གཏེར་གྱི་དོན་ལ་ལོངས་སྤྱོད་པ་ཤེས་པར་གྱིས་ཤིག །ཅེས་དང་། ཡེ་ཤེས་གསང་བའི་རྒྱུད་ལས། སུ་ཞིག་ཐུགས་ཀྱི་དཀྱིལ་འཁོར་དུ། །གཏེར་དང་ལྡན་ན་ཁྱད་པར་ཆེ། །ཞེས་དང་། སྒྱུ་དྲྭར། ཁོང་ནས་གབ་སྦས་དོན་འབྱིན་པ། །སྟོན་པ་རྡོ་རྗེའི་ཐུགས་ལ་གནས། །ཞེས་སོ། །དེ་ལ་བརྒྱུད་པ་མེད་ཟེར་ན། རྒྱལ་བས་དགོངས་པ་ཉིད་ཀྱི་ཚུལ། །དགོངས་པས་བབས་པ་དབང་གི…

འོད་ཟེར་གྱིས་སྔོ་རལ་གྲི་པགས་པ་འཇམ། །དགའ་བའི་ནགས་ཚལ་གོས་ནི་ཡིད་རྗེས་འགྲོ། །མཐུ་ལྡན་མཆིལ་ལྷམ་ཁང་ཁྱིམ་གཞལ་དུ་མེད། །རེག་འཇམ་གཟིམས་ཆ་འདི་ཡིས་ཐོབ་པར་འགྱུར། །ཅེས་སོ།། ༈ །།རེག་ཟིག་ཅེས་པ་ཟིན་བྲིས་ཀྱི་བརྡ་རྙིང་། དོན་བློ་ལ་གང་ཟིན་ཙམ་བྲིས་པའོ།། ༈ །།མཧཱ་པཉྩའི་རྣམ་ཐར་དུ། དགྱེས་རྡོར་བསྙེན་ཆེན་མ་སོང་བར་སློབ་བཤད་མི་…

དང་ནི་གུའི་ཁྲིད་ངག་ནས་བཤད། ལྷག་མ་ཁྲིད་བརྒྱ་ལུང་ཁྲིད་ཀྱི་ཚུལ་དུ་རྫོགས་པར་གནང་ཚུལ། མདོ་རྒྱན་ཐོགས་མེད་ཊཱི་ཀ་དང་། འགྱེད་གཉིས་རོང་ཊིཀ་ལྟར་གསན། དུས་འཁོར་ལྷ་དགུ་ལ་བརྟེན་ནས་རྒྱུད་སྡེ་གཞན་གྱི་རུང་མཐུན་སྦྱར་བའི་བསྙེན་པ་གནང་། སྦྱོར་དྲུག་ཟླ་བ་གསུམ་བསྒོམས་པས་སོར་སྡུད་མཐར་ཕྱིན་བུདྡྷ་གུལྟར་ཕྱག་རྒྱ་བཞིའི་སྙིང་པོ་ཞེ…

སྐྱེས་རབས་བརྒྱ་རྩ་རྒྱན་གྱི་མེ་ཏོག་གི་ལུང་གནང་ཚུལ། འབྲུག་གསར་གྱི་ཡིག་ཆར་ཐུགས་མ་མགུ་ཚུལ་དང་། ཕྱག་ཆེན་ལ་རྣམ་བདུན་དཔྱད་པའི་རིགས་པ་དང་། འཇུག་པའི་གཏན་ཚིགས་སྦྱོར་བ་སོགས་ལ་ཐུགས་མ་རངས་པར་གནང་། སྒྲུབ་ཐབས་རྒྱ་མཚོའི་ནང་འགའ་ཞིག་མ་ཚང་བ་ཐར་པ་ནས་རྒྱ་དཔེ་བླངས་ཏེ་གསར་དུ་བསྒྱུར་ཚུལ། གསུང་རྩོམ་ཆེ་ཁག་ཐམས་ཅད་ལ། གསོལ་བ་ཡུ…

ལེགས་བཤད་གསར་པ་དུ་མས་བརྒྱན་ཏེ་བཤད་པར་སྡེ་པ་ཕུན་ཚོགས་རྣམ་རྒྱལ་གྱིས་ཟིན་བྲིས་བྱས་པ་ལེགས་པོ་བྱུང་ཚུལ་སྣང་། བདུད་རྩི་རིལ་བུར་ཆོས་རྒྱུན་སྣ་ཚོགས་པའི་བྱིན་རླབས་རྟེན་དེ་ངོ་ཏི་བཟང་ཡང་། བརྒྱུད་པའི་སེལ་དུ་འགྲོ་གསུངས་ནས་བསྲེ་བར་མི་མཛད་པ་བླ་མ་གོང་མ་བརྒྱུད་པ་ནས་བརྒྱུད་པའི་མྱོང་གྲུབ་ཡིན། སློབ་དཔོན་པཱུརྞ་བཛྲ་དང་གསུ…

བཅས་པ་མཛད་དོ། །མངྒ་ལཾ།། ༈ །།སྔ་འགྱུར་རྙིང་མའི་བསྙེན་སྒྲུབ་སྤྱིའི་ཆིངས་ལས། སྤྱིར་ཐོར་ཐུན་ལ་མཆོད་པ་བྱིན་རླབས་ཡན་རྒྱས་པ་དང་། སྔ་ཕྱིའི་ཐུན་གཉིས་ལ་ཏིང་འཛིན་གསུམ་ནས་བཟུང་བསྟོད་པ་ཡན་རྒྱས་པར་བྱ། སྲོད་ཐུན་ལ་ཚོགས་སྐོར་སོགས་རྗེས་ཆོག་རྣམས་རྒྱས་པར་བྱ། ཐོར་ཐུན་ལ་དངོས་གཞི་དང་རྗེས་ཀྱི་བྱ་བ། སྔ་ཕྱིའི་ཐུན་གཉིས་ལ་སྔོན…

དང་གཏོར་བསྔོས་སོགས་ཕྱི་ཐུན་དང་སྲོད་ཐུན་ཀྱི་མཚམས་སུ་མཛད་སྲོལ་འདུག་ཀྱང་། སྲོད་ཐུན་གྱི་ནང་དེར་འོད་གསལ་ལ་ཞུགས་ནས་ཐུན་མཚམས་ཀྱི་ལྷ་སྐུར་མ་ལྡང་བའི་བར་དུ་བྱ་བ་ལེགས་གསུངས།མཚམས་ཁང་ནས་ཀ་ཅ་ཕྱིར་མི་བཏང་། ནང་དུ་ལེན་དགོས་རྣམས་ཀྱང་ཞག་མ་འདའ་བར་མ་ཡིན། ལེན་དུས་ཀྱང་ལྷའི་ང་རྒྱལ་བརྟན་པོས་བགེགས་བསྐྲད་ཅིང་བྲབས་བདུག་བྱ། མཚམ…

འགྱུར་བ། སྔགས་བྱེ་སྙེད་དུ་འགྱུར་བ་སོགས་ཕན་ཡོན་དཔག་ཏུ་མེད། དེ་ནས་རྡོར་སེམས་སྒོམ་བཟླས་དང་། སྐྱ་རེངས་ལ་ཕྱག་འཚལ་བླ་མའི་རྣལ་འབྱོར་གནད་དུ་བསྣུན། ཐུན་གྱི་དངོས་གཞིར་རྒྱུན་གྱི་ཡི་དམ་བསྒོམ། བཟླས་པ་ཅི་ནུས་མཐར་དབྱངས་གསལ་རྟེན་སྙིང་གིས་ཁ་བསྐང་། བུམ་ཅན་བཟུང་། རྩ་འཁོར་ཀུནས་གང་བར་བསམ། བདུད་རྩི་རིལ་བུ་བཟའ། ལྷ་སྐུ་ནཱ་…

ཤེར་ཟློག་དང་། སྔགས་ཟློག་བྱ། ཐུན་བཞི་པ་སྲོད་དུས། ལྷ་དྲག་པོའི་བཟླས་སྒོམ་གང་ལྕོགས་དང་། ཁྱད་པར་ཧཱུྃ་བཟླས་བྱ། ཙཎྜ་ལཱི་བསྒོམ། དེ་མཐར་ཕུང་པོ་མཆོད་སྦྱིན་དང་སྨོན་ལམ་རྣམ་པར་དག་པས་རྒྱས་བཏབ། ཉལ་བའི་རྣལ་འབྱོར་གྱིས་ཉལ་ཞིང་འོད་གསལ་དང་རྨི་ལམ་ངོས་ཟིན་པར་བྱ། མདོར་ན་དུས་རྒྱུན་དུ། བླ་མ་ལ་མོས་གུས། ཡེངས་མེད་ཀྱི་དྲན་པ། སེ…

བཅས་པའི་རྣམ་པར་ཞུགས་པར་བཞེད། རྒྱུད་བླ་དབུ་མ་རང་རྒྱུད་དུ་བཞེད་པ་ལེགས་ཚུལ་ཀུན་ཚུལ་བས་བཤད། ལྷ་བབས་དུས་ཆེན། ཟླ་དགུ་ཚེས་ཉེར་གཉིས་ལ་འདོད་པ་ནི་དུས་དངོས་དང་། ཡང་ཟླ་དགུ་ཚེས་བཅོ་ལྔ་ལ་འདོད་པ་ནི། ཚེས་ཉེར་གཉིས་ལ་ཕེབས་པར་འགྱུར་ཞེས་གཏམ་ཐོས་པའི་གཏམ་སྙན་གྱི་དུས་ཆེན་ཡིན་ནོ། །ཝཱ་རཱ་ཎ་སཱིར་ལྔ་སྡེར་ཆོས་གོས་ཟླུམ་པོར་བགོ་…

རྣམས་ལ་ཆུའི་སྦྱིན་པ་རྒྱ་ཆེན་པོ་བགྱིས་པ་འདི་ལ་བརྟེན་ནས། ཆུ་དེའི་བདག་པོ་ཀླུ་ཡིན་པས་ཀླུའི་རྒྱལ་པོ་དགའ་བོ་དང་། ཉེ་དགའ་བོ་ལ་སོགས་པ་མདོར་ན་སྲིད་པ་འདི་ན་རླན་ཤིང་གཤེར་བ་ཆུ་ཀླུང་། ཆུ་མིག །རྫིང་བུ་སོགས་ཀྱི་བདག་པོ་རྣམས་དམིགས་ཡུལ་དུ་བྱས་ནས། དགེ་བའི་རྩ་བ་དེས་སྦྱིན་པའི་བདག་པོ་དང་ཀླུ་རྣམས་ལམ་ལྔ་རིམ་གྱིས་བགྲོད་ནས་ས…

གནས་སྐབས་ཡིན་ཏེ་དེའི་ཚེ་ཞི་གནས་དང་ལྷག་མཐོང་ཟུང་དུ་འབྲེལ་བའི་རྟོགས་པ་ཁྱད་པར་ཅན་གོང་ནས་གོང་དུ་གོམས་པར་བྱེད་ཅིང་། ཡང་དག་པའི་རྟོག་པ་ལ་སོགས་པ་རྣལ་འབྱོར་པའི་ཏིང་ངེ་འཛིན་གྱི་ཚོགས་ཀུན་ནས་འཕེལ་བར་བྱེད་པའི་ཕྱིར་རོ། །དོན་གྱི་མཆོག་ནི། མཐར་ཕྱིན་པའི་ལམ་གྱི་སྐབས་ཡིན་ཏེ། རང་བཞིན་གྱི་དོན་གཉིས་ལྷུན་གྲུབ་ཏུ་འབྱུང་བའི་…

བརྟེན་དང་དབང་བསྐུར་བྱ་བ་ལའོ། །ཡུངས་ཀར་བྱེ་མ་ཐལ་ཆེན་ལ། །རིག་པ་བཟླས་ནས་བསྣུན་བྱ་ཞིང་། །སྦྱིན་སྲེག་ཆོ་གའི་བྱ་བ་ཡིས། །རྟེན་བཅས་བག་ཆགས་འབད་དེ་བསྲེག །ངན་སོང་སྦྱོང་བའི་སྐུ་གསུང་ཐུགས། །བཞུ་བའི་ཆུས་བཀང་བུམ་པར་བླུགས། །རྡོ་རྗེའི་གླུ་བླངས་རིག་པ་བཟླ། །མ་ལུས་དྲི་མ་བཀྲུ་བར་བྱ། །ཨོཾ་ཨཱ ཤྲཱི་སརྦ་དུརྒ་ཏི་པ་རི་ཤོ་དྷ་ན…

དབྱངས་གསལ་བཟླ། མཆིལ་མ་འགྲིམ་ལམ་དུ་མི་འདོར། གཞན་དུ་འགྲོ་དགོས་བྱུང་ན་གདན་གྱི་ཁར་ཕྲེང་བ་སྦྲུལ་མདུད་ཀྱིས་བཞག་པ་སོགས་སྤང་བླང་རྒྱས་པ་སྔགས་སྡེབ་སོགས་ལས་འབྱུང་བ་ལྟར་ཤེས་པར་བྱའོ།། ༈ །།ཚེ་རྟེན་ཨ་ལ་སྲོག་རྟེན་ནཱཾ། བསོད་ནམས་བློ་ལ་དབང་ཐང་ཛ༔ ཞེས་སོ།། ༈ །།ཞི་བ་སྤྱིའི་རྒྱན་ཆས་ཕྱི་འགྱུར་གྱི་སྐབས་སུ། དར་གྱི་རྒྱན་དང་། …

ལས་འཕྱང་འཕྲུལ་ཅུང་ཟད་དང་བཅས་པ། ལག་གདུབ་༤ནི། རིན་པོ་ཆེའི་གཞུང་གསུམ་གྱི་བར་དུ་རིན་པོ་ཆེའི་ཕྲེང་བས་སྦྲེལ་བ། ཆེ་བ་གཉིས་ཀྱིས་དཔུང་པ་དང་། ཆུང་བ་གཉིས་ཀྱིས་མཁྲིག་མ་གཉིས་བརྒྱན་པ། རྐང་གདུབ་༥ནི། ལག་གདུབ་དང་འདྲ་བ་ལས། ཐ་མ་གཉིས་སུ་རིན་པོ་ཆེའི་ཟ་ར་ཚག་མང་པོ་འཕྱང་བ། སྐེ་རགས་༦སམ་འོག་ལྤགས་སམ་རྐེད་རྒྱན་ནི། དབུས་དང་གཡས་…

ལྔ། དེ་སྟེང་སྔར་གྱི་རིན་པོ་ཆེའི་རྒྱན་བརྒྱད་བསྣན་པས་རྒྱན་ཆས་བཅུ་གསུམ་མོ།། ༈ །།སྦྱང་ཆས་བྱང་བུ་སོགས་ཀྱི་གཡས་ནས་རིམ་བཞིན། གཏོར་མ༡། ཏིང་ལོ་ཆང་བུ་སོགས་རེ་རེ་ནས་བཤམ། རྟེན་ལ་བསྐོར་དུས་དང་པོ་དབུས་དང་དེ་ནས་གཡས་གཡོན་ལེན། སློབ་དཔོན་གྱིས་གཡས་མཆོག་སྦྱིན་དང་གཡོན་སྐྱབས་སྦྱིན་གྱི་ཕྱག་རྒྱ་དང་བཅས་ནམ་མཁའ་མཛོད་ཀྱི་སྔགས་…

ལ་གོས་ལིང་དར་སོགས་བཤམས་པར་བཤད་ནའང་པར་བཀབ་མེད། བྱང་སྲེག་སྐབས་བདག་མདུན་གྱི་འོད་ཟེར་སྤྲོ་བསྡུ་སོགས་ནི་རིག་བཟོ་ཙམ་སྟེ། ཆོས་ཐམས་ཅད་བདག་མེད་པའི་གནས་ལུགས་ལ་བློ་བཞག་པ་ཁོ་ནས་འཐུས། ཞག་གསུམ་ལྟ་བུའི་ཚེ་ཆོ་ག་དང་འཕོ་བ་སྦྲེལ་མ་བྱེད་ན། ཕུང་པོ་ཉིད་བསང་སྦྱང་ནས་ཟས་གཏད་པར་དཀྱུས་ལྟར་གསལ་འདེབས་དང་། འཕོ་བ་སོགས་དཀྱུས་ལྟར་ད…

དུ་བྱས་པ་ཉིད་བཟླས་ཡུངས་དང་བྱེ་མ་བཅས་རྒྱ་མཚོར་འབབས་པའི་ཆུ་བོར་སྤྱན་འདྲེན་པ་ལེགས། བདུན་ཚིགས་ཀྱི་དོན། ཤི་ནས་ཞག་བདུན་གྱི་ཚེ་བདུན་དང་པོ་སོགས་རིམ་པར་འཛིན་པའི་ཁུངས། སྦྱོང་རྒྱུད་ལས། ལྷ་ཡི་བུ་ནོར་བུ་དྲི་མ་མེད་པ་ཤི་ནས་ཞག་བདུན་ནས་ངན་སོང་དུ་སྐྱེ་བར་གསུངས་པ་དང་འབྲེལ། གཞན་དག་ཞག་གསུམ་པར་རྣམ་ཤེས་ཕུང་པོར་གནས་པས། བདུ…

རབ་ཀྱིས་ལམ་བསྟན་ན་གྲོལ་བར་ནུས་པ་དང་། འབྲིང་གིས་ཀྱང་ངན་སོང་གི་སྐྱེ་བ་ལས་ལྡོག་པར་འགྱུར་བ་དང་། ཐ་མས་ཀྱང་ཆོ་ག་ཚུལ་བཞིན་དུ་བྱས་པས་ཅི་རིགས་པའི་སྨན་ཡོན་དུ་འགྱུར་བས་ན་བསྙེན་པ་ལས་སུ་རུང་བས་ཆོ་ག་ཚད་ལྡན་གྱིས་རྗེས་སུ་འཛིན་པ་ཤིན་ཏུ་གལ་ཆེའོ། ༈ །འོད་དཔག་མེད་ཀྱི་སྒོ་ནས་འཕོ་བའི་རྣལ་འབྱོར་ཟབ་མོའི་དམིགས་རིམ། རང་དང་གཞན…

ཀྱི་ཐུགས། རང་སེམས། ཚེ་འདས་ཀྱི་རྣམ་ཤེས་བཅས་དབྱེར་མེད་དུ་ཅུང་ཟད་རེ་མཉམ་པར་བཞག །ཡང་སྔར་ལྟར་ཨ་ཡིག་ཞིག་གསལ་བཏབ་ལ་འཕོ་བ་སོགས་ལན་གསུམ་མམ་ཡིད་ཆེས་མ་སྐྱེས་བར་བསྐྱར། ཡང་ན། ཨ་ཕྲཊ་ཚར་གསུམ་གྱི། དང་པོས་ཨ་ཡིག་དེ་སྙིང་ག་ནས་མགྲིན་པར། གཉིས་པས་སྤྱི་བོར། གསུམ་པས་འོད་དཔག་མེད་ཀྱི་ཐུགས་ཀར་འཕོ་བ་ཡང་ཡོད་དེ་གང་བདེ་བྱའོ། །འདི…