ཅད་ལ་ཁྱབ་པའི་ཆ་ནས་གཤེགས་སྙིང་། ཆོས་སྐུའི་རྒྱུ་བྱེད་པའི་ཆ་ནས་གནས་རིགས་ཞེས་བཏགས། དེས་ན་རྒྱུ་རྒྱུད་པའི་གནས་སྐབས་ལ་མ་དག་པའི་སྣང་བ་སྣ་ཚོགས་ཡོད་པའི་ཆ་ནས་སྦྱང་གཞིར་འགྱུར་ཞིང་། དེ་ལ་མ་དག་པའི་སྣང་བ་ཞེས་བཤད། རང་གི་ངོ་བོ་སྦྱང་རྒྱུ་མེད་པས་སྦྱང་གཞིར་མི་འགྱུར། དེས་ན་ངོ་བོ་ལ་ལྟོས་ན་གནས་འགྱུར་མེད་ཅིང་། ཡོན་ཏན་ལ་ལྟོ…

དཔྱད་དགོས།། ༈ །།གངས་རི་རྡོ་རྗེའི་དཀའ་འགྲེལ་གྱི་རྒྱ་དཔེ་ངོར་ན་ཡོད། འོན་ཀྱང་དེའི་ཁ་ཡིག་ཏུ། ཀ་མ་ལ་ཀཱུ་ལི། ཞེས་སྣང་བས། ཕྱག་ལེའི་དྲིས་ལན་ལས། གཞན་དགེས་པ་རྡོ་རྗེའི་འགྲེལ་པ་སློབ་དཔོན་ནག་པོ་པ་དང་། སློབ་དཔོན་ཀ་མ་ལ་ཀཱ་ལི་ཤས་མཛད་པ་དང་། ཅེས་སྣང་བ་དེ་ཡིན་ནམ་སྙམ། དེ་ལྟ་ན་པདྨ་རྡོ་རྗེ་ཤེས་པར་འགྱུར་མོད། འོན་ཀྱང་སློབ་…

ལ་ལར་སེམས་ཙམ་སྟོན་པ་ཆོས་གྲགས་ཀྱི་རྣམ་འགྲེལ་ལྟ་བུ་སྟེ། གཞུང་གཅིག་གི་ནང་དུ་གྲུབ་མཐའ་དུ་མ་སྟོན་པ་ལ་དགོངས་སོ། །དེས་ན་ཀུན་བཏུས་པའི་མདོ་སྡེའི་སྐབས་རྣམས་དེའི་མཚན་གཞིར་བཞག་པ་སྟེ། ཡ་གྱལ་གྱི་མིང་ཚོགས་པ་ལ་བཏགས་ཀྱི། རིལ་པོར་མདོ་སྡེ་པར་བཞེད་པ་ག་ལ་ཡིན། དེས་ན་གངས་ཅན་དུ་མདོ་སྡེ་བའི་གཞུང་རང་རྐང་ཚུགས་པ་ནི་སུས་ཀྱང་མི་…

དང་། །འབྲས་བུའི་འགྲེས་རྐང་བཅུ་གཉིས་སོ། །དེ་ལྟར་འགྲེས་རྐང་བརྒྱ་རྩ་བརྒྱད། །ཤེས་ན་འབུམ་དོན་བཀླགས་ཆོག་ཡིན། །དང་ཞེས་བྱ་བའི་འབྱེད་ཚིག་རྣམས། །སོ་སོར་ཆོད་ལ་ཚིག་ཚིག་རྣམས། །དོན་མང་ཡོད་ཀྱང་བསྡོམས་ལ་བགྲངས། །ཞེས་པའང་རོང་སྟོན་གྱི་རྣམ་བཤད་ལྟར་བྲིས་བ་ཤུ་བྷཾ།། ༈ །།རྗེ་བཙུན་མི་ལས། ཐམས་ཅད་ཡོད་ཀྱང་སྔགས་པ་ཀུན་རྫོབ་ཏུ་བས…

ནང་འགྱུ་བའི་ཡིད་ཀྱི་རྣམ་ཤེས་འདི། །མ་རྟོགས་དུས་ན་མ་རིག་པ། །ལས་ཉོན་ཀུན་གྱི་གཞི་རྩ་ཡིན། །རྟོགས་ན་རང་རིག་ཡེ་ཤེས་ཏེ། །དཀར་པོའི་ཡོན་ཏན་རྫོགས་པར་འགྱུར། །མཐར་ཐུག་དོན་ལ་ཡེ་ཤེས་མེད། །ཆོས་རྣམས་ཟད་སར་སྐྱོལ་ལོ་གསུངས། །ཞེས་སོ། །དེས་ན་གཞི་འཁོར་འདས་གཉིས་གདོད་མ་ནས་གྲོལ་བ་སྟེ། འཁོར་བ་རང་གྲོལ་གཞི་ཡི་གནད། །སྙིང་པོའི་དོ…

ནུས་པ་མ་ཐོབ་པའི་སྤྱོད་པ་དཀའ། །ཞེས་གསུངས་པའི་ཕྱིར་རོ། །དེས་ན་གཞི་ལམ་འབྲས་གསུམ་ཐམས་ཅད་གནས་ལུགས་ཟུང་འཇུག་གཅིག་ཉིད་ལ། སྒྲིབ་གཡོགས་བཅས་པ་དང་། ཅུང་ཟད་བྲལ་བ་དང་། མཐའ་དག་བྲལ་བའི་རིམ་པ་མ་གཏོགས་གཞི་ལམ་འབྲས་གསུམ་ངོ་བོ་དབྱེར་མེད་དུ་སྨྲ་བ་འདི་ནི། རྣལ་འབྱོར་དབང་ཕྱུག་མར་མི་དང་། རྗེས་བཙུན་ས་སྐྱ་པ་ཡབ་སྲས་ཀྱི་བཞེད་པ་…

དགོངས་པ་ལ། ལོ་ཙཱ་བས། དར་ཡུག་གི་རི་མོ་རྡུལ་ཕྲན་ལ་ཡོད་པ་བཞིན་དུ། སངས་རྒྱས་ཀྱི་ཡེ་ཤེས་སེམས་ཅན་ཀྱི་སེམས་ལ་ཡོད་པ་དེ་གང་ཡིན་ཞེ་ན། ཆོས་ཀྱི་དབྱིངས་སོ། །དེ་ཇི་ལྟར་ཡེ་ཤེས་ཡིན་ཞེ་ན་བཅོམ་ལྡན་འདས་ཀྱིས་ཆོས་ཐམས་ཅད་མཚན་ཉིད་མེད་པར་སྐད་ཅིག་དང་ལྡན་པའི་ཤེས་རབ་ཀྱིས་མཁྱེན་པས་ན། ཤེས་རབ་དེ་ཤེས་བྱ་དང་རྣམ་པར་དབྱེ་བ་མེད་དོ། །…

ཏུ་གལ་ཆེ།། ༈ །།ནག་པོའི་རིམ་གཉིས་ཀྱི་ཟིན་བྲིས་བཞུགས་སོ། །རྣལ་འབྱོར་དབང་ཕྱུག་སྤྱོད་པའི་རྡོ་རྗེའི་ལུགས་ཀྱི་འཁོར་ལོ་བདེ་མཆོག་གི་ལམ་གྱི་རིམ་པ་ལ། སྐལ་བ་དང་ལྡན་པའི་གང་ཟག་སྦྱིན་བྱ་བཞི་བྱིན་ནས་བསླབ་བྱ་གཉིས་ལ་བསླབས་ཏེ་གྲོགས་སྤྱོད་པ་གསུམ་གྱིས་མཚམས་སྦྱར་བས་འབྲས་བུ་སྐུ་གསུམ་ཡེ་ཤེས་ལྔ་འགྲུབ་པ་ཞིག་བཞེད་དོ། །དེ་ལ་ད…

དེའི་ལམ་གྱི་རིམ་པའང་འདི་ཡིན་ཏེ། སྔོན་འགྲོ་ལ་གཞན་ལཱུ་ཧི་པ་དང་འདྲ། དག་པ་གསུམ་ལ་ངག་དང་ཡིད་དང་ལུས་དག་པ་རིམ་བཞིན་བསྒོམ། མཉམ་བཞག་གི་རྣལ་འབྱོར་བསྐྱེད་རྫོགས་གཉིས་ལས། སྔ་མར། དང་པོ་སྦྱོར་བ། དཀྱིལ་འཁོར་རྒྱལ་མཆོག་ལས་རྒྱལ་མཆོག་གོ། །དང་པོ་ལ་གཉིས་ཏེ། སྔོན་འགྲོ་དང་། དངོས་གཞིའོ། །དང་པོ་ལ་ཚད་མེད་བཞི་མི་བསྒོམས་པ་མ་གཏོ…

བདེ་གཤེགས་རྣམས་སྤྱན་དྲངས་ཏེ། བདག་གི་ཞལ་དུ་ཞུགས་ནས་སྙིང་གར་ཞུ། རྡོ་རྗེའི་ལམ་ནས་ཡུམ་གྱི་པདྨར་བབས་པ་ལས། ཡབ་ཡུམ་གཉིས་འོད་དུ་ཞུ་ནས་བྱང་ཆུབ་སེམས་ཀྱི་རང་བཞིན་ཐིག་ལེར་གྱུར། དེ་ནས་ཐིག་ལེ་ལས་བྱུང་བའི་སངས་རྒྱས་རྣམས་ཀྱི་སྔགས་ཀྱིས་བསྐུལ་བས་ཐིག་ལེ་ཧཱུྃ་ཨོཾ་དུ་གྱུར་པ་ལས་འབྲས་བུའི་རྡོ་རྗེ་འཛིན་པ་སྔོན་པོ་ཡུམ་དང་བཅས་…

ལས་རྟེན་དང་བརྟེན་པར་བཅས་པའི་དཀྱིལ་འཁོར་གྱི་འཁོར་ལོ་གཅིག་ཆར་དུ་ཤར་བའོ། །དེ་ཡང་ཕྱིར་སྤྲོ་བ་དང་ནང་དུ་ལུས་ལ་བསྒོམ་པ་དུས་མཉམ་པའོ། །གསུམ་པ་ལས་རྒྱལ་མཆོག་ནི། ཡེ་ཤེས་པ་དགུག་གཞུག །དབང་བསྐུར། མཆོད་པ། དག་དྲན་ནོ། །གཉིས་པ་རྫོགས་རིམ་ནི་དཔྱིད་ཐིག་གི་མན་ངག་ལྟར་ཤེས་པར་བྱའོ། །གཉིས་པ་མཉམ་ལངས་ཀྱི་རྣལ་འབྱོར་ལ་གསུམ། བཟླས་…

བར་བཞི་པོ་རིམ་བཞིན་རྩ་ཡི་གེ་དང་བཅས་པ་དང་། དབུས་སུ་དྷཱ་ཏི། གཡས་སུ་གྱེན་མེ་མ། གཡོན་དུ་ཟུར་གཉིད་མ་ཡི་གེ་དང་བཅས་པ་བསྒོམ། དེ་འོག་གཤང་སྒོར་རླུང་དང་སུམ་མདོར་མེ་དཀྱིལ་ཀྱང་བསྒོམ་སྟེ། དེ་ལ་རྒྱུད་ནི་འཁོར་ལོ་བཞི་སོགས་ལུས་ལ་ཡེ་ནས་གནས་པ་ཡིན་ལ། རིམ་པ་ནི་དེ་རིམ་གྱིས་གསལ་བཏབ་པ་མཐར་ཕྱིན་པའི་ཚད་ནི་རྩ་གསུམ་འཁོར་ལོ་དྲུག…

དང་པོ་གཅིག་དང་། དེ་ནས་རྗེ་མང་གིས། མཐར་ཐམས་ཅད་ཤངས་བུག་གཡས་ནས་ཞུགས། དེ་དག་གི་འཁོར་ལོ་བཞི་རིམ་པར་བཞུ་བཏུལ་བྱས་ནས། ལྟེ་བར་མེ་དང་བྱང་སེམས་འདྲེས་པ་དེ། རྩ་གཡས་ནས་བྱུང་བ་ཤངས་བུག་གཡས་ནས་རང་གི་སྣ་བུག་གཡོན་དུ་ཞུགས། སྤྱི་བོ་གསེར་གྱི་སྒོ་ཕྱེ། སྤྱི་བོའི་འཁོར་ལོ་བྱང་ཆུབ་སེམས་ཀྱིས་ཁེངས། ཡང་གཡོན་རྐྱང་མ་ནས་འཁོར་ལོ་འོ…

ཡང་ཡེ་ཤེས་ནི་དགའ་བ་བཅུ་དྲུག་གི་མཐར་ལྷན་སྐྱེས་མྱོང་བ། རིམ་པ་ནི་རྡོ་རྗེ་ནོར་བུའི་བདེ་བ་ནས། མཛོད་སྤུར་བསྒོམས་པའི་བར་རོ། །ཚད་ནི། བདག་རྒྱུད་བདེ་བས་མྱོས་པ་ལ་སོགས་པའོ། །བཞི་པ་འབྲས་བུ་གསང་བའི་རིམ་པ་ནི། སྣའི་བར་གྱི་ཀ་བ་མེད་པ་སྒོ་ང་སྟོང་པ་ལྟ་བུ་བསྒོམས་ལ། དེ་ནས་སྲོག་རྩོལ་གྱི་རླུང་ཆ་མཉམ་སྟེ། སྤོས་དུད་བཞིན་ལུས་ཀ…

ཕྱུག་ས་སྐྱ་པའི་རིམ་བཞི་ལམ་སློང་ལས་ཤེས་པར་བྱའོ། །སྐུ་གསུམ་ལྷུན་གྲུབ་གཞིར་གནས་རྩ་ཁམས་ལ། །ཨོཾ་ཡིག་འོད་ཀྱིས་བྱང་སེམས་བཞུས་པ་ལས། །ཡས་བབས་མས་བརྟན་དགའ་བཞིའི་རིམ་གྱིས་ནི། བླ་མེད་གསང་བ་མཆོག་གི་རྩེར་བགྲོད་ཤོག །ཤུ་བྷཾ། ། #div2 སྒྲུབ་སྡེ་ཆེན་པོ་བརྒྱད་ཀྱི་སྟོང་ཐུན། ཨོཾ་སྭ་སྟི། སྒྲུབ་སྡེ་ཆེན་པོ་བརྒྱད་ཀྱི་སྟོང་ཐུན…

གནས་པའི་འཁོར་ལོས་གནས་ལུགས་བསྟན། །སྲིད་པའི་འཁོར་ལོས་སྣང་ལུགས་བསྟན། །སྤྲུལ་པའི་འཁོར་ལོས་སྒྲུབ་ལུགས་བསྟན། །གཅོད་པའི་འཁོར་ལོས་ཕྲིན་ལས་བསྟན། དང་། །པདྨ་གསུང་གི་སྒྲུབ་པ་ནི། །རྟ་སྐད་དང་པོས་གནས་ལུགས་སྟོན། །རྟ་སྐད་བར་པས་ལྟ་བ་བརྟག །རྟ་སྐད་ཐ་མས་ཕྲིན་ལས་བཞི། དང་། །ཨོ་ནི་གནས་ལུགས་ཆོས་ཀྱི་དབྱིངས། །རུ་ལུ་སྣང་ལུགས་ལ…

སྙིང་པོ་གཉིས་ཀྱིས་སྒྲུབ། །སྲོག་ནི་གཟུགས་ལ་སྙིང་པོ་མིང་། །བསྐྱེད་དང་རྫོགས་དང་རྫོགས་པ་གསུམ། །རྫོང་འཕྲང་གསུམ་གྱིས་མཐར་གཏུགས་ལ། །རྣལ་འབྱོར་གསུམ་གྱིས་ཉམས་སུ་བླང་། །ལྟ་སྒོམ་སྤྱོད་པ་འབྲས་བུ་ཡིན།། ༈ །།སྤྱི་དོན་ཞལ་ལུང་ལས། བྱ་རྒྱུད་ཀྱི་སྤྱོད་པའི་སྐབས། བྱ་བ་དྲུག་གི་དབྱེ་བ་ལ། འཇུག་པའི་དུས་ནི། དཔུང་བཟང་ལས། ཚེས་ག…

ལྡན་སྐྱོན་བཅུ་སྤངས་ལ་བླང་། །མཚམས་མེད་ལྔ་དང་མི་དགེ་བཅུ་སོགས་པའི། །སྡིག་པ་གང་བྱས་བཟླས་བརྗོད་བགྱིས་པས་སྦྱང་། །ཞེས་སོ།། ༈ །།ཡེ་ཤེས་བཞི་ནི།། ཆོས་དབྱིངས་ཡེ་ཤེས་ཀུན་གྱི་ཁྱབ་བྱེད་དུ་གྱུར་པས་ལོགས་སུ་མ་བགྲངས་བའི་ལྷག་མ་བཞིའོ། ༈ །།འཆད་ཐབས་ཀྱི་སྐྱོན་སྤོང་བའི་སྐབས། རྡོ་རྗེ་ཐེག་པ་ན་བབས་ཀྱི་སྐྱོན་ནི། ཐེག་པ་གོང་མ་འོ…

བཞུགས་པ་ལ་དགོངས་པ་སྟེ། བཀྲི་དྲང་གི་ཚིག་ཐམས་ཅད་ལ་ངོས་བཟུང་ངོ་། །གཉིས་པ་ནི། དབུ་མས་དབྱིངས་སྤྲོས་བྲལ་དུ་འདོད་པ་དང་མཐུན་པར་གསང་སྔགས་ཀྱང་སྤྲོས་བྲལ་དུ་འདོད་པས་ལྟ་བ་ལ་ཁྱད་པར་མེད་ཅེས་ཚིག་ལྡེམ་པོར་བརྗོད་པ་ནི། དོན་མཐར་བྲལ་ལྷུན་གྲུབ་ཀྱི་ལྟ་བ་ལ་དགོངས་པ་སྟེ། སྒྲ་མཐུན་དོན་དཔག་གི་གཏན་ཚིགས་ཐམས་ཅད་ལ་ངོས་བཟུང་ངོ་། །ག…

པར་མཐར་ཐུག་གི་འབྲས་བུ་མི་ཐོབ་པ་ལ་དགོངས་པ་ཏེ། གསང་སྔགས་ཀྱི་ཆེ་ཡོན་ཐམས་ཅད་ལ་ངོས་བཟུང་ངོ་།། ༈ །།ཁྲེའུར་ཞེས་པ་ནི་མང་པོ་ལས་ལོགས་སུ་བཏུས་པའི་དོན།། ༈ །།མི་གཉིས་པ་ནི་གཉིས་སུ་མེད་པ།། ༈ །།སེམས་ལྔ་པོ་དེ་ཐུན་མོང་གི་ཐེག་པ་ལ་སྦྱར་བའི་ཚེ་ཐུན་མོང་དང་། སྔགས་ལ་སྦྱར་བའི་ཚེ་མཆོག་གི་སེམས་ལྔའམ། ཡང་ལམ་སྤྱིར་བརྩི་བ་ཐུན་མོང…