འབྱུང་ངོ༌། །གཉིས་པ་ལ། ཐུན་མོང་གི་སྤྱོད་པ་དང༌། རིག་པ་བརྟུལ་ཞུགས་ཀྱི་སྤྱོད་པའོ། །དང་པོ་ལ། ལས་དང་པོ་པའི་སྤྱོད་པ་དང༌། བསྟེན་སློབ་ཀྱི་སྤྱོད་པའོ། །དང་པོ་ནི། འདོད་འཇུག་ཐུན་མོང་པ་ཞེས་ཀྱང་བྱ་སྟེ། རྣམ་པར་མི་རྟོག་པའི་ཡེ་ཤེས་དངོས་ཀྱིས་མ་ཟིན་པས། ཀུན་སློང་འདོད་པ་དང༌། དངོས་གཞི་འདོད་པའི་སེམས་གཉིས་ཆར་འཇིག་རྟེན་པ་དང་…

ཡིན་ལ། ལྷ་སྐུ་དང་སེམས་ཀྱི་སྣང་བ་ཙམ་དུ་སློབ་ཅིང་ཤེས་པས། བསླབ་བྱ་དང་ཤེས་བྱ་ཉིས་རིམ་མོ། །བདེ་སྟོང་གི་རང་སྣང་ལྷ་སྐུར་སྣང་བའི་དབང་ཡུལ་གྱི་འདོད་ཡོན་བསྟེན་པ་ལྷ་དང་བདེ་བ་རང་བཞིན་མེད་པའི་ཚུལ་ལ་འཇུག་པ་ཤིན་ཏུ་སྤྲོས་མེད་དེ། ལྷ་སེམས་སྒྱུ་མ་གསུམ་སྟེ། བསླབ་བྱ་དང་ཤེས་བྱ་གསུམ་རིམ་མོ། །འདི་ནི་སྣང་བའི་རྟོག་པ་ཤར་བ་ནས། …

རྒྱས་ཞིང་འབུར་ལ་བར་དོག་པ། གོས་ཅུང་ཟད་གྲོལ་ཞིང་རོ་སྨད་མཛེས་པར་སྟོན་པར་བསམ་ནས། དེ་མཐོང་བའི་མཚན་མ་རྙེད་གྱི་བར་དུ་སྒོམ་པ་སྟེ། མཐོང་བའི་མཚན་མ་ཅུང་ཟད་རྙེད་ན་བདེ་བ་ཆེན་པོ་འདྲེན་པར་བྱེད་དོ། །སྒྲ་རྣམས་སྒྲ་རྡོ་རྗེ་མ་གླུ་སྙན་པར་ལེན་ཞིང་པི་ཝཾ་གི་སྒྲ་སྒྲོག་པར་བྱེད་པ་དང༌། དྲི་རྣམས་དྲི་རྡོ་རྗེ་མ་གར་བྱེད་ཅིང་ནོར་བུ…

དང་ཡུལ་ལྷ་མོར་སྒོམ་པས་དངོས་སུ་ལོངས་སྤྱོད་ཅིང་བསྟན་པའོ། །དེ་ཡན་ཆད་རིག་པ་བརྟུལ་ཞུགས་ཀྱི་སྤྱོད་པ་སྤྱོད་ནུས་པའི་རྒྱུར་འགྱུར་བ་དང༌། སྔགས་ཀྱི་སྤྱོད་པ་ཡིན་པས་ཕྱོགས་མཐུན་དུ་འདིར་བསྡུས་ཏེ། འདིར་བསྟན་གྱི་སྤྱོད་པ་ནི་མ་ཡིན་ནོ། །དེ་ཡང་འདི་ནི་བོགས་འབྱིན་རིག་པ་བརྟུལ་ཞུགས་ཀྱི་སྤྱོད་པ་ནི་མ་ཡིན་ཏེ། འདི་དག་ལ་རིམ་གཉིས་…

དེ་ཉིད་དངོས་གྲུབ་མཐར་འབྱིན་བྱེད་ཡིན་པའི་ཕྱིར། ཞེས་ཟེར་བ་ནི་རང་ལུགས་གཏིང་མ་ཚུགས་ཤིང་ཕྱོགས་སྔ་མ་ལོང་པ་ནས་བརྒྱུད་པའི་བླ་མ་རྣམས་ལ་དགག་པ་བྱེད་པ་རིང་བ་ཡིན་ཏེ། སྤྱོད་པ་དངོས་གྲུབ་མཐར་འབྱིན་བྱེད་ཡིན་པའི་རྒྱུ་མཚན་གྱིས། སྤྱོད་པ་མ་ཡིན་པའི་ཉེ་རྒྱུ་མི་རུང་ན། ཁྱེད་ཉིད་ཀྱི་ལུགས་ལ་ནི། ས་བཅུའི་མཐའ་མར་སྔགས་ལ་འཇུག་པའི་…

གུར་གཉིས་ཆར་ནས་མ་གསུངས་སམ། ཡང་འདིར་མཆོད་པ་གསང་འདུས་འཕགས་སྐོར་ནས་ཁ་བསྐོང་དུ་རུང་བ་ཡིན་སྙམ་ན། མངོན་བྱང་གཉིས་ཉེ་རྒྱུར་མ་རྒྱུད་པའི་ལུགས་ལ་འཇོག་པ་འདིས་འཕགས་སྐོར་ལ་ཡང་ཁ་བསྐང་སྟེ། དེའི་ལུགས་ལ་ཡང་རྣམ་གཞག་འདི་བྱེད་པ་ཅི་ཕྱིར་མི་རུང༌། རྒྱུད་ཀྱི་དོན་ལ་སློབ་དཔོན་དག་གི་གཞུང་གིས་མ་ཚང་བ་ཁ་སྐོང་དུ་མི་རུང་ལ། དེ་ལ་རྒྱ…

ཆེར་སྒྲ་ཇི་བཞིན་མ་ཡིན་པར་ཁས་བླངས་པར་སོང་བས། ངེས་དོན་ལ་མི་རྟོན་དྲང་དོན་ལ་རྟོན་པ་སོང་བས། ཁྱེད་རྣམས་ལ་ནི་རྟོན་པ་བཞི་པོ་དེ་ཡང་ཕྱིན་ཅི་ལོག་ཏུ་འདུག་གོ །དངོས་གྲུབ་གཉིས་སྒྲུབ་བྱེད་ཀྱི་ཆོ་ག་དང༌། བདེ་སྟོང་གི་ཡེ་ཤེས་དེ་ཉིད་སྤྱོད་པའོ། །སྙམ་ན། དེ་ཡང་མི་རུང་སྟེ། སྤྱོད་པ་ནི་བོགས་འབྱིན་ཡིན་གྱི་ལམ་དངོས་མ་ཡིན། དེ་ནི་…

པས་སྐྱོན་ཏེ་མེད་སྙམ་ན། ཉེ་རྒྱུའི་སྔོན་གྱི་སྤྱོད་པ་དེ་ཡང་ཕྱོགས་ལས་རྣམ་རྒྱལ་དང་ཀུན་བཟང་གི་སྤྱོད་པ་ཕལ་པ་མིན་ལ། ཉེ་རྒྱུ་མཐར་ཐུག་གི་སྤྱོད་པ་ཡིན་པས་འགལ་བ་མེད་དོ། །དེས་ན་མི་རྣམས་སོང་བའི་རྗེས་ལ་ལྷ་བྱིན་ཡང་སོང་ཞིག་བྱས་པས་ལྷ་བྱིན་མི་མ་ཡིན་པར་མི་སྟོན་པ་བཞིན་ནོ། །སྤྲོས་པས་ཆོག་གོ །གཉིས་པ་ལ་སྤྱོད་པ་གསུམ་གྱི་ངོ་བོ…

པའོ། །ཤིན་ཏུ་སྤྲོས་པ་མེད་པ་གང་ཞེ་ན། འདུ་འཛི་ཐམས་ཅད་རྣམ་པར་སྤངས་ནས་བསམ་གཏན་གྱི་ཟས་དང༌། གནས་པ་འབའ་ཞིག་དང༌། ཡེ་ཤེས་ཀྱི་ཕྱག་རྒྱ་དང་སྙོམ་པར་འཇུག་པ་ལ་གོམས་པས་ནི་ཤིན་ཏུ་སྤྲོས་པ་མེད་པ་སྟེ། ཞེས་གསུངས་སོ། །འདི་ལ་སྤྱོད་པ་གསུམ་པོ་དེ་བྱེད་པའི་གང་ཟག་གི་ཁྱད་པར་ནི་སྤྲོས་པ་ལ་དགའ་བའི་སེམས་ཆེ་ཆུང་དང༌། ན་ཚོད་དེ་ལང་ཚོ་ཁ…

གསུངས་སོ། །གཞན་ཡང་གང་ཟག་དེ་དང་དེའི་རིགས་ལ་དེ་རྣམས་ཕལ་ཆེར་དུ་ལེགས་པ་ཡིན་གྱི། ཚུལ་དེ་ལྟར་མཐའ་གཅིག་ཏུ་སྤྱོད་དགོས་པ་ནི་མ་ཡིན་ནོ། །བླ་མ་གོང་མ་རྣམས་དབང་པོ་དམན་འབྲིང་མཆོག་གསུམ་ལ་སྤྲོས་བཅས་སོགས་རིམ་པས་སྦྱོར་བར་མཛད་པ་ལ། དེ་མི་འཐད་དེ། བསྟན་པ་འདི་ལ་སྔགས་ཀྱི་གདུལ་བྱ་དབང་པོ་རྣོ་བའི་མཐར་ཐུག་རྒྱལ་པོ་ཨིནྡྲ་བྷོ་ཏི་ས…

སུ་དབྱུང་མི་རུང་ངོ༌། །ཞེས་སྐུར་བ་ཡང་ཡང་འདེབས་པ་ནི། ལོང་བས་མིག་ལྡན་ལ་ཁྱོད་ནི་ལོང་བ་སྟེ། མི་གྲལ་དུ་མི་ཚུད་དོ་ཞེས་ཟེར་བ་དང་འདྲའོ། །དེས་ན་འདིར་རིག་མའི་ཚོགས་དང་ལྷན་ཅིག་ཁོག་པ་རྗེས་པ་སྟེ། ལུས་གནས་འགྱུར་བའི་དཔེར་རྒྱལ་པོ་ཨིནྡྲ་བྷུ་ཏི་བླངས་ཀྱི། སྤྲོས་བཅས་ཀྱི་སྤྱོད་པའི་དཔེར་བླངས་པ་ནི་མ་ཡིན་ནོ། །སྤྱིར་ཡང་འཕགས་པ…

པོ་དགོས་པས་རིམ་པ་བཞིན་དུ་ཡོ་བྱད་ཆེ་བ་དང༌། ན་ཚོད་གཞོན་པ་དང༌། ཤེས་རབ་ཆེ་བ་དང༌། འདོད་ཆགས་ཆེ་བ་ལ་སྤྲོས་བཅས་ཀྱི་སྤྱོད་པ་ཞེས་གསུངས་ཏེ། གཞན་གཉིས་ལའང༌། དེས་རིགས་འགྲེ་ཤེས་པར་བྱའོ། །སྤྱོད་པ་གསུམ་པོ་དེ་ལ་དབྱེ་ན། ཆོ་གའམ་བྱ་བ་ལ་ལྟོས་པའི་སྤྱོད་པ་གསུམ་དང༌། སྒོམ་བསམ་ལ་ལྟོས་པའི་སྤྱོད་པ་གསུམ་དང༌། དུས་ལ་ལྟོས་པའི་སྤྱོད…

ལ་ལོངས་སྤྱོད་པ་སྟེ། འདི་ལ་རྣམ་རྟོག་མངོན་གྱུར་པ་མེད་པས་སྒོམ་བསམ་ཤིན་ཏུ་སྤྲོས་མེད་ཀྱི་སྤྱོད་པ་ཞེས་བྱ། སྣང་སྟོང་བདེ་བ་མཁའ་ཁྱབ་ཀྱི་ཚུལ་དུ་འབྱུང་ངོ༌། །འདི་དག་ལ་བྱ་བའི་སྒོ་ནས་སྤྲོས་བཅས་སོགས་གསུམ་ཆར་ཡོད་དོ། །གསུམ་པ་ནི་ཚོགས་སྤྱོད་ལ་དབྱེ་བ་ཡིན་ཏེ། སངས་རྒྱས་མཉམ་སྦྱོར་ལས། ཉིན་རེའང་ཟླ་བ་རེའམ། །དེ་བཞིན་ལོ་ནི་རེ་…

བརྒྱད་ཅེས་གུ་རུ་ལྷོ་ཕྱོགས་པ་གསུང་ངོ༌། །འོན་ཀྱང་མིང་གསལ་མ་སྦྱར་བས་སྤྲོས་བཅས་སྤྲོས་མེད་སོགས་ཀྱི་ཐ་སྙད་གཙོ་བོར་བྱ་བ་རྩོལ་བའི་ཆོ་ག་ལ་ལྟོས་པའི་གསུམ་པོ་ལ་འཇོག་ཅིང༌། སྐབས་འགར་སྒོམ་བསམ་ལ་འཇུག་པའང་མང་དུ་ཡོད་དོ། །རྒྱུད་ཀྱི་རྒྱལ་པོ་བདེ་མཆོག་འདིར་སྤྲོས་བཅས་ནི་ཚོགས་འཁོར་དང་ཆས་སྒྱུར་བ་དང༌། བརྡ་དང་བརྡའི་ལན་དང་ཞིང་…

པའི་དབྱེ་བ། སྤྱོད་པ་ཇི་ལྟར་སྤྱོད་ཚུལ་ལོ། །དང་པོ་ནི་རིམ་གཉིས་ཀྱི་ཏིང་འཛིན་ལེགས་པར་བརྟན་ཟིན་པའི་བོགས་འབྱིན་ལུས་ངག་ཡིད་གསུམ་གྱི་སྤྱོད་པ་ཁྱད་པར་ཅན་ཏེ། ཁྱད་པར་ཅན་གྱི་དོན་ཡང་ཇི་ལྟར་འདོད་པ་བཞིན་དུ་འདོད་ཡོན་ལ་མ་བཀག་པར་ཅི་བདེར་སྤྱོད་པས་སྔར་གི་བདེ་སྟོང་གི་ཡེ་ཤེས་ལེགས་པར་བརྟན་པ་དེ་ཉིད་གོང་ནས་གོང་དུ་འཕེལ་བར་བྱེ…

གསུམ་ཏེ་སྤྱིར་ལྔའོ། །རླུང་སེམས་ཙམ་གྱི་སྐུ་འགྲུབ་ཕྱིར་དུ་ངེས་པར་སྤྱོད་མི་དགོས་པ་དང༌། ཐུན་མོང་གི་གཉིས་པོའང་མཐའ་གཅིག་ཏུ་མི་དགོས་པས་ངེས་པར་དགོས་པའི་དུས་ནི་གཉིས་སོ། །འོན་ཀྱང་སྒྱུ་ལུས་འཕྲལ་དུ་འགྲུབ་འདོད་ན། རྫོགས་རིམ་པས་དྲོད་ཐོབ་མ་ཐག་ནས་སྤྱོད་པ་བྱའོ། ཁ་ཅིག་བསྐྱེད་རིམ་ཤིན་ཏུ་ཕྲ་བ་ལ་བརྟན་པ་ཐོབ་ནས་ཐུན་མོང་གི་…

པ་རྣམས་ཀྱང༌། གང་ཟག་དེའི་རྒྱུད་ལ་ཡོད་པའི་བསྐྱེད་པའི་རིམ་པའི་ཡེ་ཤེས་ཀྱི་འབྲས་བུ་ཡིན་པའི་ཕྱིར། བསྐྱེད་རིམ་གྱི་རིག་འཛིན་དུ་སྨོས་ཀྱི། བསྐྱེད་རིམ་པའི་གང་ཟག་ནི་མ་ཡིན་ཏེ། སྦྱོར་ལམ་ཙམ་ཡང་མ་ཐོབ་པའི་གང་ཟག་ལ་དེ་ལྟ་བུའི་ཡོན་ཏན་མི་འབྱུང་བའི་ཕྱིར། དེ་ལྟ་བུའི་ཡོན་ཏན་ཐོབ་ན། དེ་འདྲ་མ་ཐོབ་བའི་སྒྱུ་ལུས་གྲུབ་པ་ལས་འགྲོ་ད…

ཡང་སྐབས་གང་དུ་སྤྱོད་པ་གསུམ་གང་སྤྱད་ཀྱང་རུང་བར་སྨྲ་བ་ནང་འགལ་ཞིང༌། སྒྱུ་ལུས་རིག་མ་ལ་བརྟེན་ནས་སྒྲུབ་དགོས་ཀྱང༌། སྤྱོད་པ་དགོས་པས་མ་ཁྱབ་སྟེ་དེས་དྲོད་ཐོབ་ནས་འདོད་ན་སྤྱོད་པ་བྱེད་ཅེས་པས་རེ་ཤིག་དེ་ཙམ་འགྲུབ་པ་ལ་མི་འདོད་ན་སྤྱོད་པ་མ་བྱས་ཀྱང་རུང་བའི་ཚིག་གོ །སྤྱོད་པ་བྱེད་པ་སྤྱིའི་དུས་ནི། དྲོད་ཐོབ་པ་ཞེས་བྱ་བ་སྟེ། ད…

ལེགས་པར་གྲུབ་པ་དང༌། ཆེན་པོ་ནི་རྗེས་སུ་འཛིན་པའི་ལྟ་སྟངས་གྲུབ་པ་ཕན་ཆད་ཀྱི་ནུས་པའི་ཁྱད་པར་མཐའ་ཡས་པ་ཐོབ་པའོ། ཁ་ཅིག་ལྟ་སྟངས་བཞི་བསྐྱེད་རིམ་མཐར་ཕྱིན་པ་ནས་འགྲུབ་པ་དང༌། ཆོས་བརྒྱད་ཀྱི་རྟོགས་པ་མགོ་སྙོམས་པ་ཚོགས་ལམ་ནས་འབྱུང་བས་དྲོད་ཆུང་གི་རྣམ་གཞག་དེ་དག་མི་འཐད་ཅེས་སྨྲ་བ་ནི། རྒྱལ་པོའམ་རང་གི་བླ་མས་དགག་པ་བྱེད་དགོས་…

འདིར་རྣལ་འབྱོར་ལ་དགའ་བས་རབ་ཏུ་མགུ་བར་འགྱུར་བ་དང༌། གླགས་ཚོལ་བ་རྣམས་ཀྱིས་ཀྱང་འདི་ལ་མི་བཟོད་པ་དང༌། ཚར་གཅོད་པ་དང་རྗེས་སུ་འཛིན་པ་ནུས་པ་འདི་རྣམས་འགྱུར་བ་དང་གྲང་བ་རླུང་ལ་སོགས་པ་རྣམས་ཀྱིས་ཟིལ་གྱིས་མི་ནོན་པའོ། །ཞེས་ཚར་བཅད་རྗེས་བཟུང་ཐམས་ཅད་འགྲུབ་པར་བཤད་པ་མ་ཡིན་ནམ་ཞེ་ན། དེ་དྲོད་ཐོབ་པའི་རྟགས་སུ་བཤད་ཀྱི། དྲོད་ཐོ…