ཇི་སྙེད་པ་ཤེས་པའི་ཡེ་ཤེས་ཏེ། མངོན་ཤེས་དང་གཟུངས་ལ་སོགས་པ་ཡང་འདིར་བསྡུའོ། །གཉིས་པ་ནི། ཕ་རོལ་ཏུ་ཕྱིན་པ་རྣམས་ཀྱི་སྤྱིའི་མཚན་ཉིད་དཀྱུས་དང་མཐུན་པར་སྦྱོར་ཏེ། འོན་ཀྱང་བླ་ན་མེད་པའི་ཐེག་པ་འདིར་དུས་ཤིན་ཏུ་མྱུར་བས་བྱང་ཆུབ་སྒྲུབ་པར་འདོད་པའི་ཕྱིར། ཕྱིའི་སྤྲོས་པ་ཆུང་ངུས་ཀྱང་ཕར་ཕྱིན་དེ་རྣམས་རྫོགས་དགོས་པས་ཐུན་མོང་མ་…

བདེ་བའི་མཐུས་སྟོང་པ་ཉིད་ཀྱི་ཡེ་ཤེས་ཀྱང་ཆེས་མཐུ་ཆེ་བར་གྱུར་པས་ཁམས་གསུམ་དུ་གཏོགས་པའི་སྤང་བྱ་མཐར་བྱེད་པ་ལ་སྟོབས་དང་ལྡན་པ་ནི་སྟོབས་ཀྱི་ཕར་ཕྱིན་ནོ། །མྱུར་དུ་བྱང་ཆུབ་རྣམ་པ་བཞི་ཐོབ་པར་འདུན་པ་ནི། གཞན་དོན་རྫོགས་པར་བྱེད་པའི་ཕྱིར་སྨོན་ལམ་གྱི་ཕར་ཕྱིན་ནོ། །ནོར་བུ་ནས་སྤྱི་བོའི་བར་དུ་ཐིག་ལེ་ལུགས་ཟློག་ཏུ་བརྟན་པས་འག…

གི་དམིགས་རྣམ་རིམ་པ་བཞིན་དུ་སྐྱོང་བ་ནི་གཅིག་ཏུ་དགོས་པའི་ངེས་པ་མེད། གང་ཟག་འགའ་ཞིག་བྱང་ཆུབ་ཆེན་པོ་དོན་གཉེར་ཡན་ཆད་སྐྱེས་སྟོབས་ཀྱི་སྐྱེས་པ་ཡང་ཡོད་པ་དེ་ནི་ཐོག་མ་ཉིད་ནས་སྔགས་ཀྱི་སྒོར་འཇུག་པར་བྱ་ཞིང༌། འགའ་ཞིག་ཀྱང་མི་རྟག་སྡུག་བསྔལ་ལ་སོགས་པ་ཆ་ཤས་རེ་བསམ་པས་ཀྱང་བྱང་ཆུབ་དོན་གཉེར་ཁྱད་པར་ཅན་ཡན་ཆད་ཞོར་ལ་སྐྱེ་བ་ཡང་ཡ…

ཡི་གེའི་དཀྱིལ་འཁོར་དང་པོ་སྟེ། །གཉིས་པ་མཚན་མའི་དཀྱིལ་འཁོར་ཡིན། །ལག་པའི་ཕྱག་རྒྱ་གསུམ་པ་སྟེ། །གཟུགས་བརྙན་དགོད་པ་བཞི་པའོ། །མེ་ཏོག་དཀྲམ་པ་ལྔ་པ་ཡིན། །དྲུག་པ་ཚོགས་ཀྱྀ་དཀྱིལ་འཁོར་རོ། །ཞེས་པའི་དང་པོ་ལྔ་སྟེ། ཡི་གེ་ས་བོན་བཀོད་པ་དང༌། ཕྱག་མཚན་དང༌། ལྷ་སོ་སོའི་ལག་པའི་ཕྱག་རྒྱའི་གཟུགས་བརྙན་དང༌། རྡུལ་ཚོན་གྱི་ཚོམ་བུ་ད…

ངོ་བོ་གང༌། །དེ་ནི་གདུལ་བྱའི་དབང་ལས་འདོད། །མཁས་པས་བསྒྲུབ་བྱ་དེ་མིན་ཏེ། །ཡང་དག་དོན་མཐོང་གྲོལ་ཕྱིར་རོ། །ཞེས་གསུངས་པས། བཅོས་མ་རྡུལ་ཚོན་རས་བྲིས་སོགས་བློ་དམན་ལུས་དཀྱིལ་ཁོ་ནས་ཡིད་མི་ཆེས་པའི་དབང་གིས་ཡིན་གྱི། མཁས་པ་དབང་རྣོན་གྱིས་དེ་མི་སྒྲུབ་ཅེས་འབྱུང༌། སྔགས་ལ་དང་པོར་འཇུག་ཚད་དབང་བརྟུལ་ཡིན་པས་མ་ཁྱབ་པས་ཐོག་མ་ནས…

འཁོར་དུ་བཤད་པ་འདི་གཙོ་ཆེ་ཞིང༌། སློབ་དཔོན་གྱི་བྱང་ཆུབ་ཀྱི་སེམས་འཐུང་བ་ཡིན་པས། ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་ཡང་བཞེད་དོ། །ཤེས་རབ་ཡེ་ཤེས་ཐིག་ལེ་ཞུ་བའི་བདེ་བ་ལ་ངོ་སྤྲོད་པས། ཀུནྡ་བྱང་ཆུབ་སེམས་ཀྱི་དཀྱིལ་འཁོར་ཞེས་གསུངས་པའི་འདི་གཙོ་ཆེ་ལ། བྷ་གར་མཉམ་པར་སྦྱར་བ་ལས་བྱུང་བས་བྷ་གའི་དཀྱིལ་འཁོར་ཞེས་ཀྱང་བཞེ…

བསྐྱེད་བསྟིམས་སྐྱེ་མཆེད་བྱིན་རླབས་ལ་སོགས་པ་ཏིང་ངེ་འཛིན་དང༌། དབང་བསྐུར་རྡོ་རྗེ་ཆེན་པོ་ནི། །ཞེས་པ་ནས། ཨ་བྷི་ཥིཉྩ་ཧཱུཾ་གི་བར་ལྟ་བུ་སྔགས་སོ། །གཉིས་པ་ལ་དབང་གི་ངོ་བོ་ནི། ཆོ་ག་དེས་རྣམ་ཤེས་ཀྱི་ཕུང་པོའི་རང་བཞིན་མི་བསྐྱོད་པ། ཆུ་ཁམས་ཀྱི་རང་བཞིན་མཱ་མ་ཀཱི། ཆུ་རྡུལ་དང་དེ་ལས་གྱུར་པའི་སྐྱེས་མཆེད་དྲུག་ཡུལ་དང་བཅས་པ་ད…

དང༌། རིན་འབྱུང༌། ས་གཉིས་པ། རྡོ་རྗཻ་ལ་འདུ་ཤེས་དང་འོད་དཔག་མེད། ས་གསུམ་པ། དྲིལ་བུ་ལ་འདུ་བྱེད་དང་དོན་གྲུབ། ས་བཞི་པ། མིང་ལ་གཟུངས་ཕུང་དང་རྣམ་སྣང་ས་ལྔ་པ། སྔགས་ལ་ངག་རླུང༌། གསུང་དང༌། ས་དྲུག་པ། བརྟུལ་ཞུགས་གཉིས་ལ་ཉོན་ཡིད་རྡོ་རྗེ་སེམས་དཔའ་ཞི་ཁྲོ། ས་བདུན་པ། སློབ་དཔོན་ལ་ཀུན་གཞི། རྒྱུའི་རྡོ་རྗེ་སེམས་དཔའ། ས་བརྒྱད་པ…

རྣལ་འབྱོར་པ་ཆེན་པོ་སྔ་རབས་པ་རྣམས་ཀྱི་གསུང་རྒྱུན་བཞིན་ཏེ། གཞན་ཡང་རྒྱུད་སྡེ་གཞན་ནས་ཁ་བསྐང་སྟེ་མཐའ་བསྟེན་སོགས་ལའང་སྦྱར་ཏེ་དབང་བཅུ་བཞིའམ་བཅོ་ལྔ། ས་ཡང་དེ་དང་དེ་ལ་སྦྱར་བའང་རྒྱུ་མཚན་ནམ་བདེ་མཆོག་ཕྱོགས་ལ་ཁུངས་ཞིག་ཡོད་ན་རུང་བར་མངོན་ནོ། །གསུམ་པ་དྲི་མ་ཇི་ལྟར་འཁྲུད་པ་ནི། ཐ་མལ་སོགས་ཏེ། སྤྱིར་དབང་བཞི་པོས་སྒོ་བཞིའི…

མོ་རྣམས་དང༌། སྒོམ་བསམ་གྱི་ཆ་ཤས་རྣམས་སོ། །གཉིས་པ་ལ་བསྐྱེད་རིམ་འཁོར་བཅས་དང༌། རྫོགས་རིམ་འཁོར་བཅས་ལས། དང་པོ་ལ། བསྐྱེད་རིམ་སྤྱི་དང༌། བྱེ་བྲག་ཏུ་ལམ་འདིའི་བསྐྱེད་རིམ་ཡན་ལག་འབྲས་བུ་དང་བཅས་པའོ། །དང་པོ་ནི། བསྙེན་པ་སོགས་ཏེ། ཡན་ལག་བཞི་ནི། བསྙེན་པ་དང༌། ཉེར་སྒྲུབ་དང༌། སྒྲུབ་པ་དང༌། སྒྲུབ་པ་ཆེན་པོའོ། །ཏིང་ངེ་འཛིན་ག…

ནི་ཐུན་གསུམ་མམ་དྲུག་གམ། གཙོ་བོར་ཐུན་བཞིའི་རྣལ་འབྱོར་དུ་བྱ་ལ། ཅུང་ཟད་བརྟན་པ་ཐོབ་ནས་ནི། །གུས་པ་དང་བཅས་པས་རྒྱུན་མི་འཆད་པར་བསྒོམ་པར་བྱ་བ་ཡིན་ནོ། །བཞི་པ་ནི། བསམ་པ་ཐེ་ཚོམ་མེད་པའི་སྙིང་སྟོབས། གྲོགས་རིག་མ་མཚན་ལྡན། ཡོ་བྱད་བཟའ་བའི་དམ་ཚིག་མཆོད་པ་དང་བཅས་པ་ཉེ་བར་ཚོགས་པར་བྱའོ། །དེ་ཡང་སློབ་དཔོན་མཚོ་སྐྱེས་རྡོ་རྗེས།…

གྱུར་འཕྲལ་དུ་འགོག་པ་ཡིན་ཏེ། དེ་ཡང་རང་བཞིན་མེད་པར་ཤེས་པས། ཐ་མལ་དང་ལྷའི་སྣང་བ་གང་ལའང་བདེན་ཞེན་འགག་སྟེ། སྣང་ཞེན་བདེན་འཛིན་གསུམ་ལ། རང་རང་དང་རྣམ་པ་འགལ་བའི་གཉེན་པོ་ལ་འབད་པ་ཡིན་པའི་ཕྱིར། ཕ་རོལ་ཏུ་ཕྱིན་པའི་ཐེག་པ་ལས་ནི། རྒྱུ་ཉོན་མོངས་བཅོམ་པས་འབྲས་བུ་སྡུག་བསྔལ་འབྱུང་འགྱུར་འགོག་པ་ཙམ་ཡིན་པ་ལས། འདིར་ནི་ཐོག་མར་སྡ…

འགག་ཅིང༌། གསལ་སྣང་ཡང་སྐྱེ་སླ་བ་ཡིན་ཏེ། ཆགས་ལྡན་གྱི་ཡིད་ཡུལ་དུ་བུད་མེད་ཀྱི་གསལ་སྣང་མཐོང་བ་བཞིན་ནོ། །རྣམ་འགྲེལ་ལས་ཀྱང༌། དེ་ཕྱིར་ཡང་དག་ཡང་དག་མིན། །གང་གང་ཤིན་ཏུ་གོམས་གྱུར་པ། །གོམས་པ་ཡོངས་སུ་རྫོགས་པ་ན། །དེ་གསལ་མི་རྟོག་བློ་འབྲས་ཅན། །ཞེས་གོམས་ན་ཡང་དག་ཡིན་མིན་གཉིས་ཀའི་གསལ་སྣང་འབྱུང་བ་ཡིན་ནོ། །དེ་ལྟར་སྤང་གཉེ…

བརྩེ་ནུས་གསུམ་འཕྲིན་ལས་སྣ་ཚོགས་ཀྱི་སྤྱོད་ཚུལ་ལ་སོགས་པ་ཐམས་ཅད་རང་གི་ཡིན་པའི་འདུ་ཤེས་ལ་བརྟན་ཏེ་ལྷའི་འདུ་ཤེས་སྒོམ་པ་ཡིན་ནོ། །དེ་གཉིས་ནི་གསལ་བའི་ཏིང་ངེ་འཛིན་ནོ། །སྟོང་པ་སྒྲུབ་ཚུལ་ནི། ལྷའི་རྣམ་པར་གསལ་ཙམ་དང༌། ང་རྒྱལ་གྱི་རྣམ་པར་ལྷང་ངེ་བ། དེ་ལ་ངོ་བོ་དྲན་པས་གསལ་བར་རིག་ཙམ་མ་བཅོས་པའི་ཚུལ་གྱིས་སྐྱོང་ཐུབ་ན། རྣམ་…

པའི་བདེ་སྟོང་སྐྱེས་ན། དེ་རྫོགས་རིམ་གྱི་ཡེ་ཤེས་ཡིན་པར་ཡང་བཤད་མོད་ཀྱི། འོན་ཀྱང་སྨིན་གྲོལ་གཉིས་ལས། སྨིན་བྱེད་དུ་བསྡུས་པ་དང་འདྲའོ། །རྫོགས་རིམ་གྱྀ་སྐབས་སུ་ཡང་གཏུམ་མོའམ་ལས་ཀྱི་ཕྱག་རྒྱ་ལས་བྱུང་བའི་བདེ་སྟོང་རླུང་དབུ་མར་ཐིམ་པ་ལས་བྱུང་བ་མ་ཡིན་པ་རྣམས་ནི་བསྐྱེད་རིམ་གྱི་བདེ་བའི་རྟོགས་རིགས་ཡིན་ཀྱང༌། དེ་དང་འབྲེལ་ཞ…

གི་རྣལ་འབྱོར་ནི་རྣལ་འབྱོར་གསུམ་པར་སློབ་པའི་གང་ཟག་གིས་ནི་ཐིག་ལེའི་དབུས་སུ་དཀྱིལ་འཁོར་དང༌། དེའི་ཐུགས་ཀར་ཡང་ཐིག་ལེ་བསྒོམ་པ་སོགས་ལ་སེམས་འཇོག་པར་བྱེད་པ་ཡིན་ནོ། །གཉིས་པ་ནི། དེ་ལྟར་བསྐྱེད་རིམ་བསྒོམ་པས་གང་ཟག་བཞིའི་རྟོགས་པའི་རྣལ་འབྱོར་དུ་ན་འཕོ་སྟེ། ལས་དང་པོ་པ་དང༌། ཡེ་ཤེས་ཕེབས་པ་དང༌། ཡེ་ཤེས་ལ་ཅུང་ཟད་དབང་བ་དང༌…

ཏིང་ངེ་འཛིན་གྱི་གསལ་སྣང་རབ་འབྱམས་ཟད་མི་ཤེས་པ་འབྱུང་ཞིང༌། ཡིད་ལ་བསམ་པ་ཙམ་གྱིས་སེམས་ཅན་གྱི་དོན་མང་པོ་སྒྲུབ་ནུས་པ་ཡིན་ཏེ། བསྐྱེད་རིམ་ཉིད་ཀྱི་རྟོགས་པ་ཡོངས་སུ་རྫོགས་པ་མཐར་ཐུག་པ་དང༌། རྫོགས་རིམ་གྱི་ཡང་དྲོད་ཕན་ཆད་ཀྱི་རྟོགས་པ་རྫོགས་པར་སྐྱེས་པ་གཉིས་ཚང་བ་ཞིག་དགོས་སོ། །གསུམ་པ་ལ་འཇུག་ཚུལ་གྱི་རིམ་པ་མཐའ་ཡས་པ་ཞིག་ཡ…

དེས་ན་སྐབས་འདིར་འདུས་པ་ཞབས་ལུགས་དང་མཐུན་པར་བཤད་ན་བདེ་བས། དེ་ཡང་གསང་འདུས་རྩ་རྒྱུད་ལས། །བསྙེན་པའི་ཏིང་འཛིན་རབ་སྦྱོར་དང༌། །ཉེ་བར་སྒྲུབ་པ་འབྱུང་བ་དང༌། །སྒྲུབ་པའི་དོན་གྱི་དམ་ཚིག་དང༌། །སྒྲུབ་པ་ཆེན་པོ་དག་དང་བཞི། །རྡོ་རྗེའི་བྱེ་བྲག་ཤེས་བྱས་ལ། །དེ་ནས་ལས་རྣམས་བསྒྲུབ་པར་བྱ། །ཞེས་པས་མདོར་བསྟན་ནས། བསྙེན་བསྒྲུབ་ཡ…

རྗེ་འགྲུབ་པར་འགྱུར། །རང་སྔགས་རྡོ་རྗེ་ཅན་ནི་རང་འདྲའི་ཡེ་ཤེས་སེམས་དཔའ་སྟེ་སེམས་དཔའ་སུམ་རྩེག་དང༌། དབང་བསྐུར་ཏེ་རིགས་བདག་གི་རྒྱས་འདེབས་པའོ། །བར་པ་སྐོར་བཞི་ནི། ཡུམ་ལ་ཡན་ལག་བཞི་བསྐྱེད་དེ། །བསྙེན་པའི་ཡེ་ཤེས་བདུད་རྩི་དག །ཐམས་ཅད་དུ་ནི་བརྟག་པར་བྱ། །འདི་ནི་སྔགས་རྣམས་ཐམས་ཅད་ཀྱི། །སྔགས་ཀྱི་དོན་ཀུན་སྒྲུབ་བྱེད་པའོ…

ཁྱབ་ཆེའོ། །དུས་འཁོར་ནས་ཡན་ལག་བཞི་བཤད་པ་ནི། རྒྱུ་རྡོར་འཛིན་གྱི་མཁའ་ནང་ནས་དཀྱིལ་འཁོར་ཐམས་ཅད་སྤྲོ་བ་བསྙེན་པ་དང་དཀྱིལ་འཁོར་རྒྱལ་མཆོག །འབྲས་བུ་རྡོར་འཛིན་གྱི་དཀྱིལ་འཁོར་མཁའ་སྤྲོ་མཛད་དེ་ཡེ་ཤེས་པ་བསྟིམས་པ་དང༌། བྱིན་རླབས་དབང་བསྐུར་གྱི་བར་ནི་ཉེར་སྒྲུབ་དང་ལས་རྒྱལ་མཆོག །ཡས་བབས་ཀྱི་བདེ་བ་སྒོམ་པ། ཐིག་ལེའི་རྣལ་འབྱ…