འབུལ་བ་སྟེ། བསང་མཆོད་བོན་གཏོའི་ལུགས་དང་གློ་བུར་དུ་བྱུང་བ་ཞིག་ཡིན་པར་སྨྲ་ན། དེ་དག་སོགས་ཀྱང་དེ་དང་མཚུངས་ཏེ་ཁྱད་མེད་པའི་ཕྱིར། གཉིས་པ་ལ། ངོ་བོ། ངེས་ཚིག །དབྱེ་བ། དབྱེ་གཞིའོ། །དང་པོ་ནི། དག་བྱེད་དྲི་ཞིམ་གྱི་མཆོད་པའི་ཆོ་ག་གང་ཞིག །ཉེས་སྐྱོན་གྱི་སྒྲིབ་བྱེད་ཐམས་ཅད་སྦྱངས་ཤིང་། །བདེ་ལེགས་སྟེར་བའི་ནུས་པ་དང་ལྡན་པའ…

མཆོད་རྫས་གྱ་ནོམ་པས་དགྱེས་ཤིང་ཚིམ་པར་བྱེད་པའི་དོན་ཏོ། །གསུམ་པ་ལ་ཐབས་ཀྱིས་མ་ཟིན་པ་དང་། ཟིན་པའི་གནས་སྐབས་ལས། དང་པོ་ནི། ཇི་ལྟར་འཁོར་བར་རྣམ་པར་འཁྱམས་པའི་། དུས་སུའང་རྐྱེན་གྱི་རྒྱུ་འདོད་པའི་ཡོན་ཏན་ལྔ་སྟེ། དེའི་ཚེའང་དྲི་བཟང་པོ་ལ་དོན་དུ་གཉེར་པ་དང་། གཙང་ཞིང་དག་པར་བྱེད་པའི་ཡུལ་ལ་ཞེན་ཅིང་གཅིག་ཤོས་འདོར་བའི་ཚུལ་ད…

སྤངས་ཏེ། ཉེས་སྤྱོད་བསྡམས་ཤིང་གཙང་བར་བྱེད་པའི་ཚུལ་ཁྲིམས་ཀྱི་བསླབ་པ་ཕུན་སུམ་ཚོགས་པས་རྒྱལ་བ་དགྱེས་པའི་ལམ་ལ་འཇུག་པ་ནི་དག་བྱེད་བསུང་ཞིམ་གྱི་མཆོད་པ་ཁྱད་པར་དུ་གྱུར་པ་སྟེ། ཚིག་ལེར། དེ་ལ་འདིར་ནི་རྣམ་ཀུན་ཏུ། །འདུལ་བ་མིན་པས་དག་པ་མེད། །ཅེས་དང་། གཞན་དུའང་། ཚུལ་ཁྲིམས་འདི་ནི་གཙང་བ་སྟེ། ཞེས་སོགས་བསྟན་པར་མ་ཟད། ས་གའི…

བས། མཆོད་པའི་ཁྱད་པར་སྤྱི་དང་། ཁྱད་པར་དུ། སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་གཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུགས་པར་བགྱི། །ཞེས་དང་། སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞེས་སོགས་ཀྱིས་བསྟན་ལ།…

འཁོར་གསུམ་ཡང་དག་ཆེན་པོར་ཤེས་པ་ཤེས་རབ་བོ། །དེས་ན་གཞི་སྤོང་བའི་ཚུལ་ལའང་། འདོད་ཡོན་ལ་སོགས་པས་རང་འཆིང་བར་བྱེད་པའི་ཕྱིར་སྲེད་ཞེན་སྤངས་པ་ལས། མཆོད་སྦྱིན་གྱི་ཡུལ་ལ་ཚོགས་རྫོགས་པའི་ཕྱིར་དབུལ་བ་ལ་ནི་ནམ་ཡང་བཀག་པ་མེད་དོ། །གཞི་མི་སྤོང་བ་རྡོ་རྗེ་ཐེག་པའི་ལུགས་ལ་ནི་དངོས་པོ་གང་ཡང་ཐབས་མཁས་ཀྱིས་སྤྱད་ན་འཆིང་བ་མེད་པའི་ཕྱ…

པ་ཡོད་ལ། ཁྱད་པར་སྐབས་སུ་བབས་པའི་དབང་དུ་བྱས་ན་བསང་མཆོད་གྱི་ཆོ་ག་འདི་མདོ་སྔགས་ཐུན་མོང་བའི་ཆོ་ག་སྟེ། མཎྜལ་དང་ཆུ་གཏོར་ལ་སོགས་པ་བཞིན་ནོ། །གཉིས་པ་ནི། ཁ་ཅིག་བོན་ལུགས་སུ་འཆད་མོད། དེ་ལྟ་ནའང་གསས་མཁར་དང་བོང་སོ་བརྩིགས་པ་སོགས་ཐོར་བུར་འདྲེས་པ་ཡོད་ན་མ་གཏོགས། དངོས་གཞི་བོན་གྱི་སྟོན་པ་ལས་བརྒྱུད་པའམ། བོན་ལུགས་ཀྱི་དཀྱི…

དྲི་ཡི་རྡོ་རྗེ་མར་བྱས་ནས། །དཀྱིལ་འཁོར་ལྷ་ཚོགས་རྣམས་ལ་དབུལ་བར་བགྱི། །ཞེས་གསུངས་པ་སོགས་སྤྱི་དང་བྱེ་བྲག་ཏུ་བསྟན་པའི་ཚོགས་དེ་དག་ལས། སློབ་དཔོན་པདྨ་ལ་སོགས་མཁས་གྲུབ་རྣམས་ཀྱིས་བསང་མཆོད་ཆོ་ག་ཟུར་དུ་བཀར་བའི་ཚོགས་བསགས་ཀྱི་ཁྱད་པར་དུ་བྱས་པ་ཞིག་ཏུ་ཁས་བླང་བར་རིགས་སོ། །གཉིས་པ་ནི། གཙང་བྱེད་དྲི་ཞིམ་གྱི་མཆོད་སྤྲིན་དེ་…

བྱེད་པ་ལ། སྦྱོར་བ་དངོས་གཞི་རྗེས་ཀྱི་ཆོ་ག་གསུམ་ལས། དང་པོ་ནི། གཞུང་སོ་སོ་ནས་འབྱུང་བའི་ཡོ་བྱད་ཉེར་བསྡོགས་སུ་བྱ་བའོ། །གཉིས་པ་ལ། དངོས་གཞིར་བདག་བསྐྱེད་སྤྱན་དྲངས་མཆོད། །ཕྲིན་ལས་ཞུ་ཞིང་ཕྱུ་གཡང་འགུགས། །ཞེས་པའི་དང་པོ་ལའང་། སྔོན་དངོས་གཉིས་ལས། དང་པོ་ལ་ཡང་། མཆོད་རྫས་རྣམས་སྔགས་དྲུག་ཕྱག་དྲུག་གིས་བྱིན་གྱིས་བརླབ་པ་ད…

བབས་པས་འགྲོན་བཞི་སོ་སོར་དགྱེས་པ་བསྐྱེད་པ་དང་། གསུམ་པ་ནི། རང་དང་སྦྱིན་བདག་འཁོར་བཅས་ཀྱི་ཉམས་གྲིབ་དང་། སྣོད་བཅུད་ཀྱི་ཕྲུ་བཅུད་ལོག་པ་སོགས་རྒྱུ་འབྲས་ཀྱི་མཐུས་དག་ཅིང་སླད་ནས་མི་བྱ་བར་བསྡོམས་པ་སོགས་ཀྱི་སྒོ་ནས་ཉམས་གྲིབ་ཐམས་ཅད་བསང་བར་བྱེད་པའོ། །བཞི་པ་ནི། མགྲོན་བཞི་སོ་སོའི་བྱེད་ལས་དང་མཐུན་པའི་ཕྲིན་ལས་ཞུ་བ་སྟེ་…

གྲོགས་བྱེད་པའི་མཐུ་དང་། མཐར་ཐུག་ཚོགས་གཉིས་ཀྱི་ས་བོན་ལ་བརྟེན་ཆོས་དང་གཟུགས་ཀྱི་སྐུ་དམ་པ་གཉིས་པོ་ཐོབ་པར་འགྱུར་བ་སོགས་མཐའ་ཀླས་པར་བཤད་དོ། །དེས་ནི་བསང་གི་ཆོ་གའི་རྣམ་པར་བཤད་པ་བྱེ་བྲག་པའི་དོན་ཉུང་ངུར་བསྡུས་ཏེ་བཤད་ཟིན་ཏོ།། ༈ །།གཞན་ཡང་བསང་གི་ཆོ་གའི་རྣམ་པར་བཤད་པ་མང་དུ་མཐོང་མོད། ཅུང་ཟད་ལེགས་བཤད་མང་བ་ནི་མོ་གོལ་ག…

སོ། །སེམས་རྩེ་གཅིག་དེའི་སྐད་ཅིག་བསམ་གཏན་རི་མོ་མཛེས་འབར་ཤེས་རབ་ཡིན། །ཐུབ་པའི་མཎྜལ་བགྱིས་ལས་ཕ་རོལ་ཕྱིན་དྲུག་འདི་དག་ཐོབ་འགྱུར་ཞིང་། །ཁ་དོག་གསེར་དུ་འགྱུར་ཞིང་ནད་ཀུན་ལས་ནི་རྣམ་པར་གྲོལ་བར་འགྱུར། །ལྷ་དང་མི་ལས་ཆེས་ལྷག་འགྱུར་དང་ཟླ་བ་ལྟ་བུའི་མཛེས་པ་འབར། །འདིར་ནི་ལུས་ཀྱིས་ལས་བགྱིས་པ་ལས་སངས་རྒྱས་པ་ཡི་ཁྱིམ་དག་ཏུ…

ཨ་ཀཱ་རོ་ཞེས་དང་། ཤིན་ཏུ་དྲི་ཞིམ་ངད་ལྡན་ཡིད་ནི་དགེ་ལ་མངོན་དགའ་དང་། །ལུས་ནི་རབ་ཡང་གཉིད་ནི་མི་འབྱུང་ཁམས་རྣམས་སྙོམས་པ་དང་། །ཤིན་ཏུ་སྒྲ་སྙན་པ་དང་རོལ་མོའི་སྒྲ་རྣམས་གྲགས་པ་དང་། །མེ་ཏོག་ཆར་འབབ་ཏིལ་མར་བྲལ་བར་མར་མེ་འབར་བ་དང་། །རྨི་ལམ་ན་ནི་འཕགས་རྣམས་མཐོང་དང་དགེ་སློང་བྲམ་ཟེ་མཐོང་། །རྟག་ཏུ་དགེ་བའི་རྨི་ལམ་མཐོང་དང…

གཞན་དུ་མི་འཕྲོའི་སེམས་ཀྱིས་ནི། །དེ་ལྟའི་ཚུལ་གྱིས་བཟླས་པར་བྱ། །ཡུལ་གཞན་བློ་ནི་འཕྲོ་བ་ཡི། །བསྐལ་པར་བཟླས་ཀྱང་འབྲས་མི་འབྱིན། །ཞེས་སོ།། ༈ །།བརྒྱད་སྟོང་པར། ཡུལ་དབུས་ནས་ལྷོ་ཕྱོགས་སུ་དར་བར་འགྱུར་རོ། །ལྷོ་ཕྱོགས་ནས་བྱང་ཕྱོགས་སུ་དར་བར་འགྱུར་རོ། །བྱང་ཕྱོགས་ནས་བྱང་ཕྱོགས་སུ་དར་བར་འགྱུར་རོ། །ཞེས་དང་། ང་མྱ་ངན་དུ་འད…

མོ་སྒང་། ཚ་བ་སྒང་། སྨར་ཁམས་སྒང་། སྤོ་འབོར་སྒང་། དམར་རྫ་སྒང་། མི་ཉག་རབ་སྒང་སྟེ་སྒང་དྲུག །རྒྱ་ནག་རྒྱལ་པོ་གྱིང་གིར་གན་གྱིས་འཕགས་པར། སྟོད་མངའ་རིས་གུང་ཐང་ནས་སོག་ལ་སྐྱ་བོ་ཡན་དབུས་གཙང་དམ་པ་ཆོས་ཀྱི་ཆོལ་ཁ། དེ་ནས་རྨ་ཆུ་ཁུགས་པ་ཡན་མདོ་སྟོད་མགོ་ནག་མིའི་ཆོལ་བ། དེ་ནས་མཆོད་རྟེན་དཀར་པོ་ཡན་མདོ་སྨད་གྱིར་ལིང་རྟའི་ཆོལ་ཁ…

རེའི་བརྡ་དག་ཀྱང་། །འབད་པ་དུ་མས་བཙལ་བར་བྱ། །ཡི་གེའི་སྦྱོར་བ་ལ་འཁྲུལ་ན། །དོན་རྣམས་འཁྲུལ་པ་སྨོས་ཅི་དགོས། ཞེས་པས། དེ་ཡང་མིང་གཞི། དེ་ལ་རྟགས་གསུམ་གྱི་དབྱེ་བ། །སྔོན་འཇུག །རྗེས་འཇུག །མི་འཇུག་པ། བྱ་བྱེད་ལས་གསུམ། དུས་གསུམ་གྱི་དབྱེ་བ་རྣམས་སོ་སོར་ངེས་པར་བྱེད་དགོས།། ༈ །།སྨན་བླ་དོན་གྲུབ་པས་མཛད་པའི་སྐུ་གཟུགས་རབ་བྱ…

མཛད།། ༈ །།ཚིག་གཏེར་འགྲེལ་པ་བློ་བརྟན་བཞི་པས་མཛད།། ༈ །།རྒྱན་འགྲེལ་ལས། མངོན་སུམ་དང་རྗེས་སུ་དཔག་པའི་ཚད་མས་ཟིན་པའི་ཏརྐའི་གཞུང་ལ་མཁས་པ་ནི་རྒྱུ་རིག་པ་ཞེས་བྱའོ། །རྒྱུ་རིག་པ་བྱང་ཆུབ་སེམས་དཔས་འཚོལ་བར་བྱེད་དེ། འདི་ལྟར་ལེགས་པར་སྨྲ་བ་དང་ཉེས་པར་སྨྲ་བ་ཤེས་པར་བྱ་བ་དང་། རྒྱུ་རིག་པའི་གཙུག་ལག་ཤེས་པར་རློམ་པའི་མུ་སྟེགས་…

པར་འགྱུར། །ཐོས་པས་སྡིག་ལས་ལྡོག་པར་འགྱུར། །ཐོས་པས་དོན་མེད་སྤོང་བར་འགྱུར། །ཐོས་པས་མྱ་ངན་འདས་པ་ཐོབ། །ཅེས་པས། ཕྱི་ནང་གི་གྲུབ་མཐའ་ཤེས་པས་བླང་དོར་གྱི་གནས་ལ་མཁས་པ་དང་། ཚུལ་ཁྲིམས་ཀྱི་བསླབ་པ་ཐོབ་ནས་ཁ་ན་མ་ཐོབ་པ་ལས་ལྡོག་པ་དང་། སེམས་ཀྱི་བསླབ་པ་ཐོབ་ནས་དོན་མེད་པའི་འདོད་པ་ཡོངས་སུ་སྤང་བ་དང་། ཤེས་རབ་ཀྱི་བསླབ་པ་ཐོབ་ན…

ཉིས་བརྒྱ་གྱ་ལྔ་བྱུང་ཁུངས་དང་ཕན་ཡོན་སོགས་མ་ངེས་ཀྱང་གསུང་རྟེན་སྤྱི་འགྲེའི་ཕན་ཡོན་འབྱུང་བར་སྨོས་མ་དགོས། ལུང་ཐགས་ཡུ་བ་ལ་ཨོ་ཕོག་པ་བྱས་ན་འཐད་པར་གསུངས།། ༈ །།རྫས་བརྒྱད་ལས། གི་ཝང་ནི་མ་ངེས། ཞོ་ནི་ལེགས་སྐྱེས་མས་ཕུལ། དུརྦ་ནི་རྩྭ་འཚོང་བཀྲ་ཤིས་ཀྱིས་ཕུལ། ཚངས་པས་བིལ་པ་ཕུལ་བ་ཁུངས་མ་རྙེད། དུང་དཀར་བརྒྱ་བྱིན་གྱིས་ཆོས་འ…

མའི་སྐོར། བྲམ་ཟེ་ཕུར་བུ་དང་། ནག་མོའི་ཁོལ་གྱི་བསྟོད་པ་ནི། བྲམ་ཟེ་ཕུར་བུས་མཛད་པའི་སྒྲུབ་ཐབས། ཡང་དབྱངས་ཅན་མ་སྒྲུབ་པར་འདོད་པས་སྡིག་ཏོ་མི་དགེ་བ་སྤངས་ཏེ། ཞེས་སོགས་ཡོད་པ། མཇུག་ཏུ། ཁྲི་འབུམ་ལྔ་སྟོང་བཟླས་པ་བྱའོ། །ཞེས་པ། ཡང་། ན་མོ་སྭ་ར་སྭ་སྟི་བྱཱ༔ ཟབ་མོའི་གདམས་པ་མཆོག་ཏུ་གྱུར་པའི་དངོས་གྲུབ་ཀྱི་གེགས་སེལ། འདི་ལ་…

ཤིན་ཏུ་ལྐོག་གྱུར་ལ་དཔྱད་ན་ལུང་རྣམ་དག་གིས་གནོད་པ་མེད་པ། བསྟན་བཅོས་འགྱུར་རོ་འཚལ་ནི་སྐུ་ཞང་ཆེན་པོ་གྲགས་པ་རྒྱལ་མཚན་པའི་སྲས་ཀྱི་ཐུ་བོ་དབོན་ཆེན་ཀུན་དགའ་དོན་གྲུབ་པས་རྟེན་བཞེངས་ཀྱི་ཕྱི་མོ་སྣར་ཐང་ན་བཞུགས་པ། དེར་མ་བཞུགས་པ་གསར་བསྣན་བཅས་མཁས་གྲུབ་བུ་སྟོན་གྱིས་དཀར་ཆག་རིན་པོ་ཆེ་དབང་གི་རྒྱལ་པོའི་ཕྲེང་བ་བྱ་བ་བརྩམས། …