ཞེས་ཟེར་བ་ལ། རྗེ་བཙུན་གྲགས་པ་རྒྱལ་མཚན་གྱིས། དེ་ལྟ་ན་ཁྱིམ་པ་རྡོ་རྗེ་འཛིན་པ་བུ་སྨད་ཅན་ལས་དང་པོ་པ་ལ། རྩ་ལྟུང་འདིས་མ་གོས་པ་མི་སྲིད་པ་ཐལ་བར་འགྱུར་བ་དང༌། ཐིག་ལེ་དོར་བ་ཙམ་ནི་ཤེས་རབ་ཡེ་ཤེས་ཀྱི་བསྒྲུབ་བྱའི་དམ་ཚིག་མ་བསྒྲུབས་པ་ཡིན་ལ། རྩ་ལྟུང་བཅུ་བཞི་ནི་ཐུན་མོང་ཀྱི་དབང་ལ་ཡང་བསྲུང་དགོས་པར་གྲུབ་པས་དེ་མི་ལེགས་ཞེས་…

ལོའི་ལུགས་ལ་རྩ་བའི་ལྟུང་བ་འདིར་འགྱུར་ཞིང༌། ལན་ཡང་དེ་ལྟར་གདབ་རྒྱུ་ལ། གསང་དབང་དང༌། དམ་རྫས་དང༌། བཅུད་ལེན་དང༌། རིགས་ཀྱི་དོན་དུ་བསམ་པ་མཆོག་གིས་ཟིན་པ་ལ་ཉེས་པ་མེད་ཅེས་པ་ཙམ་གྱིས་ཀྱང་ཁྱིམ་པ་རྡོ་རྗེ་འཛིན་པ་བཀག་ཅེས་བྱ་བའི་ལན་ཐེབས་པར་མི་འགྲོ་སྟེ། དེ་ལྟ་བུའི་རྣམ་གཞག་དེ་ཡང་རྣལ་འབྱོར་ལ་ཅུང་ཟད་གོམས་པའི་གནས་སྐབས་ཀྱི…

འགྱུར་རོ། །དེའི་ཕྱིར་དེ་ཁོ་ན་ཉིད་མེད་པར་དབང་པོ་གཉིས་སྐྱེས་ཀྱི་བདེ་བས་སངས་རྒྱས་འདོད་པ་རྣམས་ལ་རྩ་བའི་ལྟུང་བ་ལྔ་པར་འགྱུར་རོ་ཞེས་གསུངས་པས། དེ་ཁོ་ན་ཉིད་མེད་པར་དབང་པོ་གཉིས་སྐྱེས་ཀྱི་བདེ་བས་སངས་རྒྱས་འདོད་པ་རྣམས་ལ་ལྟུང་བ་འདི་འབྱུང་བ་མང་ཞེས་གསུངས་པ་ཡིན་གྱི། དེ་དེའི་ཡན་ལག་ཏུ་མི་དགོས་ཏེ། དེ་ཁོ་ན་ཉིད་མེད་པའི་དབ…

འཛག་མེད་དུ་འཆིང་བ་ལ། མ་གུས་པ་དོན་གྱིས་འཕངས་པ་ཡིན་ནོ། །ཚིག་གི་དངོས་བསྟན་ལ་ཞེན་ནས་ཅལ་ཅོལ་མི་འཚལ་ལོ། །འདིར་འཇུག་སེམས་བཏང་བའང་འདིར་འགྱུར་ཞེས་པ་ཧ་ཅང་རྒྱ་ཆེས་ཤིང༌། དོན་དམ་བྱང་སེམས་ཡིན་ཟེར་བའང་ད་ལྟ་མོས་པས་བསྒོམས་པའི་དབང་དུ་བྱས་ནས་དགུ་པ་བཅུ་གཅིག་པ་གཉིས་དང་ཟློས་ཤིང༌། དངོས་སུ་བསྐྱེད་དགོས་ཀྱི་དབང་དུ་ཡིན་ན་སྔགས…

བསྐྱེད་རིམ་དང༌། གོང་མའི་སྡོམ་པ་མ་ཐོབ་པ་ལ་རྫོགས་པའི་རིམ་པ་སྟོན་པར་བྱེད་ན། དེ་དང་དེའི་གསང་བ་བསྒྲགས་པར་འགྱུར་བས་གང་ཟག་དེ་དད་པས་སྔགས་ལ་འཇུག་པ་ལྟ་བུའི་དགོས་པ་ཁྱད་པར་ཅན་ཡོད་ན་མ་གཏོགས། ཡུལ་དེས་དོན་གོ་བ་ན་རྩ་བའི་ལྟུང་བའོ། །ཡུལ་དེ་ཉིད་ལ་དབང་གི་ཆོ་ག་བྱ་བ་ལ་ནི་གསང་སྒྲོགས་མི་འབྱུང་བས། དགོས་པ་ཁྱད་པར་ཅན་ཡོད་པ་མ་ཡ…

མོས་དགོས་པས། འདི་ལ་གལ་ཏེ་སྨད་པའི་སེམས་བསྐྱེད་དེ་ལུས་ལ་གདུང་བ་རྩོམ་ན་བྱ་བ་དེ་ཟིན་མ་ཐག་ཏུ་རྩ་བའི་ལྟུང་བར་འགྱུར་རོ། །འོ་ན་བླ་མེད་ཀྱི་རྣལ་འབྱོར་པ་དག་གིས་བྱ་རྒྱུད་ནས་བཤད་པའི་སྙུང་གནས་དང་དཀའ་ཐུབ་དེ་དག་བྱར་མི་རུང་ངམ་ཞེ་ན། རུང་སྟེ་དེ་དག་ནི་དངོས་གྲུབ་ཀྱི་དོན་དུ་འཇིག་རྟེན་པའི་ལྷ་རྣམས་མགུ་བའི་ཕྱིར། དཀའ་ཐུབ་སྤྱ…

མི་གཙང་བ་དང་སྡུག་བསྔལ་གྱི་འདུ་ཤེས་སྒོམ་དགོས་པ་མ་ཡིན་ནམ་ཞེ་ན། སྤྱིར་དེ་དག་ཀུན་རྫོབ་ཀྱི་གནས་ཚུལ་ཡིན་པས་བསྒོམ་པའང་ཡོད་མོད་ཀྱི། ཐེག་པ་དམན་པ་བཞིན་དུ་རྒྱུ་མཚན་དེ་དག་ལ་བརྟེན་ནས་སྨོད་པར་སེམས་ན་ནི། རྩ་ལྟུང་འདིར་གཏོགས་ཀྱི་ཉེས་བྱས་སུ་ངེས་པར་འགྱུར་ཞིང་རྡོ་རྗེ་རྩེ་མོའི་ལུང་དེ་ཡང་ཁོ་བོ་ཅག་ལ་ནི་མི་འཇུག་སྟེ། རྣལ་འབ…

གཞག་ཙམ་ཤེས་ནས་མ་དད་པར་བྱེད་པ་ནི་ཐུན་གཉིས་ལ་ཡོངས་སུ་འདས་ན་རྩ་ལྟུང་ངོ༌། །འོན་ཀྱང་སྟོང་ཉིད་སྟོན་པའི་གཞུང་ལ་ཐོས་བསམ་བྱེད་པའི་ཚེ། སྟོང་པ་ཉིད་ལ་དམིགས་ཏེ་གཞུང་དེའི་དོན་ནི་འདི་མིན་པ་འདྲའོ་སྙམ་པ་ལྟ་བུའི་ཐེ་ཚོམ་ཙམ་ནི་མ་བཀག་གོ །རང་གི་རིག་པའི་སེམས་དེ་བཞིན་གཤེགས་པའི་རིགས་ཡིན་པའི་ཕྱིར། དེའི་སྣང་བར་གྱུར་པའི་ཕུང་པོ…

ལས་ཏེ་ཟིན་པ་ཙམ་གྱིས་རྩ་ལྟུང་དུ་འགྱུར་རོ། །དེ་སངས་རྒྱས་ཀྱི་བསྟན་པ་ལ་འཇུག་ཐུབ་པའམ། སེམས་ཅན་ལ་གནོད་པ་མང་པོའི་སྒོ་ཁེགས་པ་ལ་སོགས་པ་དགོས་པ་ཁྱད་པར་ཅན་མཐོང་བའི་ཚེ་གནང་བ་ཉེས་མེད་དོ། །འོ་ན་ངན་སོང་སྦྱོང་རྒྱུད་ལས། གླེན་པས་དཀོན་མཆོག་གསུམ་སྨོད་དང༌། །སངས་རྒྱས་བསྟན་ལ་གནོད་བྱེད་དང༌། །བླ་མ་སྨོད་ལ་བརྩོན་པ་རྣམས། །མཁས་པ…

དེ་མ་ཤི་བར་དུ་སྡིག་ལས་རྔམ་པོ་ཆེས་དུས་འདའ་བ་ཞིག་ཡིན་ལ། སྒྲུབ་པ་པོ་ནུས་པ་དང་ལྡན་ཞིང་སྟོང་པ་ཉིད་ཀྱི་ལྟ་བ་དང་སྙིང་རྗེའི་སེམས་གཡོ་བ་མེད་པར་ཡོད་ན་ངེས་པར་བསྒྲལ་བར་བྱ་སྟེ། གཞན་དུ་ན་སྙིང་རྗེ་ལྷོད་པར་འགྱུར་བ་དང༌། རྡོ་རྗེ་འཆང་གི་བཅས་པ་ལས་ཅུང་ཟད་འདས་པས་སོ། །འདི་ལ་ཉེས་བྱས་ཞིག་འབྱུང་བར་ནི་མངོན་ལ། ཡུལ་རྟེན་ཚང་ཡང་མ…

ཀྱི་ངེས་དོན་ལས་འབྱུང་བས་སྔགས་པས་སྙིང་རྗེ་མདོ་དང་ཐུན་མོང་འདི་སྒོམ་དུ་མི་རུང་བ་དང༌། དྲང་དོན་དུ་བཤད་པའི་བསྐྱེད་རིམ་བཟླས་པ། རྩ་རླུང་སོགས་ཀྱང་སྒོམ་དུ་མི་རུང་བར་ཐལ་ལོ། །སྙིང་རྗེ་དང་ནི་མི་འགལ་ཏེ། ཀྱཻ་རྡོ་རྗེ་ལས། འབད་པས་སྙིང་རྗེ་བསྐྱེད་ནས་ནི། །བསད་པར་བྱ་བ་བརྗོད་པ་ཉིད། །ཅེས་དང༌། གཞན་ལས་ཀྱང༌། སྙིང་རྗེས་བསྒྲལ་…

བར་རྒྱལ་བས་གསུངས་པའི་ཕྱིར། དཔེར་ན་ཚེ་འདས་ཀྱི་དོན་དུ་སྡིག་སྦྱོང་གི་ཆོ་ག་བྱས་པས་དེ་ལྟར་འགྲོ་བ་བཞིན་ནོ། །གཞན་ཡང་སྟོང་ཉིད་རྟོགས་པས་གྲོལ་ན་སྟོང་ཉིད་ཁོ་ན་སྟོན་དགོས་པ་སོགས་ཧ་ཅང་ཐལ་ལོ། །འདིར་སྨྲས་པ། ཐབས་ཆེན་འདི་ནི་ཡུན་རིང་ཐེག་མཆོག་ལ། །འབད་པ་རྣམས་ཀྱང་མངོན་པར་སྐྲག་བྱེད་ན། །ཐེག་དམན་བློ་ཅན་སྔགས་པར་ཁས་ལེན་པ། །དེ…

སྟོང་པ་ཉིད་ཀྱི་ལྟ་བ་རྟག་ཏུ་བསྐྱང་དགོས་པར་བཤད་པས་ཞག་གི་དུས་མཚམས་ཀྱང་མི་ལེགས་ཤིང་འདི་རྩ་ལྟུང་ཡིན་པའི་རྒྱུ་མཚན་གདོད་སྟོན་དགོས་སོ། །དེས་ན་གོང་མ་རྣམས་ཀྱི་བཞེད་པ་ནི་གོང་དུ་བཤད་པ་དེ་ཉིད་ཡིན་པ་ལས། དང་པོ་རྒྱུད་འགྲེལ་ཚད་ལྡན་མང་པོའི་ཁུངས་དང་བཅས་ཤིང༌། ཕྱི་མ་ཡང་དུས་འཁོར་འགྲེལ་ཆེན་གྱི་དགོངས་པ་དང༌། ཇོ་བོ་ཆེན་པོ་རྗ…

པ་རྣམས་གསུང་པ་ནི། ལས་དང་པོ་པའི་དབང་དུ་བྱས་ན་དེ་ལྟར་འཐད་དོ། །བཅུ་གཉིས་པ་ནི། ཡུལ་སེམས་ཅན་དད་པ་དང་ལྡན་པ་སྟེ། རྡོ་རྗེའི་ཐེག་པ་དོན་དུ་གཉེར་བའོ། །ཐེག་པ་དམན་པ་དང་ཕ་རོལ་ཏུ་ཕྱིན་པ་དོན་དུ་གཉེར་བ་ལ་ནི་ལྟུང་བའི་སེལ་བར་འགྱུར་བར་མངོན་ནོ། །དེས་ན་ཡུལ་དེ་ལ་ལུས་ངག་གི་སྤྱོད་པ་འཇམ་རྩུབ་གང་ཡིན་ཡང་རུང་སྟེ། དེའི་སེམས་ཟློག…

རྫོགས་རིམ་སྟོན་པ་ལ་སོགས་པས་ཡུལ་དེ་བསླུས་ན། དེ་ཡང་ཆོས་དང་གང་ཟག་ལ་མ་དད་པ་སྐྱེས་ཏེ་འདུན་པ་ལོགས་པའི་ཚེ་རྩ་ལྟུང་འདིར་འགྱུར་ཏེ། གང་ཟག་དེ་ལམ་དེའི་སྣོད་མ་ཡིན་པའམ། དགེ་འདུན་གྱི་ནང་དུ་འཐབ་བཀྲོལ་བྱེད་པ་ལྟ་བུའི་དགག་བྱ་ཡོད་པ་ལ་བསམ་ན་ཉེས་པ་མེད་པར་མཁས་པ་རྣམས་བཞེད་དོ། །དུས་འཁོར་ལས་ནི་དག་པའི་སེམས་ཅན་ཏེ་རྣལ་འབྱོར་ཅན་…

སྨྲ་ཞིང༌། དགའ་བའི་སེམས་ཀྱིས་འོངས་པ་དང༌། དོར་ན་རྩ་བ་ཉམས་པར་འགྱུར། ཞེས་དང༌། རྡོ་རྗེ་སྙིང་པོ་རྒྱན་གྱི་རྒྱུད་ལས། དམ་ཚིག་དང་ལྡན་རྩེད་མི་བྱེད། ཅེས་གསུངས་པས། དེ་གཉིས་ཀྱི་དོན་ནི་ཚོགས་ཀྱི་འཁོར་ལོར་རིག་མས་འདོད་པ་སྟབ་པ་མ་བླང་བར་བཤད་ལ། གཞན་འགའ་ཞིག་ཏུ་བཟའ་བའི་དམ་ཚིག་ལ་ཡང་བཤད་པས། ནཱ་རོ་པའི་སློབ་མ་རྒྱ་གར་དཱ་རི་ཀ་པ…

གཞི་སྐྱེས་ཏེ། ཚོགས་ཀྱི་འཁོར་ལོར་བསད་ཤ་བཟར་མི་རུང་ཞེས་པ་དང༌། ཁྱིམ་པའི་ཚོགས་འཁོར་དང་རབ་ཏུ་བྱུང་བའི་ཚོགས་འཁོར་གྱི་ཐ་སྙད་བྱས་ཏེ། ཕྱི་མ་ནི་གཏོར་མ་ལ་ཤ་ཆང་འབུལ་ཞིང༌། རྣལ་འབྱོར་པ་རྣམས་ཀྱིས་ལོངས་སྤྱད་པར་བྱ་བ་ནི་ཤིང་ཏོག་དང༌། བུ་རམ་དང༌། ཞུན་མར་སོགས་བཟའ་ཞིང་ཤ་ཆང་གི་དམ་ཚིག་ཅུང་ཟད་སྟོབ་པ་ཡིན་ཟེར། ཡང་ཤ་ལྔ་ནི་བསད་ཤ…

དེ་སོགས་མང་དུ་བརྟག་པར་བྱར་ཡོད་མོད་ཀྱི་མི་སྤྲོ་ལ། རང་གི་སྤྱོད་པ་ལ་སྔགས་པས་རྙེད་བཀུར་དང༌། སྙན་གྲགས་སྒྲུབ་པར་སེམས་ན་ནི་རང་ཉིད་སྤྱོད་པ་བཟང་པོ་མངོན་ལྐོག་མེད་པར་སྐྱོང་ཞིང༌། སྐྱེ་བོའི་མདུན་དུ་བདག་ཉིད་སྒྲོག་པར་བྱ་བའི་གྲུབ་མཐའ་ངན་པ་མ་རྩོམ་ཞིག །སྔགས་ཀྱི་སྤྱོད་པ་མཐའ་དག་སྤྱད་དུ་མེད་པའི་ཕྱིར། དགེ་སློང་རྡོ་རྗེ་འཛ…

མེད་པའི་ཡེ་ཤེས་དེ་ལས་འབྱུང་བས་ན་རང་བཞིན་ཏེ། བུར་ཤིང་བུ་རམ་གྱི་རང་བཞིན་ཡིན་ཞེས་པ་ལྟ་བུའོ། །སྤྱི་ལ་སྨོད་ཚུལ་དུ་འགྲོ་བ་ཡང་སྐྱེས་པ་ལས་ལོགས་སུ་བཀར་ཏེ། བུད་མེད་ཀྱི་རིགས་འདི་གཡོ་སྒྱུ་ཆེ་ཞེས་པ་ལྟ་བུའམ། བུད་མེད་ཀྱི་རིགས་འདི་ཤིན་ཏུ་དམན་ཏེ་མཐོ་རིས་ཐོབ་པ་དཀོན་ན་བྱང་ཆུབ་ལྟ་ག་ལ་ཞིག །ཅེས་པ་དང༌། འདི་ཐམས་ཅད་ནི་མི་གཙ…

རང་གི་ཕྱག་རྒྱ་ལ་སྨད་པ་ལ་རྩ་ལྟུང་དུ་འཆད་ཏེ། སྤྱིར་གསང་འདུས་ལས། ཕྱག་རྒྱའི་སེམས་སུན་འབྱིན་པ་སྟེ། མི་དགའ་བར་བྱེད་པ་དམ་ཚིག་གི་ཉེས་པ་ཆེན་པོར་བཤད་ཀྱང་རིགས་ལ་མ་སྨད་ན་རྩ་ལྟུང་འདིར་ནི་མི་འགྱུར་བར་མངོན་ལ། གལ་ཏེ་དེའི་སེམས་སུན་ཕྱུང་བས། སྔགས་ཀྱི་ཐེག་པ་ལས་འདུན་པ་ལོག་ན་ནི་བཅུ་གཉིས་པར་འགྱུར་ཞིང༌། སྤྱིར་ཕྱག་རྒྱ་ལ་བརྟ…