གྱི་གོ་འཕང་ལ་བཀོད། ཚུར་འདུས་རྗེས་ཆགས་ཀྱི་ཞུ་ནས་འབྲུ་གསུམ་ལ་ཐིམ། ཨོཾ་ཨཱཿལ་ཐིམ། ཨཱ་ཧཱུཾ་ལ་ཐིམ། ཧཱུཾ་གི་ཞབས་ཀྱུ་ཁོག་པ་ལ་ཐིམ། ཁོག་པ་མགོ་བོ་ལ། མགོ་བོ་ཟླ་ཚེས་ལ། ཟླ་ཚེས་ཐིག་ལེ་ལ། ཐིག་ལེ་ནཱ་ད་ལ། ནཱ་ད་སྐྲའི་རྩེ་མོ་བརྒྱ་སྟོང་གི་ཆ་ཙམ་མོ། །སེམས་ཅན་ཐམས་ཅད་ཆོས་ཉིད་ཁོང་དུ་མ་ཆུད་པས་འཁོར་བར་གྱུར་ཏེ། བདག་གི་ཆོས་ཉིད་ར…

པདྨའི་ལྟེ་བར་གཡོན་བསྐོར་གྱི། ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨ། ཚར་གཉིས། མཚན་བཟང་པོ་སུམ་ཅུ་རྩ་གཉིས་ཀྱི་ངོ་བོ་དེ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་དང་པོ་མེ་ལོང་ལྟ་བུའི་ཡེ་ཤེས་སོ། །དེའི་སྟེང་དུ་གཡས་བསྐོར་གྱི། ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་…

དཔའ་བོ་དང་རྣལ་འབྱོར་མ་རྣམས་སྤྱན་དྲངས། ཐམས་ཅད་སླར་འདུས་རྗེས་ཆགས་ཀྱིས་ཞུ་བ་ཧཱུཾ་ཡིག་གི་ནཱ་ད་ལ་ཐིམ་པ་ནི་བྱ་བ་སྒྲུབ་པའི་ཡེ་ཤེས་སོ། །དེ་གཉིས་རྗེས་སུ་རྣལ་འབྱོར་རོ། །བཞི་པ་ཡོངས་སུ་རྫོགས་པའི་རྣལ་འབྱོར་ལ་གསུམ་ཏེ། སྤྲུལ་པའི་དཀྱིལ་འཁོར་སྒོམ་པ། ལུས་ཀྱི་དཀྱིལ་འཁོར་སྒོམ་པ། ཆོས་ཀྱི་དཀྱིལ་འཁོར་སྒོམ་པའོ། །དང་པོ་ནི། …

སོགས་པས་མཛེས་པ། གཞལ་ཡས་ཁང་གི་དབུས་སུ་ཨིནྡྲ་ནཱི་ལའི་ས་གཞི་ཟླུམ་པོར་གྲུབ་པ་ལ་གནས་པའི། འཁོར་ལོ་རིམ་པ་བཞི་མཆོད་རྟེན་ཟླུམ་པོའི་བང་རིམ་གྱི་དབྱིབས་ལྟར་ཅུང་ཟད་ཇེ་མཐོ་ཇེ་མཐོར་གྱུར་པའི་ལྟེ་བར་བདེ་བ་ཆེན་པོའི་འཁོར་ལོ། སྣ་ཚོགས་པདྨ་འདབ་མ་བརྒྱད་པ་རྩ་བ་སྡོང་བུ་གེ་སར་དང་བཅས་པའི་ཕྱི་རོལ་དུ་རིན་པོ་ཆེའམ། གྲི་གུག་གིས་མཚ…

ཀ་བ་བཞི་བཞིས་བཏེག་པའི་རྟ་བབས་སྣམ་བུ་བཅུ་གཅིག་དང་ལྡན་པའི་རྩེ་མོར། པདྨ་ལ་གནས་པའི་ཆོས་ཀྱི་འཁོར་ལོ་དང༌། གཡས་གཡོན་དུ་རི་དྭགས་ཕོ་མོ་དང་བཅས་པ། གཞལ་ཡས་ཁང་གི་ཕྱི་རོལ་གྱི་ཁྱམ་ལ་མཆོད་རྫས་དུ་མས་མཛེས་པ། དེའི་ཕྱི་རོལ་དུ་དུར་ཁྲོད་ཆེན་པོ་བརྒྱད་ནི། ཤར་དུ་དྲག་ཏུ་གཏུམ་པ། བྱང་དུ་ཚང་ཚིང་འཁྲིགས་པ། ནུབ་ཏུ་འུར་འུར་འབར་བ། ལ…

བརྒྱད་ཀྱི་གཟུགས་འཛིན་པའོ། །གཞན་ཡང་དུར་ཁྲོད་དེ་དག་ཏུ་ཆུ་ཆེན་པོ་བརྒྱད་དང༌། མེ་ཆེན་པོ་བརྒྱད་དང༌། རི་ཆེན་པོ་བརྒྱད་དང༌། མཆོད་རྟེན་བརྒྱད་ལ་སོགས་པས་ཡོངས་སུ་གང་བ་སྟེ། གཞན་ཡང་རོ་དང་ཀེང་རུས་དང༌། གསལ་ཤིང་གིས་ཕུག་པ་དང༌། དཔྱངས་པ་དང༌། དུམ་བུ་དང་འཐོར་བ་ལ་སོགས་པས་གང་བ། བྱ་དང༌། གཅན་གཟན་སྣ་ཚོགས་ལང་ལོང་དུ་རྒྱུ་ཞིང༌། ལ…

པ་རློན་པ་ཁྲག་དང་བཅས་པ་རྒྱངས་ཏེ་འཛིན་པས་ཚུལ་གྱིས་སྟོད་གཡོགས་སུ་བསྣམས་པ། གཡས་ཀྱི་གསུམ་པ་ན་ཌ་མ་རུ། བཞི་པ་ན་དགྲ་སྟ། ལྔ་པ་ནི་གྲི་གུག །དྲུག་པ་ན་མདུང་རྩེ་གསུམ་པ་འཛིན་པ། གཡོན་གྱི་གསུམ་པ་ན་རྡོ་རྗེ་མཚན་པའི་ཁ་ཊྭཾ་ག །བཞི་པ་ན་ཁྲག་གིས་གང་བའི་ཐོད་པ། ལྔ་པ་ན་རྡོ་རྗེའི་ཞགས་པ། དྲུག་པ་ན་ཚངས་པའི་མགོ་བོ་གདོང་བཞི་པ་བསྣམས་…

བརྒྱན་པ། སྒེག་པ་དཔའ་བ་མི་སྡུག་པ། །དགོད་ཅིང་དྲག་ཤུལ་འཇིགས་སུ་རུང༌། །སྙིང་རྗེ་རྔམ་དང་ཞི་བ་སྟེ། གར་དགུའི་རོ་དང་ལྡན་པ་ཉིད། དེའི་ཡུམ་རྡོ་རྗེ་ཕག་མོ་སྐུ་མདོག་དམར་པོ། བསྐལ་པའི་མེ་ལྟར་གཟི་བརྗིད་འབར་བ། དྲག་མོ་ཆེན་མོ་ཞལ་གཅིག་ཕྱག་གཉིས། སྤྱན་གསུམ་པ། ཕྱག་གཡོན་པས་བདུད་སོགས་གདུག་པ་ཅན་གྱི་ཁྲག་དང༌། མིའི་རྒྱུ་མས་གང་བའ…

དང་ཡུམ་གྱི་མགྲིན་པར་ཟླ་བ་ལ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྭཱཧཱ། ཡབ་ཀྱི་ཐུགས་ཀ་དང་ཡུམ་གྱི་དཔྲལ་པར་ཟླ་གདན་ལ། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཧཱུཾ་ཕཊ་སྭཱཧཱ། ཡབ་ཀྱི་མགྲིན་པ་དང་ཡུམ་གྱི་ལྟེ་བར་ཉི་མ་ལ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སཾ་བ་ར་སྭཱཧཱ། ཡབ་ཀྱི་དཔྲལ་…

ཀྱི་འཁོར་ལོའི་ཤར་རྩིབས་པུལླིར་མ་ཡར། ཐོད་པའི་དུམ་བུ་དང་རབ་ཏུ་གཏུམ་མོ། །བྱང་རྩིབས་ཛ་ལནྡྷ་རར་ཀེང་རུས་ཆེན་པོ་དང༌། གཏུམ་པའི་མིག་ཅན་མ། ནུབ་རྩིབས་ཨོ་ཊི་ཡ་ཎར་ཀེང་རུས་དང་འོད་ལྡན་མ། ལྷོ་རྩིབས་ཨརྦུ་ཏར་མཆེ་བ་རྣམ་པར་གཙིགས་པ་དང་སྣ་ཆེན་མ་ཤར་ལྷོ་གོ་ད་ཝར་རི་ལྷའི་དགྲ་དང་དཔའ་བོའི་བློ་ཅན་མ། ལྷོ་ནུབ་རི་སྨ་ཤྭ་རར་འོད་དཔག་…

རྟ་མགྲིན་དང་ཆང་ཚོང་མ། ལྷོ་རྩིབས་བརྞ་དཱི་པར་ནམ་མཁའི་སྙིང་པོ་དང་འཁོར་ལོའི་གོ་ཆ་མ། ཤར་ལྷོ་ན་ག་རར་ཁྲག་འཐུང་དང་ཤིན་ཏུ་དཔའ་མོ། ལྷོ་ནུབ་སིནྡྷུར་པདྨ་གར་གྱི་དབང་ཕྱུག་དང་སྟོབས་ཆེན་མ། ནུབ་བྱང་མ་རུར་རྣམ་པར་སྣང་མཛད་དང་འཁོར་ལོས་སྒྱུར་མ། བྱང་ཤར་ཀུ་ལུ་ཏར་རྡོ་རྗེ་སེམས་དཔའ་དང་བརྩོན་འགྲུས་ཆེན་པོ་སྟེ། སྐུའི་གསང་བ་བསམ་ག…

རྗེ་མཆེ་བ་མ་གཡས་དམར་གཡོན་ལྗང༌། བྱང་ཤར་དུ་གཤིན་རྗེ་འཇོམས་མ་གཡས་ལྗང་གཡོན་སྔོ་བ་བརྒྱད་ཀའང༌། དྲག་མོ་ཆེན་པོ་ཆེར་ཁྲོས་པ་རོའི་གདན་ལ་གནས་པ། ཕྱོགས་བཅུའི་བགེགས་རྣམས་འཇོམས་པར་མཛད་པ། ཞལ་གཅིག་ཕྱག་བཞིའི༴ ནས། མེ་རི་འབར་བའི་དབུས་ན་བཞུགས་པའི་བར་སྙིང་པོའི་རྣལ་འབྱོར་མའི་སྐབས་བཞིན་དང༌། དཔའ་བོ་དང་རྣལ་འབྱོར་མ་ཐམས་ཅད་ཀྱི་…

བཅུད་དང་ལྡན་པའི་རྩ་ཨ་ཝ་དྷུ་ཏཱི་ནི་རྡོ་རྗེ་ཕག་མོ་དང༌། སྙིང་གའི་དབུས་ཀྱི་གཞོམ་དུ་མེད་པའི་ཐིག་ལེ་ཧཱུཾ་གི་རྣམ་པ་ཡུངས་ཀར་སྦོམ་པོའི་ཚད་ཙམ་ཁ་བ་འཛག་པ་ལྟ་བུར་གནས་པ་ནི་དཔལ་ཧེ་རུ་ཀ་སྟེ། སྐུ་མདོག་ཐིང་ནག་སྔོ་ལྗང་དམར་སེར་ཞལ། །རྡོ་རྗེ་དྲིལ་བུ་གླང་ལྤགས་ཌཱ་མ་རུ། །དགྲ་སྟ་གྲི་གུག་རྩེ་གསུམ་ཁ་ཊྭཾ་ག །ཐོད་ཁྲག་ཞགས་པ་ཚངས་མག…

ཨརྦུ་ཏར་མཆེ་བ་རྣམ་པར་གཙིགས་མ་དང་སྣ་ཆེན་མ་སྟེ་གནས་སོ། །རྣ་བ་གཡས་པ་གོ་ད་བ་རིར་ལྷའི་དགྲ་དང་དཔའ་བོའི་བློ་ཅན་མ། སྨིན་མའི་དབུས་རི་སྨི་ཤྭ་རར་འོད་དཔག་མེད་དང་མེའུ་ཐུང་མ། མིག་གཉིས་དེ་ཝཱི་ཀོ་ཊར་རྡོ་རྗེ་འོད་དང་ལང་གའི་དབང་ཕྱུག་མ། ཕྲག་པ་གཉིས་མ་ལ་བར་རྡོ་རྗེ་སྐུ་དང་ཤིང་གྲིབ་མ་སྟེ་ཉེ་བའི་གནས་སོ། །ཐུགས་ཀྱི་འཁོར་ལོའོ།…

སྣང་མཛད་དང་འཁོར་ལོས་སྒྱུར་མ། པུས་མོ་གཉིས་ཀུ་ལུ་ཏར་རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ། ཉེ་བའི་དུར་ཁྲོད་དོ། །སྐུའི་འཁོར་ལོའོ། །བུ་ག་རྣམས་ཀྱི་རྩ་སྒོ་མཚམས་མ་བརྒྱད་དུ་གྱུར་པ་ནི། ལྕེའི་རྩ་བར་ཁ་གདོང་མ། ལྟེ་བར་འུག་གདོང་མ། རྟགས་ཀྱི་སྒོར་ཁྱི་གདོང་མ། བཤང་ལམ་གྱི་སྒོར་ཕག་གདོང་མ། མཛོད་པུའི་བུག་པར་གཤིན་རྗེ…

བྱ་གདོང་མ། འཁོར་ཤུགས་མ། དུམ་སྐྱེས་མ། ཆང་འཚོང་མ། གོ་ཆ་མ། ཤིན་ཏུ་དཔའ་མོ་རྣམས་སོ། །ཡང་དག་པའི་ལྟ་བ་དང༌། རྟོག་པ་དང༌། ངག་དང༌། ལས་ཀྱི་མཐའ་དང༌། འཚོ་བ་དང༌། རྩོལ་བ་དང༌། དྲན་པ་རྣམས་ནི་སྟོབས་ཆེན་མ། འཁོར་སྒྱུར་མ། རྩོན་ཆེན་མ། ཁྭ་གདོང་མ། འུག་གདོང་མ། ཁྱི་གདོང་མ། ཕག་གདོང་མ་རྣམས་སོ། །ཡང་དག་པའི་ཏིང་ངེ་འཛིན་ནི་དཔལ་ཧེ་ར…

ཡང་སྐད་ཅིག་རྣམ་པའི་དོན་ལ་རྗེས་སུ་ཞུགས་པའི་ཕྱིར་རོ། །ལྔ་པ་བྱིན་གྱིས་རློབས་པའི་རྣལ་འབྱོར་ནི་། རྣམ་པ་གཉིས་ཏེ་གོ་ཆ་བགོ་བ་དང་ཡེ་ཤེས་པ་གཞུག་པའོ། །དེ་ཡང༌། རང་གི་སྙིང་གར་ཨོཾ་ཧ་དཀར་པོ་ལས་རྡོ་རྗེ་སེམས་དཔའ། མགོ་བོར་ནཱ་མ་ཧི་སེར་པོ་ལས་རྣམ་པར་སྣང་མཛད། སྤྱི་གཙུག་ཏུ་སྭཱཧཱ་ཧཱུཾ་དམར་པོ་ལས་པདྨ་གར་གྱི་དབང་ཕྱུག་ཕྲག་པ་གཉ…

བསྣམས། །ལྷག་མ་ཅང་ཏེའུ་གཡས་དང་ཁ་ཊྭཾ་ག །ཐོད་པར་བཅས་པ་གཡོན་གྱི་འོག་མས་འཛིན། །ཕག་མོ་དམར་སྔོ་ལྗང་བའི་ཞལ་གསུམ་སྟེ། །ལྕགས་ཀྱུ་ཚངས་མགོ་གྲི་གུག་གཡས་གསུམ་ན། །ཐོད་པ་ཁ་ཊྭཾ་ཞགས་པ་གཡོན་པས་འཛིན། །གཤིན་རྗེ་མ་སོགས་ལྔ་ནི་གྲི་ཐོད་དང༌། །དྲིལ་བུས་མཚན་པའི་ཁ་ཊྭཾ་ཅང་ཏེའུ་བསྣམས། ཞེས་སོ། །སྐུའི་ཆ་བྱད་གཞན་རྣམས་དཀྱིལ་འཁོར་གྱི་…

ཚོགས་ཞིང་གི་སྐབས་ལྟར་མཆོད། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཾ། ཞེས་གསོལ་བ་བཏབ་པས། གཙོ་བོས་དབང་བསྐུར་བའི་དགོངས་པ་མཛད། སྒོ་མཚམས་མ་རྣམས་ཀྱིས་བགེགས་བསྐྲད། དཔའ་བོ་རྣམས་ཀྱིས་ཤིས་པ་བརྗོད། དཔའ་མོ་རྣམས་ཀྱིས་རྡོ་རྗེའི་གླུ་ལེན། རྡོ་རྗེ་ཕག་མོ་སྙིང་པོའི་རྣལ་འབྱོར་མ་བཞི་དང་བཅས་པས་ཌཱ་མ་རུ་དང་བདུད་རྩིས་གང་བའི་ཐོད་པ་…

ཚིག་འཁོར་ལོ་པ་རྣམས་ལ་དོན་ཡོད་གྲུབ་པས་དབུ་རྒྱན། དབང་གི་ལྷ་རྣམས་རང་ལ་གཉིས་སུ་མེད་པར་ཐིམ། དེ་ལྟར་ན་ཟླ་བ་ས་བོན་རོ་གཅིག་ཏུ་འདྲེས་པ་ནས་བཟུང་སྟེ་དེ་ཡན་ཆད་ཤིན་ཏུ་རྣལ་འབྱོར་རོ། །བདུན་པ་ཏིང་ངེ་འཛིན་གྱི་རྣལ་འབྱོར་ནི། ལྷ་སྐུ་ལ་སེམས་མཉམ་པར་བཞག་ཅིང༌། མཐར། ཨོཾ་ཨ་ཨཱ། ནས། ཧ་ཀྵ་ཧཱུཾ་ཧཱུཾ་ཕཊ། རང་གི་སྣ་བུག་གཡས་ནས་ཨཱ་ལྀ…