བདག་གི་སེམས་ཀྱང་རི་རབ་དང་འདྲ། །རང་བཞིན་གྱི་དག་པར་ཞབས་བརྟན་ཞིང༌། །ཉམས་མྱོང་གི་བང་རིམ་མཛེས་པ་དང༌། །དངོས་གྲུབ་གཉིས་ཀྱི་རྟེན་སར་སྣང༌། །མི་ཁོ་བོའི་བླ་མ་ཅི་འདྲ་བར། །འགྲོ་དྲུག་གི་སེམས་ཀྱང་དེ་ལྟར་ལགས། །དོན་དེ་ལྟར་ལགས་པས་དགོངས་པར་མཛོད། །མཉམ་ཉིད་ལ་ཞོག་ཅིག་དམ་ཚིག་ཅན། །དབྱངས་འདི་ཡང་བླ་མ་ལ་མཆོད་པ་འབུལ། །གནས་འདིར…

༈ ན་མོ་གུ་ར་བེ། རྗེ་མི་གཟུགས་ལ་རྡོ་རྗེ་འཆང་ཆེན་ཏེ། །ཕ་རྩ་བའི་བླ་མ་མ་ལགས་སམ། །གདུལ་བྱ་གང་མོས་འགྲོ་དོན་མཛད། །དེ་བརྒྱུད་པའི་བླ་མ་མ་ལགས་སམ། །དབྱིངས་མཁའ་ཁྱབ་ཀྱི་སྒོ་ནས་འགྲོ་བ་འདུལ། །དེ་རྡོ་རྗེ་འཆང་ཆེན་མ་ལགས་སམ། །སྤྲུལ་པ་སྣ་ཚོགས་ཀྱིས་དོན་མཛད་པ། །ཡི་དམ་གྱི་ལྷ་ཚོགས་མ་ལགས་སམ། །ནུས་མཐུ་ལ་ཐོགས་པ་མེད་པ་སྟེ། །ཆོ…

རྩས་ནི་ཕྱོགས་བཅུར་སྤེལ། །ལུས་རྩ་རླུང་ཐིག་ལེའི་རང་བཞིན་ལ། །བླ་མའི་གསུང་བཞིན་གནད་དུ་བསྣུན། །ཉམས་སྣ་ཚོགས་འཆར་སྒོ་ཇི་སྙེད་ལ། །ཞེན་ཆགས་མེད་པའི་སྐྱོང་ལུགས་འཚལ། །དོན་དེ་ལྟར་ཐུགས་ལ་ཞོག་མཛོད་ལ། །ཅིས་ཀྱང་གནད་དུ་བསྣུན་པར་མཛོད། །བདག་ངེས་མེད་ཀྱི་རྣལ་འབྱོར་རྒྱལ་ཁམས་པ། །དབྱངས་འདི་ཉིད་བླ་མ་ལ་མཆོད་པར་འབུལ། །ཚིག་འདི་…

ན་མོ་གུ་ར་བེ། དབྱིངས་སྐྱེ་བ་མེད་པའི་ནམ་མཁའ་ལ། །མདངས་འགག་པ་མེད་པའི་དཀྱིལ་འཁོར་རྒྱས། །ཐུགས་རྗེའི་འོད་བརྒྱ་འགྱེད་པ་ཡི། །ཕ་བླ་མ་རྡོ་རྗེ་འཆང་ལ་འདུད། །རྗེ་དེ་ཉིད་ཀྱི་ཐུགས་རྗེའི་ཆར་སྤྲིན་ལས། །ཆོས་གདམས་ངག་གི་ཆར་རྒྱུན་ཕབ་པ་དེ། །མི་ཁོ་བོའི་སེམས་ཀྱི་ཞིང་སར་བབས། །འབྲས་བུ་ཉམས་རྟོགས་ཀྱི་ལོ་ཏོག་རྒྱས། ཁྱེད་སྐལ་ལྡན་…

ཀུན། །བདེ་དྲོད་རང་འབར་ཞིག་མཛད་དེ་འཚལ། །ཕྱི་སྣང་བ་སྒྱུ་མའི་ལམ་འཁྱེར་ཏེ། །ལུས་རྒྱས་ཀྱང་སེམས་ཀྱི་རང་སྣང་ཙམ། །རང་སྣང་ལྷ་སྐུ་རང་ཤར་ལ། །སྒྱུ་མ་ལྟར་རང་བཞིན་མེད་པ་ཞིག །སྒྱུ་ལུས་ཀྱི་གདམས་པའི་སྙིང་པོའི་དོན། མི་ངན་ཀྱང་འདི་ལ་ཉམས་ལེན་བྱས། །ཆགས་སྡང་གི་སྣང་བ་རང་སར་དག །ཨ་མཐས་སྦྲུལ་གྱི་མདུད་པ་ཞིག ཁྱེད་འདིར་འདུས་ཀྱང་…

ནས་དག་པ་ལ། །སྒྲིབ་གཉིས་བརྫུན་གྱི་སྟོང་ཟོབ་ཡལ། །དག་པ་གཉིས་ལྡན་གྱི་འོད་གསལ་ཡིན། །འོད་གསལ་ལམ་གྱི་འབྲས་བུ་སྟཻ། །རྗེ་རྡོ་རྗེ་འཆང་ཆེན་གྱི་སྤྱན་སྔ་རུ། །གདམས་ངག་རྣམས་ཕུ་ཐག་ཆོད་པར་ཞུས། །ཞུས་པ་ཙམ་ལ་ཡང་མ་བཞག་པར། །རང་སེམས་དང་འདྲེས་པའི་ཉམས་ལེན་བྱས། །བན་བུན་ཉམས་ཀྱི་འཆར་སྒོ་དག །འགྱུར་མེད་རྟོགས་པའི་གཏན་ཡུལ་ཟིན། ཁྱེ…

གསུམ་རང་ཤར་གྱི་གདམས་ངག་ཟེར། །འགྱུ་བ་འགྱུ་སྟོང་གི་ངང་དུ་ཐིམ། །མཉམ་རྗེས་ཀྱི་ས་མཚམས་ཞིག་ནས་ཐལ། །མདོ་རྒྱུད་ཀྱི་མཁྱེན་རྒྱ་ཅན་མང་ལགས་ཤིང༌། །གདམས་ངག་གི་བདག་པོ་མང་མོད་ཀྱང༌། །དོན་འདི་ལས་མེད་ཅེས་བྱ་བ་ཉུང༌། །རང་གྲོལ་ཕྱག་ཆེན་གྱི་རྣལ་འབྱོར་འདི། །མདོ་རྒྱུད་ཀྱི་སྙིང་པོར་ལགས་པར་འཁུམས། །མི་ཁོ་བོས་དེ་ལྟར་ཉམས་སུ་བླངས།…

བསྐྱེད་རྫོགས་སྙིང་པོར་དྲིལ་བ་གཅིག་ན་གདའ། །རླུང་དང་རྣམ་རྟོག་སེམས་གསུམ་པོ། །དབྱིངས་སུ་བསྡོམས་པ་ཉམས་ལེན་གྱི་གནད། །འཁྲུལ་འཁོར་གྱི་ཁ་བསྒྱུར་ཉམས་ལེན་གྱི་རྩལ། །གཞན་ལུས་ལ་ཐོགས་པ་མེད་པ་ཡི། །ཐིག་ལེ་འཛག་མེད་ཀྱི་རང་གྲོལ་ལས། །དགའ་བཞི་དབྱིངས་སུ་ངོ་སྤྲོད་པ། །མིང་ནི་རང་ལུས་འཆི་མེད་ཟེར། །རླུང་སེམས་རང་དབང་དུ་ཆུག་གཅིག…

ཀུན་གྱི་རང་ཞལ་ལྟ་བ་པོ། །ཆོས་ཐ་སྙད་ཚིག་ལ་མ་རྨོངས་ཀྱང༌། །མཁས་འདོད་ཀྱི་བཟང་འཛིན་དབྱིངས་སུ་གྲོལ། །འཕྲལ་ལུས་སེམས་ཐ་མལ་དུ་སྣང་བ་ཙམ། །དྲིན་ཅན་གྱི་མཁན་པོས་གནང་པའི་མིང༌། །ཀུན་དགའ་སྙིང་པོ་ཞེས་བྱ་བ་ཡིན། །རང་སེམས་ཀྱི་རང་བཞིན་ངོ་སྤྲོད་པ། །མི་སངས་རྒྱས་སུ་གཏོང་བའི་བཀའ་དྲིན་ཅན། །ཕ་བླ་མས་བཀའ་དྲིན་རྩལ་བ་ནི། །མིང་ཏཱ་ར…

ཨོཾ་སྭཱ་སྟི། ན་མོ་གུ་ར་ཝེ། དབྱིངས་སྤྲོས་དང་བྲལ་བའི་ངང་ཞིག་ནས། །འཕྲལ་གང་ལ་གང་འདུལ་འགྲོ་དོན་མཛད། །ཆོས་ཚིག་སྤྱི་དང་དོན་སྤྱིར་མ་ལས་པར། །དོན་སྙིང་པོར་སྟོན་པའི་བླ་མ་རྗེ། །ས་འདི་ནས་རྒྱལ་ཁམས་ཀྱི་རྣལ་འབྱོར་པ། །ཡིད་མོས་གུས་དྲག་པོས་གསོལ་བ་འདེབས། །བུ་སློབ་མའི་སེམས་ལ་བྱིན་གྱིས་རློབས། །ལར་རྩ་བྲལ་རྟོགས་པར་ཐུགས་རྗེ…

མ་ཤེས་པའི་ལྟ་བ་དེ། །བློས་བྱས་སྤྲོས་པའི་རི་མོར་གདའ། །རང་སོ་ཚུགས་པའི་ཉོན་མོངས་དེ། །རྩུབ་རྩུབ་འདྲ་ཡང་འཇམ་པོར་གདའ། །རྩ་བྲལ་ལ་སོང་བའི་འཆར་སྒོ་དེ། །སྣང་སྣང་འདྲ་ཡང་ཡལ་ཡུལ་དུ་གདའ། །རྩོལ་མེད་ངོ་ཤེས་ཀྱི་རྣམ་རྟོག་དེ། །འགྱུ་འགྱུ་འདྲ་ཡང་རང་ཞིག་ཏུ་གདའ། །ལྷག་བསམ་གྱིས་མ་ཟིན་པའི་དགེ་རྩ་དེ། །བྲེལ་བ་ཆེ་ལ་འབྲས་བུ་ཆུང༌།…

གཏད་ཀུན་ཞིག་པའི་ངང་ཞིག་ནས། །བླང་དོར་ལ་མཚན་མར་མ་འཛིན་པར། །ཐོ་ཆོ་ལ་བཟང་པོར་མ་ངོམ་ཞིག །ཚུལ་འཆོས་ཀྱི་མཛེས་ཁྲིགས་ཀྱང་མི་འཚལ་ལོ། །གང་ཤར་གྱི་སྤྱོད་པ་ལྷུག་པ་ལ། །བཅོས་མ་རུ་མ་སོང་པ་གནད་དུ་ཆེ། །འདི་བླང་དོར་མཉམ་ཉིད་ཀྱི་གདམས་ངག་ལགས། །སྒོམ་ཉམས་ཀྱི་རྩི་ལ་ཞེན་པ་ཏེ། དཔེ་དར་གྱི་སྲིན་བུ་ཇི་བཞིན་དུ། །རང་རང་གིས་འཆིང་བའི…

༈ བླ་མ་ལ་ཕྱག་འཚལ་ལོ། །འཁོར་བ་སྡུག་བསྔལ་གྱི་རང་བཞིན་ལས། །མ་གྱུར་འགྲོ་བ་ཀུན་སྒྲོལ་བའི་བློ། །སྐད་ཅིག་ཙམ་དུ་མ་རེ་སྐྱེས་ཙ་ན། །ལེ་ལོའི་འཁྲི་བ་ཚོ་རྩད་ནས་ཆོད། །ལར་བྱང་ཆུབ་སེམས་འདི་མ་འབྱོངས་ན། །དེ་མཁས་པར་རློམས་ཡང་མདོ་མེད་པོ། །བཟང་པོར་རྫུ་ཡང་གཞན་མགོ་བསྐོར། །བཙུན་ བཙུན་འདྲ་ཡང་མཛེས་ཆོས་སུ་གདའ། །ཆོས་པ་རྣམ་དག་ཡིན…

སྐྱོན་ཡང་གཤོང་བ་སྐད། །རང་མ་མགུ་བ་ཀུན་ལ་ཐབས་ཀྱིས་སྨོད། །རང་བཟང་པོར་ངོམ་པའི་རྣལ་འབྱོར་པ། ཁྱོད་སྨྲ་བ་མང་ཡང་གཏིང་ནས་ཁྲེལ། །ཡེངས་ཚེ་འདིའི་སྐྱིད་སྡུག་དང་གཏམ། །རླུང་ལ་བསྐུར་ནས་མ་གྱུར་ཚོ། །སྒྲོལ་འདོད་ཀྱི་སྙིང་རྗེ་ཟོལ་མེད་ཅིག །བྱུང་ན་ཆོས་སུ་འགྲོ་ལགས་པས། །ཅིས་ཀྱང་འབད་པའི་དུས་ལ་བབ།། །།ཅེས་པའང་རང་གཞན་ད་ལྟའི་ཆོས…

ན་མོ་གུ་རུ། བདེ་ཆེན་ཆོས་སྐུའི་རང་ཉམས་ལས། །ཕྱོགས་མེད་ཀྱི་ཐུགས་རྗེའི་འགྲོ་དོན་ཤར། །ཕ་རྡོ་རྗེ་འཆང་གི་ཞབས་ལ་འདུད། །བདག་འདིར་ཚོགས་ལ་བྱིན་གྱིས་བརླབ་ཏུ་གསོལ། །གཞན་དོན་ཕྱོགས་མེད་དུ་འཕེལ་བ་འདི། །སེམས་སྟོང་ཉིད་སྙིང་རྗེ་ཤར་བའི་རྟགས། །གནས་ལུགས་ཀྱི་རང་ངོ་འཕྲོད་པ་འདི། །མོས་གུས་ཚད་དུ་ཕྱིན་པའི་རྟགས། །ནམ་ཡང་ཡེངས་པ་མ…

ཨོཾ་སྭཱ་སྟི། བླ་མ་རྣམས་ལ་ཕྱག་འཚལ་ལོ། །སེམས་གུས་ལྡན་གྱི་སློབ་མ་ཁྱེད་རྣམས་ལ། །སྙིང་པདྨ་འདབ་བརྒྱད་ཁ་ཕྱེ་ནས། །དོན་འཁྲུལ་མེད་ཀྱི་གདམས་པ་གསལ་པོར་དགོད། །ལར་མི་ལུས་ཐོབ་པའི་གནས་སྐབས་འདིར། །ཆོས་རྩེ་གཅིག་ཉམས་སུ་མ་བླངས་ན། །ཕྱི་ལང་ལིང་ཆོས་ཀྱིས་མི་ཕན་པས། །བློ་ནང་དུ་ཁུག་ལ་ནན་ཏན་མཛོད། །ཆོས་ཡོད་ལོ་ངག་གི་སྟོང་ཟོབ་འདི…

གློད། །འཕྲལ་ཟས་གོས་དོན་གཉེར་ལས་མེད་པ་ཡི། །སྐྲ་བྲེགས་ཙམ་གྱི་ཆོས་པའི་གཟུགས་བརྙན ཏེ། །ནང་རང་སེམས་ལ་ལྟས་ན་ཡི་མུག་ལྡང༌། །ཕྱི་སྐྱེ་བོའི་མི་ཁ་དིར་རེ་བ། །ལར་དུད་འགྲོ་དང་ཁྱད་པར་མི་གདའ་བས། །ཟས་ཞིམ་འདོད་ཀྱི་སྲེད་པ་སྤོང་བ་དང༌། །གོས་ལེགས་འདོད་ཀྱི་ཆོས་བརྒྱད་མ་ཆེ་བར། །སྤྲང་དམན་ཆ་བཟུང་ན་ལེགས་པ་ཡིན། །རང་ཚེ་གཅིག་ཆོས་…