ཡུལ་སྤྲོས་བྲལ་གྱི་མཚན་ཉིད་གོ་བའི་ཕྱིར་བཤད་པ་ཡིན་གྱི། དེ་ལྟར་སྒོམ་དགོས་པའི་ཕྱིར་མ་ཡིན་ནོ། །ཡང་ལས་དང་པོ་པ་དག་གིས་དཔྱད་པ་སྔོན་དུ་བཏང་ནས། དཔྱད་མཐར་མི་རྟོག་པའི་ཚུལ་དུ་བཞག་ནའང་ལེགས་པར་འགྱུར་མོད་ཀྱི། སྤྱིར་སྐབས་འདི་དག་ཏུ་དཔྱད་པ་དང་དེས་དྲངས་པའི་སྟོང་པར་ཞེན་པའི་བློ་མཐའ་གཅིག་ཏུ་དགོས་པ་མ་ཡིན་ལ། མི་རྟོག་པའི་མཉམ…

པ་པའི་སེམས་དེ་ཡང་རང་གི་ངོ་བོས་མ་གྲུབ་སྟེ་གདོད་ནས་སྟོང་པའོ། །འོ་ན་སེམས་ལས་གཞན་པ་ཡང་མེད། སེམས་ཀྱང་མེད་པས་ཅི་ཡང་མེད་པའོ་སྙམ་ན་མ་ཡིན་ཏེ། ཛྙཱ་ན་ནི་ཡེ་ཤེས་ཏེ། དོན་དམ་པའི་རིག་པ་རྣམ་པ་ཐམས་ཅད་པར་འཆར་བའོ། །བཛྲ་ནི་རྡོ་རྗེ་སྟེ་དེ་ཉིད་རྟག་བརྟན་ཞི་བ་གཡུང་དྲུང་གི་ངོ་བོ། །སྭ་བྷཱ་བ་ནི་རང་བཞིན་ཏེ་ཡེ་ཤེས་རྡོ་རྗེ་དེ་ཉི…

སངས་རྒྱས་རྣམས་ཀྱི་ལོངས་སྤྱོད་རྫོགས་སྐུ་ཡེ་ཤེས་ཀྱི་སྐུ་མཚན་དཔེས་སྤྲས་པ་སྟེ། འཁོར་བའི་རླུང་སེམས་བག་ཆགས་དང་བཅས་པ་རྣམ་པར་དག་པ་དེའོ། །སྦྱོང་བྱེད་ལམ་ནི་སྟོང་པ་ལས་ལངས་མ་ཐག་གཞན་གྱིས་བར་མ་ཆོད་པར་ཤིན་ཏུ་ཕྲ་བའི་གཟུགས་ཙམ་གྱི་ངོས་ནས་བར་སྲིད་དང་ཡང་མཐུན། ལོངས་སྐུ་དང་ཡང་མཐུན་པའི་ན་དའི་རྣམ་པ་དེ་ཡིན་ལ། ཇི་ལྟར་ལམ་དུ་འ…

ཡེ་ཤེས་ལྔ་དང་སྦྱོར་ཚུལ་ནི་གོང་དུ་བཤད་པ་ཉིད་དོ། །དེས་ན་ན་ད་དང༌། ཧཱུཾ་ཆ་ལྔ་པ་འདམ་ཁ་ཡིན་ཡང་སྒྲུབ་ཐབས་ཉིད་དུ་ན་ད་གསལ་བས། བདག་བསྐྱེད་ལ་ན་ད་སྒོམ་པ་འདི་གཙོ་ཆེ་བར་མངོན་ནོ། །གཉིས་པ་འགལ་རྐྱེན་སྤོང་བ་ནི། སྲུང་བའི་འཁོར་ལོ་སྟེ། དེ་ཡང་སྣ་ཚོགས་པད་ཉིར་ཧཱུཾ་རྡོ་རྗེ། །ཧཱུཾ་བྱུང་མཁའ་འགྲོའི་ཚོགས་སྤྲོས་ཏེ། །བློ་དང་ལྡན་པ…

གཉིས་པ། རྭའི་མདོག་རྣམས་གཞལ་ཡས་ཁང་གི་ཕྱོགས་མདོག་དང་མཐུན་པ། ལྟེ་བ་ཁ་དོག་ནག་པོ་གྲུ་བཞི་པར་མཛད་དེ། ཤར་གྱི་སྔོན་པོ་ནི་ནག་པོ་དང་དཀར་པོ་འདྲེས་པས་དཀར་པོའི་ཞད་ཡོད་པའི་ཕྱིར། རིགས་ལྔའི་ཁ་དོག་ཀྱང་ཚང་བར་བཞེད་དོ། །སྣ་ཚོགས་རྡོ་རྗེ་དེའི་ལྟེ་བའི་དབུས་སུ་སླར་ཡང་ཧཱུཾ་ཡིག་སྔོན་པོའོ། །གཉིས་པ་ནི་ཧཱུཾ་དེ་ལས་བྱུང་བའི་ཁྭ་གད…

མ་ངེས་ལ་ངེས་ན་སྒོ་མཚམས་མ་བརྒྱད་པོ་དེ་ལས་རྣམ་པར་འཕྲུལ་བ་དུ་མ་སྤྲོ་བ་དང༌། སྡུད་པའི་ཚུལ་དུ་བསྒོམས་ཤིང༌། སྒོ་མཚམས་མ་རྣམས་ཀྱི་སྐུའི་རྣམ་པ་ཡང༌། དམ་ཚིག་འཁོར་ལོ་ལ་བཀོད་པའི་ལྷ་བས་ཆེས་ཁྲོ་བ། སྐུ་སྦོམ་ཞིང་ཐུང་བ་རྒྱན་ཆ་ལུགས་བཞུགས་ཚུལ་གཞན་རྣམས་ཕྱོགས་མཚུངས་པ་ལ་སྐྲ་སེར་པོ་གྱེན་དུ་བརྫེས་པ། སྦྲུལ་གྱི་རྒྱན་ལྷག་པོར་ཡོ…

སྣང་ངོ༌། །འོན་ཀྱང་རྒྱུད་ཀྱི་དངོས་བསྟན་ནི། གོ་ཆའི་དཔའ་མོ་རྣམས་ཀྱི་ལས་ཚོགས་སྒྲུབ་པའི་དཀྱིལ་འཁོར་ཡིན་ལ། མདུང་གི་དབྱིབས་ཀྱང་རྡོ་རྗེ་ཕག་མོ་གར་སྟབས་ཀྱིས་བཞུགས་པ་ལ་འགྲེལ་པས་བཤད་པས་མཐའ་གཅིག་ཏུ་མ་ངེས་སོ། །དེ་ལྟར་མཁའ་འགྲོ་མ་བརྒྱད་པོ་དེ་དག་ཞལ་བཞི་པའི་སྔགས་ལན་གཉིས་ཀྱིས་སྤྲོ་བ་ཡིན་ནོ། །གསུམ་པ་ནི། ཡང་གནོད་མཛེས་ཀྱ…

ཕུར་བུ་དབལ་ཅན་ནི་རྙིང་མ་པ་ཁོ་ནའི་ལུགས་ཡིན་པས་མི་འདོད་དེ། རྡོ་རྗེ་རྩེ་གཅིག་པའམ། མདུང་གི་དབྱིབས་སུ་འདོད་ཅེས་ཟེར་རོ། །དེ་ནི་རྙིང་མ་པ་ལ་སྡང་བའི་རྣམ་འགྱུར་ཙམ་ལས་དོན་མ་གོ་བ་སྟེ། ཕུར་བུའི་དབལ་མདའ་སྒྲོ་ལྟ་བུར་བྱེད་པ་ནི། རྒྱ་ནག་སོགས་སུ་ཕྱིས་བཅོས་པ་ལ་བརྟེན་ནས་བཟོ་སྒྲོས་འཆུགས་པ་ཡིན་པས། རྙིང་མའི་རང་ལུགས་མིན་ཞིང…

པའམ། ལྕགས་ཀྱུ་ཞགས་པ་འཛིན་པ་སོགས་མི་བཟང་སྟེ་ཕྱག་མཚན་དེ་དང་དེའི་བྱ་བ་མེད་བཞིན་དུ་རྩ་བའི་ཕྱག་མཚན་འབོར་བ་མི་རིགས་པས་སོ། །ཕུར་བུ་སྤྱི་བོར་བཙུགས་ཤིང་བསྒྲིལ་བས་བགེགས་རྣམས་ཀྱི་ལུས་ཕལ་ཆེར་ཕུག་ཅིང༌། ཐོ་བས་བརྡུངས་པས་རིང་དུ་ཕུག་ནས། འདྲུབ་ཁུང་གི་འོག་གི་རྡོ་རྗེའི་ས་གཞི་ལ་སྦྲགས་པར་བསམ། དེ་ཡང་བགེགས་རྣམས་ཀྱི་ལག་པ་བཅ…

བཅིངས་པ་ཡིན། །གང་ལ་གང་གིས་གསོད་པ་ཡོད། །ཅེས་འབྱུང་བ་དང༌། བྱམས་པའི་གོ་ཆ་བགོས་པ་དང༌། །སྙིང་རྗེ་ཆོས་ཀྱི་གོ་ཆ་ཡིན། །ཤེས་རབ་མཚོན་ཆར་ལྡན་པ་ཡིས། །ཉོན་མོངས་བདུད་རྣམས་བཟློག་པར་བྱ། །བཀའ་ཡི་འཁོར་ལོ་བསྲུང་བ་ཆེ། །ཕུར་བུས་བགེགས་མེད་དངོས་གྲུབ་འགྱུར། །ཞེས་གསུངས་ཏེ། འདིར་ཕུར་བུས་འདེབས་པ་དང༌། སྔར་ཕོ་ཉ་སྤྲོ་བ་དང་བགེགས་…

འཕྲེང་བ་སྤྲོ་བར་བྱ། །འོད་དེ་བལྟས་ནས་དེ་འོག་ཏུ། །དྲ་བ་རྭ་བ་དེ་བཞིན་ཏེ། །རྡོ་རྗེ་ས་སོགས་བྱིན་གྱིས་བརླབ། །བླ་བྲེ་མདའ་ཡི་དྲ་བ་དང༌། །རྡོ་རྗེ་མེ་ནི་རབ་བསྐོར་བ། །ཕྱི་རོལ་རིང་ནས་དགོད་པར་བྱ། །ཞེས་གསུངས་སོ། །དེས་ན་སྣ་ཚོགས་རྡོ་རྗེ་ཧཱུཾ་ཡིག་དང་བཅས་པ་ལས་འོད་ཟེར་འཕྲོས་པ། འོད་ཟེར་གྱི་རྩེ་མོ་ལས་རྡོ་རྗེ་སོགས་སྤྲོས་ན…

པའི་མདེའུ་ཅན་གྱི་མདའ་མདེའུ་བསྣོལ་ཞིང་སྦྲེལ་བ་ཁོ་ནའི་དྲ་བ། རྒྱུ་རྡོ་རྗེའི་རང་བཞིན་ཁ་དོག་སྣ་ཚོགས་པ་རིམ་པ་མང་བོ་ཅན་མདེའུ་ཕྱི་ལ་བསྟན་པ། མདའ་དྲ་དེའི་ཕྱི་རོལ་འོག་གི་ས་གཞི་ལ་འོབས་རྒྱ་ཆེ་ཞིང་གཏིང་ཟབ་པས་ཁོར་ཡུག་ཏུ་བསྐོར་བའོ། །དེའི་ཕྱི་རོལ་དུ་ཟེར་ཡང་རྡོ་རྗེའི་ས་གཞི་རྭ་གུར་མདའ་དྲ་རྣམས་ལས་འབར་ཞིང་སྐྱེས་པ་ཡིན་ལ།…

པ་སྤྱོད་ལ། སྦྱངས་འབྲས་ནི། དངོས་གཞི་སངས་རྒྱས་ཀྱི་མཛད་པ་རྣམས་ལ་བར་དུ་གཅོད་པའི་བདུད་བཅོམ་པ་སྟེ། སྒྲིབ་གཉིས་བག་ཆགས་དང་བཅས་པ་སྤངས་པའོ། །དེ་ཡང་སྣ་ཚོགས་རྡོ་རྗེ་ཧཱུཾ་དང་བཅས་པ་ནི་ཡེ་ཤེས་ལྔའི་བདག་ཉིད་ཀྱི་ཕྱིར་ཉོན་མོངས་པའི་བདུད་འཇོམས་པ་དང༌། ཕོ་ཉ་རྣམས་སྤྲོ་བས་ནི་ཕུང་པོའི་བདུད་འཇོམས་པ་དང༌། ཕུར་བུས་འདེབས་པ་ནི་འཆི…

གཉིས་པ་ནི། །འབྱུང་བ་ཐམས་ཅད་ཅེས་སོགས་ཏེ། འབྱུང་བཞི་ལུགས་ཟློག་རི་རབ་དང་བཅས་པའོ། །གསུམ་པ་ནི། ཇི་ལྟར་སྣ་ཚོགས་སོགས་ཏེ། འབྱུང་བཞི་ལུགས་འབྱུང་རི་རབ་དང་བཅས་པའོ། །དེའི་རྗེས་སུ་བ་ལང་གནས་སོགས་ནི་ཡན་ལག་དེ་གཉིས་ཀར་ལ་འཇུག་པའི་རྒྱས་བཤད་དོ། །བཞི་པ་ནི། མི་ཕྱེད་པ་དང་ཞེས་པ་སྟེ་གཞལ་ཡས་ཁང་ངོ༌། །དེ་ཡང་བློ་དང་ལྡན་པ་སྒྲུབ་…

པ་སྟེང་དུ་ལྡིང་བ་ཆུ་དང༌། ལྷག་མ་སྟེ་གཞན་མ་སྟེ་གཞན་ཡང་སྐམ་པར་བྱེད་པ་སྟེ་མེ་དང༌། རྩ་ན་གནས་པ་རླུང་སྟེ། དེ་ནས་ནི་དེའི་རྗེས་སུ་དུང་ཆེན་པོ་ནི་བདེ་བ་ཆེན་པོའི་བརྡས་བསྟན་པ་རི་རབ་ནི་དཀྱིལ་འཁོར་གྱི་གདན་ནམ་གནས་ཀྱི་ངོ་བོར་བྱའོ།། དེའི་སྟེང་དུ་ནི་མི་ཕྱེད་པ་སྟེ་སྣ་ཚོགས་རྡོ་རྗེའི་ལྟེ་བ་ལ་གནས་པའམ། རྡོ་རྗེའི་རང་བཞིན་ཉི…

མཚན་མ་མེད་པ་དང་སྨོན་པ་མེད་པའི་ཡེ་ཤེས། འོག་གི་ཟུར་ནི་རྣམ་པར་ཐར་པའི་སྒོ་འདུས་མ་བྱས་པ། གང་ལ་དམིགས་ན་ཡོན་ཏན་གོང་ནས་གོང་དུ་འཕེལ་བ་ཐོབ་པའི་ཕྱིར་གདེངས་ཀ་གྱེན་དུ་རྒྱས་པའོ། །དེ་ལྟ་བུའི་སྟོང་ཉིད་སྙིང་རྗེ་གཉིས་སུ་མེད་པ་ལས་སངས་རྒྱས་ཀྱི་ཡེ་ཤེས་ཐམས་ཅད་འབྱུང་བའི་ཕྱིར། དེའི་དབུས་སུ་དཀྱིལ་འཁོར་བསྒོམས་པ་ཡིན་ལ། དེ་ནི་…

རྣམས་སྦྱོང་ངོ༌། །འབྱུང་བཞི་ལུགས་འབྱུང་ནི། དེའི་རྗེས་སུ་མངལ་དུ་ཆགས་པའི་སེམས་ཅན་གྱི་ལུས་དེ་ནི། རླུང་གིས་འཕེལ་བར་བྱེད། མེས་སྨིན་པར་བྱེད། ཆུས་སྡུད་པར་བྱེད། བསྡུས་པ་དེ་ཡང་སས་སྲ་བར་བྱེད། ནམ་མཁས་ནི་འཕེལ་བ་ལ་སོགས་པ་དེ་ཐམས་ཅད་ཀྱི་གོ་སྐབས་སྦྱིན་པར་བྱེད་དེ། དེ་ལས་ལུས་ཡོངས་སུ་རྫོགས་པ་གྲུབ་ཅིང་བཙས་པ་ནི་གཞལ་ཡས་ཁང…

ཅུང་ཟད་རགས་པ་རླུང་རྡུལ་ལ་བརྟེན། དེ་ནི་མེ་རྡུལ་དང༌། དེ་ནི་ཆུ་རྡུལ་དང༌། དེ་ཡང་དེ་བས་རགས་པ་ས་རྡུལ་ལ་བརྟེན་ནས་གནས་ཏེ། གང་ཡང་ཕྱོགས་ཐམས་ཅད་དུ་ཁམས་ལྔ་འབྲལ་མི་ཤེས་པའི་ཚུལ་གྱིས་གནས་སོ། །འདིར་རི་རབ་ནི་ནམ་མཁའི་ཁམས་ཀྱི་རྡུལ་མཚོན་ནོ། །དེ་ལ་ཆོས་འབྱུང་ནམ་མཁའ་རང་ཡིན་ལ། འདི་མཁའ་ཁམས་ཀྱི་རྡུལ་དང་སྦྱོར་དགོས་པའི་ཁྱད་པར་…

བཅས་པ་སྒོམ་པ་ནི། འཇིག་རྟེན་གྱི་ཁམས་ལ་འབྱུང་བཞིའི་དཀྱིལ་འཁོར་རི་རབ་སོགས་རི་དགུ་མཚོ་བརྒྱད་གླིང་བཅུ་གཉིས་ལ་སོགས་པ་སྣ་ཚོགས་པ་གྲུབ་པ་དེ་སྦྱོང་བར་བྱེད། དེ་ཡང་དཀྱིལ་འཁོར་བཞི་པོ་ལ་ཕྱི་དབྱིབས་ཉིད་ཟླ་གམ་ནས་གྲུ་བཞིའི་བར་དུ་བསྒོམ་པའམ། ཡང་ན་ཐམས་ཅད་དབྱིབས་ཟླུམ་པོ་དབུས་སུ་མཚན་མ་ཟླ་གམ་ནས་གྲུབ་བཞིའི་བར་དུ་སོ་སོའི་རྟ…

མ་སྟེང་མ་ལ་ཡོད་པ་བང་རིམ་རྣམས་ཀྱང་རི་རབ་ཉིད་དང་མཚུངས་པའི་ཕྱོགས་མདོག་ཅན་རི་རབ་རྩེ་མོ་གྲུ་བཞི་ལ་ཟུར་བཞིར་རྩེ་མོ་རེ་རེ་དང༌། ཡང་དེའི་ཕྱོགས་ལ་ཟུར་བསྟད་པའི་ཚུལ་གྱིས་འོག་མའི་ངོས་ཀྱི་དབུས་དང་རྒྱ་མཉམ་པའི་ཟུར་བཞི་དང་ལྡན་པའི་སྟེགས་བུ་གྲུ་བཞི་ལྟ་བུའི་ཟུར་བཞི་ལ་རྩེ་མོ་རེ་རེ་དང༌། རི་རབ་ཀྱི་སྟེང་གི་དབུས་ཀྱི་གཞི་ལ་ཐ…