འཆི་བདག་བཟློག་བྱེད་ཀྱི་གྱེར་གཞུང་འཆི་བདག་གཡུལ་ལས་རྒྱལ་བའི་རུ་མཚོན་ཞེས་བྱ་བ་བཞུགས་སོ།།

ཨ་མྲྀ་ཏ་སིདྡྷི་པྲ་ཡཙྪ། མཁྱེན་བརྩེ་ནུས་པའི་འོད་ཟེར་འབུམ་ཕྲག་གིས། །འཆི་བདག་མུན་པའི་སྨག་རུམ་མཐར་མཛད་པའི། །ཚེ་དབང་རིགས་འཛིན་བརྙེས་པའི་པདྨ་འབྱུང་། །ལུས་ཅན་ཀུན་ལ་འཆི་མེད་དངོས་གྲུབ་སྩོལ། །གང་གི་ཟབ་གཏེར་ཨ་མྲའི་ཚལ་ཆེན་ལ། །ལྷ་བྲག་གཏེར་གྱི་འབྲས་བུ་སྨིན་པའི་བཅུད། །སྐལ་ལྡན་འགྲོ་ལ་སྟེར་མཁས་རྒོད་ལྡེམ་ཅན། །བརྒྱུད་པ…

རྐེད་བསེ་སྒྲོམ་སྨུག་པོའི་ལྷོ་གསེར་མཛོད་སེར་པོ་ནས་གདན་དྲགས་པའི་འཆི་བདག་ནག་པོ་བཟློག་བྱེད་ཀྱི་གྱེར་གཞུང་གི་རིམ་པ་ཁྲིགས་སུ་བསྡེབས་པ་ནི། ལག་ལེན་དང་ཆོ་གའི་ཆ་ལག་རྣམས་བླ་མའི་ཕྱག་ལེན་གྱིས་བརྒྱན་ཏེ་མངོན་པར་འདུ་བྱས་ལ། ངག་འདོན་དངོས་ནི། ཐུགས་སྒྲུབ་ཀྱི་ལས་བྱང་གཞུང་བསྲང་། བཀའ་སྲུང་གི་བསྐང་གསོ། །ཚོགས་ཐམ་རྩ་གསུམ་བསྐ…

བཟེད་བསྣམས། །མཚན་དང་དཔེ་བྱད་ལྡན་པར་བཞུགས། །ཐལ་མོ་ཁོང་སྟོང་ཕྱག་རྒྱའི་ནང་། །ཨ་དཀར་འོད་འཕྲོས་དངོས་འཛིན་སྦྱངས། །ཨཱོཾ་སྭ་བྷཱ་ཝ་ཤུདྡྷཱཿསརྦ་དྷརྨཱ༔སྭ་བྷཱ་ཝ་ཤུདྡྷོ྅ཧཾ། སྔགས་འདི་ལན་བདུན་བརྗོད་པའི་མཐུས། །སྣོད་བཅུད་དངོས་འཛིན་དག་གྱུར་ཅིག །དེ་ཡི་མཚམས་ཀྱི་པད་འདབ་ལ། །སྤེལ་བའི་ལྷ་ནི་རྣམ་སྣང་དཀར། །ཕྱག་ན་འཁོར་ལོ་དྲིལ་…

ཎ་ར་སྨི་བྷ་ཝ་མ་ཧཱ་མ་ཎི་དུ་རུ་དུ་རུ་ཧྲྀ་ད་ཡ་ཛ་ལ་ནི་སྭཱཧཱ། སྔགས་འདི་ལན་བདུན༝། མགྲོན་ཀུན་དགྱེས་ཤིང་ཚིམ་གྱུར་ཅིག །དེ་ཡི་མཚམས་ཀྱི༝། །དབང་ཆེན་ཕྱག་རྡོར་ལྗང་དམར་ནི། །ཕྱག་མཚན་རྡོ་རྗེ་དྲིལ་བུ་བསྣམས། །མཚན་དང་དཔེ་བྱད་ལྡན་པར་བཞུགས། །སོར་བསྣོལ་ཕྱག་རྒྱ་ཛ་དམར་ལས། །འོད་འཕྲོས་མགྲོན་བཞིའི་མཐུ་སྟོབས་བསྡུས། །ན་མསྶ་མནྟ་བ…

བཞིན་འགྲུབ་གྱུར་ཅིགཿ ལན་གསུམ་བརྗོད་དེ་གཞུང་བཞིན་རྫོངཿ རྒྱས་པར་སྤྲོ་ན་གླུད་རབས་གཞན་ནས་འབྱུང་བ་ལྟར་བྱས་ཀྱང་རུང་བར་སེམས་སོ། །སློབ་དཔོན་གྱིས་སྲུང་སྔགས་བཟླ་ཞིང་སྲུང་འཁོར་བསྒོམ། །བླ་མ་གཤིན་རྗེ་གཤེད་དུ་གསལ་གདབ་པ་ནི། རང་ཉིད་བླ་མ་རྡོ་རྗེ་དྲག་རྩལ་དུ། །གསལ་བ་སྐད་ཅིག་ཙམ་གྱིས་གནས་འགྱུར་ཏེ། །གྲུ་གསུམ་མཐིང་ནག་མཁའ་…

བྱེད་འབར་བ་སེར་ནག་གཡས་པ་ན། །གསེར་གྱི་བེ་ཅོན་གཡོན་པ་འཁོར་ལོ་འཛིན། །རྒྱབ་ཀྱི་གདན་སྟེང་དུ་ད་ཡིག་ཡོངས་གྱུར་ལས། ཁྲོ་བོ་ཨརྱ་དམར་པོ་གཡས་པ་ན། །ཟངས་ཀྱི་བེ་ཅོན་གཡོན་པ་འཁོར་ལོ་འཛིན། །གཡོན་གྱི་གདན་སྟེང་ཀྵེ་ཡིག་ཡོངས་གྱུར་ལས། །རལ་པ་ཚར་དགུ་ལྗང་ནག་གཡས་པ་ན། །གཡུ་ཡི་བེ་ཅོན་གཡོན་པ་འཁོར་ལོ་འཛིན། །རྣམ་འགྱུར་རྒྱན་ཆ་གཙོ་བ…

ཀྱི་ཉྭ་སུམ་རེ་རེ་ལ། །རྒྱང་གྲགས་གསུམ་གྱི་ཚད་དང་རྣམ་པར་ལྡན། །ཡན་ལག་བཞི་ཡི་སེན་མོ་རྣོ་ངར་ཅན། །ལྕགས་ཀྱུ་བཀུག་པ་ལྟ་བུར་རབ་ཏུ་འཇིགས། །གཡས་པ་འཇིག་རྟེན་མ་ལུས་འདེགས་ནུས་པའི། །ཕུང་བར་བྱེད་པའི་བདུད་ཀྱི་ཁྲམ་ཤིང་དང་། །སྐྱེ་འགྲོ་འཆིང་བའི་ཞགས་པ་ནག་པོ་ཐོགས། །གཡོན་པ་སྲོག་རྩ་མ་ལུས་གཅོད་བྱེད་པའི། །རལ་གྲི་སོ་གཅིག་པ་ནི་…

གཤིན་རྗེ་ཡི། །གྲངས་མེད་འཁོར་གྱིས་ཡོངས་སུ་བསྐོར་བར་གྱུར། །ཨཱོཾ་བཛྲ་ཏྲི་ཀ་ཎ་ཁངྒ་ཧཱུཾ། ཞེས་བཟླས་ཤིང་ཐུན་སྒྲུབ། མི་བཟད་རྣོ་ངར་ལྡན་པ་ཡིས། །ཐུན་ནག་བྲབས་པས་ས་གཞི་གས། །མཐའ་ཡི་རྒྱ་མཚོ་ཆེར་ནག་པ། །མེར་མེར་མངོན་སུམ་གསལ་བར་གྱུར། །ཡང་སྔར་གྱི་སྔགས་དང་བཅས་ཏེ་ཐུན་རྡེག །ཛ། རང་ཉིད་གཤིན་རྗེ་གཤེད་གསལ་བའི། །ཐུགས་ཀ་ལས་འཕྲ…

མོ་ཐོགས་ནས་འདི་སྐད་ཅེས་བརྗོད་དོ། །ཧཱུཾ། ཡ་ལས་གྲུབ་པའི་སྟོབས་པོ་ཆེ། །དུ་ལས་གྲུབ་པའི་རྫུ་འཕྲུལ་ཅན། ཁམས་གསུམ་སྲིད་པའི་དབང་པོ་ཆེ། །མ་རུངས་དྲེགས་པ་ཀུན་གྱི་རྗེ། །འབྱུང་བའི་འཁོར་ལོས་ཐམས་ཅད་འཇོམས། །སྐྱེ་འགྲོའི་ཤ་ཁྲག་དབུགས་ལ་ཟ། །སྲོག་འཕྲོག་གཤིན་རྗེ་ནག་པོ་ནི། །སྐུ་མདོག་མཐིང་ནག་མུན་རུམ་འཁྱིལ། །སྤྱན་གསུམ་ཁྲོ་གཉ…

ཐམས་ཅད་ད་ལྟ་ཉིད་དུ་འཇལ་བར་བགྱི། །ཚེ་དང་སྲོག་ལ་བར་དུ་གཅོད་པ་ཐམས་ཅད་ཞི་བར་གྱུར་ཅིག །ལུས་ངག་ཡིད་གསུམ་བར་དུ་གཅོད་པའི་རྐྱེན་དུ་འགྲོ་བ། འགལ་བར་བྱེད་པའི་ལས་གང་ཡང་མ་བྱེད་ཅིག །ལན་གསུམ་བརྗོད། ལན་ཆགས་འཇལ་རྒྱའི་ཡས་རྣམས་སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབས། འབྲུ་སྣ་བཏུང་བའི་བྱེ་བྲག་རྣམས། །བྲེ་ལ་གཞལ་ཏེ་འབུལ…

འཛིན་མེད་ལ། །འཁོར་བ་མྱ་ངན་འདས་པར་རོ་གཅིག་པས། །གནོད་བྱ་གནོད་བྱེད་གནོད་པའི་ཡུལ་ལ་སོགས། །རྡུལ་ཕྲན་ཙམ་ཡང་གྲུབ་པ་ག་ལ་ཞིག །འཛིན་མེད་འཛིན་པ་ཞུགས་པའི་འཁྲུལ་ངོ་རུ། །ལུས་སྲོག་ལོངས་སྤྱོད་དེ་འཇོམས་དགྲ་བགེགས་སོགས། །སྒྱུ་མའི་རོལ་པ་ཇི་བཞིན་སྣང་བ་ཀུན། །རྟེན་འབྲེལ་ཐབས་ཀྱིས་མི་བཟློག་གང་ཡང་མེད། །འདོད་ཆགས་ཞེ་སྡང་གཏི་མུ…

སྨྲས་པའི་ལན། །ཁྱོད་ནི་འཇིག་རྟེན་འཁྲུལ་པའི་བདག་པོ་སྟེ། །ང་ནི་འཁོར་འདས་ཀུན་ལ་དབང་སྒྱུར་བས། །གནམ་ལྕགས་འབར་བའི་བེ་ཅོན་འདི་བརྒྱབ་ན། ཁྱེད་ཀྱང་ཐལ་བའི་རྡུལ་དུ་བརླག་པར་འགྱུར། །འཇིགས་མེད་རྡོ་རྗེའི་ཚིག་དེ་ཐོས་པ་ན། །ཞུམ་བཞིན་སྐྲག་ནས་སློབ་དཔོན་ཞབས་ལ་གཏུགས། །རྫས་སྔགས་ཏིང་འཛིན་འཁྲུལ་འཁོར་ལ་བརྟེན་ནས། །འཆི་བདག་བཟློག…

དཀར་ནག་སྤོས། །བདུད་ཀྱི་ཞགས་པས་བཅིངས་ན་མདུད་པ་ཁྲོལ། །བྱད་དུ་བཅུག་ན་བྱད་ཐག་མྱུར་དུ་ཆོད། །འདི་ལ་དུས་མིན་འཆི་བའི་ལྟས་ཡིན་ན། །བཅུ་གསུམ་བར་དུ་མི་འཆི་བཤོལ་ཐོབ་ཅིག །གལ་སྲིད་དུས་ལ་བབ་ཅིང་ཚེ་ཟད་ཀྱང་། །ལོ་གསུམ་བར་དུ་མི་འཆི་བཤོལ་ཐོབ་ཅིག །བསྒོ་བའི་བཀའ་ལ་ཉན་པར་མི་བྱེད་ན། ཁས་བླགས་དམ་བཅའ་ཉམས་པའི་བཀའ་ཆད་དང་། །རྩ་བ་ག…

མ་འདི་ལོང་ལ། །འདི་ནས་ལྷོ་ཡི་ཕྱོགས་སུ་བསྐྱོད། །དཔག་ཚད་བརྒྱད་ཁྲི་བཞི་སྟོང་གི །ཕ་རོལ་རྒྱ་མཚོ་ནག་པོའི་གཏིང་། །ཉི་མ་ཟླ་བ་མེད་པའི་གནས། །མུན་རུམ་འཁྱིལ་བའི་ནང་ཤེད་ན། །འཆི་བདག་གཤིན་རྗེའི་རང་ཡུལ་ཡོད། །སྐྱོད་ཅིག་གཤིན་རྗེ་དེ་རུ་སྐྱོད། །གཤེགས་ཤིག་འཆི་བདག་འཁོར་བཅས་གཤེགས། །བགེགས་ཀྱི་རྒྱལ་པོ་ད་སྐྱོད་ཅིག །ལན་གསུམ་བར…

།རྒྱ་བདུན་བཏབ་པ་ཚུན་ཆད་དུ། །སྣང་སྲིད་འཁོར་འདས་དགྲར་ལངས་ཀྱང་། །དགྲ་ཞེས་བྱ་བའི་མིང་ཡང་མེད། །བགེགས་ཞེས་བྱ་བའི་མིང་ཡང་མེད། །རྒྱ་བདུན་མཚམས་ལས་མ་འདའ་ཞིག །ཨཻ་རིང་གི་སྲུང་སྔགས་བརྗོད། མེ་ཆུས་རྒྱས་བཏབ་བོ། །དེ་ནས་དཀྱིལ་འཁོར་བསྡུས། གཤིན་རྗེའི་བཤུལ་ལམ་དུ། ཧཱུཾ། སྲ་མཁྲེགས་རྡོ་རྗེ་འབར་བའི་རྒྱ་གྲམ་གྱིས། །གོ་སྐབས་མེ…

བསྐལ་པ་བཟང་། །དགེ་འདིས་བདག་གཞན་འགྲོ་བ་ཀུན། །འཇིག་རྟེན་གསུམ་གྱི་མངའ་བདག་གིས། །དུས་ཀྱི་ཆད་པ་ལས་ཐར་ཏེ། །འཆི་མེད་རྡོ་རྗེའི་སྐུ་ཐོབ་ཤོག །ཅེས་ལྷ་བྲག་གཏེར་བྱོན་གྱི། འཆི་བདག་བཟློག་པའི་གྱེར་གཞུང་འཆི་བདག་གཡུལ་ལས་རྒྱལ་བའི་རུ་མཚོན་ཞེས་པ་འདི་ནི་སའི་ཚངས་པ་བསྟན་འཛིན་ཆོས་ཀྱི་རྒྱལ་པོའི་སྐུ་རིམ་བསྒྲུབ་པ་ལ་མངོན་དུ་ཕྱོ…