ཐན། །གཤིན་རྗེའི་བརྡ་ཐན་གཏོར་མས་ཟློག །སྦྲུལ་ནག་བྱི་ཟན་ཀླུ་ཡི་ཐན། །ཀླུ་ཡི་བརྡ་ཐན་གཏོར་མས་ཟློག །ནམ་ཕྱེད་མཛོ་ངུར་གནོད་སྦྱིན་ཐན། །གནོད་སྦྱིན་བརྡ་ཐན༴ །ནག་བེའུ་གློ་དཀར་བདུད་ཀྱི་ཐན། །བདུད་ཀྱི་བརྡ་ཐན༴ །སྲོད་འཁོར་བྱ་གྲགས་དམུ་ཡི་ཐན། །དམུ་ཡི་བརྡ་ཐན༴ །རྟ་ཕོ་རྟིང་རྡབ་གྲུལ་བུམ་ཐན། །གྲུལ་བུམ་བརྡ་ཐན༴ །གླ་ནག་མཆུ་དཀར་…

ཆོས་ཟོར༴ །བོན་གྱི་བོན་ཟོར༴ །རྒྱ་གར་ངན་སྔགས༴ །མུ་སྟེགས་ངན་ངག༴ །དམར་གྱི་ཕྲ་མེན༴ །སུམ་པའི་གླང་ཟོར༴ །ཞང་ཞུང་ཛོ་ཟོར༴ །གིང་གི་མངའ་ཟོར༴ །གཤིན་རྗེའི་ཁྲམ་ཁ༴ །བདུད་ཀྱི་བྱོལ་ཀ༴ །ཕུར་པའི་དབལ་ཟོར༴ །འབངས་ཀྱི་རྨི་ངན༴ །རྒྱལ་པོའི་བཀའ་ཆད༴ །མོ་སོགས་ངན་པ་གཏོར་མས་ཟློག །ཕ་རོལ་དམ་ཉམས་གང་ཞིག་གིས། །གཏོར་ཟོར་འཕེན་པ་གཏོར་མས་ཟ…

བནྡྷ་ཤ་ཡ། ལོ་ཀ་བྷ་ཤ་ཡ། ཧཱུྃ་ཧཱུྃ་སརྦ་ཟློག ཨེ་ཀ་དུ་ན་བྷྱོ་ཟློག མ་ཧཱ་དུ་ན་བྷྱོ་ཟློག ས་ག་དུ་ན་བྷྱོ་ཟློག ཙ་ཏུ་ར་སྙིང་ལ་བྷྱོ་ཟློག ནཱ་ག་དུ་ན་བྷྱོ་ཟློག རཱ་ཛ་དུ་ན་བྷྱོ་ཟློག ཏ་ཀོར་དུ་ན་བྷྱོ་ཟློག །སློབ་དཔོན་ཆེན་པོ་པདྨ་འབྱུང་གནས་ཀྱི་མཛད་པ་རྫོགས་སོ།། །།དེ་ནས་གཏོར་རྫོང་གི་རྟིང་ལ་བྱ་བའི་བཟློག་པའི་རིམ་པ་ནི། །བྷྱོ༑…

ལྟས་ངན༴ །ལས་རབ་གར་གྱི་དབང་ཕྱུག་མ། །མིང་པོ་གནོད་སྦྱིན་བཀའ་བསྒྱུར་མ། །རྣལ་འབྱོར་བདག་ཅག་འཁོར་བཅས་ལ། །གནོད་སྦྱིན་དལ་ཁ་བབས་ལ་རེ། །བཟློག་གོ་དམར་ཆེན༴ །བསྒྱུར་རོ་ལྟས་ངན༴ །བར་སྣང་ཁམས་ཀྱི་དབང་ཕྱུག་མ། །རེ་ཏེ་མགོ་ཉག་བཀའ་སྒྱུར་མ། །རྣལ་འབྱོར་བདག་ཅག་འཁོར་བཅས་ལ། །བདུད་ཀྱི་ཁྲམ་ལ་བཏབ་ལ་རེ། །བཟློག་གོ་དམར་ཆེན༴ །བསྒྱུར་…

བཟློག་གོ་དམར་ཆེན༴ །བསྒྱུར་རོ་ལྟས་ངན༴ །བདག་ཅག་རྣལ་འབྱོར་འཁོར་བཅས་ལ། །ཡས་ཀྱི་བདུད་གཡོས་གཏོར་མས་ཟློག །མས་ཀྱི་སྲི་ལངས་གཏོར་མས་ཟློག །ལོ་ཀག་ཟླ་ཀག་གཏོར་མས༴ །བདུན་ཟུར་ཐུག་པ༴ །སྐྱ་མདའ་ཐུག་པ༴ །བྱང་བུ་ལྷ་རྒྱབ༴ །ཤོ་རྡེལ་དཀར་ནག༴ །མོ་ངན་རྨི་ངན༴ །༢༢༢༢༤༨་བཟློག་གོ་དམར་ཆེན༴ །བསྒྱུར་རོ་ལྟས་ངན༴ །ནད་རིགས་བཞི་བརྒྱ་རྩ་བཞི…

འཛིངས༴ །མདའ་ཡི་ཉ་མོ་རྔ་འཛིངས༴ །བར་དུ་ཕོ་རོག་གཤོག་འཛིངས༴ །གྲོང་དུ་ནག་མོ་སྦར་འཛིངས༴ །སྲོད་ལ་བྱ་ཕོ་འཚེར་བ༴ །ནམ་ཕྱེད་འོག་རྟ་འཚེར་བ༴ །ཐོ་རངས་སྒོ་ཁྱི་ངུ་བ༴ །གནམ་ལ་བྱ་རྒོད་གཤོག་འཛིངས༴ །ལོ་ནི་རྒྱལ་པོའི་ཀག་ཀྱང༌༴ །ཟླ་བ་བློན་པོའི་ཀག་ཀྱང་༴ །ཞག་ནི་དམག་མིའི་ཀག་ཀྱང་༴ །དུས་ཚོད་མཚོན་ཆའི་ཀག་ཀྱང་༴ །ཕོ་བརྒྱས་མདའ་ལྟར་གས…

བྱའོ། །འདི་ཤིན་ཏུ་གཉན་པས་ཚར་དགུ་ལས་མང་དུ་མི་རུང་ངོ་། ། ༈ དེ་ནས་གསེར་སྐྱེམས་འབུལ་བ་ནི། རིན་པོ་ཆེའི་སྣོད་དུ་བརྔན་ཆ་དང་ཆང་ཕུད་སྤྲེངས་ལ་རིམ་པས་འབུལ་ཞིང༌། འདི་སྐད་དུ། ཧཱུྃ༑ རི་རབ་རི་ཡི་རྩེ་མོ་ནས། །ཡེ་ཤེས་མགོན་པོ་མཐུ་རྩལ་ཅན། །སྐུ་ལ་དབང་ཆེན་བེར་ནག་གསོལ། །ཕྱག་ན་ཙནྡན་བེང་ཆེན་བསྣམས། །ལྷ་དམག་འབུམ་བཅས་གཤེགས་སུ་…

ཕུར་ཁ་བསྒྱུར་བའི་དུས་ལ་བབ། །བྱད་ཁ་བཟློག་པའི་དུས་ལ་བབ། །དགྲ་དང་ཇག་པ་ཆོམ་རྐུན་གྱི། །ཡན་ལག་ཆིངས་ལ་དོན་སྙིང་ཕྱུང༌། །ཧཱུྃ༑ རྡོ་རྗེ་བྲག་གི་གདན་སྟེང་ནས། །བྲག་ལྷ་མགོན་པོ་ལས་ལ་བཞེངས། །ཆིབས་སུ་རྒྱ་སྟག་དམར་པོ་ཆིབས། །སྐུ་ལ་ཟངས་ཁྲབ་འོད་འབར་གསོལ། །གསེར་གྱི་རལ་གྲི་ཀླད་ལ་སྐོར། །འཁོར་ནི་ལྷ་དམག་འབུམ་གྱིས་བསྐོར། །འདིར…

ཆོམ་རྐུན་གྱི། །ཡན་ལག་ཆིངས་ལ་དོན་སྙིང་ཕྱུང༌། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ༑ རི་རབ་ཆེན་པོའི་ཕྱོགས་བཞི་ན། །འཛམ་གླིང་འཇིག་རྟེན་གཞལ་ཡས་ནས། །རྒྱལ་ཆེན་བཞི་དང་ཕྱོགས་སྐྱོང་བཅུ། །འཛམ་གླིང་བརྟན་པའི་བརྟན་མ་དང༌། །བོད་ཁམས་སྐྱོང་བའི་སྐྱོང་མ་རྣམས། །འདིར་གཤེགས་གསེར་སྐྱེམས་མཆོད་པ་བཞེས། །དགྲ་བགེགས་འདུལ་བའི་དུ…

རྟེན་གཞལ་ཡས་ནས། །མགོན་པོ་ལྷ་ཚོགས་འཁོར་དང་བཅས། །འཇིག་རྟེན་དྲེགས་བྱེད་མཐུ་རྩལ་ཅན། །སྲས་དང་བཙུན་མོ་ཕོ་ཉར་བཅས། །ཐམས་ཅད་མ་ལུས་འདིར་བྱོན་ལ། །བཀའ་ཡི་གཏོར་མ་འདི་ཉིད་དང༌། །གསེར་སྐྱེམས་མཆོད་པ་འདི་བཞེས་ལ། །དགྲ་སྡང་ཐུལ་ལ་གདོན་བགེགས་སོད། །ཕུར་ཁ་སྒྱུར་ལ་དལ་ཁ་ཟློག །ཕོ་ཉ་ཟློག་ལ་བྱད་མ་སོད། །ཆོས་ཤིག་དགྲ་ཡི་ཡུལ་དུ་ཆོས…

ཀྱིས་གཏོར་རྒྱབ་མནན། དྲག་པོའི་ཕྲིན་ལས་བཅོལ། གཏོར་བྲོ་བརྡུངས། སླར་ནང་དུ་ལོག་ནས་རྒྱལ་དབྱངས་དང་ཚོགས་ཀྱི་འཁོར་ལོ། བཀྲ་ཤིས། བསྔོ་བ་སྨོན་ལམ་གཞུང་བཞིན་བྱ། ༈ འདི་ནི་ཇག་པ་རྟ་ཐོག་གི་དགྲ་ཆོས་ཞེས་བྱ་བ་ཤིན་ཏུ་གཉན་པས་གར་ཐོད་ཐོད་དུ་མི་བྱ། བླ་མ་དང་བསྟན་པའི་དོན་དུ་བྱའོ། །འདིའི་ཡིག་ཆ་རྙིང་པ་རྣམས་ཞལ་མི་གསལ་ཞིང་འཐོར་བུར…

དགྲ་ལྷ་ཆེན་པོ་མཆོད་པའི་རིམ་པ་སྲེག་བྱེད་མེའི་འཁོར་ལོ་ཞེས་བྱ་བ་བཞུགས་སོ། །

སློབ་དཔོན་ཆེན་པོ་པདྨ་འབྱུང་གནས་ལ་ཕྱག་འཚལ་ལོ། །ལས་མཁན་ཆེན་པོ་མཆོད་པའི་རིམ་པ་ནི། གཏོར་མཆོད་ལེགས་པར་བཤམས་ཏེ། ཡི་དམ་དང་ཡེ་ཤེས་ཀྱི་ཆོས་སྐྱོང་རྣམས་ལ་གཏོར་མ་འབུལ་བ་སོགས་སྔོན་དུ་སོང་ལ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་ཝ་ཤུདྷོ྅་ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་སྐད་ཅིག་གིས་རང་ཉིད་དྲག་པོ་ཆེན་པོར་གསལ་བའ…

ཐོག་རྒོད་དྲག་པོར་འབེབས་པ། ལྕགས་ཀྱི་བྱ་ཁྲས་དགྲ་བོའི་བླ་ཚེ་འགུགས་ཤིང་ཕྱོགས་བཅུར་འཇུམས་པ། ཟུར་བཞིར་ཤ་རུས་དམར་པོ་ལ་དར་དམར་གྱི་ཅོད་པན་བཏགས་པས་མཛེས་པར་བརྒྱན་པ། ལོགས་རྣམས་སུ་འུག་པ་དང་སྲིན་བྱ་ལ་སོགས་པ་བྱ་རིགས་དུ་མས་ཧཱུྃ་ཕཊ་ཀྱི་སྒྲ་སྒྲོག་པ། རྐེད་པར་གླ་བ་དང་སྲེ་མོང་ལ་སོགས་པས་བྲོ་རྡུང་ཞིང་གར་བྱེད་པ། རྩ་བར་དུར་…

རོ་དང་རྟ་རོ་ལྦུ་བའི་ཚོགས་གཡོ་ཞིང་འཕྱོ་བའི་ཕྱི་རོལ་དུ་བསྐལ་པའི་མེ་ཆེན་ཕྱོགས་བཅུར་འབར་བ། འོག་ཁང་དུ་མི་ཁྲག་དང་རྟ་ཁྲག་མཚོ་ལྟར་འཁྱིལ་བ། བར་ཁང་དུ་མི་རོ་དང་རྟ་རོ་བཅལ་དུ་བཀྲམ་པ། དེའི་ཡང་སྟེང་གི་ནང་དུ་འོད་ཟེར་དམར་པོའི་ཚོགས་རབ་ཏུ་འཁྲུགས་པའི་དབུས་སུ། བཾ་རོ་གསར་རྙིང་བསྣོལ་བའི་ཁྲི་ལ་ལེ་བརྒན་འབར་བའི་གདན་གྱི་སྟེང་…

སྐུ་ལ་དར་དམར་གྱི་བེར་ཆེན་ལྷབ་ལྷུབ་ཏུ་གསོལ་བ་ལ་གསེར་སྐེད་རིན་ཆེན་འབར་བས་བཅིངས་པ། གདུག་པའི་སེན་མོ་དང་བཅས་པའི་ཕྱག་གཡས་པས་བཙན་ཞགས་དམར་པོ་འདེབས་པས་དགྲ་བོ་ཐམས་ཅད་དབང་དུ་བསྡུད་པ། གཡོན་པས་མདུང་དར་དམར་པོ་འཕྱར་བས་བཙན་དམག་ཐམས་ཅད་དབྱིངས་ནས་བསྐྱོད་པ། དགྲ་སྙིང་དྲོན་མོ་ཞལ་དུ་གསོལ་བ། བདུད་ཞགས་ནག་པོས་དགྲ་བོའི་མགུལ་ན…

དགྲ་བོའི་བླ་ཚེ་བཀལ་བ། དེའི་སྟེང་དུ་འགྱིང་བག་དང་བཅས་ཏེ་ཞབས་གཉིས་སག་ཏིའི་ལྷམ་ཆེན་གསོལ་བས་དྲག་ཤུལ་ཆེན་པོའི་སྟོབས་དང་ལྡན་པ། དེའི་གཡས་ཀྱི་རུ་འདྲེན་ལ་ལྷ་བཙན་འབུམ་སྡེ། གཡོན་གྱི་རུ་འདྲེན་ལ་ཀླུ་བཙན་འབུམ་སྡེ། མདུན་གྱི་སྣ་ཁྲིད་ལ་བདུད་བཙན་འབུམ་སྡེས་བསྐོར་ཞིང༌། བཙན་ཁྱི་དམར་པོ་རབ་ཏུ་གཏུམ་པ། གདངས་པའི་ཁ་ནས་དུང་ལྟར་…

བ། ལག་ན་མདུང་དར་དང་མཚོན་ཆ་ཐོགས་པ། སྲ་བའི་གོ་ཆ་དང་ལྡན་པ། དམིགས་བྱ་སྐད་ཅིག་གིས་བརླགས་པ། གཙོ་འཁོར་དེ་དག་གི་དཔྲལ་བར་ཨོཾ། མགྲིན་པར་ཨཱཿ ཐུགས་དཀར་ཧཱུྃ་དང་ཏྲི་ལས་འོད་ཟེར་འཕྲོས་པས། སྐྱེས་བུ་ཆེན་པོ་རྡོ་རྗེ་རྫིང་བཙན་ལ་སྟེང་ནམ་མཁའ་ལ་བྱ་ཤ་ཟན། འོག་ས་གཞི་ལ་གཅན་ཟན་ཁྲག་འཐུང༌། བར་དུ་སྤྲུལ་པའི་དམག་ཚོགས་དུ་མས་བསྐོར་བ་ད…

དམར་པོ་ལྡེམས་སེ་ལྡེམ། །གཙན་མཁར་དེ་ཡི་རྩེ་མོ་ན། །སྤྲིན་དང་ན་བུན་ཐིབས་སེ་ཐིབ། །སྤྲུལ་པའི་བྱ་ཁྲ་ལིངས་སེ་ལིང༌། །བཙན་མཁར་དེ་ཡི་ཟུར་བཞི་ལ། །ཤ་རུས་དམར་པོ་ཟངས་སེ་ཟང༌། །དར་དམར་ཅོད་པན་པུ་རུ་རུ། །བཙན་མཁར་དེ་ཡི་ལོགས་བཞི་ལ། །འུག་པའི་ཧཱུྃ་སྒྲ་དི་རི་རི། །སྲིན་བྱ་ཧབ་གད་སྐྱགས་སེ་སྐྱག །བཙན་མཁར་དེ་ཡི་བསྐེད་པ་ན། །གླ་བས…