བློ་དང༌། གཞན་དོན་གྱི་ཁུར་ཁྱེར་བའི་ལྷག་བསམ་རྣམས་ཀྱི་རང་བཞིན་མཚོན་ནམ་སྙམ་པ་ནི་བདག་གི་རྣམ་པར་རྟོག་པའོ། །གཙོ་བོའི་གནས་ཀྱི་སྣ་ཚོགས་པདྨ་ནི། འཁོར་བར་འཕྲིན་ལས་སྣ་ཚོགས་པ་སྤྱོད་ཀྱང་འཁོར་བའི་སྐྱོན་གྱིས་མ་གོས་པའོ། །སངས་རྒྱས་ཀྱི་ས་དང་བདེ་བ་ཆེན་པོའི་ས་རྣམ་པར་དག་པའི་བདེ་ཆེན་འཁོར་ལོའོ། །འགྲོ་བ་རྣམས་ཀྱི་སྡུག་བསྔལ་གཅ…

གནས་སོགས་བཅུ་གཉིས་པོ་ཡང་སངས་རྒྱས་ཀྱི་ཡེ་ཤེས་ལས་ཕྱེ་བ་ཉིད་དོ། །ཐུགས་མི་འགྱུར་བའི་བདེ་བ་དང༌། གསུང་ཆོས་ཀྱི་སྒྲ་དབྱངས་པདྨོ་ལྟར་རྒྱས་པ་དང༌། སྐུ་འགྲོ་བའི་དོན་སྤྱོད་པ་འཁོར་ལོ་ལྟར་འཁོར་བའི་ཕྱིར། རྡོ་རྗེ་དང༌། པདྨ་དང༌། འཁོར་ལོའི་རྭ་བ་ལ་སོགས་པའོ། །དབུས་ཨིནྡྲ་ནཱི་ལའི་ས་གཞི་ནི་དོན་དམ་པའི་ཡེ་ཤེས་ཀྱི་ཁམས་སོ། །འགྲོ…

རྡོ་རྗེའི་འཕྲེང་བའོ། །ཡེ་ཤེས་ཀྱི་འོད་ཟེར་ཀུན་ཏུ་འབར་ཞིང་གདུག་པ་ཅན་རྣམས་རིང་དུ་སྐྲོད་པའི་ཕྱིར་འོད་ཟེར་གྱི་ཁོར་ཡུག་གོ །ལྷག་མ་གཞལ་ཡས་ཁང་དང༌། བསྲུང་བའི་འཁོར་ལོ་དང༌། དུར་ཁྲོད་རྣམ་པར་དག་པ་རྒྱས་པ་ནི། ཕལ་ཆེར་སྤྱི་དང་མཚུངས་ཤིང༌། གཞན་ལས་རྟོགས་པར་འགྱུར་བས་འདིར་མ་བཀོད་དོ། དེ་དག་ལས་བྱང་ཕྱོགས་ཀྱི་དག་པ་དྲན་པ་ནི་མེ…

འོག་ཏུ་ལྷའི་རྣལ་འབྱོར་ལ་སེམས་འཛིན་པའི་ཏིང་ངེ་འཛིན་གྱི་རྣལ་འབྱོར་བསྒོམ་དགོས་པ་ཡིན་ཏེ། བརྟན་པ་ཐོབ་ནས་སྒོམ་པ་ནི་དཀའ་བ་མེད་ལ། ལས་དང་པོ་པས་སྒོམ་ཚུལ་ནི། ཁྲིད་ཡིག་ཏུ་ཤེས་པར་བྱ་དགོས་ཤིང༌། བླ་མའི་ལག་ལེན་ལས་ཀྱང་རྟོགས་དགོས་སོ། །གཉིས་པ་རྫོགས་རིམ་རྗེས་མཐུན་པ་ཕྲ་ཐིག་གི་རྣལ་འབྱོར་ནི། སྙིང་གི་ནང་སོང་པདྨ་ནི། །འདབ་མ་…

དཔྲལ་བའི་ཧཾ་ཞེས་བྱ་བ་ནི། །མི་ཤིགས་པ་ཡི་ཐིག་ལེའོ། །འཁོར་ལོ་བཞི་ཡི་དབྱེ་བ་ཡིས། །ས་སོགས་འབྱུང་བ་བཞི་དག་དང༌། །ཐུན་བཞིར་བྱིན་གྱིས་བརླབས་པ་ཡིས། །སྐད་ཅིག་བཞི་ནི་འབྱུང་བ་དང༌། །དགའ་བ་བཞི་ཡི་རང་བཞིན་གྱིས། །སྦྱོར་བ་བཞི་ནི་སྔོན་དུའོ། །མཆོག་ཏུ་དགའ་བའི་མཚན་ཉིད་ཀྱི། །བྱ་དང་བྱེད་པའི་དངོས་པོ་ཡི། །རྡོ་རྗེ་སེམས་དཔའི་ཚ…

ཆུ་ཤིང་གི་མེ་ཏོག་ལྟར་འཕྱང་ཞིང་ཁ་འོག་ཏུ་ལྟ་བ། རྩ་བ་ན་འདབ་བརྒྱད་ཀྱི་རྣམ་པ་ཐུང་ངུ་དང༌། དབུས་ཀྱི་ཟེའུ་འབྲུ་ཟངས་དུང་ཁ་ཐུར་དུ་བསྟན་པ་ལྟ་བུ་མཐེ་བོའི་ལྟོ་གང་གི་དཀྱུས་ཙམ་པ། དེ་ཡི་ནང་དུ་སོན་པའི་དཔའ་བོ་སྟེ། དཔལ་ཧེ་རུ་ཀའི་བྱིན་རླབས་འཇུག་པའི་གཞི་བྱང་ཆུབ་ཀྱི་སེམས་བསྐྱེད་ཅེས་བྱ་བ། ངོ་བོ་ཁུ་ཁྲག་འདྲེས་པ་ལ་དཀར་པོས་དབ…

མེ་དེ་དང་འདྲ་བའི་གཟུགས་ཅན་ཏེ། ལྟེ་བའི་ཨཾ་ཡིག་ནི་རྡོ་རྗེ་ཕག་མོའི་བྱིན་རླབས་འཇུག་པའི་གཞི་འདི་ལ་ཐིག་ལེ་ཞེས་བྱ་སྟེ། ཁམས་དྭངས་སྙིགས་འབྱེད་པ་དང༌། དྭངས་མ་ཁྱབ་པར་བྱེད་པ་དང༌། བདེ་བ་སྐུལ་བྱེད་ཡིན་པའི་ཕྱིར་རོ། །དེ་ཙམ་གྱིས་ནི་ལུས་ལ་ཇི་ཙམ་གནས་པའི་དཔྱིད་ཐིག་གཉིས་ཀྱི་རང་བཞིན་ངོས་གཟུང་བ་ཡིན་ལ། བསྒོམ་པའི་སྟོབས་ལས་ལྟ…

ཁྱབ་པའི་དོན་ཡིན་ཡང༌། འདིར་བཤད་པའི་འགྱུར་ལྟར་ན་བདེ་སྟོང་གི་ཉམས་མྱོང་དེས་གནས་ལུགས་སྟོང་པ་ཉིད་ཀྱི་ཚུལ་རྟོགས་པར་འགྱུར་ཞིང༌། རྒྱུ་བ་སྣོད་དང་མི་རྒྱུ་བ་བཅུད་ཀྱི་སྣང་བ་ཤར་བ་ཐམས་ཅད་ལྷན་ཅིག་སྐྱེས་པའི་ཡེ་ཤེས་དེའི་རྒྱུས་ཐེབས་པས་ཡང་དག་པར་གནས་སོ། །ཞེས་པ་ཡིན་པས། རྭ་འགྱུར་ལས། སྟོང་པ་ཉིད་ཀྱི་ཚུལ་བླངས་ནས། །ཞེས་འབྱུང་…

དང༌། མགྲིན་པའི་འཁོར་ལོར་གནས་པའི་ཨོཾ་གྱི་གཟུགས་ཀྱིས་ནི། ཨ་ཨུ་མ་གསུམ་འདུས་པ་དང་ཤིན་ཏུ་རིང་པོ་པླུ་ཏ་ཅན་ཡིན་པས་ཚད་གསུམ་པ་དང༌། དཔྲལ་བར་ཧཾ་ཞེས་བྱ་བའི་ཡི་གེ་ནི་ཐིག་ལེ་ཀླད་སྐོར་དང༌། མི་ཤིགས་པ་ཚེག་དྲག་སྟེ་ཟླ་ཚེས་དང་ཧ་ཡིག་དང་ན་ད་སྟེ་བཞི་པོ་དེ་འདྲེས་པས་ཤིན་ཏུ་ཆེས་རིང་པོ་ཚད་བཞི་པ་སྟེ། འདིར་སྒྲ་དང་ཐིག་ལེ་མི་ཤིགས…

སྙིང་ག་ནས་ཐུན་ཚད་བརྒྱད་དང༌། མགྲིན་པ་ནས་འཕོ་བ་བཅུ་དྲུག་དང༌། སྤྱི་བོ་ནས་ཆུ་ཚོད་སུམ་ཅུ་སོ་གཉིས་ཀྱི་རླུང་རྣམས་འབབ་བོ། །དེ་བཞིན་དུ་སྐད་ཅིག་མ་བཞི་འབྱུང་བ་ནི་ལྟེ་བར་རྣམ་པ་སྣ་ཚོགས་པའི་སྐད་ཅིག་མ། སྙིང་གར་རྣམ་པར་སྨིན་པའི་སྐད་ཅིག་མ། མགྲིན་པར་རྣམ་པར་ཉེད་པའི་སྐད་ཅིག་མ། སྤྱི་བོར་མཚན་ཉིད་དང་བྲལ་བའི་སྐད་ཅིག་མའོ། །ད…

རྩ་དཔྱིད་ཀྱི་རྒྱལ་པོའི་ཕྱོགས་བཞིར་སྙིང་གའི་པདྨའི་འདབ་མ་བཞི་པོ་ཡང་རྣམ་པར་གནས་པ་ནི། འབྱུང་བ་བཞིའི་རྩ་ཡིན་ཏེ་མར་མེ་ལྟ་བུར་རབ་ཏུ་གསལ་བའི་རང་བཞིན་ཅན་ནོ། །དེ་ཡང་ཤར་དུ་སུམ་སྐོར་མ་ཆུ་རླུང་རྒྱུ་བ་དང༌། བྱང་དུ་འདོད་མ་རླུངགི་རླུང་རྒྱུ་བ་དང༌། ནུབ་ཏུ་ཁྱིམ་མ་མེ་རླུང་རྒྱུ་བ་དང༌། ལྷོར་གཏུམ་མོ་ས་རླུང་རྒྱུ་བ་རྣམས་སོ། …

ཀྱི་སྙིང་ག་ཆོས་ཀྱི་འཁོར་ལོའི་ནང་ན་ནི་འབྱུང་བ་བཞི་དང་མཆོད་པ་བཞིའི་རྩ་རྣམས་བརྒྱད་ནི་རྣམ་པར་གནས་སོ།། ཡང་འདི་ལ་རྩ་རྣམས་ལྔ་ནི་རྣམ་པར་གནས་ཞེས་པའི་འགྱུར་ལྟར་ན། མཚམས་ཀྱི་རྣམས་ལོགས་སུ་མི་བགྲོད་པར་སྙིང་ཁའི་དཔྱིད་དང་ཕྱོགས་ཀྱི་བཞི་ཡིན་ཏེ། རྩ་སུམ་ཅུ་རྩ་བདུན་ལ་ཡང་འདི་ལྟར་བགྲོང་དགོས་སོ། གཞན་ཡང་རྟགས་སོགས་ལ་གནས་པ་ཤི…

གནས་པའི་རྩ་བརྒྱད་ཡིན་ཏེ། དེ་ལྟར་སྔར་གྱི་རྩ་ཉེར་དགུའི་སྟེང་དུ་བུ་ག་བརྒྱད་ཀྱི་རྩ་བསྣན་པས་རྩ་སུམ་ཅུ་རྩ་བདུན་ནོ། །འདིར་རོ་རྐྱང་དབུ་མ་བདུད་བྲལ་མ་བཞི་ནི་རྡོ་རྗེ་ཕག་མོའི་ངོ་བོར་གཅིག་ཏུ་སྡོམས་ཤིང༌། དཔྱིད་ཀྱི་རྩ་དཔལ་ཧེ་རུ་ཀའི་རྗེས་སུ་འབྲང་བ་ཡིན་པས་ལོགས་སུ་མི་འདྲེན་ལ། ཀུན་གྱི་ཁྱབ་བྱེད་དུ་བྱེད་པའི་ལུགས་ནི་ཡོད་…

ཁྱད་པར་ཅན་བྱེད་པའི་ཕྱིར། རྫོགས་རིམ་ཞེས་མིང་འདོགས་ཀྱང༌། དངོས་ནི་བསྐྱེད་རིམ་གྱི་ཕྲ་ཐིག་གོ །དེ་ལ་རང་འཁོར་ལོའི་དབང་ཕྱུག་ཏུ་གསལ་བའི་སྐུ་ལ་རྩ་གསུམ་འཁོར་ལོ་བཞི་གསལ་བཏབ་ལ། ལྟེ་བར་རྩ་འཁོར་སེར་པོའམ་དམར་སེར་ནང་སྐོར་འདབ་མ་བརྒྱད། ཕྱི་སྐོར་ལྔ་བཅུ་ང་དྲུག་སྟེ་དྲུག་ཅུ་རེ་བཞིའོ། །ནང་སྐོར་ལ་ཨ་ཀ་ཙ་ཊ་ཏ་པ་ཡ་ཤ ཕྱི་སྐོར་ལ་…

སོ་གཉིས་དང༌། རྐྱང་མ་ལ་དབྱངས་སོ་གཉིས་བཀོད་ཀྱང་རུང༌། གང་ལྟར་ཡང་རོ་མས་ནི་ཡས་ནས་མར་འགོད་ལ། རྐྱང་མ་ལ་ནི་མས་ནས་ཡར་འགོད་དོ། །ལྟེ་འོག་སོར་བཞིའི་དབུ་མའི་མས་སྣ་ལ་ནི་ཀྵ་ཡིག་དམར་ནག་གོ །གསང་བའི་འཁོར་ལོའི་ཐད་དུ་ནི། རླུང་གི་དཀྱིལ་འཁོར་ཡཾ་གྱིས་བརྒྱན་པའོ། །ཡཾ་ལས་རླུང་གཡོས་ཀྵ་ཡིག་གཙུབས་ཏེ། མེ་རླུང་འདྲེས་མས་ལྟེ་བའི་ཨཾ…

རྫས་བཅུ་ལས་ནི་སྔར་བསམས་པ། །ཡི་གེ་ཨ་ལས་བྱུང་བའི་སྣོད། །རླུང་གིས་མེ་ཡི་དཀྱིལ་འཁོར་ལ། །སྦར་བས་ཁོལ་བར་གྱུར་པ་དང༌། །དབྱངས་ཡིག་དང་པོ་ཡང་དག་ལྡན། །སྐད་ཅིག་དེ་ལ་འབར་ཞིང་ལྟ། །ཟློག་པའི་ཡི་གེ་མཉམ་སྦྱོར་བ། །རྒྱུད་ཀྱི་སྔགས་ནི་བསྒོམ་པར་བྱ། །ཡི་གེ་ཨོཾ་གྱིས་ཀུན་གསལ་བས། །དེ་ཉིད་གསུམ་ལ་ཡང་དག་བརྗོད། །དེ་ལྟར་སྒོམས་གྱུར་…

དེ་ལ་གཏོར་མ་སྦྱིན་པའི་དུས་ནི་འབྱོར་ཞིང་ནུས་ན་ཐུན་བཞིའི་མཐའ་དང༌། མ་འབྱོར་ཞིང་མ་ནུས་ན། ཐུན་ཐ་མ་ལ་ངེས་པར་དགོས་པའི་དབང་དུ་མཛད་ནས། མངོན་བརྗོད་ལས། ཆོ་ག་འདི་ཡི་རིམ་པ་ཡིས། །ཐུན་མཚམས་བཞི་རུ་སྦྱིན་པར་བྱ། །ཞེས་པ་དང༌། ལྷོ་ཕྱོགས་ཁ་བལྟས་གནས་པ་ཡིས། །མཚན་ཕྱེད་དུས་སུ་གཏོར་མ་སྦྱིན། །ཞེས་གསུངས་ཤིང༌། དེ་ལྟ་བུ་ཡི་དུར་ཁྲ…

ཐུན་མཚམས་ཀྱི་ལྷའི་ང་རྒྱལ་ཉིད་ཀྱིས་ཆོག་གོ །གང་ལྟར་ཡང་གཅེར་བུ་སྐྲ་གྲོལ་བ་ཁ་ལྷོ་ཕྱོགས་སུ་བལྟ་ཞིང༌། རིག་མས་འཁྱུད་པའི་ལུས་ཅན་དུ་བསམ་པ་སླར་ཡང་ཧེ་རུ་ཀ་ཕྱག་གཉིས་པའམ་ཕྱག་མང་གི་ང་རྒྱལ་གསལ་བཏབ་ནས་བདུད་རྩི་རིལ་བུའམ་ཤ་ཆེན་མུར་བཞིན་པའམ། མེད་ན་མོས་པ་བྱས་ཏེ་གཏོར་མའི་ཆོ་ག་ལ་འཇུག་གོ །གཏོར་མའི་སྣོད་ནི། རབ་དངོས་སུ་ཡང་ཐ…

ཇི་ལྟར་འོས་པ་བཤམ་མོ། །དེ་ལ་བྱིན་གྱིས་བརླབས་པའི་བདུད་རྩི་ལྔས་སྦགས་པར་བྱ་དགོས་ཏེ། བདུད་རྩི་རིལ་བུའི་ཆུའམ་ནང་མཆོད་ཀྱིས་གཏོར་དགོས་པ་ཡིན་ནོ། །གཏོར་མའི་དབྱིབས་ཀྱི་བཀོད་པའི་ཁྱད་པར་ནི། འཕགས་ཡུལ་ན་ངེས་ཅན་མི་བྱེད་པས། སྤྱིར་ངེས་པ་མི་དགོས་ཀྱང༌། ཡུལ་ལུགས་དང་བསྟུན་པའི་སྤྱོད་པ་ཡིན་པས་ཕྱོགས་འདིར་རིག་སྔགས་ཅུང་ཟད་གྲུ…

ཡང་བདུད་རྩིའི་བསངས་གཏོར་བྱས་པའི་རྗེས་སུ་བྱིན་རླབས་བྱ་བ་ཡིན་ནོ། །བོད་འདིར་གཏོར་ཆབ་སྦྲོན་པ་ཞེས་མིང་བཏགས་ཏེ། ཆང་གཉིས་བར་དུ་ཆུ་ཡིས་སྦྱང་ཟེར་ཏེ། འགའ་ཞིག་ནང་མཆོད་ཆུ་ཆང་གི་རིམ་པས་སྦྱོང༌། ཁ་ཅིག་ཆང་ཆུ་ནང་མཆོད་ཀྱི་རིམ་པས་སྦྱོང་སྟེ། སོ་སོའི་ལག་ལེན་ཙམ་མ་གཏོགས་ཁུངས་ཀྱི་གསལ་ཁ་མེད་པས། དེ་དག་ལ་དགག་སྒྲུབ་དོན་མེད་དེ་…