འཁོར་དང་ལྷ་མཆོད་པ། སྦྱིན་སྲེག་དང་རབ་གནས་ལ་སོགས་པ་སྔགས་ཀྱི་སྤྱོད་པའི་ཚོགས་སུ་ངག་གིས་རྩོད་པ་དང༌། འཆའ་བ་དང༌། སྨོད་པ་བྱེད་པའོ། །ཉེ་བའི་རྡོ་རྗེའི་སྤུན་མ་ཡིན་ན། ཁྲོ་བས་དོན་དུ་བརྗོད་པར་བྱས་ན་སྦོམ་པོ་འདི་ཡིན་པར་མངོན་ལ། རྡོ་རྗེ་སྤུན་ལ་ཁྲོ་བའི་སེམས་ཡོད་ན་ནི་རྩ་ལྟུང་དུ་འགྱུར་བས་ཁྲོ་སེམས་མེད་པའི་དབང་དུ་བྱས་པའོ།…

ཚུལ་དང་དགེ་བསྙེན་ཡིན་ཡང་རུང་སྟེ། རང་ཉིད་སྲོག་གི་ཉེན་པ་དེ་དག་ཐེག་པ་ཆེན་པོ་ལ་འཇུག་པ་ལྟ་བུའི་དགོས་པ་མེད་བཞིན་དུ། དེ་དག་གི་གནས་སུ་ཞག་བདུན་གནས་ན། བདུན་པའི་ཐུན་མཚམས་རྫོགས་པ་དང་འདིར་འགྱུར་རོ། །ཐེག་ཆེན་པ་སྔགས་ལ་མ་དད་པ་རྣམས་ལའང་འདིའི་ཕྱོགས་མཐུན་གྱི་ཉེས་པ་ཞིག་འབྱུང་ངམ་སྙམ་སྟེ་དཔྱད་པར་བྱའོ། །དྲུག་པ་ནི། དབང་བསྐ…

གཅིག་གི་གྲངས་བསྙེན་རྫོགས་པར་སོང་ནས་དཀྱིལ་འཁོར་གཞན་གྱི་ལས་ལ་འཇུག་པ་སོགས་ཅུང་ཟད་དགག་བྱ་ཆུང་བས་སྦོམ་པོའི་ཉེས་པ་མེད་དོ། །ཞེས་བླ་མ་གོང་མ་རྣམས་གསུང་ངོ༌། །དེ་རྣམས་ཀྱང་རྩ་ལྟུང་ཉིད་ཀྱི་ཡན་ལག་ཡིན་ཏེ། དང་པོ་དང༌། གསུམ་པ་དང༌། ལྔ་པ་དང༌། བདུན་པ་རྣམས་རྩ་ལྟུང་བདུན་པའི་དང༌། གཉིས་པ་ནི་རྩ་ལྟུང་གསུམ་པའི་དང༌། བཞི་པ་བདུན་…

ནང་གི་རྣལ་འབྱོར་མེད་ཀྱང་རྣལ་འབྱོར་ཡོད་པ་ལྟར་སྟོན་ཞིང་རློམ་སེམས་བྱེད་པའོ། །བདུད་རྩི་སྟོབས་ཀྱིས་ལེན་པ་དང༌། ཞེས་པ་འབྱུང་བ་ནི་རྟ་དབྱངས་ཀྱིས་མཛད་པར་གྲགས་པའི་སྦོམ་པོའི་གཞུང་གཞན་ཞིག་ཏུ་ཡང་འབྱུང་སྟེ། དོན་ནི་མ་སྦྱངས་པའི་ཕྱག་རྒྱའི་དྲི་ཆུ་རཀྟ་ལ་སོགས་པ་བཟའ་བ་ཡིན་ཏེ། སྐལ་མིན་ལ་གསང་བ་སྟོན་པའི་ནང་དུ་འདུ་བར་མངོན་ནོ…

བུ་ཅང་ཏེའུ་ཐོད་པ་ཁ་ཊྭཱཾ་རྒྱན་དྲུག་ཕྱག་མཚན་ལ་སོགས་པ་འཆང་དགོས་པར་རྒྱུད་ལས་གསུངས་པ་རྣམས་མ་བཅངས་པ་དང༌། ཤ་ལྔ་བདུད་རྩི་ལྔ་ལ་སོགས་པ་ནང་གི་མཆོད་པའི་དམ་ཚིག་རྣམས་དང༌། ལས་དང་ཡེ་ཤེས་ཀྱི་ཕྱག་རྒྱ་ལ་སོགས་པ་གསང་བའི་དམ་ཚིག་སྟེ། བསྟེན་བྱར་གསུངས་པ་རྣམས་མ་བསྟེན་པ་དང༌། སྦྱིན་སྲེག་དང༌། མཆོད་པ་གཏོར་མ་ལ་སོགས་པ་སྒྲུབ་དགོས་པ…

པ་ནི། སངས་རྒྱས་གང་དག་སངས་རྒྱས་ནས་ཆོས་མི་སྟོན་པར་བཞུགས་པ་མི་སྲིད་ཞེས་པའོ། །འགྲོ་བ་ནི་སྐལ་བ་དམན་པ་རྣམས་སོ། །བླ་མེད་ནི་ཐེག་པ་ཆེན་པོ་སྟེ་འདི་གཙོ་བོར་གྱུར་པས་སོ། །དེས་ན་མ་དག་པའི་འཇིག་རྟེན་གྱི་ཞིང་དུ་མྱུར་དུ་ཆོས་རྒྱུན་མི་ཆད་པར་གསུང་པར་བསྐུལ་བ་ཡིན་ནོ། །དྲུག་པ་མྱ་ངན་ལས་མི་འདའ་བར་གསོལ་བ་འདེབས་པ་ནི། རང་བཞིན་ས…

དཀོན་མཆོག་གི་མཆོག་སྟེ། ཐ་མལ་གྱི་ཚུལ་གྱིས་གཞན་རྣམས་ཀྱང་བཟུང་ངོ༌། །ཐབས་ཤེས་དབྱེར་མེད་ནི་ཟུང་འཇུག་སྟེ་རྡོ་རྗེའི་ཆོས་དཀོན་མཆོག་དང༌། རྡོ་རྗེའི་ཐེག་པ་ལ་ཞུགས་པའི་རྣལ་འབྱོར་ཅན་རྣམས་དགེ་འདུན་དཀོན་མཆོག་སྟེ། ལུང་རྟོགས་ཀྱི་དམ་པའི་ཆོས་གཞན་ཐམས་ཅད་དང༌། ཐུན་མོང་གི་དགེ་འདུན་དཀོན་མཆོག་རྣམས་ཀྱང་ཞོར་ལ་འཕངས་པ་ཡིན་ནོ། །བ…

མར་ཚུལ་ཁྲིམས་གསུམ་བཟུང་བར་ཁས་བླངས་པ་དང༌། འཇུག་སེམས་ལེན་ཚུལ་དངོས་སོ། །དང་པོ་ནི། བྱང་ཆུབ་སེམས་དཔའི་ཚུལ་ཁྲིམས་ལ་དབྱེ་ན། ཚུལ་ཁྲིམས་གསུམ་སྟེ། ཚུལ་ཁྲིམས་ཀྱིས་ནི་སོགས་སོ། །དེ་ལ་ཉེས་སྤྱོད་སྡོམ་པའི་ཚུལ་ཁྲིམས་ནི། ལུས་ངག་ཡིད་གསུམ་གྱི་སྡིག་པ་མི་དགེ་བའི་ལས་སྡོམ་པ་སྟེ་སོ་སོ་ཐར་པ་རིགས་བདུན་ལྟ་བུའོ། །སྡོམ་པའི་ངོ་བོ…

མ་འགལ་བ་ཞེས་པའི་དོན་ནོ། །གཉིས་པ་ནི་ཇི་ལྟར་སོགས་ཏེ་རྒྱལ་བ་ནི་སྔོན་བྱང་ཆུབ་སེམས་དཔར་གྱུར་པ་ན་ཞེས་སྦྱར་རོ། །ཐུགས་བསྐྱེད་དམ་ཚིག་ཅེས་པ་ལ་ཐུགས་བསྐྱེད་ནས་དམ་ཚིག་སྟེ་བྱང་ཆུབ་སེམས་དཔའི་བསླབ་བྱ་ལ་གནས་པའོ། །མགོན་བཞིན་ཞེས་པ་ནི། མགོན་པོ་སྟེ་སངས་རྒྱས་རྣམས་ཀྱི་སྔོན་མཛད་པ་བཞིན་ནོ། །དགུ་པ་ལམ་བསྟེན་པ་ལ། ཐུན་མོང་གི་ལམ…

པ་འདིར་ནི་སྤང་བྱའི་དབྱེ་བ་དེ་དག་ཀྱང་ཐ་དད་པས་ཉེ་བར་མི་མཁོ་ལ། ལམ་འདིས་ཏིང་ངེ་འཛིན་དང་མངོན་ཤེས་ལ་སོགས་པའི་ཡོན་ཏན་སྒྲུབ་པ་ལ་ནི་བསམ་གཏན་སོགས་མི་དགོས་ཤིང་བསམ་གཟུགས་དེ་དག་ནི་ལམ་འདིའི་གོལ་ས་ཏེ། ཐེག་པ་ཐུན་མོང་དུ་བསམ་གཏན་བཞི་བཤད་པའི་དོད། །ལམ་འདིར་དགའ་བ་བཞི་དང༌། སྟོང་པ་བཞི་དང༌། སྣང་བ་བཞི་རྣམས་ཡིན་ནོ། །དེས་ན་དེ…

ལས། དང་པོ་མཐའ་གཉིས་ངོས་བཟུང་བ་ནི། དངོས་པོ་རྟག་པར་འཛིན་པ་རྟག་མཐའ་དང༌། སྔར་ཡོད་པ་ཞིག་ཕྱིས་མེད་པར་སོང་བར་འཛིན་པ་ནི་ཆད་མཐའ་སྟེ། གནས་སྐབས་ཀྱི་ངེས་དོན་འཆད་པའི་སྐབས་ཀྱི་རྟག་ཆད་ཀྱི་དབྱེ་བའོ། །མཐར་ཐུག་པ་ནི། ཇི་སྐད་དུ། ཡོད་ཅེས་བྱ་བ་རྟག་པར་འཛིན། །མེད་ཅེས་བྱ་བ་ཆད་པ་ལྟ། །དེ་ཕྱིར་ཡོད་དང་མེད་པ་ལ། །མཁས་པས་གནས་པར་མི…

བཟང་ངོ་ཞེས་འདུ་ཤེས་དང༌། ངས་གོ་ཞིང་དྲན་ཞེས་འདུ་བྱེད་དང༌། རྒས་པ་ནི་ངའོ། །ང་ལ་བསྣུན་ནོ་ཞེས་སོགས་གཟུགས་ཕུང་ལ་འཛིན་པའི་ཕྱིར་རོ། །ལྷན་སྐྱེས་ལ་ངས་སྔོན་ཆུ་འདི་ལ་བརྒལ་ནས་འོངས་སྙམ་པའི་རྟག་འཛིན་དང༌། བདག་ཉིད་གཅིག་པུ་གཞན་ལས་ལོགས་སུ་གར་བའི་རྣམ་པ་དང༌། སྐྱེ་མཆེད་དྲུག་དང༌། གནས་ལུས་ལོངས་སྤྱོད་ལ་ང་དབང་ཞེས་རྟག་གཅིག་རང་…

ཞེས་བྱ་བར་བརྟགས་པ་ལ་ང་ཞེས་བྱ་བར་གྲུབ་པ་མེད་དེ། གྲུབ་ན་ཕུང་པོ་དང་གཅིག་དང་ཐ་དད་གང་རུང་ཡིན་དགོས་པ་ལས། བདག་ཕུང་གཅིག་ན་བདག་སྐད་ཅིག་སྐྱེ་འཇིག་ཅན་དུ་འགྱུར་བ་དང༌། བདག་དུ་མའམ་ཕུང་པོ་ཡང་གཅིག་ཏུ་ཐལ་བར་འགྱུར་བ་དང༌། བདག་ལུས་ཡིན་ན་ཁམས་ལྔ་དང་སྐྱེ་མཆེད་དྲུག་པོ་རེ་རེ་ནས་ཀྱང་བདག་མ་ཡིན་ཞིང༌། ཡིན་ན་བདག་དུ་མར་འགྱུར་ལ། ད…

འདི་དག་ཐམས་ཅད་ཀུན་རྫོབ་ཏུ་སྣང་ཡང༌། ཚད་གྲུབ་ཏུ་མེད་དེ་འཁྲུལ་སྣང་ཡིན་པའི་ཕྱིར་རོ། །ཆོས་ཐམས་ཅད་མེད་དེ་རྒྱུའི་དུས་སུ་མ་སྐྱེས་པས་སོ། །སྐྱེས་ན་རང་དང་གཞན་དང་གཉིས་ཀའང་རྒྱུ་མེད་གང་རུང་ལས་སྐྱེ་བ་ལས། བདག་ལས་སྐྱེ་ན་སྐྱེས་ཟིན་སྐྱེ་བ་དོན་མེད་པ་དང༌། ཕྱི་མཐའ་མི་སྙོགས་པས་སྐྱེ་བ་ཐུག་པ་མེད་པར་འགྱུར་བ་དང༌། རང་གིས་རང་ཉི…

དུ་མ་དག་ཀྱང་མེད། །ཅེས་རྣམ་པར་དཔྱད་ན་གཅིག་ཡིན་པའི་དངོས་པོ་མི་རྙེད་ཅིང༌། གཅིག་མ་བྱུང་ན་དུ་མ་མི་འགྲུབ་སྟེ། དུ་མ་ནི་གཅིག་འདུས་པ་ལས་བྱུང་བའི་ཕྱིར་རོ། །གཅིག་དང་དུ་མ་གཉིས་ངོ་བོ་འགལ་བས་གཉིས་པོ་གཅིག་ཡིན་ན་ཅིག་ཤོས་མ་ཡིན་དགོས་ཀྱང༌། དུ་མར་གྲུབ་པ་ལ་གཅིག་སྔོན་དུ་འགྲོ་དགོས་སོ། །དེས་ན་གཅིག་བཀག་པས་དུ་མ་ཁེགས་དེ་གཉིས་…

ཞབས་ཀྱིས་ཀྱང༌། །གསང་བ་འདུས་པའི་སྒྲུབ་ཐབས་ཀུན་བཟང་ལས། ཐོག་མཐའ་ལ་སོགས་བྱེ་བྲག་སྣང་བས་ན། །གཟུགས་ལ་སོགས་པ་འདི་དག་གཅིག་མ་ཡིན། །ཕྲ་རབ་རྣམས་ཀྱང་མཐོང་བ་མ་ཡིན་པས། །དུ་མའི་གཟུགས་སུ་མིན་པའང་དེ་དག་འདྲ། །རྡུལ་ཕྲན་ཆ་ཤས་མེད་པ་ཉིད་ཀྱང་ནི། །རྡུལ་ཕྲན་དུ་མ་འདུས་པ་ཡོད་མིན་པས། །ས་ཡི་དཀྱིལ་འཁོར་ལ་སོགས་རང་བཞིན་དེ། །བསགས་པ…

ཕྱི་རོལ་དུ་སྣང་བ་ལྟར་དོན་ལ་གྲུབ་ན། དངོས་པོའི་དེ་ཉིད་མཐོང་བར་ཐལ་བའི་ཕྱིར་སེམས་ཅན་ཐམས་ཅད་གྲོལ་བར་ཐལ་བ་དང༌། གཟུང་བ་དང་དེའི་འཛིན་པར་མ་གྲུབ་སྟེ་བདག་གཅིག་ཏུ་འབྲེལ་ན་ངོ་བོ་གཅིག་ཏུ་འགྱུར་ཏེ་གཅིག་ལ་གཟུང་འཛིན་གཉིས་མི་འཐད། དེ་ལས་བྱུང་བ་ཡང་མ་ཡིན་ཏེ་དུས་མཉམ་དུ་སྣང་བས་ན་རྭ་གཡས་གཡོན་བཞིན་འབྲེལ་བ་མེད་དོ། །དོན་ལ་འབྲ…

པོ་དེ་ལ་སྐྱེ་གནས་འཇིག་གསུམ་གྱི་ཆ་མེད་ན་དངོས་མེད་དུ་འགྱུར་ལ། ཡོད་ན་དེ་ཡང་དུ་མར་སོང་ཞིང༌། དེའི་སྐྱེ་བའི་ཆ་ཤས་སོགས་ལའང་ཐུག་མེད་དུ་བརྟགས་ན་དུས་མེད་དུ་འགྱུར་ཞིང༌། འོན་ཏེ་སྐྱེ་འགག་གནས་གསུམ་གཅིག་ཅར་བྱེད་ཅིང༌། སྐད་ཅིག་དེ་ལ་སྔ་ཕྱིའི་མཐའ་གཉིས་མེད་ན་བསྐལ་པ་ཡང་སྐད་ཅིག་མར་འགྱུར་ཏེ། སྐད་ཅིག་མ་ཐམས་ཅད་གཅིག་གི་ནང་དུ…

ཡང་དག་ཏུ་ནི་བཀག་མེད་གསལ། །ཞེས་གསུངས་པ་ལྟར། དགག་སྒྲུབ་ཐམས་ཅད་བྲལ་བ་ཅི་ཡང་མ་ཡིན་པའི་བརྗོད་མེད་ཁས་བླངས་ཐམས་ཅད་བྲལ་བ་དེ་ནི་དངོས་པོའི་གནས་ལུགས་ཡིན་པས་དེ་ལ་མཉམ་པར་བཞག་གོ །དེ་དག་གི་སྙིང་པོ་ནི། གང་ཟག་གི་བདག་མེད་ལ་དམིགས་པ། བདག་མེད་ལ་དམིགས་པ་རྣལ་འབྱོར་གྱི་ས་ཞེས་དང༌། གཟུང་བ་བཀག་པ་ལ་སྒོམ་པ་སེམས་ཙམ་ལ་དམིགས་པའམ་ག…

པ་ལ། །ཆོས་རྣམས་ཐམས་ཅད་རབ་ཏུ་གནས། །ནམ་མཁའ་རྡོ་རྗེ་གནས་སེམས་འདི། །ཆོས་མེད་ཆོས་ཉིད་མེད་པའོ། །ཞེས་རང་སེམས་ཀྱི་བག་ཆགས་ལས་རྒྱང་ཆད་དུ་དམིགས་པ་ཕྱི་རོལ་ཏུ་སྣང་བའི་ཆོས་སུ་གསུངས་ཤིང༌། ཡེ་ཤེས་ཞབས་སོགས་གྲུབ་ཐོབ་མང་པོས་སྣང་བ་སེམས་སུ་གཏན་ལ་ཕབ་པས་གྲུབ་ཐོབ་ཀྱི་གཞུང་ཐམས་ཅད་དང༌། འདུས་པ་ཀྱཻ་རྡོར། དུས་འཁོར་རྣམས་ཀྱི་ལྟ་བ…