ཙནྡན་གྱིས་ལུས་བྱུགས། བསམ་གཏན་གྱིས་ནི་གོས་དག་གྱོན། །བྱང་ཆུབ་ཡན་ལག་མེ་ཏོག་བཀྲམ། །ཇི་ལྟར་བདེ་བར་བཞུགས་སུ་གསོལ། །ཨོཾ་བཛྲ་མཎྜལ་མུཿ དཀྱིལ་འཁོར་རང་ལ་ཐིམ། སྨོན་ལམ་དང་བཀྲ་ཤིས་བརྗོད་དོ། །རྡོ་རྗེ་འཆང་དབང་ཤཱ་བ་རི་པ་དང༌། །མཻ་ཏྲི་ཏི་ཕུ་བ་རེག་རས་ཆུང་པ། །ལོ་སུམ་གླིང་རས་[དགའ་ལྡན་པ་]རྒྱ་རས་བསོད་ནམས་དང༌། ངེས་འབྱུང་[འག…

སྐད་ཅིག་གིས་རྡོ་རྗེ་རྣལ་འབྱོར་མར་གྱུར། ཨོཾ་ཨ་ཨཱ ནས་ཨཾ་ཨཿ ཀ་ཁ༴ ནས་ཧ་ཀྵ་ཧཱུཾ་ཧཱུཾ་ཕཊ ལན་གསུམ། ཨཱ་ལི་ཀཱ་ལིའི་འཕྲེང་བ་འོད་ཟེར་ལྔ་ལྡན། ལྟེ་བར་ལན་གསུམ་གཡོན་སྐོར་དུ་འཁྱིལ་བ། དེ་ལས་འཁོར་ལོ་གསུམ་གྱི་ལྷ་ཚོགས་དཔག་ཏུ་མེད་པ་སྤྲོས། བགེགས་རྣམས་བཅོམ་སྟེ་སླར་ཡང་ལྟེ་བའི་སྔགས་འཕྲེང་ལ་ཐིམ། རང་གྀ་མགོ་བོ་ལྟེ་བ། མགྲིན་པ། …

བྱེད་མ་ནག་མོ། མེ་ཁམས་པཾ་ལས་འགུགས་བྱེད་མ་དམར་མོ། རླུང་ཁམས་ཏཾ་ལས་གར་དབང་མ་ལྗང་ཁུ། མཁའ་ཁམས་ཁཾ་ལས་པདྨ་དྲ་བ་ཅན་མ་དུད་ཁ་རྣམས་སུ་གྱུར། འདི་དག་ཞལ་ཕྱག་རྒྱས་པར་སྒོམ་པར་འདོད་ན། ལཱུ་ཡི་པའི་འགྲེལ་པ་ལཱ་བ་པའི་དང་ཤེས་རབ་བསྲུང་བ་མཛད་པ་ལྟར་ཤེས་པར་བྱ་ལ། བསྡུ་ན་ཡབ་རྣམས་རྡོ་རྗེ་དྲིལ་བུ་དང༌། ཡུམ་རྣམས་གྲི་ཐོད་འཛིན་པའོ། །ར…

དེས་ནི་སེམས་ཅན་མ་ལུས་རྒྱལ་བར་སྨོན། །དཀོན་མཆོག་གསུམ་ལ་ངེས་པར་ཡང་དག་སྐྱབས་སུ་མཆི། །འགྲོ་བ་བདེ་ལ་འགོད་ཕྱིར་ཆོས་ཀྱི་རྒྱལ་པོར་གྱུར། །རྒྱལ་བ་རྣམས་ཀྱི་ལམ་ལ་ཡང་དག་གནས་པར་བགྱི། །མགོན་པོ་བཞེས་ཤིང་བདག་གིས་ལུས་འདི་དབུལ་བ་ལགས། ལན་གསུམ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །ཅེས་སོགས་ཚད་མེད་བཞི་…

ཨོཾ་བཛྲ་ས་ར་ཛཱ་ལ་ཏྲཾ་སཾ་ཏྲཾ༌། ཨོཾ་བཛྲ་ཛྭ་ལ་ཨ་ན་ལརྐ་ཧཱུཾ་ཧཱུཾ་ཧཱུཾ། སླར་ཡང་ཕྱོགས་མཚམས་བརྒྱད་དུ་མཚམས་རྔམ་དང་བཅས་པའི། ཨོཾ་སུམྦྷ། སོགས། ཞལ་བཞི་པའི་སྔགས་ལན་གཉིས་བརྗོད། སྔགས་ཀྱི་འོད་ཟེར་ལས་བྱུང་བའི་སྒོ་མཚམས་མ་བརྒྱད་ཁ་དོག་སོ་སོར་ངེས་པ་ཅན། ཐོ་བ་དང་ཕུར་བུ་ཐོགས་པ་སྤྲོས། ཕྱོགས་བཅུའི་བགེགས་རྣམས་ཕྱོགས་སྐྱོང་བཅུའ…

དཀར་བྱང་ལྗང༌། ནུབ་དམར། ལྷོ་སེར། མཚམས་རྣམས་སུ་བུམ་པ་བརྒྱད་དང་བཅས་པ། དབུས་སྔོ་བའི་སྟེང་དུ་སྐུའི་འཁོར་ལོ་དཀར་པོ་རྩིབས་བརྒྱད་པ། མུ་ཁྱུད་ལ་འཁོར་ལོའི་འཕྲེང་བས་མཚན་པ། དེའི་ལྟེ་བར་གསུང་གི་འཁོར་ལོ་དམར་པོ་རྩིབས་བརྒྱད་པ་མུ་ཁྱུད་ལ་པདྨའི་ཕྲེང་བས་མཛེས་པ། དེའི་ལྟེ་བར་ཐུགས་ཀྱི་འཁོར་ལོ་སྔོན་པོ་རྩིབས་བརྒྱད་པ་མུ་ཁྱུད་…

ལས་རྡོ་རྗེའི་ལྟེ་བར་བཾ་གྱིས་མཚན་པ། དེ་ལས་འོད་ཟེར་འཕྲོས་སངས་རྒྱས་ཐམས་ཅད་མཆོད། སེམས་ཅན་ཐམས་ཅད་ཀྱི་དོན་བྱས། སླར་འདུས་ཏེ་བཾ་ལ་ཐིམ། དེ་ཐམས་ཅད་ཡོངས་སུ་གྱུར་པ་ལས། ལྷ་ཐམས་ཅད་ཡོངས་སུ་རྫོགས་པར་གྱུར་པ་ནི། དབུས་ཀྱི་གདན་གྱི་སྟེང་དུ་རང་ཉིད་རྗེ་བཙུན་རྡོ་རྗེ་རྣལ་འབྱོར་མ་སྐུ་མདོག་པདྨ་རཱ་ག་ལྟར་དམར་བ། ལོ་བཅུ་དྲུག་ལོན་…

མ་དམར་མོ་མནན་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །སྙིང་པོ་དང་ཉེ་སྙིང་ཚར་གཅིག་བརྗོད། འདབ་མ་བརྒྱད་ལ། ཤར་དུ་མཁའ་འགྲོ་མ་ནག་མོ། བྱང་དུ་ལཱ་མ་ལྗང་ཁུ། ནུབ་ཏུ་དུམ་སྐྱེས་མ་དམར་མོ། ལྷོར་གཟུགས་ཅན་མ་སེར་མོ། མཚམས་བཞིར་ཁུ་བ་དང༌། ཁྲག་དང༌། བདུད་རྩི་ལྔ་དང༌། སྒྲོན་མ་ལྔས་གང་བའི་ཐོད་པ་བཞིའོ། །དེའི་ཕྱི་རོལ་ཏུ་ཐུགས…

སཽ་རཥྟར་ཤོ་ན་ཊི་ནི། ལྷོ་རྩིབས་སུ་ཝརྞ་དྭི་པར་འཁོར་ལོའི་གོ་ཆ་མ། ཤར་ལྷོ་ན་ག་རར་ཤིན་ཏུ་དཔའ་མོ། ལྷོ་ནུབ་སིནྡྷུར་པདྨ་གར་གྱི་དབང་ཕྱུག ནུབ་བྱང་མ་རུར་རྣམ་པར་སྣང་མཛད། བྱང་ཤར་ཀུ་ལི་ཏར་བརྩོན་འགྲུས་ཆེན་མོ་སྟེ། ཐམས་ཅད་ཀྱང་སྐུ་མདོག་དཀར་མོའོ། །རྣལ་འབྱོར་མ་ཉི་ཤུ་རྩ་བཞི་པོ་དེ་རྣམས་ཞལ་གཅིག་ཕྱག་གཉིས་གྲི་གུག་དང་ཐོད་པ་འཛ…

པ་དུས་གཅིག་ཏུ་བསྐྱེད་པར་མཛད་པ་ནི། མ་མོ་བཅུ་གཉིས་ཕྱག་བཞི་པའི་ཕྱོགས་ལ་ལེགས་པའང་ཡིན་ལ། འཁོར་ལོ་གསུམ་གྱི་རྣལ་འབྱོར་མ་རྣམས་ཀྱང་མ་མོ་བཅུ་གཉིས་དང་མཚུངས་པར་ཕྱག་བཞི་མ་མཛད་དོ། །འོན་ཀྱང་འདི་ནི་འཁོར་ལོ་གསུམ་གྱི་ལྷ་ཡུམ་རྐྱང་དུ་བྱེད་ཕྱིན་ཡབ་དང་ཕྱག་མཚན་གྲངས་མཐུན་ན་ལེགས་པར་དགོངས་པ་ཡིན་ཀྱང་དེ་ལྟར་ན་དང་པོ་གཉིས་ཀྱང་རྡ…

དབང་ཕྱུག་མ། དཔུང་པ་གཉིས་སུ་ཤིང་གྲིབ་མ། མཆན་ཁུང་གཉིས་སུ་ས་བསྲུང་མ། ནུ་མ་གཉིས་སུ་འཇིགས་བྱེད་ཆེན་པོ་ལྟེ་བར་རླུང་ཤུགས་མ། སྣ་རྩེར་ཆང་འཐུང་མ། ཁར་སྔོ་སངས་ལྷ་མོ། མགྲིན་པར་ཤིན་ཏུ་བཟང་མོ། སྙིང་ཁར་རྟ་རྣ་མ། འདོམས་བར་ལ་བྱ་གདོང་མ། མཚན་མ་ལ་འཁོར་ལོའི་ཤུགས་ཅན་མ། བརླ་གཉིས་སུ་ཤཽཎྜི་ནི། བྱིན་པ་གཉིས་སུ་འཁོར་ལོའི་གོ་ཆ་མ།…

མཆོད། ཛཿཧཱུཾ་བཾ་ཧོཿ ཨོཾ་ཡོ་ག་ཤུདྡྷ་སརྦ་དྷརྨཿཡོ་ག་ཤུདྡྷོ྅་ཧཾ། ཞེས། དེ་བཞིན་གཤེགས་པ་རྣམས་ཀྱིས་བདག་ལ་དབང་བསྐུར་དུ་གསོལ། ཞེས་དབང་གི་ལྷ་རྣམས་ལ་གསོལ་བ་བཏབ་པས། ཇི་ལྟར་བལྟམས་པ་ཙམ་གྱིས་ནི༴ ཞེས་པ་ནས། ཤྲཱི་ཡེ་ཧཱུཾ། ཞེས་གསུང་ཞིང་ཐོད་པ་བདུད་རྩིས་གང་བས་དབང་བཀུར་སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས། གཙོ་མོ་ལ་རྡོ་ར…

བའི་བརྒྱུད་པ་ལྟར་བྱས་ཀྱང་རུང་ལ། ཡང་ན། རྡོ་རྗེ་ཕག་མོ་གྲུབ་ཐོབ་སི་རོ་པ། ཨུ་མ་པ་ཏི་དར་ཏ་ངག་དབང་སྦས། ཆོས་རབ་ཡེ་ཤེས་སེངྒེ་འབུམ་སེང་དང༌། །རྒ་ལོ་ཤེར་སེང་བློ་ཆེན་གནས་དྲུག་པ། །ས་བཟང་པཎ་ཆེན་ས་བཟང་འཕགས་པ་དང༌། །དོན་བཟང་[དོན་ཡོད་བཟང་པོ་ཟེར་]རྒྱལ་མཚན་འོད་ཟེར་བྱམས་གླིང་པ། །དེ་མན་ཆད་གོང་བཞིན་ནོ། །སྙིང་པོ་དང་ལྷ་རྣམས…

གོ་ཆས་རྒྱས་བཏབ་ཐུན་མཚམས་ཀྱི་བྱ་བ་ལ་འཇུག་གོ །རྫོགས་པའི་རིམ་པ་བསྒོམ་པར་འདོད་ན་བཟླས་པའི་མཐར་བྱའོ། །གཏོར་མ་འབུལ་བར་འདོད་ན། འཁྲུལ་སྤོང་གི་གཏོར་ཆོག་ཁོ་ན་འདོན་པ་བསྒྱུར་བས་བྱ་བ་ཡིན་པས། སྒྲུབ་ཐབས་སྙིང་པོ་གོང་དུ་བཤད་པར་ཤེས་པར་བྱའོ། །ལག་མཆོད་དང་ཕྱི་རོལ་མཆོད་པ་སོགས་ཀྱང་གཞན་དུ་རྟོགས་པར་འགྱུར་བས་འདིར་མ་བཤད་དོ། །ད…

ཞབས་ལ། །བཏུད་ནས་སྡོམ་པའི་སྒྲུབ་ཐབས་བྲི། །ད་ནི་བཤད་རྒྱུད་རྣམས་ལས་ཐོག་མར་དཔལ་སྡོམ་པ་འབྱུང་བ་རྩ་བའི་དཀྱིལ་འཁོར་ལྷ་བཅུ་གསུམ་གྱི་བདག་ཉིད་ཅན་གྱི་སྒྲུབ་ཐབས་ཉམས་སུ་ལེན་པར་འདོད་པའི་སྐྱབས་འགྲོ་སེམས་བསྐྱེད་རྡོ་རྗེ་སེམས་དཔའི་སྒོམ་བཟླས་རྣམས་སྔོན་དུ་འགྲོ་བར་བྱས་ལ། ཤྲཱི་ཧེ་རུ་ཀོ྅་ཧཾ། རང་བདེ་མཆོག་ཕྱག་གཉིས་པར་གྱུར། …

ཨོཾ་ཨཱ་ན་ཡ་ཧོ་བྷ་ཝན་བིདྱཱ་རཱ་ཛ་ཧཱུཾ་ཧཱུཾ་ཕཊ། ལན་གཉིས་བརྗོད། སྔགས་ཀྱི་འོད་ཟེར་ལས་གྲུབ་པའི་རྡོ་རྗེའི་ས་གཞི་རྭ་བ་དྲྭ་བ་གུར་བླ་བྲེ། ཕྱི་རོལ་ཀུན་ཏུ་ཡེ་ཤེས་ཀྱི་མེ་འོད་འབར་བའོ། །སླར་ཡང་སྔགས་ཀྱི་འོད་ཟེར་ལས་སྒོ་མཚམས་མ་བརྒྱད་ཐོད་པ་དང་ཕུར་བུ་ཐོགས་པའི་ཚོགས་སྤྲོས། ཕྱི་རོལ་ཏུ་ཧཱུཾ་ལས་བྱུང་བའི་འབྲུབ་ཁུང་རྣམས་སུ་བག…

ཆགས་པ་ཆེ་རྣམས་ཀྱིས། །རྡོ་རྗེ་ཕག་མོ་དེ་ལ་འདུད། །རྣམ་པར་རྟོག་མེད་ཡང་དག་རྟོག །ཡིད་ནི་རབ་ཏུ་མི་གནས་པ། །ཡིད་ལ་མི་བྱེད་དྲན་པ་མེད། །དམིགས་མེད་ཁྱོད་ལ་ཕྱག་འཚལ་ལོ། །ཨོཾ་ཨཱཿཧྲཱི་པྲ་ཝ་ར་སཏྐ་ར་པྲོ་ཀྵ་ནཾ་པྲ་ཏིཙྪ་ཧཱུཾ་སྭཱཧཱ། པྲོ་ཀཱ་ཎཾ་གི་གནས་སུ་ཨཉྩ་མ་ནཾ་དང༌། ཨརྒྷཾ་དང༌། པཱདྱཾ་རྣམས་བཅུག་པ་དང༌། ཨོཾ་བཛྲ་པུཥྤེ་ཨཱཿཧཱུཾ།…

དཔག་ཏུ་མེད་པ་སྤྲོས། སངས་རྒྱས་མཆོད། སེམས་ཅན་གྱི་དོན་བྱས། བྱང་ཆུབ་ཀྱི་སེམས་ཀྱི་ངོ་བོར་ཚུར་བསྡུས། ཧཱུཾ་གི་ནཱ་ད་ལ་ཐིམ། དེ་ཐམས་ཅད་གཅིག་ཏུ་འདྲེས་པ་ལས། རྟེན་དང་བརྟེན་པར་བཅས་པའི་དཀྱིལ་འཁོར་ཡོངས་སུ་རྫོགས་པར་གྱུར་པ་ནི། རིན་པོ་ཆེ་སྣ་ཚོགས་ལས་གྲུབ་པའི་གཞལ་མེད་ཁང༌། གྲུ་བཞི་སྒོ་བཞི་པ། རྩིག་པ་རིམ་པ་ལྔ་དང་ལྡན་པ། ཕ་ག…

ཡོངས་སུ་གང་བའོ། །དབུས་ཀྱི་གདན་གྱི་སྟེང་དུ་འཁོར་ལོ་བདེ་མཆོག་སྐུ་མདོག་མཐིང་ག་ཞལ་གསུམ་ཕྱག་དྲུག་པ། རྩ་བའི་ཞལ་ནག་པོ། གཡས་དཀར་བ། གཡོན་དམར་བ། ཞལ་རྣམ་པར་འགྱུར་བ། སྤྱན་གསུམ་གསུམ་དང་ལྡན་ཞིང༌། མཆེ་བ་གཙིགས་པ། ཕྱག་དང་པོ་གཉིས་ཀྱིས་རྡོ་རྗེ་དང་དྲིལ་བུ་འཛིན་པའི་ཡུམ་ལ་འཁྱུད་པ། བར་པ་གཉིས་ཀྱིས་གླང་པོ་ཆེའི་པགས་པ་བརྒྱངས་…

མ་ལ་མཁའ་འགྲོ་མ་ནག་མོ། བྱང་དུ་ལཱ་མ་ལྗང་ཁུ། ནུབ་ཏུ་དུམ་སྐྱེས་མ་དམར་མོ། ལྷོར་གཟུགས་ཅན་མ་སེར་སྐྱ་མཚམས་བཞིར་ཐོད་པ་བདུད་རྩིས་གང་བ་བཞི་དང་བཅས་པ། ཤར་སྒོར་ཁྭ་གདོང་མ་ནག་མོ། བྱང་སྒོར་འུག་གདོང་མ་ལྗང་ཁུ། ནུབ་སྒོར་ཁྱི་གདོང་མ་དམར་མོ། ལྷོ་སྒོར་ཕག་གདོང་མ་སེར་མོ། ཤར་ལྷོར་གཤིན་རྗེ་བརྟན་མ་གཡས་སྔོ་གཡོན་སེར་བ། ལྷོ་ནུབ་ཏུ…