རིམ་གྱིས་དལ་བུ་དལ་བུས་སྐད་ཅིག་རེ་རེ་ཞིང་སློབ་པར་བྱེད་པས་ན་དེའི་ཚེ་ཞི་བ་ཉིད་ལ་རབ་ཏུ་འཇུག་པར་འགྱུར་རོ། །ཞེས་གསུངས་པས་འཇུག་པ་དང༌། ཞུགས་པར་གྱུར་ན་རྩ་དབུགས་གཉིས་འགག་པར་འགྱུར་ཞེས་གནས་པ་དང༌། དེ་གཉིས་འགགས་ནས་ཀྱང་དངོས་པོ་མེད་པའི་གནས་སུ་འགྲོ་བར་འགྱུར་རོ། །ཞེས་ཐིམ་པ་རྣམས་ཤིན་ཏུ་གསལ་བར་བསྟན་ཏེ། དངོས་པོ་མེད་པའི་…

མེད་ཀྱི་རླུང་དང་འགྲིམ་མེད་བྱང་ཆུབ་ཀྱི་སེམས། འཇིག་རྟེན་བདུན་ནི་རྩ་འཁོར་ལོ་བཞི་དང་རྡོ་རྗེ་ནོར་བུ་དང༌། སྨིན་མཚམས་དང༌། ལྟག་པའི་མདུད་སྒོ་སྟེ་བདུན་ནོ། །འཇིག་རྟེན་ཐམསཅད་རྩ་རླུང་ཐིག་ལེ་དེ་རྣམས་ཀྱི་བྱ་བ་ལ་སྤྱོད་པ་ཡིན་པའི་ཕྱིར་བསྒོམ་པ་ཡིན་ཀྱང་གནད་དུ་བསྣུན་པ་མེད་པའི་ཕྱིར་ཡེ་ཤེས་དེ་རྟོགས་པ་ནི་མ་ཡིན་ནོ། །ཡང་ན་རྒ…

ནའི་སྤྱོད་ཡུལ་དུ་གྱུར་པའི་མཁྱེན་པའམ་ཡེ་ཤེས་འོད་གསལ་ཐོབ་པར་འགྱུར་རོ། །ཞེས་པའི་དོན་ནོ། །དེ་ལྟར་སད་དུས་སུ་རླུང་འགགས་པས་ཡེ་ཤེས་སྐྱེ་ཚུལ་བཤད་ནས། འགགས་པས་སྐྱེ་ཚུལ་གཞན་ཡང་ཡོད་དེ་རྣལ་འབྱོར་སོགས་ཀྱི་དོན་རྣལ་འབྱོར་བདེ་སྟོང་གི་ཡེ་ཤེས་དང༌། ལྷ་སྐུ་གཉིད་འཐུག་པོ་དང་རྨི་ལམ་གྱི་དུས་སུ་ཡང་དག་པར་ལྡན་པར་བྱེད་པས་ཀྱང་ཁམས…

ཟེར་གྱི་སྤྲོ་བསྡུ་ཡིས། ལྷ་སོ་སོའི་གཟུགས་གཅིག་སྟེ་རེ་རེ་རུ་ནི་བསྒོམ་པར་བྱའོ། །ཞེས་པའི་དོན་ཡིན་ལ། སྦས་དོན་ལ་གཉིས་ཀྱི་སྣང་བ་སེམས་ཀྱི་སྦས་པ་ནི། ཐིག་ལེའི་རྣལ་འབྱོར་ལུས་ཀྱི་དབུས་སུ་བསྒོམ་པ་སྟེ། སྤྱི་བོའི་ཐིག་ལེ་གོང་བུའི་རྣམ་པ་གསང་བར་སོང་ཞིང༌། སླར་ཡང་གྱེན་དུ་ལོག་པའི་འོད་ཟེར་དེ་ཡིས་ནི་འབྱུང་བ་རྣམས་ཐིམ་པར་བྱ…

རྣ་ལ་སོགས་པ་རྣམས་ཤ་ལྔ་བདུད་རྩི་ལྔ་སོགས་རིགས་ལྔའི་དམ་རྫས་ཀྱི་བདག་ཉིད་དུ་རྣམ་པར་བསྒོམས་ཏེ། དེ་དག་ཞུ་བའི་བདུད་རྩིར་ཡང་བསམས་ལ། དོན་དམ་པར་བཟའ་བྱ་བཟའ་པོ་བཟའ་ཚུལ་རྣམས་རང་བཞིན་མེད་པར་རྟོགས་པའི་བློ་གྲོས་དང་ལྡན་པས། བཟང་ངན་བླང་དོར་གཙང་མི་གཙང་སོགས་ཀྱི་རྟོག་པ་སྤངས་ཏེ། རྣམ་པར་མི་རྟོག་པའི་བློས་བཟའ་བར་བྱའོ། །གཉིས་པ…

མའི་རིག་པ་ཆེན་པོ་ལས། ཞེས་པ་གོང་བཞིན་ནོ། །སྦྱོར་བ་ནི་ཉམས་ལེན་གྱི་ལམ་སྟེ། དེ་ཉིད་གསལ་བར་གོ་ཞིང་གཏན་ལ་དབབ་པའི་ལེའུ་སྟེ་གཉིས་པའོ། །ཞེས་སོ། །དེ་ཡང་བཟའ་བའི་དམ་ཚིག་དང༌། རྫོགས་རིམ་དང༌། གོ་ཆའི་ལས་ཚོགས་རྣམས་བྱེ་བྲག་ཏུ་བཤད་པས་ཀྱང་བསྐྱེད་རྫོགས་ཀྱི་བསྡུས་པའི་རྒྱུད་ཀྱིས་སྦྱོར་བ་གསལ་བར་བྱས་པའང་ཡིན་ལ། ཁྱད་པར་དུ་ལམ་…

བུའི་དངོས་གྲུབ་ཏུ་འགྱུར་རོ། །དེ་ཡང༌། ལེའུ་གཉིས་པའི་རྗེས་ཐོགས་དེ་ནས་དམ་ཚིག་གི་རྫས་སྒྲུབ་པའི་ཐབས་སྐྱོན་མེད་ཅིང་ཡང་དག་པར་བཤད་པར་བྱ་བ་ནི། དམ་ཚིག་སྒྲུབ་པའི་ཐབས་མཆོག་རབ་དམ་པ་སྟེ། རྫས་ཀྱི་ཁྱད་པར་གཞན་སྒོ་དགུ་ལས་བྱུང་བ་དང༌། གོང་དུ་ཇི་སྐད་བཤད་པའི་བཅུད་ལེན་གྱི་སྦྱོར་བའི་ཚོགས་ནི་བཟའ་བར་བྱ་བ་སྟེ། ཐམས་ཅད་མཁྱེན་པ་…

ལྔའི་རྣམ་དག་དང་ལྡན་པའི་བདུད་རྩི་ལྔ་སྟེ་རྫས་བཅུའོ། །དུས་ནི་ཡར་ངོའི་ཚེས་བརྒྱད་ནས་ནི་ཡར་ངོའི་ཚེས་བཅུ་བཞིའི་བར་དག་ཏུ་སྟེ། དེ་ལྟར་ཉིན་མོ་དང་མཚན་མོ་བདུན་ཏེ་ཞག་གི་ཉི་མ་བདུན་དུ་བསྒྲུབ་པར་བྱའོ། །ཇི་ལྟར་ན་ལྷན་ཅིག་མ་ཡིན་པར་བགོ་བཤའ་བྱས་པ་སྟེ། ཤ་རེ་དང་བདུད་རྩི་རེ་སྦྱར་ནས་དབུས་སུ་མི་ཤ་དང༌། བྱང་སེམས། ཤར་དུ་གླང་པོའ…

བུ་ཆེན་པོ་འབྱུང་བའི་རྒྱུ་མཚན་གྱིས་གཞན་དུ་སྦས་པར་བཤད་ཀྱང་དཀྱུས་ཉིད་འགྱུར་ལེགས་པར་མངོན་ལ། རྒྱུད་གཞན་དུ་སྦས་པ་ནི། ནག་པོའི་འགྲེལ་པ་དང༌། བླ་མ་གོང་མ་རྣམས་རིལ་བུ་ཆེ་ཆུང་གི་ཚད་སྦས་པར་འཆད་ནའང༌། རིལ་བུ་སྒྲུབ་ཐབས་ཉིད་སྦས་པ་ལ་འཆད་དགོས་ཤིང༌། སྡོམ་འབྱུང་ལ་སོགས་པའི་རྒྱུད་སྡེ་གཞན་ལས་ཀྱང་གསུངས་མོད་ཀྱི། ཀུན་དུ་སྦས། ཞ…

ཁ་དོག་དམར་པོ་ཀུན་དུ་འོང་སྟེ་འོད་ཟེར་སྣ་ཚོགས་པ་འཕྲོ་བའོ། །པདྨ་འདབ་བརྒྱད་དམར་པོ་ཞེས་བླ་མ་གོང་མ་རྣམས་བཞེད་ལ། བསྒོམ་པའི་ཚེ་པདྨ་འདབ་བཞི་དམར་པོ། བྲི་བའི་ཚེ་ནི་སྣ་ཚོགས་པདྨ་འདབ་བརྒྱད་སྟེ། འོན་ཀྱང་དེའི་ཕྱོགས་ཀྱི་འདབ་མ་བཞི་དམར་པོ་ཡིན་པའི་ཕྱིར་ཁ་དོག་དམར་པོའོ། །ཞེས་ཁ་ཅིག་གོ །དེ་བཞིན་དུ་རྒྱུད་ཀྱི་དངོས་བསྟན་ལྟར་བ…

གསུམ་པ་ནི། བསྐྱེད་པའི་གོ་རིམ་དང་མཐུན་པར་དང་པོར་ལྷ་མོ་བཞིའི་སྐུ་མདོག་བསྟན་པས་ནི། ཤར་དུ་བཞུགས་པའི་རྡོ་རྗེ་མཁའ་འགྲོ་མ་ཨུཏྤལ་སྔོན་པོའི་མདོག་ཅན་དང༌། ལྷོ་རུ་བཞུགས་པའི་རིན་ཆེན་མཁའ་འགྲོ་མ་སེར་པོ་གསེར་ལྟ་བུ་སྣང་བའོ། །ནུབ་ཏུ་པདྨ་མཁའ་འགྲོ་མ་སྐུ་མདོག་དཀར་བ་ལ་དམར་བའི་མདངས་འོད་དང་བཅས་པའོ། །བྱང་དུ་སྣ་ཚོགས་མཁའ་འགྲོ…

རང་བཞིན་དང༌། དང་པོ་ན་དྲིལ་བུ་ཆོས་ཐམས་ཅད་བདག་མེད་པར་མཚོན་པ། གཡས་ཀྱི་དང་པོ་ན་བྱང་ཆུབ་ཀྱི་སེམས་མཚོན་པའི་རྡོ་རྗེ་དང༌། འོག་མ་ན་བདེ་བ་ཆེན་པོ་མཚོན་པའི་ཐོད་པ་བསྣམས་པ་བསམ་མོ། །ལྷོ་ཕྱོགས་ཀྱི་ལྷ་མོའི་ཕྱག་གཡས་ཀྱི་དང་པོ་ན་སྐུ་གསུམ་མཚོན་པའི་མདུང་རྩེ་གསུམ་པ་དང༌། གཡོན་གྱི་དང་པོ་ན་དེ་བཞིན་གཤེགས་པའི་ཡོན་ཏན་གྱི་རང་བཞི…

བྱ་ཞེ་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་སྟེ། རྡོ་རྗེ་གསུམ་དབྱེར་མི་ཕྱེད་པའི་ཕྱིར་རྡོ་རྗེ་འཆང་ངོ༌། །དེ་ཉིད་ཧེ་རུ་ཀར་གྱུར་པ་ནི། པདྨ་འདབ་བཞི་པ་དེའི་དབུས་ཀྱི་ལྟེ་བ་རུ་བཞུགས་པ་བསམ་པར་བྱའོ། །ཇི་ལྟར་ཞེ་ན། སྐུ་མདོག་ནག་པོ་ཞལ་བཞི་ཕྱོགས་ཀྱི་མདོག་ཅན། ཕྱག་གཡོན་གྱི་དང་པོ་ན་ཁ་ཊྭཱཾ་ག གཡས…

པ་ནི། དང་པོའི་སྔགས་དང་ཡང་དག་ལྡན། །ཞེས་པ་ནས། སེམས་ཀྱི་རོལ་མོ་ལས་བྱུང་མཁྱེན། །ཞེས་པའི་བར་ཏེ། འདི་ལ་དྲང་བའི་དོན་དང༌། ངེས་པའི་དོན་གྱི་བཤད་པ་གཉིས་སོ། །དང་པོ་ནི། དམ་རྫས་ཀྱི་རིལ་བུའི་སྒྲུབ་པ་དང༌། ལས་སྦྱོར་དང༌། ཕན་ཡོན་གསུམ་བསྟན་པ་ཡིན་ཏེ། འཆད་འགྱུར་ལྟར། དང་པོའི་སྔགས་ཨོཾ་ཡིག་སྟེ། དེ་ལ་སོགས་པ་ཡི་གེ་འབྲུ་གསུམ་ད…

འབྱུང་བའི་དོན་ནོ། །དངོས་གྲུབ་ཀྱི་ལས་ལ་སྦྱར་བ་ནི། དེའི་ཚེ་རྫས་བསྲུང་བ་བྱས་ནས། ལྷ་མཆོད་ཅིང་དངོས་གྲུབ་བླང་ངོ༌། །ལས་ལ་སྦྱོར་བ་ནི། རིལ་བུ་ཁར་བཅུག་ན་ལྷ་མི་ཐམས་ཅད་ཀྱི་ནི་མི་མཐོང་བར་འགྱུར་ཞིང༌། ཡང་གཟུགས་དུ་མར་བསྒྱུར་བར་བྱའོ་སྙམ་པས་ཟོས་ཤིང་ལུས་ལ་བྱུགས་ན། ལུས་ཀྱི་བཀོད་པ་སྟོང་ཕྲག་གཅིག་ཏུ་ཡང་གཞན་ལ་སྣང་ཞིང་སྟོན་…

གངྒཱའི་བྱེ་མའི་གྲངས་ཇི་སྙེད་པ་དེ་སྙེད་ཀྱི་ཞིང་དག་ན་གནས་པའི་སྐུ་གསུང་ཐུགས་ཏེ་སེམས་ཅན་རྣམས་ཀྱི་ལུས་ངག་ཡིད་གསུམ་གྱི་མཚན་ཉིད་སྟེ། རྣམ་པ་དང༌། བྱེད་པ་དང༌། སྤྱོད་པ་ནི་དངོས་པོ་བརྟན་གཡོ་ཐམས་ཅད་ཀུན་གྱི་ངོ་བོ་དང་རྒྱུ་དང་འབྲས་བུའི་བདག་ཉིད་རྣམས་དང་བཅས་པ་ཐམས་ཅད་ཤེས་ཤིང༌། དེར་མ་ཟད་དེ་རྣམས་སེམས་ཀྱི་རོལ་མོ་སྟེ་སེམས་…

ནས། །ཕྱི་རོལ་དོན་དུ་བཏགས་པ་སྟེ། །ཐམས་ཅད་སེམས་ཀྱི་རྣམ་སྤྲུལ་ཞིང༌། །སེམས་ཉིད་ཀུན་ཏུ་སོང་བའོ། །ཞེས་གསུངས་ལ། རྒྱུད་འདི་ཉིད་དང་འབྲེལ་བ་ལ་ཡང་རིན་ཆེན་འབྱུང་གནས་ཞི་བའི་ཞབས་ཀྱིས་དེ་བཞིན་དུ་བཀལ་ཞིང༌། འགྲེལ་པ་གཞན་གསུམ་གྱི་དགོངས་པ་ཡང་དེ་དང་མཚུངས་ལ། གྲུབ་ཐོབ་འགྲོ་བ་བཟང་པོའི་དེ་ཁོ་ན་ཉིད་ཀྱི་འགྲེལ་པ་ལས་ཀྱང༌། གང་གི…

ཡིན་ལ། ཕན་ཡོན་དེ་དག་འབྱུང་བའི་རྒྱུ་མཚན་ནི་རྡོ་རྗེ་རྣལ་འབྱོར་མ་རྣམས་ཀྱི་གྲུབ་པའི་སྦྱོར་བ་དང་ཏིང་ངེ་འཛིན་སྩོལ་བར་མཛད་པས་སོ། །སྟོང་ཕྲག་གཅིག་ཏུ་སྣང་བར་འགྱུ་བ་ནི། །དུས་གཅིག་ལ་གཟུགས་ཡོངས་སུ་བརྗེ་བར་འདོད་པ་སྟོང་ཕྲག་གཅིག་གམ། སྟོང་སྤྱི་ཕུད་ཀྱི་འཇིག་རྟེན་གྱི་ཁམས་གཅིག་ཏུ་སྤྲུལ་པ་སྣ་ཚོགས་སྟོན་པར་ནུས་པ་སྟེ། མི་ས…

ལྷ་སྐུ་དེ་ཉིད་སྔགས་ཀྱི་རྣལ་འབྱོར་གྱིས་བོགས་ཕྱུང་ཞིང་བསྒྲུབ་ན་རྫས་ཏེ་རླུང་སེམས་ཙམ་གྱི་སྐུའི་དངོས་གྲུབ་ཀྱི་འབྲས་བུ་རབ་ཏུ་སྟེར་བར་འགྱུར་རོ། །དེ་ཉིད་བོགས་འབྱིན་པར་བྱེད་པ་ནི། རྣལ་འབྱོར་མ་ཡི་གྲུབ་སྦྱོར་བས། །ཞེས་པ་སྟེ། དེ་ཡང་ལས་ཀྱི་ཕྱག་རྒྱའི་རྣལ་འབྱོར་སྤྱི་ལྡོག་ནས་ཀྱང་སྒྲུབ་པ་ཡིན་ལ། ཁྱད་པར་རྣལ་འབྱོར་མ་སྟེ་…

པ་འདྲ་བར་འགྱུར། །ཞེས་རྡོ་རྗེའི་སྐུ་ཤ་ཁྲག་སྤངས་པས་འཇམ་པ་སྟེ། རྩ་བའི་སྐུ་གཅིག་གྲུབ་པ་ན། སྐུ་དུ་མ་སེམས་ཅན་གྱི་ཁམས་ལ་སྤྲོས་པ་ཐམས་ཅད་ཀྱང་སྐུ་གསུང་ཐུགས་རྡོ་རྗེར་སྣང་བ་ཡིན་ནོ། །དེ་དག་ཀྱང་སྦྱོང་བས་མཐར་ཕྱིན་པ་ལས་ཟུང་འཇུག་གི་སྐུ་འགྲུབ་པར་འགྱུར། དེའི་ཡོན་ཏན་ནི། གྲུབ་པ་ཀུན་ལས་འཕྲོག་པ་སྟེ། །གྲུབ་པ་འཇིག་རྟེན་པ་མཐ…