ཡང་། །གོམས་པར་བྱ་བའི་བག་ཆགས་ཀྱིས། །ཞེས་པ་ཉིན་པར་གྱི་སྣང་བ་ལམ་དུ་འཁྱེར་བས་མཚན་མོ་གཉིད་ལོག་ཁ་མའི་དུས་སུ་ཡང་དྲན་པ་དང་ཤེས་བཞིན་གྱིས་མཚན་མའི་དྲན་པ་དེ་སྙེད་པ་སྣ་ཚོགས་པ་དེ་དག་ལ་བག་མི་ཚ་བར་སྤྱད་པར་བྱ་ཞེས་ཐམས་ཅད་རྨི་ལམ་སྒྱུ་མ་ཡ་ང་བ་མེད་པ། བག་ཚ་བ་མེད་པ། སྣང་བ་ཕྱི་རོལ་གྱི་ཡུལ་དང་བསྲེ་ཐུབ་པ་ཞིག་འོང་ངོ་། །ཅེས་གས…

རྣམས་ལྟའོ། །མི་ཡུལ་དང་ངན་སོང་གི་གནས་སོགས་ལྟ་བར་འདོད་ན འང་དེ་དང་དེའི་འདུན་པ་སྔོན་དུ་བཏང་ནས་རྨི་ལམ་ཟིན་པ་དང་རྨི་ལམ་ཡིན་པས་གང་ཡང་བཏུབ་སྙམ་དུ་ཤེས་པར་བྱས་ནས། གང་ལྟ་བར་འདོད་པའི་ཡུལ་དང་གནས་ལ་སོགས་པར་ཕྱིན་པར་བསྒོམས་ན་མཐོང་བར་འགྱུར་རོ། །དུས་གསུམ་གྱི་ཤེས་བྱ་ཤེས་པར་འདོད་ན། གང་ཤེས་པར་འདོད་པ་དེའི་འདུན་པ་སྔོན་དུ་…

གཉིས་པ་ནི། བཀའ་དཔེ་རྩ་བའི་སྡོམས་ལས། དེ་ལྟར་དྲན་པ་བརྟན་གྱུར་ནས། །འཕོ་བ་དག་ནི་བཤད་པར་བྱ། །ཞེས་དང་། དེའི་འགྲེལ་པར། རྗེ་མར་པས། རྨི་ལམ་དྲན་པས་བཟུང་བ་དང་། སྒྱུ་མར་བྱིན་གྱིས་རླབ་པ་དང་། སྤེལ་ཞིང་སྦྱང་བ་དང་། གོམས་པ་སྔོན་དུ་དཀྲི་བ་ལ་སོགས་པ་སོང་བས་རྨི་ལམ་གྱི་འཕོ་བ་སྦྱང་སྟེ། ཅེས་གསུངས་པ་ལས་ཐོག་མར་ཡི་གེ་ལྔ་ལ་བརྟ…

ནས། །བདག་རང་ཅི་བདེར་འཕོ་བྱ་ཡིན། །ཅེས་གསུངས་པས་ཉིན་མོ་དབེན་པའི་གནས་སུ་ལུས་གནད་གཏུམ་མོ་ལྟར་བཅས་ལ་རང་ཡི་དམ་གྱི་ལྷར་གསལ་བའི་སྙིང་གར་ཡེ་ཤེས་སེམས་དཔའ་སོར་བཞི་པའི་ཚད་ཙམ་གསལ་བཏབ་ནས། ད་ནི་བདག་ལུས་འདི་ནས་ཐོན་ཏེ་སངས་རྒྱས་ཀྱི་ཞིང་གཞན་དུ་འགྲོ་བར་བྱའོ། །ཞེས་བསམས་ནས་ཕྱི་དབྱིབས་ཡི་དམ་གྱི་སྐུ་དེའི་ཚངས་བུག་ལས་ཐོན་ཏེ་…

བཞིན་གྱི་རིན་པོ་ཆེ་རིན་ཐང་མེད་པའི་ཁྲི་ལ་བཅོམ་ལྡན་འདས་རྣམ་པར་སྣང་མཛད་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་པའི་སྐུ་ལྟ་བས་མི་ངོམས་པ། འཁོར་ཚོགས་རྒྱ་མཚོ་དང་ཐབས་གཅིག་ཏུ་བཞུགས་པའི་སྤྱན་སྔར། རང་ཉིད་ཀྱིས་མངོན་པར་སྤྲུལ་པའི་རིན་པོ་ཆེའི་པདྨ་ལ་འདུག་ནས་ཕྱག་འཚལ་བ་ལ་སོགས་པ་བསོད་ནམས…

དབུས་ཀྱི་ༀ་ལ་ཤེས་པ་གཏད་ལ། དོ་ནུབ་རྣམ་པར་སྣང་མཛད་ཀྱི་ཞིང་བལྟ་བར་བྱའོ་སྙམ་པ་བྱ། དེས་མ་ཟིན་པར་རྨི་ལམ་རང་མཚན་པ་བྱུང་ནས་ངོ་ཤེས་ན་རྨི་ལམ་རང་དུ་བསྒྱུར་བས་ཆོག །མ་ཤེས་ན་ཆོས་ཐམས་ཅད་སེམས་ཀྱི་ཆོ་འཕྲུལ་ཡིན་པ་ལ་དེ་ལྟར་མ་ཤེས་པ་རེ་མ་ལེགས་སྙམ་དུ་བྱས་ལ་དྲག་ཏུ་བསྒོམས་པས་ཇི་ལྟར་བསམ་པ་བཞིན་འགྲུབ་པར་འགྱུར་རོ། །དེ་བཞིན་དུ…

མགོན་པོ་འོད་དཔག་ཏུ་མེད་པ་འཁོར་ཚོགས་དུ་མ་དང་བདེ་བ་ཅན་གྱི་ཞིང་རྣམ་པར་བཀོད་པའི་ཚུལ་རབ་ཏུ་གསལ་བར་དམིགས་ཤིང་། མཚན་ཏ་ཡིག་དམར་པོ་ལ་སེམས་གཏད་པ་དང་། ཉིན་ལས་རབ་གྲུབ་པའི་སངས་རྒྱས་ཀྱི་ཞིང་བཅོམ་ལྡན་འདས་དོན་ཡོད་གྲུབ་པ་འཁོར་ཚད་མེད་པ་དང་བཅས་པ་གསལ་བར་བསྒོམ་ཞིང་། མཚན་ར་ཡིག་ལྗང་གུ་ལ་སེམས་གཏད་དེ་སྦྱང་བ་རྣམས་ཀྱིས་བདེ་བར…

དང་། འཕོ་བར་འགྱུར་བའི་ཐབས་གང་ཡང་རུང་བ་སྤྱད་པར་བྱ་ཞེས་པའི་དོན་ནོ། །འདིས་ནི་སྦྱོང་བར་བྱེད་པ་རྨི་ལམ་གྱི་འཕོ་བ་གནད་ཆེ་བའོ། །ཅེས་གསུངས་སོ། །གཞན་ཡང་མངའ་བདག་ལོ་ཙ་བ་ཆེན་པོའི་གསུང་གིས། འོག་མིན་ནམ། ཨཽ་ཌྱན་ནམ། ཤམྦྷ་ལའམ། པུཥྤ་ཧ་རི་ལ་སོགས་པར་འཕངས་ཏེ། ལུས་ཀྱི་མདའ་སེམས་ཀྱི་གཞུ་དང་སྦྱར་ནས་འཕངས་པས་བདེ་སྟོང་གི་སེམས་ས…

པ་བྱ་སྙམ་དུ་བྱས་ནས་ཞུགས་པས། དེ་དང་དེའི་སྣང་བ་འཆར་ཏེ། རྗེ་མར་པས་བཀའ་དཔེ་རྩ་བའི་སྡོམས་ཀྱི་འགྲེལ་པར། ལོག་ཁར་ཡང་དང་ཡང་དུ་བསྒོམ། །ཞེས་པ་དྲན་པས་མཚམས་སྦྱར་ཏེ་འདུན་པ་སྔོན་དུ་བཏང་ནས་བསྒོམས་པས། དེ་ལྟར་རྨི་ལམ་དུས་སུ་ཡང་། །དམ་དུམ་བག་རེ་འབྱུང་བར་འགྱུར། །ཞེས་ཏེ། ཉིན་མོ་གང་ལ་སྦྱངས་པ་དེ་མཚན་མོའ་ཆ་དེ་ལ་རྩལ་སྦྱང་བ་ཤི…

ལམ་དེ་ཉིད་དུ་རིག་པ་གར་འདོད་དུ་འཕོ་ནུས་པར་གྱུར་ནའང་། སྒྱུ་མ་སྦྱངས་པའི་མཚན་ཉིད་ནི། །ཞེས་པ་རྨི་ལམ་སྒྱུ་མར་ཤེས་པས་རྩལ་སྦྱོང་བ་དེ་དག་གིས་སྔར་གྱི་བསྐྱེད་རྫོགས་ཀྱི་གདམས་པ་གང་བསྒོམས་པའི་འཕྲོ་སྦྱོང་བ་བཀྲིད་པར་བྱ་སྟེ། ཞེས་པ་མཉམ་རྗེས་གཉིས་ཀྱིས་སྔ་མ་ཇི་ལྟ་བཞིན་དུ་བསྒོམ་པར་བྱའོ། །ཅེས་གསུངས་སོ། །འདིར་ཉིན་སྣང་ལ་མཉ…

ཕྱིར་བརྗོད་ན། སྤྱིར་དགའ་ལྡན་སོགས་འཁོར་འདས་ཀྱི་སྣོད་བཅུད་ཀྱི་ཆོས་ཐམས་ཅད་རང་གི་ལུས་སེམས་ལས་རྒྱང་ཆོད་པར་ཕྱི་རོལ་ལྟར་སྣང་བ་དང་། ཡང་འཁོར་འདས་ཀྱི་ཆོས་ཐམས་ཅད་རང་སེམས་ལས་ཐ་དད་པར་ནང་རྡོ་རྗེའི་ལུས་ཀྱི་རྩ་རླུང་ཐིག་ལེའི་ཁམས་ལ་ཡོད་པ་ལྟར་སྣང་བ་དང་། ཡང་འཁོར་འདས་ཀྱི་ཆོས་ཐམས་ཅད་ཀུན་གཞི་ཁས་ལེན་མི་ལེན་གྱི་ལུགས་གང་ཡིན་…

ཆགས་ཤུགས་ལ་སྤངས་ནས། སེམས་ལ་ཡོད་པའི་སངས་རྒྱས་ཀྱི་རིགས་གཉིས་སངས་རྒྱས་སུ་རིམ་གྱིས་འཆར་བའི་ཚེ། གཞན་མཆོག་ཕྱག་རྒྱ་ཆེན་པོའི་ཡེ་ཤེས་འཆར་བས་ཉམས་སམ་རྟོགས་པ་དེའི་ངོར་ཡང་འཁོར་འདས་ཀྱི་ཆོས་རང་རྒྱུད་ཀྱིས་བསྡུས་པ་རྡོ་རྗེའི་སྲིད་གསུམ་ལ་སོགས་པ་དང་། གཞན་རྒྱུད་ཀྱིས་བསྡུས་པ་ཐ་མལ་པའི་སྲིད་གསུམ་ལ་སོགས་པ་ཐམས་ཅད་པྲ་ཕབ་པའི་ས…

པ་རང་ལ་སྣང་བ་དེ་དང་། གཞན་རྒྱུད་ཀྱིས་བསྡུས་པ་གཞན་ལ་སྣང་བ་དེ་གཉིས་ཚུལ་མཚུངས་པར་སྣང་དུ་རུང་ངམ་ཞེ་ན། འདི་ལའང་ཕྱིའི་ཡུལ་སོགས་ནི་རང་གཞན་ལས་མཐུན་པར་བསགས་ན་ལས་སྣང་མཐུན་པར་འཆར་རུང་ལ། མ་བསགས་ན་དེར་འཆར་བའི་ངེས་པ་མེད་པ་དང་། ལྷག་པར་གསང་བ་སེམས་དག་མ་དག་གི་བྱེད་བཅིངས་ཀྱིས་ནང་རྡོ་རྗེའི་ལུས་ཀྱི་རྩ་རླུང་ཐིག་ལེའི་དག་མ་…

བའམ་འཆར་དུ་རུང་བའི་རྒྱུ་མཚན་གྱིས་སྣང་བ་གཉིས་མི་འགལ་བར་མཚུངས་འདྲར་སྣང་བ་ནི་གྲུབ་བོ། །མཆན། དེ་གཉིས་ཀྱི་མཐོང་བ་ཐུན་མོང་དུ་གྱུར་པ་ཞིག་ཡོད་པར་རློམ་པ་ཡིན་ཀྱང་། དོན་ལ་སོ་སོའ་རྒྱུད་ཀྱིས་མ་བསྡུས་པའི་ཡུལ་ཕྱི་རོལ་དུ་སྣང་གཞི་ཐུན་མོང་བ་ཡན་གར་དུ་ཡོད་པ་མ་ཡིན་ནོ། །ཡང་གསང་བ་སེམས་ཀྱིས་ནང་ལུས་ལ་གནད་དུ་བསྣུན་པའི་བྱེད་པ…

པ་གསང་སྔགས་བླ་ན་མེད་པའི་རྒྱུད་སྡེ་ལས་གཞན་འགར་ཡང་སྟོན་པ་བདེ་བར་གཤེགས་པ་ཉིད་ཀྱིས་མ་གསུངས་ལ། དེ་ལྟ་བུའི་སྒྲུབ་བྱེད་དང་བསྒྲུབ་བྱ་ལ་ཕྱག་རྒྱ་ཆེན་པོའ་རྣལ་འབྱོར་དང་། ཕྱག་རྒྱ་ཆེན་པོའ་གོ་འཕང་ཞེས་བརྗོད་པ་ཡིན་ནོ། །དེ་ལྟར་རྡོ་རྗེའི་སློབ་དཔོན་ཆེན་པོ་དཔལ་དབྱངས་ཅན་བཟང་པོའ་གསུང་རབ་ལས་འབྱུང་བའི་ཟབ་གསང་གི་གནད་འདི་ལྟ་བ…

ནས་རྨི་ལམ་སྒྱུ་མ་ལྟ་བུ་ཡིན། སྦྱང་གཞི་དང་སྦྱོང་བྱེད་གཉིས་ཀ་དངོས་པོ་དང་མཚན་མར་གྱུར་པ་མེད་པས། རང་གི་སེམས་མ་བཅོས་པ་གསལ་བ་མི་རྟོག་པ་དེ་ཁོ་ན་ཉིད་ཀྱི་ངང་ལ་བསྒོམ་བྱ་སྒོམ་བྱེད་དང་བྲལ་བར་བཞག་པ་སྟེ། བཀའ་དཔེ་ཚིག་ལྷུག་མར། རྨི་ལམ་གྱི་དེ་ཁོ་ན་ཉིད་ནི་དེ་དག་ཐམས་ཅད་སྐྱེ་བ་མེད་པས་ཕྱག་རྒྱ་ཆེན་པོའ་ངང་ལ་བཞག་པའོ། །ཅེས་གསུ…

མ་ཟིན་པ་དག་ཀྱང་ཡོད། དེ་ལ་ཐབས་བླ་མའི་གདམས་པས་ཚོགས་བསོག་བྱ། ཚོགས་གཏོར་མང་དུ་བྱ། དུས་ཁྱད་པར་ཅན་ལ་ག་ཎ་ཙཀྲ་བྱ། དམ་ཚིག་དང་སྡོམ་པའི་བཤགས་བསྡམ་བྱ། དེ་ནས་གདམས་པ་བཏབ་ནས་བསྒོམས་པས། དེ་ལྟར་ཡང་དང་ཡང་བསྒོམས་པས། །རྨི་ལམ་བྱིན་གྱིས་བརླབས་པ་ཡིན། །ཞེས་པ་རྨི་ལམ་སྒྱུ་མར་འཆར་བའི་དོན་ཏེ། དེ་ཡིས་བར་དོར་སླེབ་པར་འགྱུར། ཉིན་མ…

བྱས་པའི་སྣང་གསུམ་འོད་གསལ་དུ་ཐིམ་པ་དེས་སད་དུས་དང་སྙོམས་འཇུག་གི་ཐིག་ལེའི་གནས་སྐབས་སྦྱངས་ནས། དེ་གཉིད་ཀྱི་དུས་སུའང་ལེགས་པར་སྦྱར་བས་གཉིད་ཀྱི་ཐིག་ལེའི་གནས་སྐབས་སྦྱངས་པས་ཐམས་ཅད་སྟོང་པ་འོད་གསལ་ཆོས་སྐུ་མངོན་དུ་བྱེད་ལ། དེའི་ངང་ནས་སྒྱུ་ལུས་ཀྱི་སྐུ་རླུང་སེམས་ལས་འགྲུབ་པ་རྨི་ལམ་ཙམ་དུ་སྤྲུལ་བསྒྱུར་ལ་རང་དབང་ཐོབ་པར་…

ཡི། །སྐུར་ཡང་བདག་ཉིད་མྱུར་དུ་མཐོང་། །སེམས་དཔའ་ཆེན་པོ་ཁམས་གསུམ་པས། །མཆོད་པ་བྱེད་པར་དེ་མཐོང་ངོ་། །ཡེ་ཤེས་ཆེན་པོ་འོད་འདྲའི་གཟུགས། །སངས་རྒྱས་བྱང་ཆུབ་སེམས་དཔའ་ཡིས། །འདོད་པའི་ཡོན་ཏན་ལྔ་རྣམས་ཀྱིས། །རྟག་ཏུ་མཆོད་པ་བྱེད་པར་མཐོང་། །རྡོ་རྗེ་སེམས་དཔའི་གཟུགས་ཆེན་དང་། །གྲགས་པ་ཆེན་པོ་རྡོ་རྗེའི་ཆོས། །གསང་བ་རྡོ་རྗེ་ག…

མེད་མཐོང་ན། །སྐུ་གསུང་ཐུགས་ཀྱི་རྡོ་རྗེ་ལས། །སྐྱེས་པ་བླ་མེད་འགྲུབ་པར་འགྱུར། །ཞེས་གསུངས་ལ། རྗེ་བཙུན་སྒམ་པོ་པས། རྨི་ལམ་ལན་ཅིག་ཟིན་ན་བར་དོ་ངོས་མི་ཟིན་པ་མི་སྲིད་ཅིང་། དེ་ཟིན་ན་དེར་འཚང་རྒྱ་བ་ཐེ་ཚོམ་མི་བྱ་གསུང་བ་ཡང་། རྣལ་འབྱོར་པ་མཚན་མ་འདི་ཙམ་མཐོང་བའི་དབང་དུ་མཛད་པ་ཡིན་ནོ། །མཐའ་མ་ནི། ད་ལྟ་གཉིད་ཀྱི་སྟོང་པ་བཞི…