དཔལ་རྒྱུད་ཀྱི་རྒྱལ་པོ་སྒྱུ་འཕྲུལ་ཆེན་མོ་མཧཱ་མཱ་ཡའི་རྒྱ་ཆེར་བཤད་པ་དེ་ཁོ་ན་ཉིད་ཀྱི་སྒྲོན་མ་ཞེས་བྱ་བ་བཞུགས།

ན་མོ་གུ་རུ་བུདྡྷ་བོ་དྷི་སཏྭེ་བྷྱཿ དཔལ་ལྡན་རྒྱུད་ཀྱི་རྒྱལ་པོ་སྒྱུ་འཕྲུལ་ཆེན་མོའི་རྒྱ་ཆེར་བཤད་པ་དེ་ཁོ་ན་ཉིད་ཀྱི་སྒྲོན་མ་ཞེས་བྱ་བ། བླ་མ་དང༌། དཔལ་ཧེ་རུ་ཀ་དབྱེར་མ་མཆིས་པ་རྡོ་རྗེ་མཁའ་འགྲོ་མའི་ཚོགས་དང་བཅས་པ་ལ་ཕྱག་འཚལ་ལོ། །དཔལ་ལྡན་བདེ་བ་དམ་པ་ཐུགས་རྗེའི་སྟོབས། །ནམ་མཁའ་དང་མཉམ་སྙིང་པོའི་ཡེ་ཤེས་ནི། །མཐའ་ཡས་སྒྱུ…

གཞན་ཡང་རྡོ་རྗེའི་ཚིག་གི་དོན་རྣམ་པར་དབྱེ་དཀའ་བའི་ཕྱིར། བྱིས་པའི་བློ་ཅན་བདག་ལྟ་བུ་རྣམས་ཀྱི་སྤྱོད་ཡུལ་མ་ཡིན་ཡང༌། བླ་མ་དམ་པའི་མན་ངག་ལེགས་པར་མནོས་ཤིང༌། རྡོ་རྗེ་ཐེག་པ་ལ་ཚད་མར་གྱུར་པའི་གྲུབ་པའི་སློབ་དཔོན་རྣམས་ཀྱི་གསུང་གི་རྒྱུན་ཐོས་པ་དང༌། རྡོ་རྗེ་འཛིན་པ་ཆེན་པོ་རྣམས་ཀྱིས་མཛད་པའི་རྣམ་པར་བཤད་པ་ལ་བརྟེན་ནས། རང་ག…

སྒྲུབ་ཡན་ལག་བཞི་དང༌། རྣལ་འབྱོར་བཞི་དང༌། ཡན་ལག་དྲུག་དང༌། དེ་དག་གི་སྦྱང་བྱ་སྦྱོང་བྱེད་སྦྱངས་འབྲས་རྣམས་དམིགས་ཕྱེད་པ་དང༌། རྫོགས་པའི་རིམ་པ་ལ། གང་ལ་གནད་དུ་བསྣུན་པའི་གཞི་གནས་པ་རྩ། གཡོ་བ་རླུང༌། བཀོད་པ་བྱང་ཆུབ་ཀྱི་སེམས་རྣམས་དང༌། རྫོགས་རིམ་གྱི་ངོ་བོ་ལ། རླུང་སེམས་དབུ་མར་འཇུག་བྱེད་དང༌། ཞུགས་ཟིན་གྱི་བྱ་བ་རྣམས་དང…

ཡིན་པར་བཤད་ཅིང༌། སྔགས་དེ་ཉིད་ལྷ་མོའི་རིགས་སྔགས་ཡིན་ལ། དཀྱིལ་འཁོར་དང༌། ལས་ཚོགས་ཀྱི་ཆོ་ག་ཐམས་ཅད་སྔགས་དེ་ཉིད་ཀྱི་དབང་དུ་བྱས་པ་ཡིན་པའི་ཕྱིར་རོ། །དེ་ལྟ་བུའི་རྣལ་འབྱོར་མའི་རྒྱུད་ལ་དབྱེ་ན་རིགས་དྲུག་ཏུ་ཡོད་པ་ལས། རིགས་ཀྱི་གཙོ་བོ་ཧེ་རུ་ཀའི་རིགས་སུ་གཏོགས་ཤིང༌། ཡང་མ་རྒྱུད་ཀྱི་གཙོ་བོའི་དབང་དུ་མཛད་ནས། རྡོ་རྗེ་གུར…

ཅིང་ཕག་མོ་དོན་གྲུབ་མའི་རྟོག་པ་དང༌། འཕྲེང་བའི་རིག་པ་འཛིན་མའི་རྟོག་པ་གཉིས་ཀྱང་རྒྱུད་འདིའི་ཕྱོགས་མཐུན་དུ་སྣང་ངོ༌། །གཉིས་པ་ནི། རྒྱུད་ཀྱི་རྒྱལ་པོ་འདི་ལེའུ་གསུམ་ཚིགས་སུ་བཅད་པ་དགུ་བཅུ་ལྷག་བཅས་ཙམ་དང་ལྷ་ལྔའི་དཀྱིལ་འཁོར་ཁོ་ན་དང༌། མངོན་པར་རྟོགས་པ་ཡང་གཞན་ལས་མདོར་བསྡུས་པར་གསུངས་པ་ནི། གང་ཟག་བསྡུས་པ་ལ་དགའ་བ་རྣམས་ར…

པ་ཡིན་པས། མཧཱ་མ་ཡ་བླ་མ་ཐར་པའི་ལམ་སྟོན་ཀྱི་རྗེས་སུ་འབྲངས་ཞེས། གཙོ་བོར་ནག་པོ་ཤནྟི་བྷ་དྲ་དང་བཞེད་པ་མཐུན་ལ། དཔལ་ནཱ་རོ་པའི་མན་ངག་གི་ཁྱད་པར་ཅུང་ཟད་ཙམ་གྱིས་བརྒྱན་པའོ། །འདིར་དབང་རྒྱུད་མན་ངག་གསུམ་ཆར་མར་ལུགས་ཀྱིས་གཞུང་བསྲངས་ནས། གྲུབ་ཆེན་ཞི་བ་སྦས་པའི་མན་ངག་ལེགས་ཆས་ཅུང་ཟད་བརྒྱན་པར་བྱའོ། །བཞི་པ་ནི། རྒྱུད་ཀྱི་ཆིང…

དངོས་གྲུབ་བརྒྱད། མཆོག་གི་དངོས་གྲུབ་ལ་སྐུ་བཞི་སྟེ། ཉི་ཤུ་ནི་འབྲས་རྒྱུད་ཀྱི་མངོན་རྟོགས་སོ། །དེ་རྣམས་སུ་རྒྱུད་དོན་མཐའ་དག་འདུས་པ་མ་ཡིན་ཀྱང་སྒྲུབ་པ་པོ་ལ་ཉེ་བར་མཁོ་བའི་དོན་གྱི་གཙོ་བོ་ཐམས་ཅད་ཚང་བ་ཡིན་ནོ། །ཡང་ན། སྒོམ་བྱ་དངོས་པོའི་གནས་ལུགས། སྒོམ་པ་པོ་གང་ཟག་གི་མཚན་ཉིད། ཇི་ལྟར་སྒོམ་པའི་ཚུལ། དེ་ལྟར་སྒོམས་པའི་འབ…

གཉིས་པ་ནི། ཆོས་རྣམས་རང་བཞིན་འོད་གསལ་བ། །གདོད་ནས་དག་ཅིང་རྙོག་པ་མེད། །ཅེས་དང༌། གསུམ་པ་ནི། འཇིག་རྟེན་གསུམ་པོ་ཡང་སྤྲོའོ། །ཞེས་དང༌། བཞི་པ་ནི། ཚངས་ལ་སོགས་པ་བདག་ཉིད་ཆེ། ཞེས་དང༌། ལྔ་པ་ནི། སྒྲུབ་པའི་དབང་ཕྱུག་རིག་པ་ཉིད། །ཅེས་པས་བསྟན་ནོ། །དེ་ཡང་རགས་པར་ན་རྒྱུ་རྒྱུད་ནི་རྟེན་གྱིས་གང་ཟག་སྟེ། དབང་བཞི་ཐོབ་པའི་ཁྱད་པར…

ཅེས་པའི་ཚིག་ཀྱང་དབང་བཞི་པ་སྟོན་བྱེད་དུ་མཛད་དེ་ཤིན་ཏུ་ལེགས་སོ། །གཉིས་པ་ལ། བསྐྱེད་རིམ་དང༌། རྫོགས་རིམ་གཉིས། དང་པོ་ནི། དམན་པ་དབྱིབས་ཀྱི་རྣལ་འབྱོར་ཏེ། འདི་ལ་ཡང་རང་བཞིན་དབྱིབས་ཀྱི་རྣལ་འབྱོར་དང༌། སྤྲུལ་པ་དབྱིབས་ཀྱི་རྣལ་འབྱོར་གཉིས་ལས། དང་པོ་ནི། སྐད་ཅིག་གམ་ས་བོན་ལས་བསྐྱེད་པ་ཙམ་གྱི་ཆོ་ག་མདོར་བསྡུས་པས་སྒོམ་ཞིང…

རིམ་ལ་གོམས་པ་ཞིག་གིས་རྫོགས་རིམ་བསྒོམ་པའི་ཚེ་ལྷ་སྐུ་ཆེད་དུ་མ་བསྒོམས་ཀྱང་རང་ཤུགས་ཀྱིས་འཆར་བ་སོགས་རྒྱུ་མཚན་དུ་མ་སྣང་བས་སོ་ཞེས་པ་འདི་རང་ལུགས་སུ་བཟུང་བར་བྱའོ། །འདིར་ཧེ་རུ་ཀ་ལྷ་ལྔའི་བསྐྱེད་པའི་རིམ་པའི་དོན་ཅུང་ཟད་བཤད་པར་བྱ་སྟེ། དེ་ལ་ཆོས་བཅུ་བཞི་ལས། དང་པོ་བླ་མ་དག་པའི་ཆོ་ག་ནི། སྦྱང་བྱ་སྐྱེ་བ་སྔ་མར་འཕེན་འགྲུབ…

འབྱུང་བཞི་རི་རབ་གཞལ་ཡས་ཁང་དང་བཅས་པ་གྲུབ་པ་ནི། སྣོད་ཀྱི་འཇིག་རྟེན་དང༌། ཡེ་ཤེས་ཀྱི་གཞལ་མེད་ཁང་མཚོན། རྫོགས་རིམ་གྱི་རྟེན། སྤྱི་བོ་རླུང༌། མགྲིན་པ་མེ། སྙིང་ཁ་ཆུ། ལྟེ་བ་ས། དབུ་མ་རི་རབ། པདྨ་རྩ་འཁོར། རྡོ་རྗེ་ནི་འབྱུང་བའི་ཁམས་ཀྱི་དྭངས་མ་རྣམས་མཚོན་ལ་དེའི་ཚེ་ལྷ་བསྐྱེད་པ་ནི་རྫོགས་རིམ་གྱི་ཡེ་ཤེས་སོ། །གཉིས་པ་ནི། མ…

ལས་ནི་མངོན་བྱང་ལྔ་བསྐྱེད་དང༌། ཆོ་ག་གསུམ་བསྐྱེད་དང༌། འོད་ཀྱི་གོང་བུ་ལས་བསྐྱེད་པ་དང༌། རྒྱུ་འབྲས་རྡོ་རྗེ་འཛིན་པའི་དབྱེ་བ་བྱེད་པ་སོགས་མང་དུ་ཡོད་མོད། རྡོ་རྗེའི་ཚིག་གཅིག་ལ་དོན་དུ་མ་འཐད་ལྡན་དུ་འབྱུང་བའི་ཕྱིར་ཐམས་ཅད་ཀྱང་ལེགས་པ་ཁོ་ན་སྟེ། འོན་ཀྱང་རྒྱུད་འདིའི་ཐུན་མོང་མ་ཡིན་པའི་དགོངས་པ་ནི་དཀྱུས་ཉིད་ཡིན་པར་གསལ་ལ…

འཁོར་ལོ་བསྒོམ་པ་དེ་ཡང་གཟུང་འཛིན་ཅན་གྱི་སྣང་བ་ལས་འདས་ཏེ་ཡང་དག་པའི་ཡེ་ཤེས་སུ་ཤེས་པའི་ཆེད་ཡིན་ལ། དེ་དག་གི་མཐར་ལྷར་སྣང་ལ་སེམས་བརྟན་པོར་སྒྲུབ་དགོས་པ་ཡིན་ནོ། །དེ་ཡང་ཐ་མལ་དུ་སྣང་བ་བཟློག་པའི་དོན་དུ་ལྷའི་རྣམ་པ་ལ་བསླབ་པ་དང༌། ཐ་མལ་གྱི་ཞེན་པ་ལྡོག་པའི་དོན་དུ་ལྷའི་ང་རྒྱལ་ལ་བསླབ་པ་གཉིས་ངེས་པར་དགོས་ཤིང་རེ་ཞིག་བསྐྱེ…

སྤྱོད་པ་རྣམ་པར་དག་པའི་ཕྱིར་ཐུན་མཚམས་ཀྱི་རྣལ་འབྱོར་དང༌། གཉིད་དགེ་བར་འགྱུར་བའི་ཕྱིར། ཉལ་བ་དང་ལྡང་བའི་རྣལ་འབྱོར་ཏེ། དེ་རྣམས་རྣལ་འབྱོར་གྱི་ཡན་ལག་ཡིན་ནོ། །དེ་ལྟ་བུའི་བསྐྱེད་རིམ་གཞུང་དང་སྦྱར་བ་ནི། ཡིད་ཀྱི་པདྨ་བསམ་བྱ་བ། །སོགས་ཀྱིས་རྟེན་གྱི་དཀྱིལ་འཁོར་བསྟན། གོང་བུར་སོང་བའི་འོད་དེ་ཡི། སོགས་ལ་སྤྱི་དོན་གྱི་བཤད…

དང་ཐུན་མོང་མ་ཡིན་པ་ཞིག་གོ །བཟླས་པ་ནི། སྔགས་ཞེས་པ་དང༌། གང་ཞིག་བསམ་པ་ཙམ་གྱིས་ནི། ཞེས་སོགས་དང༌། བཟང་པོའི་ཡི་གེའི་འཕྲེང་བ་རྣམས། །ཞེས་པའི་དོན་ཕྱོགས་གཅིག་གིས་བསྟན། གཏོར་མའི་ཆོ་ག་ནི། ཡི་གེ་གོ་བཟློག་སྦྱོར་བ་ཡི། སོགས་ཀྱིས་ཤུགས་ལ་འཕངས་པ་ཡིན་ནོ། །ལྷག་མ་རྣམས་ནི་བསྐྱེད་རིམ་སྤྱིའི་འགྲོས་སྦྱར་བར་ཤེས་པར་བྱའོ། །གཉིས…

གདམས་ངག་ཐ་དད་པ་ཡོད་ཀྱང་ངོ་བོ་ནི་སྙིང་ཁའི་ཐིག་ལེར་གཅིག་ཅིང༌། དེ་ཡང༌། བཟང་པོའི་ཡི་གེའི་འཕྲེང་བ་རྣམས་ཞེས་པས་བསྟན། གཉིས་པ་ནི། གོང་བུར་སོང་བའི་འོད་དེ་ཡི་སོགས་ལ་སྦས་དོན་གྱི་བཤད་པའི་ཕྱོགས་གཅིག་གིས་བསྟན། གསུམ་པ་ནི། རྟག་ཏུ་ཤེས་རབ་ཐབས་སོགས་ཀྱི། །ཞེས་པའི་ནང་བཤད་དང༌། བརྒྱད་པའི་མཐའ་མར་ལེགས་གནས་པ་སོགས། མཁའ་གསང་བྱ…

གསུམ་པ་སྒྱུ་མ་གསུམ་རྒྱུད་ཀྱི་གདམས་པ་དང་འབྲེལ་བ་བསྟན་པ་ནི། སྒྱུ་ལུས་དང༌། འོད་གསལ་གཉིས་སུ་འདུ་ཞིང༌། དང་པོ་ལ་ཡང་མཉམ་རྗེས་གཉིས་སུ་དབྱེ། དེ་ནས་འོད་གསལ་ཆོས་སྐུའི་ལམ་དང༌། མཉམ་བཞག་སྒྱུ་མ་ལོངས་སྐུའི་ལམ་དང༌། རྗེས་ཐོབ་སྒྱུ་མ་སྤྲུལ་སྐུའི་ལམ་སྟེ། ཇི་ལྟར་སྐུ་གསུམ་མཆོག་སྟེར་བ། །ཞེས་པས་བསྟན་ནོ། །རྣལ་འབྱོར་གཉིད་དང་ཡ…

ཙམ་དུ་ཤེས་ནས། དེ་དག་གི་སྙིང་པོ་ཅུང་ཟད་ཙམ་བརྗོད་ན། སྒྲུབ་པོ་མཐའ་དག་གིས། མཐར་ཐུག་ཆོས་ཀྱི་རྣལ་འབྱོར་ཐོག་མཐའ་བར་གསུམ་གྱིས་གནས་སྐབས་ཐམས་ཅད་དང༌། འོག་སྒོ་སྔགས་ཀྱི་རྣལ་འབྱོར་དུས་སྐབས་ཅི་རིགས་པར་སྒྲུབ་དགོས་པ་ཁོ་ན་ཡིན་ལ། སྟེང་སྒོ་སྔགས་ཀྱི་རྣལ་འབྱོར་རྣམ་གྲངས་མང་པོ་དེ་དག་ལས་གང་ཡང་རུང་བ་གཅིག་ནི་ངེས་པར་བསྒོམ་དགོས…

སྙིང་ཁར་སྒོམ་པ་ལ་བསླབ་བོ། །དེ་ཉིད་སྟེང་གི་སྣ་རྩེ་དང་ཡང་འབྲེལ་བས། སྲོག་རླུང་གི་བྱ་བ་བྱེད་པའི་གནས་སྙིང་ཁ་གཙོ་བོར་གྱུར་པའི་ལུས་དེ་ཡན་ཆད་ཀྱི་རྩ་འཁོར་ཐམས་ཅད་ཀྱི་རྩ་མདུད་འཇིག་ཅིང་དག་པར་བྱེད་དོ། །དེ་དག་གིས་རྩ་མདུད་གྲོལ་བའམ་ལྷོད་པོར་སོང་བ་ན། རང་ལུས་ལ་བརྟེན་པའི་དགའ་བཞི་རྫོགས་པར་བསྐྱེད་པའི་ཕྱིར་འཁོར་ལོ་སྔགས་ཀ…