བསྲུབས་པ་བསགས་ལ་མི་བསྐྱོད་པར་སྤངས་པའི་ཨ་རུ་རའི་ཁུ་བ་དང༌། ཁ་དོག་སྔོ་ཞིང་སྲིན་ལག་ན་དཔལ་བེའུ་ཡོད་པ་གཞོན་ནུ་མར་གྱུར་པའི་རྡུལ་དང་བསྲེས་ཏེ། དང་པོར་རླུང་གང་ནས་རྒྱུ་བའི་སྣ་བུག་ནས་བཏུད། རྐང་པ་སྐྱིལ་ཀྲུང་ལག་གཉིས་པུས་མོ་ལ་བཀབ། བསུས་པ་གཡས་གཡོན་དུ་དྲག་ཏུ་བསྐོར་ལ་ཚིགས་པ་གཅེར་ཏེ། སྟོང་བསུས་བྱའོ། །ཀོས་ཀོས་ཨོལ་མདུད་…

ལས་བྱུང་བའི་བཞི་མཉམ་བླངས་ཏེ། གླ་རྩིས་དུག་ཕྱུང༌། མགོ་ལས་སྐྱེས་པ་དང༌། སྦུབས་ལས་སྐྱེས་པ་དང༌། ཤ་ལས་སྐྱེས་པ་སྟེ་ཤ་ཆེན་དྭངས་མ་གསུམ་བླངས། མཐུ་དང་ལྡན་པའི་བྱང་ཆུབ་ཀྱི་སེམས་ཀྱང་བཞག བྱིན་གྱི་བརླབ་ཏེ་གལ་ཏེ་སོ་སོར་བསྟེན་ན། དགུན་སྟོད་ནམ་ཕྱེད་རང་བྱུང་མེ་ཏོག་སྟེ། །དཔྱིད་ནི་ཉི་ཤར་དུས་ན་དྲི་ཆེན་ནོ། །དྲི་ཆུ་དབྱར་དུས་ཉ…

བཞི་ཡང་བསྲེས་ལ་བསྒྲུབས་ཏེ་བསྟེན་ན། ལོ་དྲུག་གམ་བཅུ་གཉིས་ཀྱི་འཆི་བདག་ཐག་བསྲིངས་ཏེ། ཚེ་ལོ་དྲུག་བརྒྱ་ནས་བདུན་སྟོང་གི་བར་དུ་ཐུབ་པའོ། །འབྲས་བུ་གསུམ་པོ་འོ་མ་དང་ཆུར་བཙཽས་པས་མགོ་བོ་བཀུ། ཐལ་དཀར་རྡོ་རྗེ་དང༌། འབྲས་དམར་པོ་བསྲེས་པའི་འཁུར་བ་མར་དུ་བཙོས་ཏེ་སྦྲང་རྩི་དང་ལྷན་ཅིག་བཟའ་བས་ནི་ནད་ཀུན་འཇོམས་པ་ཡིན་ལ། སྐྲ་དཀར་…

ཡེ་ཤེས་བསྟན་པ་དང༌། འཁོར་ལོའི་རྣལ་འབྱོར་བསྟན་པ་དང༌། ཆོས་ཀྱི་རྣལ་འབྱོར་སྒོམ་ཚུལ་དང༌། མཆོག་གི་བཟའ་བ་དང༌། མཆོད་པ་ཆེན་པོ་དང༌། ཟབ་མོའི་ལམ་སྤྱོད་པ་དང་བཅས་པ་བསྟན་པའོ། །དང་པོ་ནི། ཡི་གེ་དང་ནི་སོགས་ཏེ་སྒྲ་ཇི་བཞིན་པ་དང་ཇི་བཞིན་མ་ཡིན་པའི་བཤད་པ་གཉིས་ལས། ཇི་བཞིན་པ་ནི། ཡི་གེ་ཞེས་པས་ལྷ་རྣམས་ས་བོན་ལས་བསྐྱེད་པ་དང༌། གོ…

དེའི་འོག་ཏུ་དོན་སེམས་པའི་བསམ་པ་དང༌། དེ་ནས་དེ་ཉིད་སྒོམ་པར་བྱེད་པའི་རྣལ་འབྱོར་དང༌། དེ་ལས་སྐྱེས་པའི་ཡེ་ཤེས་ནི་ཏིང་ངེ་འཛིན་ཏེ། དེ་ཐོབ་པ་ན་ལས་དང་དངོས་གྲུབ་དེ་རྣམས་ཀྱང་བཀླག་པ་ཙམ་གྱིས་གྲུབ་པའང་གྱུར་པའི་རིག་པ་སྟེ། དེར་མ་ཟད་རིག་པའི་དངོས་གྲུབ་སྟེ། ཕྱག་རྒྱ་ཆེན་པོ་མཆོག་གི་དངོས་གྲུབ་ཀྱང་ཚེ་འདི་ཉིད་ལ་མངོན་དུ་བྱེད…

ལ་སོགས་དང་སྦྱར་ཏེ། རིག་པའི་དངོས་གྲུབ་ཀྱང་བྱེད་འགྱུར་ནི་སྒྲ་ཇི་བཞིན་པའོ། །གཉིས་པ་ནི་ངེས་པ་མེད་ཅིང་ནས་འགྲུབ་པར་འགྱུར་གྱི་བར་ཏེ། ཐེག་པ་མཆོག་གི་ལམ་བསྐྱེད་རྫོགས་ཟབ་མོ་ལ་ཡོངས་སུ་གཞོལ་བ་ལ་ནི། ཕྱོགས་དང་དུས་དང་ཆ་བྱད་དང་ཚེས་གྲངས་དང་གཟའ་སྐར་ངེས་པ་མེད་ཅིང་ཆགས་བྲལ་གྱི་དཀའ་ཐུབ་ཀྱང་ངེས་པར་དགོས་པ་མེད་ལ། མེ་ལྔ་བསྟེན…

བུད་མེད་དང༌། ཐབས་སྐྱེས་པའི་ལྟེ་བའི་དབུས་ཏེ་གསང་བའི་སྣ་རྩེར་གནས་པའི་དཔའ་བོ་བདེ་བའི་རང་བཞིན་གྱི་ཐིག་ལེ་ལ་སེམས་གཏད་པས། གེ་སར་གྱི་སྒྲས་ཁ་ཁ་མུ་ཁའི་རྩ་ནང་དུ་རླུང་སེམས་དབུ་མར་འགགས་པས། གསང་བའི་ཡེ་ཤེས་ཀྱི་སྤྱོད་ཡུལ་ཅན་ཐོབ་པར་འགྱུར་རོ། །གཉིས་པ་ནི། ཤེས་རབ་དང་ཐབས་ནི་རིག་མ་དང་སྒྲུབ་པ་པོ་སོགས་ཀྱི་སྒྲས་མཁའ་གསང་བྱི…

མཁའ་སོགས་དང༌། སེམས་ཀྱི་རང་བཞིན་ཏེ་སེམས་བྱུང་རྣམས་དང༌། རང་བཞིན་ཤེས་པ་ནི་ལམ་གྱི་ཡེ་ཤེས་དང༌། ཤེས་བྱའི་བདག་ཉིད་ཆོས་དབྱིངས་སོ། །དེ་རྣམས་ནི་བདག་དཔལ་ཧེ་རུ་ཀས་ད་ལྟ་བཤད་ཅིང༌། སྔར་བསྟན་པ་དང་ཕྱིས་བསྟན་པར་བྱ་བ་སྟེ། དེ་རྣམས་སངས་རྒྱས་ཀྱི་ཆོས་བསྟན་པ་ཟབ་མོས་འཁྲུལ་མེད་དུ་སྟོན་ནོ་ཞེས་པའོ། །གཉིས་པ་ནི། རིམ་པ་གཉིས་བསྒོམ…

ཡེ་ཤེས་དེ་ཉིད་རྟོག་པའི་ཡུལ་མ་ཡིན་པའི་ཕྱིར་ཟབ་པ་ནི་ཆོས་སྐུ་ཡིན་ལ། དེས་སྤངས་བྱ་འཇོམས་ཤིང་དངོས་པོའི་གནས་ལུགས་རྟོགས་པའི་ཡེ་ཤེས་རྒྱས་པར་འགྱུར་བའི་ཕྱིར་སངས་རྒྱས་ཏེ་ལོངས་སྐུ་དང༌། དེ་ལྟར་མ་རྟོགས་པའི་སེམས་ཅན་ལ་སྙིང་རྗེ་ཆེན་པོ་སྐྱེས་ཏེ། རང་གིས་རྟོགས་པ་བཞིན་གཞན་ལ་སྟོན་པར་འདོད་པ་ནི་སྤྲུལ་སྐུའོ། །དེ་ལྟར་ན་སྟོང་ཉ…

སོ་སོར་རྟོག་པ་ནི་བསམ་པའི་གཟུགས་དང༌། རྣམ་རྟོག་འགགས་ཀྱང་སྨོན་ལམ་གྱི་དབང་གིས་ཡིད་བཞིན་གྱི་ནོར་བུ་ལྟར་སེམས་ཅན་གྱི་དོན་བྱེད་པས། བྱ་བ་སྒྲུབ་པ་ལ་ནི་ཡེ་ཤེས་ཞེས་བྱ་བ་དང༌། རང་བཞིན་གྱི་དྲི་མ་མེད་པའི་མཚན་ཉིད་ཅན་ནི་ཆོས་ཐམས་ཅད་ཀྱི་ཆོས་ཉིད་ཡིན་པའི་ཕྱིར། ཆོས་དབྱིངས་ཡེ་ཤེས་ནི་ཤེས་བྱའི་རང་བཞིན་དང་བདག་པོའོ། །དེ་ལྟ་བུའ…

གཟུགས་ཀྱིས་སོ་ཞེས་པའི་བར་ཏེ། འདི་ལ་བསྒོམ་བྱ་དམིགས་པ་ལ་སྦྱར་བ་དང༌། བགྲོད་བྱ་ལམ་ལ་སྦྱར་བ་གཉིས་ལས། དང་པོ་ནི། ཨཱ་ལི་ཀཱ་ལི་མཉམ་བྱས་ནས། །ཞེས་བྱ་བ་ནི། རོ་མའི་ནང་དུ་ཀཱ་ལི་སོ་གཉིས་དང༌། རྐྱང་མའི་ནང་དུ་ཨཱ་ལི་ཉིས་འགྱུར་སོ་གཉིས་དེ་ལྟར་ཡིག་འབྲུ་གྲངས་མཉམ་པ་ཧཱུཾ་ཡིག་གི་ཐག་པ་ལ་བརྒྱུས་པའོ། །རི་མོ་ནི་ལྟེ་བའི་ཨཾ་ཡིག་སྟ…

རླུང་ཐིམ་པ་ན་ལྟེ་བའི་རེ་ཁ་གཏུམ་མོ་ཡེ་ཤེས་ཀྱི་མེ་རོ་མའི་ལམ་ནས་བརྒྱུད་འཁོར་ལོ་བཞི་ཡོངས་སུ་བསྲེགས་ནས་སྤྱི་བོར་ཕྱིན་པར་འགྱུར་རོ། །དེ་ཡང་རླུང་ཐིམ་པའི་ཚེ་འབྱུང་བའི་རིམ་པས། ལྟེ་བའི་དཀྱིལ་འཁོར་དུ་རྨིག་རྒྱུ་ལ་སོགས་པའི་རྟགས་ལྔ་མཐོང་ཞིང༌། རོ་མ་ནས་འབར་བ་ན་རྩ་གསར་དུ་དྲལ་བའི་མཐུས་སྡུག་བསྔལ་དང་འབྲེལ་བའི་ཏིང་ངེ་འཛི…

འཁོར་ལོ་སོ་སོའི་རྩ་མདུད་ལ་འབར་འཛག་ལན་གསུམ་བཟློག་པར་འགྱུར་བ་དེའི་ཚེ་ཟུག་རྔུ་དང་བཅས་པར་འགྱུར་རོ། །ཞེས་བླ་མ་གསུང་ངོ༌། །བྱང་ཆུབ་ཀྱི་སེམས་ལྟེ་བའི་མེ་དང་ཕྲད་པའི་ཚེ། ཆོས་ཀྱི་ཕྱག་རྒྱ་ལྷན་ཅིག་སྐྱེས་པའི་ཡེ་ཤེས་སྐྱེས་ཏེ། དེའི་རྐྱེན་གྱིས་རླུང་སེམས་ལྷག་པར་འགག་པར་འགྱུར་རོ། །དེས་གཏུམ་མོའི་མེ་ཤིན་ཏུ་རྣོ་བ་སྟོབས་དང་…

ཡོན་ཏན་གྱི་ཁྱད་པར་མང་དུ་ཐོབ་ཅིང༌། བགེགས་ཐམས་ཅད་ལས་རང་གྲོལ་བའོ། །འདི་ཉིད་བོགས་ཕྱུང་བས་མི་རིང་བར་སྦྱོར་ལམ་དྲོད་ཆེན་པོར་འགྱུར་རོ། །དྲུག་པ་ནི། གང་གང་ཞེས་པ་ནས་རང་བཞིན་འབབ་གྱི་བར་ཏེ། དེ་ཡང་མིག་ལ་སོགས་པ་གང་དང་གང་གི་དབང་པོའི་ལམ་ལས་གཟུགས་སོགས་ཡུལ་འཛིན་པའི་རྣམ་པར་ཤེས་པར་འབྱུང་བ་ཐམས་ཅད་ནི་དེ་དང་དེའི་རང་བཞིན་ལྷ…

ཀྱི་རྣལ་འབྱོར་དངོས་ཡིན་ལ། དེས་ནི་རྣམ་ཤེས་ཐམས་ཅད་བདེ་བའི་རོར་འཆར་བར་བྱེད་ཅིང་ལམ་གྱི་རང་བཞིན་ལྷན་སྐྱེས་རྒྱུད་ནས་ཆོས་སྐུ་ཐོབ་པའི་ཐབས་ཀྱི་གཙོ་བོའོ། །དེ་སྒྲུབ་པའི་ཕྱིར་བསྐྱེད་རྫོགས་ཐམས་ཅད་ལ་བདེ་སྟོང་གིས་རྒྱས་འདེབས་པ་ཡང་ཆོས་ཀྱི་རྣལ་འབྱོར་ཏེ། རྒྱུ་ལ་འབྲས་བུའི་མིང་གིས་བཏགས་སོ། །བདུན་པ་ནི། དམ་ཚིགས་སོགས་ཏེ། བ…

མོང་སྟེ་འོག་ཏུ་སྟོན་ལ། གཏོར་མ་འབུལ་བའི་སྔགས་ནི། སློབ་དཔོན་ཆེན་པོ་ཀུ་ཀུ་རཱི་པས། ཟླ་གསང་ཐིག་ལེའི་རྒྱུད་དང༌། འཕྲེང་བའི་རིག་པ་འཛིན་མའི་རྟོག་པ་དང་མཐུན་པར་གཏོར་ཆོག་མཛད་དོ། །མན་ངག་གཞན་ལས་ནི། ཨོཾ་བཛྲ་ཊཱ་ཀི་ནཱི་ཨི་མཾ་བཱ་ལིང་གྲྀཧྞ་གྲྀཧྞ་ཧཱུཾ་ཕཊ། ཛཿཧཱུཾ་བཾ་ཧོཿ ས་མ་ཡ་སྟྭཾ། ཏྲི་ཤྱ་ཧོ་ཞེས་པའི་སྔགས་ཉིད་འདོན་པ་སྤོས…

གསང་བའི་རྩ་གཉིས་སོ། །ཡང་དང་སྦྱོར་བས་རེག་གྱུར་པ། །དེ་ཚེ་ནམ་མཁའ་རྣམ་རྒྱས་ཉིད། །ནམ་མཁའ་ལས་ནི་སྐྱེས་པའི་རླུང༌། །དེ་ཡི་མེ་ནི་རབ་སད་དེ། ཅེས་སོགས་གསུངས་པ་ལྟར་གཏུམ་མོ་རབ་ཏུ་འབར་བས་ཧཾ་ཡིག་བཞུ་སྟེ་དཀར་དམར་ཁ་སྦྱོར་དུ་འགྱུར་རོ། །དེ་ལས་བྱང་ཆུབ་ཀྱི་སེམས་འཛག་མེད་དུ་འཆིང་བའི་བདེ་ཆེན་གྱི་སྡོམ་པ་མངོན་དུ་བྱེད་པར་འགྱུར…

ཞུགས་པའི་ཚོགས་ཀྱི་དཀྱིལ་འཁོར་རོ། །ཕྱི་དང་ནང་གི་འདོད་པའི་ཡོན་ཏན་ལྔའི་ལོངས་སྤྱོད་དང་ཡང་ལྡན་པར་བྱས་ཏེ་ཕྱག་རྒྱའི་ཚོགས་དང་མཉམ་པར་སྦྱོར་བ་དང་ལྷན་ཅིག་འོད་གསལ་བ་བསྒོམས་ན་སྒྱུ་མའི་ལུས་དེ་ཡང་འོད་གསལ་དུ་སྡོམ་ཞིང་ཐིམ་པར་བྱེད་པར་འགྱུར་རོ། །རྒྱུ་ཅི་ཞིག་གི་ཞེ་ན། མཆོད་པ་ལྔ་དང་ཡང་དག་ལྡན་ཞེས་བྱ་བ་ལ་གོང་དང་མཐུན་པ་ལས་མ…

ལས་རྣམ་རྒྱལ་དང༌། ཉེ་རྒྱུ་ཆེན་པོའི་སྤྱོད་པ་ལ་བརྟེན་ཏེ་མི་སློབ་པའི་ཟུང་འཇུག་སངས་རྒྱས་ཀྱི་གོ་འཕང་སྒྲུབ་ཚུལ་ཡང་རིགས་འགྲེ་བས་ཤེས་པར་བྱ་སྟེ། ཞིབ་མོར་རྒྱུད་སྡེ་གཞན་ནམ་སློབ་དཔོན་གྱི་ངག་ལས་རྟོགས་པར་བྱའོ། །དགུ་པ་ལ། བཤད་པར་ཞལ་གྱིས་བཞེས་པ་དང༌། ཞོར་བྱུང་སྤྱོད་པའི་སྔོན་འགྲོ་རིམ་གཉིས་ཀྱི་མན་ངག་ཅུང་ཟད་བསྟན་པ་དང༌། ས…

རྣམས་འདྲ་བ་ལ་ལྷའི་གནས་སུ་འགྲོ་བ་ནི་རླུང་སེམས་ཙམ་གྱི་སྐུའམ་སློབ་པའི་ཟུང་འཇུག་གི་སྐུའམ། ལོངས་སྤྱོད་རྫོགས་སྐུ་ཐོབ་པ་གསུམ་ཆར་ལ་འཇུག་པ་ལས་གཙོ་བོ་ནི་ཕྱི་མ་ཡིན་ལ། དངོས་གྲུབ་དེ་ནི་བརྫུན་པ་མ་ཡིན་ཏེ་བདེན་པ་ཡིན་པར་ང་སྨྲའོ། །ཞེས་ལོངས་སྤྱོད་རྫོགས་སྐུ་ནི་བདེན་པའི་དོན་ཅན་ཡིན་ལ། དང་པོ་གཉིས་ཀྱང་ཐོབ་བྱའི་དོན་ལ་མི་བསླ…