༈ འབྲེལ་མེད་ཀྱི་གླུ་ཞེས་བྱ་བ་སངས་རྒྱས་ལ་ཕྱག་འཚལ་ལོ། །འཁོར་བ་ཐོག་མ་མེད་པ་ནས། ཆུ་བོ་རྒྱུན་མི་འཆད་འབབ་པ། །སེམས་ཀྱི་ཆུ་འདི་ངོ་མཚར་ཆེ། །བྱེ་མའི་ཕུང་པོ་ཆེན་པོ་ལྟར། །རེག་ལ་མ་འབྱར་པ་འདི་ངོ་མཚར་ཆེ། །སེམས་ལ་འབྲེལ་བ་མེད་པ་ངོ་མཚར་ཆེ། ཁ་སང་ང་ནི་ནའོ་ཞེས། །རྨོངས་པ་རྣམས་ནི་རྟག་པར་སྒོམ། །སྐད་ཅིག་རེ་རེས་འདས་པས་ན། །སེ…

བསྣུན་ནོ་ཞེས། །དོན་མེད་ཞེ་སྡང་མ་བྱེད་ཅིག །སེམས་ཀྱི་མགྲོན་པོ་བྲེལ་བ་ཅན། །ལུས་ཀྱི་མགྲོན་ཁང་ཧྲུལ་པོ་ན། །ཡུད་ཙམ་ངལ་བསོ་བྱེད་པ་ལ། །མཁར་ལས་བྱེད་པ་ལས་རོ་ཡིན། །མགྲོན་ཁང་གི་ནི་ཕྱི་འཁྱམས་ལ། །ང་ཡི་སྐྱེད་མོས་ཚལ་ཡིན་ཞེས། །སྨྱོན་པ་རྣམས་ནི་འོ་དོད་འབོད། །དེ་རང་མགྲོན་པོ་སྨྱོ་བ་ཡིན། །གཞན་འགའ་བདག་ལ་ཁྲོ་ན་ཡང༌། །ང་ལ་ཅི་…

དྲིན་ལས། །འབྲེལ་མེད་སེམས་ཀྱི་ཚུལ་ལུགས་ཤེས། །ཨེ་མ་ཧོ་འདི་ནི་ངོ་མཚར་ཆེ། །ཉེས་ན་འདི་ལ་མཚར་ཀྱི་མེད། །ད་ནི་ཞེན་མེད་གླུ་གཅིག་བླང༌། །ཉེ་དུ་རྣམས་དང་ཕྲད་ན་ཡང༌། །འདོད་པའི་གདུང་བ་སྐྱེད་པར་ཟད། །མི་མཛའ་རྣམས་དང་ཕྲད་ན་ནི། །ཞེ་སྡང་མེ་ཡིས་རང་རྒྱུད་སྲེག །སྔོན་ནི་ཁྱིམ་ནི་འབྱོར་པ་ལས། །ད་ལྟ་ཤིན་ཏུ་རྒུད་དོ་ཞེས། །རང་གི་རང…

དབང་ཕྱུག་ཕུན་ཚོགས་ཀྱང༌། །གཉེན་གྱིས་སླུས་ཀྱི་དོགས་པ་དང༌། །དགྲ་བོས་བཅོམ་གྱིས་དོགས་པ་དང༌། །གཞན་ལ་ངན་སྤྱོད་མ་སོང་དོགས། །སེམས་ཀྱི་སྡུག་བསྔལ་ཁོ་ན་ཡིན། །མཐོན་པོ་རྣམས་ལ་སེམས་སྐྱིད་མེད། །དམན་པའི་ལུས་ནི་ཤ་ཐང་བཅད། །རང་ལ་འབྱོར་པ་ཕུན་ཚོགས་ཀྱང༌། །གཞན་ལ་སྦྱིན་པའི་བློ་མེད་པར། །དབུལ་པོ་འགའ་ཡི་འབུལ་བ་ལ། །ཕུལ་གང་ཙམ་ཞི…

གོས་རུལ་ཀུན་ཡང་ལྷ་ཡི་གོས། །དམན་པའི་ཟས་ཀྱིས་ཆོག་ཤེས་ན། །ངན་ངན་འདྲ་ཡང་བདུད་རྩི་ཡིན། །ཕུལ་ཕྱེད་རི་བའི་ནོར་མེད་ཀྱང༌། །ནོར་ལྡན་ཀུན་པས་རང་སེམས་སྐྱིད། །སྐྱོ་ན་ཐང་འཁྱགས་རི་སུལ་སོགས། །ཞེན་མེད་དབེན་པའི་བདེ་བ་འདི། །རྣམ་པར་རྒྱལ་བའི་ཁང་བཟང་ལའང༌། །སྨོན་སེམས་སྐད་ཅིག་མི་སྐྱེའོ། །ནང་ནས་ཉམས་ལེན་ཤེས་ཙ་ན། །གང་སྣང་ཐམས་ཅ…

༈ ན་མོ་གུ་ར་ཝེ། རྗེ་བཀའ་དྲིན་ཅན་གྱི་རིན་པོ་ཆེ། །མཚན་ཐོས་འཁོར་བའི་གནས་ལས་འདྲེན། ཁྱོད་རྡོ་རྗེ་འཆང་ཆེན་མི་གཟུགས་ཅན། །ཕ་བླ་མ་མཆོག་ལ་གསོལ་བ་འདེབས། །ཡུལ་ས་མཐོ་རིག་པ་དྭངས་པ་ཞིག །ལྗོངས་གངས་རིའི་ཁྲོད་ཀྱི་ལྟེ་བ་གཅིག །སྔོན་དམ་པ་མང་ པོ་བྱོན་པ་གཅིག །གངས་དགུང་དུ་ནངས་ཀྱི་མཐོ་བ་གཅིག །དེ་ཧ་བོ་གངས་བཟང་མ་ལགས་སམ། །གནས་…

ཀྱང་ཐེག་རབ་བྱུང༌། །བདག་རིག་པ་འཆར་པོ་གཅིག་མ་ལགས་ཀྱང༌། །གྲུབ་མཐའ་ལ་ཆེར་གྱི་གཏིང་གཅིག་ལོན། །བདག་བྱ་བྱེད་བརྩོན་པོ་གཅིག་མ་ལགས་ཀྱང༌། །སྒོམ་འཕྲལ་འཕྲལ་རྒྱུན་དུ་ཉམས་སུ་བླངས། །མི་ཆོས་ལ་དགོས་པ་ཀུན་མེད་ལགས་ཀྱང༌། །ལྷ་ཆོས་ལ་དགོས་པ་ཀུན་ཕལ་ཆེར་ཚང༌། །དོན་འདི་ལ་བསམས་ཀྱང་ཉམས་རེ་དགའ། །བདག་ལོངས་སྤྱོད་ལ་སྒྲུབ་འདོད་མེད་ལག…

ཐོན་ནས་བྱུང༌། །ད་ནི་རྟོགས་པ་འགྱུར་བ་མེད། །དོན་འདི་ཡང་རྗེ་བཙུན་བླ་མའི་དྲིན། །སྔར་ཡང་བླ་མ་ལ་གསོལ་བ་བཏབ། །ད་དུང་ཡང་ཕ་རྒོད་ཀྱིས་བྱིན་གྱིས་རློབས། །དུས་བཞེ་ནིང་མོས་གུས་ལ་འཕེལ་འགྲིབ་ཤོར། །དེར་ཡང་བླ་མ་ཉག་གཅིག་སྒོམས། །ཡི་མུག་བྱེད་ཀྱིན་ཡང་གསོལ་བ་བཏབ། །ཕུང་ངན་པའི་ལོ་དེ་འདས་ཕྱིན་ཆད། །མོས་གུས་སྒོམ་གྱི་རྩ་བ་ཚུགས།…

གཉེན་པོ་ཡང་རང་སར་ཞིག་ནས་གདའ། །དོན་འདི་ཡང་༴ སྔར་ཡང་༴ ད་དུང་ཡང་༴ རང་ལྟོགས་སམ་འཁྱགས་ཀྱི་དོགས་པའམ། །མིས་ཁ་ངན་འཆའ་སྨོད་བྱུང་དོགས་སམ། །དོན་མ་འགྲུབ་གནོད་པ་བྱུང་དོགས་སོགས། །རང་སྡུག་རང་གིས་འཆོས་པ་དེ་ཞིག་ནས་གདའ། །དོན་འདི་ཡང་༴ སྔར་ཡང་༴ ད་དུང་ཡང་༴ གཏམ་སྙན་ལ་རེ་དང་སྐྱིད་ལ་རེ། །མི་གཞན་ལས་ལྷག་པ་གཅིག་ཡོད་ལ་རེ། །རང་…

ཆོས་དེ་གཉིས་དཔེ་དོན་འཛོམ་པ་གཅིག་གདའ། །སྤྲང་ཁོ་བོ་ལ་བྱིན་རླབས་མེད་ལགས་ཀྱང༌། །རྗེ་བླ་མ་ཐུགས་རྗེ་དང་བྱིན་རླབས་སུ་ཆེ། །ཚིག་འདི་ལ་ལེགས་ཆ་མེད་འདུག་ཀྱང༌། །དོན་འདི་ལ་ངེས་པའི་གཏད་སོ་ཡོད། །དབྱངས་འདི་ལ་གླུ་རྟ་མ་མཆིས་ཀྱང༌། །ངག་འདི་ལ་ཤུགས་འབྱུང་གི་ཞང་གཅིག་གདའ། །གླུ་འདི་ལ་གོ་རིམ་མ་མཆིས་ཀྱང༌། །སྒྲ་འདི་ལ་བྱིན་བརླབས…

ཨོཾ་སྭཱ་སྟི། བདག་ཕྱོགས་རིས་བྲལ་བའི་རྣལ་འབྱོར་པ། །དུས་མེ་ཏོག་ལྡན་པ་ཁྱུ་མཆོག་ལོ། །ཡུལ་བཀྲ་ཤིས་འཕེལ་པའི་གཡོ་རུ་ན། །རྗེ་བླ་མའི་བཀའ་དྲིན་སྙིང་ལ་དྲན། །སྔོན་འཁོར་བ་ཐོག་མ་མེད་པ་ནས། །མཐར་ད་ལྟའི་བར་དུ་འཁྱམས་པ་ལགས། །ལར་འཁོར་བ་གཏིང་མཐའ་མེད་པ་འདིར། །སེམས་སངས་རྒྱས་སུ་གཏོང་བའི་རིན་པོ་ཆེ། །འགྲོ་དྲུག་ཕ་མ་དྲིན་ཅན་ཡང༌…

དང་གཅིག །ནང་རིག་པ་སེམས་ཀྱི་འཆར་སྒོ་དང་གཉིས། །དབྱིངས་ངོས་གཟུང་བྲལ་བའི་སྟོང་ཉིད་དང་གསུམ། །ཆུ་ལ་ཆུ་བཞག་བཞིན་དུ་དབྱེར་མེད་གཅིག་གདའ། །ལར་ཉམས་མྱོང་ཅུང་ཟད་གཅིག་སྐྱེས་ཙ་ན། །སྣང་བ་གང་ཤར་ཅི་ཤར་ངོ་སྤྲོད་དུ་འདུག །སྒོ་གསུམ་བྱ་བ་ཅི་བྱས་བོགས་འདོན་དུ་གདའ། །དོན་འདི་ལ་བསམས་ན་ཨ་ལ་ལ། །ང་ཡང་མི་ཚེའི་ལྷག་མ་ཅུང་ཟད་འདི། །ཉམ…

ན་མོ་མཧཱ་མུ་དྲཱ་ཡ། དབྱིངས་བདེ་བ་ཆེན་པོའི་ནམ་མཁའ་ལ། །རིག་པ་ཡེ་ཤེས་ཕྱོགས་མེད་ཀྱི་རྩལ། །མཁྱེན་བརྩེ་ནུས་པའི་གཟའ་སྐར་བཀྲ། །རྗེ་དཔལ་ལྡན་བླ་མ་རྡོ་རྗེ་འཆང༌། །སྤྲང་གུས་པས་ཁྱེད་ལ་གསོལ་བ་འདེབས། །ལར་བྱིན་གྱི་རློབས་ཤིག་ཐུགས་རྗེ་ཅན། །ཡ་གི་ཤེད་དག་པའི་ཞིང་ཁམས་ན། །སྐུ་མི་འགྱུར་བདེ་བ་ཆེན་པོའི་ཐུགས། ཁོང་ རྡོ་རྗེ་འཆང་ཞ…

གང་དུ་བསྡད་ཀྱང་སྐྱིད་པར་གདའ། །ཚེ་འདིར་ལྟས་ཀྱི་བདེ་བའི་མགོ་བསྐོར་དག །གཏམ་སྙན་གྱི་ཕྱེ་མཐོར་མ་བླངས་ཤིང༌། །དབང་ཐང་ལ་སྨོན་སེམས་མ་བྱས་པས། །དུས་ནམ་ཡང་བློ་སེམས་བདེ་མོར་བྱུང༌། །ཕྱི་ཆོས་སུ་བརྫུས་པའི་འཇིག་རྟེན་དང༌། །ནང་ཁོང་དུ་བཟུང་བའི་ངག་སྙན་དང༌། །ཕུགས་རང་འདོད་ཁ་རྒྱལ་གྱི་གཞན་དོན་བྱེད། །དོན་འདི་གསུམ་སྤངས་པས་ཆོས…

ན་མོ་གུ་ར་ཝེ། སེམས་ཅན་གྱི་བསམ་པ་ཇི་བཞིན་དུ། །འཕྲིན་ལས་འགྲོ་བའི་དོན་མཛད་ཅིང༌། །ཐུགས་རྣམ་པར་མི་རྟོག་ཐུགས་རྗེ་ཅན། །བླ་མ་སྤྲུལ་པའི་སྐུ་ལ་གསོལ་བ་འདེབས། །ཐུགས་བདེ་ཆེན་ངག་ལས་མ་གཡོས་ཀྱང༌། །སྐུ་རླུང་སེམས་ཙམ་ལ་མཚན་དཔེས་སྤྲས། ཁོང་གདུལ་བྱ་དག་པའི་འགྲོ་དོན་མཛད། །རྗེ་ལོངས་སྤྱོད་རྫོགས་སྐུར་གསོལ་བ་འདེབས། །དབྱིངས་རང་…

པར་དག་པ་དང༌། །བྱང་ཆུབ་སེམས་ཀྱི་འོད་ཟེར་གྱིས། །ཞེ་སྡང་གི་མུན་པ་འཇོམས་པར་མཐོང༌། །འཁོར་འདས་ལ་ཡངས་དོག་མེད་པ་དང༌། །ཆོས་ཀུན་ལ་ཉེ་རིང་མེད་པར་ཁྱབ། །སྤྲུལ་པ་ཀུན་གྱི་གཞིར་གྱུར་པ། །ཕ་བླ་མ་ནམ་མཁའི་དབྱིངས་དང་འདྲ། །མི་བདག་གི་སེམས་ཀྱང་མཁའ་དང་མཚུངས། །རང་བཞིན་ཐོགས་རྡུགས་མེད་པ་དང༌། །སྤྱིར་ཡང་འཆར་བ་ཀུན་གྱི་རྩལ། །སྣང་བ…

བདག་གི་སེམས་ཀྱང་རི་རབ་དང་འདྲ། །རང་བཞིན་གྱི་དག་པར་ཞབས་བརྟན་ཞིང༌། །ཉམས་མྱོང་གི་བང་རིམ་མཛེས་པ་དང༌། །དངོས་གྲུབ་གཉིས་ཀྱི་རྟེན་སར་སྣང༌། །མི་ཁོ་བོའི་བླ་མ་ཅི་འདྲ་བར། །འགྲོ་དྲུག་གི་སེམས་ཀྱང་དེ་ལྟར་ལགས། །དོན་དེ་ལྟར་ལགས་པས་དགོངས་པར་མཛོད། །མཉམ་ཉིད་ལ་ཞོག་ཅིག་དམ་ཚིག་ཅན། །དབྱངས་འདི་ཡང་བླ་མ་ལ་མཆོད་པ་འབུལ། །གནས་འདིར…

༈ ན་མོ་གུ་ར་བེ། རྗེ་མི་གཟུགས་ལ་རྡོ་རྗེ་འཆང་ཆེན་ཏེ། །ཕ་རྩ་བའི་བླ་མ་མ་ལགས་སམ། །གདུལ་བྱ་གང་མོས་འགྲོ་དོན་མཛད། །དེ་བརྒྱུད་པའི་བླ་མ་མ་ལགས་སམ། །དབྱིངས་མཁའ་ཁྱབ་ཀྱི་སྒོ་ནས་འགྲོ་བ་འདུལ། །དེ་རྡོ་རྗེ་འཆང་ཆེན་མ་ལགས་སམ། །སྤྲུལ་པ་སྣ་ཚོགས་ཀྱིས་དོན་མཛད་པ། །ཡི་དམ་གྱི་ལྷ་ཚོགས་མ་ལགས་སམ། །ནུས་མཐུ་ལ་ཐོགས་པ་མེད་པ་སྟེ། །ཆོ…

རྩས་ནི་ཕྱོགས་བཅུར་སྤེལ། །ལུས་རྩ་རླུང་ཐིག་ལེའི་རང་བཞིན་ལ། །བླ་མའི་གསུང་བཞིན་གནད་དུ་བསྣུན། །ཉམས་སྣ་ཚོགས་འཆར་སྒོ་ཇི་སྙེད་ལ། །ཞེན་ཆགས་མེད་པའི་སྐྱོང་ལུགས་འཚལ། །དོན་དེ་ལྟར་ཐུགས་ལ་ཞོག་མཛོད་ལ། །ཅིས་ཀྱང་གནད་དུ་བསྣུན་པར་མཛོད། །བདག་ངེས་མེད་ཀྱི་རྣལ་འབྱོར་རྒྱལ་ཁམས་པ། །དབྱངས་འདི་ཉིད་བླ་མ་ལ་མཆོད་པར་འབུལ། །ཚིག་འདི་…

ན་མོ་གུ་ར་བེ། དབྱིངས་སྐྱེ་བ་མེད་པའི་ནམ་མཁའ་ལ། །མདངས་འགག་པ་མེད་པའི་དཀྱིལ་འཁོར་རྒྱས། །ཐུགས་རྗེའི་འོད་བརྒྱ་འགྱེད་པ་ཡི། །ཕ་བླ་མ་རྡོ་རྗེ་འཆང་ལ་འདུད། །རྗེ་དེ་ཉིད་ཀྱི་ཐུགས་རྗེའི་ཆར་སྤྲིན་ལས། །ཆོས་གདམས་ངག་གི་ཆར་རྒྱུན་ཕབ་པ་དེ། །མི་ཁོ་བོའི་སེམས་ཀྱི་ཞིང་སར་བབས། །འབྲས་བུ་ཉམས་རྟོགས་ཀྱི་ལོ་ཏོག་རྒྱས། ཁྱེད་སྐལ་ལྡན་…