མཁའ་མཐའ་དབུས་མེད་པ་ཡིན། །འཁོར་བ་མྱང་འདས་རང་བཞིན་མེད། །གཉིས་ཀར་འཁྲུལ་བའི་ཆོས་སུ་སྣང༌། །སྤང་བླང་མེད་པའི་དོན་གཅིག་རྟོགས། །ཞེན་མེད་ཀྱི་བསྒོམ་པ་བཤད་ཙ་ན། །སེམས་དང་སྣང་བ་རྣམ་རྟོག་གསུམ། །ཆུ་ལ་ཆུ་བཞག་བཞིན་དུ་ཐལ། །མཉམ་རྗེས་རོ་གཅིག་དམིགས་གཏད་བྲལ། །ལྟ་ཉུལ་རྩོལ་བ་མི་དགོས་སོ། །མན་ངག་གི་རྒྱལ་པོ་དྲན་པ་ཡིན། །སྤྱོད་པ…

མ་ལགས་སམ། །ཉེ་རིང་མེད་པ་མ་བྱུང་ན། །ཕན་སེམས་བྱེད་པ་འདོད་ཞེན་ཡིན། །ཟས་གོས་ལ་ཞེན་པ་ཇེ་རྒྱས་ལ། །འཛིན་ཆགས་མེད་ཅེས་མ་ཟེར་ཅིག །རྒྱུ་འབྲས་ལས་ལ་མི་འཛེམ་ན། །ཐོས་སྒོམ་ཀུན་ཆུ་ལ་ཕོ་བ་ལགས། །སེམས་ཆོས་སུ་སོང་བ་ཞིག་མ་བྱུང་ན། །མན་ངག་ཀུན་ཚིག་ཕྱིར་ལུས་པ་ལགས། །དམ་པ་ལ་སྐུར་བ་འདེབས་སྣང་ན། །ཕྲག་དོག་གི་གདོན་གྱིས་ཟིན་པ་ཡིན། …

ལྟ་བུར་མྱོང༌། །རེས་འཕྲོ་བ་ཙུག་བྱེད་ཀྱང་རིག་སྟོང་གི་ངང༌། །ངོ་བོ་ལྷན་གྱིས་བཞག་ཙ་ན། །རྣམ་རྟོག་ཀུན་གར་སོང་ཆ་མེད་དུ་ཐལ། །དེ་མྱོང་བའི་རིམ་པ་གསུམ་པ་ལགས། །ཕྱི་སྣང་བའི་འཆར་སྒོ་ཇི་སྙེད་དང༌། །ནང་ཉོན་མོངས་རྣམ་རྟོག་ཤར་ཙམ་ན། །རིག་པ་དང་སྟོང་པ་འཕྲོད་པ་འདིས། །རང་སྟོང་ཉིད་དུ་རྗེན་ནེ་འཆར། །དེ་ཀ་ལ་ངོ་ཤེས་རྒྱུན་ཆད་མེད། …

མི་དགོས་པར། །རང་སྟོངས་སུ་འགྲོ་བའི་ངེས་ཤེས་སྐྱེད། །རྟོག་དཔྱོད་ཀུན་ཟད་ཅིང་སིམ་མེར་གདའ། །ནང་དུ་བལྟས་ན་སིང་ངཻ་བ། །ཕྱི་རུ་བལྟས་ན་ཡུལ་ལེ་བ། །དོན་སྤྱི་དང་མ་འདྲེས་ཉམས་སུ་ལོང༌། །ཕྲག་དོག་དང་ཆགས་སྡང་རང་དགར་དག །རྣམ་རྟོག་དང་ཉམས་དང་རྟོགས་པ་གསུམ། །དབྱེར་མེད་དུ་ངོ་ཤེས་ནམ་མཁའ་འདྲ། །ཅི་ཡང་མ་ཡིན་འདུ་འབྲལ་མེད། །ཐ་མལ་གྱ…

སིངས་ཡིན། །མི་ཆང་གིས་བཟི་བའི་ཉམས་བཞིན་ནམ། །གཞོན་ནུ་མ་ཡི་བདེ་བ་དེ། །མྱོང་མ་ཐག་ཏུ་ཡལ་བ་བཞིན། །ཐག་ཆོད་མེད་པའི་བདེ་གསལ་དེ། །ན་བུན་བཞིན་དུ་སྙིང་པོ་མེད། །འགྱུར་མེད་ཀྱི་བརྟན་ས་ཅིག་ཟིན་པ་འཚལ། །འཕྲལ་གོ་ཆོད་ལས་སྣ་ཟིན་ན་ཡང༌། གྲྭ་རོགས་དང་འཁོར་འདབས་ཀྱི་ཆགས་སྡང་གིས། །རང་གཞན་ཀུན་ངན་པར་སྐྱུར་ཉེན་གདའ། །བུ་ལོན་དང་འཚོ…

འཁོར་ལོ་རིན་པོ་ཆེའི་གཏམ་བཞུགས། །ཨོཾ་སྭཱ་སྟི། བགྲང་ཡས་ཤེས་བྱའི་དཀྱིལ་འཁོར་ལས། །ཡེ་ཤེས་བདུད་རྩིའི་འོད་སྤྲོ་བ། །བླ་མེད་སྨྲ་བའི་ཟླ་བ་ནི། །བླ་མ་སངས་རྒྱས་སྲས་བཅས་འདུད། །དྲན་པ་ལེགས་པར་མཉམ་བཞག་ན། །དེ་ལ་ཤེས་བཞིན་ལྡན་པའི་ཤེས་རབ་སྐྱེད། །ཏིང་འཛིན་སྒོ་བརྒྱ་ལྡན་པའི་ཁང་བཟང་མཆོག་བགྲོད་དེ། །རྒྱལ་བའི་ཡོན་ཏན་སེང་གེའི་…

སྔོན་མེད་བྱང་ཆུབ་སེམས་ཀྱི་དཔག་བསམ་ཤིང་ཆེན་ཏེ། །གང་བློ་ནགས་ཀྱི་བདག་པོ་སྐྲུན་འདི་རྨད། །སྲིད་ཞིའི་ཡ་མཚན་དཔག་མེད་རྣམ་པར་འཕེལ་བར་འགྱུར། །གཞན་ཕན་གྱི་བློ་ལྟེ་བ་ལྟར་བརྟན་པའི་གཏམ་མོ། །གང་ཞིག་དཀོན་མཆོག་གསུམ་པོ་ལ། །གུས་པའི་སེམས་ཀྱིས་མཆོད་བྱ་སྟེ། །དེ་ལས་འབྲས་བུ་བདེ་བ་ནི། །བསམ་ཡས་འདི་དང་ཕྱི་མར་འབྱུང༌། །མངོན་དུ་ག…

པའི། །བསམ་པའི་ཁྱད་པར་གསུམ་སྟེ་སྦྱིན་པ་བརྒྱ། །མི་དགེའི་ལས་ལམ་བཅུ་པོ་ཕྱོགས་གཅིག་སྤོང་དང་གསལ་བར་གཞན་ཡང་འགོག་པ་དེ་བཞིན་ཐམས་ཅད་སྤོང༌། །དུས་ཀྱང་ཐུང་དང་རིང་བ་གཞན་ཡང་ཇི་སྲིད་འཚོ་བའི་བར་དང་བདག་ཉིད་སྤོང་དང་སྤོང་འཇུག་དང༌། །ཡི་རང་བསྔགས་པ་བརྗོད་པས་རྣམ་པར་ཕྱེ་ན་ཉེས་སྤྱོད་སྡོམ་པའི་རང་བཞིན་ཕྱོགས་ཀྱིས་བསྒྱུར་བས་བཅུ།…

བརྙན་གསལ་བར་མཚུངས། །འདི་ན་སེམས་ཀྱི་གསལ་བ་ཙམ། །སངས་རྒྱས་རྣམས་ཀྱི་སྙིང་པོ་ཉིད། །བག་ཆགས་ཀྱིས་ནི་རྣམ་བརྟགས་པས། །གནས་དོན་ལུས་སུ་སྣང་བ་བྱུང༌། །སེམས་ཉིད་གཅིག་པུ་འཁོར་བ་དག་དང་ལམ། །བདེ་གཤེགས་ཡོན་ཏན་རྣམས་ཀྱི་ས་བོན་ཏེ། །རང་བཞིན་འགྱུར་བ་མེད་ལས་ཐམས་ཅད་སྐྱེས། །གནས་སྐབས་རྣམ་གསུམ་མངོན་པར་གསལ་བར་སྣང༌། །སེམས་ཀྱི་རང་བ…

རྒྱས་པའི་རིགས་དབྱེ་སྙིང་པོ་བསྟན་པའི་དགོས་པ་ལྔ། །དེ་ལྟ་ན་ནི་སྙིང་པོའི་མདོ་ཡང་དོན་གྱི་རབ་དབྱེ་བརྒྱ་ཕྲག་གཅིག །རང་བཞིན་མྱ་ངན་འདས་ཕྱིར་ནན་ཏན་སྒྲུབས་པས་འབྲས་བུ་སྨིན་འགྱུར་ཉིད། །རང་དོན་དོན་དམ་ཆོས་ཀྱི་སྐུ། །གཟུགས་སྐུ་གཞན་དོན་བརྡའ་ཞེས་བྱ། །བྲལ་དང་རྣམ་པར་སྨིན་པ་ཡིན། །ཡོན་ཏན་མི་ཟད་རྒྱ་མཚོ་བཞིན། །རྒྱུ་སྐར་བདག་པ…

གཞན་ནི་ཏིང་འཛིན་སྟོབས་ཀྱིས་བདེ་བ་མངོན་སྒྲུབ་པ། །དེ་ཡང་མོས་པའི་དགེ་བས་ཟིལ་གྱིས་གནོན་ཞེས་གསུངས། །གང་ཕྱིར་སྦྱིན་པས་ལོངས་སྤྱོད་ཁྲིམས་ཀྱིས་མངོན་མཐོ་དང༌། །ཏིང་འཛིན་ཉོན་མོངས་ཞི་བར་བྱེད་པ་ཙམ་ཡིན་གྱི། །ཤེས་རབ་ཀྱིས་ནི་ཉོན་མོངས་ཤེས་བྱའི་སྒྲིབ་ཀུན་སྤོང༌། །ཀུན་མཁྱེན་འགྲོ་བ་འདྲེན་པར་བྱེད་པའང་ཤེས་རབ་འབྲས། །ཤེས་རབ་…

ཨོཾ་སྭ་སྟི། རྒྱལ་བ་སྤྱན་ལྡན་ལ་ཕྱག་འཚལ། །ཡང་དག་ལམ་ལ་འབད་བྱས་ན། །མྱང་འདས་ཐར་པ་ག་ལ་དཀའ། །རྣམ་དག་ལྟ་བ་འབྲས་བཅས་ལྡན། །རིམ་བཞིན་ཇི་བཞིན་འདི་ཉིད་ནི། །ལྷུན་གྲུབ་ཕུལ་བྱུང་རྫུ་འཕྲུལ་འབྱུང༌། །ཡེ་ཤེས་གཏེར་ཆེན་ཆེས་མཆེད་དེ། །མཆོག་ཁྱོད་འགྲོ་དོན་གཙོ་བོའི་གཙོ། །དེ་ལྟར་རྒྱལ་བ་ཆོས་བཅས་ལ། །ཡང་དག་བཏུད་ནས་ཡང་དག་ལམ། །ལེགས…

ཡོན་ཏན་དྲན་པར་འཚལ། །ཉིན་གསུམ་དེ་བཞིན་མཚན་མོ་ལན་གསུམ་དུ། །སངས་རྒྱས་རྗེས་སུ་དྲན་དེ་གོ་ཏམ་སྲས། །ལེགས་པར་རྣལ་ལ་ལེགས་པར་སད་འགྱུར་ཞེས། །འདྲེན་པ་ཟས་གཙང་སྲས་ཀྱིས་བཀའ་སྩལ་ཏོ། །ཆགས་སྡང་ལ་སོགས་དྲི་མ་ཐག་སྲིངས་པས། །ཐོས་ལ་སོགས་པ་ཐོག་མཐའ་བར་དུ་དགེ །འཕགས་ལམ་ཡན་ལག་རྣམ་པ་བརྒྱད་གང་དག །བྱང་ཆུབ་གསུམ་ལ་ཡང་དག་བསྟོད་པར་བྱེ…

བའི་ཡོན་ཏན་དྲན་པས་ལྷག་པར་སྤྱོད། །ཚུལ་ཁྲིམས་འཆལ་བའི་དྲི་སྤངས་ཚུལ་འཆལ་གྱི། །རྒྱུ་བཞི་ལས་ནི་ཤིན་ཏུ་ཐག་སྲིངས་དང༌། །མི་སྡུག་ལ་སོགས་གཉེན་པོ་ལ་བརྟེན་དང༌། །མྱང་འདས་བསམ་པ་ལ་བརྟེན་ཁྲིམས་ཀྱི་མཆོག །རང་གི་རིགས་ཀྱི་འགྲོ་བ་ལས་ལྷག་པ། །འདོད་པའི་ཁམས་དང་གཟུགས་ན་སྤྱོད་རྣམས་ཀྱི། །ལྷ་རྣམས་དག་གི་ལུས་དང་ལོངས་སྤྱོད་དང༌། །བས…

བདུད་རྩིའི་འབྱུང་གནས་ཚུལ་ཁྲིམས་ཏེ། །ཐར་པའི་གྲོང་དུ་འཇུག་ལ་ཐེམ་སྐས་མཆོག །ངན་འགྲོའི་སྡུག་བསྔལ་རྒྱུན་གཅོད་འཁོར་ལོ་སྟེ། །རློམ་སེམས་མེད་པའི་ཚུལ་ཁྲིམས་བདེ་བའི་ལམ། །ཐར་འདོད་རྣམས་ཀྱི་རྣ་བར་མི་རྩུབ་ཅིང༌། །ལེ་ལོ་ཅན་ལ་སྒྱིད་ལུག་མི་སྐྱེད་པ། །འཕགས་པས་རབ་བསྔགས་བསྟན་བཅོས་ལས་བྱུང་གཏམ། །རྒྱལ་བའི་གསུང་བཞིན་མཉན་པར་འོས…

ལོངས་སྤྱོད་མཆོག་གི་རྒྱུ། །ངོ་ཚ་ཤེས་པའི་རྒྱན་ནི་མཆོག་ཏུ་མཛེས། །ལྷ་དང་ཕ་མ་རྒན་རབས་འཕགས་རྣམས་ཀྱིས། །བདག་ལ་ཁྲེལ་བར་འགྱུར་ཞེས་མི་དགེ་ལས། །ཤིན་ཏུ་འཛེམ་པའི་མཁྱེན་པ་སྐྱེད་པར་འཚལ། ཁྲེལ་ཡོད་གོས་ནི་ལྷ་རྫས་ཀུན་པས་མཆོག །གཞན་དག་ཁྱད་དུ་མི་གསད་བག་ལྡན་པས། །འོས་པ་མ་ཡིན་བྱ་བ་ངན་བཏང་ནས། །དམ་པས་བསྔགས་པའི་སྤྱོད་ལ་དགེས་པར…

སྲིད་མཆོག་སྤྱོད་པའི། །འཁོར་ལོ་སྒྱུར་བའི་གཙོ་བོ་རུ། །རྒྱ་ཁྱོད་དགེ་ལེགས་བརྟན་གྱུར་ཅིག །དེ་སྐད་སྨྲ་བ་དགེ་སློང་ཚུལ། །ཏཱ་ར་ནཱ་ཐ་ཞེས་བྱ་བས། །མཆོག་ཏུ་གཤིན་པའི་སེམས་ཀྱིས་ཏེ། །སླར་ཡང་ཡང་ཡང་གསོལ་བར་བགྱི།། །།དགེའོ། །

ཨོཾ་སྭཱ་སྟི། སྐྱབས་གནས་རིན་ཆེན་གསུམ་ལ་གུས་བཏུད་ནས། །རང་གི་སེམས་ལ་ཤར་བའི་ཚིག་འདི་སྨྲ། །དབེན་པའི་རི་བོར་མཉམ་བཞག་བྱེད་དོ་སྐད། །གཞན་གྱི་མིག་ངོར་ཕོ་ཚུགས་བཟང་ན་ཡང༌། །བརྟགས་ན་སེམས་དང་ཆོས་སུ་མ་འདྲེས་པ། །འདི་འདྲ་དམ་ཆོས་གཤའ་མ་ག་ལ་ཡིན། །ད་ནི་སྙིང་ནས་སྒྲུབ་པ་བྱེད་རེ་རན། །ཚེ་འདིའི་མདུན་མ་སྐྱུངས་དང་སྙིང་མེད་པོ། །…

རེ་ཞིག་ཚེ་འདི་ཁོང་ལ་གཅགས་པ་ཡི། །གཞན་དོན་ལྟར་སྣང་བོར་ལ་རང་དོན་མཆོག །དམ་པའི་ཆོས་ལ་སྒྲིལ་བའི་དུས་སུ་གདའ། །དེ་ལྟར་ལགས་པས་ད་དུང་བསམ་མནོ་ཐོང༌། །ཞེས་རང་ལ་བསྐུལ་པ་འདི་ཡང་ཏཱ་ར་ནཱ་ཐས་བསམ་སྡིངས་སུ་རང་ལོ་ཉེར་གསུམ་པ་ལའོ།། །།མངྒལཾ།། །།

རང་གི་རྟོགས་པའི་གླུ་དབྱངས་སོ། །ཨོཾ་སྭཱ་སྟི། བླ་མ་རྣམས་ལ་ཕྱག་འཚལ་ལོ། །སྐྱབས་འགྲན་ཟླ་མེད་པའི་བླ་མ་རྗེ། །མཚན་ཐོས་པ་ཙམ་གྱིས་དོན་མཆོག་ལྡན། །ཡིད་གུས་པས་སྙིང་ནས་གསོལ་བ་འདེབས། །བདག་མོས་པའི་བུ་ལ་བྱིན་གྱིས་རློབས། །ཆོས་ཀྱི་རྩ་བ་རྣམ་པ་གསུམ། །མཚན་ལྡན་བླ་མར་མོས་གུས་དང༌། །སྙིང་རྗེ་བྱང་ཆུབ་སེམས་སྒོམ་དང༌། །དམིགས་མེད…