ནང་རྟགས་སྲིན་བུ་མེ་ཁྱེར་ལྟ་བུ་ལན་རེར་གསལ་ལན་རེར་མི་གསལ་བ་འབྱུང་། འདིའི་དུས་སུ་འདོད་ཆགས་ལས་གྱུར་པའི་རྟོག་པ་བཞི་བཅུ་འགག །དེ་བཞི་བཅུ་ནི། ཆགས་པ་དང་། ཀུན་ཏུ་ཆགས་པ་དང་། དགའ་བ་དང་། དགའ་བ་བར་མ་དང་། ཤིན་ཏུ་དགའ་བ་དང་། རངས་པ་དང་། རབ་ཏུ་མགུ་བ་དང་། ངོ་མཚར་བ་དང་། རྒོད་པ་དང་། ཚིམ་པ་དང་། འཁྱུད་པ་དང་། འོ་བྱེད་པ་དང་།…

པ་དང་། གྱ་གྱུ་ཆེ་བ་སྟེ་འདོད་ཆགས་ལས་གྱུར་པའི་རྟོག་པ་བཞི་བཅུའོ། །ཞེས་སྤྱོད་བསྡུས་ལས་གསུངས་སོ། །ཐོབ་པ་འོད་གསལ་ལ་ཐིམ་པའི་དུས་སུ་ཕྱི་རྟགས་མུན་ནག་ལ་གཡང་དུ་ལྷུང་བ་ལྟ་བུ་ནག་འུབ་པ་འབྱུང་། ནང་རྟགས་ཤེས་པ་མར་མེ་ལྟ་བུ་གསལ་བ་འབྱུང་། དེའི་ཚེ་གཏི་མུག་ལས་གྱུར་པའི་རྟོག་པ་བདུན་འགག །དེ་བདུན་ནི། ཆགས་པ་བར་མ་དང་། བརྗེད་ངེ…

རྣམས་ཡོངས་སུ་རྫོགས་པ་དང་མཐུན་པ་ཉིད་དུ། སྤྱི་བའི་དཀར་ཆ་ཧཾ་ཡིག་ཆུའི་རང་བཞིན་ཐུར་དུ་གཤེགས། ལྟེ་བའི་དམར་ཆ་མེའི་རང་བཞིན་གྱེན་དུ་གཤེགས། སྙིང་ཁར་རྩ་རླུང་སེམས་གསུམ་གྱི་དྭངས་མ་དུས་གཅིག་ཏུ་འཛོམས་པས། སྤྲིན་མེད་པའི་ནམ་མཁའ་ལ་ཉི་མ་ཤར་བ་ལྟ་བུ་གཞིའི་འོད་གསལ་མཚན་ཉིད་པ་འཆར། དེ་ཡང་འདིར་གོམས་པའི་བྱེ་བྲག་གི་བདེ་བ་དང་། ག…

རྟོགས་པ་བཞིན་བྱས་པས་འོད་གསལ་གྱི་དཀྱིལ་འཁོར་དུ་འཇུག་པར་འགྱུར་རོ། །རང་ཉམས་ལེན་གྱི་རྩལ་ཞན་པ་དག་ཅིག་ཡིན་ན། གྲོགས་ཀྱིས་བསྐུལ་བ་ལ་སོགས་པའི་གནད་དང་ལྡན་པར་བྱ་ཞིང་། ཏིང་ངེ་འཛིན་ལ་གནོད་པའི་རྐྱེན་ངན་པ་རྣམས་སྤངས་ཏེ་གནས་པར་བྱའོ། །དེ་ལྟར་བསྒྲུབས་པ་ལས་བར་དོའི་འོད་གསལ་མཚན་ཉིད་པ་ཤར་བར་གྱུར་པའི་ཚེ། སྔར་གོམས་པའི་གནད་ཀ…

གསལ་ཞེས་བྱ། བདེ་གསལ་མི་རྟོག་པ་རོ་མཉམ། དུས་མཚམས་རྟེན་འབྲེལ་གྱིས་དབང་གིས་གསལ་བར་སྣང་བ་ལྷུན་གྲུབ་རང་བྱུང་གི་རིག་པ་ཡེ་ཤེས་འོད་གསལ་ཞེས་བྱ། དེ་དག་དབྱེར་མེད་རོ་མཉམ་དུ་གྱུར་པ་དབྱིངས་རིག་འདྲེས་པའམ། དབྱིངས་ཡེ་ཤེས་རོ་མཉམ་དུ་གྱུར་པ་ཞེས་ཐ་སྙད་དུ་མཛད་དོ། །དེ་ཉིད་ཁོ་ན་དོན་གྱི་འོག་མིན་ཏེ། ཇི་ལྟར་བྱིས་པ་རྣམས་ཀུན་ཏུ་…

རུང་བ་ལ་འབད་དེ་བསྒོམས་པས། སྐྱེ་འཆི་གཉིས་ཀྱི་མཚམས་སུ་འོད་གསལ་ཕྱག་རྒྱ་ཆེན་པོ་མཆོག་གི་དངོས་གྲུབ་འཐོབ་པར་འགྱུར་བ་ནི། སྔགས་ཀྱི་ངེས་པའི་སྙིང་པོ་ཕྱིན་ཅི་མ་ལོག་པ་སྟེ། ཚེ་གཅིག་ལུས་གཅིག་གིས་བླ་ན་མེད་པའི་བྱང་ཆུབ་ཅེས་བཤད་པ་ལ་ཡང་། དུས་ལ་ལྟོས་པའི་རབ་འབྲིང་གསུམ་གྱི་འདི་ནི་ཕྱི་མའོ། །ཞེས་གསུངས། དེ་ལྟར་ངེས་པ་རྙེད་པར་…

གྱི་གནད་ལས་ཀྱང་གོལ་བར་འགྱུར་རོ། །འོ་ན་ཅི་ལྟ་བུ་ཞེ་ན། འདི་ནི་སྣང་སྲིད་འཁོར་འདས་ཐམས་ཅད་བར་དོ་ཉིད་དུ་འདུས་ཤིང་། བྱེ་བྲག་ཏུ་སྲིད་པ་འཕོ་བའི་དངོས་ཀྱི་ཡན་ལག་དང་བཅས་པ་བར་དོ་ཐ་མ་དང་། དེ་ལ་རེ་ཞིག་དཀར་དམར་སེམས་གསུམ་ཚོགས་པ་གཅིག་ཏུ་གྱུར་པའི་དོན་གྱི་ཡེ་ཤེས་ལ་བར་དོ་དང་པོ་ཆོས་ཀྱི་སྐུའི་འོད་གསལ་ཞེས་སྟོན་པར་མཛད་དེ། ར…

ཏན་མེད་ན་སླར་བར་དོ་གཉིས་པ་འབྱུང་སྟེ། དེ་ཡང་སྔར་བཤད་པ་བར་དོ་དང་པོའི་འོད་གསལ་དེ་ཉིད་ལུས་ཅན་ཐམས་ཅད་སྲིད་པར་འཕོ་བ་ན་འབྱུང་མོད་ཀྱི། མན་ངག་གི་གནད་དང་བྲལ་བས་ངེས་པ་རྙེད་པར་མི་འགྱུར་ལ། ཇི་ལྟར་བུ་ཙ་ཆུང་ངུས་ལྷ་ཁང་མཐོང་བ་བཞིན་སྣང་ཡང་ངོ་མ་ཤེས་པའི་ངང་ལ་གནས་པར་མི་ནུས་སོ། །དེ་ཤུགས་དང་རྐྱེན་ཀྱིས་ཚོགས་པ་སོ་སོར་འགྱུར་…

འགྲོ། །ཞེས་འབྱུང་བའི་ཚུལ་གྱིས་གང་དང་གང་དུ་སྐྱེ་བར་འགྱུར་བའི་ལས་ཀྱི་རྒྱུ་ཅན་སྒོ་དེ་དང་དེ་དག་ལས་ཐོན་ཏེ་བར་དོའི་སྲིད་པའི་ལུས་སུ་འགྱུར་ཏེ། དེ་ཡང་གཞུང་ལས། སྔོན་འབྱུང་སྲིད་པའི་ཤ་ཚུགས་ཅན། །དབང་པོ་ཀུན་ཚང་ཐོགས་མེད་རྒྱུ། །ལས་ཀྱི་རྫུ་འཕྲུལ་ཤུགས་དང་ལྡན། །རིགས་མཐུན་ལྷ་མིག་དག་པས་མཐོང་། །ཞེས་སྔོན་ཆད་འདོད་ཆགས་དང་། …

ཀྱི་དབང་པོ་ཇི་ལྟ་བ། ཡོངས་སུ་རྫོགས་པར་གནས་པའི་ཕྱིར་དབང་པོ་ཀུན་ཚང་ཞེས་བྱ་བ་ཡིན་ནོ། །ཤིན་ཏུ་སྲ་ཤིང་མཁྲེགས་པ་རྡོ་རྗེའི་བྲག་ལ་ཡང་སྦྲང་བུས་ཉི་ཟེར་ལ་བྱ་བ་བཞིན་ཅུང་ཟད་ཀྱང་མི་ཐོགས་པའི་ཕྱིར་ཐོགས་མེད་ཅེས་བྱ་བ་ཡིན་ནོ། །གང་དང་གང་དུ་འགྲོ་བར་འདོད་པ་དེ་དང་དེར་སྐད་ཅིག་ཡུད་ཙམ་གྱིས་བགྲོད་པའི་ཕྱིར་རྒྱུ་ཞེས་བྱའོ། །སྲིད་…

མངོན་པར་འཆེལ་ཞིང་ཀུན་ཏུ་འཇུག་པ་སྟེ། དཀར་པོ་ལ་འཆེལ་ན་ལྷ་ཞེས་བྱ་བའོ། །ཟས་སུ་དྲི་ཟ་བ། འཇིགས་པ་དང་སྐྲག་པས་གཟིར་བའི་ཡིད་ཅན། རླུང་སྟོབས་སུ་གྱུར་པ་སྐད་ཅིག་ཀྱང་སྡོད་པའི་རང་དབང་མེད་པའི་ཉོན་མོངས་པ་མངོན་འགྱུར་ཤིན་ཏུ་རགས་པ་ཟིང་ཟིང་པོས་རབ་ཏུ་དཀྲུགས་པའི་བློ་ཅན། མྱ་ངན་དང་སྡུག་བསྔལ་མི་བཟད་པའི་མུན་ནག་གིས་ཐབས་ཀྱིས་ནོ…

རྟགས་གང་ཡོད་ཅེ་ན། ཉིན་གྱི་ཚེ་སྣང་བ་འདི་དག་ལ་སྒྱུ་མའོ། །རྨི་ལམ་མོ། །རང་བཞིན་རྣམ་པར་དག་པའི། །ཞེས་ངེས་པའི་ཤེས་པ་ཝལ་ཝལ་ལམ་ལམ་སྐྱེས་ནས་ཡེ་ཤེས་སློབ་པའི་ཚད་ཅེས་བྱའོ། །སྒྱུ་མ་སོགས་ཡིན་ནམ་མིན་ནམ་ཞེས་ཐེ་ཚོམ་སྐྱེས་ན་འཁོར་བར་ལྡོག་པའི་དུས་བྱའོ། །ཡུལ་རྐྱེན་གྱི་རྗེས་སུ་བདེན་འཛིན་གྱི་ཤེས་པ་དབང་མེད་དུ་འཇུག་ན་བག་ཆགས་…

རྟགས་དང་ལྡན་པར་བྱ་བ་ལྟ་བུར་བླང་ངོ་། །རྣལ་འབྱོར་པ་རང་གི་མོས་པའི་བྱེད་པས་སྲོག་ཐིག་རྡོ་རྗེའི་རྣལ་འབྱོར། རིག་སྟོང་འོད་གསལ་ཀྱི་ངེས་ཤེས་སམ། ཟབ་མོ་བླ་མའི་ངེས་གསང་ངམ། དག་པ་ལྷ་སྐུའི་རྣལ་འབྱོར་རམ། མ་དག་སྒྱུ་མའི་ཏིང་ངེ་་འཛིན་གང་དང་གང་ལ་ལམ་སྦྱངས་པ་དེ་དང་དེ་བར་དོའི་སྲིད་པ་ཡང་ལམ་དུ་བྱ་དགོས་པས། སྔར་བཤད་པའི་ཐིམ་སྡུ…

མཐུ་ལྡན་བསྐྱེད། བླ་མ་ལ་གསོལ་བ་དྲག་ཏུ་གདབ། སེམས་གཡེང་བར་འགྱུར་བའི་རྐྱེན་ངན་པ་རྣམས་སྤངས། མཚམས་སྦྱོར་བཟང་པོ་དང་ལྡན་པས་གནས་པར་བྱའོ། །སེམས་ལ་དབང་མ་ཐོབ་པའི་དབང་གིས་དྲན་མེད་བརྒྱལ་བ་ལྟ་བུར་གྱུར་ཏེ། འོད་གསལ་ཆོས་ཀྱི་སྐུ་ངོས་མ་ཟིན་ནས་བར་དོའི་ལུས་ཉེ་བར་སྣང་བ་ན། ཞག་ཕྱེད་དང་བཞི་ཚུན་ཆད་དྲན་པ་རེས་གསལ། རེས་མི་གསལ་བར…

པར་མི་འགྱུར་ཏེ། ཇི་ལྟར་སྐྱེ་བོ་ལ་ལ་དག་གཉིད་ཀྱི་ལོག་པའི་རྨི་ལམ་ན་རང་ཉིད་ཤི་བ་དང་། ཕུང་པོ་མེར་བསྲེགས་པ་དང་། ཆུ་ལ་དོར་བ་སོགས་འཁྲུལ་པའི་བཀོད་པ་མང་དུ་མཐོང་ཡང་། བསྒོམ་གྱི་དྲན་པ་རྣམ་དག་སྐྱེ་བར་མི་འགྱུར་བ་བཞིན། དེ་བས་ན་ངེས་པ་དང་མ་ངེས་པའི་སྣང་བ་དེ་ལྟ་བུ་དག་ཤར་བའི་ཚེ། ཀྱེ་མ་བདག་ནི་ཤི་བར་ངེས་པ་ཁོ་ན་སྟེ། སྤྱིར་…

ཁོ་བོ་ཅག་གི་ལུས་སྔ་མ་ནི་བོར་བར་གྱུར་པའོ། །སྲིད་པ་བར་མ་དོའི་འཇིགས་པ་ནི་ད་ལྟར་མངོན་སུམ་དུ་སྣང་བ་འདི་ཁོ་ན་སྟེ། ད་ནི་བདག་གིས་མན་ངག་ཟབ་མོ་བསྒོམ་པའི་དུས་ལ་བབ་བོ། །ཞེས་འདུན་པ་བརྟན་པོར་བསྐྱེད་ནས་དབང་པོ་རབ་དག་གཅིག་ཡིན་ན་ཙཎྜ་ལི་མཆོག་ཏུ་ཟབ་མོའི་བསྒོམ་རིམ་དྲན་པར་བྱས་ཏེ། ལྷན་སྐྱེས་བདེ་ཆེན་ཡེ་ཤེས་ཀྱི་རྩལ་སྦྱང་བར་…

ལམ་དུ་ངེས་པའི་ལམ་སྦྱོང་བ་དང་། སྒྱུ་མ་ལ་སྒྱུ་མ་ཉིད་དུ་རྟོགས་པའི་བློ་ཡང་དང་ཡང་དུ་ལམ་སྦྱོང་བ་ལ་རབ་ཏུ་གོམས་པར་བྱས་པ་དེ། ད་མངོན་སུམ་དུ་གཏན་ལ་དབབ་པར་བྱ་སྟེ། འདི་ལྟར་བར་དོའི་སྣང་བ་འདི་ཁོ་ན་རྨི་ལམ་མོ། །སྒྱུ་མའོ། །རང་བཞིན་མེད་པའོ། །མེད་བཞིན་དུ་ཀུན་ཏུ་སྣང་བའོ། །སྣང་ཡང་བདེན་པར་མ་གྲུབ་པ་སྟེ། འདི་ལ་སྤང་བར་བྱ་བ་ད…

གསལ་བཏབ་སྟེ། དེ་ཉིད་ཀྱི་ངང་མ་ཤོར་བར་བྱ་བ་དག་སྒྱུ་ལུས་སྤྲུལ་པའི་སྐུའི་རྩལ་སྦྱོང་གནད་དུ་གཏང་བར་བྱའོ། །དེ་ལྟར་དབང་པོའི་རིམ་པ་དང་མཐུན་པར་བྷཻ་བས། རབ་ཏུ་ན་བདེ་ཆེན་རིག་པ་འཛིན་པའི་དངོས་གྲུབ་མཁའ་ལ་སྤྱོད་པ་མངོན་དུ་བྱེད་པར་ནུས་ཤིང་། དེ་ལྟར་མ་ཡིན་ནའང་སྟོང་གསལ་འགག་པ་མེད་པའི་ཡེ་ཤེས་ལ་བོགས་ཐོན་པས་བསྐལ་བ་མང་པོར་བགྲ…

བཤད་པའི་དོན་འདིར་ཉིན་འཁྲུལ་ངོས་འཛིན་པའི་དྲན་པ་བརྟན་པོ་དང་མི་ལྡན་ན། བར་དོར་ངོས་འཛིན་པར་མི་འགྱུར་ཏེ། སྔོན་གྱི་ལུས་ལེན་པ་དང་། བསྲུང་བར་ཤིན་ཏུ་དཀའ་བ་དང་། མཐར་ཞིག་པས་སྡུག་བསྔལ་བརྒྱ་ཕྲག་དུ་མ་སྦྱིན་པར་བྱེད་པ་དེ་ལྟ་བུས་ཀྱང་། ད་དུང་སུན་པ་མ་སྐྱེས་པར་ལུས་སྔ་མ་མེད་པས་སྡུག་བསྔལ་ཞིང་ཕྱིས་བདག་ལ་ལུས་ནམ་ཞིག་ཡོད་པར་འ…

བདག་གི་དགྲ་བོ་ལས་ཀྱང་དགྲ་བོར་གྱུར་པའོ། །ཞེས་ཞེ་སྡང་ཤིན་ཏུ་དྲག་པོ་ཚད་མེད་པ་སྐྱེ་བར་འགྱུར་རོ། །རང་གིས་བསགས་པའི་ནོར་རྫས་དངོས་པོ་རྣམས་གཞན་གྱིས་ལོངས་སྤྱོད་པར་མཐོང་བའི་ཚེ་ཤིན་ཏུ་རྗེས་སུ་ཆགས་པའི་དབང་གིས། དེ་གང་དང་གང་དུ་ཁྱེར་བ་དེ་དང་དེར་འགྲོ་བས་སྡུག་བསྔལ་ཞིང་བདག་གི་ཕངས་པའི་དངོས་པོ་འདི་དག་འདི་རྣམས་ཀྱིས་འདི་ལ…