ལྔའི་དག་པ་ལ་མི་སྦྱོར་བར་ཀྱཻ་རྡོར་ལས། གང་ཕྱིར་བཅུ་དྲུག་ཆ་མེད་པས། །འབད་བས་ཀུན་གྱི་ལྷག་མ་སྤངས། །ཞེས་གསུངས། འདིར་ཡང་འཇིགས་མེད་འབྱུང་གནས་ཀྱིས་མན་ངག་སྙེ་མར། དེ་དང་འདྲ་བར་གསུངས་ཏེ། ཐ་མལ་པའི་དེ་ལ་དག་པ་མི་སྦྱོར། ལམ་སྒོམ་པའི་ཚེ་དེ་ཡང་ལྟེ་བ་ནས་བརྩམས་ཏེ། རིམ་པས་བྱང་ཆུབ་སེམས་ཀྱི་གང་བས་འཆི་བ་དང་རྒས་པ་དང་རྒུད་པ་སེ…

འཆད་པ་ཡང་ཡོད་དོ། །འོན་ཀྱང་རེ་ཞིག་དེ་རྣམས་ཀྱི་དཔྱད་པ་བོར་ཏེ། རྩ་ཇི་ཙམ་པ་དེ་ཙམ་གྱི་རླུང་ཡོད་མོད་ཀྱི། བསྡུ་ན་རླུང་བཅུར་འདུ་སྡེ། རྩ་བའི་རླུང་ལྔ་དང༌། ཡན་ལག་གི་རླུང་ལྔའོ། །སངས་རྒྱས་མཉམ་སྦྱོར་ལས། ཀོ་ཊ་ཀྵ་ལ་སོགས་པའི་མིང་གིས་བསྟན་ཞྀང༌། དགོངས་པ་ལུང་སྟོན་དང༌། དུས་ཀྱི་འཁོར་ལོས་ལས། ཀླུ་ལ་སོགས་པའི་མིང་གིས་བསྟན་ནོ…

དང༌། མདངས་རྒྱས་པ་དང་རྣམ་རྟོག་སྐྱེད་པར་བྱེད་པའི་ཕྱིར་ཡེ་ཤེས་ཞེས་བཏགས། ལམ་སྒོམ་པའི་ཚེ། སྟེང་གི་སྒོ་ནས་སྨིན་མཚམས་ཀྱི་དབུ་མའི་ཡས་སྣ་དང༌། འོག་གི་སྒོ་ནས་རྡོ་རྗེ་དང༌། ཟེ་འབྲུ་ལ་གནས་པ་དབུ་མའི་མར་རྩའི་སྒོའོ། །དབྱིངས་ནི་སྟོང་པ་ཉིད་བསྐྱེད་པ་དང༌། ཡེ་ཤེས་ནི་བདེ་གསལ་བསྐྱེད་པའོ། །རྒྱུད་འདིར་སྟེང་འོག་གི་སྒོ་མི་འདྲ་…

རླུང༌། ལྷོ་ནས་སའི་རླུང་སྟེ་ངག་ཚིག་འགྲུབ་པར་བྱེད་པའི་རླུང་འགྲོ་འོང་བྱེད་པས་གསུང་གི་སྒོ་བཞི་ཞེས་གྲགས། གསུམ་པ་ནི། སྙིང་ག་དང་ལྟེ་བའི་དབུ་མའི་རྩ་མདུད་གཉིས་རླུང་ཐམས་ཅད་ཀྱི་རྩ་བ་སྲོག་ཐུར་འབྱུང་འཇུག་བྱེད་པའི་སྒོ་གླེག་ལྟ་བུ་ཡིན་ལ། འཁོར་ལོའི་ལྟེ་བ་དེ་ཉིད་ནི་སྒོ་ཡིན་ཏེ། འདིར་སྲོག་གི་རླུང་ནི་སྙིང་གའི་དཔྱིད་དང་འ…

ཞིག་གིས་ངག་གཙོ་བོར་བསྐྱེད་ཀྱི། ལུས་བསྐྱེད་པའི་མཐུ་ཆུང་བ་ཡིན་ནོ། །དེས་ན་རང་བཞིན་འབྱུང་བཞིའི་རླུང་དང༌། རྣམ་འགྱུར་རླུང་བཅུའོ། །དང་པོ་ནི། གསུང་གི་སྒོ་བཞི་ནས་འབྱུང་བའི་རླུང་རྣམས་ཏེ། དཔྱིད་ཐིག་ཏུ། མེ་ཉིད་དང་ནི་རླུང་དང་ནི། །དབང་ཆེན་དང་ནི་དེ་བཞིན་ཆུ། །འཁོར་ལོ་ཐུགས་ཀྱི་ཀུན་སྤྱོད་ལས། །སྟེང་ལཽགས་ཐད་ཀ་འོག་ཏུ་གན…

ལམ་ནོར་ལས་རྒྱལ་ཏེ་ངེས་པར་རྒྱུ་བའོ། །གཉིས་པ་ནི། སྤྱིར་འདི་རྣམས་ལུས་ཐམས་ཅད་ལ་ཁྱབ་པའི་ཚུལ་གྱིས་གནས་ཀྱང་སོ་སོ་ནི་བྱ་བ་བྱེད་པའི་གནས་ནི། སྲོག་འཛིན་སྙིང་ག་དང༌། ཐུར་སེལ་འདོམ་དང༌། གྱེན་རྒྱུ་མགྲིན་པ་དང༌། མེ་མཉམ་ལྟེ་བ་དང༌། ཁྱབ་བྱེད་སྤྱི་བོ་ནས་བརྩམས་ཏེ་ཚིགས་ཐམས་ཅད་ལ་ཁྱབ་པར་བྱེད་དོ། །རྒྱུ་བ་ནི་མིགརྣམ་པར་རྒྱུ་བ་ན…

གྲུབ་ཀྱི་རིགས་སོ། །འབྱུང་བ་ཆེན་པོའི་རླུང་རྣམས་ཀྱི་ནང་ཚན་འབྱུང་ཆུང་བཞི་བཞི་ཡོད་པ་རྣམས་ནི། ལྷ་མོ་བཞིས་བསྡུས་པ་ཡིན་ཞིང༌། སྲོག་འཛིན་མི་བསྐྱོད་པའི་རིགས་སུ་བསྟན་པ་བཞིན་དུ་ཆུའི་རླུང་ཡིན་ཚད་རིགས་ཆེན་རིགས་ཆུང་གང་ལ་ལྟོས་ནས་ཡིན་ཡང་མི་བསྐྱོད་པའི་རིགས་སུ་འོང་ངོ༌། །དེས་གཞན་རྣམས་ཀྱང་ཤེས་པར་བྱའོ། །དེས་ན་མཱ་མ་ཀིའི་ར…

ཆུང་གཙོ་ཆེ་བ་ཡང་ཡོད་དོ། །བཞི་པ་ནི། སྲོག་འཛིན་གྱི་རླུང་གིས་ཚེ་གནས་པ་དང་སྟེང་གི་སྣ་སྒོར་རྒྱུ་བའི་ལས་བྱེད། ཐུར་སེལ་གྱི་རླུང་གིས་བཤང་གཅི་ཁུ་བ་འཕེན་སྡོམ་གྱི་ལས་བྱེད། མེ་མཉམ་གྱིས་ཟས་ཀྱི་དྭངས་མ་ལུས་ལ་ཁྱབ་པ་དང༌། ཟས་དྭངས་སྙིགས་འབྱེད་ཅིང་འཇུ་བར་བྱེད་པ་གཏུམ་མོའི་མེ་སྦོར་བར་བྱེད། གྱེན་རྒྱུས་ཟ་བ་དང་མྱང་བ་དང་སྐྱུ…

དག་འཁྲུགས་པས་དེ་རྣམས་ཀྱི་ནད་བསྐྱེད་པ་དང༌། ལེགས་པར་རྒྱུས་པས་ནད་བྱང་ཞིང་བདེ་བར་གནས་པའི་ལས་བྱེད་དོ། །དེས་ན་རིམ་ལྔ་ལས། ལུས་ཅན་རྣམས་ཀྱི་སྲོག་གྱུར་པ། །རླུང་ཞེས་བྱ་བ་ལས་ཀུན་བྱེད། འདི་ནི་རྣམ་ཤེས་བཞོན་པ་སྟེ། ལྔའི་བདག་ཉིད་བཅུ་ཡང་ཡིན། །ཞེས་སེམས་ཀྱི་བཞོན་པར་གྱུར་པས་ལམ་དུ་མ་བྱས་ན་རྣམ་པར་རྟོག་པ་ཐམས་ཅད་བསྐྱེད་ཅིང༌…

རླུང་གི་རླུང་གིས་དབུལ་བ་དང་རྩོད་པ་དང་སྨྱོ་བ་ལ་སོགས་པ་བྱེད། ས་རླུང་གིས་རྒྱལ་སྲིད་དང་དབང་ཐང་དང་ལོངས་སྤྱོད་ཐོབ་པར་བྱེད། ཆུ་རླུང་གིས་དོན་ཐམས་ཅད་འགྲུབ་པར་གསུངས་སོ། །ལྔ་པ་ལ་ཇི་ལྟར་རྒྱུ་བའི་ཚུལ་དང༌། ཁྱད་པར་འཕོ་བའི་རྣམ་གཞག་གོ །དང་པོ་ལ་ཁམས་ཀྱི་དབྱེ་བ་སྤྱི་དང༌། ཁྱད་པར་འབྱུང་འཇུག་གི་དབྱེ་བའོ། །དང་པོ་ལ། སྡོམ་འབ…

དངོས་སུ་གཙོ་བོ་བྱས་ཏེ་སྣ་སྒོ་ནས་མི་རྒྱུ་སྟེ། རླུང་གཞན་བཞི་པོའི་འཁོར་གྱི་ཚུལ་དུ་འདྲེས་པས་ནི་ཅི་རིགས་པ་རྒྱུ་ལ། དེ་ཉིད་ཀྱི་དཀྱིལ་འཁོར་རྒྱུ་བ་ལ་དགོངས་ནས། འཆི་བའི་ལུས་ལས་འབྱུང་བར་འགྱུར། ཞེས་གསུངས་པ་ཡིན་ནོ། །གཞན་བཞི་ལ་གཡས་ནས་རྒྱུ་བ་དང༌། གཡོན་ནས་རྒྱུ་བ་དང༌། གཉིས་ཀ་ནས་དྲག་པོར་རྒྱུ་བ་དང༌། གཉིས་ཀ་ནས་དལ་བར་རྒྱ…

རླུང་གི་རླུང་དགུ་བརྒྱ་པ་ཕྲག་གཅིག་རྒྱུ་བ་ལས་ཀྱི་མགོན་པོའི་རླུང་དང༌། གཉིས་ཀ་ནས་དྲག་ཏུ་ཐུར་སེལ་དགུ་བརྒྱ་པ་ཕྲག་གཅིག་རྒྱུ་བ་རིན་ཆེན་མགོན་པོ་དང༌། གཉིས་ཀ་ནས་རྒྱུ་བ་ཞན་པ་སྲོག་རླུང་དགུ་བརྒྱ་པ་ཕྲག་གཅིག་རྒྱུ་བ་རྡོ་རྗེ་མགོན་པོའོ། །དེ་ལྟ་བུ་ཉིན་མོ་ཁོར་གསུམ་དང་མཚན་མོ་ཁོར་གསུམ་རྒྱུའོ། །ལྷ་མོ་རྣམས་ཀྱི་རྒྱུ་བ་ནི་དང་…

རིམ་གྱིས་ནི། །དེ་ནི་སོ་སོར་འབྱུང་བ་ལས། །ཉིས་ཁྲི་ཆིག་སྟོང་དྲུག་བརྒྱའོ། །ཞེས་གསུངས་སོ། །གཉིས་པ་ཁ་དོག་དང་རྒྱུ་བའི་ཚུལ་ངེས་པ་ནི། རླུང་རྒྱུ་བ་ཐམས་ཅད་འོད་ཟེར་སྣ་ལྔའི་རྣམ་པ་ཡིན་ཀྱང༌། པདྨའི་མགོན་པོ་དམར་པོ་ཤས་ཆེ། ལས་ཀྱི་མགོན་པོ་ནག་པོ་ཤས་ཆེ། འདིར་ལྗང་ཁུ་ཞེས་པ་འགྱུར་ཉེས་པ་ཡིན་ནམ་དཔྱད་དོ། །རིན་ཆེན་མགོན་པོ་སེར་པ…

སེར་པོ་དབུས་དང༌། མཱ་མ་ཀི་ལ་དཀར་པོ་དབུས་སུ་འབྱུང་ཞིང༌། དབུས་ཀྱི་ཐ་སྙད་མཛད་པ་ནི་སྣའི་བར་ཀ་ཡིན་ལ། གཡོན་ནི་སྣ་གཤོག་དང༌། འོག་མ་ཆུ་དང༌། སྟེང་སྣ་རྩེ་ཕྱོགས་སོ། །གཉིས་པ་ནི། ཇོ་བོ་ནཱ་རོ་པའི་བཞེད་དོན་བླ་མ་གོང་མའི་བཞེད་པས་གནས་ནི་འབྱུང་བཞིའི་རླུང་སྙིང་གར་གནས་ཀྱང་ལྟེ་བ་ནས་རྒྱུ་སྟེ། ལྟེ་བའི་ཤར་ནས་ཆུ་རླུང་རྒྱུ་བ་ན།…

རེར་བྱས་པ་ཉིན་ཞག་གཅིག་ལ་ཉི་ཤུ་རྩ་བཞི་འབྱུང་བ་ཡིན་ནོ། །དབུགས་ཉིས་བརྒྱ་ཉི་ཤུ་རྩ་པ་རེ་ནི་འཕོ་ཆུང་རེ་སྟེ། འཕོ་ཆེན་རེ་ལ་དེ་འདྲ་བཞི་བཞིར་དབྱེ་བས་ཉིན་ཞག་གཅིག་ལ་འཕོ་ཆུང་དགུ་བཅུ་རྩ་དྲུག་གོ །འཕོ་བའི་དོན་ཡང་འབྱུང་བའི་དཀྱིལ་འཁོར་ཆེ་ཆུང་མི་འདྲ་བ་འཕོས་པ་དང༌། སྣ་བུག་གཡས་གཡོན་གྱི་རྒྱུ་བ་འཕོས་པའི་དོན་ནོ། །གཉིས་པ་ལ། …

ཚོད་ཆེ་ཆུང་མི་འདྲའོ། །དེས་ལྟེ་བའི་རྩ་འདབ་གཉིས་དང༌། སྤྱི་བོའི་གཅིགདེའི་གཉིས་དང་མགྲིན་པའི་གཅིགདེའི་གཉིས་དང་སྙིང་གའི་གཅིག་རྣམས་མཉམ་མོ། །ཡང་འཕོ་བ་བཅུ་དྲུག་ལ་ནི་མགྲིན་པ་ནས་རྒྱུ་བ་མ་ཡིན་པའི་ལུགས་གཞན་ཡང་སྣང་སྟེ། དཔེར་ན། ཕྱི་ན་རྒྱུ་སྐར་རྣམས་ལ་དབང་བྱེད་པའི། ལུག་གླང་འཁྲིག་པ་ཀརྐ་ཊ། །སེང་གེ་བུ་མོ་སྲང་སྡིག་པ། གཞ…

གཅིག་འབབ་པ་ལ་ནང་སེལ་འབྱུང་ཆུང་བཞི་བཞིའོ། །འདིའི་དབང་ལས་ཕྱི་རོལ་ཏུ་འཕོ་བ་བཅུ་གཉིས་འབྱུང༌། འཕོ་བའི་རླུང་འདི་རྣམས་ཀྱི་ལྷག་ཆད་ལས་ཚེས་ཆད་ལྷག་དང་ཟླ་བ་གཤོལ་འདོར་བ་འབྱུང༌། ནང་དུ་ཁུ་ཁྲག་འདྲེས་པས་ཕྱི་རོལ་ཏུ་ཉི་ཟླ་གཟས་འཛིན། དེ་དག་གི་དབང་གིས་ནང་དུ་འབྱུང་བཞིའི་ཁམས་འཕེལ་འགྲིབ་འབྱུང༌། དེའི་སྟོབས་ཀྱིས་ཕྱི་རུ་དུས་བཞ…

འགྲེལ་ལས། རླུང་གི་འཕོ་བ་གཞན་ཡང་ཡོད་དེ། ཡི་གེ་མང་པར་འགྱུར་བས་འདིར་བཞག་གོ །གཉིས་པ་ནི། སློབ་དཔོན་ནག་པོ་སྤྱོད་པས་རིམ་བཞིར་ཕྱི་ནང་གི་ཡུལ་ཉེར་བཞི་བཤད་པའི་རྗེས་སུ་པུལླི་ར་མ་ལ་ཡར་དབང་དུ་བྱས་སོ། །ཛ་ལནྡྷ་རར་ལོངས་སྤྱོད་དོ། །ཨོ་རྒྱན་དུ་འཇུག་གོ །ཛ་ལནྡྷ་རར་དབང་དུ་བྱེད་དོ། །ཨོ་རྒྱན་དུ་ལོངས་སྤྱོད་དོ། །ཨརྦུ་ཏར་བརྟེན…

བྱས་པ་སྟེ་ཐིམ་དུ་ཉེ་བ་ན། གསར་པའང་པུ་ལིར་ཐིམ་དུ་ཉེ། ཛ་ལནྡྷ་རར་རྒྱུ་བདོ། ཨོ་རྒྱན་དུ་འཇུགསྔ་མའི་རྒྱུན་ཐིམ་ཟིན་པ་ན་གསར་པའི་ཡང་པུ་ལིར་ཐིམ་ཟིན་ནས་མེད་པ་དང༌། ཛ་ལནྡྷ་རར་ཐིམ་དུ་ཉེ་བ། ཨོ་རྒྱན་དུ་ལོངས་སྤྱོད་པ་དང༌། ཨརྦུ་ཏར་མགོ་རྩོམ་པ་སོགས་རིམ་པས་རིགས་འགྲེའོ། །འདི་ལ་འཕོ་བ་རེ་ལ་དགུ་བརྒྱ་བ་ཕྲག་རེ་ཡིན་ཞིང༌། ཡུལ་རེར…

ཉེ་བའི་འདུས་པ་ཅན་ནོ། །ན་ག་ར་ནི་སོར་མོར་དགོད། །སིནྡྷུ་རྐང་པའི་བོལ་གཉིས་ལའོ། །དུར་ཁྲོད་དོ། །མ་རུ་མཐེ་བོང་གཉིས་ལ་དགོད། །ཀུ་ལུ་ཏ་ནི་པུས་མོར་གནས། །ཉེ་བའི་དུར་ཁྲོད་དོ། །ཞེས་སོ། །སྔར་བཤད་པའི་འཕོ་བ་ཉེར་བཞིའི་སྐབས་ནི་ཡིན་ཀྱང་ངོ་བོ་ནི་མི་གཅིག་སྟེ། དེ་རྣམས་སྣ་སྒོ་ནས་རྒྱུ་བ་དང༌། འདི་ནི་སྤྱི་བོ་སོགས་སུ་རྒྱུ་ཞིང་…