བྱིན་གྱིས་རླབས་པས་ནི་རྩ་འཁོར་བཞིའི་རྩ་མདུད་གྲོལ་བར་བྱེད་པ། །ཆོས་དབྱིངས་ཀྱི་ང་རྒྱལ་ནི་རང་བཞིན་ལྷན་ཅིག་སྐྱེས་པའི་ཡེ་ཤེས་མངོན་དུ་གྱུར་པའོ། །ཞེས་བྱ་བ་ནི་བསྙེན་པའོ་ཞེས་པ་ནི་གཞུང་གི་ས་མཚམས་གཅོད་པ་སྟེ། རུས་སྦལ་ལོ་ཞེས་པ་ནས་ཨཏྨ་ཀོ྅ཧཾ། ཞེས་བྱ་བའི་བར་རོ། །གཉིས་པ་ཉེར་སྒྲུབ་གོ་ཆ་འགོད་པ་སྟེ་མཆན་ནི། ཨོཾ་ཨོཾ་ཧ་སྙིང…

གསུམ་ན་རྡོ་རྗེ་རལ་གྲི་ཅང་ཏེའུ། གཡོན་གསུམ་ན་དྲིལ་བུ་ཐོད་པ་མགོ་བོ་འཛིན་པ། རྣམ་པར་སྣང་མཛད་སེར་པོ་རང་རྟགས་འཁོར་ལོ། པདྨ་གར་དབང་དམར་པོ་རང་རྟགས་པདྨ། ཧེ་རུ་ཀ་ནག་པོ་རང་རྟགས་ཁྲོ་བོའི་རྡོ་རྗེ། རྡོ་རྗེ་ཉི་མ་དམར་སེར་རང་རྟགས་རིན་པོ་ཆེ། རྟ་མཆོག་ལྗང་ཁུ་རང་རྟགས་རལ་གྲིའོ། །དེ་རྣམས་ཕྱག་བཞི་པ་གཡས་དང་པོས་རང་རྟགས་དང༌། གཡ…

དམར་པོ་རྩེ་ལྔ་པ་འཛིན་ཞིང༌། ལྷག་མ་གཞན་དང་འདྲ་བ་དང༌། རྣལ་འབྱོར་མ་དྲུག་གར་གྲི་གུག་དང་ཐོད་པ་འཛིན་པ་ཁོ་ནའོ། །རྒྱུད་ལས་གར་སྟབས་དང༌། གཡས་བརྐྱངས་གཉིས་འདམ་ཁར་གསུངས་ཀྱང༌། འདིར་གཡས་བརྐྱངས་ཁོ་ན་བྱའོ། །དེ་དག་ལས་རྡོར་སེམས་དང་ཕག་མོ་མཉམ་སྦྱོར། རྣམ་སྣང་དང་གཤིན་རྗེ་མོ་མཉམ་སྦྱོར། པདྨ་གར་དང་རྨོངས་བྱེད་མ་མཉམ་སྦྱོར། ཧེ་ར…

འགོད་ནའང༌། ཨོཾ་ཨོཾ་ཧ་ཞེས་པའི་ཡི་གེ་ཁ་ཕྱིར་བསྟན་པའི་མདུན་དུ། ཨོཾ་ཨོཾ་བཾ་ཁ་ནང་དུ་བསྟན་པ་སོགས་ཡི་གེའང་བཞི་ཕྲག་ཏུ་བྱེད་དོ། །འོན་ཀྱང་སྒོམ་པར་དཀའ་སྟེ་མི་ནུས་ན་གཉིས་ཕྲག་ཏུ་བྱེད་དེ། ཡབ་ལ་ཡབ་ཀྱི་གོ་ཆ་ཁ་སྦྱོར་དང༌། ཡུམ་ལ་ཡུམ་གྱི་གོ་ཆ་ཁ་སྦྱོར་འགོད་དོ། །འདིའི་དགོས་པ་ནི་དབང་པོ་དྲུག་དང་ཡུལ་དྲུག་བྱིན་གྱིས་བརླབས་པས་…

རྣམ་པར་སྣང་མཛད་མཁའ་སྙིང་སྣའི་དབང་པོ་དག་པ་འཚོགས་མར་འགོད་པ་ནི། སྣའི་རྩ་དེ་ན་གནས་པ་ཡིན་ལ། དགོས་པ་རུས་ཚིགས་ལ་སོགས་པ་ཆགས་པའི་ཐ་མ་ཡིན་པའི་ཕྱིར། དེ་ནས་བསྲུངས་བས་ལུས་ཀྱི་བར་ཆད་ཐམས་ཅད་སྲུང་ངོ༌། །པདྨ་གར་དབང་སྤྱན་རས་གཟིགས་ལྕེའི་དབང་པོ་དག་པ་སྤྱི་གཙུག་ཏུ་འགོད་པ་ནི། ལྕེ་དབང་ལྕེ་ཆུང་དང་བཅས་པའི་རྩ་དེ་ལས་བྱུང་བའི་ཕྱ…

དཔའ་དང་འདི་གཉིས་ཀྱིས་དཔྱིད་དང་ཐིག་ལེའི་བར་ཆད་སྲུང་བ་ཡིན་ལ། གཤིན་རྗེ་མོ་ནི་འཇམ་པའི་རྡོ་རྗེ་མ་སྟེ། སྒྲ་རྣམ་པར་དག་པ་སྙིང་ག་སེམས་ཀྱི་གནས་ལ་གནས་པའོ། །རྨོངས་བྱེད་མ་ནི་རོ་རྣམ་པར་དག་པ་དཀར་ཤམ་ཆེན་མོའི་ངོ་བོ་སྟེ་རང་གི་གནས་ཁར་དགོད་པའོ། །སྐྱོད་བྱེད་མ་ནི་དྲི་རྣམ་པར་དག་པ་ནམ་མཁའི་སྤྱན་མ་ཞེས་བྱ་བའི་ངོ་བོ་དཔྲལ་བ་རླུ…

ཝརྞ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བ་ནི་ལྷ་མོའི་སྙིང་གར་རོ། །ཨོཾ་ཙཽ་རཱི་ཧཱུཾ་ཧཱུཾ་ཕཊ་མགུལ་བར་རོ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། དཔྲལ་བར་རོ། །སྤྱི་བོར་ཡི་གེ་ཨོཾ་མོ། །སྙིང་གར་ཡི་གེ་ཧཱུཾ་ངོ༌། །ཟེའུ་འབྲུ་ལ་ནི་ཡེ་གེ་ཨཱཿའོ། །སྐེད་པའི་མཚམས་སུ་ནི་ཡི་གེ་སྭཱའོ།། བརླར་ནི་ཡི་གེ་ཧཱའོ། །ཞེས་བྱ་བ…

ཐུགས་རྡོ་རྗེ་མའོ། །གོས་དཀར་དང་འདྲེས་པའི་སྒྲོལ་མ་ནི་གསུང་རྡོ་རྗེ་མའོ། །མཱ་མ་ཀཱི་དང་འདྲེས་པའི་སྤྱན་མ་ནི་སྐུ་རྡོ་རྗེ་མའོ། །ཧཱུཾ་ཡིག་ཐུགས་རྡོ་རྗེ་ལ་ཡུམ་གྱི་སྙིང་པོ་སྐུ་རྡོ་རྗེ་མ་ཤེས་རབ་མར་སྦྱོར་བ་ནི། ཐུགས་ལ་སྐུའི་ཕྱག་རྒྱའོ། །ཡབ་ཀྱི་ཉེ་སྙིང་གསུང་རྡོ་རྗེ་ལ་ཙཽ་རཱིའི་སྔགས་ཐུགས་རྡོ་རྗེ་མ་སྦྱོར་བ་ནི། གསུང་ལ་ཐ…

ཟེར་ལྟེ་བའི་བར་དུ་ཁྱབ་པ་དང༌། སྐེད་པའི་མཚམས་ཏེ་ལྟེ་བར་ཡི་གེ་སྭཱ་སེར་པོ་རིན་ཆེན་འབྱུང་ལྡན་གྱི་རང་བཞིན་འོད་ཟེར་གསང་བའི་སྟོད་ཀྱི་བར་དུ་ཁྱབ་པ་དང༌། གསང་བའི་ཟེའུ་འབྲུ་ལ་ཨ་ཡིག་དམར་པོ་འོད་དཔག་མེད་ཀྱི་རང་བཞིན་འོད་ཟེར་བརླའི་ཕྱེད་དུ་ཁྱབ་པ་དང༌། བརླའི་དབུས་དེ་ཉིད་དུ་ཡི་གེ་ཧཱ་ལྗང་ཁུ་དོན་ཡོད་གྲུབ་པའི་ངོ་བོ་འོད་ཟེར་…

པའི་ལུས་ངག་ཡིད་གསུམ་གྱི་ནུས་པ་རིམ་གྱིས་འཕེལ་བ་ནི་རྡོ་རྗེ་གསུམ་བྱིན་གྱིས་བརླབས་པས་སྦྱོང༌། རྩ་དང་ཁམས་འཕེལ་བས་ཉོན་མོངས་པ་དུག་ལྔའི་རྣམ་རྟོག་རགས་པར་གྱུར་པ་ནི་ཡི་གེ་ལྔས་སྦྱོངས་ཞིང༌། སྦྱངས་འབྲས་ནི་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པའི་གོ་འཕང་ཐོབ་པ་ནི་གནས་གསུམ་བྱིན་གྱིས་རླབས་དང༌། ཡེ་ཤེས་གཅིག་ཉིད་རིགས་…

དཔའ་བོ་དང༌། །རྣལ་འབྱོར་མ་ནི་དགུག་པ་སྟེ། །འཛུབ་གཉིས་འདུད་ཅིང་གུང་མོ་གཉིས། །སྦྱར་ཏེ་མཐེ་བོང་རྡོ་རྗེ་ནི། །བརྟན་པར་སྦྱར་ལ་དཔྲལ་བ་ཡི། །དབུས་སུ་ལེགས་པར་བཞག་པར་བྱ། །ཕྱག་རྒྱ་མ་མོའི་ཚོགས་བསྐུལ་ནས། །བསྐོར་ཞིང་ངེས་པར་གཞུག་པར་བྱ། །ཞེས་གསུངས་ཏེ། ཐུགས་ཀའི་ཧཱུཾ་ལས་འཕྲོས་པའི་འོད་ཟེར་གྱིས་རང་འདྲའི་ཡེ་ཤེས་སེམས་དཔའ་དཔ…

ཡེ་ཤེས་དམ་ཚིག་མཉམ་ཞེས་པའི་ཚིག་གི་ཟུར་གྱིས་འཕངས་པར་གྱུར་པས་ལུས་དཀྱིལ་མི་སྒོམ་ན། སྐབས་འདིར་སེམས་དཔའ་གསུམ་བརྩེག་བྱ་ལ། སྒོམ་ན་ལུས་དཀྱིལ་གྱི་གཙོ་བོ་ཉིད་ཀྱིས་སེམས་དཔའ་གསུམ་བརྩེག་ཏུ་འགྱུར་བས་འདིར་མི་དགོས་སོ། །དོན་ཚན་གཉིས་པ་དབང་གི་དོན་སྒོམ་པ་ནི། དབང་རྒྱས་བསྡུས་ཇི་ལྟར་འོས་པ་བླང་བ་ལས། འདིར་བསྡུས་པའི་དབང་དུ་བྱ…

མཆོད་དེ། སྐབས་འདིར་མཆོད་པ་གཉིས་ཀྱིས་མཆོད་དོ། །དོན་ཚན་བཞི་པ་རྗེས་ཆགས་ཀྱི་རྒྱས་འདེབས་པ་ནི། ལིང་ག་སྟེ་ཡབ་ཡུམ་གྱི་རྟགས་མཁའ་གསང་གཉིས་ལ་ནི། སྔགས་སྦྱར་བར་བྱ་བ་སྟེ། མཁའ་གསང་མི་དམིགས་ཏེ་སྟོང་པ་ཉིད་དུ་སྦྱངས་ལ། སྟོང་པའི་ངང་ལས་ཧཱུཾ་ལས་ཡབ་ཀྱི་རྡོ་རྗེ་ཕྱི་དབྱིབས་ལིང་ག་ཉིད་ལ། ནང་རྡོ་རྗེ་རྩེ་ལྔ་པ་ལྟེ་བ་ལ་ཧཱུཾ་གིས་མ…

ཐིག་ལེ་ནོར་བུའི་རྩ་འཁོར་ན་གནས་པ་མཚོན་ལ། བྱཱ་གྷྲ་ཛི་ནའི་དོན་སྟག་ལྤགས་ཀྱི་སྨད་དཀྲིས་སམ་ཞེ་སྡང་འཇོམས་པའི་ཕྱིར་དང་ཐིག་ལེ་སྲུང་བའོ། །གཉིས་ཀའི་བུ་གར་ཕཊ་དམར་སེར་གྱིས་བཀག་པར་མོས་པ་ནི་འཛག་པ་འགོག་པ་ཡིན་ལ། བདེ་སྟོང་གཉིས་སུ་མེད་པའི་ཡེ་ཤེས་སྒོམ་པར་ནུས་པའི་བློ་དང་ལྡན་པས། རྣལ་འབྱོར་མ་ལ་སྙོམས་པར་འཇུག་ཅིང་སྐྱེ་གནས་ས…

རྒྱས་ཐམས་ཅད་ཡེ་ཤེས་གཅིག་པར་གྱུར་པ་ནི་ཡེ་ཤེས་པ་གཞུག་པ་དང༌། རྫོགས་སངས་ཀྱི་ཡེ་ཤེས་བརྙེས་པ་ན་སངས་རྒྱས་ཐམས་ཅད་ཀྱིས་རང་ལ་ཁམས་གསུམ་ཆོས་ཀྱི་རྒྱལ་པོར་དབང་བསྐུར་བར་འགྱུར་བ་ནི་དབང་བསྐུར་རྒྱས་བཏབ་དང༌། དེར་མཆོད་པའི་བཀོད་པ་མཐའ་ཡས་པ་རྟག་ཏུ་འབྱུང་བ་ནི་མཆོད་པ་དང་ཁ་སྦྱོར་གྱི་སྐུ་ཅན་ཐུགས་རྒྱུད་ཟག་མེད་ཀྱིས་རྒྱས་པ་ནི་རྗ…

སངས་རྒྱས་ཀུན་འདུས་པའི་ང་རྒྱལ་དུ་འཕོ་བ་དང༌། དམ་ཡེ་ལ་བཟང་ངན་དུ་འཛིན་པ་བཟློག་པ་དང༌། སྐྱོན་ཀུན་སྤངས་ཡོན་ཏན་ཀུན་རྫོགས་གདོད་ནས་གྲུབ་པའི་དཔལ་ཧེ་རུ་ཀ་དེ་ཉིད་རང་དང་དབྱེར་མེད་པར་ཤེས་པའི་ཕྱིར་རོ། །དབང་བསྐུར་བས་ནི་སྔགས་ཀྱི་ལྷ་དེ་ཉིད་རྒྱལ་སྲིད་དུ་བསྐོས་པ་ཡིན་པ་འཕྲིན་ལས་སྒྲུབ་པ་ལ་མཆོག་ཏུ་དབང་བའི་ཕྱིར་རོ། །མཆོད་པ་…

འབྱོར་མ་ནི་དེ་བཞིན་ནོ། །ཞེས་པ་སྟེ། སླར་ཡང་ཡབ་ཡུམ་སྙོམས་པར་ཞུགས་པས་གཉིས་ཀར་གྱི་སྐུ་བདེ་བ་ཆེན་པོས་གང་བར་མོས་ཏེ། དེ་བཞིན་གཤེགས་པ་ཐམས་ཅད་ཀྱི་རྗེས་ཆགས་རྡོ་རྗེའི་ང་རྒྱལ་དང་བཅས་པའི་སྔགས་བརྗོད་དོ། །དཔེ་འགའ་ཞིག་ལས་རཱ་ག་ཎ་དང་བཛྲ་གྱི་བར་ན་པཱུ་ཛ་ཞེས་པ་ཡོད་དོ། །བདེ་བས་རྐྱེན་བྱས་པས་སྙིང་གའི་ས་བོན་ཧཱུཾ་ལས་འོད་ཟེར་…

ཡང་རྩ་སྣར་བྱོན་ཏེ་རོ་གཅིག་ཏུ་འདྲེས་པ་བསམ་པར་བྱའོ། །དཀྱིལ་འཁོར་སྤྲུལ་པའི་རྒྱུ་སངས་རྒྱས་རྣམས་སྤྱན་དྲངས་ཏེ། ཞུ་བ་ཙམ་སྒྲུབ་ཐབས་མང་པོ་ཞིག་ལ་ཡོད་ཀྱང༌།།འཇུག་པའི་སྒོ་སྨིན་མཚམས་དང༌། འགྲོ་བའི་ལམ་ཨ་ཝ་དྷུ་ཏཱི་དང༌། འཇུ་བྱེད་ལྟེ་བའི་གཏུམ་མོ་དང༌། འབབ་ཚུལ་མགལ་མེའི་འཁོར་ལོ་ལྟར་ཡབ་ཡུམ་གཉིས་ཀའི་ཐིག་ལེ་འཁོར་བ་རྣམས་འདི་…

ཀུན་ནས་སྒོ་བཞི་པ། །དཔའ་བོའི་དབང་པོ་ཞལ་བཞི་པ། །དཔའ་བོ་རྣལ་འབྱོར་མས་ཡོངས་བསྐོར། །དེ་ཉིད་དབྱེ་བས་ཕྱེ་བ་སྟེ། སྔགས་པས་རང་འདོད་རྣམས་པར་དབྱེ། །ཕྱིན་ཅི་ལོག་ཏུ་སྦྱར་བར་བྱ། །རབ་ཏུ་དགའ་བའི་དཀྱིལ་འཁོར་ནི། །རབ་སྦྱོར་དོན་དུ་བསྒྲུབ་པར་བྱའོ། །ཞེས་ཏེ། ཀློག་སྐྱ་འགྱུར་ལས། འོག་ནས་འབྱུང་བའི་རྩ་ཡི་ལམ་ནི་ཐམས་ཅད་དང༌། ཞེས་པ…

འཁོར་ལོ་གསུམ། ཧཱུཾ་བརྒྱད་ལས་སྒོ་མཚམས་མ་བརྒྱད་བསྐྱེད་དེ། འདིར་མ་ཟད་ལཱུ་དྲིལ་གཉིས་ཀྱི་དགོངས་པ་ཡང་ས་བོན་འདི་དག་ཁོ་ན་ཡིན་པས་རྒྱུད་དང་གཞུང་ཊིཀ་རྣམ་གྲངས་མང་པོ་དག་ནས། ས་བོན་མི་འདྲ་བ་དུ་མ་འདུག་པ་མཐོང་སྟེ་ཐེ་ཚོམ་དུ་གྱུར་ནས། ལཱུ་དྲིལ་ནག་གསུམ་གྱི་ལུགས་ལ་ཡང་གཞུང་འགྲེལ་གཞན་དང་གཞན་དག་ནས་ཆ་བསྡུ་གཡང་བསྡུའི་ཚུལ་གྱིས…