འདི་ཁོ་ན་ལས་མི་འདའ་སྟེ། གཙོ་བོ་ཡབ་ཡུམ་སོ་སོར་འབྱེད་པ་སོགས་དོན་མིན་ལ། དེ་ཉིད་དབྱེ་བ་ཐ་དད་ཡིན་ཞེས་འདོན་པ་ནི། ཉིད་དང་གཉིས་ནོར་བའི་བཤད་པའོ། །འོན་ཀྱང་འཁྲུལ་གཞི་དེ་འབྱུང་བའི་རྒྱུ། འགྱུར་དེ་ལས་རྩའི་ལམ་ནི་སོགས་གོང་དུ་བཏོན་པས་གཞུང་ཚིག་འཁྲུགས་པ་ལས་བྱུང་བར་སྣང་མོད། འདི་དག་ལྷ་རྣམས་སྤྲོ་བའི་སྐབས་ཀྱི་གཞུང་མ་ཡིན་མ…

གཞལ་ཡས་ཁང་སྒོམ་ཕྱིན་དེའི་གདན་སྣ་ཚོགས་རྡོ་རྗེ་ཡང་བསྒོམ་དགོས་ན། ཤུགས་བསྟན་ལ་ཐོབ་པས་དུར་ཁྲོད་སྲུང་འཁོར་དང་བཅས་པའང་སྒོམ་པ་བཟང་བར་མངོན་ནོ། །འདིའི་སྦྱང་བྱ་ནི་བུ་དང་བུ་མོའི་ཚོགས་རྣམས་ཀྱི་ལུས་མངལ་གནས་སུ་གནས་པ་ཡོངས་སུ་སྦྱོང་བར་བྱེད། སྦྱང་འབྲས་ནི། རང་རྒྱུད་ཀྱི་ཡེ་ཤེས་ལས་སྤྲུལ་བའི་དཀྱིལ་འཁོར་སྤྲོ་བ་དང༌། སྐལ་ལྡ…

ཞེས་པ་སྟེ། ཇི་ལྟར་སྤྲོ་བའི་ཚུལ་སྟོན་པར་བྱེད་དོ། །དེ་ཡང་མཁའ་ནང་དུ་དཀྱིལ་འཁོར་ཆེན་པོ་རབ་ཏུ་རྒྱས་པ་སྤྲུལ་པ་དེ་ལ་ཡིད་ཀྱི་མཆོད་པ་དང༌། ལྷ་དེ་རྣམས་ཉིད་རྗེས་ཆགས་བདེ་བས་ཚིམ་བའི་རང་བཞིན་རབ་ཏུ་དགྱེས་པར་བསྒོམ་ལ། ལྷ་རྣམས་ཀྱི་ཞལ་ཕྱག་རྣམ་པའི་མཚན་ཉིད་རྣམས་ནི་མྱུར་དུ་འཆད་པར་འགྱུར་རོ། །དེ་ལ་ལུགས་འདིའི་ཕྱི་དཀྱིལ་ལུས་ད…

ཀྱི་ཐུགས་ཀར་ཟླ་བ་ལ་ཧཱུཾ། ཡུམ་གྱི་ཐུགས་ཀར་ཉི་མ་ལ་ཨཾ་སྟེ་ཡི་གེ་གཉིས་པོ་འོད་འབར་བ་དང་བཅས་པར་གྱུར་པ་སྟེ། དེ་ཡང་ཡུམ་གྱི་ཐུགས་ཀར་བཾ་ཡིག་དང་ཧཱིཿཡིག་དང་ཙཾ་ཡིག་ལ་སོགས་པ་ཇི་ལྟར་རུང་བ་སྒོམས་ཀྱང་རུང་ངོ༌། །དེ་བཞིན་དུ་སྙིང་པོའི་རྣལ་འབྱོར་མ་བཞི་ཡང་སྔར་གྱི་ལམ་ནས་དྲངས་ཏེ། སྙིང་གའི་ནང་སྐོར་གྱི་ཕྱོགས་བཞིའི་རྩ་འདབ་ནས་ས…

གྱི་གཞལ་ཡས་ཁང་སྲུང་འཁོར་དུར་ཁྲོད་དང་བཅས་པ་སྒོམ་མོ། །འཁོར་གཞལ་ཡས་ཁང་དང་བཅས་པ་སྤྲོས་པའི་སྐབས་འདིར་སོ་སོའི་སྦྱངས་བྱ་དང་རིགས་མཐུན་པའི་འགྲོ་དོན་མཛད་ཚུལ་གྱི་འཕྲིན་ལས་མ་གཏོགས་སངས་རྒྱས་མཆོད་པ་སོགས་སྤྱིའི་མཛད་པ་མི་དགོས་སོ། །དེ་དག་གི་སྦྱངས་བྱ་ནི། བུ་དང་བུ་མོ་མངལ་ནས་བཙས་པ་སྦྱོང་བར་བྱེད་ལ། སྦྱངས་འབྲས་ནི་སྤྲུལ་པ…

མི་དང༌། གླང་རྣམས་རིམ་པ་ཇི་ལྟ་བའོ། །མཚམས་བཞིར་ཡང་ལྔར་གཅིག་གིས་མ་ཚང་བའི་སྣོད་རྣམས་སོ། །མགོ་བོ་པུལླིར་མ་ལ་ཡ་ནས། ཁཎྜ་ཀ་པཱ་ལི་དང༌། རབ་ཏུ་གཏུམ་མོ་སྟེ། སོ་དང་སེན་མོ་འབབ་པའོ། །སྤྱི་གཙུག་འབར་བ་འཛིན་པ་ནས། མ་ཧཱ་ཀཾ་ཀ་ལ་དང་གཏུམ་པའི་མིག་ཅན་མ་སྟེ། སྐྲ་དང་སྤུ་འབབ་པའོ། །རྣ་བ་གཡས་པ་ཨུ་རྒྱན་ནས་ཀཾ་ཀ་ལ་དང་འོད་ལྡན་མ་སྟེ་…

འབབ་པའོ། །དེ་དག་ནི་ཤར་ལ་སོགས་པ་ནས་སོ། ཁ་ཀ་ལིང་ག་ནས་སུ་བྷ་དྲ་དང་ལྗང་ལྷ་མོ་སྟེ་ལ་སོགས་ཀྱི་རྩ་འབབ་པར་བཤད་པའོ། །མགྲིན་པ་ལམ་པ་ཀ་ནས་རྡོ་རྗེ་བཟང་པོ་དང་ཤིན་ཏུ་བཟང་མོ་སྟེ་ལྟོ་བ་འབབ་པའོ། །སྙིང་ག་ཀཉྩི་ནས་འཇིགས་བྱེད་ཆེན་མོ་དང་རྟ་སྣ་མ་སྟེ་བི་དྲ་འབབ་པའོ། །འདོམས་པར་ཧི་མཱ་ལ་ཡ་ནས་མིག་མི་བཟང་དང༌། ཁ་ག་ན་སྟེ་འཚོགས་མའི་…

སྙོམས་པར་ཞུགས་པས་བཞུགས་སོ། །ཤར་གྱི་སྒོ་ནས་ཁྭ་གདོང་མའོ། །བྱང་ནས་འུག་གདོང་མའོ། །ནུབ་ནས་ཁྱི་གདོང་མའོ། །ལྷོ་ཕྱོགས་ནས་ཕག་གདོང་ཅན་ཏེ། མཁའ་འགྲོ་མ་ལ་སོགས་པ་རྣམས་ཀྱི་ཁ་དོག་དང་མཚན་མ་དང་ལྡན་པ། རོ་ལ་ཞོན་ཞིང་དེ་ལས་འོད་ཟེར་འབར་བས་བཞིན་ཀུན་ཏུ་རྣམ་པར་འགྱུར་ཞིང༌། སྣ་ཚོགས་སུ་རྣམ་པར་བསྒྱུར་བ་སྟེ་ལུགས་དང་མཐུན་པའོ། །ཕོ་…

དྲིལ་བུ་གཡེར་ཁས་བརྒྱན་པ། ཤིན་ཏུ་གཡོན་བརྐྱང་པས་བཞུགས་པའོ། །གོང་གི་དཔའ་བོ་ཉི་ཤུ་བཞི། །ཧེ་རུ་ཀ་དཔལ་རིགས་བྱུང་བ། །མཁའ་འགྲོ་མ་ནི་ཉི་ཤུ་བཞི། །ཕག་མོའི་རིགས་ལས་བྱུང་བའོ། །ཞེས་པ་སྟེ། དེ་ཡང་དེ་ལྟར་སྤྲོས་ཤིང་སྦྱར་བ་དེ་ནས་ཕྱི་དཀྱིལ་དང་ལུས་དཀྱིལ་གྱི་མཁའ་འགྲོ་མ་རྣམས་ཕྱི་དང་ནང་གིས་བསྡུས་པ་རང་རང་གི་གནས་རྣམས་ལ་རྣམ་པ…

བའི་རྩ་དང༌། ཕྱི་རུ་བདེ་ཆེན་གྱི་པད་འདབ་ལྷོ་མ་ལ་གཟུགས་ཅན་མ་སེར་ལ་དཀར་བའི་མདངས་ཆགས་པའི་མདོག་ཅན་ཏེ། དེ་ཡང་མཁའ་འགྲོ་མ་ལ་སྔོ་སྐྱ་དང༌། གཞན་རྣམས་ལ་ལྗང་སེར་དམར་སེར་ཞེས་འདོན་པ་ནི། རྒྱ་སྐད་དུ་གཽ་ར་ཞེས་པ་དཀར་བ་དང་སེར་བ་ལ་འཇུག་པའི་གནས་སྐབས་གཉིས་བྱུང་ཞིང༌། གོས་ཆེན་པོས་གཽ་ར་སེར་པོར་བསྒྱུར་བ་མང་བས། གཞུང་འདིའི་ཡང་འག…

ཕུན་སུམ་ཚོགས་པ་དང༌། རོལ་རྩེད་ཀྱི་དགའ་བ་སྣ་ཚོགས་དང༌། འཁྲིག་པའི་དེ་ཁོ་ན་ཉིད་སྟེར་བར་བྱེད་པས། ལཱ་མ་ཞེས་ཟེར་བ་དང༌། དེ་ཉིད་དགའ་བས་འདོད་པའི་སྒྱུ་རྩལ་བྱེད་པ་ཡང་ཡིན་ལ། སྐྱེ་བོ་རྣམས་ཡིད་གཡོ་བའི་སྒོ་ནས་ལུས་ངག་བསྐྱོད་པར་ཡང་བྱེད་དུ་འཇུག་པས་འདོད་པའི་སྒྱུ་རྩལ་དང༌། གཡོ་བ་ནི་གར་ཏེ་དེའི་ཕྱིར་གར་གྱི་དབང་ཕྱུག་མའོ། །ཡང…

བའི་གར་སྟབས་ཀྱིས་བཞུགས་པ་སྟེ། གཡས་བརྐྱང་ཉིད་གར་གྱི་ཚུལ་ཡིན་པས་གར་སྟབས་ཞེས་བྱ་ཡི། སྐྱིལ་ཀྲུང་ཕྱེད་པའི་གར་སྟབས་ཀྱིས་བཞུགས་པ་ནི་མ་ཡིན་ནོ། །དེ་ཡང་རྒྱ་སྐད་དུ། ནརྟ་པ་ཞེས་པ་ནི། སྒྲ་དྲང་ཐད་དུ་བསྒྱུར་ན་གར་སྟབས་ཞེས་བྱ་སྟེ་གར་གྱི་ཚུལ་སྤྱིའི་མིང་ཡིན་ལ། སྐྱིལ་ཀྲུང་ཕྱེད་པའི་སྟབས་ལ་ནི་ཏན་ཌ་བ་ཞེས་ཟེར་གྱི་གར་ཞེས་པའི…

གཟུགས་ཀྱིས་ཉེར་མཛེས་པའི། ཐོད་པར་ཡང་དག་ལྡན་པའོ། །ཞེས་འབྱུང་བ་ལྟར་བཤད་དགོས་ཏེ། རྡོ་རྗེ་མཁའ་འགྲོ་ལས་ཀྱང༌། མཚམས་ནི་རྣམ་པ་བཞི་རྣམས་སུ། །བདུད་རྩི་ལྔ་ཡི་ཐོད་པ་ཉིད། །སངས་རྒྱས་གཟུགས་བརྙན་ཉེ་བར་མཛེས། ཅོད་པན་བཟང་པོ་ཡང་དག་ལྡན། །ཞེས་གསུངས་པའི་རྗེས་སུ་འབྲངས་ཏེ་སློབ་དཔོན་གྱིས་བཀོད་པའོ། །དེས་ན་འདི་སྐད་ཅེས་བྱ་སྟེ། ན…

མ་བཞི་སྐུ་མདོག་དཀར་བའི་མདངས་ཅན་དང༌། ཐོད་པའི་ནང་གི་སྲོག་གཟུགས་དང༌། མཚམས་ཀྱི་ཐོད་པའི་སངས་རྒྱས་ཀྱི་སྐུ་གཟུགས་རྣམས་རྡོ་རྗེ་མཁའ་འགྲོ་ལ་བརྟེན་ནས་མཛད་པ་ཡིན་ཡང༌། དཀྱིལ་འཁོར་འདི་རྩ་རྒྱུད་ཀྱི་ཡིན་གྱི་རྡོ་རྗེ་མཁའ་འགྲོའི་མ་ཡིན་པས། མཁའ་འགྲོ་མ་དང་ལྟུང་བྱེད་མ་སྦྱོར་བ་སོགས་དང༌། མཚམས་ཀྱི་ཐོད་པ་རྣམས་བདུད་རྩི་ལྔ་འདྲེས…

དེའི་དག་པ་ཡིན་ལ། དེའི་ཕྱིར་གོང་དུ་གཞལ་ཡས་ཁང་གི་ཕྱི་དབྱིབས་སྦྱང་བྱ་ལུས་སྦྱོང་བྱེད་དུ་བཤད་པའང་དགོས་པ་ཕུན་སུམ་ཚོགས་པ་དང་ལྡན་པར་འགྱུར་རོ། །དེ་དག་ནི་གནས་ཏེ་ས་དང་པོ་རབ་ཏུ་དགའ་བའི་སའོ། །རྣ་བ་གཡོན་པ་གོ་ད་བ་རིར་ལུས་ཀྱི་གནས་ཐམས་ཅད་དུ་ཁམས་ཆུ་རྒྱུས་འབབ་པ། སུ་ར་པེ་རི་ལྷའི་དགྲ་དང༌། རྩ་ཐུང་ངུ་མ་དཔའ་བོའི་བློ་མའོ། །…

ཁམས་རྒྱུ་མའི་འཕྲེང་བ་འབབ་པ་རྡོ་རྗེ་ཧཱུཾ་མཛད་དང༌། རྩ་མཚན་མོ་ནི་ཆང་འཐུང་མའོ། །དེ་གཉིས་ཉེ་བའི་ཞིང་དང་ས་བཞི་པ་འོད་འཕྲོ་བའོ། །བཞི་པོ་དེ་ཕྱི་རོལ་དུ་གསུང་གི་འཁོར་ལོའི་ཤར་ལ་སོགས་པའི་རྩིབས་རྣམས་སོ། ཁ་སྒོའི་གནས་ཀ་ལིང་ག་ནས་ལོགས་ཀྱི་རྩིབས་འབབ་པ་ཞེས་པ་འགྱུར་གཞན་དུ་སྟ་ཟུར་གྱི་རྒྱུས་པ་འབབ་པར་ཡང་བྱས། ཁ་ཅིག་ལས་སྙེ་མ…

ཅན་མ་འཁོར་ལོའི་ཤུགས་ཅན་མའོ། །བཤང་ལམ་གྲྀ་ཧ་དེ་བ་ཏ་སྟེ། ཁྱིམ་གྱི་ལྷའི་གནས་ན། ཁམས་རྟག་ཏུ་རྣག་འབབ་པ་རིན་ཆེན་རྡོ་རྗེ་དང༌། རྩ་སྤྱི་མ་དུམ་སྐྱེས་མའོ། །དེ་གཉིས་ནི་འདུས་པ་སྟེ་ས་བདུན་པ་རིང་དུ་སོང་བའོ། བརླ་གཉིས་སཽ་རཥྟ་ན་ཁམས་ཁྲག་འབབ་པར་རབ་ཏུ་གྲགས་བ་རྟ་མགྲིན་དང༌། རྩ་རྒྱུ་སྦྱིན་མ་ཆང་འཚོང་མའོ། །བྱིན་པ་གཉིས་གསེར་གླི…

བཞུགས་སོ། །མཚམས་ཀྱི་རིམ་པ་རྣམས་ལ་རྡོ་རྗེ་མཁའ་འགྲོའི་སྒྲུབ་ཐབས་དང༌། འགྲེལ་པ་དང༌། ས་བཅུའི་བྱང་ཆུབ་སེམས་དཔའི་སྒྲུབ་ཐབས་འགྲེལ་པ་རྣམས་ལས། དབང་ལྡན་ནས་འགོ་བརྩམས་ཏེ་གཡོན་སྐོར་སོགས་བཤད་པའང་ཡོད་པས། སྤྱིར་དེ་བཞིན་ཡང་འཐད་པ་ཁོ་ན་ཡིན་མོད་ཀྱང༌། འདིར་ནི་སྒོ་མཚམས་མའི་སྐབས་སུ་མེ་མཚམས་གཤིན་རྗེ་བརྟན་མ་ནས་བརྩམས་ཏེ་བསྐོར…

ཐོད་པ་དང་ལྡན་པ་ཉི་མ་དང་མི་རོའི་གདན་ལ་གནས་ཤིང༌། སྐུ་དེ་ལས་འོད་ཟེར་འབར་བ། ཁྲོས་པའི་བཞིན་ཀུན་ཏུ་རྣམ་པར་འགྱུར་ཞིང༌། སྤྲུལ་པ་སྣ་ཚོགས་སུ་རྣམ་པར་འགྱུར་བའོ། །འདིར་ནི་གཡོན་སྐོར་ལ་ལུགས་མཐུན་གྱི་རིམ་པའི་ཐ་སྙད་མཛད་པའོ། །ཕོ་ཉ་མོ་རྣམས་ནི་ལུགས་དང་མི་མཐུན་པས། ཡང་དག་པར་རྣམ་པར་བཞག་སྟེ་ཞེས་འབྱུང་ན། རྭ་འགྱུར་ལས། ལུགས་འ…

ལྷ་མོའི་ཞལ་ཅན་གྱི་དོན་ཏེ། སྤྱིར་མཛེས་ཤིང་ཡིད་དུ་འོང་བ་ནི་དཀྱིལ་འཁོར་གྱི་ལྷ་རྣམས་ཐམས་ཅད་ཡིན་ལ། ཞི་ཞིང་འཛུམ་པའི་ཡིད་དུ་འོང་བ་ནི་འདི་དག་ཀྱང་མ་ཡིན་ཏེ་ཤིན་ཏུ་ཁྲོས་པའི་ཉམས་ཅན་གྱི་ཕྱིར་རོ། །དེས་ན་སྒོ་མ་རྣམས་གདོང་བརྙན་ཡིན་པས་གཟུགས་མི་སྡུག་པ་ཞེས་བྱ་ལ། མཚམས་མ་རྣམས་ལྷ་ཞལ་གྱི་ཕྱིར། ཡིད་འཕྲོག་པའི་གཟུགས་སུ་གསུངས་…