བདེ་མཆོག་ཁྲོ་བོ་རེག་ཚིག་བཞུགས།

ཨོཾ་སྭཱ་སྟི། ཨོཾ་སྭ་བྷ་བ་ཤུདྡྷ་སྭཱ་བྷཱ་དྷརྨ་སྭབྷ་བ་ཤུདྡྷོ྅ཧཾ། རྡོ་རྗེའི་ས་གཞི་རྭ་གུར་མེ་དཔུང་དང་བཅས་པར་གྱུར། རྩ་གསུམ་རྡོ་རྗེའི་འཁོར་ལོའི་ར་བ་གསུམ་ཡང་གྲུབ། བྷྲུཾ་བྷྲུཾ་བྷྲུཾ་དབུས་སུ་འཁོར་ལོ་རྩིབས་བཅུ་པའི་རང་ཉིད་བདེ་མཆོག་ཁྲོ་བོ་རེག་ཚིག་ནག་པོ། གཡས་རྡོ་རྗེའི་རྩེ་ལ་མེའི་འཁོར་ལོ་རྩིབས་བརྒྱད་པ་དང༌། གཡོན་རྩ…

རྣ་བར་ཧཱུཾ་སེར་པོ། སྣ་ལ་ཏྲི་དུད་ཁ། ལྕེ་ལ་ཨཱཿདམར་པོ། ལུས་ལ་ཁ་ལྗང་ཁུ། ཡིད་ལ་ཏུཾ་མཐིང་ཁའོ། །རྩིབས་བཅུ་ལ་རང་དང་འདྲ་བའི་ཁྲོ་བོ་ཁྲོ་མོ་སྤྲོས། ཨརྒྷཾ་ནས། ཤབྟའི་བར་གྱིས་མཆོད། ཁྲོ་བོ་རེག་ཚིག་སྟོབས་པོ་ཆེ། །མུན་པ་ལྟ་བུའི་སྐུ་འཛིན་ཞིང༌། །ཕཊ་ཀྱི་སྒྲ་འབྱིན་མེ་དཔུང་འབར། །མགོན་དུ་གྱུར་ལ་ཕྱག་འཚལ་བསྟོད། །ཨོཾ་བྷ་ཡ་ནཱ་ཤ…

ཚོགས་རྣམས་ཀྱིས། །དགྲ་བགེགས་རྣམས་ནི་ཐམས་ཅད་ཀྱི། །ལུས་ངག་ཐལ་བ་རྡུལ་དུ་རློགས། རྣམ་ཤེས་ཆོས་ཀྱི་དབྱིངས་སུ་སྒྲོལ། །བགེགས་དང་ལོག་པར་འདྲེན་པ་རྣམས། གདུལ་དཀའ་འདུལ་ཕྱིར་དཔའ་བོ་ནི། །ཤིན་ཏུ་གཏུམ་པའི་ཁྲོ་གཟུགས་ཀྱིས། །མ་རུང་པ་རྣམས་ཚར་གཅོད་ཤོག །ཨོཾ་བཛྲ་རཀྵ་རཀྵ་ཧཱུཾ་ཧཱུཾ་ཕཊ་སྭཱཧཱ། ཞེས་པའང་ས་སྐྱོང་མིའི་དབང་པོ་གཞོན་ནུ…

བདེ་མཆོག་ནག་པོའི་ཞབས་ལུགས་ཀྱི་སྒྲུབ་ཐབས་རྣམ་པར་བཤད་པ་རྒྱས་འགྲེལ་ཐུན་མོང་མ་ཡིན་པ་ལྷན་ཅིག་སྐྱེས་པའི་གཟི་འོད་ཕྱོགས་བཅུར་རྒྱས་པ་ཞེས་བྱ་བ་བཞུགས།

ཨོཾ་ན་མོ་བཛྲ་ཌཱ་ཀ་ཌཱ་ཀི་ནི་བྷྱོ། དཔལ་འཁོར་ལོ་སྡོམ་པའི་སྒྲུབ་ཐབས་ཀྱི་གཞུང་རྣམ་པར་བཤད་པ་ལྷན་ཅིག་སྐྱེས་པའི་གཟི་འོད་ཕྱོགས་བཅུར་རྒྱས་པ་ཞེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །གང་ཞིག་བདེ་ཆེན་འགྱུར་བ་མེད་པ་ཡི། །ཡེ་ཤེས་གཅིག་ཉིད་རྣམ་ཀུན་རོལ་བའི་གར། །ཧེ་རུ་ཀ་དཔལ་རབ་འབྱམས་འཁོར་ལོའི་མགོན། རྡོ་རྗེ་རྣལ་འབྱོར་མ་ཚོགས་…

འདི་དོན་གསལ་བར་འབྱེད་ལ་སྤྲོ། གང་འདི་ཕལ་ཆེར་རྒྱུད་ཀྱི་རྡོ་རྗེའི་ཚིག་བསྡུས་ཤིང༌། གང་ཡང་དུར་ཁྲོད་བརྒྱད་དང་ཉེར་བཞིའི་ཡུལ་ཀུན་ཏུ། གང་ཞིག་རྟག་ཏུ་རོལ་པ་གདོད་མ་ནས་གྲུབ་པའི། །སློབ་དཔོན་སྒྱུ་འཕྲུལ་ལྡན་པ་འདི་ཡང་ངོ་མཚར་རྨད། །དེ་ལ་དཔལ་སྡོམ་པའི་རྒྱུད་ཀྱི་རྗེས་སུ་འབྲང་བའི་སྒྲུབ་ཐབས་དང༌། དེའི་ཡན་ལག་གི་ཆོ་ག་ནི་རིམ་པ…

གྱིས་དེར་འགྱུར་ན། ལཱུ་ཡིའི་ལུགས་ཀྱང་དེར་ཐལ་བས་ལུགས་བཞི་བགྲོད་པ་མི་འཐད་ལ། མཻ་ཏྲིའི་གཞུང་ལུགས་དེ་ཀུན་ཡང་ཆ་ཤས་ཉེ་ཚེ་བའི་གཞུང་ཡིན་གྱི། རྒྱུད་དོན་རྫོགས་པར་འགྲེལ་པ་མིན་ནོ། །དེས་ན་མི་ཐུབ་ཟླ་བ་དང༌། རིན་ཆེན་རྡོ་རྗེ་དང༌། སྟོང་ཉིད་ཏིང་འཛིན་ལ་སོགས་པས་ཀྱང༌། རྩ་རྒྱུད་ཀྱི་སྒྲུབ་ཐབས་སྲོལ་ཀ་མི་འདྲ་བ་རེ་མཛད་ཅིང༌། མི་…

སྣང་སྟེ་དོན་ལའང་དེ་དེ་ཉིད་དོ། །དེ་ལྟ་ན་སྔོན་སྦྱིན་སྲེག་སློབ་དཔོན་འདིས་མཛད་པ་ཞིག་ཡོད་མོད་ཀྱང༌། བར་སྐབས་སུ་དཔེ་ནུབ་པ་ཡིན་པས། གཞུང་དྲུག་གི་ངོས་འཛིན་བོད་དུ་ཡོངས་སུ་གྲགས་པ་འདི་ལྟར་བྱེད་དུ་ཆུག་ཀྱང༌། སློབ་དཔོན་ཉིད་ཀྱིས་གཞུང་དྲུག་མ་མཛད་པའི་སྐྱོན་དུ་མི་འགྱུར་ལ། ཡང་རྣམ་པ་གཅིག་ཏུ་ན། གཞུང་དྲུག་ལ་ངོས་འཛིན་ཚུལ་གཞ…

སམྦྷ་ར་ནི་སྡོམ་པ། སཱ་དྷ་ནཱཾ་ནི་སྒྲུབ་ཐབས་ནཱ་མ་ནི་ཞེས་བྱ་བ་སྟེ། དཔལ་འཁོར་ལོ་སྡོམ་པའི་སྒྲུབས་ཐབས་ཞེས་བྱ་བ་ཞེས་པའོ། །བཅོམ་ལྡན་འདས་དཔལ་ཧེ་རུ་ཀ་ལ་ཕྱག་འཚལ་ལོ། །ཞེས་པ་ནི་འགྱུར་གྱི་ཕྱག་ཡིན་པར་གྲགས་ཤིང༌། རྣམ་པ་གཅིག་ཏུ་ན་རྒྱ་དཔེ་ལ་ཡོད་པར་ཡང་མངོན་ནོ། །སྒྲུབ་ཐབས་ཀྱི་གཞུང་དངོས་བཤད་པ་ལ། སྒྲུབ་ཐབས་ཉིད་བཤད་པ། སྒྲུབ…

ཡི་དྭགས་ཞེས་བྱ་སྙམ་ན། མཁས་པ་ཁ་ཅིག་དེ་ནི་ལྷ་ཡིན་ཡང་ཡི་དྭགས་ཞེས་ང་རྒྱལ་གཞོམ་པའི་ཕྱིར་སྨད་པའི་ཚིག་སྟེ། དེ་ཉིད་བསྡུས་པ་ལས། ཀྱཻ་ལུས་སྲུལ་པོ་མིའི་ཤ་ཟ་བ་པོ་ཞེས་དབང་ཕྱུག་ཆེན་པོ་ལ་བོད་པའི་ཚིག་གསུངས་པ་དང༌། རྡོ་རྗེ་རྩེ་མོ་ལས་ཀྱང༌། ལུས་སྲུལ་པོ་ནི་དྲག་པོ་ཆེ། །ཞེས་གསུངས་པ་དང་འདྲ་སྟེ། ལུས་སྲུལ་པོ་ཡང་ཡི་དྭགས་སུ་གཏོ…

འདི་ལ་སྒོས་སུ་དམིགས་བསལ་ཡང་མེད་པའི་ཕྱིར་དེ་དག་དང་འདྲ་ལ། དེ་ཉིད་བསྡུས་པ་དང་རྩེ་མོའི་ལུང་དེ་དག་འདིར་མ་འབྲེལ་བ་བདེན་ནོ། །པྲེ་ཏ་ཞེས་པའི་སྒྲ་ཡི་དྭགས་དང་མི་རོ་གཉིས་ཀ་ལ་འཇུག་པའི་སྐབས་ཤིག་ཡོད་མོད་ཀྱི། འདིར་ཡི་དྭགས་ཡིན་གྱི་མི་རོ་ལ་མི་འཇུག་སྟེ། གལ་ཏེ་དབང་ཕྱུག་ལ་སོགས་པ་ཤི་བའི་ལུས་ཡིན་དུ་ཆུག་ཀྱང༌། ཤི་བའི་དོན་གྱ…

དྭགས་ཆེན་པོ་གདན་དུ་བྱས། །ཞེས་འབྱུང་བ་དང༌། མངོན་བརྗོད་ལས། ཕྱི་རོལ་ཡི་དྭགས་འཕྲེང་བས་བསྐོར། །ཞེས་པ་ཡང༌། འདྲེ་གདོན་ཆེན་པོ་ཞབས་ཀྱིས་མནན་པ་དང༌། ཁོར་ཡུག་ལ་གཤིན་རྗེའི་ཚོགས་གནས་པའི་དོན་ཡིན་གྱི་དེ་དག་ལ་མི་རོ་ཆེན་པོ་དང་མི་རོའི་འཕྲེང་བའི་བཤད་པ་བྱེད་པ་ནི་ཆེས་བཞད་གད་ཀྱི་གནས་ཡིན་ནོ། །དེས་ན་གདོན་གྱི་གཙོ་བོ་དེ་དག་ཞབ…

རུ་རཱུ་པ་ནི་གཟུགས་སམ་བཀོད་པ་སྟེ་གནས་པ་དང་འཇིག་པའི་ཚོགས་པ་དང་བྲལ་བ། ཀ་ཀསྠ་ན་གནས་པ་དང་བྲལ་བ་སྟེ། རྟག་ཆད་འཁོར་འདས་ཡོད་མེད་ཀྱི་མཐའ་གང་ལའང་མི་གནས་པ། ཤྲཱི་ནི་གཉིས་སུ་མེད་པའི་ཡེ་ཤེས་འགྲོ་བ་ཐམས་ཅད་ཀྱི་འདོད་བྱ་མཐར་ཐུག་པའི་ཕྱིར། དཔལ་ཏེ་གཉིས་མེད་ཀྱི་ཡེ་ཤེས་གདོད་མ་དེ་ལ་སྐྱེ་འགག་གནས་གསུམ་མེད་ཅིང༌། རྟག་ཆད་ཀྱི་མཐའ…

ཡུལ་ལས་འདས་པ། ར་ཡིག་ནི་ར་ཧི་ཏ་བྲལ་བའམ་སྤངས་པ་སྟེ། དྲི་མ་ཐམས་ཅད་དང་བྲལ་བ། ཧཱི་ཡིག་ནི་ཡོན་ཏན་གྱི་དབང་གིས་ཧེ་ཡིག་ཏུ་བསྒྱུར་ཏེ། ཧེ་རུ་རྒྱུ་སྟེ་རྒྱུ་ཐམས་ཅད་སྤངས་པའི་སྟོང་ཉིད་དོ། །དེ་ཡང་བདེ་ཆེན་གཅིག་ཉིད་དཀྱིལ་འཁོར་གྱི་འཁོར་ལོ་སོགས་རྣམ་པ་མཐའ་མེད་པར་འཆར་བའི་ཕྱིར། དེའི་རང་བཞིན་བརྗོད་པའི་ཡུལ་ལས་འདས་པ་དང༌། དེ་…

ཕག་ནི་གཙང་རྨེའི་རྣམ་རྟོག་མེད་ཅིང་ཀུན་ཟ་བ་ལྟར་རྣམ་པར་མི་རྟོག་པའི་ངང་ནས་གདུག་པ་མ་ལུས་པ་འཇོམས་པར་བྱེད་པའི་ཕྱིར་ཕག་མོ་སྟེ། མི་རྟོག་པ་ལ་ཡང་རིས་མེད་པའི་བདེ་བས་རྨོངས་པ་ཞེས་ཐ་སྙད་བཏགས་སོ། །དེ་ལྟ་བུའི་དཔལ་ཧེ་རུ་ཀ་དང་རྡོ་རྗེ་ཕག་མོ་དེ་ལ་སློབ་དཔོན་སྤྱོད་པ་བ་བདག་རབ་ཏུ་དང་བ་ཆེན་པོའི་སྒོ་ནས་ཡང་དང་ཡང་དུ་འདུད་པ་ནི་ཀ…

ནི་སྡོམ་པ་སྟེ་ཟུང་འཇུག་གི་ཡེ་ཤེས་དེ་ཉིད་སྒྲིབ་པ་ཀུན་དང་བྲལ་བའི་གནས་སྐབས་དང་སྦྲེལ་ནས། སྐུ་བཞི་ཡེ་ཤེས་ལྔའི་བདག་ཉིད་དཔལ་ཧེ་རུ་ཀ་ཞེས་བྱའོ། །གང་དེ་འདྲ་བའི་འབྲས་བུ་དེ་ཐོབ་པར་བྱེད་པའི་ཐབས་ཐུན་མོང་མ་ཡིན་པ་དེ་ལའང་འཁོར་ལོ་སྡོམ་པ་ཞེས་བྱ་བའི་མཚན་གྱིས་འདོགས་ལ། དེ་འདྲ་བའི་རང་བཞིན་དང་ཐབས་དང་འབྲས་བུ་དེ་སྟོན་པར་བྱེད…

བརྗོད་བླ་མས་གསལ་བར་བྱས་པའང་ཡོད་ལ། གཙོ་བོར་རྩ་རྒྱུད་ཉིད་ཀྱི་དགོངས་པ་དཔལ་ཧེ་རུ་ཀའི་བཀའ་ལུང་དང་རྡོ་རྗེ་མཁའ་འགྲོ་མ་རྣམས་ཀྱིས་རྗེས་སུ་བསྟན་པ་དང༌། བླ་མ་གྲུབ་ཐོབ་ཛ་ལནྡྷཱ་རི་པའི་མན་ངག་ལ་བརྟན་ནས་ཀྱང་གསལ་བར་རྟོགས་པ་དང༌། སློབ་དཔོན་རང་ཉིད་ལ་ཡང་དག་པའི་ཡེ་ཤེས་སྐྱེས་པས་སྒྲ་དང་རྗེས་སུ་དཔག་པ་ལ་མ་བལྟོས་པར། རྒྱུད་དོན་…

གོ་རིམ་ཟློག་པར་འབྲི་བ་དང༌། སྒོམ་པའི་དབྱེ་བ་འབྱུང་བཞི་ལུགས་ཟློག་ཏུ་བཤད་པ་ནི་ལྷའི་རྣལ་འབྱོར་གཞན་དང༌། སྔགས་ཀྱི་བཟླས་པ་གཞན་དང༌། བསྐྱེད་པའི་ཐབས་གཞན་ལས་དངོས་གྲུབ་མྱུར་བ་གཞན་དང་མི་མཚུངས་པ་ཞིག་ཡིན་ནོ་ཞེས་མཚོན་པའི་ཕྱིར་ཏེ། ལྷ་འགོད་ཚུལ་ལ་སོགས་པ་དེ་དག་ཀྱང་སྦས་པའི་ཚུལ་ནི་ཡིན་མོད་ཀྱི། བརྡའི་སྐད་ཀྱིས་སྦས་པ་ཁོ་ན་ན…

ཐག་པར་རྒྱུན་བཤགས་ཀྱི་ཚིག་བརྗོད་པ་ན་བྱེད་པར་འགྱུར་བ་དང༌། ཡིག་བརྒྱ་ཡང་ཐུན་མཚམས་ཀྱི་སྤྱོད་པ་ཡིན་པས། མཐའ་གཅིག་ཏུ་ཐུན་འགོར་དགོས་པའི་ངེས་པ་མེད་ལ། འོན་ཀྱང་ནང་གི་ཁྲུས་སུ་དམིགས་པ་ཡིན་ན། ཐོག་མར་སྦྱོར་བ་ཡང་ཤིན་ཏུ་འབྲེལ་ལོ། དེ་ལ་གང་དུ་བསྒོམ་པའི་གནས་ནི། རྩ་རྒྱུད་ལས། རི་བོ་ཚང་ཚིང་སྨན་ལྗོངས་དང༌། །ཆུ་བོ་ཆེན་པོའི་ངོ…