ཅུང་ཟད་བརྟན་པ་ཐོབ་པའམ་བསྐྱེད་རྫོགས་ལྷན་ཅིག་ཏུ་བསྒོམ་ཡང་རུང་སྟེ། རྫོགས་རིམ་འཁོར་ལོ་སྔགས་ཀྱི་རྣལ་འབྱོར་ཁོ་ན་བསྒོམས་པས་ཐོག་མར་ལྟེ་བར་རླུང་སེམས་ཞུགས་གནས་ཐིམ་གསུམ་བྱེད་ཅིང༌། དེ་ལས་གཏུམ་མོ་རིམ་གྱིས་འབར། རོ་མ་ལས་བརྒྱུད་དེ་སྤྱི་བོར་ཕྱིན་པ་ན། སྤྱི་བོའི་ཧཾ་ཡིག་བཞུ་བའི་རྒྱུན་རྐྱང་མ་ནས་འབབ་པར་འགྱུར་ལ། དེ་ཉིད་ལྟ…

ཡང་འོག་གི་སྣ་རྩེ་དང་དབུ་མའི་མས་སྣར་གནད་དུ་བསྣན་པ་ལས། ཐོག་མར་དམིགས་པའི་བྱེ་བྲག་གི་ནོར་བུའམ་བདེ་སྐྱོང་འཁོར་ལོ་ཐུར་སེལ་གྱིས་དབང་བྱས་པའི་རླུང་རྣམས་བཟློག་ཅིང་ཐིམ་པར་འགྱུར་ངེས་རང་གནས་ཀྱི་རྩ་མདུད་འགྲོལ་ཞིང༌། གཙུག་ཏོར་དང་སྤྱི་བོའི་རྩ་མདུད་ཀྱང་ལྷོད་པོར་འགྱུར་ལ། ཁྱད་པར་དེ་དག་ཏུ་རླུང་ཐིམ་པའི་རྐྱེན་གྱིས་དབུ་མའི…

གཞན་གྱི་འཕྲུལ་མེད་ན་རྩ་མདུད་ཤིན་ཏུ་དབྱེ་བར་དཀའ་བ་ཡིན་མོད་ཀྱིས། མན་ངག་གི་གནད་ཁྱད་པར་ཅན་གྱིས་ཟིན་པ་ལ་ནི་ཚེགས་ཆེན་པོ་མི་དགོས་པ་ཡིན་ནོ། །དེ་ཡང་དང་པོར་སྙིང་ཁར་སྲོག་གིས་དབང་བྱས་པའི་རླུང་རྣམས་ཅི་རིགས་པར་ལོག་པས་རྩ་མདུད་འགྲོལ་སླ་བར་གྱུར་པ་ན་རྡོ་རྗེའི་བཟླས་པ་བྱས་པས་སྨིག་མའི་སྦུབས་འགགས་པ་ཐུར་མས་བསངས་པ་བཞིན་དུ་…

བརྟེན་པའི་རྫོགས་རིམ་གྱི་གཙོ་བོ་གཏུམ་མོའི་མེ་དམིགས་ཡིན་ཡང༌། འདིར་ནི་འདི་ཉིད་གཙོ་བོ་ཡིན་ཏེ། སློབ་དཔོན་རིན་ཆེན་འབྱུང་གནས་ཀྱིས་ཀྱང་འདི་ཁོ་ན་བཤད་དོ། །འདི་ལ་ཉི་ཟླ་ཁ་སྦྱོར་དུ་བྱེད་པ་ནི། སྙིང་ཁའི་ཐིག་ལེ་དེ་ཉིད་ཁམས་དཀར་དམར་ཁ་སྦྱོར་དུ་གནས་པ་མཚོན་ཞིང༌། དེའི་ནང་དུ་ཐིག་ལེ་ཕྲ་མོ་སྒོམ་པ་ནི། དཀར་དམར་དེའི་དབུས་ན་རླུ…

ཚོགས་དྲུག་ཉི་ཟླ་ཁ་སྦྱོར་ཀུན་གཞི། བཟང་པོའི་ཐིག་ལེ་ནི་ཆོས་ཉིད་དེ། དེ་སྐྱོན་གྱིས་མ་གོས་པའི་བརྡར་དཀར་པོ། སྤྲོས་པ་སྤངས་པའི་བརྡར་ཟླུམ་པོ། རྟོགས་དཀའ་བའི་བརྡར་ཆ་ཕྲ་བ་སྟེ། རྣམ་པར་ཤེས་པའི་ཚོགས་བདུན་ནི་ཕྱེད་དང་བདུན་གྱི་རྩ་ལ་བརྟེན། ཀུན་གཞི་ནི་ཐིག་ལེ་ཁ་སྦྱོར་ལ་རྟེན་ནོ། །ཞེས་གསུང་སྟེ་ཤིན་ཏུ་ལེགས་པར་མངོན་ནོ། །ཕྲ་མ…

གསུམ་རྒྱུད་ཀྱི་གདམས་པ་བསྒོམས་ཀྱང་རུང་མ་བསྒོམས་ཀྱང་རུང་སྟེ། ལམ་གྱི་དགའ་བའི་རྟོག་པ་ནམ་སྐྱེས་པའི་ཚེ། གཉིད་ཀྱི་འོད་གསལ་རང་ཤུགས་ཀྱི་བསྒོམ་པར་ནུས་ཤིང༌། དེ་ཉིད་ཇེ་བཟང་དུ་འགྱུར་ལ་རྨི་ལམ་དང་ཐུན་མཚམས་ཐམས་ཅད་དུ་ལྷ་སྐུའི་སྣང་བ་ཅི་རིགས་པ་འབྱུང་ཞིང༌། ལྷ་སྐུ་ཤར་རུང་མ་ཤར་རུང༌། སྣང་སྟོང་སྒྱུ་མ་ལྟ་བུའི་སྒྱུ་ལུས་འཁོར་…

དང་བསྲེ་བ་སྟེ་གསུམ་དུ་ཡང་མཛད་ལ། བསྲེ་བའི་དོན་ནི་ལམ་དུ་བྱེད་པའོ། །འདི་དག་གི་དོན་རྒྱས་པར་གཞན་དུ་བཤད་པར་བྱའོ། །གསུམ་པ་དམ་ཚིག་ལ་བཟའ་བའི་དམ་ཚིག་དང༌། བསྲུང་བའི་དམ་ཚིག་གཉིས་ལས། དང་པོ་རྒྱུན་གྱི་བཟའ་བའི་དམ་ཚིག་ནི། ཁ་ཟས་བདུད་རྩིར་བྱིན་གྱིས་བརླབས་ནས་བཟའ་བ་ཡིན་ལ། མཆོག་གི་བཟའ་བའི་དམ་ཚིག་ནི་བདུད་རྩི་རིལ་བུ་བརྟེན་…

ཚུལ་ཁྱད་པར་ཅན་ཡིན་ནོ། །བཞི་པ་ནི། འགའ་ཞིག་རྒྱུད་འདིའི་ལུགས་ལ་སྤྱོད་པའི་རྣམ་གཞག་མི་དགོས་པར་འདོད་པའང་བྱུང་མོད་ཀྱི། སྤྲོས་བཅས་ཁོ་ན་ལ་བསམས་ན་ནི་རུང་ཡང་སྲིད་ཀྱི། སྤྱིར་སྤྱོད་པ་མ་སྤྱད་པར་འབྲས་བུ་མཆོག་ལ་སྦྱོར་ནུས་པ་ནི་མི་སྲིད་དོ། །ཡང་ཁ་ཅིག་རྒྱུད་འདི་ལས་སྤྱོད་པ་མ་བསྟན་པར་འདོད་པ་ཡང་རྒྱུད་དོན་མི་ཤེས་པའི་རྣམ་འག…

ཚིག་ཉུང་ཡང་དོན་ཤིན་ཏུ་རྒྱས་སོ། །ལྔ་པ་ནི། དཀྱུས་ཀྱི་རྒྱུད་བཤད་དང༌། མན་ངག་ན་གསལ་བར་མི་བཞུགས་པས། དཔལ་ཧེ་རུ་ཀའི་གནས་བརྙེས་པ་རྩོད་པའི་དུས་ཀྱི་འགྲོ་བ་མཐའ་དག་གི་སྐྱབས་གཅིག་པུ་འཕགས་ཡུལ་ལྷོ་ཕྱོགས་ཀྱི་རྒྱུད་དུ་བྱོན་པ་གྲུབ་ཆེན་ཞི་བ་སྦས་པའི་མན་ངག་མདོ་ཙམ་བརྗོད་ན། རྫོགས་རིམ་གྱི་རྟོགས་པ་སྐྱེས་ཀྱང་རུང༌། མ་སྐྱེས་ཀྱང…

རང་བཞིན་བརྒྱད་བཅུའི་རྣམ་རྟོག་གསལ་པོ་འགགས་པ་རྣམས་སོ། །ཆོས་མཆོག་ནི་དུས་བཞི་རབ་ཏུ་སྦྱོར་བ་ཡིས། ནས་སྒོ་དགུ་ལས་ནི་བྱུང་བའི་རྫས་ཀྱི་བར་ལ། མཐར་ཐུག་གི་བཤད་པས། མཐོང་ལམ་གྱི་མངོན་བྱང་དང༌། མཐར་ཐུག་གི་མངོན་བྱང་གཉིས་ཀ་སྟོན་པའི་དང་པོ་དེའི་སྦྱོར་བས་ཤུགས་ལ་བསྟན་ནོ། །ཚེ་རིང་བརྩོན་འགྲུས་ཆེན་པོ་དང༌། །སོགས་ཀྱིས། གསང་སྤྱ…

རྒྱས་ཀྱི་གོ་འཕང་ཡིན་ལ། ཐུན་མོང་གི་དངོས་གྲུབ་དང་ལས་ཚོགས་ནི། འབྲས་རྒྱུད་དངོས་མ་ཡིན་ཡང༌། དེའི་ཕྱོགས་མཐུན་ཡིན་པས། འདིར་བཤད་དོ། །དེ་ལ་དངོས་གྲུབ་ཕྲ་མོ་དེ་དག་དང༌། ལས་ཚོགས་རྣམས་ནི་ངོ་བོ་ཐབས་རྒྱུད་ཡིན་ཏེ། སྒྲུབ་པ་པོའི་བསོད་ནམས་ཀྱི་ཚོགས་རྫོགས་པར་བྱེད་པའི་ལམ་ཡིན་པའི་ཕྱིར་རོ། །འབྲས་རྒྱུད་དང་ཕྱོགས་མཐུན་པའི་རྒྱུ་…

འགྱུར། །འཆི་བ་མེད་ཅིང་རྒས་པ་མེད། །རྣལ་འབྱོར་སྒྱུ་མའི་རིག་པ་ཡིན། །འདི་ཡིས་ན་བ་མེད་པར་འགྱུར། །ཞེས་པའི་རྒས་པ་མེད་པ་དང༌། ན་བ་མེད་པ་གཅིག་དུ་བསྡོམས་ནས། ནད་འཇོམས་ཀྱི་དངོས་གྲུབ་ཞེས་བྱ་སྟེ། དེ་ལྟར་བརྒྱད་དོ། །གསུམ་པ་ནི། ངོ་བོ་སྐུ་བཞི་དང༌། ཁྱད་ཆོས་ཡེ་ཤེས་ལྔ་ལས། དང་པོ་ནི། ཇི་ལྟར་སྐུ་གསུམ་མཆོག་སྟེར་བ། །ཞེས་དང༌། …

བསྟན་ཏོ། ཚིག་རྐང་དང་པོ་གསུམ་གྱིས་སྐུ་གསུམ་ཡེ་ཤེས་ལྔ་དང་༌། ལྷག་མས་འཕྲིན་ལས་གསལ་བར་བསྟན་པའི་ཕྱིར་རོ། །འདིར་ནི་བཤད་པའི་སྒོ་དེ་ཙམ་བསྟན་པར་ཟད་ཀྱི་ལམ་སྤྱི་དང་ཁྱད་པར་གྱི་མཐའ་དཔྱོད་པ་རྒྱས་པ་བླ་མའི་ཞལ་ལུང་ཐོབ་པས་རྟོགས་པར་བྱ་དགོས་སོ། །ད་ནི་དེ་ལྟར་བཤད་པ་དེ་རྣམས་སུ་ལུང་དང་རིག་པས་གྲུབ་པའི་མཐའ་ཅུང་ཟད་བརྗོད་པར་བྱ་…

ཁྱད་ཆོས་བརྒྱད་དང་བྲལ་བའི་ཕྱིར། །འདི་ནི་བདེན་པ་ཁོ་ན་ཡིན། །སྤྲོས་པའི་མཚན་མ་བརྒྱད་སྤངས་པས། །སྤྲཽས་པ་མེད་ཅིང་མཚན་མ་མེད། །ཤེས་བྱ་གཤིས་ཀྱི་གནས་ལུགས་འདི། །བློ་འདས་བརྗོད་བྲལ་ཞེས་སུ་བརྟགས། །རྒྱུ་རྒྱུད་ཐབས་རྒྱུད་འབྲས་རྒྱུད་ཅེས་བྱ་བ། །དོན་དམ་དབང་དུ་གསུམ་པོ་ངོ་བོ་གཅིག །ཤེས་བྱ་གཤིས་ཀྱི་གནས་ལུགས་ཁོ་ན་ཡིན། །ཀུན་རྫ…

རང་ངོ་ཤེས་པའི་དག་པ་གཉིས་ལྡན་ཀྱང༌། །དོན་དམ་ཁོ་ན་ཡིན་གྱི་ཀུན་རྫོབ་མིན། །རྣམ་པར་རྟོག་པས་བཏགས་པའི་ལྷ་སྐུ་དང༌། །བློས་བྱས་སྟོང་ཉིད་ཞུ་བདེའི་ལྷན་སྐྱེས་རྣམས། །ཡེ་ཤེས་རྟོགས་པའི་ཐབས་སུ་བརྟེན་དགོས་མོད། །ཤིན་ཏུ་ཉེ་བའི་ཐབས་ཀྱང་མ་ཡིན་ནོ། །སྒྱུ་ལུས་ཟུང་འཇུག་ལམ་གྱི་ལྷ་སྐུ་དང༌། །སྟོང་ཉིད་དབྱིངས་སུ་འཇོག་པའི་ཤེས་པ་དང༌…

དགོས་པ་ཡིན་ལ། མཆོག་གི་དངོས་གྲུབ་ཐོབ་པ་ནི་དགོས་པའི་ཡང་དགོས་པའོ། །བརྗོད་བྱ་དང༌། བརྗོད་བྱེད་དང༌། དགོས་པ་དང༌། ཉིང་དགོས་རྣམས་ཕྱི་མ་ཕྱི་མ་སྔ་མ་སྔ་མ་ལ་བལྟོས་པ་ནི་འབྲེལ་བའོ། །གཉིས་པ་ལ། སྒྲ་ཇི་བཞིན་པ་ཁོ་ནའི་དབང་དུ་བྱས་པའི་བསྡུས་དོན་དང༌། མཐའ་དྲུག་ལ་དགོངས་པའི་དབང་དུ་བྱས་པའི་བསྡུས་དོན་ནོ། །དང་པོ་ནི་བསྡུས་དོན་བཞ…

ལེའུ་དང་པོ་དོན་ཚན་བཅོ་ལྔའོ། །ལེའུ་ཕྱི་མ་གཉིས་ནི་དེའི་མ་ཚང་བ་ཁ་བསྐོང་བ་སྟེ། དེ་ནས་རྣལ་འབྱོར་མའི་སོགས་རྡོ་རྗེའི་བཟླས་པ་དང༌། དེ་ལ་བརྟུལ་ཞུགས་སོགས་དེའི་ཆེ་བ་དང༌། སྔགས་དང་སོགས་རྒྱུད་དོན་གྱི་གཙོ་བོ་བསྡུ་བ་དང༌། དེ་ལྟར་རྒྱུན་དུ་སོགས། རྣལ་འབྱོར་གོམས་པའི་དུས་ཚད་དང༌། དབང་པོའི་མདོག་དང་སོགས་གོ་ཆ་དྲུག་གི་ལས་ཚོགས་…

མཆོག་གི་བཟའ་བ་བརྟེན་ཚུལ་དང༌། ཡི་གེ་བརྒྱད་ཀྱི་སོགས་བཟའ་བའི་དམ་ཚིག་བརྟེན་ཚུལ་སྤྱི་དང་བརྒྱད་པའི་ཐ་མར་སོགས་མཁའ་གསང་བྱིན་རླབས་དང༌། དེ་ནས་འདིར་ནི་སོགས་ཞུ་བ་གླུས་བསྐུལ་དང༌། དེ་ལྟར་རྟག་ཏུ་སོགས་རྒྱུན་གྱི་ཉམས་ལེན་སྤྱོད་པར་བཅས་པའི་དུས་དང༌། རྒྱན་རྣམས་སོགས་རིག་མ་ཆས་སུ་འཇུག་ཚུལ་ཕན་ཡོན་དང་བཅས་པ་དང༌། དབང་པོ་གཉིས་ནི…

དེ་ཉིད་ཀྱིས་ན། དབང་པོ་རབ་ཀྱིས་མཚན་དོན་དུ་གོ་བ་ཞེས་བླ་མ་དམ་པ་རྣམས་གསུང་སྟེ། དེས་ན། ཤྲཱི་མཧཱ་མ་ཡ་ཞེས་བྱ་བ་ལ། མ་ནི་མུ་དྲ་སྟེ་ལས་ཀྱི་ཕྱག་རྒྱ། ཧ་ནི་ཐབས་ཀྱི་རྩ་ཁ་ཁ་མུ་ཁ་ཡི་གེ་ཧའི་རྣམ་པར་གནས་པ། ཡ་ནི་རླུང་སྟེ་དེ་གཉིས་མཉམ་པར་སྦྱར་བས་རླུང་འགགས་པ། མ་ནི་རྗེས་ཆགས་ཀྱི་མེས་ཞུ་བའི་ཐིག་ལེ། སྲོག་གི་ཨ་ཡིག་ནི་དེ་རྣམས་ལ…

ཞེས་བྱ་བ་ནི་ཀུན་རྫོབ་རྣམ་པ་སྣ་ཚོགས་པ་ཡིན་ལ། ཆེན་པོ་ནི་དོན་དམ་སྟོང་པ་ཉིད་དེ། བདེན་གཉིས་ཟུང་དུ་འཇུག་པའི་ཡེ་ཤེས་ནི་དཔལ་གྱི་དོན་ནོ། །དེ་ཡང་ཀུན་རྫོབ་མེད་པ་དང༌། དོན་དམ་ཡོད་པ་ངོ་བོ་གཅིག་པ་ནི་བདེན་གཉིས་ཟུང་འཇུག་གི་དོན་ནོ། །འདིས་ཆོས་ཀྱི་རྣལ་འབྱོར་བསྟན། མཧཱ་མ་ཡ་ཞེས་ཡི་གེ་བཞིས་སྐུ་བཞི་མཚོན་ལ། དཔལ་ནི་གཉིས་ཏེ། བ…