱི་མཆོག་བླ་ན་མེད། །ཆགས་པ་ཆེན་པོ་རྡོ་རྗེ་ཆོས། །འདོད་ཆགས་མཚན་ཉིད་འཛིན་པའི་ཕྱིར། །སེམས་ནི་འདོད་ཆགས་ཞེས་བྱ་སྟེ། །རྡོ་རྗེ་སེམས་དཔའི་གདན་ལ་བཞུགས། །གང་ཕྱིར་དངོས་གྲུབ་འབྲས་སྩོལ་བ། །དེས་ན་དོན་ཡོད་པར་རབ་གྲགས། །རིགས་པར་བྱེད་པ་ར…

བསྐྱེད་པར་བྱེད་པས་དེའི་ཡན་ལག་ཏུ་བཞག་ཅིང་། རྡོ་རྗེ་སོགས་རྐང་པ་གཉིས་ཀྱིས་ནི་བཅོམ་བཞིག་གི་ཡུལ་མིན་པ་ལྟར་མི་བསྐྱོད་པའིང་གཟུང་འཛིན་གྱིས་མི་གཡོ་བ་ཡིན་ལ། དབང་བསྐུར་བས་ཀྱང་རྣམ་རྟོག་གི་དྲི་མས་མི་བསྐྱོད་པ་ཐོབ་པའི་ཕྱིར་དེའི་ཡན་ལག་ཏུ་བཞག་པ་དང་། འདོད་ཆགས་ཆེན་པོ་སོགས་རྐང་པ་གཉིས་ཀྱིས་འདོད་ཆགས་དག་པ་སྣང་བ་མཐའ་ཡས་ནི་…

དེ་ལྟ་བུའི་སྒོ་ནས་དཀྱིལ་འཁོར་པ་ལ་བསྔགས་པ་བརྗོད་པས་དེའི་ཡན་ལག་ཏུ་བཞག་པ་སྟེ། དེ་ལྟར་ཚིགས་སུ་བཅད་པ་བཞི་ནི་ཡན་ལག་དྲུག་རིགས་དྲུག་དང་སྦྱོར་བ་རིགས་པར་བྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ཞེས་གོ་བར་བྱ་ཞིང་། ཡན་ལག་དེ་རྣམས་ལ་རྒྱས་གདབ་པའི་སྔགས་ཀྱང་ལེའུ་དེར། ༀ་སརྦ་ཏ་ཐཱ་ག་ཏ་ཞེས་པ་ནས། རྣམ་པར་སྣང་མཛད་རྡོ་རྗེ…