ཀྱང་རྣམ་རྟོག་ཡིན། སྐྱེ་བ་བླངས་ཀྱང་སྒྱུ་མ་ཡིན། རེ་དོགས་བྱུང་ན་ཕཊ་ཀྱི་ཐོབ། །ལེགས་ལེགས་མཛེས་ཁྲིགས་ཤིག་ལས་ཐོང༌། །རང་ཤར་དེ་ལ་ཆམ་གྱིས་སྐྱུར། །མ་བཅོས་ངང་ལ་འཇོག་དགོས་ཏེ། །ཇི་ལྟར་བྱས་ཀྱང་བཅོས་མར་སོང༌། །མ་བཅོས་པ་གཅིག་ངས་མ་རྙེད། །བཅོས་མ་ཁོ་རའི་རང་བཞིན་ནི། །མ་བཅོས་པ་དེར་མི་འདུག་གམ། །ཤེས་ན་དེ་ཁས་ཆོག་པ་ལ། །ཐག་ཆོད…

ཨོཾ་སྭཱ་སྟི། སྐུ་བཞིའི་བདག་ཉིད་ཀྱི་བླ་མ་ལ། །མི་ཕྱེད་དད་པས་གསོལ་བ་འདེབས། །གནད་སྐུལ་གྱི་གདམས་པ་ཚིག་གསུམ་འདི། །སློབ་མའི་སེམས་ལ་འཕྲོད་པར་ཤོག །མི་ལུས་ལན་གཅིག་ཐོབ་པ་འདི། །སོས་དལ་དུ་སྡོད་པ་ཅང་ཁོམ་མམ། རྣམ་གཡེང་ལ་མི་ཚེ་མ་སྐྱེལ་བར། །རང་གིས་རང་སེམས་འཆུན་པ་ཞིག་འཚལ། །བརྩོན་འགྲུས་ཀྱི་ལྕག་གིས་མ་འཁུལ་ན། །མི་གཞན་གྱི…

མི་ལ་ཕན་བཏགས་ཀྱང༌། ཁོང་ཡུས་ཀྱིས་ཁྱེར་ན་གཞན་ཕན་མིན། །མི་ཚེ་སྒྲུབ་པ་ལ་བསྐྱལ་སྲིད་ཀྱང༌། །རློམ་སེམས་ཀྱིས་ཁྱེར་ན་གཡང་ལ་ལྷུང༌། །ཉམས་མྱོང་དང་ཡོན་ཏན་ཤར་སྐབས་སུ། །མི་གཞན་ལ་ངོམས་ན་འཕྲལ་དུ་འགྲིབ། །འགྲོ་དོན་དང་གྲགས་པ་བྱུང་དུས་སུ། །བདུད་ཀྱིས་བར་ཆད་ཀུན་འཇུག་ཉེན་ཆེ། །བདུད་གཞན་ན་ཡོད་པ་མ་ཡིན་ནོ། །ཆོས་སྤྱོད་ལ་གཡེལ་བ་…

རྟག་པས་བསྐུལ་མ་བཏབ། །སྡུག་བསྔལ་དུ་བསམས་ན་ཞེན་ཆགས་སྤོང༌། །ལས་འབྲས་ལ་བསམས་ན་སྤྱོད་པ་གཙང༌། །སྙིང་རྗེ་དང་སྤྲོས་བྲལ་སྒོམ་གྱི་མཐིལ། །དེ་ཀུན་གྱི་རྩ་བ་མོས་གུས་ཡིན། །རུ་ང་དང་འགྲན་སེམས་དབྱིངས་སུ་དག །དྲན་འཁྲུལ་གྱི་གྱབ་སྐོར་མི་འདུག་ན། །དགེ་སྦྱོར་ཚོ་གནད་དུ་སོང་བ་ཡིན། །ལར་ཆོས་ཞིག་བྱེད་ན་ཆོས་བཞིན་གྱིས། །མི་ཚེ་འབྱི…

རྣམས་ལ་བཟབ་པར་ཞུ། །ཆོས་ཁོ་ན་ལ་བློ་སྣ་འཇུར་ཏེ་བསྒྲིམ། །རྒྱུད་འཇམ་ལ་ལྟག་ཚུགས་བཟང་བ་དང༌། །ཐ་མལ་དུ་མ་ལུས་ཡེངས་མེད་དུ་འཚལ། །དགོས་འདོད་ཀྱི་འབྲས་བུ་མངོན་དུ་འགྱུར།། །།ཞེས་པའང་བྱ་བཏང་ཀུན་དགའ་དཔལ་ལྡན་ལ་ཏཱ་ར་ནཱ་ཐས་གདམས་པའོ། །བཀྲ་ཤིས། །

ཨོཾ་སྭཱ་སྟི། ན་མོ་གུ་རུ། སྐྱབས་གསུམ་ཀུན་འདུས་ཀྱི་བླ་མ་ལ། །ཐུགས་ཡིད་དབྱེར་མེད་ཀྱི་མཆོད་པ་འབུལ། །མཉམ་ཉིད་ཀྱི་ངང་དུ་གསོལ་བ་འདེབས། །མོས་པའི་བུ་ལ་བྱིན་གྱིས་རློབས། །རང་སེམས་ལ་ཤར་བའི་ཚིག་བཅད་འགའ། །གོ་རིམ་དང་མཛེས་ཁྲིགས་མ་མཆིས་ཀྱང༌། །དད་ལྡན་གྱི་སློབ་མས་བསྐུལ་བའི་ངོར། །ཐོལ་བྱུང་དུ་ཤར་བ་འདི་ལྟར་ལགས། །ཆོས་མདོ་ར…

ཤར། །ཤར་ཙམ་ཉིད་ནས་ངོས་གཟུང་དང་བྲལ། །དཔེ་དེ་བཞིན་རིག་པའི་འཆད་སྒོ་ཀུན། །སེམས་སྤྲོས་བྲལ་ཁོ་རའི་རང་གཟུགས་ཡིན། །ཆོས་སྐུ་ཉག་གཅིག་གི་ཀློང་ཡངས་ལ། །བླང་དོར་གྱི་སྤྲོས་པ་དགོས་རེ་ཀན། །སྤང་བླང་གི་སྣང་ཆ་ཅི་ཤར་ཡང༌། །རང་གྲོལ་དུ་འདུག་ན་སྤང་བླང་བྲལ། །ང་འགྲོ་འམ་འདུག་གམ་གང་བྱེད་ཀྱང༌། །གཉིད་ལོག་གམ་སད་སྐབས་ཡིན་ཡང་རུང༌། །…

རང་བཞིན་དང༌། །འདུས་བྱས་ལ་རྟག་པའི་གོ་སྐབས་མེད། །སྒོས་འཆི་བ་ནམ་ཡོང་ཆ་མེད་པས། །གཞན་ཅིས་ཀྱང་མི་ཕན་ཆོས་ལ་འབུངས། །ངན་སོང་གི་སྡུག་བསྔལ་མྱོང་དུས་ན། །ཕ་མ་དང་ཉེ་དུས་འཁྱོབས་པ་མེད། །སྔར་བྱས་ཀྱི་སྡིག་པ་བཤགས་པ་དང༌། །ཕྱིན་ཆད་མི་བྱེད་པ་གལ་རེ་ཆེ། །ཟས་ནོར་དང་ལོངས་སྤྱོད་ཁ་དྲག་ཀུན། །ཚེ་བརྗེས་པ་ཕན་ཆད་གར་སོང་མེད། །ལས་དཀར…

ཨོཾ་སྭཱ་སྟི། བླ་མ་དམ་པ་རྟོགས་པ་དང་ཐུགས་རྗེ་ཅན་རྣམས་ལ་ཕྱག་འཚལ་ལོ། །དངོས་གྲུབ་ཐམས་ཅད་ཀྱི་རྩ་བ་བླ་མའི་མོས་གུས་ཡིན་ཏེ། དངོས་གྲུབ་ཡོང་དུ་རེ་ནས་མོས་གུས་བྱས་ན་རང་འདོད་ཕུགས་སུ་བཅུག་པ་ཡིན། བླ་མ་སྐྱབས་གནས་ཀུན་འདུས་སུ་ཤེས་པ་གལ་ཆེ་སྟེ། བླ་མ་རང་ གིས་མ་ཆོག་པར་ཡར་ལ་བཏེག་ནས་སངས་རྒྱས་སུ་སྐྱེལ་ན་མོས་གུས་ཀྱི་གནད་འཆུག་…

གནས་སྐབས་དང༌། གང་ལ་གང་འདུལ་ཙམ་ཡིན། ངོ་བོ་སྒྲིབ་གཉིས་སྤྱོད་དུ་བཅུག །ཚོགས་གཉིས་རྫོགས་སུ་བཅུག་ནས། མཐར་ཐུག་སངས་རྒྱས་སུ་འཁྲིད་པར་ཡང་གཅིག །རང་གསོལ་བ་འདེབས། མོས་གུས་སྒོམ་པའི་སྐབས་ཡིན་ལ་ཝལ་ཝལ་འཆར་བའི་བླ་མ་དེ་རྣམས་རང་སེམས་ཀྱི་འཆར་སྒོ་ཡིན་པས་སེམས་གཅིག་གི་རང་ངོར་ཡང་རོ་གཅིག་པ་ལགས་སོ། །དེ་ལྟར་ཤེས་ནས་གསོལ་བ་འདི་ལ…

གསོལ་འདེབས་ན། །བདག་སོགས་སེམས་ཅན་ཐམས་ཅད་ལ། །བྱིན་གྱིས་བརློབ་ཕྱིར་འདིར་བྱོན་བཞུགས། །སྐུ་ལ་མཚན་དཔེ་འོད་དུ་འབར། །སྤྲུལ་པ་ཡང་སྤྲུལ་གྲངས་ལས་འདས། །མཁའ་དབྱིངས་གང་བའི་སངས་རྒྱས་དང༌། །དཔའ་བོ་མཁའ་འགྲོ་སྤྲིན་ལྟར་གཏིབས། །འོད་དང་འོད་ཟེར་འཇའ་འོད་འཁྲུག །ཉི་མ་འབུམ་གྱི་གཟི་བརྗིད་ཅན། །ཆོས་ཀྱི་སྒྲ་དབྱངས་འབྲུག་ལྟར་སྒྲོག …

མོས་གུས་ཆེས་ཆེར་འཕེལ་བར་ཤོག །ཁྱིམ་གྱི་ལས་དང་སྡིག་སྤྱོད་སོགས། །མཛད་སྤྱོད་ཅི་འདྲ་མཐོང་གྱུར་ཀྱང༌། །གང་འདུལ་ཐབས་མཁས་འཕྲིན་ལས་སུ། །རྟོགས་པར་བྱིན་གྱིས་བརླབ་ཏུ་གསོལ། ཕ་བླ་མ། ཕ་བླ་མ། ཕ་བླ་མ། ཕ་བླ་མ་རང་མཁྱེན། རྗེ་བཙུན་བླ་མ་མཁྱེན། །ཐབས་མཁས་འགྲོ་དོན་མཛད་ལ་གསོལ་བ་འདེབས། །བརྗོད་བྲལ་ཆོས་སྐུ་ཁྱོད་ལ་གསོལ་བ་འདེབས། །…

གཞན་ན་མེད་དོ་ཐུགས་རྗེས་གཟིགས། ཁ་ཙམ་ཚིག་ཙམ་མིན་ནོ་ཐུགས་རྗེས་གཟིགས། །སྒྲུབ་ལ་བར་ཆད་མེད་པ་དང༌། །ཆོས་ཀུན་ཉམས་སུ་ལོངས་པ་དང༌། ཞེ་བཅང་སྙིང་རུས་རྒྱུན་མི་འཆད། །ཉམས་རྟོག་རྩོལ་མེད་འཆར་བར་ཤོག །བླ་མ་ཀུན་གྱི་ཐུགས་རྗེས་འཛིན་པ་དང༌། །སངས་རྒྱས་ཀུན་གྱི་གསུང་བཞིན་འགྲུབ་པ་དང༌། །དམ་ཆོས་ཀུན་གྱི་དགོངས་པ་ལོངས་པ་དང༌། འཕགས་ཚོ…

ལུགས་རྟོགས་པ་དང༌། མོས་གུས་ཚད་དུ་ཕྱིན་པ་སྐྱེ་བར་སྨོན་ལམ་འདེབས། མཁའ་འགྲོ་ཆོས་སྐྱོང་ལ་ཡང་དེ་ལྟར་གསོལ་བ་ཐོབ། བླ་མའི་མོས་གུས་ཚད་དུ་ཕྱིན་ན་མོས་གུས་གཅིག་ཆོག་རྒྱལ་པོ་བྱ་བ་ལགས་སོ། །ད་ནི་གདམས་པ་གཞན་ཡང་བཤད་པར་བྱ་སྟེ། ལས་འབྲས་ལ་ཡིད་ཆེས་པའི་དད་པའི་གཏམ་སྟེ་དང་པོ་ནི། སངས་རྒྱས་ཆོས་དང་དགེ་འདུན་དང༌། །ཡི་དམ་མཁའ་འགྲོ་ཀ…

བརྟན་པོ་དང༌། །ཕྱོགས་རཻའི་བསྟན་པའི་ཁ་སོ་འཛིན་པའི་ཕྱིར། །སྡིག་པ་བསོག་ཅིང་ཁྱིམ་པའི་མཐུན་འཇུག་ནི། །བྱས་ཀྱང་ཉེས་པ་མེད་པར་འདོད་པ་མང༌། །དེ་དག་བདུད་ཀྱིས་བྱིན་གྱིས་བརླབས་པ་ཡིན། །རྟོགས་པ་མཐོང་ན་སྡིག་པ་བྱེད་དོན་མེད། །འཁྲུལ་པ་ཞིག་ན་མི་ངོ་འཛིན་དོན་མེད། །བསྟན་པ་ཕྱོགས་རེའི་ཞེན་གྱིས་བསྟན་པ་དཀྲུག །ཆོས་ཀྱི་ཕྱིར་དུའང་…

དཀོན་མཆོག་མཆོད་པའི་རྫས་ལ་ལོངས་སྤྱོད་ན། །ལྟོ་བ་འགྲངས་ཀྱང་དམྱལ་བར་འགྲོ་བ་བཞིན། །རིག་པ་རྐྱང་འདེད་བྱས་པ་ཁོ་ནས་ཆོག །ལས་འབྲས་ཆ་མེད་ཟེར་པ་ལོག་ལྟ་ཡིན། ཁ་སྐད་ཙམ་གྱིས་ལྟ་བ་མཐོ་མཐོ་མོས། །གཡང་སར་ལྷུང་བ་མང་གི་ཞེ་ཟོན་འཚལ། །ཞེས་པ་ནི་ལས་འབྲས་ལ་ཡིད་ཆེས་པའི་དད་པའི་གཏམ་སྟེ་དང་པོའོ།། །།ད་ལྟའི་སྣང་བ་ཆགས་སྡང་སྐྱེ་བའི་ཡུལ…

མ་འོངས་སྡུག་བསྔལ་མང་པོས་བསུ་མ་དང༌། ད་ལྟའི་སྡུག་བསྔལ་དབུས་ན་འདྲེ་ཞིང་ལྡོག །སྡིག་པའི་དབང་གིས་སྡུག་བསྔལ་རྒྱུན་མི་འཆད། །སྡུག་བསྔལ་མ་བཟོད་ད་དུང་སྡིག་ལ་འཇུག །སྡུག་ལ་སྐྱིད་པོར་འཁྲུལ་ནས་ང་རྒྱལ་བྱེད། །མི་ཆེན་བློ་ལྡན་རྣམས་ཀྱི་འདུན་གྲོས་ཡིན། །ད་ལྟའི་སྐྱེ་བོ་ཀུན་གྱི་སྤྱོད་ཚུལ་ཡིན། །དབང་ཐང་ཆེ་ཡིན་དམྱལ་བར་སྡོད་ཡུ…

ཐབས་ལ་མཁས་པ་ཐེག་པ་ཆེན་པོའི་ཆོས། །ཐེག་པ་ཆེ་ཆུང་ལྟ་བས་ཁྱད་མི་འབྱེད། །བྱང་ཆུབ་སེམས་དང་སྙིང་རྗེ་སྤྱོད་པའི་ཁྱད། །ཕྲག་དོག་ཆེ་ཞིང་ཁ་རྒོད་བསམ་པ་ངན། །ཆོས་རྒྱུད་བུ་རྒྱུད་བཟང་ཡང་ག་ལ་ཕན། །དཀའ་སྤྱད་འདུག་ཚུལ་བཟང་ཡང་བསླུ་རྡོ་ཡིན། །བྱ་བཏང་དམ་བཅའ་ཆེ་ཡང་ཚིག་སྐམ་ཡིན། ཁྱོད་ནི་གནས་ལུགས་རྟོགས་པ་ཡིན་ནོ་ཞེས། །ཁ་འཇམ་ཞེ་གདུག…

སྡིག་པོ་ཆེ། །དེ་ཕྱིར་རྫུན་མེད་ཕྱི་ནང་མེད་པར་གཅེས། །སྙན་གྲགས་འདོད་པས་སློབ་མ་བསླུ་བ་དང༌། །རྙེད་བཀུར་འདོད་པས་དད་ཅན་བསླུ་བ་དང༌། །མ་རྟོགས་བཞིན་དུ་གནས་ལུགས་རྟོགས་སོ་ཞེས། །ང་རྒྱལ་བྱེད་པ་སྙིང་རྗེའི་འགལ་ཟླ་ཡིན། །བདེན་པའི་ངག་དང་དྲང་པོའི་བསམ་པ་དང༌། །ང་རྒྱལ་སྤངས་ནས་འགྲོ་ཀུན་གོང་དུ་འཁུར། །གཞན་སྐྱོན་མི་བསམ་རང་གི་…

ཕྱི་བཤོལ་མེད་པར་འཕྲལ་དུ་སྦྱོར་བ་དགོས། །ཉམས་ལེན་ཐུན་སྒོམ་སྐབས་སུ་ཡིད་སུན་ནས། །ཉལ་ལམ་འཆག་འདོད་སྐྱོ་སངས་བྱེད་འདོད་དམ། །བྱ་བ་གཞན་ཞིག་བྱེད་འདོད་སྐྱེས་པའི་ཚེ། །དགེ་སྦྱོར་ཡོང་དང་མི་ཡོང་ས་མཚམས་ནི། །འདི་སྐབས་ཡིན་སྙམ་བྱ་བྱེད་གཞན་བོར་ནས། །སྒོམ་འཇུག་འཐུད་ནས་རྣམ་གཡེངས་སྤོང་བར་བྱོས། །སྐྱོ་སངས་ཡིན་ཀྱང་རྣམ་གཡེངས་དབ…